Ўзбекистон Республикаси Вазирлар Маҳкамасининг 31.05.2008 й. 115-сон "Тошкент шаҳрида Сингапур менежментни ривожлантириш институти фаолиятини ташкил этишга оид қўшимча чора-тадбирлар тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

31.05.2008 й.

N 115

ТОШКЕНТ ШАҲРИДА СИНГАПУР

МЕНЕЖМЕНТНИ РИВОЖЛАНТИРИШ

ИНСТИТУТИ   ФАОЛИЯТИНИ   ТАШКИЛ

ЭТИШГА ОИД ҚЎШИМЧА ЧОРА-ТАДБИРЛАР

ТЎҒРИСИДА

Ўзбекистон Республикаси Президентининг "Тошкент шаҳрида Сингапур менежментни ривожлантириш институти фаолиятини ташкил этиш тўғрисида" 2007 йил 5 сентябрдаги ПҚ-691-сон қарорини бажариш юзасидан ҳамда Тошкент шаҳридаги Сингапур менежментни ривожлантириш институтининг барча бино ва иншоотлар комплекси қурилишини, реконструкция қилинишини, капитал таъмирланишини, зарур асбоб-ускуналар билан жиҳозланишини ўз вақтида тугаллаш, шунингдек унинг 2008-2009 ўқув йили бошлангунгача фойдаланишга топширилишини таъминлаш мақсадида Вазирлар Маҳкамаси ҚАРОР ҚИЛАДИ:

1. Қуйидагилар:

Ўзбекистон Республикаси Президентининг "Тошкент шаҳрида Сингапур менежментни ривожлантириш институти фаолиятини ташкил этиш тўғрисида" 2007 йил 5 сентябрдаги ПҚ-691-сон қарорига мувофиқ Тошкент шаҳридаги Сингапур менежментни ривожлантириш институти 5 йил муддатга, шу жумладан институтни жиҳозлаш ва фаолият кўрсатиши учун республикага келтирилаётган асбоб-ускуналар, мультимедия маҳсулотлари, адабиётлар, инвентарлар ва моддий-техника ресурсларини олиб киришда солиқларнинг барча турларидан ва божхона тўловларидан (божхона расмийлаштируви йиғимларидан ташқари) озод қилинганлиги;

"Тошкент шаҳридаги Сингапур менежментни ривожлантириш институти" объекти бўйича "ЎзшаҳарсозликЛИТИ" очиқ акциядорлик жамияти - бош лойиҳачи, "12-трест" очиқ акциядорлик жамияти - бош пудратчи этиб белгиланганлиги маълумот учун қабул қилинсин.

2. "Тошкент шаҳридаги Сингапур менежментни ривожлантириш институти" объекти бўйича бош лойиҳачи ва бош пудратчилар томонидан бажариладиган ва буюртмачиларга - Ўзбекистон банклар ассоциацияси ва Тошкент шаҳридаги Сингапур менежментни ривожлантириш институтига тўлов учун тақдим қилинадиган лойиҳа-қидирув ва қурилиш ишлари учун қўшилган қиймат солиғи бўйича "ноль ставкаси" қўлланилсин.

3. "Тошкент шаҳридаги Сингапур менежментни ривожлантириш институти" объекти бўйича бош пудратчи ва унинг субпудратчи ташкилотлари, истисно тариқасида, Ўзбекистон Республикаси Вазирлар Маҳкамаси томонидан тасдиқланадиган рўйхат бўйича ушбу объектни реконструкция қилиш ва жиҳозлаш учун улар томонидан келтириладиган асбоб-ускуналар, қурилиш материаллари ва мебеллар учун божхона тўловлари (божхона расмийлаштируви йиғимларидан ташқари) тўлашдан озод қилинсин.

4. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклансин.

Ўзбекистон Республикасининг Бош вазири                                 Ш.Мирзиёев

"Ўзбекистон Республикаси қонун ҳужжатлари тўплами", 2008 йил, 22-23-сон, 203-модда.