Тижорат банклари томонидан кредит портфели таркибида узоқ муддатли инвестициявий молиялашнинг улушига қараб фойда солиғи бўйича солиқ имтиёзларини қўллаш тартиби тўғрисидаги Низом (АВ томонидан 19.10.2009 й. 2021-сон билан рўйхатга олинган 18.09.2009 й. Молия вазирлиги 92-сон, Марказий банк Бошқаруви 26/I-сон, Давлат солиқ қўмитасининг 2009-28-сон Қарори билан тасдиқланган)

Функция недоступна

Ўзбекистон Республикаси

Адлия вазирлигида

2009 йил 19 октябрда 2021-сон

билан рўйхатга олинган

Ўзбекистон Республикаси

Молия вазирлиги,

Марказий банк Бошқаруви

ва Давлат солиқ қўмитасининг

2009 йил 18 сентябрдаги

92, 26/I, 2009-28-сон қарорига

ИЛОВА

Тижорат банклари томонидан кредит портфели

таркибида узоқ муддатли инвестициявий молиялашнинг

улушига қараб фойда солиғи бўйича солиқ имтиёзларини

қўллаш тартиби тўғрисидаги

НИЗОМ

Ушбу Низом Ўзбекистон Республикаси Президентининг 2009 йил 28 июлдаги ПҚ-1166-сон "Тижорат банкларининг инвестиция лойиҳаларини молиялаштиришга йўналтириладиган узоқ муддатли кредитлари улушини кўпайтиришни рағбатлантириш борасидаги қўшимча чора-тадбирлар тўғрисида"ги Қарорининг (Ўзбекистон Республикаси қонун ҳужжатлари тўплами, 2009 йил, 30-31-сон, 343-модда) 3-бандига мувофиқ узоқ муддатли инвестициявий молиялашни амалга оширувчи тижорат банклари томонидан фойда солиғи бўйича солиқ имтиёзларини қўллаш тартибини белгилайди.

I. УМУМИЙ ҚОИДАЛАР

1. Ўзбекистон Республикаси Президентининг 2009 йил 28 июлдаги ПҚ-1166-сон "Тижорат банкларининг инвестиция лойиҳаларини молиялаштиришга йўналтириладиган узоқ муддатли кредитлари улушини кўпайтиришни рағбатлантириш борасидаги қўшимча чора-тадбирлар тўғрисида"ги Қарорига мувофиқ тижорат банклари 2015 йилнинг 1 январига қадар кредит портфели таркибида узоқ муддатли инвестициявий молиялашнинг улушига қараб табақалаштирилган ставкалар бўйича фойда солиғини тўлайдилар.

2. Ушбу Низомда қуйидаги асосий тушунчалар қўлланилади:

узоқ муддатли инвестициявий молиялаш - уч йилдан кам бўлмаган муддатга бериладиган инвестициявий кредитлар ва лизинг хизматлари, шу жумладан, банклар томонидан олинадиган ишлаб чиқариш корхоналари негизида ташкил этиладиган компаниялар активларига банклар томонидан йўналтириладиган маблағлар;

инвестициявий кредит (лизинг) - Ўзбекистон Республикасининг "Инвестиция фаолияти тўғрисида"ги Қонунининг (Ўзбекистон Республикаси Олий Мажлисининг Ахборотномаси, 1999 й., 1-сон, 10-модда) 3-моддасида назарда тутилган мақсадлар учун берилган кредитлар (лизинг);

кредит портфели - барча кредитлар бўйича баланс ҳисобварақлари суммаси (брутто), банклар томонидан олинадиган ишлаб чиқариш корхоналари негизида ташкил этиладиган компаниялар активларига банклар томонидан йўналтириладиган барча маблағлар, шунингдек уч йилдан кам бўлмаган муддатга берилган лизинг хизматлари суммаси.

3. Ушбу Низомнинг 1-бандида кўрсатилган имтиёз 2009 йилнинг учинчи чорагидан бошлаб қўлланилади ва 2014 йил солиқ даври якуни билан тўхтатилади. Мазкур имтиёзни 2009 йилда қўллаш учун тижорат банклари юридик шахслардан олинадиган фойда солиғи бўйича солиқ ҳисоботини 2009 йилнинг биринчи ярим йиллиги, учинчи чораги ва иккинчи ярим йиллиги учун алоҳида тақдим қиладилар.

II. ИМТИЁЗЛАРНИ ҚЎЛЛАШ ТАРТИБИ

4. Мустақил солиқ тўловчи бўлган филиаллар узоқ муддатли инвестициявий молиялашнинг улушини мустақил равишда аниқлайдилар.

5. Ушбу Низомнинг 1-бандида кўрсатилган имтиёз тижорат банклари томонидан солиқ даври мобайнида ўсиб борувчи якун билан қўлланилади, 2009 йил солиқ даври бундан мустасно.

6. Фойда солиғи ставкаси кредит портфели таркибида узоқ муддатли инвестициявий молиялашнинг улушига қараб табақалаштирилади.

Кредит портфели таркибида узоқ муддатли инвестициявий молиялашнинг улуши:

35 фоиздан 40 фоизгача бўлганда - ставка белгиланган ставканинг 80 фоизини ташкил этади;

40 фоиздан 50 фоизгача бўлганда - ставка белгиланган ставканинг 75 фоизини ташкил этади;

50 фоиздан юқори бўлганда - ставка белгиланган ставканинг 70 фоизини ташкил этади.

7. Узоқ муддатли инвестициявий молиялашнинг улуши қуйидаги формула асосида ҳисобланади:

Уумим = Умим/КП * 100, бунда:

Уумим - узоқ муддатли инвестициявий молиялашнинг улуши;

Умим - узоқ муддатли инвестициявий молиялаш;

КП - Кредит портфели.

Бунда, кредит ёки лизинг бўйича хизматларнинг берилган санасидан қатъи назар, узоқ муддатли инвестициявий молиялаш суммаси ва кредит портфели суммаси ҳисобот даври ойининг охирги санасига қабул қилинади.

Олдиндан уч йилдан кам бўлмаган муддатга берилган инвестициявий кредит ёки лизинг бўйича хизматлар уч йиллик давр тугагунга қадар муддатидан илгари сўндирилган тақдирда, ушбу Низом мақсадлари учун мазкур кредит ёки лизинг бўйича хизматлар узоқ муддатли сифатида қаралади.

8. Ушбу Низомнинг 7-бандига асосан аниқланган юридик шахслардан олинадиган фойда солиғининг имтиёзли ставкаси Ўзбекистон Республикаси Солиқ кодексининг (Ўзбекистон Республикаси қонун ҳужжатлари тўплами, 2007 й., 52 (I)-сон; 2008 й., 52-сон, 512-модда) 128-моддасига асосан ҳисоблаб чиқилган фойда солиғи бўйича солиқ солинадиган базага нисбатан қўлланилади.

9. Имтиёзларни қўллаш учун тижорат банклари давлат солиқ хизмати органларига ҳисобот йили якуни бўйича Юридик шахслардан олинадиган фойда солиғи ва ободонлаштириш ва ижтимоий инфратузилмани ривожлантириш солиғи ҳисоб-китобларини тақдим қилиш билан бир вақтда ушбу Низомнинг 1-иловасига асосан Кредит портфели таркибида узоқ муддатли инвестициявий молиялашнинг улуши ҳисоб-китоби - Маълумотномани тақдим қиладилар. Кредит портфели таркибида узоқ муддатли инвестициявий молиялашнинг улуши ҳисоб-китоби - Маълумотнома ушбу Низомнинг 1-бандида кўрсатилган имтиёздан фойдаланмайдиган тижорат банклари томонидан тақдим этилмайди.

10. Кредит портфели таркибида узоқ муддатли инвестициявий молиялашнинг улушига қараб юридик шахслардан олинадиган фойда солиғининг табақалаштирилган ставкаларини ҳисоблаб чиқишнинг шартли мисоли ушбу Низомнинг 2-иловасида келтирилган.

III. ЯКУНИЙ ҚОИДА

11. Солиқ имтиёзларининг тўғри қўлланиши устидан назорат давлат солиқ хизмати органлари томонидан амалга оширилади.

Низомга

1-ИЛОВА

Кредит портфели таркибида узоқ

муддатли инвестициявий молиялаш улуши

ҲИСОБ-КИТОБИ - МАЪЛУМОТНОМА

*) Брутто - ишончсиз қарзлар бўйича яратилган захираларни ҳисобга олмаган ҳолдаги кредит ёки лизинг суммаси.

М.Ў.

Низомга

2-ИЛОВА

Кредит портфели таркибида узоқ муддатли

инвестициявий молиялаш улуши ҳисоб-китоби -

Маълумотномани тўлдиришга

ШАРТЛИ МИСОЛ

1. Кредит портфели таркибида узоқ муддатли инвестициявий молиялаш улуши:

35 дан 40 фоизгача бўлганда - ставка белгиланган ставканинг 80 фоизини ташкил этади;

40 дан 50 фоизгача бўлганда - ставка белгиланган ставканинг 75 фоизини ташкил этади;

50 фоиздан юқори бўлганда - ставка белгиланган ставканинг 70 фоизини ташкил этади.

2. Юридик шахслардан олинадиган фойда солиғининг амалдаги ставкасида - 15 фоиз ва кредит портфели таркибида узоқ муддатли инвестициявий молиялаш улуши шароитида тузатилган солиқ ставкаси 12 фоизни (15 х 80 %) ташкил этади.

"Ўзбекистон Республикаси қонун ҳужжатлари тўплами", 2009 йил, 43-сон, 462-модда.