ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Прокуратура. Адлия органлари. Нотариат. Адвокатура. Юридик хизмат / Адвокатура /

Ўзбекистон Республикаси Вазирлар Маҳкамасининг 27.05.2008 й. 112-сон "Ўзбекистон Республикаси Адвокатлар палатаси фаолиятини ташкил этиш тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

27.05.2008 й.

N 112


ЎЗБЕКИСТОН РЕСПУБЛИКАСИ

АДВОКАТЛАР ПАЛАТАСИ ФАОЛИЯТИНИ

ТАШКИЛ ЭТИШ ТЎҒРИСИДА



Ўзбекистон Республикаси Президентининг "Ўзбекистон Республикасида адвокатура институтини янада ислоҳ қилиш чора-тадбирлари тўғрисида" 2008 йил 1 майдаги ПФ-3993-сон Фармонини бажариш юзасидан ҳамда Ўзбекистон Адвокатлар ассоциацияси негизида Ўзбекистон Республикаси барча адвокатларининг мажбурий аъзолигига асосланган Ўзбекистон Республикаси Адвокатлар палатаси ташкил этилиши муносабати билан Вазирлар Маҳкамаси ҚАРОР ҚИЛАДИ:


1. Қуйидагилар маълумот учун қабул қилинсин:

Ўзбекистон Республикаси Адвокатлар палатасининг илова қилинаётган ташкилий тузилмасига мувофиқ Конференция Палатанинг юқори органи, Бошқарув - ижро этувчи органи, Тафтиш комиссияси эса молиявий назорат органи ҳисобланади;

Ўзбекистон Республикаси Адвокатлар палатасининг раиси ва унинг ўринбосарлари Ўзбекистон Республикаси Адлия вазирлигининг тақдимномасига кўра Конференция сайлаган Ўзбекистон Республикаси Адвокатлар палатаси Бошқаруви аъзолари орасидан беш йил муддатга Ўзбекистон Республикаси Адвокатлар палатаси Конференцияси томонидан сайланади;

Қорақалпоғистон Республикасида, вилоятлар ва Тошкент шаҳрида юридик шахс мақомига эга бўлган, Ўзбекистон Республикаси Адвокатлар палатаси томонидан тасдиқланадиган низомлар асосида фаолият кўрсатадиган Ўзбекистон Республикаси Адвокатлар палатасининг ҳудудий бошқармалари ташкил этилади;

Ўзбекистон Республикаси Адвокатлар палатаси ҳудудий бошқармаларининг раҳбарлари (тегишли ҳудудда фаолият кўрсатаётган адвокатлар орасидан) Ўзбекистон Республикаси Адвокатлар палатасининг раиси томонидан лавозимга тайинланади ва лавозимдан озод қилинади.


2. Ўзбекистон Республикаси Адлия вазирлиги Ўзбекистон Адвокатлар ассоциацияси билан биргаликда икки ой муддатда:

Ўзбекистон Республикаси Адвокатлар палатасининг таъсис Конференциясини ўтказсин, унда устав тасдиқланишини, Бошқарув ва Тафтиш комиссияси шакллантирилишини, шунингдек Ўзбекистон Республикаси Адвокатлар палатасининг раиси ва унинг ўринбосарлари сайланишини назарда тутсин;

Ўзбекистон Республикаси Адвокатлар палатасининг белгиланган тартибда давлат рўйхатидан ўтказилишини таъминласин.


3. Қуйидагилар:

адвокатларнинг Ўзбекистон Республикаси Адвокатлар палатаси Конференцияси томонидан белгиланадиган миқдордаги кириш ва аъзолик бадаллари;

қонун ҳужжатларида тақиқланмаган бошқа тушумлар Ўзбекистон Республикаси Адвокатлар палатаси фаолиятини молиялаштириш манбалари этиб белгилансин.

Кўрсатиб ўтилган маблағлардан фақат Палатанинг уставдаги фаолиятини амалга ошириш учун фойдаланилади ҳамда улар Ўзбекистон Республикаси Адвокатлар палатаси аъзолари ўртасида тақсимланмайди.


4. Тошкент шаҳар ҳокимлиги Ўзбекистон Республикаси Адлия вазирлиги билан биргаликда бир ой муддатда Ўзбекистон Республикаси Адвокатлар палатасининг жойлаштирилишини таъминласин.

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Ўзбекистон Республикаси Адвокатлар палатаси ҳудудий бошқармаларининг жойлаштирилишини таъминласинлар.


5. Ўзбекистон алоқа ва ахборотлаштириш агентлиги Ўзбекистон Республикаси Адвокатлар палатасини зарур алоқа воситалари, шу жумладан Ҳукумат алоқаси воситалари билан таъминласин.

6. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклансин.



Ўзбекистон Республикасининг Бош вазири                     Ш. Мирзиёев






Вазирлар Маҳкамасининг

2008 йил 27 майдаги

112-сон қарорига

ИЛОВА



Ўзбекистон Республикаси Адвокатлар палатасининг

ТАШКИЛИЙ ТУЗИЛМАСИ










КОНФЕРЕНЦИЯ

































































































Палата раиси



Тафтиш комиссияси













































































Бошқарув

































































































Ҳудудий бошқармалар



















































































































































































Адвокатлик тузилмалари
























































































     


"Ўзбекистон Республикаси қонун ҳужжатлари тўплами", 2008 йил, 22-23-сон, 201-модда.































































Время: 0.1631
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск