Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Ўз кучини йўқотган ҳужжатлар / Саноат /

Ғишт хом ашёсини геологик жиҳатдан ўрганиш, тажриба-саноат ва саноат асосида кавлаб олиш учун ер қаъри участкаларидан фойдаланиш ҳуқуқини берадиган лицензиялар беришнинг соддалаштирилган тартиби тўғрисида Вақтинчалик низом (ЎзР ВМ 27.10.2009 й. 284-сон қарорига илова)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

Вазирлар Маҳкамасининг

2009 йил 27 октябрдаги

284-сон қарорига

ИЛОВА



Ғишт хом ашёсини геологик жиҳатдан ўрганиш,

тажриба-саноат ва саноат асосида кавлаб олиш

учун ер қаъри участкаларидан фойдаланиш

ҳуқуқини берадиган лицензиялар беришнинг

соддалаштирилган тартиби тўғрисида

ВАҚТИНЧАЛИК НИЗОМ


I. УМУМИЙ ҚОИДАЛАР


1. Ушбу Вақтинчалик низом Ўзбекистон Республикаси Президентининг "Деворбоп материаллар ишлаб чиқаришни кўпайтиришни рағбатлантириш ва сифатини яхшилаш борасида қўшимча чора-тадбирлар тўғрисида" 2009 йил 19 июндаги ПҚ-1134-сон қарорига ҳамда Ўзбекистон Республикаси Президентининг 2007 йил 7 июндаги ПҚ-649-сон қарори билан тасдиқланган Ер қаъри участкаларидан фойдаланиш ҳуқуқини бериш тартиби ва шартлари тўғрисидаги низомга мувофиқ ишлаб чиқилган ва ғишт хом ашёсини геологик жиҳатдан ўрганиш, тажриба-саноат ва саноат асосида кавлаб олиш учун ер қаъри участкаларидан фойдаланиш ҳуқуқини берадиган лицензиялар беришнинг соддалаштирилган тартибини белгилайди.



II. ЕР ҚАЪРИ УЧАСТКАЛАРИДАН ФОЙДАЛАНИШ

ҲУҚУҚИНИ БЕРАДИГАН ЛИЦЕНЗИЯЛАР

БЕРИШ ТАРТИБИ ВА ШАРТЛАРИ


2. Умумий тарқалган фойдали қазилма сифатида ғиштнинг хом ашё базасини ташкил этиш ва кенгайтириш, ғишт хом ашёсини тажриба-саноат ва саноат асосида кавлаб олиш мақсадида геологик жиҳатдан ўрганиш учун ер қаъри участкаларидан фойдаланиш ҳуқуқини берадиган лицензиялар Ўзбекистон Республикаси Давлат геология ва минерал ресурслар қўмитасининг (кейинги ўринларда Давлат геология қўмитаси деб юритилади) ностандарт, тежамсиз печларни махсус энергия ва ресурсларни тежайдиган технологияларга алмаштирган ҳолда, энергияни тежайдиган технологияларни жорий этган пишиқ ғишт ишлаб чиқарадиган корхоналар билан тўғридан-тўғри музокаралар олиб бориш натижаларига кўра берилади.


3. Ер қаъри участкаларидан фойдаланиш ҳуқуқини берадиган лицензияни олиш учун лицензия талабгори Давлат геология қўмитасига буюртманома тақдим этади (лицензия бериш схемаси ушбу Низомга иловада келтирилган).

Буюртманомада сўралаётган ер қаъри участкасининг номи, жойлашган жойи (минтақа, туман, яқин аҳоли пунктигача, темир йўл станциясигача бўлган масофа) ҳамда ер қаъридан фойдаланишнинг назарда тутилаётган тури кўрсатилади.

