ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Давлат ҳуқуқий тизими асослари / Ўзбекистон Республикаси Вазирлар Маҳкамаси (Ҳукумат) / Вазирлар Маҳкамасининг комиссиялари ва органлари /

Ўзбекистон Республикаси Вазирлар Маҳкамаси ҳузуридаги Транспорт ва транспорт коммуникациялари масалалари бўйича махсус комиссия тўғрисида Низом (ЎзР ВМ 06.03.2009 й. 57-сон қарорига 2-илова)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

Вазирлар Маҳкамасининг

2009 йил 6 мартдаги

57-сон қарорига

2-ИЛОВА



Ўзбекистон Республикаси Вазирлар Маҳкамаси

ҳузуридаги Транспорт ва транспорт коммуникациялари

масалалари бўйича махсус комиссия тўғрисида

НИЗОМ


I. УМУМИЙ ҚОИДАЛАР


1. Ушбу Низом Ўзбекистон Республикаси темир йўл, ҳаво, автомобиль ва дарё транспорти фаолиятини мувофиқлаштириш, юк ва йўловчилар ташишни оптималлаштириш, самарадорлигини ошириш ва уни мақбуллаштириш, транспорт ва транспорт коммуникациялари комплексини жадал ривожлантириш ва барқарор фаолият кўрсатишини таъминлаш, транспортда юк ташиш ва трансмиллий транспорт йўлакларини ривожлантириш соҳасида халқаро ҳамкорликни кенгайтириш мақсадида ташкил этилган Ўзбекистон Республикаси Вазирлар Маҳкамаси ҳузуридаги Транспорт ва транспорт коммуникациялари масалалари бўйича махсус комиссия (кейинги ўринларда Махсус комиссия деб аталади) фаолиятини тартибга солади.


2. Махсус комиссия ўз фаолиятида Ўзбекистон Республикаси қонунларига, Ўзбекистон Республикаси Олий Мажлиси палаталари қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, ушбу низомга ва бошқа қонун ҳужжатларига амал қилади.


3. Махсус комиссиянинг ўз ваколатлари доирасида қабул қилган қарорлари давлат ва хўжалик бошқаруви органлари, маҳаллий давлат ҳокимияти органлари, хўжалик юритувчи субъектлар, мансабдор шахслар томонидан бажарилиши мажбурий ҳисобланади.


4. Махсус комиссияга юкланган функцияларни ва унинг жорий фаолиятини амалга ошириш учун тегишли транспорт тармоқлари ва бошқа манфаатдор давлат ва хўжалик бошқаруви органларининг юқори малакали мутахассисларидан иборат ишчи гуруҳ ташкил этилади. Ишчи гуруҳ таркиби Махсус комиссия томонидан тасдиқланади.


5. Махсус комиссия ўз фаолиятини ҳар йили тасдиқланадиган иш режасига мувофиқ тизимли асосда йиғилишлар ўтказиш йўли билан амалга оширади. Махсус комиссия фаолиятини ташкилий-техник жиҳатдан таъминлаш ишчи гуруҳ, шунингдек манфаатдор давлат ва хўжалик бошқаруви органлари томонидан амалга оширилади.



II. МАХСУС КОМИССИЯНИНГ

ВАЗИФАЛАРИ ФУНКЦИЯЛАРИ


6. Қуйидагилар Махсус комиссиянинг асосий вазифалари ҳисобланади:

Республика ягона уйғун транспорт тизимини истиқболда ривожлантириш комплекс концепцияларини ишлаб чиқиш ва амалга ошириш йўли билан темир йўл, ҳаво, автомобиль ва дарё транспортини ривожлантиришни мувофиқлаштириш;

транспорт тармоқлари ва логистика тизимини ривожлантириш, янги транспорт коммуникацияларини жадал қуриш, уларнинг қатнаш имкониятларини ошириш ва улардан самарали фойдаланишни таъминлаш бўйича таклифларни кўриб чиқиш;

транспорт коммуникацияларини қуриш, реконструкция ва модернизация қилиш, ҳаракатдаги таркибни янгилаш учун инвестицияларни, шу жумладан, хорижий инвестицияларни жалб қилишда кўмаклашиш, шунингдек инвестиция лойиҳаларининг амалга оширилиши мониторингини олиб бориш;

хорижий давлатлар билан икки томонлама ва кўп томонлама асосда халқаро транспорт йўлакларини самарали ривожлантириш бўйича таклифлар ишлаб чиқиш ва тадбирларни амалга оширишда иштирок этиш.


7. Белгиланган вазифаларни бажариш учун Махсус комиссия қуйидаги функцияларни бажаради:

темир йўл, ҳаво, автомобиль ва дарё транспортининг фаолиятини ўзаро мувофиқлаштиради;

транспорт ва логистика тизимини, транзит транспорт йўлакларини мувозанатли ривожлантириш бўйича комплекс дастурлар ишлаб чиқилишини ва амалга оширилишини ташкил этади;

инвестицияларни, шу жумладан, хорижий инвестицияларни жалб қилиш масалалари бўйича транспорт тармоқлари фаолиятини мувофиқлаштиради, инвестиция лойиҳаларининг амалга оширилиши мониторингини олиб боради;

транспорт ва транспорт коммуникациялари соҳасида икки томонлама ва кўп томонлама халқаро шартномаларни, шунингдек транспорт тармоқларида келишилган тариф сиёсатини ўтказиш юзасидан таклифларни ишлаб чиқишда иштирок этади.



