Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Пул ва бюджет тизими. Бюджетдан ташқари фондлар / Ўз кучини йўқотган ҳужжатлар / Бюджет тизими /

Давлат бюджетининг ғазна ижроси Қоидалари (АВ томонидан 16.09.2009 й. 2007-сон билан рўйхатга олинган Молия вазирининг 04.08.2009 й. 69-сон Буйруғига илова)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

Ўзбекистон Республикаси

Адлия вазирлигида

2009 йил 16 сентябрда 2007-сон

билан рўйхатга олинган

Ўзбекистон Республикаси

Молия вазирининг

2009 йил 4 августдаги

69-сон буйруғига

ИЛОВА



Давлат бюджетининг ғазна ижроси

ҚОИДАЛАРИ


Мазкур Давлат бюджетининг ғазна ижроси Қоидалари (кейинги ўринларда - Қоидалар) "Бюджет тизими тўғрисида"ги (Ўзбекистон Республикаси Олий Мажлисининг Ахборотномаси, 2001 й., 1-2 сон, 6-модда) ва "Давлат бюджетининг ғазна ижроси тўғрисида"ги (Ўзбекистон Республикаси Олий Мажлисининг Ахборотномаси, 2004 й., 9-сон, 164-модда) Ўзбекистон Республикасининг қонунлари ҳамда Ўзбекистон Республикаси Президентининг 2007 йил 28 февралдаги ПҚ-594-сон "Давлат бюджетининг ғазна ижроси тизимини янада ривожлантириш чора-тадбирлари тўғрисида"ги қарорига (Ўзбекистон Республикаси қонун ҳужжатлари тўплами, 2007 й., 9-10-сон, 82-модда) мувофиқ, Ўзбекистон Республикаси Молия вазирлиги Ғазначилиги ва унинг ҳудудий бўлинмалари (кейинги ўринларда - ғазначилик бўлинмалари) томонидан республика ва ҳудудий ғазна ҳисобварақларини (кейинги ўринларда - ғазна ҳисобварақлари) қўллаш шароитида республика бюджети, Қорақалпоғистон Республикаси бюджети ва маҳаллий бюджетларнинг ғазна ижросини амалга ошириш тартибини белгилайди.



I. УМУМИЙ ҚОИДАЛАР


1. Бюджетдан маблағ олувчиларнинг товар (иш, хизмат)лар етказиб берувчилар (кейинги ўринларда - маҳсулот етказиб берувчилар) билан шартномаларини, шу жумладан, капитал қурилиш бўйича буюртмачиларнинг шартномаларини рўйхатга олиш, Ўзбекистон Республикасининг кафолатларини ижро этиш, тегишли бюджетлар харажатларининг тўланиши, шу жумладан, ғазна ҳисобварақларидан бюджет ссудалари, субвенция ва дотациялар ғазначилик бўлинмалари томонидан амалга оширилади.

Ғазна ҳисобварақларидан фойдаланиб, ғазна ижроси билан қамраб олинадиган бюджетлар, харажат гуруҳлари, бюджетдан маблағ олувчилар, шу жумладан, капитал қурилиш буюртмачиларининг рўйхати Ўзбекистон Республикаси Молия вазирлиги томонидан белгиланади.


2. Нақд пул маблағларини олиш учун, шу жумладан, бюджетдан маблағ олувчиларнинг ходимларига иш ҳақи тўлаш, хизмат сафари ва қонунчиликда назарда тутилган бошқа нақд пул шаклидаги харажатларни тўлаш учун ғазначилик бўлинмалари томонидан тижорат банкларида 23212 "Молия вазирлиги Ғазначилиги маблағлари" ва 23214 "Ғазначиликнинг ҳудудий бўлинмалари маблағлари" ҳисобварақлари очилади.


3. Давлат бюджети ғазна ижросининг ҳисобини юритиш, ҳисоботини тузиш ва тақдим этиш қонунчиликда ўрнатилган тартибда Ўзбекистон Республикаси Молия вазирлиги томонидан белгиланган шакллар ва муддатлар бўйича амалга оширилади.

Ғазна ҳисобварақлари орқали хизмат кўрсатиладиган бюджетдан маблағ олувчилар харажатлар сметаси ижроси тўғрисидаги даврий ҳисобот (1-ОХ шакл ва 2-шакл)ни юқори ташкилот ва тегишли молия органларига тақдим этгунга қадар, уни хизмат кўрсатувчи ғазначилик бўлинмалари билан тегишли даврда ғазначилик бўлинмалари томонидан амалга оширилган касса харажатлари ва аниқланган режали бюджетдан ажратилган маблағлар тўғрисидаги ҳисобот маълумотларига мослигига таққосланади (бюджетдан маблағ олувчиларнинг ҳисоботлари ғазначилик бўлинмаларининг бухгалтерия ҳисоби бўйича ваколатли ходимлари томонидан белгиланган шаклдаги штамп қўйилиб, имзоланади).



II. РЕСПУБЛИКА ҒАЗНА ҲИСОБВАРАҒИ

ВА ҲУДУДИЙ ҒАЗНА ҲИСОБВАРАҚЛАРИ


4. Давлат бюджетига юридик ва жисмоний шахслар томонидан тўланадиган солиқлар ва бошқа мажбурий тўловлар банклар томонидан ўрнатилган тартибда қабул қилинади ва 23402 (005) "Республика бюджетининг маблағлари" ҳисобварағига кирим қилинади ҳамда белгиланган меъёрларга мувофиқ, банкларда очилган тегишли бюджетларнинг ғазна ҳисобварақларига ажратилади.


5. Бюджетдан маблағ олувчиларнинг харажатлари тўлови молия йили учун ажратилган бюджет маблағлари доирасида тасдиқланган (аниқланган) харажатлар сметалари, шунингдек мазкур Қоидаларга мувофиқ рўйхатга олинган, бюджетдан маблағ олувчиларнинг маҳсулот етказиб берувчилар билан тузган шартномалари асосида:

республика бюджетидан молиялаштириладиган ташкилотлар бўйича - Ўзбекистон Республикаси Молия вазирлиги Ғазначилиги ёки унинг ҳудудий бўлинмалари томонидан мазкур Қоидаларда белгиланган тартибда;

Қорақалпоғистон Республикаси бюджети ёки маҳаллий бюджетлардан молиялаштириладиган ташкилотлар бўйича - Ўзбекистон Республикаси Молия вазирлиги Ғазначилигининг ҳудудий ғазначилик бўлинмалари томонидан амалга оширилади.



1-§. Республика ғазна ҳисобварағи


6. Республика бюджетидан молиялаштириладиган барча бюджетдан маблағ олувчилар ғазна ижроси билан тўлиқ қамраб олингунга қадар, Ўзбекистон Республикаси Молия вазирлиги Ғазначилигига Марказий банкнинг Тошкент шаҳар Бош бошқармаси Ҳисоб-китоб касса марказида (кейинги ўринларда - ҲККМ) 23402 (006) баланс рақами билан Республика ғазна ҳисобварағи (кейинги ўринларда - РҒҲ) очилади.


7. РҒҲга республика бюджетининг ғазна ижроси билан қамраб олинган бюджетдан маблағ олувчиларнинг касса харажатларини амалга ошириш учун маблағлар ҲККМда 23402 (005) ҳисобварағи билан очилган республика бюджетининг асосий ҳисобварағидан тушади.


8. РҒҲдаги маблағлар тақсимловчиси Ўзбекистон Республикаси Молия вазирлиги Ғазначилиги ҳисобланади.


9. Республика бюджетидан молиялаштиришни амалга ошириш учун ажратилган бюджет маблағларининг бош тақсимловчиси ҳисобланган бюджетдан маблағ олувчилар, Ўзбекистон Республикаси Молия вазирлигининг тармоқ бошқармаларига бюджетнинг ғазна ижроси билан қамраб олинган ҳар бир бюджетдан маблағ олувчи бўйича сертификат суммасининг ёйилмасини илова қилган ҳолда, шунингдек бюджетнинг ғазна ижроси билан қамраб олинмаган, қуйи турувчи бюджетдан маблағ олувчиларга маблағларни ўтказиш учун бюджет маблағлари бош тақсимловчиларининг бюджет депозит ҳисобварақларига ўтказилиши лозим бўлган қисми бўйича маблағларни РҒҲ га ўтказиш учун расмийлаштирилган тайинлаш сертификатларини тақдим этадилар.

Тармоқ бошқармалари бюджетдан маблағ олувчилар томонидан тақдим қилинган тайинлаш сертификатларини ўрнатилган тартибда текширганларидан сўнг, уларни ижро учун Ўзбекистон Республикаси Молия вазирлигининг Давлат бюджети Бош бошқармасига тақдим этади (кейинги ўринларда - ДБББ).


10. ДБББ бюджетдан маблағ олувчиларнинг тайинлаш сертификатлари асосида республика бюджетининг асосий ҳисобварағидан РҒҲга маблағ ўтказиш учун тўлов топшириқномаларини ўрнатилган тартибда расмийлаштиради ва уларни ҲККМга ижро учун тақдим қилади.


11. 23402 (005) ҳисобварағидан республика ғазна ҳисобварағига маблағлар ўтганлигини тасдиқловчи ҲККМдан шахсий ҳисобварақдан кўчирмалар олинганидан сўнг, ДБББ ижро этилган тайинлаш сертификатларининг биринчи нусхаларини Ўзбекистон Республикаси Молия вазирлиги Ғазначилигига тақдим этади.


12. Бюджетдан маблағ олувчилар (молиялаштириш сақланган шароитда - РҒҲда молиялаштирилган маблағлар мавжуд бўлганда) Ўзбекистон Республикаси Молия вазирлиги Ғазначилигига РҒҲдан маблағларни маҳсулот етказиб берувчиларнинг бевосита банк ҳисобварақларига ёки қонунчиликда назарда тутилган мақсадларга ўтказиш учун тўлов топшириқномаларини қоидага кўра, маблағларни ўтказиш санасидан бир кун олдин тақдим этади.


13. Республика бюджети қарамоғида бўлган бюджетдан маблағ олувчиларнинг бюджетдан ташқари маблағлари (ота-оналарнинг мактабгача таълим муассасаларида болаларни сақлаш учун тўловлари, ота-оналарнинг мусиқа ва санъат мактабларида болаларни ўқитиш учун тўловлари, мактабгача таълим муассасалари ишчиларидан овқатланиш учун тушган тушумлар, шунингдек ижтимоий таъминот органларидан бюджет ташкилоти ходимларига пенсия ва ижтимоий нафақа тўлаш учун тушган маблағлар) ўрнатилган тартибда РҒҲга кирим қилинади.


14. Жорий йилда бюджетдан маблағ олувчиларнинг жорий молия йили учун келиб тушган дебиторлик қарзлари суммаси касса харажатларини тиклаш орқали РҒҲга кирим қилинади (бюджетдан маблағ олувчиларнинг шартномалар тузмасдан амалга ошириладиган тўловлари бўйича юридик ва молиявий мажбуриятлар).


15.  Бюджетдан маблағ олувчиларнинг ўтган йилги дебиторлик қарзларининг жорий молия йилида қайтарилган суммалари, шунингдек товар-моддий бойликларни, асосий воситаларни сотишдан ва инвентаризация (текшириш) натижалари бўйича келиб тушган суммалар РҒҲга кирим қилинади ва кейинчалик ушбу суммалар бюджетдан маблағ олувчилар жойлашган ҳудуднинг шартли ҳисобварақ рақами (ШҲР) билан очилган, 23402 (005) "Республика бюджети маблағлари" даромадлар транзит ҳисобварақлари орқали республика бюджетининг даромадларига ўтказилиши билан алоҳида шахсий ҳисобварақларда ҳисобга олинади.


16. РҒҲ шахсий ҳисобварақларидан кўчирмалар РҒҲда операциялар амалга оширилганлигини тасдиқловчи, бирламчи тўлов ҳужжатларининг асл ва кўчирма нусхалари иловалари билан, шунингдек нақд пул маблағларини бериш учун 23212 "Молия вазирлиги Ғазначилиги маблағлари" ва 23214 "Ғазначиликнинг ҳудудий бўлинмалари маблағлари" ҳисобварақларидан кўчирмалар уларга иловалар билан, тегишли равишда, ҲККМ ва тегишли хизмат кўрсатувчи банклар томонидан РҒҲда ва 23212 "Молия вазирлиги Ғазначилиги маблағлари" ва 23214 "Ғазначиликнинг ҳудудий бўлинмалари маблағлари" ҳисобварақларида маблағлар ҳаракатининг кейинги иш кунида доимий равишда ғазначилик бўлинмаларига тақдим этилади.


17. Республика бюджети қарамоғида бўлган бюджетдан маблағ олувчиларни ғазна ижроси билан тўлиқ қамраб олингандан сўнг, уларнинг харажатларини республика бюджетининг асосий ҳисобварағидан РҒҲга молиялаштириш тўхтатилади ва асосий республика бюджети ҳисобварағи РҒҲ билан бирлаштирилади.


18. Республика бюджетининг асосий ҳисобварағи РҒҲ билан бирлаштирилгандан сўнг, республика бюджети даромадлари 23402 (005) "Республика бюджетининг маблағлари" ҳудудий даромад транзит ҳисобварақларидан маблағлар тўғридан-тўғри РҒҲга кирим қилинади.



2-§. Ҳудудий ғазна ҳисобварақлари


19. Қорақалпоғистон Республикаси бюджети ва маҳаллий бюджетлар қарамоғида бўлган бюджетдан маблағ олувчиларнинг пул маблағларини кирим қилиш ва ўтказиш бўйича операциялар ҳудудий ғазна ҳисобварақлари (кейинги ўринларда - ҲҒҲ) орқали амалга оширилади.


20. Қорақалпоғистон Республикаси бюджети ва маҳаллий бюджетлар қарамоғида бўлган бюджетдан маблағ олувчиларнинг бюджетдан ташқари маблағлари (ота-оналарнинг мактабгача таълим муассасаларида болаларни сақлаш учун тўловлари, ота-оналарнинг мусиқа ва санъат мактабларида болаларни ўқитиш учун тўловлари, мактабгача таълим муассасалари ишчиларидан овқатланиш учун тушган тушумлар, шунингдек ижтимоий таъминот органларидан бюджет ташкилоти ходимларига пенсия ва ижтимоий нафақа тўлаш учун тушган маблағлар) ўрнатилган тартибда ҲҒҲга кирим қилинади.


21. Жорий йилда бюджетдан маблағ олувчиларнинг жорий молия йили учун келиб тушган дебиторлик қарзлари суммаси касса харажатларини тиклаш орқали ҲҒҲга кирим қилинади (бюджетдан маблағ олувчиларнинг шартномалар тузмасдан амалга ошириладиган тўловлари бўйича юридик ва молиявий мажбуриятлар).


22. Бюджетдан маблағ олувчиларнинг ўтган йилги дебиторлик қарзларининг жорий молия йилида қайтарилган суммалари, шунингдек товар-моддий бойликларни, асосий воситаларни сотишдан ва инвентаризация (текшириш) натижалари бўйича келиб тушган суммалар ҲҒҲга кирим қилинади ва кейинчалик ушбу суммалар бюджетдан маблағ олувчилар жойлашган ҳудуднинг шартли ҳисобварақ рақами (ШҲР) билан очилган 23402 (005) "Республика бюджети маблағлари" даромадлар транзит ҳисобварақлари орқали тегишли бюджетларнинг даромадларига ўтказилиши билан алоҳида шахсий ҳисобварақларда ҳисобга олинади.


23. ҲҒҲ шахсий ҳисобварақларидан кўчирмалар ҲҒҲда операциялар амалга оширилганлигини тасдиқловчи, бирламчи тўлов ҳужжатларининг асл ва кўчирма нусхалари иловалари билан, шунингдек нақд пул маблағларини бериш учун 23212 "Молия вазирлиги Ғазначилиги маблағлари" ва 23214 "Ғазначиликнинг ҳудудий бўлинмалари маблағлари" ҳисобварақларидан кўчирмалар уларга иловалар билан, тегишли банклар томонидан ҲҒҲда ва 23212 "Молия вазирлиги Ғазначилиги маблағлари" ва 23214 "Ғазначиликнинг ҳудудий бўлинмалари маблағлари" ҳисобварақларида маблағлар ҳаракатининг кейинги иш кунида доимий равишда ғазначилик бўлинмаларига тақдим этилади.



III. РЕСПУБЛИКА БЮДЖЕТИ, ҚОРАҚАЛПОҒИСТОН

РЕСПУБЛИКАСИ БЮДЖЕТИ ВА МАҲАЛЛИЙ БЮДЖЕТЛАР

ДАРОМАДЛАРИ ВА ХАРАЖАТЛАРИНИНГ ЁЙИЛМАСИ


24. Даромадлар прогнозлари ва тасдиқланган ажратилган бюджет маблағлари ҳисобини юритиш учун молия органлари бўлимлари томонидан ғазначилик бўлинмаларига қуйидагилар тақдим этилади:

бюджетлар тасдиқлангунича - ойлар кесимида вақтинчалик чораклик даромадлар ва харажатлар ёйилмалари;

бюджетлар тасдиқлангандан сўнг - ойлар кесимида даромадлар ва харажатларнинг йиллик ёйилмалари*.


25. Тегишли бюджетларнинг даромадлари ва харажатларининг баланслаштирилган ойлик ёйилмаси, шунингдек тегишли бюджетларнинг вақтинчалик ва доимий даромадлари ва харажатлари ёйилмаларини тақдим этиш шакллари ва муддатлари Ўзбекистон Республикаси Молия вазирлиги томонидан белгиланади.



IV. БЮДЖЕТДАН МАБЛАҒ ОЛУВЧИЛАРНИНГ

ХАРАЖАТЛАР СМЕТАЛАРИНИ ВА УЛАРГА

ЎЗГАРТИРИШЛАРНИ ҒАЗНАЧИЛИК

БЎЛИНМАЛАРИГА ТАҚДИМ ЭТИШ


26. Бюджетдан маблағ олувчилар бюджет харажатларини амалга ошириш учун ғазначилик бўлинмаларига қуйидагиларни:

а) бюджет маблағлари бўйича:

доимий харажатлар сметалари молия органларида рўйхатга олингунига қадар - биринчи чорак учун ойлар кесимида молия бўлимларида рўйхатга олинган вақтинчалик харажатлар сметалари нусхаларини;

доимий харажатлар сметалари молия органларида рўйхатга олингандан сўнг - молия органларида рўйхатга олинган, ойлар кесимида доимий харажатлар сметаларини;

б) бюджетдан ташқари маблағлар бўйича - молия органларида рўйхатга олинган, бюджетдан ташқари маблағларнинг келиб тушиши ва ишлатилишининг чекланиши ойлар кесимида кўрсатилган вақтинчалик ва аниқланган харажатлар сметалари нусхаларини тақдим этадилар (келиб тушиши ва сарфланиш йўналиши чекланмаган бюджетдан ташқари маблағлар турлари бундан мустасно).


27. Бюджетдан маблағ олувчилар бюджет маблағлари бўйича харажатлар сметалари нусхаларини ва уларга иловаларни ҳамда Ўзбекистон Республикаси Вазирлар Маҳкамаси Захира жамғармаси, Қорақалпоғистон Республикаси Вазирлар Кенгаши захира жамғармаси, вилоятлар ҳамда Тошкент шаҳар ҳокимлиги захира жамғармалари маблағлари ҳисобига ва бюджетдан ташқари маблағлар бўйича сметаларни, улар молия органларида ўрнатилган тартибда рўйхатга олинганидан сўнг, ғазначилик бўлинмаларига тақдим қиладилар.