Буюртманомага қуйидаги ҳужжатлар илова қилиниши керак:

юридик шахс - лицензия талабгори давлат рўйхатидан ўтказилганлиги тўғрисидаги гувоҳноманинг нотариал тасдиқланган нусхалари;

фаолиятнинг асосий турларини бажариш ва маҳсулот ишлаб чиқариш бўйича лицензия талабгорининг техник ва технологик имкониятлари, бундай ишларни бажариш учун лицензия талабгори томонидан пудратчилар сифатида жалб этиладиган корхоналар тўғрисидаги маълумотлар, зарурият бўлганда - ер қаъридан фойдаланиш билан боғлиқ фаолиятнинг айрим турларини амалга ошириш ҳуқуқини берадиган лицензиялар (рухсатномалар) нусхалари;

сўралаётган ер қаъри участкасидан фойдаланиш билан боғлиқ ишларни бажариш имкониятини тасдиқлайдиган лицензия талабгорининг молиявий ҳолати тўғрисидаги маълумотлар (мавжуд бўлганда - кейинги уч йил учун йиллик баланслар ва молиявий натижалар тўғрисидаги ҳисоботлар), зарурият бўлганда, банк ёки бошқа кредит берувчининг кредит берилиши тўғрисидаги кафолати;

"Ўзқурилишматериаллари" акциядорлик компаниясининг лицензия талабгори пишиқ ғишт ишлаб чиқариш бўйича махсус печлар (айланма, туннелсимон ва бошқалар)дан фойдаланган ҳолда энергияни тежайдиган замонавий технологияларга эгалигини ёки уларни ишлаб чиқаришга жорий этиш жараёни бораётганлигини тасдиқлайдиган эксперт хулосаси.


4. Экспертиза "Ўзқурилишматериаллари" акциядорлик компанияси томонидан лицензия талабгоридан тегишли мурожаат тушган кундан бошлаб ўн кун мобайнида ўтказилади.


5. Ўзбекистон Республикаси Давлат геология ва минерал ресурслар қўмитаси буюртманома қабул қилинганлиги ёки асосли рад этилганлиги тўғрисида лицензия талабгорини буюртманома тушган кундан бошлаб беш иш куни мобайнида ёзма равишда хабардор қилади.


6. Ер қаъри участкасидан фойдаланиш ҳуқуқини берадиган лицензия берилиши юзасидан берилган буюртманома кўриб чиқилганлиги учун қонун ҳужжатларида белгиланган базавий ҳисоблаш миқдорининг тўрт баравари миқдорида йиғим ундирилади. Буюртманома кўриб чиқилганлиги учун йиғим суммаси Ўзбекистон Республикаси Давлат геология қўмитасининг ҳисоб рақамига ўтказилади.

7. Буюртманома қуйидаги ҳолларда, агар:

талабгор томонидан тақдим этилган ҳужжатларда ҳақиқий бўлмаган ёки бузилган маълумотлар мавжуд бўлса;

ариза берувчи ер қаъри участкасидан фойдаланиш учун зарур молиявий ва техник воситаларга эгалиги ёки келгусида эга бўлишининг исботини тақдим этмаган бўлса ёки тақдим этиши мумкин бўлмаса рад этилиши мумкин.


8. Буюртманома қабул қилингандан кейин Давлат геология қўмитаси лицензияга киритиладиган ер қаъри участкасидан фойдаланиш шартлари лойиҳасини ўн кун мобайнида ишлаб чиқади.

Ер қаъри участкасидан фойдаланиш шартлари лойиҳаси материаллар тушган кундан бошлаб ўн кун мобайнида бир вақтнинг ўзида Давлат геология қўмитаси, Давлат экология қўмитаси ва "Саноатгеоконтехназорат" давлат инспекцияси билан келишилади.

9. Ер қаъри участкасидан фойдаланиш шартларининг келишилган лойиҳаси танишиш учун талабгорга берилади.


10. Талабгор ер қаъридан фойдаланишнинг таклиф этилаётган шартларига рози бўлган тақдирда унга беш кун муддатда:

ер қаъри тадбиркорлик таваккалчилиги шартларида ғишт хом ашёсини геологик жиҳатдан ўрганиш, шунингдек тажриба-саноат асосида кавлаб олиш учун берилган тақдирда - ер қаъри участкасидан фойдаланиш бўйича йириклаштирилган техник-иқтисодий ҳисоб-китобларни;

ер қаъри ғишт хом ашёсини кавлаб олиш учун берилган тақдирда - ер қаъри участкасидан фойдаланиш бўйича дастлабки техник-иқтисодий асосни тайёрлаш учун етарли бўлган сўралаётган участка бўйича геологик маълумотлар ва бошқа маълумотлар белгиланган тартибда тақдим этилади.


11. Келишилган муддатларда талабгор ер қаъри участкасидан фойдаланишнинг ишлаб чиқилган шартлари ва ер қаъридан фойдаланиш мақсадлари ҳисобга олинган ҳолда:

ер қаъри участкасидан фойдаланиш бўйича йириклаштирилган техник-иқтисодий ҳисоб-китобларни ёки дастлабки техник-иқтисодий асослашни тайёрлайди ҳамда уларни экспертизадан ўтказиш учун Давлат геология қўмитаси ва "Саноатгеоконтехназорат" давлат инспекциясига тақдим этади;

мўлжалланаётган фаолиятнинг атроф-муҳитга таъсирини баҳолаш лойиҳасини тайёрлайди ва давлат экология экспертизасидан ўтказиш учун Давлат экология қўмитасининг тегишли бўлинмасига тақдим этади.

12. Йириклаштирилган техник-иқтисодий ҳисоб-китоблар ва (ёки) дастлабки техник-иқтисодий асослашнинг экспертизаси улар тақдим этилган пайтдан бошлаб ўн кун муддатда бир вақтнинг ўзида Давлат геология қўмитаси ва "Саноатгеоконтехназорат" давлат инспекцияси томонидан амалга оширилади.

Атроф-муҳитга таъсирни баҳолаш лойиҳасининг давлат экспертизаси ҳам Ўзбекистон Республикаси Давлат экология қўмитасининг тегишли бўлинмаси томонидан материаллар тақдим этилган пайтдан бошлаб ўн кун муддатда амалга оширилади.

13. Экспертиза натижалари бўйича талабгор келишилган муддатларда йириклаштирилган техник-иқтисодий ҳисоб-китоблар ва (ёки) дастлабки техник-иқтисодий асослашга зарур тузатишлар киритади ҳамда уларни келишиш учун Давлат геология қўмитаси ва "Саноатгеоконтехназорат" давлат инспекциясига юборади.

14. Ижобий экспертиза хулосаси олинган йириклаштирилган техник-иқтисодий ҳисоб-китоблар ва (ёки) дастлабки техник-иқтисодий асослаш талабгор томонидан Давлат геология қўмитасига тақдим этилади.


15. Давлат геология қўмитаси ўн кун муддатда зарур материалларни тайёрлайди ва талабгорга ер қаъри участкасидан фойдаланиш ҳуқуқини берадиган тегишли лицензияни беради.


16. Ер қаъридан фойдаланувчига лицензия берилгандан кейин ер қаъри участкасидан фойдаланиш бўйича узил-кесил техник-иқтисодий асослашни белгиланган тартибда ишлаб чиқиш учун фойдаланишга берилган ер қаъри участкаси бўйича геологик маълумотлар ва бошқа маълумотларнинг тўла туркуми тайёрланади.


17. Ғишт хом ашёсини геологик жиҳатдан ўрганиш, тажриба-саноат ва (ёки) саноат асосида кавлаб олиш учун ер қаъри участкасидан фойдаланиш ҳуқуқини берадиган лицензия икки йил муддатга берилади, кейинчалик лицензия эгасининг аризасига биноан ер қаъридан фойдаланиш муддати узайтирилади.


18. Давлат геология қўмитаси ҳар чоракда Ўзбекистон Республикаси Молия вазирлиги, Иқтисодиёт вазирлиги ва Давлат солиқ қўмитасига ғишт хом ашёсини геологик жиҳатдан ўрганиш, тажриба-саноат ва саноат асосида кавлаб олиш учун ер қаъри участкасидан фойдаланиш ҳуқуқини берадиган янгидан берилган лицензиялар тўғрисидаги маълумотларни тақдим этади.



III. ЯКУНЛОВЧИ ҚОИДАЛАР


19. Ушбу Вақтинчалик низом 2012 йил 1 январгача амал қилади.


20. Ушбу Вақтинчалик низомда назарда тутилган мақсадларда ер қаъридан фойдаланиш ҳуқуқини чеклаш, тўхтатиб туриш ва тўхтатиш тартиби ва ер қаъри участкаларидан фойдаланиш билан боғлиқ бошқа масалалар Ўзбекистон Республикаси Президентининг 2007 йил 7 июндаги 649-сон қарори билан тасдиқланган Ер қаъри участкаларидан фойдаланиш ҳуқуқини бериш тартиби ва шартлари тўғрисидаги низом билан тартибга солинади.






Вақтинчалик низомга

ИЛОВА



Фойдали қазилмаларни (ғишт хом ашёсини) геологик

жиҳатдан ўрганиш, тажриба-саноат ва саноат асосида

кавлаб олиш учун ер қаъри участкаларидан фойдаланиш

ҳуқуқини берадиган лицензиялар беришнинг

соддалаштирилган тартиби

СХЕМАСИ

Босқич-

лар



Субъектлар



Тадбирлар



Бажариш

муддатлари


1-босқич


Ер қаъри участкасидан фойдаланиш ҳуқуқини олишга талабгор

(ариза берувчи)*


   

Ер қаъри участкаларидан фойдаланиш ҳуқуқини берадиган лицензияни олиш учун зарур бўладиган ҳужжатларни тайёрлайди.

"Ўзқурилишматериаллари" акциядорлик компаниясининг лицензия талабгори пишиқ ғишт ишлаб чиқариш бўйича махсус печлар (айлана, туннелсимон ва бошқалар)дан фойдаланган ҳолда энергияни тежайдиган замонавий технологияларга эгалигини ёки уларни ишлаб чиқаришга жорий этиш жараёни бораётганлигини тасдиқлайдиган экспертиза хулосаси.

Ер қаъри участкаларидан фойдаланиш ҳуқуқини берадиган лицензияларни беришга вакил қилинган тегишли органга буюртманома беради.


талабгорнинг хоҳишига кўра 10 кун



2-босқич


Давлат геология қўмитаси


  

Буюртманомани кўриб чиқади ва буюртманомани қабул қилиш ёки асосли рад этиш тўғрисида қарор қабул қилади.

   


5 кун



Давлат геология қўмитаси


    

Лицензияга киритиладиган ер қаъри участкасидан фойдаланиш шартлари лойиҳасини ишлаб чиқади.



10 кун



3-босқич


Маҳаллий давлат ҳокимиятининг тегишли органлари


  

Ер қаъри участкаси умумий тарқалган фойдали қазилмаларни қазиб олиш учун берилган тақдирда лицензияга киритиладиган ер қаъри участкасидан фойдаланиш шартлари лойиҳасини келишади.

   


10 кун



4-босқич


Давлат геология

қўмитаси, "Саноат-

геоконтехназорат"

давлат инспекцияси


      

Ер қаъри участкасидан фойдаланишнинг ишлаб чиқилган шартларини ва ер қаъридан фойдаланиш мақсадларини ҳисобга олган ҳолда йириклаштирилган техник-иқтисодий ҳисоб-китобларни ва (ёки) дастлабки техник-иқтисодий асослашни, мўлжалланаётган фаолиятнинг атроф-муҳитга таъсирини баҳолаш лойиҳасини тайёрлайди ва уларни экспертизага тақдим этади.

     


10 кун



5-босқич


Давлат экология қўмитаси


 

Давлат экология экспертизасининг хулосаси ижобий бўлган тақдирда ер қаъри участкасидан фойдаланиш ҳуқуқини берадиган лицензияни беришнинг мақсадга мувофиқлиги тўғрисидаги хулосани тақдим этади.

       


10 кун



6-босқич

Давлат геология қўмитаси


      

Ер қаъри участкасидан фойдаланиш ҳуқуқини берадиган лицензияни расмийлаштиради ва талабгорга беради.

Ер қаъридан фойдаланувчига лицензия берилгандан кейин ер қаъри участкасидан фойдаланиш бўйича узил-кесил техник-иқтисодий асослашни белгиланган тартибда ишлаб чиқиш учун фойдаланишга берилган ер қаъри участкаси бўйича геологик маълумотлар ва бошқа маълумотларнинг тўла туркуми тайёрланади.

     


10 кун

Изоҳ. Ер қаъри участкасидан фойдаланиш ҳуқуқини олишга талабгор (ариза берувчи) фойдали қазилмаларни кавлаб олиш учун ажратилган участканинг фойдали қазилмалари конлари захирасини ўз балансига қабул қилиб олади ва ҳар чоракда Давлат геология қўмитасига "шакл - 5ГР" бўйича ҳисобот тақдим этади.



"Ўзбекистон Республикаси қонун ҳужжатлари тўплами", 2009 йил, 44-сон, 468-модда.




































Время: 0.1394
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск