Ўзбекистон Республикаси Вазирлар Маҳкамасининг 31.03.2009 й. 90-сон "Қишлоқ қурилиш банк" акциядорлик тижорат банкининг фаолиятини ташкил этиш ва моддий-техника базасини мустаҳкамлаш чора-тадбирлари тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

31.03.2009 й.

N 90

"ҚИШЛОҚ ҚУРИЛИШ БАНК"

АКЦИЯДОРЛИК ТИЖОРАТ БАНКИНИНГ

ФАОЛИЯТИНИ ТАШКИЛ ЭТИШ ВА МОДДИЙ-

ТЕХНИКА БАЗАСИНИ МУСТАҲКАМЛАШ

ЧОРА-ТАДБИРЛАРИ ТЎҒРИСИДА

Ўзбекистон Республикаси Президентининг "Қишлоқ қурилиш банк" акциядорлик тижорат банкини ташкил этиш тўғрисида" 2009 йил 30 мартдаги ПҚ-1083-сон қарорини бажариш юзасидан ва унинг самарали фаолияти ташкил этилишини таъминлаш ва моддий-техника базасини мустаҳкамлаш мақсадида Вазирлар Маҳкамаси ҚАРОР ҚИЛАДИ:

1. "Қишлоқ қурилиш банк" акциядорлик тижорат банки кенгашининг таркиби 1-иловага мувофиқ тасдиқлансин.

2. Қуйидагилар "Қишлоқ қурилиш банк" акциядорлик тижорат банки кенгашининг асосий вазифалари этиб белгилансин:

банк хизмати кўрсатиш сифатини оширишга ҳамда уй-жой-коммунал ва ижтимоий соҳаларда, қишлоқ аҳоли пунктларини ободонлаштириш борасидаги эҳтиёжларни амалга оширишда аҳоли ва юридик шахсларга кредит беришни кенгайтиришга, қишлоқда ишлаб чиқариш ва ижтимоий инфратузилма объектлари қуришга, шунингдек қишлоқ тадбиркорларига кенг кўламли банк ва консалтинг хизматлари кўрсатишга йўналтирилган узоқ муддатли банк сиёсатини шакллантириш;

янги, замонавий қурилиш материаллари ва конструкциялари ишлаб чиқарадиган, йиғма, композицион ва майда блокли конструкциялардан фойдаланган ҳолда тасдиқланган намунавий лойиҳалар бўйича қишлоқда объектлар қуришнинг индустриал ва йиғма технологияларини жорий этадиган барча мулкчилик шаклидаги корхоналарга, шу жумладан, "Ўзқурилишматериаллари" акциядорлик жамияти ва "Ўзавтойўл" давлат-акциядорлик компанияси корхоналарига кредит бериш ва комплекс тарзда банк хизматлари кўрсатиш;

қишлоқни ободонлаштириш бўйича лойиҳаларни ишлаб чиқиш ва амалга оширишга кредит бериш ва молиялаштиришнинг мақбул механизмини жорий этиш;

банкда замонавий корпоратив бошқарувни шакллантириш ва банк ижро этувчи органининг самарали фаолиятини таъминлаш;

банкнинг мақбул даражада капиталлашувини, ликвидлигини унга юкланган вазифаларнинг бажарилиши ва мажбуриятларининг ўз вақтида амалга оширилиши учун етарли даражада сақлаб туриш;

универсал тижорат банки сифатида банк томонидан юридик ва жисмоний шахсларга комплекс хизматлар кўрсатилиши учун шарт-шароитлар яратиш;

қишлоқ жойларда фаолият кўрсатаётган банк-молия инфратузилмасини фаоллаштириш ва кенгайтириш.

5. "Қишлоқ қурилиш банк" акциядорлик тижорат банки кенгаши ва бошқаруви:

бир ой муддатда банк уставини ишлаб чиқсин ва акциядорларнинг умумий йиғилишида тасдиқласин, шунингдек банкни қонун ҳужжатларида белгиланган тартибда рўйхатдан ўтказиш учун ҳужжатларнинг зарур пакетини тайёрласин ва Ўзбекистон Республикаси Марказий банкига тақдим этсин;

банкка юкланган вазифаларни самарали бажариш зарурлигидан келиб чиққан ҳолда банк ҳамда унинг филиаллари тузилмасини ва штатлар жадвалини ўн кун муддатда ишлаб чиқсин ва тасдиқласин;

банкнинг марказий аппарати ва унинг филиалларини банкларнинг бўлинмаларида ҳамда қишлоқда ишлаб чиқариш ва инфратузилманинг намунавий лойиҳалари бўйича уй-жой қуриш билан боғлиқ лойиҳаларга кредит бериш соҳасида иш тажрибасига эга бўлган юқори малакали мутахассислар билан таъминласин;

Ўзбекистон Республикаси Марказий банки, Молия вазирлиги, Адлия вазирлиги, "Қишлоққурилишлойиҳа" лойиҳа-қидирув институти масъулияти чекланган жамият билан биргаликда тасдиқланган намунавий лойиҳалар бўйича якка тартибда уй-жой қуришга кредит бериш тартибини икки ҳафта муддатда ишлаб чиқсин ва тасдиқлаш учун Ўзбекистон Республикаси Вазирлар Маҳкамасига киритсин.

6. Ўзбекистон Республикаси Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш маркази "Ғалла-банк" акциядорлик тижорат банки акциялари чиқарилишини "Қишлоқ қурилиш банк" акциядорлик тижорат банкига қайта рўйхатдан ўтказишни ва янгидан чиқариладиган акцияларни рўйхатдан ўтказишни йиғимлар ундирмасдан амалга оширсин.

7. Ўзбекистон банклар уюшмаси ва Банк-молия академияси 2009-2010 йиллар мобайнида "Қишлоқ қурилиш банк" акциядорлик тижорат банки мутахассислари учун, ўқитиш ҳақини ундирмаган ҳолда, қишлоқда якка тартибдаги уй-жой қурилишига кредит бериш бўйича махсус курслар ташкил этилишини таъминласинлар.

8. Ўзбекистон банклар уюшмаси, "Қишлоқ қурилиш банк" акциядорлик тижорат банки, Қорақалпоғистон Республикаси Вазирлар Кенгаши, вилоятлар ҳокимликлари тасдиқланган намунавий лойиҳалар бўйича якка тартибда уй-жой қуришга имтиёзли кредитлар олиш тартиби, кредит олиш учун ҳужжатлар тайёрлаш бўйича қишлоқ жойларда доимий асосда семинарлар ва ўқув курслари ўтказилишини таъминласинлар.

9. "Қишлоқ қурилиш банк" акциядорлик тижорат банкига Миллий телерадиокомпания, Алоқа ва ахборотлаштириш агентлиги, Марказий банк ва Ўзбекистон банклар уюшмаси билан биргаликда бир ой муддатда республика оммавий-ахборот воситалари томонидан тўлов ундирилмасдан реклама материаллари эълон қилинишини назарда тутадиган 2009/2010 йилларда банк фаолияти ва унинг томонидан кўрсатиладиган хизматлар оммавий-ахборот воситаларида кенг ёритилиши бўйича комплекс тадбирларни ишлаб чиқиш ва тасдиқлаш тавсия қилинсин.

10. Республика тижорат банкларининг "Қишлоқ қурилиш банк" акциядорлик тижорат банки балансига бепул бериладиган 2-иловага мувофиқ филиаллар рўйхати тўғрисидаги таклифларига розилик берилсин.

Ўзбекистон Республикаси Давлат мулки қўмитаси ва Молия вазирлиги "Ўздонмаҳсулот" акциядорлик компаниясининг Тошкент шаҳар, Шаҳрисабз кўчаси, 36-уйда жойлашган маъмурий биносининг бир қисми туташ ҳудуд билан биргаликда "Қишлоқ қурилиш банк" акциядорлик тижорат банкига бепул берилишини таъминласинлар.

11. Ўзбекистон Республикаси Марказий банки Адлия вазирлиги ҳамда манфаатдор вазирликлар ва идоралар билан биргаликда бир ой муддатда Ўзбекистон Республикаси Вазирлар Маҳкамасига қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида таклифлар киритсин.

12. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов ва Ўзбекистон Республикаси Марказий банки Раиси Ф.М. Муллажонов зиммасига юклансин.

Ўзбекистон Республикасининг Бош вазири                      Ш. Мирзиёев

Вазирлар Маҳкамасининг

2009 йил 31 мартдаги

90-сон қарорига

1-ИЛОВА

"Қишлоқ қурилиш банк" акциядорлик

тижорат банки кенгашининг

ТАРКИБИ

Изоҳ. Кенгаш аъзолари бошқа ишга ўтган тақдирда унинг таркибига ушбу лавозимларга янгидан тайинланган ёхуд зиммасига тегишли вазифаларни бажариш юкланган шахслар Банк кенгаши таркибига киритилади.

Вазирлар Маҳкамасининг

2009 йил 31 мартдаги

90-сон қарорига

2-ИЛОВА

Республика тижорат банкларининг

"Қишлоқ қурилиш банк" акциядорлик тижорат

банки балансига бепул бериладиган филиаллари

РЎЙХАТИ

"Ўзбекистон Республикаси қонун ҳужжатлари тўплами", 2009 йил, 14-сон, 159-модда.