Қимматли қоғозлар эмиссияси ва эмиссиявий қимматли қоғозлар чиқарилишларини давлат рўйхатидан ўтказиш Қоидалари (АВ томонидан 30.08.2009 й. 2000-сон билан рўйхатга олинган Давлат мулки қўмитаси ҳузуридаги қимматли қоғозлар бозори фаолиятини мувофиқлаштириш ва назорат қилиш маркази бош директорининг 16.07.2009 й. 2009-40-сон буйруғи билан тасдиқланган)

Функция недоступна

Ўзбекистон Республикаси

Адлия вазирлигида

2009 йил 30 августда 2000-сон

билан рўйхатга олинган

Ўзбекистон Республикаси

Давлат мулки қўмитаси ҳузуридаги

Қимматли қоғозлар бозори фаолиятини

мувофиқлаштириш ва назорат қилиш

маркази Бош директорининг

2009 йил 16 июлдаги

2009-40-сон буйруғига

ИЛОВА

Қимматли қоғозлар эмиссияси ва эмиссиявий

қимматли қоғозлар чиқарилишларини

давлат рўйхатидан ўтказиш

ҚОИДАЛАРИ

Мазкур Қоидалар Ўзбекистон Республикасининг "Қимматли қоғозлар бозори тўғрисида"ги ва "Акциядорлик жамиятлари ва акциядорларнинг ҳуқуқларини ҳимоя қилиш тўғрисида"ги қонунлари ҳамда бошқа қонунчилик ҳужжатларига мувофиқ Ўзбекистон Республикаси ҳудудида эмиссиявий қимматли қоғозларни (бундан буён матнда қимматли қоғозлар деб юритилади) чиқариш ва давлат рўйхатидан ўтказиш тартибини белгилайди.

Мазкур Қоидалар талаблари давлат қимматли қоғозларига татбиқ қилинмайди.

I. УМУМИЙ ҚОИДАЛАР

1. Мазкур Қоидаларда қуйидаги асосий тушунчалар қўлланилади:

акция - ўз эгасининг акциядорлик жамияти фойдасининг бир қисмини дивидендлар тарзида олишга, акциядорлик жамиятини бошқаришда иштирок этишга ва у тугатилганидан кейин қоладиган мол-мулкнинг бир қисмига бўлган ҳуқуқини тасдиқловчи, амал қилиш муддати белгиланмаган эгасининг номи ёзилган эмиссиявий қимматли қоғоз;

акцияларни бирламчи чиқариш - акциядорлик жамиятининг муассислари орасида жойлаштириладиган акцияларнинг пайдо бўлишига қаратилган ҳаракатлари;

акцияларни қўшимча чиқариш - акциядорлик жамиятининг бирламчи чиқарилган акциялар жойлаштирилгандан сўнг амалга ошириладиган акцияларнинг пайдо бўлишига қаратилган ҳаракатлари;

ёпиқ обуна - қимматли қоғозларни олдиндан маълум бўлган, сони чекланган инвесторлар орасида оммавий эълон бермаган ва реклама кампанияси ўтказмаган ҳолда жойлаштириш;

корпоратив облигациялар - акциядорлик жамиятлари, масъулияти чекланган ва қўшимча масъулиятли жамиятлар томонидан чиқариладиган облигациялар;

корпоратив ва инфратузилма облигациялари (бундан буён матнда облигациялар деб юритилади) муомала муддатларининг тугаши тўғрисидаги билдиришнома - эмитентнинг облигацияларни сўндириш даврида номинал қиймати тўланганлиги ёки облигацияларни муддатидан олдин қайтариб сотиб олганлиги тўғрисидаги ҳисоботи;

очиқ обуна - қимматли қоғозларни сони чекланмаган инвесторлар орасида рекламадан фойдаланган ҳолда жойлаштириш, шу жумладан қимматли қоғозларни оммавий таклиф этиш орқали жойлаштириш;

рўйхатдан ўтказувчи орган - Ўзбекистон Республикаси Иқтисодиёт ва молия вазирлиги;

чиқариш натижалари тўғрисидаги билдиришнома - қимматли қоғозларни жойлаштириш натижалари тўғрисидаги эмитентнинг ҳисоботи;

эмиссиявий қимматли қоғозлар - битта чиқарилиши доирасида бир хил белгилар ва реквизитларга эга бўлган, мазкур чиқарилиш учун ягона шартлар асосида жойлаштириладиган ҳамда муомалада бўладиган қимматли қоғозлар;

Эмиссиявий қимматли қоғозлар чиқарилишларининг ягона давлат реестри (бундан кейинги ўринларда ЯДР деб юритилади) - рўйхатдан ўтказилган эмиссиявий қимматли қоғозлар чиқарилишларининг рўйхати;

эмитент - эмиссиявий қимматли қоғозлар чиқарувчи ва улар юзасидан қимматли қоғозларнинг эгалари олдида мажбуриятлари бўлган юридик шахс;

эмитентнинг бошқарув органи - акциядорларнинг умумий йиғилиши ёки акциядорлик жамиятининг кузатув кенгаши, шунингдек, масъулияти чекланган ва қўшимча масъулиятли жамият иштирокчиларининг умумий йиғилиши ёки кузатув кенгаши;

Қимматли қоғозлар марказий депозитарийси - депо ҳисобварақлари бўйича эмиссиявий қимматли қоғозларни сақлаш, бундай қимматли қоғозларга бўлган ҳуқуқларни ҳисобга олиш ва эмиссиявий қимматли қоғозлар ҳаракати ягона тизимини таъминловчи давлат депозитарийси;

қимматли қоғозларни жойлаштириш - қимматли қоғозларни уларнинг дастлабки эгаларига бериш;

қимматли қоғозларнинг муомаласи - қимматли қоғозларни сотиб олиш ва сотиш, шунингдек қонунчилик ҳужжатларида назарда тутилган, қимматли қоғозларнинг эгаси алмашувига олиб келадиган бошқа ҳаракатлар;

қимматли қоғозларни сўндириш - эмитентнинг ўз қимматли қоғозларини мазкур Қоидаларда белгиланган тартибда ЯДРга тегишли ёзувларни киритган ҳолда қайта сотиб олиши ва ушбу қимматли қоғозларни муомаладан чиқариш;

қимматли қоғозларни чиқариш - юридик шахснинг фуқаролик ҳуқуқларининг объекти сифатида қимматли қоғозлар пайдо бўлишига қаратилган ҳаракатлари;

қимматли қоғозлар эгаси - қимматли қоғозлар ўзига мулк ҳуқуқи ёки бошқа ашёвий ҳуқуқ асосида тегишли бўлган юридик ёки жисмоний шахс;

қимматли қоғозлар эмиссия рисоласи (бундан кейинги ўринларда рисола деб юритилади) - эмитент ва у чиқарадиган қимматли қоғозлар тўғрисидаги маълумотларни, шунингдек инвесторнинг қимматли қоғозлар олиш тўғрисидаги қарорига таъсир кўрсатиши мумкин бўлган бошқа ахборотни акс эттирувчи ҳужжат;

қимматли қоғозлар эмиссияси - эмиссиявий қимматли қоғозларни чиқариш ва жойлаштириш;

қимматли қоғозларнинг янги чиқарилиши - акциядорлик жамиятининг илгари чиқарилган қимматли қоғозлари тўлиқ жойлаштирилгандан сўнг номинал қийматининг камайиши, ҳуқуқларнинг ўзгариши, йириклаштириш ёки майдалашда қимматли қоғозларни пайдо бўлишига қаратилган ҳаракатлари;

инфратузилма облигациялари - ишлаб чиқариш инфратузилмасини ва бошқа инфратузилмани барпо этиш ва (ёки) реконструкция қилишни молиялаштириш учун пул маблағларини жалб этиш мақсадида хўжалик жамиятлари ва давлат корхоналари томонидан чиқариладиган облигациялар;

айирбошланадиган қимматли қоғозлар (бундан буён матнда АҚҚ деб юритилади) - эмитентнинг оддий акцияларига айлантирилиши мумкин бўлган имтиёзли акциялари, корпоратив облигациялари.

II. АКЦИЯЛАРНИ ЧИҚАРИШ

2. Эмитент акциядорлик жамияти шаклида тузилаётганда барча акциялар унинг муассислари орасида жойлаштирилиши лозим.

3. Эмитент акциядорлик жамияти шаклида тузилаётганда муассислар ўртасида жойлаштирилиши лозим бўлган акцияларнинг типлари, улар бўйича тўлов миқдори, шакли ва тартиби, шунингдек устав капиталининг миқдори қонунчилик ҳужжатлари талабларини ҳисобга олган ҳолда уни тузиш тўғрисидаги таъсис шартномаси ёки эмитент устави билан белгиланади.

4. Эмитент уставида акциядорлар томонидан сотиб олинган акцияларнинг (жойлаштирилган акциялар) типлари, сони ва номинал қиймати белгиланган бўлиши керак.

Эмитент уставида эмитент жойлаштирилган акцияларга (эълон қилинган акциялар) қўшимча равишда жойлаштиришга ҳақли бўлган акцияларнинг сони, номинал қиймати ва типлари белгиланиши мумкин. Уставда ушбу Қоидалар мавжуд бўлмаганда эмитент қўшимча акцияларни чиқариш тўғрисида қарор қабул қилишга ҳақли эмас. Эмитентнинг устав капитали қўшимча акцияларни жойлаштириш йўли билан ошириш тўғрисидаги қарорининг қабул қилиниши фақат уставга, қонунчилик ҳужжатларида назарда тутилган тартибда эмитентнинг эълон қилинган акциялари сонини аниқлаш ёки ошириш қисмига ўзгартиришлар ва қўшимчалар киритилганидан кейин амалга оширилиши мумкин. Қўшимча акциялар фақат эмитент уставида белгиланган эълон қилинган акциялар сони доирасида жойлаштирилиши мумкин.

Агар эмитент уставида муайян типдаги эълон қилинган акцияларни жойлаштириш тартиби ва шартлари белгилаб қўйилган бўлса, уларни чиқариш тўғрисидаги қарорда белгиланган ушбу типдаги қўшимча акцияларни жойлаштириш тартиби ва шартлари эмитент уставининг кўрсатилган қоидаларига мувофиқ бўлиши керак.

5. Акцияларни қўшимча чиқариш фақат эмитентнинг илгари жойлаштирилган барча акциялари тўлиқ тўлангандан кейингина амалга оширилиши мумкин. Акцияларни қўшимча чиқариш тўғрисидаги қарор фақат эмитент уставига киритиладиган акцияларнинг олдинги чиқарилиши натижаларига кўра жойлаштирилган ва эълон қилинган акциялар сонининг янги миқдорига нисбатан киритилган ўзгаришлар давлат рўйхатидан ўтказилганидан кейин қабул қилиниши мумкин.

6. Акцияларнинг номинал қиймати Ўзбекистон Республикаси миллий валютасида ифодаланиши лозим.

7. Эмитент бир чиқарилиш доирасида оддий ва имтиёзли акцияларни жойлаштиришни назарда тутувчи акциялар чиқарилиши тўғрисида қарор қабул қилишга ҳақлидир.

Бунда агар барча имтиёзли акциялар жойлаштирилганда ва бир дона ҳам оддий акциялар жойлаштирилмаганда эмитент имтиёзли акцияларининг номинал қиймати унинг устав капиталининг 25 фоизидан ошса, обуна йўли билан жойлаштирилаётган оддий ва имтиёзли акцияларнинг чиқарилишларини бир вақтнинг ўзида давлат рўйхатидан ўтказишни амалга ошириш мумкин эмас.

Бир чиқарилиш доирасида турли қимматли қоғозлар турларини чиқаришга йўл қўйилмайди.

8. Жойлаштирилган имтиёзли акцияларнинг номинал қиймати эмитент устав капиталининг 25 фоизидан ошмаслиги лозим. Бир ёки бир нечта типдаги имтиёзли акцияларнинг чиқарилиш эҳтимоли, уларнинг ҳар бири бўйича дивиденд миқдори ва (ёки) тугатилиш қиймати, улар берган ҳуқуқлар ҳажми эмитент устави билан белгиланади. Бир типдаги имтиёзли акциялар уларнинг эгаларига бир хил ҳажмдаги ҳуқуқларни беради.

9. Эмитент қўшимча акцияларни жойлаштиришни обуна ёки айирбошлаш орқали амалга оширишга ҳақлидир.

Эмитент томонидан акцияларни ва акцияларга айирбошланадиган қимматли қоғозларни жойлаштириш усуллари (очиқ ёки ёпиқ обуна) эмитент уставида белгилаб қўйилади, эмитент уставида бу хусусда кўрсатмалар мавжуд бўлмаса, акциядорлар умумий йиғилишининг қарори билан белгиланади. Эмитентнинг уставида ёки акциядорлар умумий йиғилишининг қарорида эмитентнинг акцияларини ва акцияларга айирбошланадиган қимматли қоғозларини жойлаштириш усули тўғрисида кўрсатмалар мавжуд бўлмаса, жойлаштириш фақат очиқ обуна воситасида амалга оширилиши мумкин.

Акцияларнинг очиқ обунаси қимматли қоғозларнинг уюшган савдосидагина ўтказилади.

10. Эмитент акциядорлари очиқ обуна воситасида жойлаштирилаётган қўшимча акцияларни эмитент уставида белгиланган тартибда уларга тегишли ушбу типдаги акциялар сонига мутаносиб равишда имтиёзли олиш ҳуқуқига эга.

11. Акцияларни имтиёзли олиш ҳуқуқини бошқа шахсга беришга йўл қўйилмайди.

Ушбу банднинг қоидалари, шунингдек акцияларни айирбошлаш шартномаси бўйича бошқа шахсга беришда қўлланилади.

III. УСТАВ КАПИТАЛИ ҲАЖМИНИНГ ЎЗГАРИШИ

СОДИР БЎЛГАНДА АКЦИЯЛАР ЧИҚАРИШ

12. Акциядорлик жамияти шаклида фаолият юритувчи эмитентнинг устав капитали қўшимча акцияларни жойлаштириш йўли билан кўпайтирилиши мумкин.

14. Устав капиталини кўпайтириш эмитентнинг жалб қилинган инвестициялари, ўз капитали ва ҳисобланган дивидендлар ҳисобидан амалга оширилиши мумкин.

Эмитент устав капиталини ўз капитали ҳисобидан кўпайтиришда қўшимча акциялар барча акциядорлар ўртасида тақсимланади. Бунда ҳар бир акциядорга қайси типдаги акциялар тегишли бўлса, айни ўша типдаги акциялар унга тегишли акциялар сонига мутаносиб равишда тақсимланади.

Эмитентнинг акциядорлари орасида қўшимча акцияларини тақсимлаш уларни чиқариш тўғрисидаги қарорда кўрсатилган реестрни ёпиш санасига амалга оширилади. Кўрсатилган сана акцияларнинг қўшимча чиқарилиши давлат рўйхатидан ўтказилган кунидан бошлаб ўттиз кундан кечикмасдан бошланиши лозим.

Қўшимча акцияларни тақсимлаш натижасида акциядорларнинг - бутун акциялар эгаларининг касрий акциялари пайдо бўлишига йўл қўйилмайди.

14-1. Солиққа оид ёки давлат олдидаги бошқа қарздорлик ҳисобига эмитент устав капиталидаги давлат улушини шакллантириш ёки ошириш тўғрисидаги қарор акциядорлар умумий йиғилиши томонидан эмитентнинг жойлаштирилган овоз берувчи акцияларининг камида учдан икки қисми эгалари бўлган акциядорларнинг (давлатдан ташқари) розилиги мавжуд бўлган тақдирда, акциядорларнинг оддий кўпчилик овози билан қабул қилинади.

16. Акциядорлик жамияти шаклида фаолият юритаётган эмитентнинг устав капитали акцияларнинг номинал қийматини пасайтириш ёки уларнинг умумий сонини қисқартириш йўли билан, шу жумладан, эмитент томонидан акцияларнинг бир қисмини уларни кейинчалик бекор қилиш шарти билан сотиб олиш йўли билан камайтирилиши мумкин.

17. Устав капиталини жойлаштирилган акциялар номинал қийматини пасайтириш йўли билан камайтиришда эмитент томонидан пасайтирилган номинал қийматга эга акцияларнинг янги чиқарилиши амалга оширилади.

Бунда, юқори номинал қийматга эга бўлган жойлаштирилган акциялар янгидан чиқарилган номинал қиймати пасайтирилган акцияларга айирбошланади.

18. Эмитент устав капиталининг камайтирилишини давлат рўйхатидан ўтказиш учун ҳужжатларни мазкур Қоидаларда назарда тутилган тартибда ва муддатларда тақдим этиши шарт.

IV. АКЦИЯЛАРНИ ЙИРИКЛАШТИРИШ ВА

МАЙДАЛАШДА АКЦИЯЛАРНИ ЧИҚАРИШ

19. Эмитент акциядорлар умумий йиғилишининг қарорига кўра жойлаштирилган акцияларни устав капитали миқдорини ўзгартирмаган ҳолда худди шу типдаги акцияларнинг янги чиқарилишини амалга ошириш йўли билан майдалашни ёки йириклаштиришни ўтказиши мумкин.

Майдаланган ёки йириклаштирилган тақдирда касрий акцияларнинг пайдо бўлишига йўл қўйилмайди.

20. Жойлаштирилган акцияларни йириклаштириш ёки майдалашда эмитент томонидан кўпайтирилган ёки камайтирилган номинал қийматга эга акцияларнинг янги чиқарилиши амалга оширилади.

Бунда, жойлаштирилган акциялар бошқа номинал қийматга эга янги чиқарилган акцияларга айирбошланади.

V. ОБЛИГАЦИЯЛАРНИ ЧИҚАРИШ

21. Эмитент томонидан облигацияларни чиқариш агар эмитентнинг уставида бошқача ҳолат назарда тутилмаган бўлса, кузатув кенгаши қарорига мувофиқ амалга оширилади.

22. Корпоратив облигациялар қуйидаги шартларга риоя этган ҳолда:

эмитентнинг бундай облигациялар чиқариш тўғрисида қарор қабул қилинган санадаги ўз капитали миқдори доирасида. Агар корпоратив облигациялар суммаси эмитентнинг ўз капитали миқдоридан ошса, эмитент ошган сумма учун таъминот бериши шарт;

сўнгги бир йилда рентабеллик, тўловга қобилиятлилик, молиявий барқарорлик ва ликвидлиликнинг ижобий кўрсаткичларига эга бўлган эмитентлар томонидан;

облигациялар чиқарилишидан олдинги бир йил учун молиявий ҳисобот бўйича аудиторлик хулосаси мавжуд бўлганда;

инвесторларга тегишли маблағларнинг эмитентлар томонидан тўланиши бўйича тўлов агентлари вазифасини бажарувчи тижорат банклари иштирокида чиқарилади.

Бунда, корпоратив облигациялар очиқ обуна орқали қуйидаги шартларга риоя этган ҳолда жойлаштирилади:

а) ўз капитали миқдори доирасидан юқори бўлган тақдирда, эмитент ортиқча бўлган суммага учинчи шахснинг қўйидаги таъминотидан бирини тақдим этади:

кўчмас мулк гаров таъминоти;

пул ёки уларга тенглаштирилган маблағлар;

банк кафолати;

суғурта ташкилотининг суғурта полиси;

б) мустақил рейтинг баҳоси мавжудлиги;

в) мажбурий тартибда андеррайтерни (андеррайтерлар гуруҳини) жалб этган ҳолда.

22-1. Инфратузилма облигациялари қуйидаги шартларга риоя этган ҳолда:

эмитентнинг бундай облигациялар чиқариш тўғрисида қарор қабул қилинган санадаги, ўз капитали миқдори доирасида. Агар инфратузилма облигациялар суммаси эмитентнинг ўз капитали миқдоридан ошса, эмитент ошган сумма учун таъминот бериши шарт;

облигация чиқарилишидан олдинги йил учун молиявий ҳисобот бўйича ижобий фикр билдирилган аудиторлик хулосаси мавжуд бўлганда;

инфратузилма облигацияларини жойлаштиришдан олинган маблағлардан Ўзбекистон Республикаси Президентининг ёки Ўзбекистон Республикаси Вазирлар Маҳкамасининг қарорида назарда тутилган лойиҳани молиялаштириш учун фойдаланилса.

Давлат улуши 50 фоиз ва ундан ортиқ бўлган хўжалик жамиятлари, шунингдек, давлат корхоналари инфратузилма облигацияларини Ўзбекистон Республикаси Иқтисодиёт ва молия вазирлиги билан келишилган ҳолда чиқаради.

23. Облигациялар уларнинг эгаларига эмитентни бошқаришда иштирок этиш ҳуқуқини бермайди.

24. Эмитент томонидан чиқарилган ва сўндирилмаган (бекор қилинмаган) барча корпоратив облигацияларнинг номинал қиймати ўз капиталининг миқдоридан ошмаслиги керак.

25. Облигация унинг олинган вақтидан қатъи назар, бир чиқарилиш ичида ҳуқуқларни амалга оширишда тенг ҳажмлар ва муддатларга эга.

26. Устав фондининг шаклланганига қадар (тижорат банклари устав фондининг шаклланиш ҳоллари бундан мустасно), шунингдек, уни тўлдириш ёки эмитентнинг молиявий-хўжалик фаолияти билан боғлиқ зарарларни қоплаш учун корпоратив облигациялар чиқаришга йўл қўйилмайди.

27. Облигациялар ҳужжатсиз шаклда чиқарилади.

29. Фоизли, дисконтли, ютуқли, серияли (облигациявий дастурга асосланган) ва мақсадли (фоизсиз) облигациялар чиқарилиши мумкин.

Фоизли облигациянинг даромади чиқарилиш шартлари билан белгиланадиган номинал қиймати бўйича белгиланган муддатда сўндириш ва қайд этилган фоизларни тўлаш ҳисобига ташкил этади.

Дисконтли облигациянинг даромади номинал қиймати бўйича белгиланган муддатда сўндириш ҳисобига, бунда даромад сотиш баҳоси ва облигациянинг номинал қиймати ўртасидаги фарқ ҳисобига ташкил этади.

Ютуқли облигацияларни чиқаришда номинал қийматга фоиз ёки дисконт кўринишида белгиланган даромадга қўшимча равишда мунтазам ўтказиб туриладиган тиражлар бўйича ютуқ кўринишида тўланадиган даромад белгиланиши керак. Даромади мунтазам равишда ўтказиб туриладиган тиражлар бўйича ютуқ кўринишида белгиланадиган облигацияларни чиқаришга йўл қўйилмайди.

Мақсадли (фоизсиз) облигациялар бўйича даромад товар (хизмат) кўринишида белгиланади. Қайси товар (хизмат) асосида чиқарилганлигини кўрсатиш мақсадли облигацияларнинг мажбурий реквизити ҳисобланади.

Серияли (облигациявий дастурга асосланган) облигациялар тўлов муддати даврий равишда тегишли эмиссия қарори (рисоласи) билан белгиланган муддатларда юзага келадиган облигациялар ҳисобланади.

Облигацияларнинг қонунчилик ҳужжатларида тақиқланмаган бошқа турларини муомалага чиқаришга йўл қўйилади.

30. Банкнинг берилган кредитлар ва бошқа активларини таъминлаш бўйича қимматли қарз қоғозлари мазкур Қоидалар ва қонунчилик ҳужжатларида назарда тутилган тартибда облигациялар кўринишида чиқарилиши мумкин.

VI. ҚИММАТЛИ ҚОҒОЗЛАР ЭМИССИЯСИНИНГ БОСҚИЧЛАРИ

31. Қимматли қоғозлар эмиссияси, агар қонунчилик ҳужжатларида бошқача ҳолат назарда тутилмаган бўлса, қуйидаги босқичларни ўз ичига олади:

а) қимматли қоғозларни чиқариш тўғрисида қарор қабул қилиш ва тасдиқлаш;

б) рисолани тасдиқлаш (қимматли қоғозлар оммавий жойлаштирилган тақдирда);

г) қимматли қоғозлар чиқаришни давлат рўйхатидан ўтказиш;

д) қимматли қоғозлар чиқаришни Қимматли қоғозлар марказий депозитарийсида ҳисобга олиш;

е) қимматли қоғозларни чиқариш тўғрисидаги ахборотни қонунчилик ҳужжатлари ва мазкур Қоидаларда белгиланган тартибда ошкор қилиш;

ж) чиқарилишдаги қимматли қоғозларни жойлаштириш;

з) рўйхатдан ўтказувчи органга қимматли қоғозларни чиқариш натижалари тўғрисида билдиришнома тақдим этиш.

VII. ҚИММАТЛИ ҚОҒОЗЛАРНИ ЧИҚАРИШ

ТЎҒРИСИДАГИ ҚАРОР

32. Қимматли қоғозларни чиқариш тўғрисидаги қарор қонунчилик ҳужжатлари ва эмитент уставига мувофиқ эмитентнинг бошқарув органи томонидан қабул қилинади ва тасдиқланади.

33. Қимматли қоғозларни чиқариш тўғрисидаги қарор:

акциялар чиқаришда (қўшимча, янги чиқаришда) мазкур Қоидаларнинг 1-иловасига мувофиқ;

облигациялар чиқаришда мазкур Қоидаларнинг 1а-иловасига мувофиқ барча ахборотни ўз ичига олиши лозим.

34. Қимматли қоғозларнинг ҳар бир чиқарилиши бўйича бу тўғрисида алоҳида қарор рўйхатдан ўтказилиши лозим.

35. Ўзбекистон Республикаси Давлат активларини бошқариш агентлиги (бундан буён матнда Давлат активларини бошқариш агентлиги деб юритилади) ёки унинг ҳудудий бошқармаси томонидан тасдиқланган рисола давлат корхонаси акциядорлик жамиятига айлантирилаётганда акцияларни чиқариш тўғрисидаги қарори бўлиб ҳисобланади.

36. Эмитент мажбуриятларининг бажарилиши гаров, банк кафолати ёки қонунчилик ҳужжатларида назарда тутилган бошқа усуллар билан таъминланадиган облигацияларни чиқариш тўғрисидаги қарор, шунингдек, таъминот тақдим этган шахс тўғрисидаги ва таъминот шартлари тўғрисидаги маълумотларни ўз ичига олиши керак. Бунда, облигацияларни чиқариш тўғрисидаги қарор, шунингдек, таъминот тақдим этган шахс томонидан имзоланиши керак.

37. Қимматли қоғозларни чиқариш тўғрисидаги қарор бир вақтнинг ўзида бир чиқарилишдаги қимматли қоғозларни хусусий ва оммавий жойлаштиришни назарда тутмаслиги керак (Ўзбекистон Республикаси Президенти ёки Ҳукумати қарорларидан келиб чиқувчи ҳолатлар бундан мустасно).

38. Қимматли қоғозларни чиқариш тўғрисидаги қарорда қимматли қоғозларнинг чиқарилиши амалга ошмаган ёки ҳақиқий эмас деб топилган тақдирда эмитент томонидан қимматли қоғозлар учун тўлов сифатида олинган маблағларни инвесторга қайтариш тартиби назарда тутилган бўлиши керак.

39. Қимматли қоғозларни чиқариш тўғрисидаги қарор ўз навбатида чиқариш тўғрисидаги қарорда мавжуд барча ахборотнинг ишончлилиги ва тўлиқлигини тасдиқловчи эмитентнинг яккабошчилик асосидаги ижроия органи ёки коллегиал ижроия органи раҳбари вазифасини бажарувчи шахс, шунингдек эмитентнинг бош ҳисобчиси (унинг вазифасини бажарувчи бошқа шахс) томонидан имзоланиши керак. Агар эмитентнинг жорий фаолиятини бошқариш тижорат ташкилотига берилган бўлса, чиқариш тўғрисидаги қарор мазкур ташкилот раҳбари томонидан имзоланиши керак.

Қонунчилик ҳужжатларига мувофиқ баҳоловчи ташкилот мажбурий тарзда жалб этилган тақдирда, қимматли қоғозларни чиқариш тўғрисидаги қарор унда кўрсатилган мол-мулкнинг баҳолаш қиймати тўғрисидаги маълумотларни тасдиқлаган ҳолда баҳоловчи ташкилот томонидан ҳам имзоланиши шарт.

VIII. РИСОЛАНИ ТАЙЁРЛАШ

40. Рисола эмитент бошқарув органи томонидан тасдиқланади ва қуйидагиларга мувофиқ барча ахборотни ўз ичига олади:

давлат корхоналари акциядорлик жамиятларига айлантирилаётганда - мазкур Қоидаларнинг 2а-иловасига;

бошқа акциядорлик жамиятлари, шунингдек масъулияти чекланган ва қўшимча масъулиятли жамиятлари учун - мазкур Қоидаларнинг 2б-иловасига;

инвестиция фондлари учун - мазкур Қоидаларнинг 2в-иловасига;

Эмитентнинг молиявий ҳисоботлари аудитор томонидан текширишдан ўтказилганлигини тасдиқлаш учун қимматли қоғозлар эмиссия рисоласига сўнги йил бўйича аудиторлик хулоса илова қилинади.

Эмитентнинг охирги йил учун молиявий ҳисоботининг аудитор томонидан текшируви тугагунига қадар эмитент рисолани охирги тугалланган йил учун аудиторлик хулосаси нусхасини илова қилмаган ҳолда тақдим этишга ҳақли, бундан корпоратив ва инфратузилма облигацияларини чиқариш ҳолатлар мустасно.

41. Агар эмитент объектив сабабларга кўра рисолада талаб қилинадиган бирон-бир ахборотни кўрсата олмаса, рисоланинг тегишли бандига ахборот йўқлигининг сабаби кўрсатилган ҳолда (масалан: "Операциялар ўтказилмади", "Жазолар қўлланилмади" ва шу кабилар), "маълумотлар йўқ" (ёки бошқа шунга ўхшаш мазмундаги) ёзуви киритилади.

42. Рисола ўз навбатида рисолада мавжуд барча ахборотнинг тўғрилиги ва тўлиқлигини тасдиқловчи эмитентнинг яккабошчилик асосидаги ижроия органи ёки коллегиал ижроия органи раҳбари вазифасини бажарувчи шахс, шунингдек эмитентнинг бош ҳисобчиси (унинг вазифасини бажарувчи бошқа шахс) томонидан имзоланиши лозим. Агар эмитентнинг жорий фаолиятини бошқариш тижорат ташкилотига берилган бўлса, рисола мазкур ташкилот раҳбари томонидан имзоланиши керак.

Қонунчилик ҳужжатларига мувофиқ баҳоловчи ташкилот мажбурий тарзда жалб этилган тақдирда, рисола унда кўрсатилган мол-мулкнинг баҳолаш қиймати тўғрисидаги маълумотларни тасдиқлаган ҳолда баҳоловчи ташкилот томонидан ҳам имзоланиши шарт.

Қўшимча таъминотга эга облигациялар чиқарилган тақдирда қўшимча таъминот тақдим этган шахс қўшимча таъминот тўғрисидаги ахборотнинг тўғрилигини тасдиқлаган ҳолда рисолани имзолаши шарт.

Облигациялар чиқарилиши бўйича қўшимча таъминот тақдим этган шахс тугатилганда (вафот этганда), эмитент бу тўғрисида унга маълум бўлган пайтдан икки иш куни ичида мазкур чиқарилишдаги облигация эгаларини ва рўйхатдан ўтказувчи органни ёзма хабардор қилиши шарт.

IХ. ҚИММАТЛИ ҚОҒОЗЛАРНИНГ ЧИҚАРИЛИШИНИ

ДАВЛАТ РЎЙХАТИДАН ЎТКАЗИШ

43. Қимматли қоғозлар чиқарилишини давлат рўйхатидан ўтказиш учун эмитент рўйхатдан ўтказувчи органга қуйидаги ҳужжатларни тақдим этиши шарт:

а) қуйидагилар кўрсатилиши лозим бўлган қимматли қоғозлар чиқарилишини давлат рўйхатидан ўтказиш тўғрисидаги ариза:

ташкилот номи;

ташкилотнинг юридик манзили;

қимматли қоғозларнинг сони, кўринишлари ва турлари;

бир дона қимматли қоғознинг номинал қиймати;

чиқарилишнинг умумий ҳажми;

қимматли қоғозлар чиқарилишининг тартиб рақами;

қимматли қоғозлар чиқарилишини давлат рўйхатидан ўтказиш бўйича ҳужжатларни кўриб чиқиш учун тўлов суммаси, тўлов қоғози санаси ва рақами (қонунчиликда кўрсатилган ҳолатлар бундан мустасно);

эмитентнинг масъул ҳодими ҳақида маълумот ва унинг алоқа маълумотлари;

б) мазкур Қоидаларга мувофиқ расмийлаштирилган қимматли қоғозларни чиқариш тўғрисидаги қарор (уч нусхада);

в) мазкур Қоидаларга мувофиқ расмийлаштирилган рисола (уч нусхада) (қимматли қоғозлар оммавий жойлаштирилган тақдирда);

г) қимматли қоғозларни чиқариш тўғрисида қарор чиқарилганлигини тасдиқловчи акциядорларнинг ёки жамият иштирокчиларининг умумий йиғилиши баённома нусхаси ёки баённомасидан кўчирма, агар мазкур қарор акциядорлик жамияти кузатув кенгаши томонидан қарор қабул қилинган бўлса - овоз беришда иштирок этган акциядорлик жамияти кузатув кенгаши аъзоларининг фамилияси, исми, шарифлари кўрсатилган йиғилиш баённома нусхаси ёки баённомасидан кўчирма;

д) қимматли қоғозларни чиқариш тўғрисидаги қарорнинг тасдиқланганлигини тасдиқловчи акциядорларнинг ёки жамият иштирокчиларининг умумий йиғилиши баённома нусхаси ёки баённомасидан кўчирма, кузатув кенгаши томонидан қимматли қоғозларни чиқариш тўғрисида қарор тасдиқланган тақдирда эса - овоз беришда иштирок этган акциядорлик жамияти кузатув кенгаши аъзоларининг фамилияси, исми, шарифлари кўрсатилган йиғилиш баённома нусхаси ёки баённомасидан кўчирма;

е) рисола тасдиқланганлигини тасдиқловчи акциядорларнинг ёки жамият иштирокчиларининг умумий йиғилиши баённомаси нусхаси ёки баённомасидан кўчирма, акциядорлик жамияти кузатув кенгаши томонидан рисола тасдиқланган тақдирда эса - овоз беришда иштирок этган кузатув кенгаши аъзоларининг фамилияси, исми, шарифлари кўрсатилган йиғилиш баённомаси нусхаси ёки баённомасидан кўчирма;

ж) қимматли қоғозларнинг чиқарилишини давлат рўйхатидан ўтказилганлик учун белгиланган йиғим тўланганлиги тўғрисидаги тўлов ҳужжати (қонунчилик ҳужжатларида назарда тутилган ҳоллар бундан мустасно).

Аризаларга ҳужжатлар рўйхати илова қилиниб, нусхалар ва варақлар сони кўрсатилади.

Ариза ташкилот раҳбари ҳамда бош ҳисобчиси томонидан имзоланиши керак.

Агарда ушбу банднинг "г" - "е" кичик бандларида кўрсатилган қарорлар:

акциядорлик жамияти умумий йиғилиши томонидан қабул қилинган тақдирда, қўшимча равишда саноқ комиссияси томонидан тузилган кворум ва овоз бериш натижалари тўғрисидаги баённома нусхаси ёки баённомадан кўчирма;

жамиятнинг ягона акциядори ёки иштирокчиси томонидан қабул қилинган тақдирда, акциядорнинг ёки жамият иштирокчисининг тегишли қарорининг нусхаси тақдим этилади.

44. Облигацияларнинг чиқарилишини давлат рўйхатидан ўтказиш учун рўйхатдан ўтказувчи органга қўшимча равишда қуйидагилар тақдим этилиши керак:

а) агар облигацияларнинг чиқариш мажбуриятларининг бажарилишини таъминлашга мол-мулкнинг тақдим этилса, Ўзбекистон Республикасининг "Баҳолаш фаолияти тўғрисида"ги Қонунига мувофиқ мол-мулкни баҳоланганлигини тасдиқловчи баҳолаш тўғрисидаги ҳисобот нусхаси, шунингдек, ушбу мол-мулкнинг гаров фактини тасдиқловчи ҳужжат;

б) облигацияларни чиқариш тўғрисидаги қарор тасдиқланишидан олдинги охирги тугалланган молиявий йил учун ва охирги чорак учун облигацияларни чиқариш бўйича таъминотни тақдим этган учинчи шахс(лар)нинг бухгалтерия ҳисоботлари;

в) эмитентга учинчи шахс(лар) томонидан ушбу эмитентнинг чиқарилаётган облигациялари мажбуриятлари бўйича бундай таъминот мавжуд бўлганда таъминот (гаров, банк кафолати, ёки қонунчилик ҳужжатларида назарда тутилган бошқа усул) берилганлиги тўғрисидаги ҳужжат нусхаси;

г) эмитентнинг сўнги тугалланган йил давомида рентабеллик, тўлов қобилияти, молиявий барқарорлик ва ликвидлик бўйича ижобий кўрсаткичлари мавжудлигини тасдиқловчи аудиторлик ташкилоти хулосасининг асл нусхаси (ёки тасдиқланган нусхаси) (корпоратив облигациялар чиқарилган тақдирда);

д) эмитентнинг облигацияларни чиқариш тўғрисидаги қарор тасдиқланган сана учун ўз капитали миқдорини (Ўзбекистон Республикаси миллий валютасида) тасдиқловчи аудиторлик ташкилоти хулосасининг асл нусхаси (ёки тасдиқланган нусхаси);

е) эмитентнинг мустақил рейтинг баҳоси мавжуд ҳужжат нусхаси (корпоратив облигациялар очиқ обуна орқали чиқарилган тақдирда). Бунда, эмитентга рейтинг баҳосини бериш санаси облигацияларни чиқариш тўғрисидаги қарор қабул қилинган санагача бир йилдан ошмаслиги керак;

ж) облигациялар андеррайтер (андеррайтерлар гуруҳи) томонидан жойлаштирилганда эмитент ва андеррайтер (андеррайтерлар гуруҳи) ўртасида облигацияларни жойлаштириш шартлари кўрсатган ҳолда тузилган шартнома нусхаси;

з) агар облигациялар чиқарилишида облигациялар бўйича мажбуриятларнинг нақд пулда тўланиши кўзда тутилган бўлса эмитент томонидан инвесторларга тўланиши лозим бўлган маблағларни тўлаш бўйича эмитент ва тижорат банки ўртасида тузилган, ушбу банк томонидан тўлов агенти вазифасининг бажарилиши тўғрисидаги шартнома нусхаси. Банк томонидан облигациялар чиқарилганда инвесторларга тўланиши лозим бўлган маблағларни тўлаш бўйича тўлов агенти вазифаси банк-эмитент томонидан мустақил равишда ёхуд бошқа банк томонидан амалга ошириши мумкин.

45-1. Қимматли қоғозлар чиқариш ва (ёки) илгари рўйхатдан ўтказилган қимматли қоғозлар чиқарилишига ўзгартиришлар киритишга доир ҳужжатларни тайёрлаш учун эмитент инвестиция маслаҳатчисини жалб қилиши мумкин.

Эмитент томонидан инвестиция маслаҳатчиси жалб қилинган тақдирда мазкур Қоидаларга мувофиқ қимматли қоғозлар чиқарилишини давлат рўйхатидан ўтказиш учун тақдим этиладиган қимматли қоғозлар чиқарилиши тўғрисидаги қарор, рисола ва илгари рўйхатдан ўтказилган қимматли қоғозлар чиқарилишига ўзгартиришлар матни инвестиция маслаҳатчиси раҳбарининг имзоси билан тасдиқланади.

Инвестиция маслаҳатчиси эмитентга мазкур Қоидаларда назарда тутилган ҳужжатларни тайёрлашга доир хизматлар кўрсатади ва давлат рўйхатидан ўтказиш рад этилган тақдирда улар ўртасида тузилган шартнома ва қонунчилик ҳужжатларига мувофиқ эмитент олдида жавобгар бўлади.

46. Қимматли қоғозларни чиқариш тўғрисидаги қарор ва рисола эмитент томонидан рўйхатдан ўтказувчи органга қоғоз кўринишда тақдим этилади.

47. Қимматли қоғозлар чиқарилишини давлат рўйхатидан ўтказиш учун рўйхатдан ўтказувчи органга, агар мазкур Қоидаларда белгиланган тартибда тасдиқланган нусхаларни тақдим этиш белгиланмаган бўлса, ҳужжатларнинг фақат асл нусхалари тақдим этилади. Агар мазкур Қоидаларда нусханинг ким томонидан тасдиқланиши кўрсатилмаган бўлса, эмитентнинг раҳбари ва бош ҳисобчисининг имзолари билан тасдиқланган ҳужжат нусхаси тақдим этилади.

48. Эмитент акциядорлик жамияти шаклидаги юридик шахс сифатида давлат рўйхатидан ўтказилган кундан бошлаб ўттиз кундан кечиктирмасдан рўйхатдан ўтказувчи органга мазкур Қоидаларда белгиланган тартибда акцияларнинг бирламчи чиқарилишини давлат рўйхатидан ўтказиш учун ҳужжатларни тақдим этиши шарт.

49. Эмитент қимматли қоғозларни чиқариш тўғрисида қарор қабул қилинган кундан бошлаб уч ой ичида, бироқ қимматли қоғозларни чиқариш тўғрисида қарорни тасдиқлаш тўғрисида қарор қабул қилинган кундан бошлаб бир ойдан кечиктирмасдан рўйхатдан ўтказувчи органга мазкур Қоидаларда белгиланган тартибда қимматли қоғозлар чиқарилишини давлат рўйхатидан ўтказишга ҳужжатларни тақдим этиши шарт.

50. Қимматли қоғозлар чиқарилишини давлат рўйхатидан ўтказиш учун тақдим этиладиган ҳужжатлардаги маълумотларнинг тўғрилигига эмитент жавобгар бўлади.

51. Эмитентнинг қимматли қоғозлар чиқарилишини давлат рўйхатидан ўтказиш учун рўйхатдан ўтказувчи органга тақдим этилган ҳужжатлари эмитентга унинг ёзма сўровига кўра қайтарилиши мумкин, давлат рўйхатидан ўтказиш ёки давлат рўйхатидан ўтказишни рад этиш ҳоллари бундан мустасно.

52. Рўйхатдан ўтказувчи орган томонидан қимматли қоғозлар чиқарилишини давлат рўйхатидан ўтказиш учун тақдим этилган ҳужжатларни кўриб чиқиш муддати улар рўйхатдан ўтказувчи орган томонидан олинган санадан бошлаб ўттиз кундан ошмаслиги керак. Ушбу муддат давомида рўйхатдан ўтказувчи орган қимматли қоғозлар чиқарилишини давлат рўйхатидан ўтказишни амалга оширади ёки қимматли қоғозлар чиқарилишини давлат рўйхатидан ўтказишни рад этиш тўғрисида асослантирилган қарор қабул қилади.

53. Қимматли қоғозлар чиқарилиши давлат рўйхатидан ўтказилганда қимматли қоғозларни чиқариш тўғрисидаги қарорнинг ҳар бир нусхасида қимматли қоғозлар чиқарилиши давлат рўйхатидан ўтказилганлиги тўғрисида белги қўйилади ва қимматли қоғозлар чиқарилишига берилган рўйхат рақами кўрсатилади.

54. Қимматли қоғозлар чиқарилишига рўйхат рақамини бериш, шунингдек ЯДРга ёзув киритиш қонунчилик ҳужжатларида белгиланган тартибда амалга оширилади.

55. Қимматли қоғозлар чиқарилиши давлат рўйхатидан ўтказилганидан кейин қимматли қоғозларни чиқариш тўғрисидаги қарорнинг бир нусхаси рўйхатдан ўтказувчи органда қолади, бир нусхаси эмитентга берилади ва бир нусхаси қимматли қоғозлар чиқарилишини тасдиқловчи ҳужжатлар илова қилинган ҳолда Қимматли қоғозлар марказий депозитарийсига топширилади. Қимматли қоғозларни чиқариш тўғрисидаги қарорнинг нусхалари матнида фарқлар мавжуд бўлганда ҳужжатнинг рўйхатдан ўтказувчи органда сақланаётган матни имтиёзли кучга эга бўлади.

56. Рўйхатдан ўтказувчи орган фақат қимматли қоғозлар чиқарилишини давлат рўйхатидан ўтказиш учун тақдим этилган ҳужжатларда мавжуд маълумотларнинг тўлиқлиги учун жавобгар бўлади.

57. Қимматли қоғозлар чиқарилишини давлат рўйхатидан ўтказиш:

а) агар қимматли қоғозлар эмиссияси тижорат банклари, суғуртачилар, биржалар, қимматли қоғозлар бозорининг профессионал иштирокчилари, чет эл инвестициялари иштирокидаги корхоналар, шунингдек Ўзбекистон Республикаси Президенти ва Ҳукумат қарорларига биноан ташкил этилган хўжалик бирлашмалари томонидан амалга оширилса, рўйхатдан ўтказувчи органнинг марказий аппаратида;

б) бошқа ҳолларда, рўйхатдан ўтказувчи органнинг эмитент юридик шахс сифатида давлат рўйхатидан ўтган жойдаги ҳудудий бошқармаларида амалга оширилади.

58. Эмитентнинг мазкур Қоидаларнинг 57-бандида назарда тутилган мақоми ўзгарган тақдирда, қимматли қоғозлар чиқарилишини кейинги давлат рўйхатидан ўтказиш, шунингдек унга ўзгартириш ва қўшимчалар мазкур Қоидаларнинг 57-бандида белгиланган тартибда амалга оширилиши мумкин.

Қимматли қоғозлар чиқаришни давлат рўйхатидан ўтказиш қимматли қоғозларнинг бирламчи чиқарилиши давлат рўйхатидан ўтказилган органда амалга оширилади, ушбу банднинг биринчи хатбошисида назарда тутилган ҳоллар бундан мустасно.

Қимматли қоғозлар чиқарилишининг давлат рўйхатидан ўтказилиши рўйхатдан ўтказувчи орган марказий аппарати томонидан амалга оширилган эмитент ҳужжатлари, шунингдек кейинги қимматли қоғозлар чиқарилишларининг давлат рўйхатидан ўтказилишини амалга ошириш, илгари рўйхатдан ўтказилган қимматли қоғозлар чиқарилишига ўзгартиришлар киритиш ва ушбу эмитентлар қимматли қоғозлари чиқарилишларини ЯДРдан чиқариб ташлаш рўйхатдан ўтказувчи орган марказий аппарати раҳбарининг буйруғи билан рўйхатдан ўтказувчи органнинг эмитент юридик шахс сифатида давлат рўйхатидан ўтказилган жойдаги ҳудудий бошқармаларига берилиши мумкин.

Х. ДАВЛАТ КОРХОНАСИ АКЦИЯДОРЛИК ЖАМИЯТИ

СИФАТИДА ҚАЙТА ТУЗИЛАЁТГАНДА АКЦИЯЛАР

БИРЛАМЧИ ЧИҚАРИЛИШИНИ ДАВЛАТ

РЎЙХАТИДАН ЎТКАЗИШ

59. Давлат корхонасини акциядорлик жамияти сифатида қайта тузиш қонунчилик ҳужжатларида белгиланган тартибда амалга оширилади.

60. Давлат корхонасидан қайта тузилган акциядорлик жамияти давлат рўйхатидан ўтказилган кундан бошлаб бир ойдан кечиктирмасдан рўйхатдан ўтказувчи органга акцияларнинг бирламчи чиқарилишини давлат рўйхатидан ўтказиш учун қуйидаги ҳужжатларни тақдим этиши шарт:

а) қуйидагилар кўрсатилиши лозим бўлган қимматли қоғозлар чиқарилишини давлат рўйхатидан ўтказиш тўғрисидаги ариза:

ташкилот номи;

ташкилотнинг юридик манзили;

қимматли қоғозларнинг сони, тури ва типи;

бир дона қимматли қоғознинг номинал қиймати;

чиқаришнинг умумий ҳажми;

акциялар чиқарилишини давлат рўйхатидан ўтказиш бўйича ҳужжатларни кўриб чиқиш учун тўлов суммаси, тўлов қоғози санаси ва рақами (қонунчиликда кўрсатилган ҳолатлар бундан мустасно);

эмитентнинг масъул ҳодими ҳақида маълумот ва унинг алоқа маълумотлари.

Аризаларга нусхалар ва варақлар сони кўрсатилган ҳолда ҳужжатлар рўйхати илова қилинади.

Ариза ташкилот раҳбари ҳамда бош ҳисобчиси томонидан имзоланиши лозим;

г) мазкур Қоидаларнинг 40-бандида кўрсатилган иловаларга мувофиқ шаклдаги рисола, уч нусхада;

д) Давлат активларини бошқариш агентлиги директори ёки унинг ҳудудий бошқармаси бошлиғининг давлат корхонасини қайта тузиш тўғрисидаги буйруғи.

61. Давлат корхонасини қайта тузиш натижасида ташкил этилган акциядорлик жамиятини таъсис этишда рисола (акцияларни чиқариш тўғрисидаги қарор) Давлат активларини бошқариш агентлиги ёки унинг ҳудудий бошқармаси томонидан тасдиқланади.

62. Давлат корхонасини қайта тузиш натижасида ташкил этилган акциядорлик жамиятини таъсис этишда акциялар чиқарилишини давлат рўйхатидан ўтказиш рўйхатдан ўтказувчи орган томонидан зарур ҳужжатлар тақдим этилган кундан бошлаб ўттиз кундан кечиктирмасдан амалга оширилади.

63. Рўйхатдан ўтказувчи органга мазкур Қоидаларда назарда тутилган ҳужжатларнинг тўлиқ пакети тақдим этилмаганда, шунингдек бошқа қонунбузарликлар аниқланган тақдирда рўйхатдан ўтказувчи орган акциялар чиқарилишини давлат рўйхатидан ўтказишни рад этади.

64. Давлат корхоналарини акциядорлик жамиятларига қайта тузиш жараёнида эмиссия қилинган акциялар улар белгиланган тартибда янги эгаларига сотилгунига қадар бирламчи жойлаштирилган давлат активлари бўлиб ҳисобланади.

64-1. Давлат муассасаси акциядорлик жамияти этиб ўзгартирилаётганда акцияларни бирламчи чиқаришни давлат рўйхатидан ўтказиш мазкур боб талабларига мувофиқ амалга оширилади.

XII. ЭМИССИЯВИЙ ҚИММАТЛИ ҚОҒОЗЛАР

ЧИҚАРИЛИШИНИ ВА (ЁКИ) ИЛГАРИ РЎЙХАТДАН

ЎТКАЗИЛГАН ЭМИССИЯВИЙ ҚИММАТЛИ ҚОҒОЗЛАР

ЧИҚАРИЛИШИГА ДОИР ЎЗГАРТИРИШЛАРНИ ДАВЛАТ

РЎЙХАТИДАН ЎТКАЗИШ УЧУН ЙИҒИМ

68. Эмиссиявий қимматли қоғозлар чиқарилишини ва (ёки) илгари рўйхатдан ўтказилган эмиссиявий қимматли қоғозлар чиқарилишига доир ўзгартиришларни давлат рўйхатидан ўтказиш учун йиғим Ўзбекистон Республикаси "Қимматли қоғозлар бозори тўғрисида"ги Қонунининг 10-моддасида белгиланган миқдорда ва тартибда ундирилади.

69. Эмиссиявий қимматли қоғозлар чиқарилишини давлат рўйхатидан ўтказиш бўйича ҳужжатларни кўриб чиқиш учун эмитент рўйхатдан ўтказувчи органга базавий ҳисоблаш миқдорининг беш баробари миқдорида йиғим тўлайди.

70. Рўйхатдан ўтказувчи орган томонидан қимматли қоғозлар чиқарилишини ва (ёки) илгари рўйхатдан ўтказилган эмиссиявий қимматли қоғозлар чиқарилишига доир ўзгартиришларни давлат рўйхатидан ўтказиш ёки давлат рўйхатидан ўтказишни рад этиш тўғрисидаги қарор қабул қилинганда давлат рўйхатидан ўтказишга тақдим этилган ҳужжатларни кўриб чиқиш учун йиғим қайтарилмайди.

XIII. ҚИММАТЛИ ҚОҒОЗЛАРНИ ЖОЙЛАШТИРИШ

71. Эмитент томонидан қимматли қоғозларни жойлаштириш қимматли қоғозлар чиқарилиши давлат рўйхатидан ўтказилганидан кейин қимматли қоғозлар чиқарилишининг шартларига мувофиқ амалга оширилади.

72. Қимматли қоғозлар очиқ обуна йўли билан жойлаштирилганда эмитент қимматли қоғозлар чиқарилишини давлат рўйхатидан ўтказилганлиги тўғрисидаги маълумотни ва рисолада мавжуд ахборотдан исталган манфаатдор шахснинг фойдаланиш тартибини ошкор қилиши шарт. Бунда қимматли қоғозлар қўшимча чиқарилишини қимматли қоғозлар чиқарилиши давлат рўйхатидан ўтказилганлиги тўғрисидаги маълумот ошкор этилганидан кейин камида икки ҳафта олдин очиқ обуна йўли билан жойлаштириш тақиқланади.

73. Эмитентнинг қимматли қоғозлари очиқ обуна йўли билан жойлаштирилган тақдирда бир инвесторнинг (инвесторларнинг) бошқаси (бошқалари) олдидаги устунлигини белгилаш тақиқланади, қуйидаги ҳолатлар бундан мустасно:

а) акциядорлик жамиятларининг акциядорларига қимматли қоғозларни белгиланган тартибда уларга тегишли акциялар сонига мутаносиб равишда имтиёзли олиш ҳуқуқини бериш;

б) Ўзбекистон Республикасининг норезидентлари томонидан қимматли қоғозларни олишга қонунчилик ҳужжатларида ва (ёки) эмитент уставида чекловлар мавжуд бўлиши.

74. Акцияларни жойлаштириш қуйидаги усулларда амалга оширилиши мумкин:

а) эмитент ва олувчи ўртасида тегишли шартнома тузилганда обуна қилиш. Бунда, акциядорлар ўзининг ҳисобланган, лекин олинмаган дивидендларини эмитентнинг қўшимча чиқарилган акцияларини олишда фойдаланишига ҳақлидир;

б) эмитентнинг устав капитали ўз капитали ҳисобидан тўланадиган қўшимча акциялар чиқарилиши орқали оширилганда акцияларни акциядорлар ўртасида тақсимлаш. Бунда, акцияларни эмитентнинг акциядорлари ўртасида жойлаштириш эмитент олий бошқарув органининг ўз капиталини устав капиталига йўналтириш тўғрисидаги қарори асосида ҳеч қандай шартномалар тузилмаган ҳолда амалга оширилади. Акцияларни акциядорлар ўртасида тақсимлаш қўшимча акциялар чиқарилиши тўғрисидаги қарорда кўрсатилган кундаги реестр маълумотлари бўйича амалга оширилади;

в) уларга айирбошлашда:

устав, қонунчилик ҳужжатлари, шу жумладан, мазкур Қоидаларга мувофиқ аввал чиқарилган АҚҚ;

паст номинал қийматига эга аввал чиқарилган қимматли қоғозларни (акцияларни йириклаштиришда);

юқори номинал қийматига эга аввал чиқарилган қимматли қоғозларни (акциялар номинал қийматини камайтириш йўли билан акциялар майдаланганда ёки устав капитали камайтирилганда);

қўшиб юбориш, бирлаштириш, бўлиш, ажратиб чиқариш орқали қайта ташкил этилаётган юридик шахсларнинг қимматли қоғозлари ва (ёки) улушларини, шунингдек юридик шахснинг акциядорлик жамияти сифатида қайта тузилишида киритилган улушларини.

Қимматли қоғозлар ва (ёки) улушларни айирбошлаш қимматли қоғозлар чиқарилиши давлат рўйхатидан ўтказилган кундан бошлаб 15 календарь кунидан кечиктирмасдан амалга оширилади.

Қимматли қоғозларни айирбошлаш орқали жойлаштирилганда бирор-бир шартнома тузилиши талаб этилмайди.

75. Банклар акцияларини бирламчи оммавий жойлаштириш муомалага янги чиқарилган ҳажмининг 25 фоизидан кам бўлмаган миқдорда фонд биржасида амалга оширилади (хусусий банклар бундан мустасно). Бунда, банк акциялари оммавий жойлаштирилиши бошланган кундан бошлаб фонд биржасига сотиш учун қўйилиши керак.

76. Облигацияларни жойлаштириш обуна йўли билан (эмитент ва олувчи ўртасида келишилган облигациялар сонига олди-сотди шартномасини тузиш) амалга оширилиши мумкин.

77. Қимматли қоғозларнинг жойлаштирилиши:

а) акциялар бирламчи чиқарилган тақдирда - қимматли қоғозларни чиқариш тўғрисидаги қарорда белгиланган муддатда, лекин эмитент юридик шахс сифатида давлат рўйхатидан ўтказилган кундан бошлаб бир йилдан кечиктирмасдан;

б) бошқа ҳолатларда - қимматли қоғозларни чиқариш тўғрисидаги қарорда белгиланган муддатда, лекин ушбу қимматли қоғозлар чиқарилиши давлат рўйхатидан ўтказилган кундан бошлаб бир йилдан кечиктирмасдан тугалланиши керак.

Эмитент қонунчилик ҳужжатларида назарда тутилган барча жараёнларга риоя этган ҳолда қимматли қоғозларни жойлаштиришга ҳақли бўлган сана жойлаштириш бошланган сана деб тушунилади.

78. Жойлаштирилаётган қимматли қоғозлар сони қимматли қоғозларни чиқариш тўғрисидаги қарорда кўрсатилган сонидан (доналарда) ошмаслиги керак.

79. Жойлаштириш жараёнида чиқариш тўғрисидаги қарорда кўрсатилган сонига (доналарда) нисбатан камроқ сондаги қимматли қоғозлар жойлаштирилиши мумкин.

80. Эмитент рўйхатдан ўтказилган қимматли қоғозларни чиқариш тўғрисидаги қарорда кўрсатилган қимматли қоғозларни жойлаштириш муддати ўтган кундан кейин ўттиз кундан кечиктирмасдан, агар барча қимматли қоғозлар ушбу муддат ўтишидан олдин жойлаштирилган бўлса - ушбу чиқаришдаги сўнгги қимматли қоғозни жойлаштириш кунидан кейин ўттиз кундан кечиктирмасдан рўйхатдан ўтказувчи органга қимматли қоғозларни чиқариш натижалари тўғрисидаги билдиришномани тақдим этади. Ушбу талаб қимматли қоғозларнинг янги чиқарилишига татбиқ этилмайди.

81. Қимматли қоғозларни чиқариш натижалари тўғрисидаги билдиришнома мазкур Қоидаларнинг 6-иловасига мувофиқ шаклда тақдим этилади.

Қимматли қоғозларни чиқариш натижалари тўғрисидаги билдиришнома эмитентнинг раҳбари, унинг бош бухгалтери ёки уларнинг вазифаларини бажарувчи шахслар томонидан имзолаш санаси кўрсатилган ҳолда имзоланади.

82. Ҳужжатсиз шаклдаги қимматли қоғозлар ушбу қимматли қоғозлар жойлаштирилиши муддати ичида уларнинг ҳақи тўлиқ тўланганидан ва улар олувчиларнинг депо ҳисобварақларига ўтказилганидан кейин жойлаштирилган ҳисобланади.

Жойлаштирилмаган қимматли қоғозлар бекор қилиниши лозим.

83. Эмитент рўйхатдан ўтказилган облигацияларни чиқариш тўғрисидаги қарорда кўрсатилган облигациялар муомаласининг муддати ўтган кундан кейин ўттиз кундан кечиктирмасдан, агар барча облигациялар ушбу муддат ўтганича кейинчалик уларни сўндириш мақсадида қайтариб сотиб олинган бўлса - ушбу чиқаришдаги охирги облигация қайтариб сотиб олинган кундан кейин ўттиз кундан кечиктирмасдан рўйхатдан ўтказувчи органга облигацияларнинг муомала муддати тугаганлиги тўғрисидаги билдиришномани тақдим этади.

84. Облигацияларнинг муомала муддати тугаганлиги тўғрисидаги билдиришнома мазкур Қоидаларнинг 7-иловасига мувофиқ шаклда тақдим этилади.

XIV. АВВАЛ РЎЙХАТДАН ЎТКАЗИЛГАН ҚИММАТЛИ

ҚОҒОЗЛАР ЧИҚАРИШЛАРИГА ЎЗГАРТИРИШЛАР

ВА (ЁКИ) ҚЎШИМЧАЛАР КИРИТИШ

85. Қимматли қоғозларни жойлаштириш муддати давомида қимматли қоғозларни чиқариш натижалари бўйича билдиришнома тақдим этилишига қадар қимматли қоғозларни чиқариш тўғрисидаги қарорга ва рисолага ўзгартириш ва (ёки) қўшимчалар киритиш фақат қуйидаги ҳолатларда эмитентнинг ёзма аризаси асосида амалга оширилади:

а) эмитентнинг фирма номи ўзгарганда, шу жумладан кирилл ҳарфларидан лотин ҳарфларига;

б) эмитентнинг ташкилий-ҳуқуқий шакли ўзгарганда;

в) акцияларни жойлаштириш муддатининг қонунчилик ҳужжатларида белгиланган муддатлар доирасида узайтирилганда;

г) агар бундай ўзгаришлар ва (ёки) қўшимчаларни киритиш Ҳукумат қарорлари сабабли амалга оширилса.

85-1. Қимматли қоғозларни чиқариш натижалари бўйича билдиришнома топширилгандан кейин қимматли қоғозларни чиқариш тўғрисидаги қарорга ўзгартиришлар ва (ёки) қўшимчалар киритиш фақат қуйидаги ҳолатларда эмитентнинг ёзма аризаси асосида амалга оширилади:

а) эмитентнинг фирма номи ўзгарганда, шу жумладан кирилл ҳарфларидан лотин ҳарфларига;

б) тўлиқ жойлаштирилмаганда;

в) эмитентнинг ташкилий-ҳуқуқий шакли ўзгарганда;

г) жамият устав капиталини камайтириш мақсадида акциялар умумий сони қисқартирилганда;

д) битта чиқарилишдаги АҚҚ қисман айирбошланганда.

86. Қимматли қоғозларни чиқариш тўғрисидаги қарор ва (ёки) рисолага ўзгартиришлар ва (ёки) қўшимчалар эмитент бошқарув органининг қарорига кўра киритилади.

87. Рўйхатдан ўтказувчи орган қимматли қоғозларни чиқариш тўғрисидаги қарор ва эмиссия рисолага ушбу ҳужжатларда нотўғри маълумотлар ёки техник тавсифга эга хатолар топилганда, шунингдек эмитент томонидан қимматли қоғозлар эмиссияси жараёнида қонунчилик ҳужжатлари ва мазкур Қоидалар талаблари бузилган тақдирда ўзгартиришлар киритишни талаб қилиши мумкин.

88. Қимматли қоғозларни чиқариш тўғрисидаги қарор ва қимматли қоғозлар рисоласига қўшимчалар ва (ёки) ўзгартиришлар қимматли қоғозларни жойлаштириш муддатини, шунингдек ушбу қарор билан белгиланган ва рисолада кўрсатилган бир дона қимматли қоғоз бўйича ҳуқуқлар ҳажми қисмини қисқартириш мақсадларида киритишга йўл қўйилмайди.

89. Чиқаришларга киритилган барча ўзгартиришлар ва (ёки) қўшимчалар рўйхатдан ўтказувчи орган томонидан мазкур боб талабларига мувофиқ рўйхатдан ўтказилиши лозим.

Қимматли қоғозларни чиқариш тўғрисидаги қарор ва (ёки) рисолага ўзгартиришлар ва (ёки) қўшимчаларни давлат рўйхатидан ўтказиш учун ҳужжатлар рўйхатдан ўтказувчи органга ўзгартиришлар киритиладиган ҳужжатлар рўйхатдан ўтказилган жойда эмитентнинг ваколатли органи томонидан бундай ўзгартиришлар ва (ёки) қўшимчалар киритиш тўғрисидаги қарор қабул қилинган кундан бошлаб ўттиз кун мобайнида, агар қимматли қоғозларни чиқариш тўғрисидаги қарор ва (ёки) рисолага ўзгартиришлар ва (ёки) қўшимчалар киритиш эмитент таъсис ҳужжатларига ўзгартиришлар ва (ёки) қўшимчалар киритишга асосланган бўлса - эмитентнинг таъсис ҳужжатларига киритилган тегишли ўзгартиришлар ва (ёки) қўшимчалар давлат рўйхатидан ўтказилган кундан бошлаб ўттиз кун мобайнида тақдим этилиши лозим.

91. Аввал рўйхатдан ўтказилган қимматли қоғозлар чиқарилишига киритилган ўзгартиришлар ва (ёки) қўшимчаларни давлат рўйхатидан ўтказиш учун эмитент рўйхатдан ўтказувчи органга қуйидаги ҳужжатларни тақдим этиши лозим:

а) аввал рўйхатдан ўтказилган қимматли қоғозлар чиқаришларига ўзгартиришлар ва (ёки) қўшимчалар киритиш тўғрисидаги қарор қабул қилинганлигини тасдиқловчи акциядорлар умумий йиғилиши баённома нусхаси ёки баённомасидан кўчирма, шунингдек саноқ комиссияси томонидан тузилган кворум ва овоз бериш натижалари тўғрисидаги баённома нусхаси ёки баённомадан кўчирма, аввал рўйхатдан ўтказилган қимматли қоғозлар чиқаришларига ўзгартиришлар ва (ёки) қўшимчалар киритиш тўғрисидаги қарор кузатув кенгаши томонидан қабул қилган тақдирда эса - йиғилиш баённома нусхаси ёки баённомасидан кўчирма, овоз беришда иштирок этган кузатув кенгаши аъзоларининг фамилияси, исми, шарифи кўрсатилган ҳолда;

б) мазкур Қоидаларнинг 8-иловасига мувофиқ шаклда тузилган аввал рўйхатдан ўтказилган қимматли қоғозлар чиқаришларига киритилган ўзгартиришлар ва (ёки) қўшимчаларни давлат рўйхатидан ўтказишга ариза;

в) мазкур Қоидаларнинг 9-иловасига мувофиқ шаклда аввал рўйхатдан ўтказилган қимматли қоғозлар чиқаришларига киритилган ўзгартиришлар ва (ёки) қўшимчаларнинг матни, шунингдек мазкур Қоидаларнинг 85-бандида назарда тутилган ҳолатларда рисолага киритилаётган ўзгартиришлар ва (ёки) қўшимчалар матни, мазкур Қоидаларнинг 10-иловасига мувофиқ шаклда уч нусхада;

д) давлат рўйхатига олиш учун тақдим этилган ҳужжатлар рўйхати.

Агарда:

ушбу банднинг "а" кичик бандида кўрсатилган қарор ягона акциядор томонидан қабул қилинган бўлса, тегишли акциядор қарорининг нусхаси тақдим этилади;

ўзгартиришлар ва (ёки) қўшимчалар аввал чиқарилган АҚҚни айирбошлаш билан боғлиқ бўлса, қўшимча акциялар чиқарилишини давлат рўйхатидан ўтказиш учун топшириладиган ҳужжатлар билан бир вақтда мазкур банднинг "б" ва "в" кичик бандларида кўрсатилган ҳужжатлар, шунингдек айирбошлаш амалга оширилаётган АҚҚ эгаларининг эмитент томонидан тасдиқланган аризалари нусхалари (мавжуд бўлган тақдирда) тақдим этилади.

92. Рўйхатдан ўтказувчи орган мазкур Қоидаларга мувофиқ, ҳужжатлар олинган кундан бошлаб ўттиз кун мобайнида қимматли қоғозларни чиқариш тўғрисидаги қарор ва (ёки) рисолага киритилаётган ўзгартиришлар ва (ёки) қўшимчаларни давлат рўйхатидан ўтказишни амалга ошириши ёки уларни давлат рўйхатидан ўтказишни рад этиш тўғрисида асослантирилган қарор қабул қилиши шарт.

Қимматли қоғозларни чиқариш тўғрисидаги қарор ва (ёки) рисолага киритилган ўзгартиришлар ва (ёки) қўшимчаларни давлат рўйхатидан ўтказиш тўғрисида қарор қабул қилинса, рўйхатдан ўтказувчи орган эмитентга давлат рўйхатидан ўтказилганлиги тўғрисида белги қўйилган қимматли қоғозларни чиқариш тўғрисидаги қарор ва (ёки) рисолага киритилган ўзгартиришлар ва (ёки) қўшимчаларнинг нусхасини беради.

XV. ҚИММАТЛИ ҚОҒОЗЛАР ЧИҚАРИЛИШИНИ ТЎХТАТИБ

ТУРИШ, ҚИММАТЛИ ҚОҒОЗЛАР ЧИҚАРИЛИШИНИ

АМАЛГА ОШМАГАН ЁКИ ҲАҚИҚИЙ ЭМАС ДЕБ

ТОПИШ, ШУНИНГДЕК ОБЛИГАЦИЯЛАРНИ

СЎНДИРИШ

94. Қимматли қоғозлар чиқарилиши:

а) рўйхатдан ўтказувчи орган томонидан тўхтатиб қўйиш;

б) рўйхатдан ўтказувчи орган томонидан ҳақиқий эмас деб топилиши;

в) мазкур Қоидаларда назарда тутилган ҳолатларда ЯДРдан чиқарилиши;

г) суд томонидан ҳақиқий эмас деб топилиши мумкин.

95. Рўйхатдан ўтказувчи орган қуйидаги ҳолатларда эмитентлар қимматли қоғозлари эмиссияси ва муомаласини тўхтатиб қўйишга ҳақлидир:

а) қимматли қоғозлар чиқариш шартлари уларни чиқариш тўғрисидаги қарорга номувофиқлиги аниқланганда;

б) амалда рўйхатга олинганидан ортиқ ҳажмдаги қимматли қоғозлар жойлаштирилганда;

в) эмитент томонидан белгиланган муддатларда рўйхатдан ўтказувчи органнинг қонуний талаблари бажарилмаганда;

г) рўйхатдан ўтказувчи органнинг ҳисоботларни тақдим этиш ва ахборотни ошкор этиш тўғрисидаги кўрсатмалари бажарилмаганда (фақат жойлаштириш муддати давомида);

д) Ўзбекистон Республикаси Марказий банки банк фаолиятини амалга оширишга берилган лицензия чақириб олинганда (тижорат банклари учун);

е) қимматли қоғозларни чиқариш тўғрисидаги қарор ва рисола билан танишиб чиқиш жойи ва тартиби бўйича маълумотлар нашр қилинмаганда (фақат жойлаштириш муддати давомида);

ж) чиқариш шартларини ўзгартирадиган нотўғри ёки чалғитувчи маълумотлар аниқланганда;

з) тегишли суд қарори мавжуд бўлганда;

и) эмитент томонидан қимматли қоғозлар эмиссияси жараёнида қимматли қоғозлар бозори тўғрисидаги қонунчилик ҳужжатлари ва мазкур Қоидалар талаблари бузилганда.

96. Қимматли қоғозлар эмиссияси ва муомаласи тўхтатиб қўйилганда ушбу қимматли қоғозларнинг кейинчалик жойлаштирилиши ва муомаласи тақиқланади.

Қимматли қоғозлар эмиссиясининг тўхтатиб қўйилиши эмитент томонидан кейинги қимматли қоғозлар жойлаштирилишининг вақтинчалик таъқиқини ва ушбу чиқаришдаги қимматли қоғозларни жойлаштириш бўйича реклама компаниясини вақтинчалик тўхтатиб турилишини англатади.

Қимматли қоғозлар муомаласини тўхтатиб қўйиш ушбу қимматли қоғозлар билан битимлар тузиш бўйича вақтинчалик тақиқни англатади.

Қимматли қоғозлар рекламаси тарқатувчилари ва савдоси ташкилотчиларини жойлаштириш ва муомаласини тўхтатиб қўйиш бўйича маълум қилиш вазифаси эмитентга юкланади.

97. Қимматли қоғозлар эмиссияси ва муомаласини тўхтатиб қўйишга асослар аниқланганда рўйхатдан ўтказувчи орган қимматли қоғозлар эмиссияси ва (ёки) муомаласини тўхтатиб қўйиш тўғрисида қарор қабул қилади. Бунда, рўйхатдан ўтказувчи орган шу каби қарор қабул қилинган кундан бошлаб уч иш кунидан кечиктирмасдан эмитентга қарорни ва қонун бузишларини бартараф этиш тўғрисидаги кўрсатмани, шунингдек Қимматли қоғозлар марказий депозитарийсига қимматли қоғозлар ҳаракатини блокировка қилиш тўғрисида кўрсатмани жўнатади.

Эмитент тегишли қонун бузишларини бартараф этиш тўғрисида кўрсатма олган вақтдан бошлаб қимматли қоғозларнинг жойлаштирилишини тўхтатиб қўйиши ва рўйхатдан ўтказувчи орган томонидан белгиланган муддатларда аниқланган қонун бузишларини бартараф этиши шарт.

Рўйхатдан ўтказувчи органнинг тегишли кўрсатмасини олган кундан бошлаб Қимматли қоғозлар марказий депозитарийси ўрнатилган тартибда қимматли қоғозлар ҳаракатини блокировка қилиш шарт.

Қимматли қоғозларни жойлаштириш муддати тўхтатиб қўйиш даврига узайтирилмайди.

98. Қимматли қоғозларни жойлаштириш ва муомаласининг тикланиши тўхтатиб қўйишига сабаб бўлган қонун бузишлари эмитент томонидан бартараф этилганидан кейин рўйхатдан ўтказувчи органнинг қарорига кўра амалга оширилади.

99. Қимматли қоғозлар чиқарилиши амалга ошмаган деб топилганлиги тўғрисидаги қарор рўйхатдан ўтказувчи орган томонидан қабул қилинади. Бунда, рўйхатдан ўтказувчи орган шу каби қарор қабул қилинган кундан бошлаб уч иш кунидан кечиктирмасдан эмитентга ушбу қарорни жўнатади. Эмитент қимматли қоғозлар чиқарилишини амалга ошмаган деб топиш тўғрисидаги рўйхатдан ўтказувчи орган қарорини олган вақтдан бошлаб икки иш куни мобайнида бу тўғрисидаги ахборотни ошкор этиши шарт.

Қимматли қоғозлар чиқарилиши амалга ошмаган деб топилган тақдирда ушбу чиқарилишдаги қимматли қоғозлари эмитентга қайтарилиши лозим, эмитент томонидан уларни жойлаштиришдан олинган маблағлар эса, уларни чиқариш тўғрисидаги қарорда белгиланган тартибда инвесторларга қайтарилади. Бунда, қимматли қоғозлар чиқарилиши қимматли қоғозлар чиқарилишига берилган давлат рўйхат рақамини бекор қилиш орқали ЯДРдан чиқарилади.

100. Қимматли қоғозлар чиқарилишини ЯДРдан чиқариш қимматли қоғозлар чиқарилишига аввал берилган давлат рўйхат рақамини бекор қилиш орқали қуйидаги ҳолатларда амалга оширилади:

а) чиқариш амалга ошмаган деб топилганда;

б) эмитент қайта ташкил этилганда ёки тугатилганда;

в) тегишли суд қарори мавжуд бўлганда;

г) мазкур Қоидаларда назарда тутилган ҳолатларда қимматли қоғозларнинг янги чиқарилишида;

д) облигациялар чиқарилиши сўндирилганда;

е) битта чиқарилишдаги барча АҚҚ айирбошланганда.

101. Эмитент қимматли қоғозлар чиқарилишини (чиқаришларини) ЯДРдан чиқаришга асослар пайдо бўлган кундан бошлаб ўн кун мобайнида тегишли сабабларни, қимматли қоғозлар чиқарилишига (чиқаришларига) берилган, ЯДРдан чиқарилиши лозим бўлган давлат рўйхат рақамини кўрсатган ва керакли ҳужжатларни илова қилган ҳолда бу ҳақда рўйхатдан ўтказувчи органга ёзма аризани тақдим этиши шарт.

Эмитент томонидан қимматли қоғозлар чиқарилишининг (чиқаришларининг) давлат рўйхат рақамининг бекор қилинишига, шунингдек қимматли қоғозлар чиқарилишини (чиқаришларини) ЯДРдан чиқарилишига сабаб бўладиган қимматли қоғозларнинг янги, қўшимча ёки бирламчи чиқаришлари амалга оширилган тақдирда эмитентлар қимматли қоғозларнинг янги, қўшимча ёки бирламчи чиқаришларини давлат рўйхатидан ўтказиш учун ҳужжатлар билан бир қаторда тегишли сабабларни, ЯДРдан чиқарилиши лозим бўлган қимматли қоғозлар чиқарилишининг (чиқаришларининг) давлат рўйхат рақамини кўрсатган ҳолда ва керакли ҳужжатларни илова қилган ҳолда бу ҳақда рўйхатдан ўтказувчи органга ёзма аризани тақдим этиши шарт.

102. Қимматли қоғозлар чиқарилишини ЯДРдан чиқариш учун эмитент рўйхатдан ўтказувчи органга қуйидаги ҳужжатларни тақдим этиши шарт:

а) чиқарилиши амалга ошмаган деб топилган тақдирда:

қимматли қоғозлар чиқарилиши тўғрисидаги қарор ва рисола, шунингдек уларга киритилган барча ўзгартиришлар ва қўшимчаларнинг (ўзгартиришлар ва қўшимчалар киритилган тақдирда) асли. Кўрсатилган ҳужжатларнинг асли йўқотилган тақдирда йўқотиш тўғрисида оммавий ахборот воситаларидаги эълон нусхаси тақдим этилади;

оммавий ахборот воситаларидаги қимматли қоғозлар чиқарилишини амалга ошмаган деб топиш ва ушбу чиқарилишдаги жойлаштирилган қимматли қоғозларга тўланган маблағлар қайтарилиши тўғрисидаги эълон нусхаси;

эмитентнинг депо ҳисобварағида ушбу чиқарилишнинг барча қимматли қоғозлари мавжудлигини тасдиқловчи эмитентнинг депо ҳисобварағидан кўчирма;

маблағларнинг инвесторларга қайтарилганлиги тўғрисидаги эмитентнинг ёзма тасдиғи, маблағлар тўлов агенти вазифасини бажарувчи тижорат банклари орқали қайтарилган тақдирда эса шунингдек, эмитент томонидан чиқарилиши амалга ошмаган деб топилган қимматли қоғозлар бўйича инвесторлар билан ҳисоб-китоблар тўлиқ амалга оширилганлиги тўғрисидаги тўлов агентининг ёзма тасдиғи;

б) тегишли суд қарори мавжуд бўлган тақдирда:

қимматли қоғозлар чиқарилишининг (чиқаришларининг) ҳақиқий эмас деб топилганлиги тўғрисидаги қонуний кучга кирган суд қарори, шунингдек ушбу қарор бўйича берилган ижро варақаси;

қимматли қоғозлар чиқарилиши тўғрисидаги қарор (қарорлар) ва рисола (рисолалар), шунингдек уларга киритилган барча ўзгартиришлар ва қўшимчаларнинг (ўзгартиришлар ва қўшимчалар киритилган тақдирда) асли (асллари). Кўрсатилган ҳужжатларнинг асллари йўқотилган тақдирда йўқотиш тўғрисида оммавий ахборот воситаларидаги эълон нусхаси тақдим этилади;

қимматли қоғозлар чиқарилишини ҳақиқий эмас деб топиш тўғрисида оммавий ахборот воситаларидаги эълон нусхаси;

эмитентнинг депо ҳисобварағида ушбу чиқарилишнинг барча қимматли қоғозлари мавжудлигини тасдиқловчи эмитентнинг депо ҳисобварағидан кўчирма;

в) тугатилган тақдирда:

тугатиш тўғрисидаги эмитент бошқарув органи ёки суд қарорининг нусхаси;

қимматли қоғозлар чиқарилиши тўғрисидаги қарор (қарорлар) ва рисола (рисолалар), шунингдек уларга киритилган барча ўзгартиришлар ва қўшимчаларнинг (ўзгартиришлар ва қўшимчалар киритилган тақдирда) асли (асллари). Кўрсатилган ҳужжатларнинг асллари йўқотилган тақдирда йўқотиш тўғрисида оммавий ахборот воситаларидаги эълон нусхаси тақдим этилади;

эмитентнинг тугатилиши тўғрисида оммавий ахборот воситаларидаги эълон нусхаси;

тугатиш балансининг нусхаси;

г) облигациялар чиқарилиши сўндирилган тақдирда:

қимматли қоғозлар чиқарилиши тўғрисидаги қарор (қарорлар) ва рисола (рисолалар), шунингдек уларга киритилган барча ўзгартиришлар ва қўшимчаларнинг (ўзгартиришлар ва қўшимчалар киритилган тақдирда) асли (асллари). Кўрсатилган ҳужжатларнинг асллари йўқотилган тақдирда йўқотиш тўғрисида оммавий ахборот воситаларидаги эълон нусхаси тақдим этилади;

эмитентнинг депо ҳисобварағида ушбу чиқарилишнинг барча қимматли қоғозлари мавжудлигини тасдиқловчи эмитентнинг депо ҳисобварағидан кўчирма;

эмитент томонидан облигацияларни чиқариш тўғрисидаги қарорда назарда тутилган облигациялар бўйича барча ўз мажбуриятларини бажарганлиги тўғрисида эмитентнинг ёзма тасдиғи, облигациялар бўйича эмитентнинг мажбуриятлари тўлов агенти вазифасини бажарувчи тижорат банклари орқали бажарилган тақдирда эса шунингдек, чиқарилиши (чиқаришлари) сўндирилган (сўндирилаётган) облигациялар бўйича эмитент томонидан барча мажбуриятларнинг бажарганлиги тўғрисида тўлов агентининг ёзма тасдиғи;

д) қайта ташкил этилган тақдирда:

эмитент бошқарув органининг қайта ташкил этиш тўғрисидаги қарорининг нусхаси;

қимматли қоғозлар чиқарилиши тўғрисидаги қарор (қарорлар) ва рисола (рисолалар), шунингдек уларга киритилган барча ўзгартиришлар ва қўшимчаларнинг (ўзгартиришлар ва қўшимчалар киритилган тақдирда) асли (асллари). Кўрсатилган ҳужжатларнинг асллари йўқотилган тақдирда йўқотиш тўғрисида оммавий ахборот воситаларидаги эълон нусхаси тақдим этилади;

эмитентнинг қайта ташкил этилиши тўғрисида оммавий ахборот воситаларидаги эълон нусхаси;

унга мувофиқ акцияларни бошқа эмитентлар акцияларига ёки юридик шахсларнинг улушларига (пайларига) айирбошланиши амалга ошириладиган эмитент акциядорлари реестрининг нусхаси;

е) янги чиқарилиш амалга оширилган тақдирда:

қимматли қоғозлар чиқарилиши тўғрисидаги қарор (қарорлар) ва рисола (рисолалар), шунингдек уларга киритилган барча ўзгартиришлар ва қўшимчаларнинг (ўзгартиришлар ва қўшимчалар киритилган тақдирда) асли (асллари). Кўрсатиб ўтилган ҳужжатларнинг асллари йўқотилган тақдирда йўқотиш тўғрисида оммавий ахборот воситаларидаги эълон нусхаси тақдим этилади;

ж) битта чиқарилишдаги барча АҚҚни айирбошлаш амалга оширилган тақдирда:

АҚҚ чиқарилиши тўғрисидаги қарор (қарорлар) ва рисола (рисолалар), шунингдек уларга киритилган барча ўзгартиришлар ва қўшимчаларнинг (ўзгартиришлар ва қўшимчалар киритилган тақдирда) асли (асллари). Кўрсатиб ўтилган ҳужжатларнинг асллари йўқотилган тақдирда йўқотиш тўғрисида оммавий ахборот воситаларидаги ва Корпоратив ахборот ягона порталидаги эълонларнинг нусхалари тақдим этилади;

барча АҚҚ эгаларининг уларга тегишли бўлган АҚҚни айирбошлаш тўғрисидаги аризаларининг эмитент томонидан тасдиқланган нусхалари (мавжуд бўлган тақдирда).

103. Қимматли қоғозлар чиқарилиши (чиқаришлари) давлат рўйхат рақамини бекор қилиш, шунингдек ЯДРга ёзувлар киритиш мазкур Қоидаларнинг 102-бандида назарда тутилган ҳужжатларни рўйхатдан ўтказувчи орган олган кундан бошлаб ўттиз кун мобайнида рўйхатдан ўтказувчи орган томонидан амалга оширилади, агар қонунчилик ҳужжатларида бошқача ҳолат назарда тутилмаган бўлса.

104. Мазкур Қоидаларнинг 100-бандида назарда тутилган ҳолатларда қимматли қоғозлар чиқарилиши (чиқаришлари) давлат рўйхат рақамини бекор қилиш, шунингдек ЯДРга ёзувлар киритиш, эмитент томонидан мазкур Қоидаларнинг 102-бандида назарда тутилган ҳужжатлар тақдим этилганда, қимматли қоғозларнинг янги, қўшимча ёки бирламчи чиқарилишини давлат рўйхатидан ўтказиш билан биргаликда рўйхатдан ўтказувчи орган томонидан амалга оширилади. Рўйхатдан ўтказувчи органнинг тегишли қарори эмитентга ва Қимматли қоғозлар марказий депозитарийсига қонунчилик ҳужжатларида белгиланган тартибда юборилади.

XVI. ҚИММАТЛИ ҚОҒОЗЛАР ЧИҚАРИЛИШИНИ, ШУНИНГДЕК

АВВАЛ РЎЙХАТДАН ЎТКАЗИЛГАН ҚИММАТЛИ ҚОҒОЗЛАР

ЧИҚАРИЛИШИГА КИРИТИЛГАН ЎЗГАРТИРИШЛАР ВА

(ЁКИ) ҚЎШИМЧАЛАРНИ ДАВЛАТ РЎЙХАТИДАН

ЎТКАЗИШНИ РАД ЭТИШ

105. Рўйхатдан ўтказувчи орган қуйидаги ҳолатларда қимматли қоғозлар чиқарилишини, шунингдек аввал рўйхатдан ўтказилган қимматли қоғозлар чиқарилишига киритилган ўзгартиришлар ва (ёки) қўшимчаларни давлат рўйхатидан ўтказишни рад этиш тўғрисида қарор қабул қилади:

а) қимматли қоғозлар чиқарилишини (аввал рўйхатдан ўтказилган қимматли қоғозлар чиқарилишига ўзгартиришларни) давлат рўйхатидан ўтказиш учун тақдим этилган ҳужжатлар ва уларда мавжуд маълумотларнинг қонунчилик ҳужжатлари ва мазкур Қоидалар талабларига номувофиқлиги;

б) мазкур Қоидаларда назарда тутилган ҳужжатларнинг тўлиқ тақдим этилмаганлиги;

в) эмитент томонидан қимматли қоғозлар чиқарилиши (аввал рўйхатдан ўтказилган қимматли қоғозлар чиқарилишига ўзгартиришлар киритиш тўғрисидаги) тўғрисидаги қарорни қабул қилиш тартибига риоя этилмаганлиги;

г) мазкур Қоидаларнинг XII бобида назарда тутилган йиғимларнинг тўланмаганлиги;

д) қимматли қоғозлар чиқарилишини амалга оширувчи юридик шахснинг уларни чиқаришга бўлган ҳуқуқининг мавжуд эмаслиги.

106. Рўйхатдан ўтказувчи органнинг қимматли қоғозлар чиқарилишини, шунингдек аввал рўйхатдан ўтказилган қимматли қоғозлар чиқарилишига ўзгартиришлар ва (ёки) қўшимчаларни давлат рўйхатидан ўтказишни рад этиш тўғрисидаги хабари рўйхатдан ўтказувчи орган томонидан эмитентга рад этиш сабабини ўз ичига олган ёзма билдиришномани жўнатиш орқали етказилади.

107. Рўйхатдан ўтказувчи органнинг қимматли қоғозлар чиқарилишини, шунингдек аввал рўйхатдан ўтказилган қимматли қоғозлар чиқарилишига ўзгартиришлар ва (ёки) қўшимчаларни давлат рўйхатидан ўтказишни рад этиш тўғрисидаги қарори устидан судга шикоят қилиниши мумкин.

108. Рад этиш сабабини ўз ичига олган ёзма билдиришномани олган кундан бошлаб уч ой мобайнида эмитент рўйхатдан ўтказувчи органга фақат ўзгартиришлар ва (ёки) қўшимчалар киритилган ҳужжатларни тақдим этиш ҳуқуқига эга. Кўрсатилган ҳужжатлар мазкур Қоидаларда белгиланган нусхалар сонида илова хат ва тақдим этилаётган ҳужжатлар рўйхати билан биргаликда тақдим этилади.

Бу ҳолатда қўшимча ва (ёки) қайта ишланган ҳужжатларни тақдим этиш санаси қимматли қоғозлар чиқарилишини ҳамда илгари рўйхатдан ўтказилган қимматли қоғозлар чиқарилишига ўзгартириш ва (ёки) қўшимчаларни давлат рўйхатидан ўтказиш учун ҳужжатлар тақдим этилган сана деб ҳисобланади.

Рўйхатдан ўтказувчи орган томонидан кўрсатилган муддат ичида қайта мурожаат этилган тақдирда, янгитдан тақдим этилган ҳужжатларда аниқланган номувофиқликлардан ташқари янги асосларга кўра эмиссиявий қимматли қоғозларнинг чиқарилишини давлат рўйхатидан ўтказишни рад этишга йўл қўйилмайди.

XVII. ЯКУНЛОВЧИ ҚОИДАЛАР

109. Мазкур Қоидаларнинг талабларини бузганликда айбдор шахслар қонунчилик ҳужжатларида белгиланган тартибда жавобгар бўлади.

110. Аввал рўйхатдан ўтказилган рисолалар, чиқарилишлар анкеталари ва чиқарилишлар тўғрисидаги маълумотлар қимматли қоғозлар чиқарилишлари тўғрисидаги қарорлар деб ҳисобланади.

111. Мазкур Қоидалар Ўзбекистон Республикаси Давлат мулкини бошқариш давлат қўмитаси ва Ўзбекистон Республикаси Марказий банки билан келишилган.

Қоидаларга

1-ИЛОВА

         

           

"___" ____________ 20__ й. ____-сон Баённома,

"___" ____________ 20__ й. ____-сон Баённома ____________________

       

Эмитентнинг жойлашган жойи, почта манзили, мулоқот телефонлари ва электрон почта манзили: