Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Солиқлар. Мажбурий тўловлар / 1991 йилдан 1997 йилгача солиқ қонунчилигига оид ўз кучини йўқотган ҳужжатлар / Умумреспублика миқёсидаги солиқлар /

Ўзбекистон Республикасининг 14.06.1991 й. 294-XII-сон "Корхоналар, бирлашмалар ва ташкилотлардан олинадиган солиқлар тўғрисида" ва "Ўзбекистон Республикаси фуқароларидан. ажнабий фуқаролардан ва фуқаролиги бўлмаган шахслардан олинадиган даромад солиғи тўғрисида"ги Ўзбекистон Республикаси қонунларига ўзгартишлар ва қўшимчалар киритиш тўғрисида"ги Қонуни

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИНИНГ

ҚОНУНИ

14.06.1991 й.

N 294-XII



"КОРХОНАЛАР, БИРЛАШМАЛАР ВА

ТАШКИЛОТЛАРДАН ОЛИНАДИГАН СОЛИҚЛАР

ТЎҒРИСИДА"ГИ ВА "ЎЗБЕКИСТОН РЕСПУБЛИКАСИ

ФУҚАРОЛАРИДАН, АЖНАБИЙ ФУҚАРОЛАРДАН

ВА ФУҚАРОЛИГИ БЎЛМАГАН ШАХСЛАРДАН

ОЛИНАДИГАН ДАРОМАД СОЛИҒИ ТЎҒРИСИДА"ГИ

ЎЗБЕКИСТОН РЕСПУБЛИКАСИ ҚОНУНЛАРИГА

ЎЗГАРТИРИШ ВА ҚЎШИМЧАЛАР КИРИТИШ

ТЎҒРИСИДА*


Чакана нархлар оширилиши муносабати билан ва аҳолини ижтимоий жиҳатдан муҳофаза қилишни кучайтириш мақсадида Ўзбекистон Республикаси Олий Кенгаши ҚАРОР ҚИЛАДИ:


1. Илгари солиқ тўлаш миқдори 45 фоиз қилиб белгиланган корхоналар, бирлашмалар ва ташкилотлар фойдасидан олинадиган солиқнинг энг юқори миқдори 35 фоизга туширилсин.


2. Белгилаб қўйилсинки, чакана нархлар оширилиши муносабати билан корхоналар, бирлашмалар ва ташкилотлар томонидан ўз ходимларига бериладиган компенсация тўловлари маҳсулот (ишлар, хизматлар) таннархига қўшилади.


3. Фуқароларнинг ойига 161 сўмдан 1000 сўмгача (йилига 1921 сўмдан 12000 сўмгача) бўлган даромадларидан олинадиган даромад солиғи миқдори 12 фоизгача камайтирилсин ва солиқнинг энг юқори миқдори 30 фоиз этиб белгилансин.


4. Белгилаб қўйилсинки, чакана нархлар оширилиши муносабати билан ҳамма тоифадаги фуқароларга ССР Иттифоқи ва Ўзбекистон Республикаси қонунлари билан белгиланган миқдорларда пул ва буюм шаклида тўланадиган компенсация тўловлари, шунингдек йилига 1000 сўмдан ортиқ бўлмаган миқдорда пул ва буюм шаклида бериладиган моддий ёрдам фуқароларнинг даромад солиғи солинадиган даромадига қўшилмайди.


5. Белгилаб қўйилсинки, ССР Иттифоқи ва Ўзбекистон қонунларида кўрсатилган миқдорлардаги ишсизлик бўйича тўланадиган нафақа фуқароларнинг даромад солиғи солинадиган даромадига кирмайди.


6. Болалигида концентрацион лагерларнинг тутқунлари бўлганлар даромад солиғи тўлашдан озод этилсин.


7. Ўзбекистон Республикасининг қуйидаги қонун ҳужжатларига ўзгартиришлар ва қўшимчалар киритилсин:


I. 1991 йил 15 февралдаги "Корхоналар, бирлашмалар ва ташкилотлардан олинадиган солиқлар тўғрисида"ги Ўзбекистон Республикаси Қонунида:


а) 3-модданинг 4-банди қуйидаги мазмунда бўлган учинчи қисм билан тўлдирилсин: "Чакана нархлар оширилиши муносабати билан корхоналар томонидан ўз ходимларига бериладиган компенсация тўловлари маҳсулот (ишлар, хизматлар) таннархига қўшилади";


б) 4-модданинг 1-бандидаги "45 фоиз" сўзлари "35 фоиз" сўзлари билан алмаштирилсин;


в) 5-модданинг 1-банди "в" кичик бандидаги олтинчи қисм олиб ташлансин;


г) 5-модда 1-банди "в" кичик бандининг саккизинчи қисмидаги "45 фоиз" сўзлари "35 фоиз" сўзлари билан алмаштирилсин;


д) 5-модда 1-банди "з" кичик бандининг олтинчи қисмидаги "45 фоиз" деган сўзлар "35 фоиз" деган сўзлар билан алмаштирилсин.

