Молия вазирлиги 99-сон, Давлат мулкини бошқариш давлат қўмитасининг 01/11-18/10-сон "Инвестиция ва хусусийлаштириш инвестиция фондларида бухгалтерия ҳисоби ва ҳисоботи тўғрисидаги низомни тасдиқлаш ҳақида"ги қарорга ўзгартиришлар киритиш тўғрисида"ги 18.11.2010 й. Қарори (АВ томонидан 09.12.2010 й. 1662-1-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

09.12.2010 й.

N 1662-1

ҚАРОРИ

"Инвестиция ва хусусийлаштириш

инвестиция фондларида бухгалтерия ҳисоби

ва ҳисоботи тўғрисидаги низомни тасдиқлаш

ҳақида"ги қарорга ўзгартиришлар

киритиш тўғрисида

(2010 йил 19 декабрдан кучга киради)

"Бухгалтерия ҳисоби тўғрисида"ги (Ўзбекистон Республикаси Олий Мажлисининг Ахборотномаси, 1996 йил, 9-сон, 142-модда) ва "Қимматли қоғозлар бозори тўғрисида"ги (Ўзбекистон Республикаси Олий Мажлиси палаталарининг Ахборотномаси, 2008 йил, 7-сон, 354-модда) Ўзбекистон Республикасининг қонунлари ва Ўзбекистон Республикаси Вазирлар Маҳкамасининг 1998 йил 25 сентябрдаги 410-сон "Инвестиция ва хусусийлаштириш инвестиция фондлари фаолиятини такомиллаштириш чора-тадбирлари тўғрисида"ги қарорига мувофиқ Ўзбекистон Республикаси Молия вазирлиги ва Давлат мулкини бошқариш давлат қўмитаси ҚАРОР ҚИЛАДИЛАР:

1. Ўзбекистон Республикаси Молия вазирлиги ва Ўзбекистон Республикаси Давлат мулкини бошқариш давлат қўмитасининг 2006 йил 14 декабрдаги 102, 01/ККБФМНМ-18/07-сонли "Инвестиция ва хусусийлаштириш инвестиция фондларида бухгалтерия ҳисоби ва ҳисоботи тўғрисидаги низомни тасдиқлаш ҳақида"ги қарорига (рўйхат рақами 1662, 2007 йил 13 март) (Ўзбекистон Республикаси қонун ҳужжатлари тўплами, 2007 йил, 11-сон, 101-модда) иловага мувофиқ ўзгартиришлар киритилсин.

2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.

Қарорга

ИЛОВА

"Инвестиция ва хусусийлаштириш инвестиция

фондларида бухгалтерия ҳисоби ва ҳисоботи

тўғрисидаги низомни тасдиқлаш ҳақида"ги

қарорига киритиладиган ўзгартиришлар

1. Муқаддимадаги "Қимматли қоғозлар бозорининг фаолият кўрсатиш механизми тўғрисида"ги (Ўзбекистон Республикаси Олий Мажлиси Ахборотномаси, 1996 й., 5-6-сон, 24-модда)" сўзлари "Қимматли қоғозлар бозори тўғрисида"ги (Ўзбекистон Республикаси Олий Мажлиси палаталарининг Ахборотномаси, 2008 йил, 7-сон, 354-модда)" сўзлари билан алмаштирилсин.

2. Низомда:

а) муқаддимадаги "Қимматли қоғозлар бозорининг фаолият кўрсатиш механизми тўғрисида"ги (Ўзбекистон Республикаси Олий Мажлиси Ахборотномаси, 1996 й., 5-6-сон, 24-модда)" сўзлари "Қимматли қоғозлар бозори тўғрисида"ги (Ўзбекистон Республикаси Олий Мажлиси палаталарининг Ахборотномаси, 2008 йил, 7-сон, 354-модда)" сўзлари билан алмаштирилсин;

б) 2-банднинг тўртинчи хатбошиси қуйидаги таҳрирда баён этилсин:

"инвестиция активларини ишончли бошқарувчи - ишончли бошқарувнинг белгиланган муддати мобайнида, унга эгалик қилиш учун топширилган ва ИФга ёки ХИФга тегишли бўлган инвестиция активларини (қимматли қоғозларни, шу жумладан, инвестиция активларини бошқариш жараёнида олинадиган қимматли қоғозларни ҳамда қимматли қоғозларга инвестиция қилиш учун мўлжалланган ва инвестиция активларини бошқариш жараёнида олинадиган пул маблағларини) ИФнинг ёки ХИФнинг (ёки у кўрсатган шахснинг) манфаатларини кўзлаб бошқариш бўйича фаолиятни ўз номидан амалга оширувчи юридик шахсдир;";

в) барча матн бўйича:

"бошқарувчи компания" сўзлари "инвестиция активларини ишончли бошқарувчи" сўзлари билан тегишли келишикларда алмаштирилсин;

"депозитарий" сўзлари "Қимматли қоғозлар марказий депозитарийси" сўзлари билан тегишли келишикларда алмаштирилсин;

г) 4-банд қуйидаги таҳрирда баён этилсин:

"4. ИФлар ва ХИФларнинг инвестиция активларини ишончли бошқариш қонунчилик талабларига мувофиқ бўлган ҳамда ИФ ва ХИФнинг Кузатув кенгаши билан шартнома (контракт) тузган ёхуд қонунчиликда белгиланган тартибда қимматли қоғозлар бозорини тартибга солиш бўйича ваколатли давлат органи томонидан тайинланган инвестиция активларини ишончли бошқарувчи томонидан амалга оширилади.";

д) 54-бандда:

тўртинчи хатбошидан "шу жумладан, ИФ ёки ХИФ акцияларини ёки акциялар сертификатини, уларни биринчи жойлаштиришда тайёрлаш харажатлари" сўзлари чиқариб ташлансин;

бешинчи хатбоши қуйидаги таҳрирда баён этилсин:

"оммавий ахборот воситаларида ИФ ва ХИФнинг рекламасига ҳақ тўлаш харажатлари Ўзбекистон Республикаси Вазирлар Маҳкамасининг 1998 йил 25 сентябрдаги 410-сонли "Инвестиция ва хусусийлаштириш инвестиция фондлари фаолиятини такомиллаштириш чора-тадбирлари тўғрисида"ги қарори билан тасдиқланган Инвестиция фондлари тўғрисидаги низомда ўрнатилган миқдорда;";

олтинчи хатбоши чиқариб ташлансин;

еттинчи - тўққизинчи хатбошилари мос равишда олтинчи - саккизинчи хатбошилар деб ҳисоблансин;

е) 55-банд қуйидаги таҳрирда баён этилсин:

"55. Ўзбекистон Республикаси Вазирлар Маҳкамасининг 2003 йил 19 апрелдаги 189-сонли "Хусусийлаштирилган корхоналарни корпоратив бошқаришни такомиллаштириш чора-тадбирлари тўғрисида"ги қарори билан тасдиқланган Инвестиция активларининг ишончли бошқарувчилари тўғрисидаги низомнинг 51-бандига мувофиқ, ИФга ёки ХИФга кўрсатилган хизматлар учун инвестиция активларини ишончли бошқарувчини тақдирлаш ИФ ёки ХИФ томонидан асосий ва қўшимча (мукофотлаш) тақдирлаш шаклида тўланади. Инвестиция активларини ишончли бошқарувчини асосий тақдирлаш чораклар бўйича тақсимлаган ҳолда бир йил учун қатъий суммада белгиланади. Инвестиция активларини ишончли бошқарувчиси оладиган асосий тақдирлаш пулининг умумий миқдори ИФ ёки ХИФнинг соф активлари ўртача йиллик қийматининг 5 фоизидан ортиқ бўлмаслиги керак. Кўрсатиб ўтилган суммага ИФни ёки ХИФни бошқариш тўғрисидаги шартнома (контракт)ни бажариш бўйича инвестиция активларини ишончли бошқарувчининг барча харажатлари (уларни қоплаш) киритилади, бундан қонунчиликка мувофиқ ИФ ёки ХИФ ҳисобига олиб бориладиган харажатлар мустасно. Инвестиция активларини ишончли бошқарувчисини қўшимча (мукофот пули) тақдирлаш шартнома (контракт)га биноан йил натижалари бўйича, бироқ ИФ ёки ХИФ акциядорларига йил мобайнида ҳисобланган дивидендлар ҳисобга олинган ҳолда ИФ ёки ХИФ соф активлари йиллик ўсиши суммасидан, Ўзбекистон Республикаси Марказий банки томонидан белгиланган молиялаштириш ставкаси бўйича соф активларни депозитларда жойлаштиришда юз берадиган ўсишдан 7 фоиздан ортиқ бўлмаган миқдорда тўланади.";

ё) 58-банднинг бешинчи хатбошисидаги "аудиторнинг" сўзи "аудиторлик ташкилотининг" сўзлари билан алмаштирилсин;

ж) 1 ва 3-иловаларда:

"Кўрсаткичлар номи" устунида

"Бошқарувчи компанияни мукофотлаш" сўзлари "Инвестиция активларини ишончли бошқарувчини мукофотлаш" сўзлари билан алмаштирилсин;

"Бошқарувчи компанияни (мукофот) рағбатлантириш" сўзлари "Инвестиция активларини ишончли бошқарувчини (мукофот) рағбатлантириш" сўзлари билан алмаштирилсин;

"Депозитарийни мукофотлаш" сўзлари "Қимматли қоғозлар марказий депозитарийсини мукофотлаш" сўзлари билан алмаштирилсин;

"Бошқарувчи компания раиси" сўзлари "Инвестиция активларини ишончли бошқарувчиси раҳбари" сўзлари билан алмаштирилсин;

"Депозитарий раиси" сўзлари "Қимматли қоғозлар марказий депозитарийси Бош директори" сўзлари билан алмаштирилсин;

з) 2, 5 ва 6-иловаларда:

"Бошқарувчи компания раиси" сўзлари "Инвестиция активларини ишончли бошқарувчиси раҳбари" сўзлари билан алмаштирилсин;

"Депозитарий раиси" сўзлари "Қимматли қоғозлар марказий депозитарийси Бош директори" сўзлари билан алмаштирилсин;

и) 4-илова мазкур ўзгартиришлардаги иловага мувофиқ таҳрирда баён этилсин.

3. Мазкур ўзгартиришлар Ўзбекистон Республикаси Монополиядан чиқариш ва рақобатни ривожлантириш давлат қўмитаси билан келишилган.

Ўзгартиришларга

ИЛОВА

Инвестиция ва хусусийлаштириш

инвестиция фондларида бухгалтерия

ҳисоби ва ҳисоботи тўғрисидаги низомга

4-ИЛОВА

О-4-шакл

Инвестициялар портфелининг ҳолати тўғрисида

ҲИСОБОТ

(акциядорлик жамиятлари акциялари)

_________________________________ га

(сана)

"Ўзбекистон Республикаси қонун ҳужжатлари тўплами", 2010 йил, 49-сон, 466-модда.