Молия вазирлигининг 10-сон, Давлат солиқ қўмитасининг 2011-7-сон "Ягона ижтимоий тўловнинг базавий миқдори киритилиши муносабати билан ягона ижтимоий тўловни ҳисоблаб чиқариш ва тўлаш тартиби тўғрисидаги низомни тасдиқлаш ҳақида"ги қарорга ўзгартиришлар киритиш тўғрисида"ги 14.02.2011 й. Қарори (АВ томонидан 21.02.2011 й. 2095-1-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

21.02.2011 й.

N 2095-1

ҚАРОРИ

"Ягона ижтимоий тўловнинг базавий миқдори

киритилиши муносабати билан ягона ижтимоий

тўловни ҳисоблаб чиқариш ва тўлаш тартиби

тўғрисидаги низомни тасдиқлаш ҳақида"ги

қарорга ўзгартиришлар киритиш тўғрисида

(2011 йил 3 мартдан кучга киради)

Ўзбекистон Республикаси Солиқ кодекси (Ўзбекистон Республикаси қонун ҳужжатлари тўплами, 2007 й., 52 (I)-сон), Ўзбекистон Республикаси "Давлат солиқ хизмати тўғрисида"ги Қонунининг (Ўзбекистон Республикаси Олий Мажлиси Ахборотномаси, 1997 й., 9-сон, 232-модда) 7-моддаси ва Ўзбекистон Республикаси Президентининг 2010 йил 24 декабрдаги ПҚ-1449-сон "Ўзбекистон Республикасининг 2011 йилги асосий макроиқтисодий кўрсаткичлари прогнози ва Давлат бюджети параметрлари тўғрисида"ги қарорига (Ўзбекистон Республикаси қонун ҳужжатлари тўплами, 2010 й., 52-сон, 513-модда) мувофиқ Ўзбекистон Республикаси Молия вазирлиги ва Давлат солиқ қўмитаси ҚАРОР ҚИЛАДИЛАР:

1. Ўзбекистон Республикаси Молия вазирлиги ва Давлат солиқ қўмитасининг 2010 йил 22 мартдаги 22, 2010-13-сонли "Ягона ижтимоий тўловнинг базавий миқдори киритилиши муносабати билан ягона ижтимоий тўловни ҳисоблаб чиқариш ва тўлаш тартиби тўғрисидаги низомни тасдиқлаш ҳақида"ги қарорга (рўйхат рақами 2095, 2010 йил 13 апрель) (Ўзбекистон Республикаси қонун ҳужжатлари тўплами, 2010 й., 14-15-сон, 120-модда) иловага мувофиқ ўзгартиришлар киритилсин.

2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.

Қарорга

ИЛОВА

"Ягона ижтимоий тўловнинг базавий миқдори

киритилиши муносабати билан ягона ижтимоий

тўловни ҳисоблаб чиқариш ва тўлаш тартиби

тўғрисидаги низомни тасдиқлаш ҳақида"ги

қарорга киритилаётган ўзгартиришлар

1. Номида ва 1-бандида "базавий" деган сўзлар "энг кам" деган сўзлар билан алмаштирилсин.

2. Низомда:

а) номида ва бутун матн бўйича "базавий" деган сўзлар "энг кам" деган сўзлар билан алмаштирилсин;

б) муқаддимаси қуйидаги таҳрирда баён этилсин:

"Ушбу Низом Ўзбекистон Республикаси Солиқ кодекси (Ўзбекистон Республикаси қонун ҳужжатлари тўплами, 2007 й., 52 (I)-сон), Ўзбекистон Республикаси "Давлат солиқ хизмати тўғрисида"ги Қонунининг (Ўзбекистон Республикаси Олий Мажлисининг Ахборотномаси, 1997 й., 9-сон, 232-модда) 7-моддаси ва Ўзбекистон Республикаси Президентининг 2008 йил 29 декабрдаги ПҚ-1024-сон "Ўзбекистон Республикасининг 2009 йилги асосий макроиқтисодий кўрсаткичлари прогнози ва Давлат бюджети параметрлари тўғрисида"ги (Ўзбекистон Республикаси қонун ҳужжатлари тўплами, 2008 й., 52-сон, 515-модда) ва 2010 йил 24 декабрдаги ПҚ-1449-сон "Ўзбекистон Республикасининг 2011 йилги асосий макроиқтисодий кўрсаткичлари прогнози ва Давлат бюджети параметрлари тўғрисида"ги (Ўзбекистон Республикаси қонун ҳужжатлари тўплами, 2010 й., 52-сон, 513-модда) қарорларига мувофиқ ягона ижтимоий тўловнинг (кейинги ўринларда ЯИТ деб аталади) энг кам миқдори киритилиши муносабати билан хўжалик юритувчи субъектлар томонидан ЯИТни ҳисоблаб чиқариш ва тўлаш тартибини белгилайди.

Ушбу Низом қуйидагиларга татбиқ этилмайди:

қонун ҳужжатларига мувофиқ ягона ижтимоий тўловнинг пасайтирилган ставкаси белгиланган юридик шахсларга;

нотижорат ташкилотларига, шу жумладан, бюджет ташкилотларига;

ходимлар сони ва меҳнатга ҳақ тўлаш фондининг энг кам меъёрлари белгиланган чакана савдо, умумий овқатланиш ва қурилиш соҳасидаги ташкилотларга".

в) 4-бандда "БРяит" деган белги "МРяит" деган белги билан алмаштирилсин;

г) 6-банди қуйидаги таҳрирда баён этилсин:

"6. Агар Ўзбекистон Республикаси Солиқ кодексига мувофиқ ҳисоблаб чиқилган ЯИТ суммаси ЯИТнинг энг кам миқдоридан кам бўлса, у ҳолда ягона солиқ тўлови ЯИТнинг энг кам миқдорининг Ўзбекистон Республикаси Солиқ кодексига мувофиқ ҳисоблаб чиқилган ЯИТ суммасидан ортган қисмига қўшимча ҳисобланади";

д) 9-банди қуйидаги таҳрирда баён этилсин:

"9. Ягона ижтимоий тўлов, фуқароларнинг суғурта бадаллари ва бюджетдан ташқари Пенсия жамғармасига мажбурий ажратмалари бўйича солиқ ҳисоботи шаклида, тақдим этиладиган Маълумотнома-ҳисоб-китобдан келиб чиқиб, ЯИТ ҳисоб-китоби шаклига қуйидаги сатрлар киритилади:

"051" - ҳисобот даври учун ЯИТнинг қўшимча ҳисобланган суммаси. Ушбу сатр фақат 3-устуни бўйича тўлдирилади;

"052" - ҳисобот даврида тўланиши лозим. "052"-сатрда ЯИТ ҳисоб-китобининг "050" ва "051"-сатрлари йиғиндиси кўрсатилади";

е) 1 ва 2-иловалари мазкур ўзгартиришларга тегишинча 1 ва 2-иловаларига мувофиқ баён этилсин.

Ўзгартиришларга

1-ИЛОВА

"Ягона ижтимоий тўловнинг энг кам

миқдори  киритилиши муносабати

билан ягона ижтимоий тўловни

ҳисоблаб чиқариш ва тўлаш

тартиби тўғрисидаги низомга

1-ИЛОВА

Маълумотнома-ЯИТнинг энг кам миқдори

ҲИСОБ-КИТОБИ

(хўжалик юритувчи субъектлар учун ЯИТ ҳисоб-китобига

илова қилинади, микрофирмалар ва кичик корхоналардан ташқари)

*) Агар устуннинг "060" сатри қиймати 3-устуннинг "050" сатри қийматига тенг ёки ундан катта бўлса, 3-устуннинг "070" сатрида "0" қиймати кўрсатилади.

М.Ў."

Ўзгартиришларга

2-ИЛОВА

"Ягона ижтимоий тўловнинг энг кам

миқдори  киритилиши муносабати

билан ягона ижтимоий тўловни

ҳисоблаб чиқариш ва тўлаш

тартиби тўғрисидаги низомга

2-ИЛОВА

Маълумотнома-ЯИТнинг энг кам миқдори

ҲИСОБ-КИТОБИ

(микрофирмалар ва кичик корхоналар учун

ЯИТ ҳисоб-китобига илова қилинади)

*) Агар 3-устуннинг "0601", "0602" ва "0603" сатрлари қиймати 3-устуннинг тегишинча "0501", "0502" ва "0503" сатрлари қийматига тенг ёки катта бўлса, 3-устуннинг "0701", "0702" ва "0703" сатрларида "0" қиймати кўрсатилади.

М.Ў."

"Ўзбекистон Республикаси қонун ҳужжатлари тўплами", 2011 йил, 7-8-сон, 78-модда.