Меҳнат ва аҳолини ижтимоий муҳофаза қилиш вазирининг 02.09.2010 й. 163-Б-сон "Идоравий мансублиги, мулкчилик ва хўжалик юритиш шаклларидан қатъи назар корхона, муассаса, ташкилот ички меҳнат тартибининг намунавий қоидаларига ўзгартиришлар киритиш ҳақида"ги Буйруғи (АВ томонидан 21.09.2010 й. 746-1-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

21.09.2010 й.

N 746-1

ЎЗБЕКИСТОН РЕСПУБЛИКАСИ

МЕҲНАТ ВА АҲОЛИНИ ИЖТИМОИЙ

МУҲОФАЗА ҚИЛИШ ВАЗИРИНИНГ

02.09.2010 й.

N 163-Б

БУЙРУҒИ

Идоравий мансублиги, мулкчилик ва хўжалик

юритиш шаклларидан қатъи назар корхона, муассаса,

ташкилот ички меҳнат тартибининг намунавий

қоидаларига ўзгартиришлар киритиш ҳақида

(2010 йил 1 октябрдан кучга киради)

Ўзбекистон Республикаси Меҳнат кодекси (Ўзбекистон Республикаси Олий Мажлисининг Ахборотномаси, 1996 й., 1-сонга илова) ва Ўзбекистон Республикасининг "Бола ҳуқуқларининг кафолатлари тўғрисида"ги Қонунига (Ўзбекистон Республикаси қонун ҳужжатлари тўплами, 2008 й., 1-2-сон, 1-модда) мувофиқ БУЮРАМАН:

1. Ўзбекистон Республикаси меҳнат вазири томонидан 1999 йил 7 майда 834-сон билан тасдиқланган Идоравий мансублиги, мулкчилик ва хўжалик юритиш шаклларидан қатъи назар корхона, муассаса, ташкилот ички меҳнат тартибининг намунавий қоидаларига (рўйхат рақами 746, 1999 йил 14 июнь) иловага мувофиқ ўзгартиришлар киритилсин.

2. Мазкур буйруқ Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.

Вазир                                                                                         А. Хаитов

"Ўзбекистон Республикаси қонун ҳужжатлари тўплами", 2010 йил, 38-сон, 335-модда.

Буйруққа

ИЛОВА

Мазкур Илова рус тилида тасдиқланган.

Ҳужжатнинг матни Норма газетаси  ва  ахборот-қидирув

тизими   экспертлари  томонидан  ўзбек  тилига  таржима

қилинган  ва ахборот  тусига  эга.   Ноаниқликлар   келиб

чиққанида  меъёрий-ҳуқуқий  ҳужжатнинг  рус   тилидаги

матнига қаранг.

Идоравий мансублиги, мулкчилик ва хўжалик

юритиш шаклларидан қатъи назар корхона,

муассаса, ташкилот ички меҳнат тартибининг

намунавий қоидаларига киритиладиган

ўзгартиришлар

1. 2.2-банд қуйидаги таҳрирда баён этилсин:

"2.2. Ишга қабул қилишга ўн олти ёшдан бошлаб рухсат берилади.

Ёшларни меҳнатга тайёрлаш учун ишга умумтаълим мактаблари, ўрта махсус, касб-ҳунар ўқув юртларининг ўқувчиларини уларнинг соғлиғи ва маънавий ривожланишига зарар етказмайдиган, таълим олиш жараёнини бузмайдиган, ўқишдан бўш вақтда енгил меҳнатни бажариш учун - улар ўн беш ёшга етганда ота-оналаридан бири ёки ота-онанинг ўрнини босадиган шахслардан бирининг ёзма розилиги билан қабул қилишга рухсат берилади.

Ўн саккиз ёшга етмаган шахсларни ишга қабул қилиш Ўзбекистон Республикаси Меҳнат кодексининг 241-моддасида назарда тутилган талабларга риоя этган ҳолда амалга оширилади".

2. 2.3-банднинг 2.3.5-кичик бандида "14 ёшдан 16 ёшгача бўлган" сўзлари "ўн беш ёшга етган" сўзлари билан алмаштирилсин.

3. 2.4-банднинг 2.4.2-кичик бандида "14 ёш" сўзлари "ўн беш ёш" сўзлари билан алмаштирилсин.

4. 3.4-бандда "20" ва "40" рақамлари тегишинча "30" ва "50" рақамлари билан алмаштирилсин.

5. Мазкур ўзгартиришлар Ўзбекистон Касаба уюшмалари федерацияси Кенгаши ва Ўзбекистон Республикасининг Савдо-саноат палатаси билан келишилган.