III. МАХСУС КОМИССИЯНИНГ

ҲУҚУҚ ВА МАЖБУРИЯТЛАРИ


8. Қўйилган вазифаларни бажариш учун Махсус комиссия қуйидаги ҳуқуқларга эга:

давлат ва хўжалик бошқаруви органлари, маҳаллий давлат ҳокимияти органлари, хўжалик юритувчи субъектлардан Махсус комиссияга юкланган вазифаларни бажариш учун зарур бўлган ахборотларни олиш;

Махсус комиссия ишига давлат ва хўжалик бошқаруви органлари мутахассисларини жалб этиш;

транспорт тузилмалари фаолиятини такомиллаштириш ва мақбуллаштириш, республика ҳудудида ҳамда унинг ташқарисида юк ва йўловчилар ташиш самарадорлигини ошириш юзасидан таклифлар киритиш.


9. Махсус комиссия ўз қарорларининг ўз вақтида бажарилиши устидан назорат ва мониторинг олиб бориши шарт.



IV. МАХСУС КОМИССИЯ

ФАОЛИЯТИНИ ТАШКИЛ ЭТИШ


10. Махсус комиссияга раис бошчилик қилади, раис унинг ишига раҳбарлик қилади, Махсус комиссиянинг иш режасини ва бошқа ҳужжатларини тасдиқлайди.


11. Махсус комиссия йиғилишлари иш режасига мувофиқ ёхуд заруриятга кўра ўтказилади. Махсус комиссия йиғилишларини раис олиб боради, у жойида бўлмаган тақдирда Махсус комиссия раисининг ўринбосари олиб боради.


12. Махсус комиссия йиғилиши ўтказиладиган сана, вақти ва жойи тўғрисидаги хабар, шунингдек йиғилиш материаллари Махсус комиссия аъзоларига йиғилишдан камида икки кун олдин юборилади.


13. Махсус комиссиянинг узрли сабабларга кўра йиғилишда қатнашмаган аъзолари ўрнига уларнинг ваколатли вакиллари овоз бериш ҳуқуқисиз қатнашишлари мумкин.


14. Махсус комиссия котиби ишчи гуруҳ билан биргаликда йиғилиш материалларини протокол лойиҳаси билан бирга Махсус комиссия аъзоларига, зарурият бўлганда йиғилишга таклиф этилган бошқа шахсларга ҳам етказилишини таъминлайди.


15. Махсус комиссиянинг қарорлари Махсус комиссия аъзоларининг оддий кўпчилик овози билан қабул қилинади, бунда унинг аъзоларининг камида тўртдан уч қисми қатнашиши шарт. Махсус комиссия аъзоларининг овози тенг бўлиб қолганда Махсус комиссия раисининг овози ҳал қилувчи овоз ҳисобланади.


16. Махсус комиссиянинг қарорлари Махсус комиссия йиғилишининг протоколлари билан расмийлаштирилади. Йиғилиш протоколи Махсус комиссиянинг барча аъзолари томонидан визаланади, котиб томонидан имзоланади ва раис томонидан тасдиқланади ҳамда бир ҳафта муддат Махсус комиссия аъзоларига ва манфаатдор ташкилотларга юборилади. Протоколни визалашда Махсус комиссия аъзолари протоколга ўзларининг алоҳида фикрларини илова қилишлари мумкин.


17. Алоҳида ҳолларда Махсус комиссиянинг айрим масалалар бўйича қарори сўров йўли билан қабул қилиниши мумкин.


18. Махсус комиссия мунтазам равишда ўз йиғилишларида қабул қилинган қарорларнинг бажарилишини кўриб чиқади.


19. Махсус комиссия протоколининг асл нусхаси ва унга оид материаллар Ўзбекистон Республикаси Вазирлар Маҳкамасининг Коммунал соҳа, экология, атроф муҳитни муҳофаза қилиш, транспорт, капитал қурилиш ва қурилиш индустрияси масалалари ахборот-таҳлил департаментида сақланади.


V. МАХСУС КОМИССИЯНИНГ

ИШЧИ ГУРУҲИ ВА КОТИБИ


20. Махсус комиссиянинг ишчи гуруҳи:

навбатдаги давр учун Махсус комиссия иш режасининг лойиҳасини тайёрлайди;

Махсус комиссиянинг навбатдаги йиғилишига барча зарур материаллар ўз вақтида тайёрланишини таъминлайди ва унга давлат ва хўжалик бошқаруви органлари, маҳаллий давлат ҳокимияти органлари, хўжалик юритувчи субъектлардан ҳамда Махсус комиссия аъзоларидан зарур материаллар ва эксперт хулосалари олиш ҳуқуқи берилади;

кун тартибидаги масалалар бўйича Махсус комиссия йиғилишлари ўтказилишини таъминлайди;

Махсус комиссия кўриб чиқиши учун ахборот ва таҳлилий материалларни тақдим этади;

Махсус комиссия қарорларига мувофиқ бошқа функцияларни амалга оширади.


21. Махсус комиссия котиби:

материалларни тайёрлаш ва Махсус комиссия йиғилишларини ўтказиш бўйича ишчи гуруҳ ишларини ташкил этади;

Махсус комиссия қарорларининг бажарилиши устидан назорат ва мониторинг олиб боради ва унинг натижаларини кўриб чиқиш учун Махсус комиссия йиғилишларига киритади;

Махсус комиссия протоколларини расмийлаштиради ва тасдиқланган протоколларни Махсус комиссия аъзоларига, манфаатдор вазирликлар ва идораларга, маҳаллий давлат ҳокимияти органларига юборади.



"Ўзбекистон Республикаси қонун ҳужжатлари тўплами", 2009 йил, 10-11-сон, 110-модда

















































Время: 0.1680
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск