Ўзбекистон Республикаси Президентининг 19.03.1993 й. ПФ-581-сон "Меҳнат резервлари" ўқув-спорт комплексини Ўзбекистон Республикасининг Мудофаа вазирлиги ихтиёрига ўтказиш тўғрисида"ги Фармони

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ФАРМОНИ

19.03.1993 й.

N ПФ-581

"МЕҲНАТ РЕЗЕРВЛАРИ"

ЎҚУВ-СПОРТ КОМПЛЕКСИНИ

ЎЗБЕКИСТОН РЕСПУБЛИКАСИНИНГ

МУДОФАА ВАЗИРЛИГИ ИХТИЁРИГА

ЎТКАЗИШ ТЎҒРИСИДА

Ўзбекистон Республикасининг Қуролли Кучларида жисмоний тарбия ва спортни янада ривожлантириш, ёшларнинг чақирилгунга қадар тайёргарлигини такомиллаштириш, шунингдек жаҳон чемпионатларида ва Олимпия ўйинларида қатнашишга олий малакалардаги спортчиларни, республиканинг миллий терма командаларини тайёрлашни яхшилаш мақсадида:

1. Ўзбекистон Республикасининг Халқ таълими вазирлиги “Меҳнат резервлари” ўқув-спорт комплексини 1993 йилнинг 1 мартигача бўлган мавжуд моддий ва техникавий воситалари, спорт анжомлари ва бошқа мол-мулки билан бирга Ўзбекистон Республикасининг Мудофаа вазирлиги балансига топширсин.

2. Ўзбекистон Республикасининг Мудофаа вазирлиги:

мазкур комплекс негизида Ўзбекистон Қуролли Кучлари спорт маркази тузиб, уни миллий терма командалар тайёрловчи Республика таянч маркази деб белгиласин;

Ўзбекистон Қуролли Кучлари спорт марказининг зиммасига Ўзбекистон Республикасининг Халқ таълими вазирлигига қарашли ҳунар-техника билим юртлари ва умумтаълим мактабларининг ўқувчиларига жисмоний ривожланиш ва спорт соҳасида оталиқ қилиш вазифаси юкласин.

Ўзбекистон Республикасининг Президенти                             И. Каримов

"Ўзбекистон Республикаси Олий Кенгашининг Ахборотномаси", 1993 й., 3-сон, 155-модда