"з" кичик банди қуйидаги мазмунда бўлган тўққизинчи ва ўнинчи қисмлар билан тўлдирилсин:

"ўз фаолиятини хусусий мулкчилик негизида амалга оширадиган корхоналарнинг даромадлари улар эгаларининг шахсий даромадлари деб ҳисобланади ва бу даромадларга "Ўзбекистон Республикаси фуқароларидан, ажнабий фуқаролардан ва фуқаролиги бўлмаган шахслардан олинадиган даромад солиғи тўғрисида"ги Ўзбекистон Республикаси Қонунига мувофиқ солиқ солиниши керак.

Аҳолига транспорт хизмати кўрсатадиган кооперативлар ҳамда бошқа корхоналар, бирлашмалар ва ташкилотлар (ихтисослаштирилган давлат автотранспорт корхоналаридан ташкилотларда ишлаётган ҳар бир киши учун Қорақалпоғистон Республикаси, вилоятлар ва Тошкент шаҳар ижроия қўмиталари томонидан якка тартибда аҳолига транспорт хизмати кўрсатадиган шахслар учун тасдиқланган патент ҳақига тенг миқдорда солиқ тўлайдилар";


е) 5-модданинг 1-банди қуйидаги мазмунда бўлган "и" кичик банди билан тўлдирилсин;

"Коммунал мулкка қарашли бўлиб, маҳаллий хўжалик таркибига кирадиган корхоналар учун солиқ миқдорлари Қорақалпоғистон Республикаси Олий Кенгаши ва халқ депутатлари маҳаллий Советлари томонидан белгиланади, бироқ унинг миқдори 35 фоиздан кўп бўлмаслиги керак";


II. 1991 йил 15 февралдаги "Ўзбекистон Республикаси фуқароларидан, ажнабий фуқаролардан ва фуқаролиги бўлмаган шахслардан олинадиган даромад солиғи тўғрисида"ги Ўзбекистон Республикаси Қонунига қуйидаги ўзгартиришлар ва қўшимчалар киритилсин:


а) 3-модданинг 1-банди "а" кичик банди қуйидаги таҳрирда баён қилинсин:

"а) СССР ва Ўзбекистон Республикаси қонунлари билан белгиланган миқдорларда бериладиган ишсизлик бўйича нафақалар, вақтинча меҳнат қобилиятини йўқотганлик юзасидан бериладиган нафақалардан (шу жумладан, бемор болани боқиш юзасидан бериладиган нафақалар) ташқари, давлат ижтимоий суғуртаси ва давлат ижтимоий таъминоти юзасидан бериладиган нафақалар, шунингдек фуқароларга В.И.Ленин номидаги Совет болалар жамғармаси, Совет тинчлик жамғармаси, Совет маданият жамғармаси, Совет меҳр-шафқат ва сиҳат-саломатлик жамғармаси, СССР Қизил Крест ва Қизил Ярим ой жамиятлари уюшмаси ва бошқа ҳайрия ҳамда экология жамғармаларининг маблағларидан пул ва натура ҳолида бериладиган нафақалар ва бошқа турдаги ёрдам";


б) 3-модда 1-бандининг "о" кичик бандидаги "давлат банклари" деган сўзлар "банк" деган сўз билан алмаштирилсин;


в) 3-модда 1-бандининг "с" кичик банди қуйидаги таҳрирда баён этилсин:

"с) бериладиган пулнинг миқдоридан қатъи назар, табиий офатлар, бошқа фавқулодда вазиятлар муносабати билан, шунингдек СССР, Ўзбекистон Республикаси ва Қорақалпоғистон Республикаси Ҳукуматларининг қарорлари асосида бериладиган моддий ёрдам пули; бошқа ҳолларда, шу жумладан чакана нархлар ислоҳоти муносабати билан (ушбу банднинг "а" кичик бандида кўрсатилганларидан ташқари) йилига 1000 сўмгача (1000 сўм ҳам шунга киради) пул ва натура шаклида бериладиган моддий ёрдам суммалари";


г) 3-модданинг 1-банди қуйидаги мазмунда бўлган "ф" кичик банд билан тўлдирилсин:

"ф) чакана нархларнинг оширилиши муносабати билан барча тоифадаги фуқароларга ССР Иттифоқи ва Ўзбекистон Республикаси қонунларида белгиланадиган миқдорда пул ва натура шаклида бериладиган компенсация тўловлари, шунингдек СССР ва Ўзбекистон Республикасининг амалдаги қонунларида назарда тутилган нормалар доирасида бериладиган бошқа компенсация тўловлари, ишдан бўшаш чоғида фойдаланилмаган отпуска учун бериладиган компенсация тўловлари бундан мустасно";


д) 4-модда 1-бандининг "а" кичик банди қуйидаги таҳрирда баён этилсин:

"асосий иш (хизмат, ўқиш) жойида солиқ солинадиган ва йилига 1920 сўмдан ошмайдиган иш ҳақи ва бошқа турдаги пул мукофоти оладиган, бир корхона, муассаса ва ташкилотда тўлиқ бўлмаган йил мобайнида ишлаганида эса, ҳар бир ишлаган ойи учун 160 сўм оладиган ишчилар, хизматчилар ва бошқа фуқаролар";


е) 4-модда 1-бандининг "з" кичик банди "Улуғ Ватан уруши давридаги меҳнат фронтининг ветеранлари" деган сўзларидан сўнг "ва болалигида концентрацион лагерларнинг тутқунлари бўлганлар" деган сўзлар билан тўлдирилсин;


з) 7 ва 8-моддалар қуйидаги таҳрирда баён этилсин;


"7-модда. Солиқ тўловчилар тоифалари

ва солиқ солинадиган объектлар


Қонуннинг мазкур боби қоидаларига мувофиқ қуйидагилар солиқ тўлашга жалб этилади:

а) ишчилар, хизматчилар ва бошқа фуқаролар - мулкчилик шакллари ва мулк кимнинг тасарруфида эканлигидан қатъи назар, корхоналар, муассасалар ва ташкилотлардан оладиган иш ҳақлари, мукофотлари ва бошқа ҳар қандай даромадлари суммасидан;

б) фуқаролар - тадбиркорлик фаолиятидан оладиган даромадларидан, шунингдек тадбиркорлик субъектлари билан ўз меҳнатидан фойдаланиш тўғрисида шартнома тузган шахслар;

в) фуқаролар - Фан, адабиёт ва санъат асарларини, шунингдек кашфиёт, ихтиро ҳамда саноат намуналарини яратганлик, нашр қилдирганлик, ижро этганлик ёки улардан бошқача тарзда фойдаланганлик учун муаллифлик ҳақи суммаларидан;

г) фуқаролар - Қонуннинг ушбу моддаси "а-в" бандларида санаб ўтилмаган бошқа барча даромадларидан.


8-модда. Солиқ ставкалари


1. Фуқароларнинг иш ҳақи, мукофот тарзида олган пуллари ва бошқа даромадларидан (муаллифларнинг меросхўрларига қайта тўланадиган мукофот пулларидан ташқари) солиқлар қуйидаги миқдорларда ундирилади:

Йиллик даромад миқдори

Солиқ миқдори



12000 сўмгача

даромад суммасининг 12,0 фоизи

12001 сўмдан 24000 сўмгача

1440 сўм + 12000 сўмдан ортиқ пулнинг 15,0 фоизи

24001 сўмдан 36000 сўмгача

3240 сўм + 24000 сўмдан ортиқ пулнинг 20,0 фоизи

36001 сўм ва ундан юқори

5640 сўм + 36000 сўмдан ортиқ пулнинг 30,0 фоизи

2. Асосий иш жойларида ишчи ва хизматчилардан, шунингдек тадбиркорлик фаолияти билан шуғулланадиган фуқаролар ҳамда фан, адабиёт ва санъат ходимларидан оладиган даромад солиқларини ҳисоблаб чиқаришда солиқ солинадиган даромаддан солиқларини ҳисоблаб чиқаришда солиқ солинадиган даромаддан ушбу Қонуннинг 4-моддаси 1-банди "а", "б" ва "в" кичик бандларида кўзда тутилган тартибда солиқ солинмайдиган иш ҳақининг минимуми ва бошқа даромадлар чиқариб ташланади.


3. Муаллифларнинг меросхўрларига такрорий (бир неча бор) тўланган мукофотдан солиқ қуйидаги миқдорларда ундирилади:

Йиллик даромад миқдори

Солиқ миқдори



500 сўмгача

даромад миқдорининг 60,0 фоизи

501 сўмдан 1000 сўмгача

300 сўм + 500 сўмдан ортиқ пулнинг 65,0 фоизи

1001 сўмдан 3000 сўмгача

625 сўм + 1000 сўмдан ортиқ пулнинг 70,0 фоизи

3001 сўмдан 6000 сўмгача

2025 сўм + 3000 сўмдан ортиқ пулнинг 75,0 фоизи

6001 сўмдан 10000 сўмгача

4275 сўм + 6000 сўмдан ортиқ пулнинг 80,0 фоизи

10001 сўмдан 15000 сўмгача

7275 сўм + 10000 сўмдан ортиқ пулнинг 85,0 фоизи

15001 сўм ва ундан ортиқ пулдан

11725 сўм + 15000 сўмдан ортиқ пулнинг 90 фоизи

18 ёшга етмаган меросхўрлар, 55 ёшдан ошган аёл ва 60 ёшдан ошган эркак меросхўрлар учун солиқ миқдори 50 фоиз камайтирилади".


и) Қонуннинг 12-моддаси қуйидаги таҳрирда баён этилсин:


"12-модда. Фуқароларнинг асосий иш жойидаги меҳнат

ҳақи ва бошқа даромадларидан солиқни ҳисоблаб

чиқиш ва тўлаш тартиби


Корхоналар, муассасалар ва ташкилотлар томонидан тўланадиган иш ҳақларидан ҳамда пул ва натура шаклидаги бошқа даромадлардан солиқ иш ҳақи ва даромадларни тўлайдиган жойда ойлик даромад бўйича ҳисоблаб чиқилади ва ушлаб қолинади. Ойлик даромадлардан олинадиган солиқларни ҳисоблаб чиқиш жадвали Ўзбекистон Республикаси Молия вазирлиги томонидан ишлаб чиқилади. Йил тамом бўлганидан кейин тугаган йилдаги меҳнат ҳақининг ва тўланган бошқа ҳақларнинг умумий суммасига қараб солиқ қайтадан ҳисоблаб чиқилади.

Йил мобайнида иш жойида тўланган меҳнат ҳақи ва бошқа даромадлардан ушлаб қолинган суммаси узил-кесил ҳисоб-китоб қилиш пайтида инобатга олинади";


к) 13-модданинг 3-банди қуйидаги таҳрирда баён этилсин:

"3. Асосий иш (хизмат, ўқиш) жойидан бошқа ерда ўриндошлик бўйича қилинган иш, пудрат шартномасига мувофиқ бажарилган бир галлик ва бошқа ишлар учун тўланадиган пулнинг жами миқдори ва шу тўловлардан ушлаб қолинадиган солиқ миқдори ҳақида шу пулни тўлайдиган корхоналар, муассасалар ва ташкилотлар келгуси йилнинг 1 февралидан кечиктирмай даромад олувчининг асосий иш (хизмат,ўқиш) жойига хабар қилиши лозим. Шундай маълумот олингач, асосий иш (хизмат, ўқиш) жойидаги бухгалтерия ўтган йил учун асосий иш (хизмат, ўқиш) жойидан олган ва асосий бўлмаган иш жойидан олган умумий иш ҳақининг йиғиндисини ҳисобга олиб, Ушбу Қонуннинг 8-моддасида кўзда тутилган ставкаларга биноан солиқни қайтадан ҳисоблаб чиқиши керак.

Қайта ҳисоб-китоб натижаларига кўра фуқародан қўшимча ҳисоблаб ёзилган солиқ суммаси ундириб олинади ёки ортиқча ушлаб қолинган пул унга қайтариб берилади. Қўшимча ҳисоблаб чиқилган солиқни ундириб олиш уч ой мобайнида амалга оширилади, ортиқча ушлаб қолинган солиқ суммаси эса икки ой мобайнида қайтариб берилади";


л) 14-модданинг 1-банди биринчи қисмидаги ва 3-банди иккинчи қисмидаги "3" рақами "1" рақами билан алмаштирилсин;


м) 15-модданинг 1-бандидаги "банк" муассасаларидаги омонатлар бўйича фоиз ва ютуқ шаклида даромад оладиган фуқароларга" деган сўзлар чиқариб ташлансин;


н) 15-модданинг 4-бандидаги "2" рақами "1" рақами билан алмаштирилсин;


о) 15-модданинг 10-бандидаги иккинчи жумла қуйидаги таҳрирда баён этилсин: "Солиқ мазкур Қонуннинг 8-моддаси 1-бандидаги ставкалар бўйича ушлаб қолинади";


п) 18-модданинг 2-бандидаги иккинчи жумла қуйидагича таҳрирда баён этилсин:

"Солиқ мазкур Қонуннинг 8-моддаси 1-бандидаги ставкалар бўйича ушлаб қолинади";


р) 22-моддасининг биринчи қисмидаги қавсда берилган матн "ушбу Қонун 7-моддасининг "а" бандида кўрсатилган даромадлардан ташқари" деган таҳрирда берилсин.

22-модданинг иккинчи қисмидаги "б", "в", "г", "д" ва "е" литерлар чиқариб ташлансин.



Ўзбекистон Республикасининг Президенти                      И. Каримов



-------------------------

*) Ўзбекистон Республикасининг 1991 йил 30 сентябрдаги 364-XII-сон  Қонунига асосан "Ўзбекистон ССР" деган сўзлар "Ўзбекистон Республикаси" деган сўзлар билан алмаштирилган.



Ўзбекистон Республикаси Олий Кенгашининг Ахборотномаси, 1991 й., 8-сон, 191-модда







































Время: 0.1651
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск