Вазирлар Маҳкамаси ҳузуридаги Ўзбекистон нефть маҳсулотлари ва газдан фойдаланишни назорат қилиш Давлат инспекциясининг 01/07-1220-сон, Қишлоқ ва сув хўжалиги вазирлигининг 7/2-сон, Ўзбекистон автомобиль ва дарё транспорти агентлигининг 1/141-сон "Рухсатномалар, тарқатиш ведомостлари ва лимит китобчалари бўйича автотранспорт воситаларига ёнилғи куйиш учун нефть маҳсулотлари, суюлтирилган ва сиқилган табиий газни бериш қоидаларини тасдиқлаш ҳақида"ги 25.12.2009 й. Қарори (АВ томонидан 23.01.2010 й. 2072-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

23.01.2010 й.

N 2072

ҚАРОРИ

Рухсатномалар, тарқатиш ведомостлари ва лимит

китобчалари бўйича автотранспорт воситаларига

ёнилғи қуйиш учун нефть маҳсулотлари, суюлтирилган

ва сиқилган табиий газни бериш қоидаларини

тасдиқлаш ҳақида

(2010 йил 2 февралдан кучга киради)

Ўзбекистон Республикаси Вазирлар Маҳкамасининг 1998 йил 31 декабрдаги 542-сонли "Нефть маҳсулотлари, суюлтирилган ва сиқилган газ сотиш тизимини тартибга солиш, улардан фойдаланиш ва автотранспорт воситаларининг ишлатилиши устидан назоратни кучайтириш тўғрисида"ги қарорига мувофиқ, Ўзбекистон Республикаси Вазирлар Маҳкамаси ҳузуридаги Ўзбекистон нефть маҳсулотлари ва газдан фойдаланишни назорат қилиш давлат инспекцияси, Қишлоқ ва сув хўжалиги вазирлиги, Ўзбекистон автомобиль ва дарё транспорти агентлиги ҚАРОР ҚИЛАДИ:

1. Рухсатномалар, тарқатиш ведомостлари ва лимит китобчалари бўйича автотранспорт воситаларига ёнилғи қуйиш учун нефть маҳсулотлари, суюлтирилган ва сиқилган табиий газни бериш қоидалари иловага мувофиқ тасдиқлансин.

2. "Ўзнефтмаҳсулот" акциядорлик компанияси томонидан 1999 йил 21 январда 17-1-8/193-сон, "Ўзавтотранс" корпорацияси томонидан 1999 йил 26 январда 01/8-сон ҳамда Ўзбекистон Республикаси Қишлоқ ва сув хўжалиги вазирлиги томонидан 1999 йил 21 январда 41-1-15-сон билан тасдиқланган "Тарқатиш ведомостлари ва лимит дафтарчалари бўйича автотранспорт воситаларига ёнилғи қуйиш учун нефть маҳсулотлари, суюлтирилган ва табиий газни бериш тартиби" (рўйхат рақами 613, 1999 йил 30 январь) ўз кучини йўқотган деб топилсин.

3. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кундан кейин кучга киради.

"Ўздавнефтгазинспекция" бошлиғи                                       Ш. Маҳмудов

Қишлоқ ва сув хўжалиги вазирининг

биринчи ўринбосари                                                              М. Эсанов

Ўзбекистон автомобиль ва дарё

транспорти агентлиги бошлиғи                                             А. Абдувалиев

"Ўзбекистон Республикаси қонун ҳужжатлари тўплами", 2010 йил, 3-4-сон, 30-модда.