Ўзбекистон Республикаси Президентининг 11.11.2008 й. ПҚ-996-сон "Халқаро шартномаларни тасдиқлаш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

11.11.2008 й.

N ПҚ-996

ХАЛҚАРО ШАРТНОМАЛАРНИ

ТАСДИҚЛАШ ТЎҒРИСИДА

1. 2008 йил 21 июль куни Тошкент шаҳрида имзоланган:

Ўзбекистон Республикаси Ҳукумати билан Қувайт Давлати Ҳукумати ўртасида ҳамкорлик бўйича Қўшма қўмита тузиш тўғрисидаги Битим;

Ўзбекистон Республикаси Ҳукумати билан Қувайт Давлати Ҳукумати ўртасида туризм соҳасида ҳамкорлик тўғрисидаги Битим;

Ўзбекистон Республикаси Ҳукумати билан Қувайт Давлати Ҳукумати ўртасида соғлиқни сақлаш соҳасида ҳамкорлик тўғрисидаги Битим;

Ўзбекистон Республикаси Ҳукумати билан Қувайт Давлати Ҳукумати ўртасида нефть ва газ соҳасида ҳамкорлик тўғрисидаги Англашув меморандуми;

Ўзбекистон Республикаси Ҳукумати билан Қувайт Давлати Ҳукумати ўртасида атроф-муҳитни муҳофаза қилиш ва барқарор ривожланиш учун табиий ресурсларни сақлаб қолиш соҳасида ҳамкорлик тўғрисидаги Англашув меморандуми тасдиқлансин.

2. Ўзбекистон Республикаси Ташқи ишлар вазирлиги Ўзбекистон Республикаси мазкур халқаро шартномалар кучга кириши учун зарур бўлган ички давлат тартиб-қоидаларини бажаргани тўғрисида тегишли билдиришнома йўлласин.

3. Ўзбекистон Республикаси Вазирлар Маҳкамаси ҳамда тегишли вазирлик ва идоралар раҳбарлари ушбу халқаро шартномалар кучга киргандан кейин Ўзбекистон Республикасининг мажбуриятлари бажарилиши устидан белгиланган тартибда назоратни таъминласинлар.

4. Мазкур қарорнинг ижросини назорат қилиш Ўзбекистон Республикаси Бош вазири Ш.М. Мирзиёев зиммасига юклансин.

Ўзбекистон Республикаси Президенти                                 И. Каримов

"Ўзбекистон Республикаси қонун ҳужжатлари тўплами", 2008 йил, 46-сон, 452-модда.