Ички ишлар вазирининг 30.05.2008 й. 88-сон "Йўл ҳаракати қоидаларини бузилишига доир маъмурий ишларни кўриб чиқишни ташкил этиш ҳақидаги йўриқномага қўшимчалар киритиш тўғрисида"ги Буйруғи (АВ томонидан 18.06.2008 й. 933-4-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

18.06.2008 й.

N 933-4

ЎЗБЕКИСТОН РЕСПУБЛИКАСИ

ИЧКИ ИШЛАР ВАЗИРИНИНГ

30.05.2008 й.

N 88

БУЙРУҒИ

Йўл ҳаракати қоидаларини бузилишига доир

маъмурий ишларни кўриб чиқишни ташкил этиш

ҳақидаги йўриқномага қўшимчалар киритиш тўғрисида

(2009 йил 24 январдан кучга киради)

Ўзбекистон Республикасининг 2008 йил 21 апрелдаги "Транспорт воситалари эгаларининг фуқаролик жавобгарлигини мажбурий суғурта қилиш тўғрисида"ги Ўзбекистон Республикаси Қонуни қабул қилинганлиги муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш ҳақида"ги Қонунига мувофиқ БУЮРАМАН:

1. Ўзбекистон Республикаси Ички ишлар вазирининг 2000 йил 23 апрелдаги 87-сон буйруғи билан тасдиқланган "Йўл ҳаракати қоидаларини бузилишига доир маъмурий ишларни кўриб чиқишни ташкил этиш ҳақидаги йўриқнома"га (2000 йил 9 июнь, рўйхат рақами 933 - Меъёрий ҳужжатлари ахборотномаси 2000 йил, 12-сон) иловага мувофиқ қўшимчалар киритилсин.

2. Мазкур буйруқ Ўзбекистон Республикаси Адлия вазирлигида давлат рўйхатидан ўтказилгандан кейин "Транспорт воситалари эгаларининг фуқаролик жавобгарлигини мажбурий суғурта қилиш тўғрисида"ги Ўзбекистон Республикаси Қонуни кучга киргандан сўнг уч ой ўтгач кучга киради.

Ички ишлар вазири                                                              Б. Матлюбов

Буйруққа

ИЛОВА

Йўл ҳаракати қоидаларини бузилишига доир маъмурий

ишларни кўриб чиқишни ташкил этиш тўғрисидаги

йўриқномага киритиладиган қўшимчалар

1. 3.3-банд "135-моддасида" деган сўзлардан кейин "135-1-моддасида" деган сўзлар билан тўлдирилсин.

2. 3.4-банд "135-моддаси биринчи қисмида" деган сўзлардан кейин "135-1-моддасида" деган сўзлар билан тўлдирилсин.

3. 3.5-банд "135-моддаси биринчи қисмида" деган сўзлардан кейин "135-1-моддасида" деган сўзлар билан тўлдирилсин.

4. 3.7-бандда:

биринчи хатбошиси "135" рақамидан кейин "135-1" рақами билан тўлдирилсин;

қуйидаги мазмундаги изоҳ билан тўлдирилсин:

"Изоҳ: Кодекснинг 135-1-моддасида назарда тутилган ҳуқуқбузарлик содир этилганда суғурта идораларининг ҳуқуқбузарлик аломати бартараф этилганлиги ҳақидаги тегишли маълумоти тақдим этилгандан сўнг транспорт воситасини қўйиб юборишга рухсат берилиши мумкин".

5. 3.23-банднинг учинчи хатбошиси "135-моддасида" деган сўзлардан кейин "135-1-моддасида" деган сўзлар билан тўлдирилсин.

"Ўзбекистон Республикаси қонун ҳужжатлари тўплами", 2008 йил, 24-25-сон, 246-модда.