Ўзбекистон Республикаси Президентининг 03.03.2010 й. ПҚ-1294-сон "Зулфия номидаги давлат мукофоти билан тақдирлаш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

03.03.2010 й.

N ПҚ-1294

ЗУЛФИЯ НОМИДАГИ ДАВЛАТ МУКОФОТИ

БИЛАН ТАҚДИРЛАШ ТЎҒРИСИДА

Республикада истеъдодли ёшларнинг ижтимоий фаоллигини ҳар томонлама кўллаб-қувватлаш, миллий истиқлол ғоялари ва маданий-маърифий қадриятларни ҳаётга татбиқ этишдаги ибратли фаолиятини рағбатлантириш, баркамол хотин-қизлар авлодини вояга етказиш ҳамда Ўзбекистон Республикаси Президентининг "Зулфия номидаги Давлат мукофотини таъсис этиш бўйича таклифларни қўллаб-қувватлаш тўғрисида"ги 1999 йил 10 июндаги ПФ-2326-сонли Фармонига мувофиқ:

1. Ўзбекистон Хотин-қизлар қўмитаси ҳузуридаги Зулфия номидаги Давлат мукофоти комиссиясининг таклифларига биноан, аъло хулқи, зукколиги, ўқишдаги муваффақиятлари, ташаббускорлиги билан ноёб истеъдодини намоён этаётган ҳамда адабиёт, маданият, санъат, фан ва таълим соҳаларидаги алоҳида ютуқлари учун Қорақалпоғистон Республикаси, вилоятлар ва Тошкент шаҳрининг иқтидорли қизлари Зулфия номидаги Давлат мукофоти билан тақдирлансин (рўйхат илова қилинади).

2. Зулфия номидаги Давлат мукофоти билан тақдирланганларга 8 март - Халқаро хотин-қизлар байрамига бағишлаб ўтказиладиган тантаналарда совриндорлик дипломлари ва кўкрак нишонлари топширилсин.

3. Ўзбекистон Республикаси Молия вазирлиги Зулфия номидаги Давлат мукофоти совриндорларининг ҳар бирига энг кам ойлик иш ҳақининг 50 баравари миқдорида пул мукофоти берилишини таъминласин.

4. Ўзбекистон Миллий телерадиокомпанияси ҳамда Ўзбекистон Миллий ахборот агентлигига Зулфия номидаги Давлат мукофоти соҳибаларининг ибратли фаолияти, уларнинг ноёб истеъдоди ва эришган ютуқларини кенг ёритиб бориш тавсия этилсин.

5. Мазкур Қарорнинг бажарилишини назорат қилиш Ўзбекистон Республикаси Бош вазирининг ўринбосари Ф. Акбарова зиммасига юклансин.

Ўзбекистон Республикасининг Президенти                           И. Каримов

Ўзбекистон Республикаси

Президентининг

2010 йил 3 мартдаги

ПҚ-1294-сон қарорига

ИЛОВА

Зулфия иомидаги Давлат мукофоти

билан тақдирланганлар

РЎЙХАТИ

Сапекеева Айнура Полат қизи - Қорақалпоғистон Республикаси ихтисослаштирилган санъат мактаб-интернатининг 9-синф ўқувчиси

Маматова Ширин Мамажоновна - Андижон санъат коллежининг 2-босқич ўқувчиси

Ғуломова Ҳусниябону Эркиновна - Бухоро шаҳридаги 22-умумий ўрта таълим мактабининг 8-синф ўкувчиси

Абдураҳмонова Ирода Хайруллаевна - Жиззах давлат педагогика институтининг 2-босқич талабаси

Алманова Азиза Шавкат қизи - Қарши давлат университети қошидаги 2-академик лицейнинг 3-босқич ўқувчиси

Жонузоқова Чаман Муродилло қизи - Республика мусиқа ва санъатга ихтисослаштирилган мактаб-интернатининг 8-синф ўкувчиси (Навоий вилояти)

Жайлобова Осиё Ёрқинбой қизи - 1-Тошкент педагогика коллежининг 2-босқич ўқувчиси (Наманган вилояти)

Санақулова Муниса Орифовна - Самарқанд иқтисодиёт коллежининг 3-босқич ўкувчиси

Қурбонбоева Сарвиноз Каримберди қизи -Сирдарё вилояти Боёвут туманидаги 9-умумий ўрта таълим мактабининг 9-синф ўкувчиси

Володина Вероника Владимировна - Сурхондарё вилояти Бойсун туманидаги 10-ихтисослаштирилган умумтаълим мактаб-интернатининг 8-синф ўқувчиси

Ўсарова Мафтуна Фахритдиновна - Тошкент вилоят давлат педагогика институтининг 2-босқич талабаси

Давлатова Шаҳнозахон Акмалжоновна - Фарғона шаҳар санъат коллежининг 3-босқич ўкувчиси

Ўзбекова Гўзал Мурат қизи - Урганч давлат университети қошидаги 4-академик лицейнинг 1-босқич ўқувчиси

Дадамуҳамедова Нодира Акмал қизи - В. Успенский номидаги Республика ихтисослаштирилган мусиқа академик лицейининг 8-синф ўкувчиси.

“Халқ сўзи”, 2010 йил 6 март