28. Капитал қурилиш объектлари бўйича капитал қурилиш буюртмачилари ғазначилик бўлинмаларига мазкур Қоидаларнинг 1-иловасидаги шаклга мувофиқ, тегишли молия органлари билан келишилган, тасдиқланган қурилишларнинг манзилли рўйхати (лойиҳа-тадқиқот ишларининг манзилли рўйхати) ва қурилишларнинг титул рўйхати асосида тузилган харажатларнинг ойлар кесимидаги ёйилмасини (Давлат бюджети маблағлари ҳисобидан капитал қурилиш объектлари бўйича харажатлар сметаси) тақдим этадилар.

Капитал қурилиш объектлари бўйича харажатларнинг ойлар кесимидаги ёйилмасига аниқликлар қурилишларнинг манзилли ва титул рўйхатларининг аниқланиши асосида киритилади.


29. Ғазначилик бўлинмалари бюджетдан маблағ олувчиларнинг бюджет таснифининг тегишли бўлим, боб ва параграфлари бўйича харажатларини қуйидаги ҳолларда тўхтатиш ҳуқуқига эга:

бюджетдан маблағ олувчиларнинг тегишли молия органларига Ўзбекистон Республикаси Молия вазирлиги томонидан белгиланган ҳисоботларни тақдим этмаган ҳолларда (молия органлари томонидан ғазначилик бўлинмаларини бюджетдан маблағ олувчиларнинг ҳисобот топширмаганлиги тўғрисидаги ёзма билдиришномаси бўйича), тегишли бюджетдан маблағ олувчиларнинг раҳбарларини хабардор қилган ҳолда;

тегишли молия органлари томонидан тегишли бюджетларнинг вақтинчалик ва доимий даромадлар ва харажатлар ёйилмалари белгиланган муддатларда тақдим этилмаганда - улар тақдим этилгунга қадар муддатга;

тегишли бюджетдан маблағ олувчилар томонидан харажатлар сметалари белгиланган муддатларда тақдим этилмаганда - улар тақдим этилгунга қадар муддатга;

ёйилмада кўрсатилган бюджетлар харажатлари суммаси ва сметаларда кўрсатилган харажатлар суммасининг йиғиндиси ўртасида фарқлар аниқланганда - фарқларнинг келиб чиқиш сабабларини аниқлаш ва уларни бартараф этгунгача муддатга;

бюджетдан маблағ олувчилар томонидан ажратилган бюджет маблағларини ўзгартиришга сўровнома келишиш учун тақдим қилинганда - улар томонидан сўровнома асосида тайёрланган сметага тегишли барча ўзгартиришларни ва уларнинг ўзаро муваффақиятли солиштиришларни ёки тегишли молия органининг киритилаётган ўзгартиришни рад этганлиги тўғрисидаги ёзма хабарномаси тақдим этилгунга қадар муддатга;

молия органлари томонидан ажратилган бюджет маблағларини ўзгартиришга тақдимнома келишиш учун тақдим қилинганда - улар томонидан тақдимномалар асосида тайёрланган сметаларга тегишли барча ўзгартиришларни ва уларнинг ўзаро муваффақиятли солиштиришлари ёки тегишли молия органининг киритилаётган ўзгартиришларни рад этганлиги тўғрисидаги ёзма хабарномаси тақдим этилгунга қадар муддатга;

қонунчиликда назарда тутилган бошқа ҳолларда.

Бунда, харажатларнинг тўхтатилиши ажратилган бюджет маблағларининг камайтирилиши назарда тутилаётган бўлим, боб ва параграфлар ва харажатлар моддалари бўйича амалга оширилади.


30. Тегишли бюджетлар даромадлари ва харажатларининг ёйилмасига, бюджетдан маблағ олувчиларнинг харажатлар сметаларига, қурилишларнинг манзилли ва титул рўйхатлари (лойиҳа-тадқиқот ишларининг манзилли рўйхати)га ўзгартиришларнинг киритилиши молия органлари томонидан бюджетдан маблағ олувчилар ва буюртмачилар билан биргаликда, ушбу ўзгартиришлар учун сўровномалар ва тақдимномалар тегишли ғазначилик бўлинмалари билан келишилгандан сўнг амалга оширилади.


31. Ажратилган бюджет маблағлари қолдиқлари суммаларининг қабул қилинган юридик ва молиявий мажбуриятлар, шунингдек амалга оширилган касса харажатларининг ажратилган бюджет маблағлари қолдиқлари суммаларидан ошишига олиб келадиган миқдорларда бюджет маблағларининг камайтирилишига йўл қўйилмайди.

Ажратилган бюджет маблағларининг камайтирилиши бюджетдан маблағ олувчилар ва уларнинг маҳсулот етказиб берувчилари билан ўзаро юридик мажбуриятларни бир хилга камайтириш ҳолларида амалга оширилиши мумкин.

Ажратилган бюджет маблағлари кўпайтирилгандан сўнг, бюджетдан маблағ олувчилар ва уларнинг маҳсулот етказиб берувчилар билан шартномаларига томонлар юридик мажбуриятларининг бир хилда кўпайишини назарда тутадиган ўзгартиришлар киритилиши мумкин.


32. Тегишли бюджет маблағларининг тақсимловчилари (олувчилари) ташаббуси билан бюджет маблағлари бўйича харажатлар сметаларига ўзгартириш киритилган ҳолларда, улар томонидан ўрнатилган тартибда расмийлаштирилган сўровномалар имзолаш учун ғазначилик бўлинмаларига тақдим этилади.


33. Ғазначилик бўлинмалари таклиф қилинаётган ўзгартиришларни амалга ошириш имконини текширишни таклиф қилинаётган ўзгартиришлар суммасини, тегишли бюджет маблағларининг тақсимловчилари (олувчилари) бўйича уларнинг юридик ва молиявий мажбуриятлари, шунингдек касса харажатлари билан банд қилинмаган, ажратилган бюджет маблағлари қолдиқлари билан солиштириш орқали амалга оширади.


34. Сўровномада кўрсатилган харажатлар турлари бўйича ажратилган бюджет маблағларига таклиф қилинаётган ўзгартиришлар киритишнинг имкони мавжуд бўлганда, ғазначилик бўлинмалари Ғазначилик дастурий мажмуида ушбу бюджет маблағларини тақсимловчилар (олувчилар)нинг шахсий ғазна ҳисобварақларидаги тегишли харажатлар моддалари бўйича кейинги юридик ва молиявий мажбуриятларни рўйхатга олиш ва касса харажатларини амалга оширишни тўхтатиб қўяди.


35. Ғазначилик дастурий мажмуида кейинги юридик ва молиявий мажбуриятларни рўйхатга олиш ва касса харажатларини амалга ошириш тўхтатиб қўйилгандан сўнг, бюджетдан маблағ олувчилар (тақсимловчилар)нинг сўровномаси тегишли ғазначилик бўлинмаларининг ваколатли ходимлари томонидан имзоланади ва муҳри билан тасдиқланади.


36. Имзоланган ва муҳр билан тасдиқланган харажатлар сметасига ўзгартириш киритиш тўғрисидаги сўровнома, уни ғазначилик бўлинмасига тақдим қилинган куннинг кейинги иш кунидан кечикмаган муддатда, бюджет маблағининг тақсимловчи (олувчи)га кейинчалик уни тегишли молия органларига тақдим этиш учун қайтарилади.


37. Юридик ва молиявий мажбуриятлар билан банд бўлмаган бюджет маблағлари мавжуд бўлмаганда ва бюджет маблағларига сўровномада кўрсатилган харажат турлари бўйича таклиф қилинаётган ўзгартиришлар киритишнинг имкони мавжуд бўлмаган ҳолларда, ғазначилик бўлинмалари сўровномани қайтариш сабабларини кўрсатган ҳолда бюджетдан маблағ олувчилар (тақсимловчилар)га қайтарадилар.


38. Бюджет маблағлари бўйича харажатлар сметаларига тегишли молия органлари ташаббуси билан ўзгартиришлар киритилган ҳолларда, улар томонидан ўрнатилган тартибда расмийлаштирилган тақдимнома ёки маълумотнома-билдиришнома лойиҳалари ғазначилик бўлинмаларига имзолаш учун тақдим этилади.


39. Ғазначилик бўлинмалари тақдимномада таклиф қилинаётган ўзгартиришларни амалга ошириш имконини, таклиф қилинаётган ўзгартиришлар суммасини тегишли бюджет маблағларининг тақсимловчилари (олувчилари) бўйича юридик ва молиявий мажбуриятлар, шунингдек касса харажатлари билан банд қилинмаган ажратилган бюджет маблағлари қолдиқлари билан солиштириш орқали амалга оширади.


40. Тақдимномада кўрсатилган харажат турлари бўйича ажратилган бюджет маблағларига ўзгартиришлар киритишнинг имкони мавжуд бўлганда, ғазначилик бўлинмалари Ғазначилик дастурий мажмуида ушбу шахсий ғазна ҳисобварақларидаги тегишли бўлим, боб, параграф ва харажатлар моддалари бўйича кейинги юридик ва молиявий мажбуриятларни рўйхатга олиш ва касса харажатларини амалга оширишни тўхтатиб қўяди.


41. Ғазначилик дастурий мажмуида кейинги юридик ва молиявий мажбуриятларни рўйхатга олиш ва касса харажатларини амалга ошириш тўхтатиб қўйилгандан сўнг, молия органининг тақдимномаси тегишли ғазначилик бўлинмасининг ваколатли ходимлари томонидан имзоланади ва унинг муҳри билан тасдиқланади.


42. Имзоланган ва муҳр билан тасдиқланган харажатлар сметасига ўзгартиришлар киритиш тўғрисидаги тақдимнома, у ғазначилик бўлинмасига тақдим қилинган куннинг кейинги иш кунидан кечикмаган муддатда, тегишли молия органига қайтарилади.


43. Юридик ва молиявий мажбуриятлар билан банд бўлмаган ажратилган бюджет маблағлари мавжуд бўлмаганда ва ажратилган бюджет маблағларига тақдимномада кўрсатилган харажат турлари бўйича таклиф қилинаётган ўзгартиришлар киритишнинг имкони мавжуд бўлмаган ҳолларда, ғазначилик бўлинмалари тақдимномани тегишли молия органига қайтариш сабабларини кўрсатган ҳолда ёзма равишда қайтарадилар.


44. Молия органлари томонидан қонун ҳужжатлари асосида бюджет маблағлари бўйича харажатлар сметаларига ўзгартиришлар (камайтиришлар) киритилган ҳолларда, ғазначилик бўлинмаларига 11-сонли шаклда маълумотнома-билдиришнома лойиҳалари тақдим қилинади (республика бюджети бўйича - Молия вазирлигининг тармоқ бошқармалари Ўзбекистон Республикаси молия вазирлиги Ғазначилигига 17-сонли шаклда маълумотнома-билдиришнома лойиҳасини тақдим этади).


45. Ғазначилик бўлинмалари таклиф қилинаётган ўзгартиришларни амалга ошириш имконини текширишни, таклиф қилинаётган ўзгартиришлар суммасини юридик ва молиявий мажбуриятлар, шунингдек тегишли бюджетда турувчи, барча бюджет маблағларини тақсимловчилар (олувчилар)нинг тегишли бўлим, боб, параграф ва харажатлар моддалари бўйича касса харажатлари билан банд қилинмаган ажратилган бюджет маблағлари қолдиқлари билан солиштириш орқали амалга оширадилар.


46. Маълумотнома-билдиришномада кўрсатилган ажратилган бюджет маблағлари лимитларига таклиф қилинаётган ўзгартиришларни киритиш имкони мавжуд бўлганда, ғазначилик бўлинмалари:

Ғазначилик дастурий мажмуида тегишли бюджет маблағларини тақсимловчилар (олувчилар)нинг тегишли бўлим, боб, параграф ва харажатлар моддалари бўйича кейинги юридик ва молиявий мажбуриятлар олишни ва касса харажатларини амалга оширишни тўхтатиб қўяди;

маълумотнома-билдиришнома лойиҳаси тақдим қилинган куннинг кейинги иш кунидан кечикмаган муддатда ижобий хулоса тузади ва уни тегишли молия органларига тақдим этади.


47. Юридик ва молиявий мажбуриятлар билан банд бўлмаган ажратилган бюджет маблағлари мавжуд бўлмаган ҳолларда ва сўровномада кўрсатилган харажат турлари бўйича ажратилган бюджет маблағлари лимитларига таклиф қилинаётган ўзгартиришлар киритишнинг имкони мавжуд бўлмаганда, ғазначилик бўлинмалари, маълумотнома-билдиришнома лойиҳаси тақдим қилинган куннинг кейинги иш кунидан кечикмаган муддатда, унга ўзгартиришлар киритиш имкони йўқлиги сабаблари кўрсатилган ҳолда хулоса тузади.


48. Маълумотнома-билдиришномага салбий хулоса олингандан сўнг, тегишли молия органлари уларни ўзгартириш ёки бекор қилиш бўйича чораларни кўрадилар.


49. Юридик ва молиявий мажбуриятларни қабул қилиш ва касса харажатларини амалга оширишни тўхтатиб қўйишни ечиш, ғазначилик бўлинмалари томонидан молия органлари тегишли маълумотнома-билдиришномалар ва уларни ўзаро солиштириш асосида тайёрланган бюджет маблағлари тақсимловчилар (олувчилар)нинг харажатлар сметаларига ўзгартиришлар рўйхатининг барча нусхаларини тақдим қилганидан кейин амалга оширилади.



V. ИМЗО НАМУНАЛАРИ ВА МУҲР ИЗИ КАРТОЧКАСИ


50. Бюджетдан маблағ олувчилар томонидан шахсий ғазна ҳисобварақлар очишда имзо намуналари ва муҳр изи карточкалари икки нусхада тегишли ғазначилик бўлинмаларига тақдим этилади. Карточкаларнинг бир нусхаси юридик ва молиявий мажбуриятларни рўйхатга олувчи мутахассисда, иккинчи нусхаси харажатлар тўловини назорат қилувчи мутахассисда сақланади. Имзо намуналари ва муҳр изи карточкалари ўрнатилган тартибда тасдиқланади, тасдиқлаш талаб қилинмайдиган давлат муассасаларининг имзо намуналари ва муҳр изи карточкалари бундан мустасно.

Имзо намуналари ва муҳр изи карточкаларида шахсий ғазна ҳисобварақлар рақамлари кўрсатилади.


51. Имзо намуналари карточкасига бюджетдан маблағ олувчининг раҳбари, бош ҳисобчиси ва юристи ёки раҳбар томонидан ваколат берилган шахсларнинг имзо намунаси киритилади ва бюджетдан маблағ олувчининг муҳри билан тасдиқланади. Агар бюджетдан маблағ олувчида юрист штати мавжуд бўлмаса, унинг имзоси бўлиши талаб қилинмайди.


52. Карточкадаги имзо намуналари тегишли ходимларнинг ўз қўллари билан қўйилган бўлиши лозим (факсимил орқали қўйилишига йўл қўйилмайди).

Биринчи имзо ҳуқуқи бош ҳисобчига ёки иккинчи имзо ҳуқуқига эга бошқа шахсларга берилиши мумкин эмас.


53. Вақтинчалик биринчи ёки иккинчи имзо ҳуқуқи берилганда, шунингдек раҳбар томонидан ваколат берилган шахслардан бири вақтинчалик алмаштирилганда, янги карточка тузилмайди, фақат вақтинча ваколатга эга бўлган шахснинг имзо намунаси бўлган қўшимча карточка, амал қилиш муддати кўрсатилган ҳолда, тақдим этилади. Вақтинчалик карточкага раҳбарнинг имзоси қўйилади, муҳр изи билан тасдиқланади ҳамда нотариус ёки юқори турувчи ташкилот томонидан тасдиқланади.


54. Муҳр ўзгарганда, карточкада акс эттирилган имзолардан бири алмашганда ёки тўлдирилганда, бюджетдан маблағ олувчилар нотариус ёки юқори турувчи ташкилот томонидан тасдиқланган янги имзо намуналари ва муҳр изи карточкасини тақдим этади. Бекор қилинган имзо намуналари ва муҳр изи карточкаси ғазначилик бўлинмасида сақланади.


55. Юридик шахс мақомига эга бўлган бюджетдан маблағ олувчи ташкилот раҳбарининг буйруғи асосида ғазначилик бўлинмалари билан ишлаш учун аниқ ходимлар белгиланади.



VI. ЮРИДИК МАЖБУРИЯТЛАРНИ РЎЙХАТГА ОЛИШ


1-§. Юридик мажбуриятларни рўйхатга

олишнинг умумий қоидалари


56. Бюджетдан маблағ олувчиларнинг Давлат бюджети ҳисобидан маҳсулот етказиб берувчилар билан тузган шартномалари, шунингдек капитал қурилиш буюртмачиларининг шартномалари ғазначилик бўлинмаларида мажбурий тартибда рўйхатга олинади.

Бунда, бюджет маблағлари ҳисобидан бюджетдан маблағ олувчиларнинг товар (иш, хизмат)лар етказиб бериш бўйича тузадиган шартномаларида, қоидага кўра, 15 фоиз миқдорда олдиндан тўлов амалга оширилиши белгиланади, қонун ҳужжатларида назарда тутилган ҳоллар бундан мустасно.


57. Бюджетдан маблағ олувчиларнинг иккинчи томон олдидаги юридик мажбуриятлари тузилган шартномалар (контрактлар), қонун ҳужжатлари (мисол учун йиғимлар, бадаллар, солиқ ва бошқа мажбурий тўловлар бўйича юридик мажбуриятлар) асосида юзага келади.


58. Бюджетдан маблағ олувчилар томонидан қабул қилинадиган юридик мажбуриятлар ҳажми, қоидага кўра, улар иқтисодий таснифнинг тегишли моддалари бўйича харажатлар сметаларида назарда тутилган, ажратилган бюджет маблағлари билан, капитал қўйилмалар харажатлари бўйича эса - ҳар бир объект бўйича ўрнатилган тартибда тасдиқланган капитал қўйилмалар билан чегараланади.


59. Бюджетдан маблағ олувчилар маҳсулот етказиб берувчилар билан вақтинчалик сметада назарда тутилган суммалардан ошмаган суммаларга шартномалар тузадилар. Бюджетдан маблағ олувчиларнинг асосий сметаси рўйхатга олингандан сўнг, олдинги қабул қилинган юридик мажбуриятлар суммасини ҳисобга олган ҳолда, олдинги шартномаларга қўшимча келишувлар тузиши мумкин.


60. I ва II гуруҳ харажатлари бўйича юридик мажбуриятлар иш ҳақи ва унга тенглаштирилган харажатларни тўлаш учун нақд пул олишга сўровномалар асосида рўйхатга олинади.


61. Бюджетдан маблағ олувчиларнинг бюджет маблағлари ҳисобидан шартномалари фақат харажатларни қоплашга манбанинг мавжудлиги тўғрисидаги тасдиқнома ва ушбу мақсадларга ажратилган бюджет маблағлари (лимитлари) мавжуд бўлган харид ҳажмигагина тузилиши мумкин.


62. Бюджетдан маблағ олувчилар билан маҳсулот етказиб берувчилар (пудратчилар) ўртасидаги шартномаларнинг амал қилиш муддати тегишли молия йилининг 31 декабридан кечикмаган муддатга тузилиши лозим, бажариш муддати бир неча йилни ташкил қилиши мумкин бўлган (капитал қўйилмаларнинг бир неча йилга мўлжалланганлигини тасдиқловчи манзилли рўйхатлар асосида) капитал қўйилмалар (капитал қурилиш, реконструкция) бўйича шартномалар бундан мустасно.


63. Манзилли рўйхатлар асосида бир неча йил давом этадиган капитал қўйилмалар бўйича ғазначилик бўлинмалари томонидан Ғазначилик дастурий мажмуида жорий молия йили учун юридик мажбуриятларни тасдиқланган манзилли рўйхатда қурилиш пудратчи ташкилотига тўлаб берилиши назарда тутилган маблағлар доирасида ҳисобга олинади. Шартноманинг қолган суммаси, уларнинг тегишли объект ва йиллар бўйича манзилли ва титул рўйхатларда акс эттирилиши шарти билан кейинги йилларнинг юридик мажбуриятларида ҳисобга олинади.


64. Харажатлар сметасида назарда тутилган ажратилган бюджет маблағлари суммалари асосида аниқланган юридик мажбуриятларни қабул қилиш лимитлари, молия йили бошидаги бюджет маблағлари ҳисобидан тўланиши лозим бўлган тегишли моддалар бўйича мавжуд кредиторлик қарзлари суммасига камайтирилади.


65. Молия йили бошига мавжуд кредиторлик қарзлари иқтисодий таснифнинг маълум моддасига, функционал таснифнинг бўлим ва параграфига алоқадорлигининг кўрсатилиши, бюджетдан маблағ олувчилар томонидан ғазначилик бўлинмаларига тегишли молия йилида хўжалик операциялари бошлангунига қадар ёзма равишда тақдим этилади.


66. Бюджетдан маблағ олувчиларга тўлов манбаи сифатида Давлат бюджети маблағлари ҳисобига, молия йилидан ошадиган муддатга, шунингдек лизинг ва (ёки) бошқа турдаги кредитлар ҳисобига товар (иш, хизмат)лар харид қилишга шартнома тузиш тақиқланади.


67. Агар бюджетдан маблағ олувчиларнинг харажатлари бир вақтнинг ўзида бир нечта параграф ва ташкилотлар бўйича амалга оширилса, шартномалар ҳар бир шахсий ғазна ҳисобварақ бўйича алоҳида (тегишли параграф бўйича сумма ва шахсий ҳисобварақни алоҳида кўрсатган ҳолда) тузилади.


68. Товар (иш, хизмат)лар учун тўловлар бир нечта маблағлар манбаи ҳисобидан амалга оширилиши назарда тутилган ҳолларда, шартномаларда ушбу манбалар бўйича реквизитлар ва ҳар бир манба ҳисобидан тўланиши лозим бўлган суммалар мажбурий тартибда алоҳида кўрсатилади.


69. Бюджетдан маблағ олувчилар товар-моддий бойликларини сотиб олишда маҳсулот етказиб берувчилардан тегишли фаолият тури учун лицензия (рухсатнома)сининг нотариал тасдиқланган нусхасини ва тегишли органларда давлат рўйхатига олинганлиги тўғрисидаги ҳужжатларни сўраб оладилар.

Ушбу ҳужжатлар ғазначилик бўлинмаларига рўйхатга олиш учун тақдим этиладиган шартномалар билан бирга тақдим қилинади.

Тақдим этилган шартномаларда ёки уларга иловаларда товар (иш, хизмат)лар миқдори, нархи ва умумий суммаси кўрсатилган тафсилотли рўйхати акс эттирилиши лозим.


70. Бюджетдан маблағ олувчиларнинг шартномалар тузмасдан бошқа тасдиқловчи ҳужжатлар (счётлар, квитанциялар, хабарномалар ва бошқа қонун ҳужжатлари) асосида қабул қилинган юридик мажбуриятларининг рўйхатга олиниши қуйидаги мажбуриятлар юзага келган ҳолларда амалга оширилиши мумкин:

бадаллар, йиғимлар, суднинг қарори, солиқлар ва бошқа мажбурий тўловларни тўлаш;

иқтисод қилинган маблағларни Бюджет ташкилотларининг ривожлантириш жамғармасига ўтказиш;

ягона буюртмачи хизматини сақлаш харажатлари.


71. Бюджетдан маблағ олувчилар импорт қилинаётган товар-моддий бойликларни сотиб олиш учун шартномалар тузишда ва молиявий мажбуриятларни чет эл валютасида тўлаш шарти билан қабул қилишда юзага келиши мумкин бўлган курс фарқларини қоплаш учун бюджет маблағларининг зарур захирасини назарда тутишлари лозим.

Юзага келиши мумкин бўлган курс фарқларини қоплаш учун ажратиладиган бюджет маблағларининг зарур захираси ҳар бир аниқ шартнома бўйича индивидуал тарзда бюджетдан маблағ олувчилар ва ғазначилик бўлинмалари томонидан, зарур ҳолларда тегишли молия органи иштирокида шартнома тузилган сана, назарда тутилаётган муддат ва валюта курсининг кутилаётган ўзгаришлари билан боғлиқ ҳолда аниқланади.


72. Импорт қилинаётган товар (иш, хизмат)ларнинг таннархини ва қабул қилинган молиявий мажбуриятлар суммаларини қайта ҳисоблаш бюджетдан маблағ олувчилар томонидан амалга оширилади ва ғазначилик бўлинмаларида амалга оширилган охирги тўлов санасига ушбу вақтгача ҳосил бўлган умумий касса харажатларининг ўртача курси бўйича ҳисобланиб, ғазначилик бўлинмаларига тақдим этилади.


73. Бюджетдан маблағ олувчиларнинг маҳсулот етказиб берувчилар билан тузган шартномалари мажбурий тартибда уларнинг юридик хизматлари (шартнома асосида жалб қилинган адвокатлар) томонидан қонун ҳужжатларига мувофиқлигига текширилиши шарт.

Агар шартноманинг суммаси қонун ҳужжатларида белгиланган энг кам иш ҳақининг 200 баравари миқдоридан ошмаса, шартномаларга томонларнинг юридик хизмати ёки жалб этилган адвокатлар имзоси қўйилади. Агар шартнома суммаси, қонун ҳужжатларида белгиланган энг кам иш ҳақининг 200 бараваридан ортиқ бўлса, томонлар юридик хизмат ёки жалб этилган адвокатларнинг хулосасини илова қилиши лозим.


74. Шартномалар, шунингдек уларга қўшимча келишувлар аниқ ва равшан сиёҳ ёки шарикли ручка ёки ёзув (ҳисоблаш) машинасида ёзилган ҳолда тўлдирилиши лозим. Ҳеч қандай тузатишлар, ўчириб ёзишлар ёки тўғрилашлар, ҳаттоки томонлар келишувига кўра ҳам йўл қўйилмайди.


75. Бюджетдан маблағ олувчилар ва маҳсулот етказиб берувчилар ўртасида тузилган шартномалар ғазначилик бўлинмаларига қуйидаги талабларга риоя қилинган ҳолда тақдим қилинади:

100 минг АҚШ долларига тенг миқдордан кам бўлган шартномалар маҳсулот етказиб берувчини танлаш бўйича ўтказилган энг яхши конкурс таклифларини танлаб олиш ҳужжатлари илова қилинган ҳолда тақдим қилинади. Бунда, конкурс таклифлари танловини ўтказиш, маҳсулот етказиб берувчини танлаш бўйича камида иккита конкурс таклифи бўлганда, қонунчиликда назарда тутилган ҳоллардан ташқари, конкурс таклифларини кўриб чиқиш асосида конкурс таклифлари танлови баённомасини расмийлаштириш асосида амалга оширилади.

100 минг АҚШ долларига тенг бўлган миқдоридан ортиқ бўлганда, қонунчиликка мувофиқ ўтказилган тендер савдолари бўйича ҳужжатлар шартномага илова қилган ҳолда тақдим қилинади.

Мазкур бандда санаб ўтилган талаблар товарларнинг етказиб берилиши, табиий монополиялар субъектлари фаолияти соҳасига тегишли бўлганда, товарлар биржа орқали харид қилинганда, шартнома тузиш вақтида энг кам иш ҳақининг ўн бараваридан ошмаган суммада товарлар сотиб олинганда ва товарларни сотишга алоҳида ҳуқуқи бўлган фақат битта етказиб берувчидан товарлар хариди бўйича тузиладиган шартномаларга, шунингдек қонунчиликда назарда тутилган алоҳида ҳолларга татбиқ этилмайди.


76. Бюджетдан маблағ олувчилар ва маҳсулот етказиб берувчилар билан бюджет маблағлари ҳисобига тузилган шартномалар фақат уларнинг ғазначилик бўлинмаларида мажбурий рўйхатга олинганидан сўнг кучга киради.


77. Бюджетдан маблағ олувчилар маҳсулот етказиб берувчилар билан шартномалар тузишда ва уларни ғазначилик бўлинмаларига рўйхатга олиш учун тақдим қилишда қуйидаги талабларга амал қилишлари лозим:

шартномалар маҳсулот етказиб берувчи ва буюртмачи (бюджетдан маблағ олувчилар) томонидан имзо қўйиш ҳуқуқига эга бўлган шахслар томонидан имзоланади ва икки томоннинг муҳрлари билан тасдиқланади;

буюртмачи (бюджетдан маблағ олувчилар)нинг реквизитларида, шунингдек буюртмачи (бюджетдан маблағ олувчи)нинг харажатлари тўлови амалга ошириладиган тегишли ғазна ҳисобварағи ҳам кўрсатилади.

Бюджет маблағлари ҳисобидан, ғазначилик бўлинмалари томонидан ғазна ҳисобварақлари орқали тўланадиган, бюджетдан маблағ олувчилар билан маҳсулот етказиб берувчилар ўртасидаги шартномаларда томонларнинг юридик манзиллари ва реквизитларини тўлдириш намуналари мазкур Қоидаларга 2 ва 2а-иловаларда келтирилган.


78. Шартномани рўйхатга олиш учун бюджетдан маблағ олувчи ғазначилик бўлинмасига шартноманинг икки асл нусхасини ва битта кўчирма нусхасини тақдим қилади. Шартномаларга мазкур Қоидаларнинг 3-иловасидаги шаклга мувофиқ тўловлар жадвали илова қилиниши ҳамда мазкур Қоидаларнинг 73-банди талабларига риоя қилиш шарт.


79. Автотранспорт воситалари, машина ва ускуналар ва ҳ.к. капитал ҳамда жорий таъмирлаш учун Давлат бюджети маблағлари ҳисобидан тузиладиган шартномалар бўйича бюджетдан маблағ олувчилар ғазначилик бўлимларига қуйидаги ҳужжатларни тақдим қилади:

юридик хизмат ёки жалб қилинган адвокатлар томонидан имзоланган шартноманинг икки асл ва бир кўчирма нусхаси, агар шартнома суммаси қонун ҳужжатларида белгиланган энг кам иш ҳақининг 200 баравари миқдоридан ошса, у ҳолда шартномага юридик хизмат ёки жалб қилинган адвокат хулосаси илова қилинади;

тўловлар жадвали;

конкурс таклифларини танлаб олиш баённомаси (агар шартнома суммаси 100 минг АҚШ доллари миқдоридан ошса, тендер савдолари ўтказилганлиги тўғрисида баённома), қонун ҳужжатларида назарда тутилган ҳоллар бундан мустасно.


80. Бюджетдан маблағ олувчилар шартномаларни ғазначилик бўлинмаларига рўйхатга олиш учун улар тузилгандан сўнг 20 иш куни мобайнида, бироқ жорий молия йилининг 25 декабридан кечикмасдан тақдим этишлари лозим.

Бюджетдан маблағ олувчи томонидан шартномалар тузилиб, 20 иш куни ўтгандан сўнг тақдим қилинган ҳолларда, шартнома бюджетдан маблағ олувчига ғазначилик бўлинмасида рўйхатга олинмасдан қайтарилади.


81. Ғазначилик бўлинмалари шартномаларни масъул ходим томонидан шартноманинг биринчи ва иккинчи асл нусхалари ва кўчирма нусхасининг барча варақларига "Рўйхатга олинган" штампини қўйиш ва рўйхатга олинган рақами ва санаси кўрсатилиб, уларни ғазначилик бўлинмасининг ваколатли шахси имзоси ва ғазначилик бўлинмасининг муҳри билан тасдиқлаш орқали рўйхатга олади.


82. Рўйхатга олингандан сўнг, шартноманинг икки асл нусхаси бюджетдан маблағ олувчига қайтарилади, рўйхатга олинган шартноманинг кўчирма нусхаси ғазначилик бўлинмасида ҳисобга олиш ва сақлаш учун қолдирилади.


83. Шартномалар ҳисоби Ғазначилик дастурий мажмуида электрон тарзда бюджетдан маблағ олувчининг номи ва реквизитлари, шунингдек шартнома суммаси, унинг рақами ва тузилган санаси, ғазначилик бўлинмаси томонидан рўйхатга олинган рақами ва санаси кўрсатилган ҳолда Бюджетдан маблағ олувчиларнинг маҳсулот етказиб берувчилар билан тузган шартномаларини рўйхатга олиш китобида мазкур Қоидаларнинг 4-иловасига мувофиқ шакл бўйича амалга оширилади.



2-§. III гуруҳ харажатлари бўйича юридик

мажбуриятларни рўйхатга олиш


84. Капитал қурилиш харажатлари бўйича шартномаларнинг икки асл ва бир кўчирма нусхаларидан ташқари, Буюртмачилар томонидан ғазначилик бўлинмасига қуйидаги ҳужжатлар тақдим қилинади:

конкурс комиссиясининг қурилиш ишлари билан боғлиқ иш ва хизматларнинг пудратчи қурилиш (лойиҳачи) ташкилотини ва бошқа бажарувчиларини танлаб олиш бўйича йиғилиш баённомаси нусхаси, қачонки танлов савдолари предмети харидининг умумий қиймати 50 минг АҚШ долларидан юқори суммани ташкил этган ҳолларда;

конкурс комиссиясининг қурилиш ишлари билан боғлиқ иш ва хизматларнинг пудратчи қурилиш (лойиҳачи) ташкилотини ва бошқа бажарувчиларини танлаб олиш бўйича йиғилиш баённомаси нусхаси, қачонки танлов савдолари предмети харидининг умумий қиймати 50 минг АҚШ долларигача суммани ташкил этган ҳолларда улар харид қилинадиган товар, ишлар ва хизматларнинг тавсифи, миқдори, бажариш муддатлари ва товарни етказиб бериш пункти кўрсатилган ҳолдаги таклифларни талабгорларга юбориш ёки маҳсулот етказиб берувчи ёки пудратчи томонидан эълон қилинган баҳо ва тавсифларни таққослаш йўли билан эркин савдода амалга оширилиши мумкин;

буюртмачининг пудрат қурилиш (лойиҳа) ишлари учун ўтказилган танлов савдолари натижалари бўйича ҳисоботининг Ўзбекистон Республикаси Давархитектқурилиш билан келишилган нусхаси;

пудратчи қурилиш ташкилотининг қурилиш хавфини суғурталаш бўйича шартномасининг буюртмачи раҳбари ва бош ҳисобчиси томонидан имзоланган нусхаси;

Давлатқурилишназорат инспекциясининг қурилиш-монтаж ишларини бажаришга рухсатномасининг буюртмачи раҳбари ва бош ҳисобчиси томонидан имзоланган нусхаси;

белгиланган тартибда тасдиқланган қурилишларнинг манзилли рўйхати (лойиҳа-тадқиқот ишларининг манзилли рўйхати) ва қурилишларнинг титулли рўйхатлари нусхалари, шунингдек белгиланган тартибда тасдиқланган ва конкурс савдоларининг ўтказилиши бўйича қурилишларнинг аниқланган манзилли ва титулли рўйхатлари нусхалари;

давлат экология экспертизаси хулосаси нусхаси (зарур бўлганда).


85. Капитал қўйилмаларга харажатлар аралаш манбалар ҳисобидан, мисол учун инвестиция дастурига киритилган лойиҳалар доирасида амалга ошириладиган ва Давлат бюджети маблағлари ҳисобидан ва Халқаро молия институтлари (Жаҳон банки, Осиё тараққиёт банки ва бошқалар)нинг кредитлари, қарзлари ва грантлари ҳисобидан молиялаштириладиган ҳолларда, шартномалар, иш бажарилганлигини тасдиқловчи бирламчи ва бошқа ҳужжатлар халқаро шартномалар талаблари ва шаклларига мувофиқ амалга оширилади.

Бунда, капитал қурилиш буюртмачилари ғазначилик бўлинмаларига рўйхатга олиш учун шартномаларнинг иккита асл ва бир кўчирма нусхасини тақдим қилади, ғазначилик бўлинмалари уларни ўрнатилган тартибда текширгандан сўнг, уларни ғазначилик бўлинмасининг (биринчи ва иккинчи) имзо қўйиш ҳуқуқига эга бўлган тегишли шахслари (кейинги ўринларда - мансабдор шахслар) имзоси қўйилган ва ғазначилик бўлинмасининг муҳри билан тасдиқланган шартномалар нусхаларининг барча варақларига "Рўйхатга олинган" штампини қўйиш йўли билан рўйхатга олади.

Ушбу бандда кўрсатилган шартномалар бўйича харажатлар тўловларини амалга ошириш учун асос, шартномаларда кўрсатилган ҳужжатлар, қоидага кўра, ҳисобварақ-фактуралар, оралиқ тўловлар сертификатлари, инвойслар, молиявий ҳисоботлар ва шартномаларда назарда тутилган бошқа ҳужжатлар ҳисобланади.


86. Тендер савдолари ёки конкурс таклифлари танловини ўтказмасдан лойиҳачи ёки пудратчи ташкилотни танлашда буюртмачи томонидан ғазначилик бўлинмасига Ўзбекистон Республикаси Вазирлар Маҳкамасининг тегишли қарорининг нусхаси тақдим этилади.


87. Ғазначилик бўлинмаси бюджетдан маблағ олувчи томонидан шартнома тақдим этилган кундан бошлаб уч иш куни давомида шартномада кўрсатилган суммани бюджетдан маблағ олувчиларнинг харажатлар сметасида назарда тутилган тегишли ажратилган бюджет маблағларининг мавжудлигига текширади.


88. Ғазначилик бўлинмаларининг ходимлари томонидан қабул қилинган шартномалар қуйидагиларнинг мавжудлигига текширилади:

қонунчиликка мувофиқ юридик хизмат ёки жалб қилинган адвокатларнинг имзолари, юридик хулосалари;

томонларнинг зарур банк реквизитлари, муҳри ва имзолари;

товар (иш, хизмат)ларнинг етказиб бериш жадвали, қурилиш пудрат шартномалари бўйича қурилиш объекти жадвали.


89. Капитал қўйилмалар харажатлари бўйича тузиладиган шартномаларда тўлов шартлари ва муддатлари ва уларга илова қилинадиган тўлов жадваллари қонунчиликка мувофиқ бўлиши лозим.

Бунда, объектлар қурилишининг "фойдаланишга тайёр ҳолда топшириш" пудрат шартномаларида капитал қурилиш буюртмачисининг банк реквизитлари ўрнига Ғазначиликнинг ягона маълумотлар базасида ушбу буюртмачи учун очилган тегишли шахсий ҳисобварақ реквизитлари кўрсатилади.


90. Агар тузилган шартномага мувофиқ тўланиши лозим бўлган пул маблағлари суммаси бюджетдан маблағ олувчининг харажатлар сметасида назарда тутилган ажратилган бюджет маблағлари суммасидан ошса, ушбу шартнома бюджетдан маблағ олувчига ғазначилик бўлинмасида рўйхатга олинмасдан қайтарилади.


91. Объектлар қурилишини "фойдаланишга тайёр ҳолда топшириш"да ва ундан фойдаланишнинг кафолатли муддати тугаганда ғазначилик бўлинмаси томонидан кейинги молия йилида Ғазначилик дастурий мажмуида тасдиқланган манзилли рўйхатда пудратчи қурилиш ташкилотига тўланиши назарда тутилган маблағлар доирасида жорий молия йилига юридик мажбуриятлар ҳисобга олинади. Шартноманинг қолган суммаси уларнинг тегишли объект бўйича жорий йилнинг манзилли ва титул рўйхатида акс эттирилиши шарти билан кейинги молия йили мажбуриятларида ҳисобга олинади.



3-§. IV гуруҳ харажатлари бўйича юридик

мажбуриятларни рўйхатга олиш


92. Ғазначилик бўлинмаси ходими IV гуруҳ харажатлари бўйича тегишли барча ҳужжатлар илова қилинган шартномаларни қабул қилишда, тўлов жадвалида ҳужжат қабул қилинган санани қўяди, шартнома ғазначилик бўлинмасида рўйхатга олингандан сўнг, бюджетдан маблағ олувчилар тўлов жадвалида рўйхатга олинган шартнома санасини қўяди. Бундан ташқари, шартномалар тақдим қилинган ҳужжатлар, ажратилган бюджет маблағлари ва мазкур Қоидалар талабларига мувофиқлигига текширилади. Қарама-қаршиликлар аниқланганда, шартнома рўйхатга олинмасдан, уни қайтариш сабаблари кўрсатилган ҳолда бюджетдан маблағ олувчиларга ёзма билдиришнома билан қайтарилади.


93. Қайтарилган шартномалар тегишли ғазначилик бўлимлари масъул ходимлари томонидан шартнома рақами ва санаси, бюджетдан маблағ олувчи ва маҳсулот етказиб берувчи номи ва манзиллари, масъул ходим томонидан шартнома қабул қилинган сана, қайтариш сабаби, шунингдек қайтариш санаси кўрсатилган ҳолда ушбу Қоидаларнинг 5-иловасига мувофиқ, Қайтарилган шартномаларни рўйхатга олиш китобида рўйхатга олинади.


94. Ғазначилик бўлинмасининг ёзма билдиришномасида кўрсатилган барча камчиликлар тўғриланган ҳолларда, бюджетдан маблағ олувчига шартнома такроран қайтарилишига йўл қўйилмайди.


95. Суд қарори бўйича тўловлар, йиғимлар, бадаллар, солиқлар ва бошқа мажбурий тўловларни тўлаш учун бюджетдан маблағ олувчилар ғазначилик бўлинмаларига юридик мажбурият мавжудлигини тасдиқловчи ҳужжатнинг асл ва кўчирма нусхасини, шунингдек ушбу юридик мажбуриятларни рўйхатга олиш учун сўровнома, тўлов жадвалини иловалари билан рўйхатга олиш учун тақдим этади (мазкур Қоидаларга 6-илова).


96. Бюджетдан маблағ олувчилар томонидан Давлат бюджети маблағлари ҳисобидан мукаммал таъмирлаш шартномаларига, шунингдек бино ва иншоотларни мукаммал таъмирлашнинг манзилли рўйхати ҳам илова қилинади.


97. Мукаммал таъмирлаш шартномаларига суммаси 50 минг АҚШ долларига тенг миқдордан ошганда, шартномаларга дефект акти асосида тузилган мукаммал таъмирлаш бўйича ишлар рўйхати, шунингдек лойиҳа-смета ҳужжатлари ва унинг экспертизадан ўтганлигини тасдиқловчи ҳужжатлар нусхалари ҳам илова қилинади, қонун ҳужжатларида назарда тутилган ҳоллар бундан мустасно.


98. Бюджетдан маблағ олувчилар томонидан IV гуруҳ харажатлари моддаларида назарда тутилган мақсадларга нақд пул маблағларининг тўлови фақат қонунчиликда назарда тутилган ҳолларда амалга оширилади (мисол учун хизмат сафари харажатлари, етим болаларни сақлаш харажатлари ва бошқалар).


99. Бюджетдан маблағ олувчиларнинг қонунчиликда назарда тутилган ҳолларда "Ўқитиш харажатлари", "Озиқ-овқат маҳсулотларини сотиб олиш харажатлари", "Бошқа харажатлар" ва харажатлар сметасининг бошқа харажат моддаларидан, қонун ҳужжатларига мувофиқ нақд пул маблағлари орқали амалга ошириладиган қисмида, нақд пул олиш бўйича юридик мажбуриятлар бюджетдан маблағ олувчиларнинг ғазначилик бўлинмаларига нақд пул олиш учун тақдим қилган сўровномалари асосида ва бюджетдан маблағ олувчининг у ёки бу тадбирларни ўтказиш тўғрисидаги буйруқ нусхалари асосида ҳисобга олинади.


100. Буйруқда мажбурий тартибда тадбир тури, муддати ва ўтказилиш жойи, иштирокчилар сони ва харажатларнинг умумий суммаси нақд пул маблағлари кўринишида тўланиши лозим бўлган сумма алоҳида кўрсатилиши лозим. Буйруққа ўтказиладиган тадбирнинг мажбурий тартибда бюджет ташкилотининг молия-режалаштириш хизмати бошлиғи (молия-режалаштириш хизмати мавжуд бўлмаганда ташкилотнинг бош ҳисобчиси) имзоси қўйилган ва унинг раҳбари тасдиқлаган харажатлар сметаси илова қилинади.


101. Бюджетдан маблағ олувчилар томонидан мазкур Қоидаларнинг 99-бандида белгиланган харажатларни нақд пул маблағлари орқали амалга ошириш имкони тўғрисида қарор қабул қилиш ҳуқуқи ғазначилик бўлинмалари раҳбарларига берилади. Бунда, ушбу харажатларни нақд пул маблағлари билан амалга ошириш мумкинлиги тўғрисидаги қарор фақат алоҳида ҳолларда, яъни харажатларни нақдсиз шаклда тўлаш имкони бўлмаган ҳолларда қабул қилинади.


102. Ҳакамлик, спорт ва бошқа шунга ўхшаш тадбирларнинг харажатлар сметасида назарда тутилган хизматлар учун тўловлар, ҳакамлар ва бошқа жисмоний шахсларнинг банк ҳисоб рақамларига тегишли пул маблағларини ўтказиш йўли билан, фақат нақдсиз шаклда амалга оширилиши лозим.


103. Агар айрим харажатларни нақдсиз шаклда амалга ошириш имкони йўқлиги сабабли нақд пул маблағларига эҳтиёж туғилса, у ҳолда бюджетдан маблағ олувчилар томонидан нақд пул маблағлари олиш учун сўровнома билан бирга ғазначилик бўлинмаларига сўровномада кўрсатилган харажатларни нақдсиз шаклда амалга ошириш имкони йўқлигини тасдиқловчи маълумотнома тақдим қилинади. Маълумотнома бюджетдан маблағ олувчининг раҳбари ва молия-режалаштириш хизмати бошлиғи (молия-режалаштириш хизмати мавжуд бўлмаганда ташкилотнинг бош ҳисобчиси) имзоси билан тасдиқланади.



VII. ҚАБУЛ ҚИЛИНГАН МОЛИЯВИЙ МАЖБУРИЯТЛАРНИ

РЎЙХАТГА ОЛИШ ВА ХАРАЖАТЛАР ТЎЛОВИ


1-§. Молиявий мажбуриятларни қабул қилиш

ва уларни тўлашнинг умумий қоидалари


104. Бюджетдан маблағ олувчиларнинг иккинчи томон олдидаги молиявий мажбуриятлари уларга товар (иш, хизмат)лар етказиб берилганлигини тасдиқловчи ҳужжатлар, шу жумладан, иш ҳақи ва унга тенглаштирилган харажатларни ҳисоблаш ведомостлари асосида қабул қилинади.


105. Молиявий мажбуриятлар, иш ҳақи ва унга тенглаштирилган харажатлар, шунингдек суд қарорлари бўйича тўловлар, йиғимлар, бадаллар, солиқлар ва бошқа мажбурий тўловлардан ташқари, олдин тузилган шартномалар ва юридик мажбуриятлар қабул қилинганлигини тасдиқловчи бошқа ҳужжатлар доирасида қабул қилинади.


106. I ва II гуруҳ харажатлари бўйича молиявий мажбуриятлар иш ҳақи ва унга тенглаштирилган харажатлар тўлови учун нақд пул маблағларини олишга сўровнома, шунингдек ушбу гуруҳлар харажатлари бўйича тўлов топшириқномалари асосида рўйхатга олинади.


107. Ғазначилик бўлинмалари ғазна ҳисобварақларидан тўлов топшириқномалари асосида ташкилот ва муассасаларни сақлаш, марказлаштирилган тадбирларни ўтказиш, капитал қўйилмалар ва бошқа мақсадлар учун тўловларнинг тасдиқланган харажатлар сметаси ва капитал қўйилмалар лимитлари доирасида амалга оширади.


108. Ўзбекистон Республикаси Вазирлар Маҳкамасининг 1999 йил 3 сентябрдаги 414-сонли "Бюджет ташкилотларини маблағ билан таъминлаш тартибини такомиллаштириш тўғрисида"ги қарорига (Ўзбекистон Республикаси Ҳукумат қарорлари тўплами, 1999 й. N 9, 51-модда) мувофиқ, бюджетдан маблағ олувчиларни Давлат бюджетидан харажатларнинг тўрт гуруҳи бўйича молиялаштириш тартиби белгиланган:

I. Иш ҳақи ва унга тенглаштирилган тўловлар (болали оилаларга нафақалар ва кам таъминланган оилаларга моддий ёрдам, стипендиялар ва бошқалар);

II. Иш ҳақига қўшимчалар;

III. Капитал қўйилмалар (Давлат инвестиция дастурида назарда тутилган манзилли рўйхатларга мувофиқ);

IV. Бошқа харажатлар (озиқ-овқат, дори-дармон, коммунал хизматлар ва бошқа харажатлар).


109. Бюджетдан маблағ олувчиларнинг I ва II гуруҳ бўйича харажатлар тўлови биринчи навбатда амалга оширилади. Бунда, I гуруҳ харажатларини II гуруҳ харажатлари тўловисиз амалга ошириш тақиқланади.


110. Тегишли бюджет бўйича I ва II гуруҳ харажатлари тўлови учун ғазна ҳисобварақларида зарур маблағларни қоплайдиган қолдиқлар мавжуд бўлганда, I ва II гуруҳ харажатларини тўлиқ амалга оширган ташкилотлар бўйича IV гуруҳ харажатларини амалга оширишга рухсат этилади.


111. IV гуруҳ "Бошқа харажатлар" бўйича маблағларнинг сарфланиши ўрнатилган лимитлар доирасида қуйидаги навбатга риоя қилган ҳолда амалга оширилади:

овқатлантириш;

дори-дармонлар;

коммунал хизматлар;

бошқа харажатлар.


112. ҲҒҲда овқатлантириш харажатлари бўйича тўланмаган маблағлардан ошиқча маблағлар мавжуд бўлган ҳолларда, ушбу ошган маблағлар доирасида дори-дармонлар (тўртинчи гуруҳнинг бошқа харажат турлари бўйича ҳам ушбу тартиб) бўйича харажатларни амалга оширишга рухсат этилади.


113. Бюджет ташкилотларининг ишчиларига ижтимоий тўловлар бўйича харажатлари иш ҳақи ва унга тенглаштирилган тўловлар бўйича харажатлар билан бир вақтда амалга оширилади.


114. Бюджет ташкилотларининг шахсий ҳисобварақларида чорак (йил) охирида қолган, иқтисод қилинган бюджет маблағлари (капитал қўйилмаларнинг тўлови учун назарда тутилган ажратилган маблағлар бундан мустасно) Бюджет ташкилотларининг ривожлантириш жамғармасига ўтказилади ва қонунчиликда белгиланган тартибда сарфланади.


115. Иқтисод қилинган маблағларнинг ўтказилиши бюджет ташкилотлари томонидан юридик ва молиявий мажбуриятлар билан банд қилинмаган ажратилган бюджет маблағлари доирасида ҳисобот чорагининг кейинги ойи давомида амалга оширилади. Бюджет маблағларининг иқтисоди тегишли ўтган давр учун аниқланган бюджет маблағлари лимитлари ва қабул қилинган юридик мажбуриятлар ўртасидаги фарқ доирасида аниқланади. Қабул қилинган молиявий мажбуриятлар юридик мажбуриятлардан ортиқ бўлган ҳолларда, бюджет маблағларининг иқтисоди тегишли ўтган давр учун аниқланган бюджет маблағлари лимитлари ва қабул қилинган молиявий мажбуриятлар ўртасидаги фарқ доирасида аниқланади.


116. Агар шартномага унинг амал қилиш муддатини узайтириш бўйича қўшимча келишув тузилмаган бўлса, шартноманинг муддати тугаши билан маҳсулот етказиб берувчи (пудратчи) томонидан товар (иш, хизмат)лар етказиб бериш бўйича мажбуриятнинг бажарилиши тугатилади. Бунда, амал қилиш муддати жорий йилнинг 31 декабригача бўлган шартномалар муддатини узайтириш бўйича қўшимча келишув тузишга йўл қўйилмайди (капитал қўйилмалар бўйича шартномалардан ташқари). Амал қилиш муддати тугаган шартномалар бўйича маҳсулот етказиб берувчиларнинг етказиб берган товар (иш, хизмат)лари учун кредиторлик қарзлари ўрнатилган тартибда ҳисобварақ-фактуралар ва ўзаро қарздорликнинг солиштирма далолатномаси асосида тўлаб берилади. Маҳсулот етказиб берувчилардаги мавжуд дебиторлик қарзлари буюртмачига - бюджетдан маблағ олувчининг тегишли ғазна ҳисобварағига қайтарилади.

Агар маҳсулот етказиб берувчи томонидан ўтган молия йилининг дебиторлик қарзлари кейинги йилда (кейинги йилларда) қайтарилса, у ҳолда ғазна ҳисобварағига тушган дебиторлик қарзлари суммаси тегишли бюджет даромадларига тикланади.


117. Амалдаги шартномалар бўйича молиявий мажбуриятлар миқдори рўйхатга олинган юридик мажбуриятлар суммасига нисбатан кам қабул қилиниши натижасида бюджет маблағларининг иқтисоди юзага келганда, бюджет ташкилотлари тегишли ҳисобот даври учун шартномалар суммасини қабул қилинган молиявий мажбуриятлар суммасига мувофиқлаштириш учун, уларни камайтириш бўйича қўшимча келишув тузишлари лозим.


118. Амал қилиш муддати тугаган шартномалар бўйича молиявий мажбуриятлар миқдори рўйхатга олинган юридик мажбуриятлар суммасига нисбатан кам қабул қилиниши натижасида бюджет маблағларининг иқтисоди юзага келган ҳолларда, юридик мажбуриятлар суммаси қабул қилинган молиявий мажбуриятлар суммасига буюртмачи ҳамда маҳсулот етказиб берувчи (пудратчи) ўртасидаги солиштирма далолатнома асосида мувофиқлаштирилади.


119. Бюджетдан маблағ олувчилар томонидан олдин тузилган шартномаларга қўшимча келишувлар тузишда молия йили якунигача шартномалар суммаси - юридик мажбуриятлар (мисол учун, куз-қиш мавсумининг келиши билан боғлиқ ҳолда электр энергияси, табиий газ ва иссиқлик энергияси учун харажатларнинг ўсиши ва бошқалар) камайтирилаётган харажатлар моддалари бўйича эҳтиёж бўлиши мумкинлиги эътиборга олиниши лозим.


120. Ҳисобот йилининг охирида шахсий ғазна ҳисобварақларида қолган иқтисод қилинган бюджет маблағларининг Бюджет ташкилотларининг ривожлантириш жамғармасига ўтказилиши бир хил тартибда қўшимча давр мобайнида амалга оширилади.


121. Ғазна ижросига ўтган бюджетдан маблағ олувчилар бўйича ўтган йил учун тўлов топшириқномалари молия йилига қўшимча даврнинг тугашигача 5 иш кунидан кечикмаган муддатда ғазначилик бўлинмаларига тақдим этилиши лозим.


122. 01 9 10 моддасида назарда тутилган режали ажратилган бюджет маблағлари Тиббиёт муассасаларининг моддий рағбатлантириш ва ривожлантириш жамғармасига тақдим қилинган тўлов ҳужжатлари асосида шартномалар тузилмасдан белгиланган муддатда ўтказилади.


123. Шартнома тузилмасдан қуйидаги ўтказмалар:

бюджет ташкилотларининг иқтисод қилинган маблағлари уларнинг Ривожлантириш жамғармаларига, шунингдек тиббиёт муассасалари томонидан - сметада назарда тутилган мақсадли ажратилган маблағлар Тиббиёт муассасаларининг моддий рағбатлантириш ва ривожлантириш жамғармаларига;

капитал қўйилмалар бўйича буюртмачиларнинг бошқарув аппарати хизматини сақлаш учун маблағлар ушбу мақсадлар учун назарда тутилган, ўрнатилган тартибда манзилли ва титул рўйхатларда келишилган ва ҳар бир объект бўйича шахсий ҳисобварақлардаги суммалар доирасида амалга оширилиши мумкин.


124. Ғазначилик бўлинмалари томонидан ссудалар, дотациялар ва субвенцияларнинг ўтказилиши тайинлаш сертификатлари, уларга илова қилинган ҳисоб-китоблар, шунингдек тегишли молия органлари томонидан тақдим этилган тўлов ҳужжатлари асосида амалга оширилади.


125. Конкурс савдолари ўтказилгунга қадар бюджетдан маблағ олувчиларнинг ер участкасини ажратиш, қурилиш объекти ҳудудида яшовчи шахсларни кўчириш, дастлабки - рухсат берувчи ҳужжатларни тайёрлаш, лойиҳа олди ишларини ташкил қилиш, лойиҳа ва конкурс ҳужжатларини ишлаб чиқиш, келишиш, экспертиза қилиш ва тасдиқлаш, қурилиш объектларини давлат архитектура қурилиш назорати инспекциясида рўйхатга қўйиш, тасдиқланган қурилишларнинг манзилли рўйхати (лойиҳа-тадқиқот ишлари манзилли рўйхати)да назарда тутилган буюртмачини сақлаш каби харажатлар тўланиши мумкин.


126. Ғазна ҳисобварақларидан маблағларнинг сўзсиз тартибда ҳисобдан чиқарилишига йўл қўйилмайди.


127. Суд қарорлари асосида ғазна ҳисобварақларидан маблағларнинг ҳисобдан чиқарилиши қонунчиликда белгиланган тартибда амалга оширилади.



2-§. I гуруҳ ва унга тенглаштирилган харажатлар

бўйича молиявий мажбуриятларни қабул

қилиш ва уларнинг тўлови


128. Нақд пул маблағлари беришда чекларнинг ишлатилиш тартиби ва шартлари қонунчилик орқали тартибга солинади.


129. Нақд пул олиш учун чек дафтарчаларини ғазначилик бўлинмаси хизмат кўрсатувчи банк филиалидан уларни кейинчалик бюджетдан маблағ олувчиларга тарқатиш учун олади. Бунда, бюджетдан маблағ олувчилар ғазначилик бўлинмаларига бюджетдан маблағ олувчиларнинг раҳбари ва бош ҳисобчиси имзоси қўйилган ишончнома ва сўровномаларни тақдим қилади. Бюджетдан маблағ олувчига берилган чек дафтарининг рақамлари унинг ғазначилик бўлинмаларидаги имзо намуналари карточкаларига ёзилади.


130. Молия йили мобайнида ўрнатилган тартибда ишлатилган чек дафтарчалари бюджетдан маблағ олувчилар томонидан молия йили якунлангунга қадар ғазначилик бўлинмаларига қайтарилиши лозим.

Бунда, бузилган (бекор қилинган) чеклар мавжуд бўлган ҳолатда, бюджетдан маблағ олувчилар мажбурий тартибда уларни ишлатилган чек дафтарчалари билан бирга, улар мавжуд бўлмаганда (мисол учун, йўқотилган ҳолатда), уларнинг йўқлиги бўйича кўрилган тадбирлар ва сабаблари тўғрисида ғазначилик бўлинмаларини ёзма хабардор қиладилар.

Ғазначилик бўлинмасининг масъул ходими ишлатилган чек дафтарчаларини олгандан сўнг, улардаги маълумотларни Ғазначилик дастурий мажмуидаги олдин тўланган суммалар ва чеклар сони тўғрисидаги маълумотлар билан солиштиради.

Ишлатилган чеклар бўйича маълумотларда фарқлар мавжуд бўлган ҳолларда, ғазначилик бўлинмаси томонидан бунинг сабабларини аниқлаштириш учун рўйхат ва унга етишмаётган чекларнинг чек дафтарчалари рақами ва суммаларини кўрсатган ҳолда илова тузилади ва бюджетдан маблағ олувчига тақдим қилинади.


131. Ғазна ҳисобварақларидан нақд пул маблағлари олиш учун чек - бу ғазначилик бўлинмасининг маълум нақд пул суммасини бюджетдан маблағ олувчига беришга ёзма топшириғидир. Чеклар бюджетдан маблағ олувчилар томонидан сиёҳ ёки шарикли ручка билан қўлда ёзилади. Чекларга ўчириб ёзиш, тузатиш, тўғрилашларга йўл қўйилмайди. Факсимил ишлатилишига йўл қўйилмайди. Чеклар ўн кун давомида (улар ёзиб берилган кундан ташқари) ҳақиқий ҳисобланади. Чек рақами имзо ва муҳр изи намунаси карточкада рўйхатга олинган чек дафтарчаси рақами ва серияларига мувофиқ бўлиши лозим. Пул чеклари Ўзбекистон Республикаси Марказий банкининг меъёрий ҳужжатларига мувофиқ расмийлаштирилади.


132. Банклар томонидан чеклар бўйича нақд пул маблағларини бериш уларда имзо намунаси карточкасида кўрсатилган имзо қўйиш ҳуқуқига эга ғазначилик бўлинмасининг мансабдор шахслари имзоси ва ғазначилик бўлинмасининг муҳри билан тасдиқланганлиги мавжуд бўлганда амалга оширилади. Ғазна ҳисобварақларидан маблағлар бериш учун чекларга ғазначилик бўлинмаси раҳбари ва масъул ходимининг имзоси ва ғазначилик бўлинмасининг муҳри қўйилади. Бюджетдан маблағ олувчиларга бериладиган чекларда фақат номи кўрсатилган бўлиши мумкин. Номи кўрсатилган чеклар бўйича нақд пуллар фақат чекда кўрсатилган шахсга берилади. Номи кўрсатилган чеклар бўйича бюджетдан маблағ олувчининг бош ҳисобчисига нақд пул берилишига йўл қўйилмайди. Ғазначилик бўлинмаси пул чекларининг орқа томонидаги суммалар мақсадини текшириши лозим. Пул чекларининг орқа томонидаги тўлов мақсадлари тўғрисидаги маълумот ғазначилик бўлинмасининг имзоси билан тасдиқланади.


133. Бюджетдан маблағ олувчи иш ҳақи ва унга тенглаштирилган тўловлар, шунингдек хизмат сафари харажатларини тўлаш учун нақд пул маблағлари олишга ғазначилик бўлинмасига мазкур Қоидаларнинг 7-иловасидаги шаклга мувофиқ, бюджетдан маблағ олувчининг раҳбари ва бош ҳисобчиси имзоси билан, икки нусхада иш ҳақи ва унга тенглаштирилган тўловлар, шунингдек хизмат сафари харажатларини тўлаш учун нақд пул маблағлари олишга сўровнома ва унга тўлдирилган чек илова қилинган ҳолда тақдим қилади.


134. Бюджетдан маблағ олувчилар нақд пул олиш учун моддий жавобгар шахс (кассир)га берилган ишончномани ғазначилик бўлинмаларига тақдим қиладилар (мазкур Қоидаларга 8-илова).


135. Нақд пул берилганидан сўнг реестрнинг иккинчи нусхаси (касса чиқим журнали) чек ижро этилганлиги тўғрисидаги белги қўйилган ҳолда банк кўчирмаси билан бирга тегишли ғазначилик бўлинмасига қайтарилади. Ғазначилик бўлинмаси банк кўчирмаси, реестр ва чек милкига асосан тегишли шахсий ҳисобварақда белги қўяди ва бюджет ташкилотига унинг шахсий ҳисобварағидан кўчирма беради, шу билан бирга бюджет ташкилоти бухгалтериясида кейинги ҳисобларни юритиш учун иш ҳақи ва унга тенглаштирилган тўловлар, хизмат сафари харажатларини тўлаш учун берилган сўровноманинг иккинчи нусхасига "ТЎЛАНДИ" белгисини қўйиб бюджетдан маблағ олувчига қайтаради.


136. Бюджетдан маблағ олувчи пул маблағларини харажатлар сметасида назарда тутилган суммадан ошмаган, умумий суммага ёзилган бир нечта чек билан олиш ҳуқуқига эга. Бунинг учун улар томонидан хизмат кўрсатувчи ғазначилик бўлинмасига тегишли суммага сўровномалар тақдим этилади.

Бюджетдан маблағ олувчилар нақд пул маблағларини олиш учун чекларни уларнинг сўровномаларида кўрсатилган қатъий суммаларга ва умумий суммаси харажатлар сметасининг тегишли лимитидан ошмаган суммаларга ёзиб берадилар.


137. Бюджетдан маблағ олувчининг ишончли шахси томонидан чек маркаси йўқотилган ҳолларда, чек маркаси йўқотилганлиги аниқланган куни тегишли ғазначилик бўлинмасига бюджетдан маблағ олувчи раҳбари ва бош ҳисобчиси томонидан имзоланган билдиришнома-хат тақдим этилади. Ғазначилик бўлинмаси ушбу билдиришнома-хат асосида тегишли банкка тўланмаган чекни чақириб олиш тўғрисида хат билан мурожаат қилади. Чеклар реестри чақириб олинган чек суммасини айирган ҳолда ижро қилинади.


138. Чекларнинг йўқотилиши ва ўғирланиши, шунингдек чекни ҳамда назорат маркаларини олиш учун ваколатли шахслар томонидан ўз мансабини суиистеъмол қилиш натижасида етказилган зарарлар бўйича жавобгарлик бюджетдан маблағ олувчиларнинг мансабдор ва моддий жавобгар шахсларига юкланади.


139. Олинган чек дафтарчалари бюджетдан маблағ олувчиларда сақланади ва чекларни қонунчиликда белгиланган тартибда сақлаш ва ишлатиш бўйича жавобгарлик бюджетдан маблағ олувчиларнинг раҳбарлари ва бош ҳисобчиларига юкланади.


140. Ғазначилик бўлинмаларининг молиявий мажбуриятларни рўйхатга олиш ва тўловларни амалга ошириш бўлими (гуруҳи) масъул ходимлари тўлов учун сўровнома ва бошқа ҳужжатларни қабул қилишда ушбу ҳужжатларнинг иккинчи нусхасига ҳужжатларни қабул қилганлиги тўғрисида ўз имзоларини қўяди ва уларни қабул қилинган санани кўрсатган ҳолда бюджетдан маблағ олувчининг тегишли ходимига қайтаради.


141. Бюджетдан маблағ олувчиларнинг шахсий ҳисобварақларидан операциялар амалга оширилиши бўйича ғазначилик бўлинмаларининг молиявий мажбуриятларни рўйхатга олиш ва тўловларни амалга ошириш бўлими (гуруҳи) масъул ходимлари бюджетдан маблағ олувчиларга уларнинг шахсий ҳисобварақларидан кўчирмаларни берадилар ҳамда уларни мазкур Қоидаларнинг 9-иловасидаги шакл бўйича Бюджетдан маблағ олувчиларнинг шахсий ҳисобварақлардан берилган кўчирмаларни рўйхатга олиш журналида рўйхатга олади. Бюджетдан маблағ олувчининг масъул ходими кўчирмаларни олишда журналга уларни олганлиги тўғрисида белги қўяди.


142. Ғазначилик бўлинмаларининг молиявий мажбуриятларни рўйхатга олиш ва тўловларни амалга ошириш бўлими (гуруҳи) масъул ходимлари Берилган ва ишлатилган чекларни ҳисобга олиш журналида берилган ва ишлатилган чекларнинг рўйхатини юритади (мазкур Қоидаларга 10-илова).



3-§. III гуруҳ харажатлари бўйича молиявий

мажбуриятларни қабул қилиш ва уларнинг тўлови


143. III гуруҳ харажатлари бўйича молиявий мажбуриятларнинг қабул қилиниши пудратчиларнинг иш бажарилганлигини тасдиқловчи ҳисобварақ-фактуралар асосида амалга оширилади.


144. Ғазначилик бўлинмалари томонидан пул маблағларини ўтказиш қуйидаги ҳолларда амалга оширилади:

тўлов топшириқномасида бюджет таснифининг тегишли кодлари, шартнома, ҳисобварақ-фактура, аванс миқдори ва бошқа керакли реквизитлар тўғри кўрсатилганда;

қурилишларнинг тасдиқланган манзилли ва титул рўйхатлари асосида ва тегишли объектлар бўйича шахсий ғазна ҳисобварақларидаги мавжуд ажратилган бюджет маблағлари суммалари доирасида бўлганда;

агар тўлов топшириқномасида кўрсатилган сумма ғазначилик бўлинмасида рўйхатга олинган шартномага асосан, олдин ўтказилган маблағларни ҳисобга олган ҳолда, тўланиши лозим бўлган пул маблағларидан ошмаганда;

буюртмачининг пудратчи олдидаги кредиторлик қарзининг мавжудлигини тасдиқловчи ҳисобварақ-фактура ва ҳужжатлар ёки буюртмачининг пудратчига аванс тўловларини ўтказиши лозимлигини тасдиқловчи ҳужжатлар мавжуд бўлганда;

тўлов топшириқномасида кўрсатилган пудратчининг номи ва реквизитлари шартномада кўрсатилган пудратчининг номи ва реквизитларига мувофиқ бўлганда.


145. Бажарилган ишлар учун харажатлар тўлови, жумладан аванс тўловларининг тўланиши ўрнатилган тартибда расмийлаштирилган ва буюртмачилар томонидан ғазначилик бўлинмаларига тақдим қилинган тўлов топшириқномалари асосида амалга оширилади, бунда тўлов топшириқномасининг "Тўловчининг номи" устунида ғазначилик бўлинмасининг номи, "Тўловчининг ҳисоб рақами" устунида - ғазна ҳисобварағи, "Тўлов мақсади" устунида - бюджетдан маблағ олувчининг шахсий ҳисобварақ рақами, бюджет таснифининг тегишли коди, тўловни ўтказишга асос бўладиган ҳужжатлар, шунингдек тўлов мақсади кўрсатилади.

Тўлов топшириқномалари қуйидагича тақдим этилади:

а) беш нусхада, агар ғазначилик бўлинмаси ва пудратчига битта банк филиалида хизмат кўрсатилса. Буюртмачининг тегишли мансабдор шахслари томонидан имзоланган ва муҳр изи билан тасдиқланган тўлов топшириқномасининг биринчи нусхаси, буюртмачининг ғазначилик бўлинмасига бюджетдан маблағ олувчининг шахсий ҳисобварағидан касса харажатларини амалга ошириш учун сўровномаси бўлиб хизмат қилади. Тўлов топшириқномасининг иккинчи нусхаси ғазначилик бўлинмасининг раҳбари ва масъул шахси томонидан имзоланади, ғазначилик бўлинмасининг муҳр изи билан тасдиқланади ва банк учун ғазна ҳисобварағидан харажатлар тўловини амалга ошириш учун асос бўлади. Банк филиалининг тўланганлик тўғрисидаги белгиси билан тўлов топшириқномасининг учинчи нусхаси маҳсулот етказиб берувчига берилади. Банк филиалининг тўланганлик тўғрисидаги белгиси билан тўлов топшириқномасининг тўртинчи нусхаси ғазна ҳисобварағидан кўчирмага илова қилинади ва ғазначилик бўлинмасига бюджетдан маблағ олувчининг шахсий ҳисобварағида касса харажатларини акс эттириш учун асос бўлади. Ғазначилик бўлинмасининг "ТЎЛАНГАН" белгиси билан ва тўланган сана қўйилган тўлов топшириқномасининг бешинчи нусхаси бюджетдан маблағ олувчининг шахсий ҳисобварағидан кўчирма билан биргаликда буюртмачининг ваколатли ходимига берилади;

б) тўрт нусхада, агар ғазначилик бўлинмаси ва пудратчига ҳар хил банк филиалларида хизмат кўрсатилса. Буюртмачининг тегишли мансабдор шахслари томонидан имзоланган ва муҳр изи билан тасдиқланган тўлов топшириқномасининг биринчи нусхаси, буюртмачининг ғазначилик бўлинмасига бюджетдан маблағ олувчининг шахсий ҳисобварағидан касса харажатларини амалга ошириш учун сўровномаси бўлиб хизмат қилади. Тўлов топшириқномасининг иккинчи нусхаси ғазначилик бўлинмасининг раҳбари ва масъул шахси томонидан имзоланади, ғазначилик бўлинмасининг муҳр изи билан тасдиқланади ва банк учун ғазна ҳисобварағидан харажатлар тўловни амалга ошириш учун асос бўлади. Банк филиалининг тўланганлик тўғрисидаги белгиси билан тўлов топшириқномасининг учинчи нусхаси ғазна ҳисобварағидан кўчирмага илова қилинади ва ғазначилик бўлинмасига бюджетдан маблағ олувчининг шахсий ҳисобварағида касса харажатларини акс эттириш учун асос бўлади. Ғазначилик бўлинмасининг "ТЎЛАНГАН" белгиси билан ва тўланган сана қўйилган тўлов топшириқномасининг тўртинчи нусхаси бюджетдан маблағ олувчининг шахсий ҳисобварағидан кўчирма билан биргаликда буюртмачининг ваколатли ходимига берилади;

в) уч нусхада агар ғазначилик бўлинмаси ҳамда унга хизмат кўрсатувчи банк орасида "Банк-мижоз" дастурий мажмуи йўлга қўйилган бўлса. Буюртмачининг тегишли мансабдор шахслар томонидан имзолар қўйилган ва муҳр изи билан тасдиқланган тўлов топшириқномасининг биринчи нусхаси, буюртмачининг ғазначилик бўлинмасига бюджетдан маблағ олувчининг шахсий ҳисобварағидан касса харажатларини амалга ошириш учун сўровномаси бўлиб хизмат қилади. Тўлов топшириқномасининг иккинчи нусхаси ғазначилик бўлинмасининг раҳбари ва масъул шахси томонидан имзоланади, ғазначилик бўлинмасининг муҳр изи билан тасдиқланади ва ғазна ҳисобварағидан харажатлар тўловини амалга ошириш учун асос бўлади. Ғазначилик бўлинмасининг "ТЎЛАНГАН" белгиси билан ва тўланган сана қўйилган тўлов топшириқномасининг учинчи нусхаси бюджетдан маблағ олувчининг шахсий ҳисобварағидан кўчирма билан биргаликда буюртмачининг ваколатли ходимига берилади.


146. Буюртмачи томонидан тақдим қилинган ҳужжатлар мазкур Қоидаларнинг талабларига мувофиқ бўлганда ғазначилик бўлинмасининг ваколатли ходими "ТЕКШИРИЛДИ" белгисини, тўлов топшириқномасининг биринчи нусхасининг орқа томонига тўлов топшириқномасининг қабул қилинган сана ва ўзининг имзосини қўяди. Тўлов топшириқномасининг иккинчи нусхасининг ғазначилик бўлинмаси бошлиғи ва масъул шахсининг имзолари ва ғазначилик бўлинмасининг муҳр изи билан расмийлаштириш текширувлар тугаганидан сўнг амалга оширилади.

Ғазначилик бўлинмасига ғазначилик бўлинмасидаги мавжуд имзо ва муҳр изи намуналарини бюджетдан маблағ олувчилар томонидан тақдим қилинган, ғазна ҳисобварақларидан маблағларни ҳисобдан чиқариш учун банкка тақдим қилинадиган ҳужжатлардагилар билан солиштириш мажбурияти юклатилади.


147. Тўлов топшириқномалари бўйича ғазна ҳисобварағидан тўловларни амалга ошириш учун ғазначилик бўлинмаси банкка тўлов топшириқномаларининг иккинчи ва учинчи (ғазначилик бўлинмаси ва пудратчига битта банк филиалида хизмат кўрсатилган ҳолда, тўртинчи) нусхаларини тақдим қилади.


148. Хизмат кўрсатувчи банк томонидан тўлов ўтказилгандан сўнг, тўлов топшириқномасининг иккинчи (ғазначилик бўлинмаси ва пудратчига битта банк филиалида хизмат кўрсатилган ҳолда, учинчи) нусхаси банкда қолади, учинчи (ғазначилик бўлинмаси ва пудратчига битта банк филиалида хизмат кўрсатилган ҳолда, тўртинчи) нусхаси банкнинг штампи ва масъул ходимининг имзоси ҳамда ғазна ҳисобварағидан кўчирма билан ғазначилик бўлинмасига берилади.


149. Ғазначилик бўлинмасининг тегишли ходими бюджетдан маблағ олувчиларнинг тегишли шахсий ҳисобварақларида белги қўйгандан сўнг, бюджетдан маблағ олувчининг шахсий ҳисобварағидан кўчирма ва тўлов топшириқномасининг тўртинчи (ғазначилик бўлинмаси ва пудратчига битта банк филиалида хизмат кўрсатилган ҳолда, бешинчи) нусхасини ғазначилик бўлинмаси масъул ходимининг белгиси билан бюджетдан маблағ олувчига (буюртмачига) қайтарилади.


150. Ҳисобварақ-фактуралар ёки буюртмачининг пудратчи олдидаги қарзининг мавжудлигини ва ишлар бажарилганлигини тасдиқловчи бошқа ҳужжатлар ғазначилик бўлинмаларига қўшимча давр тугашига 5 иш куни қолгунига қадар тақдим қилиниши лозим.


151. Бошқарув аппаратини сақлаш учун буюртмачининг банк ҳисобварағига маблағлар ўтказилиши шартномалар тузилмасдан манзилли ва титул рўйхатларда ва ҳар бир объект бўйича шахсий ҳисобварақларда ушбу мақсадлар учун назарда тутилган суммалар доирасида, ўрнатилган тартибда тақдим қилинган тўлов топшириқномалари асосида амалга оширилади. Бунда, буюртмачининг бошқарув аппаратини сақлаш учун ўтказиладиган сумма молия органида ўрнатилган тартибда рўйхатга олинган харажатлар сметасида уни сақлаш учун назарда тутилган суммадан ошмаслиги лозим.



4-§. IV гуруҳ харажатлари бўйича молиявий

мажбуриятларни қабул қилиш ва уларнинг тўлови


152. IV гуруҳ харажатлари бўйича молиявий мажбуриятлар маҳсулот етказиб берувчиларнинг ҳисобварақ-фактуралари ёки товарлар етказиб берилганлигини (ишлар бажарилганлигини, хизматлар кўрсатилганлигини) тасдиқловчи бошқа ҳужжатлар ёки бюджетдан маблағ олувчиларнинг маҳсулот етказиб берувчига бюджет (бюджетдан ташқари) маблағларини (шу жумладан, аванс тўловларини) ўтказиши лозимлигини тасдиқловчи бошқа ҳужжатлар асосида қабул қилинади.


153. Ғазначилик бўлинмаси бюджетдан маблағ олувчиларнинг тўлов топшириқномалари асосида ғазна ҳисобварақларидан IV гуруҳ харажатлари бўйича харажатларни бюджетдан маблағ олувчиларнинг харажатлар сметаларининг тегишли моддаларида назарда тутилган ажратилган бюджет маблағлари лимитлари доирасида амалга оширади.


154. Бюджетдан маблағ олувчиларнинг харажатлари тўлови тўлов топшириқномалари билан қуйидаги талабларга риоя қилинган ҳолда амалга оширилади:

бюджетдан маблағ олувчиларнинг IV гуруҳ харажатларининг тегишли моддалари бўйича бюджет маблағлари қолдиқлари суммалари доирасида;

агар тўлов топшириқномасида кўрсатилган сумма ғазначилик бўлинмасида рўйхатга олинган шартномага мувофиқ тўланиши лозим бўлган пул маблағлари суммасидан ошмаса;

ҳисобварақ-фактура ёки товар (иш, хизмат)лар етказиб берилганлигини тасдиқловчи бошқа ҳужжатлар мавжуд бўлганда ва бюджетдан маблағ олувчининг маҳсулот етказиб берувчи олдидаги қарздорлигини, шунингдек бюджетдан маблағ олувчини маҳсулот етказиб берувчига бюджет (бюджетдан ташқари) маблағларини (шу жумладан, аванс тўловларини) ўтказиши лозимлигини тасдиқловчи ҳужжатлар мавжуд бўлганида;

тўлов топшириқномасида кўрсатилган маҳсулот етказиб берувчининг, шунингдек бюджетдан маблағ олувчиларнинг номи ва реквизитлари шартнома ва ҳисобварақ-фактурада ёки товар (иш, хизмат)лар етказиб беришни тасдиқловчи бошқа ҳужжатларда маҳсулот етказиб берувчининг, шунингдек бюджетдан маблағ олувчиларнинг номи ва реквизитларига мувофиқ бўлганида.


155. Етказиб берилган товар (иш, хизмат)лар учун харажатлар тўлови, шунингдек аванс тўловларини амалга ошириш учун бюджетдан маблағ олувчилар ғазначилик бўлинмасига ўрнатилган тартибда расмийлаштирилган тўлов топшириқномаларини қуйидагича тақдим қиладилар:

а) беш нусхада, агар ғазначилик бўлинмаси ва маҳсулот етказиб берувчига битта банк филиалида хизмат кўрсатилса. Бюджетдан маблағ олувчининг тегишли мансабдор шахслари томонидан имзоланган ва муҳр изи билан тасдиқланган тўлов топшириқномасининг биринчи нусхаси, бюджетдан маблағ олувчининг ғазначилик бўлинмасига бюджетдан маблағ олувчининг шахсий ҳисобварағидан касса харажатларини амалга ошириш учун сўровномаси бўлиб хизмат қилади. Тўлов топшириқномасининг иккинчи нусхаси ғазначилик бўлинмасининг раҳбари ва масъул шахси томонидан имзоланади, ғазначилик бўлинмасининг муҳр изи билан тасдиқланади ва банк учун ғазна ҳисобварағидан харажатлар тўловини амалга ошириш учун асос бўлади. Банк филиалининг тўланганлик тўғрисидаги белгиси билан тўлов топшириқномасининг учинчи нусхаси маҳсулот етказиб берувчига берилади. Банк филиалининг тўланганлик тўғрисидаги белгиси билан тўлов топшириқномасининг тўртинчи нусхаси ғазна ҳисобварағидан кўчирмага илова қилинади ва ғазначилик бўлинмасига бюджетдан маблағ олувчининг шахсий ҳисобварағида касса харажатларини акс эттириш учун асос бўлади. Ғазначилик бўлинмасининг "ТЎЛАНГАН" белгиси билан ва тўланган сана қўйилган тўлов топшириқномасининг бешинчи нусхаси бюджетдан маблағ олувчининг шахсий ҳисобварағидан кўчирма билан биргаликда бюджетдан маблағ олувчининг ваколатли ходимига берилади;

б) тўрт нусхада, агар ғазначилик бўлинмаси ва маҳсулот етказиб берувчига ҳар хил банк филиалларида хизмат кўрсатилса. Бюджетдан маблағ олувчининг тегишли мансабдор шахслари томонидан имзоланган ва муҳр изи билан тасдиқланган тўлов топшириқномасининг биринчи нусхаси, бюджетдан маблағ олувчининг ғазначилик бўлинмасига бюджетдан маблағ олувчининг шахсий ҳисобварағидан касса харажатларини амалга ошириш учун сўровномаси бўлиб хизмат қилади. Тўлов топшириқномасининг иккинчи нусхаси ғазначилик бўлинмасининг раҳбари ва масъул шахси томонидан имзоланади, ғазначилик бўлинмасининг муҳр изи билан тасдиқланади ва банк учун ғазна ҳисобварағидан харажатлар тўловини амалга ошириш учун асос бўлади. Банк филиалининг тўланганлик тўғрисидаги белгиси билан тўлов топшириқномасининг учинчи нусхаси ғазна ҳисобварағидан кўчирмага илова қилинади ва ғазначилик бўлинмасига бюджетдан маблағ олувчининг шахсий ҳисобварағида касса харажатларини акс эттириш учун асос бўлади. Ғазначилик бўлинмасининг "ТЎЛАНГАН" белгиси билан ва тўланган сана қўйилган тўлов топшириқномасининг тўртинчи нусхаси бюджетдан маблағ олувчининг шахсий ҳисобварағидан кўчирма билан биргаликда бюджетдан маблағ олувчининг ваколатли ходимига берилади;

в) уч нусхада агар ғазначилик бўлинмаси ҳамда унга хизмат кўрсатувчи банк орасида "Банк-мижоз" дастурий мажмуи йўлга қўйилган бўлса. Бюджетдан маблағ олувчининг тегишли мансабдор шахслари томонидан имзоланган ва муҳр изи билан тасдиқланган тўлов топшириқномасининг биринчи нусхаси, бюджетдан маблағ олувчининг ғазначилик бўлинмасига бюджетдан маблағ олувчининг шахсий ҳисобварағидан касса харажатларини амалга ошириш учун сўровномаси бўлиб хизмат қилади. Тўлов топшириқномасининг иккинчи нусхаси ғазначилик бўлинмасининг раҳбари ва масъул шахси томонидан имзоланади, ғазначилик бўлинмасининг муҳр изи билан тасдиқланади ва ғазна ҳисобварағидан харажатлар тўловини амалга ошириш учун асос бўлади. Ғазначилик бўлинмасининг "ТЎЛАНГАН" белгиси билан ва тўланган сана қўйилган тўлов топшириқномасининг учинчи нусхаси бюджетдан маблағ олувчининг шахсий ҳисобварағидан кўчирма билан биргаликда бюджетдан маблағ олувчининг ваколатли ходимига берилади.

Бунда, тўлов топшириқномасининг "Тўловчининг номи" устунида ғазначилик бўлинмасининг номи, "Тўловчининг ҳисоб рақами" устунида - ғазна ҳисобварағи, "Тўлов мақсади" устунида - бюджетдан маблағ олувчининг шахсий ҳисобварақ рақами ва бюджетдан маблағ олувчининг номи, бюджет таснифининг тегишли коди, тўловни ўтказишга асос бўладиган ҳужжатлар, шунингдек тўлов мақсади кўрсатилади.


156. Бюджетдан маблағ олувчилар томонидан тақдим қилинган ҳужжатлар мазкур Қоидаларнинг талабларига мувофиқ бўлганда, ғазначилик бўлинмасининг ваколатли ходими "ТЕКШИРИЛДИ" белгисини, тўлов топшириқномасининг биринчи нусхасининг орқа томонига тўлов топшириқномаси қабул қилинган санани ва ўзининг имзосини қўяди. Тўлов топшириқномасининг иккинчи нусхасини ғазначилик бўлинмаси бошлиғи ва масъул шахсининг имзолари ва ғазначилик бўлинмасининг муҳр изи билан расмийлаштириш текширувлар тугаганидан сўнг амалга оширилади.

Ғазначилик бўлинмасига ғазначилик бўлинмасидаги мавжуд имзо ва муҳр изи намуналарини бюджетдан маблағ олувчилар томонидан тақдим қилинган, ғазна ҳисобварақларидан ҳисобдан чиқариш учун банкка тақдим қилинадиган ҳужжатлардагилар билан солиштириш мажбурияти юклатилади.


157. Тўлов топшириқномалари бўйича ғазна ҳисобварағидан тўловлар амалга ошириш учун ғазначилик бўлинмаси банкка тўлов топшириқномаларининг иккинчи ва учинчи (ғазначилик бўлинмаси ва маҳсулот етказиб берувчига битта банк филиалида хизмат кўрсатилган ҳолларда, тўртинчи) нусхаларини (Банк-мижоз дастури ишлатилгандан ташқари ҳолатларда) тақдим қилади.


158. Хизмат кўрсатувчи банк томонидан тўлов ўтказилгандан сўнг, тўлов топшириқномасининг иккинчи (ғазначилик бўлинмаси ва маҳсулот етказиб берувчига битта банк филиалида хизмат кўрсатилган ҳолларда, учинчи) нусхаси банкда қолади, учинчи (ғазначилик бўлинмаси ва маҳсулот етказиб берувчига битта банк филиалида хизмат кўрсатилган ҳолларда, тўртинчи) нусхаси банкнинг штампи ва масъул ходимининг имзоси билан ва ғазна ҳисобварағидан кўчирма ғазначилик бўлинмасига берилади.


159. Ғазначилик бўлинмасининг тегишли ходими бюджетдан маблағ олувчиларнинг тегишли шахсий ҳисобварақларига белги қўйгандан сўнг, бюджетдан маблағ олувчининг шахсий ҳисобварағидан кўчирма ва тўлов топшириқномасининг тўртинчи (ғазначилик бўлинмаси ва маҳсулот етказиб берувчига битта банк филиалида хизмат кўрсатилган ҳолларда, бешинчи) нусхаси ғазначилик бўлинмаси масъул ходимининг белгиси билан бюджетдан маблағ олувчига қайтарилади.



VIII. БЮДЖЕТДАН МАБЛАҒ ОЛУВЧИЛАРНИНГ

БЮДЖЕТДАН ТАШҚАРИ МАБЛАҒЛАРИ ҲИСОБИГА

ХАРАЖАТЛАРНИ АМАЛГА ОШИРИШ


160. Бюджетдан ташқари маблағлар бўйича юридик ва молиявий мажбуриятларнинг қабул қилиниши, шунингдек бюджетдан ташқари маблағларнинг касса харажатлари келиб тушган бюджетдан ташқари маблағлар доирасида амалга оширилади ва бюджет маблағлари каби бир хил тартибда расмийлаштирилади.



IX. ҚЎШИМЧА ДАВРДА ДАВЛАТ

БЮДЖЕТИНИНГ ҒАЗНА ИЖРОСИ


161. Ўтган йил учун Давлат бюджетининг ғазна ижроси амалга ошириладиган молия йилига қўшимча давр кейинги йилнинг январь ойи ҳисобланади.


162. Қўшимча даврда молия органлари, ғазначилик бўлинмалари, шунингдек бюджетдан маблағ олувчилар томонидан ҳисобот йили учун Давлат бюджетининг ижроси бўйича қуйидаги операциялар амалга оширилади, жумладан:

бюджетлараро ҳисоб-китобларни тартибга солиш;

бюджетдан маблағ олувчиларнинг ўтган йил учун кредиторлик қарзларини тўлаш;

иқтисод қилинган маблағлар суммасини бюджет ташкилотларининг ривожлантириш жамғармаларига ўтказиш;

Давлат бюджети ижроси бўйича бошқа операциялар.


163. Бюджетдан маблағ олувчиларнинг коммунал хизматлари бўйича ўтувчи кредиторлик қарзларини тўлаш, шу билан биргаликда улар бўйича шартномаларни рўйхатдан ўтказиш, ўтган молия йили лимитлари доирасида қабул қилинган молиявий мажбуриятлар бўйича (декабрь ойи учун ўтувчи қарзлардан ташқари) тўловлар қўшимча даврда ўтган молия йилининг харажатлар сметасида ажратилган бюджет маблағлари қолдиқлари доирасида, харажатлар сметасининг кредиторлик қарзи мавжуд бўлган моддасида ўрнатилган тартибда амалга оширилади.


164. Бюджет ташкилотлари томонидан мазкур модда бўйича кредиторлик қарзи қўшимча даврда ўтган йилнинг харажатлар сметасида ажратилган бюджет маблағлари қолдиқлари ҳисобидан тўлаб берилмаганда ва маблағлар Бюджет ташкилотининг ривожлантириш жамғармасига ўтказилган тақдирда, кредиторлик қарзни тўлаш, қўшимча давр тугаганидан кейин, Бюджет ташкилотининг ривожлантириш жамғармаси ва (ёки) бошқа мавжуд бюджетдан ташқари маблағлар ҳисобига амалга оширилади.


165. Бюджет ташкилотининг ривожлантириш жамғармаси маблағлари ёки бошқа бюджетдан ташқари маблағлар етарли бўлмаганда ёки умуман мавжуд бўлмаган ҳолларда, ўтган йилнинг кредиторлик қарзлари молия органининг бюджет ташкилотини ривожлантириш жамғармаси маблағлари ва бошқа бюджетдан ташқари маблағлари йўқлигини тасдиқловчи хулосаси, шунингдек кредиторлик қарзини (бюджет ташкилотлари томонидан ўрнатилган тартибда тақдим қилинган тасдиқланган сметалар ва кредиторлик қарзларининг келиб чиқиши бўйича тегишли ҳисоб-китоблар ва тушунтиришлар асосида) тўлаш учун зарур бўлган маблағлар жорий молия йилининг харажатлар сметасида назарда тутилганлиги тўғрисида молия органи томонидан ғазначилик бўлинмаси хабардор қилинган тақдирда, жорий молия йили харажатлар сметаларида (вақтинчалик харажатлар сметаларини ҳисобга олган ҳолда) назарда тутилган маблағлар ҳисобидан тўлаб берилиши мумкин.


166. Ўтган йилнинг кредиторлик қарзларини тўлаб бериш учун бюджет ташкилотлари томонидан уларга хизмат кўрсатувчи ғазначилик бўлинмаларига қуйидаги ҳужжатлар тақдим этилади:

кредиторлик қарзи юзага келган коммунал хизматлари кўрсатиш бўйича ўтган молия йилининг шартномалари нусхаси;

ўтган йил якуни бўйича бюджетдан маблағ олувчи ва маҳсулот етказиб берувчи ўртасида тузилган солиштирма далолатнома (қўшимча даврда амалга оширилган ҳисоб-китоблар ва бюджетдан ташқари маблағлар ҳисобидан тўланган кредиторлик қарзларини ҳисобга олган ҳолда).

Ўтган йилнинг декабрь ойи учун кредиторлик қарзи жорий молия йили харажатлар сметасида (вақтинчалик харажатлар сметаларини ҳисобга олган ҳолда) назарда тутилган ажратилган бюджет маблағлари ҳисобидан тўлаб берилади.


167. Бюджетдан маблағ олувчиларнинг коммунал хизматлар бўйича ўтувчи кредиторлик қарзини тўлаш, шу билан биргаликда улар бўйича шартномаларни рўйхатдан ўтказиш, ўтган молия йили лимитларидан ошиқча қабул қилинган молиявий мажбуриятлар бўйича тўлов ўрнатилган тартибда амалга оширилади.


168. Бюджетдан маблағ олувчилар томонидан режали ажратилган бюджет маблағларининг тегишли моддаларидан ортиқча миқдорда молиявий мажбуриятлар қабул қилиниши натижасида ўтган йилнинг харажатлар сметаси маблағлари ҳисобидан кредиторлик қарзларни тўлаб бериш имконияти бўлмаган ҳолларда, кредиторлик қарзларни қоплаш қўшимча давр тугаганидан сўнг, қуйидаги тартибда амалга оширилади:

биринчи навбатда, Бюджет ташкилотининг ривожлантириш жамғармаси маблағлари ва (ёки) бошқа мавжуд бюджетдан ташқари маблағлар ҳисобидан ўрнатилган тартибда;

Бюджет ташкилотининг ривожлантириш жамғармаси маблағлари ёки бошқа мавжуд бюджетдан ташқари маблағлари етарли бўлмаганда ёки умуман мавжуд бўлмаган тақдирда, жорий молия йили харажатлар сметаси ҳисобидан (вақтинчалик харажатлар сметаларини ҳисобга олган ҳолда), молия органининг бюджет ташкилотининг ривожлантириш жамғармаси маблағлари ва бошқа бюджетдан ташқари маблағлари йўқлигини тасдиқловчи хулосаси, шунингдек кредиторлик қарзини (бюджет ташкилотлари томонидан ўрнатилган тартибда тақдим қилинган тасдиқланган сметалар ва кредиторлик қарзлари келиб чиқиши бўйича тегишли ҳисоб-китоблар ва тушунтиришлар асосида) тўлаш учун зарур бўлган маблағлар жорий йилнинг харажатлар сметасида назарда тутилганлиги тўғрисида молия органи томонидан ғазначилик бўлинмаси хабардор қилинган тақдирда тўлаб берилиши мумкин.


169. Ўтган йилнинг кредиторлик қарзларини тўлаб бериш учун бюджет ташкилотлари томонидан уларга хизмат кўрсатувчи ғазначилик бўлинмаларига қуйидаги ҳужжатлар тақдим қилинади:

ўтган йилда қабул қилинган ва жорий йилда қабул қилинадиган етказиб бериш бўйича мажбуриятларни алоҳида кўрсатган ҳолда коммунал хизматлар кўрсатиш бўйича шартномалар;

ўтган йил якуни бўйича бюджетдан маблағ олувчи ва маҳсулот етказиб берувчи ўртасида тузилган солиштирма далолатнома (қўшимча даврда амалга оширилган ҳисоб-китоблар ва бюджетдан ташқари маблағлар ҳисобидан тўланган кредиторлик қарзларини ҳисобга олган ҳолда).


170. Тўлаб берилмаган кредиторлик қарзи мавжуд бўлганда, жорий молия йилида ажратилган бюджет маблағларининг бир қисми кредиторлик қарзини тўлаб бериш учун захира қилиб қўйилиши лозим. Бунда, бюджетдан маблағ олувчи томонидан жорий молия йили харажатлар сметасидаги тегишли моддалар бўйича юридик мажбуриятларни қабул қилиш, ўтган йилнинг кредиторлик қарзини тўлашга йўналтириладиган маблағлар миқдорига камайтирилган бюджет ажратмалари доирасида, захира қилинган маблағларни ўтган йилнинг кредиторлик қарзини қоплашга мажбурий йўналтириш орқали амалга оширилади.


171. Ғазначилик бўлинмалари ўтган йилнинг харажатлар сметасида назарда тутилган режали ажратилган бюджет маблағлари суммаларидан қабул қилинган молиявий мажбуриятлар суммалари ошиб кетган ҳолларда, бу ҳақда Молия вазирлиги Назорат-тафтиш бош бошқармасининг тегишли бўлинмаларига чоралар кўриш учун маълумот беради.


172. Харажатлар сметасида (вақтинчалик харажатлар сметасида) режалаштирилган маблағлар етарли ёки мавжуд бўлмаганда ёки режалаштирилган маблағлар ўтган йилги мажбуриятлар билан банд қилинган тақдирда, молия органи ўз ваколати доирасида, йил давомида кредиторлик қарзини тўлаб бериш учун қўшимча маблағ излаш бўйича чораларни кўради.


173. Бюджетдан маблағ олувчиларнинг товар (иш, хизмат)лар етказиб бериш учун бошқа шартномалари бўйича ўтган молия йилининг кредиторлик қарзларининг қопланиши қатъий равишда харажатлар сметасида назарда тутилган бюджетдан ажратилган маблағлар доирасида амалга оширилади.


174. Кейинги молия йилига ўтадиган кредиторлик қарзлари мавжуд бўлган бюджетдан маблағ олувчилар уларга хизмат кўрсатувчи ғазначилик бўлинмаларига қўшимча даврда операциялар амалга оширилгунгача (яъни, 1 январь ҳолатига) ва қўшимча даврда операциялар амалга оширилгандан кейинги ҳолатга (яъни, 1 февраль ҳолатига) маҳсулот етказиб берувчилар билан тузилган солиштирма далолатномаларни тақдим этадилар.


175. Бюджетдан маблағ олувчилар томонидан ўтган йил ҳисобидан молия йилига қўшимча даврда амалга ошириладиган харажатлар бўйича тўлов топшириқномаларини тўлдиришда, уларнинг тўлов мақсадида, мажбурий тартибда, "20___ йил учун кредиторлик қарзини қоплаш" ёзуви ёзилади.


176. Ғазначилик ижросига ўтган бюджетдан маблағ олувчилар ўтган йил учун тўлов топшириқномаларини ғазначилик бўлинмаларига молия йилига қўшимча давр тугагунига қадар 5 иш куни қолгандан кечикмасдан тақдим этишлари шарт.


177. Молия йили якунида бюджет маблағларининг эркин қолдиқлари ғазна ҳисобварақларида мавжуд бўлган қуйидаги бюджетдан ташқари маблағлардан ташқари, яъни бюджетдан ташқари Пенсия жамғармаси маблағлари, ота-оналарнинг мактабгача ва мактабдан ташқари таълим муассасаларида болаларни сақлаш учун тўловлари, шунингдек болаларни мусиқа ва санъат мактабларида ўқитиш учун тўловлар, ишчилардан ўзларининг иш жойларида овқатланиш учун ҳисоб-китоблардан тушумлар (болаларнинг мактабгача таълим муассасалари, интернатлари ва бошқаларда), шунингдек молия йилига қўшимча даврда кредиторлик қарзларини қоплаш учун йўналтирилган операцияларни амалга оширишдан ташқари, белгиланган тартибда аниқланади.


178. Ўзбекистон Республикаси Молия вазирлиги ўрнатилган тартибда қўшимча давр мобайнида ўтган молия йилини якунлаш бўйича операцияларни амалга ошириш муддатларини белгилайди.

Бунда, қўшимча даврда кредиторлик қарзини тўлаш ва Бюджет ташкилотининг ривожлантириш жамғармасига иқтисод қилинган маблағларни ўтказиш ғазна ижроси билан қамраб олинган бюджетдан маблағ олувчилар томонидан ғазна ҳисобварақлари орқали амалга оширилади.


179. Қуйидагилар натижасида бўшаган маблағлар иқтисод қилинган маблағлар ҳисобланмайди ва Бюджет ташкилотларининг ривожлантириш жамғармасига ўтказилмайди:

ҳисобот чораги охирги ойининг иккинчи ярми учун иш ҳақини тўлашга молиялаштирилган маблағлар, депонентлаштирилган иш ҳақи ва стипендиялар, тўлиқ молиялаштирилмаганлик (тўловлар тўлиқ амалга оширилмаганлиги) ёки депозит ҳисобварағида маблағларнинг етишмаслиги натижасида олиб бўлинмаган нафақалар;

Ўзбекистон Республикаси Вазирлар Маҳкамасининг "Бюджет ташкилотларини маблағ билан таъминлаш тартибини такомиллаштириш тўғрисида" 1999 йил 3 сентябрдаги 414-сонли қарори билан тасдиқланган "Бюджет ташкилотларининг харажатларини молиялаштириш (тўлаш) тартиби"нинг 4-банди билан ўрнатилган, ҳисобланган, лекин иккинчи гуруҳ "Иш берувчининг ажратмалари" харажатлари бўйича ўтказилмаган харажатлар натижасида бўшаб қолган маблағлар;

бюджет ташкилотларининг сет, штат ва контингент бўйича режанинг бажарилмаслиги ёки ўрнатилган муддатлардан кеч бажарилиши, янги муассасаларнинг очилиши ёки фаолиятнинг кенгайиши сабабли бўшаб қолган маблағлар;

бюджетдан маблағ олувчининг фаолияти (вақтинчалик) тўхтатилиши натижасида бўшаб қолган маблағлар;

бюджетдан маблағ олувчиларнинг меъёрдан ортиқча штат сонининг тасдиқланиши натижасида бўшаб қолган маблағлар;

Ўзбекистон Республикаси Президенти, Вазирлар Маҳкамаси, Қорақалпоғистон Республикаси Вазирлар Кенгаши, шунингдек вилоятлар ва Тошкент шаҳар ҳокимиятларининг алоҳида қарорлари қабул қилиниши натижасида бўшаб қолган маблағлар.


180. Бунда, қўшимча даврда иқтисод қилинган маблағларни ўтказиш бюджетдан маблағ олувчилар томонидан қуйидагича амалга оширилади:

Қорақалпоғистон Республикаси бюджети ва маҳаллий бюджетлар қарамоғидаги бюджетдан маблағ олувчилар бўйича - мазкур Қоидаларнинг 179-бандини ҳисобга олган ҳолда тайёрланган тегишли ҳудудий молия органининг хулосаси асосида;

республика бюджети қарамоғидаги бюджетдан маблағ олувчилар бўйича - бюджетдан маблағ олувчилар томонидан мустақил равишда мазкур Қоидаларнинг 179-банди талабларига қатъий риоя қилинган ҳолда.


181. Ўзбекистон Республикаси Вазирлар Маҳкамасининг 1999 йил 3 сентябрдаги "Бюджет ташкилотларини маблағ билан таъминлаш тартибини такомиллаштириш тўғрисида"ги 414-сонли қарорига мувофиқ бюджет ташкилотлари раҳбарлари бюджет ташкилотларининг ривожлантириш жамғармасига ўтказилиши лозим бўлган иқтисод қилинган бюджет маблағларининг нотўғри аниқланганлиги учун шахсий жавобгардирлар.


182. Молия йилининг тугашига беш кун қолганда кечикмаган муддатда бюджет ташкилотлари, тегишли молия органлари ва ғазначилик бўлинмалари бюджет маблағларининг ҳар бир харажатлар сметаси бўйича аниқланган режали бюджет маблағларини ўзаро солиштиришни амалга оширади.


183. Аниқланган режали бюджет маблағларини ўзаро солиштиришни амалга ошириш учун бюджет ташкилотлари аниқланган мазкур Қоидаларнинг 11-иловасидаги шаклга мувофиқ режали бюджетдан ажратилган маблағларнинг солиштирма далолатномасини (кейинги ўринларда - солиштирма далолатнома) уч нусхада тайёрлайди.

Солиштирма далолатнома бюджет ташкилотининг раҳбари ва бош ҳисобчиси (режа хизмати бошлиғи) томонидан имзоланади ва тегишли молия органига тақдим қилинади.

Режали ажратилган маблағлар суммасида фарқлар аниқланмаганда, солиштирма далолатномаларнинг нусхалари молия органлари томонидан тасдиқланади.


184. Молия органлари томонидан тасдиқланган солиштирма далолатномаларнинг нусхалари ғазначилик бўлинмаларига тақдим қилинади.

Режали ажратилган бюджет маблағлари суммасида фарқлар мавжуд бўлмаганда, ғазначилик бўлинмалари солиштирма далолатнома нусхасини тасдиқлайди ва уларни бюджет ташкилотларига қайтаради, бунда иккинчи нусхаси ғазначилик бўлинмаларида қолади.


185. Қўшимча даврда барча операциялар солиштирилган аниқланган бюджетдан ажратилган маблағлар асосида амалга оширилади.


186. Қўшимча даврда кредиторлик қарзлари ўтган йилги харажатлар сметасининг қайси харажат моддалари бўйича кредиторлик қарзлари мавжуд бўлса, ушбу харажат моддалари бўйича ўрнатилган тартибда қопланади.


187. Ўтган йилнинг харажатлар сметаси ҳисобидан кредиторлик қарзларини қоплашнинг имкони бўлмаган ҳолларда, кредиторлик қарзларининг қопланиши қўшимча давр тугагандан сўнг, қуйидаги тартибда амалга оширилади:

биринчи навбатда ўрнатилган тартибда Бюджет ташкилотларининг ривожлантириш жамғармаси маблағлари ҳисобидан;

Бюджет ташкилотининг ривожлантириш жамғармасида маблағлар мавжуд бўлмаганда ёки етарли бўлмаган ҳолларда, кейинги молия йилининг харажатлар сметасида назарда тутилган маблағлар ҳисобидан.

Бунда, кейинги молия йили харажатлар сметасининг тегишли моддаси бўйича қабул қилинадиган юридик мажбуриятлар суммаси ўтган йилги кредиторлик қарзлари суммасини қоплашга йўналтирилган суммага мажбурий йўналтириш билан ўтган йилда қопланмаган кредиторлик қарзлари суммасига камайтирилади.


188. Ҳудудий ғазначилик бўлинмалари режали ажратилган бюджет маблағларидан молиявий мажбуриятлар ортиқча қабул қилинган ҳолатлар тўғрисидаги маълумотни Ўзбекистон Республикаси Молия вазирлиги Назорат-тафтиш бош бошқармасининг тегишли ҳудудий бошқармаларига тегишли чоралар кўриш учун тақдим этадилар.


189. Кейинги молия йилида, қўшимча давр мобайнида ғазна ҳисобварағига қайтарилган ўтган йилнинг бюджет маблағлари бўйича бюджет ташкилотининг дебиторлик қарзи тикланган касса харажатлари бўлиб ҳисобга олинади ва бюджет ташкилоти томонидан маҳсулот етказиб берувчи (пудратчи) билан тузилган солиштирма далолатномалар ғазначилик бўлинмаларига тақдим қилинганидан сўнг, Бюджет ташкилотининг ривожлантириш жамғармасига ўрнатилган тартибда йўналтирилади.


190. Қўшимча давр мобайнида бюджет ташкилотлари томонидан кредиторлик қарзларининг қопланиши ёки иқтисод қилинган маблағларнинг Бюджет ташкилотининг ривожлантириш жамғармаси ҳисобварағига ўтказилиши бўйича тўлов топшириқномаларини расмийлаштиришда, тўлов топшириқномаларининг тўлов мақсадида "ўтган йилнинг кредиторлик қарзларини қоплаш" ёки "ўтган йилда иқтисод қилинган маблағларни Бюджет ташкилотининг ривожлантириш жамғармасига ўтказиш" ёзуви ёзилади.


191. Қўшимча даврда ўтган йилнинг кредиторлик қарзларининг қопланиши, шунингдек иқтисод қилинган маблағларнинг Бюджет ташкилотининг ривожлантириш жамғармасига ўтказилиши бўйича тўлов топшириқномалари ҳудудий ғазначилик бўлинмаларига қўшимча давр тугашига 5 иш куни қолгунига қадар тақдим қилинади.

Бунда, иқтисод қилинган маблағларни ўтказиш учун тўлов топшириқномаларига қуйидагилар илова қилинади:

Қорақалпоғистон Республикаси бюджети ва маҳаллий бюджетлар қарамоғидаги бюджетдан маблағ олувчилар бўйича - тегишли ҳудудий молия органининг хулосаси;

республика бюджети қарамоғидаги бюджетдан маблағ олувчилар бўйича - бюджетдан маблағ олувчининг раҳбари ва бош ҳисобчиси томонидан имзоланган ва иқтисод қилинган маблағлар суммаси кўрсатилган хат.

Қўшимча давр тугагунга қадар бюджетдан маблағ олувчилар томонидан кредиторлик қарзларининг қопланиши ва уларнинг депозит ҳисобварақларида (шахсий ҳисобварақларида) бюджет маблағлари бўйича қолган, иқтисод қилинган маблағларни ўтказиш учун тўлов топшириқномалари тақдим қилинмаган тақдирда ушбу маблағлар ўз мақсадини йўқотади ва янги молия йилида фойдаланишга йўл қўйилмайди.


192. Республика бюджети қарамоғидаги бюджетдан маблағ олувчилар бўйича ушбу Қоидаларнинг 179-бандига мувофиқ, фойдаланилмаган маблағлар қўшимча давр тугагунига қадар республика бюджетининг асосий ҳисобварағига қайтарилади.

Бунда, тўлов топшириқномасининг тўлов мақсадида "республика бюджетига ўтказилиши лозим бўлган ўтган йилда фойдаланилмаган маблағлар" ёзуви ёзилади.

Бюджет ташкилотининг иқтисод қилинган маблағлари ҳисобига шаклланган Бюджет ташкилотининг ривожлантириш жамғармаси маблағларининг сарфланишига 1 февралдан, фақат кредиторлик қарзлари мавжуд бўлмаган ҳоллардагина рухсат этилади.

Кредиторлик қарзининг мавжуд ёки мавжуд эмаслигини аниқлаш учун бюджетдан маблағ олувчилар томонидан тегишли ғазначилик бўлинмаларига маҳсулот етказиб берувчилар билан тегишли молия йилининг қўшимча давр боши ҳамда охирига тузилган солиштирма далолатномалар тақдим қилиниши лозим.


193. Қўшимча даврда, шунингдек ўтган йил давомида ишлатилмай қолган:

Ўзбекистон Республикаси Вазирлар Маҳкамасининг Захира жамғармасидан ажратилган маблағлар;

ўтган йил учун Давлат ташқи қарзларининг қопланишига ажратилган ва ўтказилган маблағлар республика бюджети ҳисобварағига (РҒҲ) қайтарилади.


194. Ўтган йил учун Ўзбекистон Республикаси Вазирлар Маҳкамасининг Захира жамғармасидан ажратилган, шунингдек Давлат ташқи қарзларининг қопланишига ажратилган ва ўтказилган маблағларнинг ишлатилмаган қисмининг қайтарилиши кейинги йилнинг 10 январидан кечикмасдан амалга оширилади.


195. Қайтариш учун тўлов топшириқномаларининг тўлов мақсадида:

Ўзбекистон Республикаси Вазирлар Маҳкамасининг Захира жамғармасидан ажратилган маблағлар бўйича "ўтган йил учун Ўзбекистон Республикаси Вазирлар Маҳкамасининг Захира жамғармасидан ажратилган маблағларнинг ишлатилмаган қисмининг қайтарилиши";

ўтган йил учун Давлат ташқи қарзларининг қопланишига йўналтирилган тўловлар бўйича "Ўтган йил учун Давлат ташқи қарзларини қоплаш ҳисобига маблағларнинг ўтказилиши" ёзуви ёзилади.


196. Қўшимча даврда бухгалтерия ҳисоби ва ҳисоботини юритиш ўрнатилган тартибда амалга оширилади.

Бунда, молия йилига қўшимча даврда кредиторлик қарзини тўлаш, шунингдек Бюджет ташкилотларининг ривожлантириш жамғармасига иқтисод қилинган маблағларни ўтказиш бўйича операциялар ўтган йилнинг касса харажатлари сифатида ҳисобга олинади.


197. Ғазначилик бўлинмалари қўшимча даврда амалга ошириладиган қуйидаги операцияларнинг ҳисобини юритади:

кредиторлик қарзларини тўлаш;

Бюджет ташкилотларининг ривожлантириш жамғармасига иқтисод қилинган маблағларни ўтказиш;

республика бюджетига ишлатилмаган маблағларни қайтариш.


198. Қўшимча давр якунлангандан сўнг ғазначилик бўлинмалари ўрнатилган муддатларда ва тартибда тегишли Молия вазирлигига ёки ҳудудий молия органларига мазкур Қоидаларнинг 12-иловасидаги шаклга мувофиқ, қўшимча даврда амалга оширилган операциялар суммалари тўғрисидаги маълумотни тақдим қиладилар.

Ғазначилик бўлинмалари томонидан тақдим қилинган йиғма маълумотлар Қорақалпоғистон Республикаси бюджети ва маҳаллий бюджетларнинг ижроси тўғрисидаги маълумотлар билан биргаликда Қорақалпоғистон Республикаси Молия вазирлиги, вилоятлар ва Тошкент шаҳар молия бошқармалари томонидан Ўзбекистон Республикаси Молия вазирлигига ўрнатилган муддатларда тақдим қилинади.


199. Бюджет маблағларининг эркин қолдиқлари:

ҳудудий ғазна ҳисобварақларидаги молия йили якунига мавжуд қолдиқ маблағлари, бюджетдан ташқари Пенсия жамғармаси маблағлари, мактабгача ва мактабдан ташқари таълим муассасаларида болаларни сақлаш учун ота-оналарнинг тўловлари ҳамда мусиқа ва санъат мактабларида болаларни ўқитиш учун тўловлар, молия йилига қўшимча даврда амалга оширилган операцияларни ҳисобга олгандан ташқари ҳудудий ғазна ҳисобварақларидаги мавжуд маблағлар доирасида, ўрнатилган тартибда;

Ўзбекистон Республикаси республика бюджети, Қорақалпоғистон Республикаси бюджети ва маҳаллий бюджетлар бўйича (ҲҒҲ ишлатмаган ҳолда ғазна ижросига ўтган) молия йили якунига, қўшимча даврда амалга оширилган операцияларни ҳисобга олган ҳолда, ўрнатилган тартибда аниқланади.



X. ЯКУНИЙ ҚОИДАЛАР


200. Бюджетдан маблағ олувчилар томонидан бюджет маблағларининг мақсадли ишлатилиши устидан назорат қонунчиликка мувофиқ Ўзбекистон Республикаси Молия вазирлиги Назорат-тафтиш бош бошқармаси ва унинг ҳудудий бўлинмалари томонидан амалга оширилади.


201. Бюджетдан маблағ олувчиларнинг раҳбарлари ва бош ҳисобчилари қонунчиликка мувофиқ:

бюджет маблағларидан оқилона фойдаланишга;

маҳсулот етказиб берувчилар билан тузилган шартномаларнинг тўғри расмийлаштирилиши ва асослилиги ва уларнинг қонунчиликка мувофиқлигига;

IV гуруҳ маблағлари ҳисобидан олинадиган нақд пул маблағларининг асослилиги ҳамда мақсадли ишлатилишининг таъминланишига;

ғазначилик бўлинмаларига тақдим қилинадиган товар (иш, хизмат)лар етказиб берилганлигини тасдиқловчи бирламчи ҳужжатлар ва бошқа ҳужжатларнинг, ғазна ҳисобварағидан амалга ошириш учун тўлов топшириқномалари ва нақд пул учун сўровномаларнинг ҳаққонийлигига;

чек дафтарчаларининг сақланишига;

маҳсулот етказиб берувчилар олдидаги қарздорликнинг тўғри аниқланишига жавобгардирлар.


202. Ғазначилик бўлинмалари қонунчиликка мувофиқ бюджетдан маблағ олувчиларнинг рўйхатга олинган шартномаларини харажатлар сметаларида, шунингдек капитал қурилиш харажатлари бўйича эса - қурилиш объектларининг ойлик ёйилмалари бўйича (Давлат бюджети ҳисобидан капитал қурилиш объектлари бўйича харажатлар сметаларида) назарда тутилган режали ажратилган бюджет маблағларига мувофиқлигига ва мазкур Қоидаларнинг талабларига мувофиқлигига ва бюджетдан маблағ олувчиларнинг харажатлари тўлови устидан назоратнинг тўғри амалга оширилишига жавобгардирлар.


203. Ғазначилик бўлинмалари ходимлари қонунчиликка мувофиқ, электрон тўлов топшириқномаларининг "Ғазначилик" дастурий мажмуида тўғри шакллантирилиши ва улар тўловининг "Банк-мижоз" дастурий мажмуи орқали амалга оширилишига, нақд пул маблағлари олиш учун чекларнинг мазкур Қоидалар ва Ўзбекистон Республикаси Марказий банки меъёрий ҳужжатлари талабларига мувофиқ тўғри расмийлаштирилишига шахсан жавобгардирлар.


204. Мазкур Қоидалар Ўзбекистон Республикаси Марказий банки билан келишилган.



*) Ойлар кесимидаги даромадлар ва харажатлар ёйилмасини тақдим этиш меъёри, тегишли бюджетнинг даромадлари ва харажатлари ғазначилик ижроси билан тўлиқ қамраб олинганидан сўнг кучга киритилади.

Қоидаларга

1-ИЛОВА

"Келишилган"

_________________________________

Молия органи номи

___________   _____________________________

        (имзо)                       (Молия органи раҳбари)

                                (Молия вазирлиги ДБББ бошлиғи)


"Келишилган"

_________________________________

Молия органи номи

___________    ______________________________________

       (имзо)       (Капитал қўйилмаларни молиялаштириш

                                                 бўлими бошлиғи)

                                      (Молия вазирлиги Инвестиция

                                              бошқармаси бошлиғи)

М.Ў.


М.Ў.


20__ йилга капитал қурилиш объектлари бўйича харажатларнинг ойлик ёйилмаси

(Давлат бюджети маблағлари ҳисобидан капитал қурилиш объектлари бўйича харажатлар сметаси)

Ташкилот _________________________________________ Бюджет ____________________________________

Бўлим ___________ Боб ________________ Параграф _______________ жумладан


N

Объектлар номи


Харажатлар

моддаси


Манзилли

дастурда кўзда

тутилган йиллик

лимит


1 чоракка режа


жами


шу жумладан, ойлар бўйича


январь


февраль

март

а

б

в

жами

2

4

6

7

Ишлаб чиқариш соҳасида асосий капитал активларга қурилиш, реконструкция ва харид қилиш харажатлари (ноишлаб чиқариш соҳасида асосий капитал активларга қурилиш, реконструкция ва харид қилиш харажатлари)


04 2 00

(04 3 00)

жумладан объектлар бўйича:




Буюртмачи харажатлари  жами


04 2 10

(04 3 10)














Жами объектлар бўйича :








Капитал қурилиш буюртмачиси раҳбари

______________

(имзо)

Буюртмачининг муҳри

"___" _________ 20___ й.



Капитал қурилиш буюртмачиси бош ҳисобчиси

______________

(имзо)






Жадвалнинг давоми

2-чоракка режа


3-чоракка режа


4-чоракка режа


жами


шу жумладан, ойлар бўйича


жами


шу жумладан, ойлар бўйича


жами


шу жумладан, ойлар бўйича


апрель


май

июнь

июль


август

сентябрь

октябрь


ноябрь

декабрь

8

9

10

11

12

13

14

15

16

17

18

19























Қоидаларга

2-ИЛОВА

Томонларнинг юридик манзили ва реквизитлари:



"Ижрочи"


                    "Буюртмачи"

__________________________________




(мол етказиб берувчининг номи)


         (бюджетдан маблағ олувчининг номи)




Манзил: __________________________


Манзил: ___________________________

__________________________________


__________________________________

Тел./факс _________________________


Тел./факс __________________________

ҳ/в _______________________________


ш/ҳ*__________________________

Банк номи ______________________


бюджетдан маблағ олувчи СТИРи _____

МФО _______ СТИР _______________


ОКОНХ _________________

ОКОНХ ___________


Ғазначилик бўлинмаси номи _________

_________________________________



Ғазна ҳ/в __________________________



Банкнинг номи ____________________

__________________________________



МФО __________________ ғазначилик

бўлинмаси СТИРи _________________

Раҳбар ________________________

                              (Ф.И.Ш)



Раҳбар _________________________

                          (лавозим) (Ф.И.Ш)


________________

(имзо)


                     ________________

                                (имзо)




М.Ў.


                                 М.Ў.




Изоҳ:

*) Бюджетдан маблағ олувчининг ғазначилик бўлинмасида очилган тегишли шахсий ҳисобварағи (шахсий ҳисобварақлари) кўрсатилади.

Қоидаларга

2а-ИЛОВА

                                   Томонларнинг юридик манзиллари ва реквизитлари:


  

"Ижрочи"


                    "Буюртмачи"

____________________________




(мол етказиб берувчининг номи)


(бюджетдан маблағ олувчининг номи)




Манзил: __________________________


Манзил: ___________________________

__________________________________


__________________________________

Тел./факс _________________________


Тел./факс __________________________

ҳ/в _______________________________


ш/ҳ* ______________________________

Банк номи ______________________


Банк номи _________________________

МФО _______ СТИР _______________


ҳ** _____________________________

ОКОНХ ___________


МФО _______ СТИР _______________



ОКОНХ ___________



Ғазначилик бўлинмаси номи _________

__________________________________



Ғазна ҳ/в __________________________



Банкнинг номи ____________________

__________________________________



МФО __________________ ғазначилик

бўлинмаси СТИРи _________________

Раҳбар ________________________

                                    (Ф.И.Ш)



Раҳбар _________________________

                              (лавозим) (Ф.И.Ш)


________________

(имзо)


                         ________________

                                   (имзо)




М.Ў.


                                    М.Ў.




Изоҳ:

*) Бюджетдан маблағ олувчининг ғазначилик бўлинмасида очилган тегишли шахсий ҳисобварағи (шахсий ҳисобварақлари) кўрсатилади;

**) Бюджетдан маблағ олувчининг бюджетдан ташқари маблағлари бўйича талаб қилиб олингунча ҳисобварағи кўрсатилади.

Қоидаларга

3-ИЛОВА


20___ й. "___" __________ даги __________ ва ___________ ўртасида ________

умумий суммага тузилган _______- сонли шартномага

ТЎЛОВЛАР ЖАДВАЛИ



                                                 (сўмда)

20___ й. ойлар номи


Харажатлар тури


Жами


*


*


*


Январь






Февраль






Март






Апрель






Май






Июнь






Июль






Август






Сентябрь






Октябрь






Ноябрь






Декабрь






Жами йил бўйича






Жами ___________ сўм (________________________________________)

                                                                                    (сумма сўз билан)

Юқоридаги кўрсатилган суммадан __________ сўм ёки шартноманинг умумий суммасидан __________% 20____ ______________ ойида тўланиши лозим.


** Юқоридаги кўрсатилган суммадан ойига ______% жорий ойнинг _____ санасигача ойлик равишда олдиндан тўланиши лозим.

М.Ў.

Раҳбар

_________


(имзо)

Бош ҳисобчи

_________


(имзо)



Ғазначилик бўлинмаси

ходими қабул қилди  _________

20___ й. "____"___________        (имзо)

Бюджетдан маблағ олувчи

ходими қабул қилди  __________

20___ й. "____"___________  (имзо)


*) Бўлим, боб, параграф ва харажатлар моддаси кўрсатилади;

**) Ушбу сатр бюджетдан маблағ олувчилар томонидан қонун ҳужжатларида белгиланган тартибда электр энергияси етказиб бериш, коммунал хизматлар кўрсатиш, алоқа хизмати ва бошқа шунга ўхшаш ҳар ой кўрсатиладиган хизматлар кўрсатиш учун шартномалар бўйича олдиндан тўлов амалга оширилган ҳолларда тўлдирилади.






Қоидаларга

4-ИЛОВА


Бюджетдан маблағ олувчиларнинг маҳсулот етказиб берувчилар

билан тузган шартномаларини рўйхатга олиш

КИТОБИ

Т/р

Шартнома тузилган

санаси, рақами ва

шартнома суммаси


Номи ва реквизитлари


Шартноманинг

Ғазначилик

томонидан қабул

қилинган санаси


Ғазначилик-

нинг рўйхат

рақами


Шартноманинг

Ғазначиликда

рўйхатга олинган

санаси


бюджетдан

маблағ

олувчининг


товар

(иш, хизмат)лар етказиб

берувчининг


1.







2.







3.






























Қоидаларга

5-ИЛОВА


Қайтарилган шартномаларни рўйхатга олиш

КИТОБИ

Т/р


Шартнома

рақами


Шартнома

санаси


Номи ва реквизитлари


Шартнома

қабул қилинган

сана


Қайтарилиш

сабаблари


Қайтарил-

ган сана


Бюджетдан

маблағ

олувчининг


Товар

(иш, хизмат)

етказиб

берувчининг


1.


2.


3.


Қоидаларга

6-ИЛОВА


Юридик мажбуриятларни рўйхатга олиш учун

СЎРОВНОМА ______-сон


20___ й. "___" ___________20___ й. ________________ га


Бюджетдан маблағ олувчининг номи ______________________

Бўлим __________________________________________________

Боб ____________________________________________________

Параграф ______________________________________________

Шахсий ҳисобварақ _____________________________________

Шартнома

рақами*


Тузилган

сана*


Мол етказиб

берувчининг

(тўловни

олувчининг)

номи


Мол етказиб берувчининг

(тўловни олувчининг)

банк реквизитлари


Суммаси

(сўмда)






Тақдим қилинган сана 20___й. "___" ________________



М.Ў.

Раҳбар

__________

_______________________

(имзо)

Ф.И.Ш



Бош ҳисобчи

__________

_______________________

(имзо)

Ф.И.Ш

*) Ушбу сатрлар шартномалар тузилишини талаб қилмайдиган юридик мажбуриятлар қабул қилинганда (давлат божлари, аъзолик бадаллари ва бошқа шунга ўхшаш харажатлар тўланганда) тўлдирилмайди.

Қоидаларга

7-ИЛОВА








Сўровнома N _____



__________________________

(туман, шаҳар, вилоят)

Ғазначилик бўлинмаси



















































_______________   _________________________________________________ бўйича _______________ ой

                   туман (шаҳар, вилоят)                             (ташкилот номи)                                                                              (сана)

учун иш ҳақи ва унга тенглаштирилган тўловлар бўйича харажатларга нақд пул маблағларини олишга

Т/р

Ташки-

лот

номи

Ҳисобланган

иш ҳақи


Ҳисобланган иш ҳақидан чегирмалар


жами

шу жумладан: имтиёзли (мод. ёрдам ва бошқалар)


даромад солиғи

пенсия жамғар-

масига тўловлар (2,5%)

касаба уюшмаси бадали

"маърифатпарварлар" уюшмасига бадал

жамланма пенсия ҳисобига бадал

аванс

алимент-

лар

1

2

3

4

5

6

7

8

9

10

11


Параграф бўйича жами












Изоҳ: сўровномада берилган маълумотларнинг тўғрилигини тасдиқлаймиз.

Ушбу шакл ташкилот томонидан хизмат кўрсатувчи банк белгилаган графикдаги нақд пул маблағларини олиш муддатидан ___ иш куни олдин тақдим қилинади.















Ташкилот раҳбари


_______

__________________________







(имзо)


(Ф.И.Ш.)









__________________________



Бош ҳисобчи


(имзо)


(Ф.И.Ш.)




Жадвалнинг давоми

(сўмда)

Жами ушланди

Омонат кассаси

Касаллик варақлари ва пенсия тўловлари

Жами нақд пул шаклида (19 + 20)

Ҳисобланган иш ҳақидан чегирмалар (….%)


жарималар


газ

электр энергияси

ер солиғи

военкомат

ХДП

12

13

14

15

16

17

18

19

20

21

22


Қоидаларга

8-ИЛОВА


Штамп*


ИШОНЧНОМА

(ташкилот номи)

моддий жавобгар шахс (кассир)га ишонч билдиради

(Ф.И.Ш.)

(паспорт рақами, серияси, берилган сана ва ким томонидан берилган)

ғазна ҳисобварағининг


да очилган


(ғазначилик бўлинмаси номи)


қуйидаги шахсий ғазна ҳисобварақларидан нақд пул олишга:

Моддий жавобгар шахснинг имзосини _______________ тасдиқлаймиз

(Ф.И.Ш.)

Мазкур ишончнома 20___ йил __________ гача ҳақиқий.

Ташкилот раҳбари ___________________

Бош ҳисобчи ___________________


20___ йил "____"____________


Бошлиқ



(ғазначилик бўлинмаси номи)


(имзо)


(Ф.И.Ш.)

20___ й. "_____" ___________________



*) Изоҳ: Бюджетдан маблағ олувчилар Ғазначилик бўлинмасига ишончномани гербли бланкда тақдим этадилар, гербли бланк (фирменный бланк) мавжуд бўлмаганда эса бюджетдан маблағ олувчилар бурчакли штамп қўйилган ҳолда тоза варақда тақдим этадилар.






Қоидаларга

9-ИЛОВА


Бюджетдан маблағ олувчиларнинг шахсий ҳисобварақларидан

берилган кўчирмаларни рўйхатга олиш

ЖУРНАЛИ

Т/р


Ташкилот номи


Бўлим, боб,

параграф


Кўчирма

санаси


Олинган

сана


Бюджетдан маблағ

олувчи имзоси




















Қоидаларга

10-ИЛОВА


Берилган ва ишлатилган чекларни ҳисобга олиш

ЖУРНАЛИ

Т/р


Чек

дафтарчасини

берган банк

муассасаси-

нинг номи


Чек

дафтарча-

сининг

рақами


Чек-

лар

сони

Берилган


Қайтарилган (ишлатилган

чек дафтарчалари)


бюджетдан

маблағ

олувчининг

номи


ишончли

шахснинг

Ф.И.Ш.


бюджетдан

маблағ

олувчининг

ишончли

шахси

имзоси


бюджетдан

маблағ

олувчининг

номи


ишончли

шахснинг

Ф.И.Ш.


бюджетдан

маблағ

олувчининг

ишончли

шахси

имзоси





























Қоидаларга

11-ИЛОВА


Аниқланган режали бюджетдан ажратилган

маблағларнинг солиштирма

ДАЛОЛАТНОМАСИ

минг сўмда

Т/р


Харажатлар моддаси


Код


Аниқланган режа


1.

Иш ҳақи - жами


01 1 00


2.

Иш ҳақи


01 1 10


3.

Умумтаълим муассасаларида ўрнак кўрсатган ходимларини рағбатлантиришнинг директор жамғармаси маблағлари


01 1 30



ва бошқалар





I гуруҳ бўйича жами


х



II гуруҳ бўйича жами


x



Хизмат сафари харажатлари


01 3 00







IV гуруҳ бўйича жами





Жами








Тармоқ бошқармаси

(бюджет бўлими) бошлиғи: ___________________

Ғазначилик

бўлинмаси бошлиғи: _____________________

Бюджет ташкилоти

раҳбари: _________________

Масъул ходим: _______________

Масъул ходим: ___________

Бош ҳисобчи

(режа хизмати ходими): _____________

20___й. "___"_________________

20___й. "___"_________________

20___й. "___"________________


Қоидаларга

12-ИЛОВА


Қўшимча даврда амалга оширилган

операциялар суммалари тўғрисидаги

МАЪЛУМОТ

(ҳудуд номи)

Бюджет ____________________________________________________

(республика, ___________________ вилоят, ________________ туман, шаҳар)


Бўлим _____________________

Боб ________________________

Параграф __________________

Харажатлар моддаси


Код


Тўланган

кредитор

қарздор-

лик

суммаси


Кредитор қарз тўлангандан сўнг

аниқланган иқтисод қилинган сумма


жами


шу жумладан


ривожлантириш

жамғармасига

ўтказилган


ривожлантириш

жамғармасига

ўтказилмаган


Иш ҳақи - Жами


01 1 00





Иш ҳақи


01 1 10





Умумтаълим муассасаларида ўрнак кўрсатган ходимларни рағбатлантиришнинг директор жамғармаси маблағлари


01 1 30





ва бошқалар







I гуруҳ бўйича жами


х





….







Жами








Раҳбар

(амалиёт бошқармаси бошлиғи)

_________________________________                          _______________

                                        (Ф.И.Ш.)                                                              (имзо)

Бош ҳисобчи

(амалиёт бўлими бошлиғи)

_________________________________                          _______________

                                        (Ф.И.Ш.)                                                              (имзо)


        М.Ў.                                       20___ й. "____" ______________


"Ўзбекистон Республикаси қонун ҳужжатлари тўплами", 2009 йил, 38-сон, 422-модда.













































Время: 0.1518
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск