ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Ёқилғи-энергетика комплекси / Нефть ва газ маҳсулотларини реализация қилиш (етказиб бериш). Ҳисоб-китобларни амалга ошириш /

Ўзбекистон Республикаси Вазирлар Маҳкамасининг 24.04.2002 й. 140-сон "Газ сарфини ҳисобга олиш приборлари харид қилиш учун Хитой Халқ Республикаси Ҳукуматининг имтиёзли кредитидан самарали фойдаланиш чора-тадбирлари тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

24.04.2002 й.

N 140



ГАЗ САРФИНИ ҲИСОБГА ОЛИШ ПРИБОРЛАРИ

ХАРИД ҚИЛИШ УЧУН ХИТОЙ ХАЛҚ РЕСПУБЛИКАСИ

ҲУКУМАТИНИНГ ИМТИЁЗЛИ КРЕДИТИДАН САМАРАЛИ

ФОЙДАЛАНИШ ЧОРА-ТАДБИРЛАРИ ТЎҒРИСИДА


Энергия ресурсларидан самарали фойдаланилишини таъминлаш, Ўзбекистон Республикаси уй-жой фондини газ сарфини ҳисобга олиш приборлари билан жиҳозлаш ҳамда Хитой Халқ Республикаси билан молия-инвестиция ҳамкорлигини янада кенгайтириш мақсадида Вазирлар Маҳкамаси ҚАРОР ҚИЛАДИ:


1. Хитой Халқ Республикаси Ҳукуматининг Ўзбекистон Республикаси Ҳукуматига Ўзбекистон Республикасига газни ҳисобга олиш приборлари етказиб беришни ташкил этиш учун ХХР Эксимбанкининг 10 йил муддатга, шу жумладан 4 йил имтиёзли даврга 100 млн юангача миқдорда йиллик фойдаси 3 фоиз бўлган имтиёзли кредит бериш тўғрисидаги таклифи қабул қилинсин.


2. Белгилансинки:

Ўзбекистон Республикаси Ташқи иқтисодий фаолият миллий банки кредит бўйича қарз олувчи;

"Ўзкоммунхизмат" агентлигининг "Бошкоммунгаз" корхонаси суб қарз олувчи ҳамда ХХР Эксимбанки кредити доирасида етказиб бериладиган газни ҳисобга олиш приборларини олувчи ҳисобланади;

кредитни қоплаш, воситачилик ҳақи ва молиявий харажатлар иловага* мувофиқ "Ўзтрансгаз" акциядорлик компаниясининг ўз маблағлари ҳисобига амалга оширилади.

3. Ўзбекистон Республикаси Молия вазири:

ХХР Ҳукумати томонидан Ўзбекистон Республикаси Ҳукуматига кредит бериш тўғрисидаги дастлабки битимни;

Ўзбекистон Республикаси Ҳукумати номидан ХХР Эксимбанкига Ўзбекистон Республикаси Ташқи иқтисодий фаолият миллий банкининг ҳамда Ўзбекистон Республикаси Ташқи иқтисодий фаолият миллий банкига "Бошкоммунгаз" корхонасининг тўлов мажбуриятлари бўйича кафолатларни имзолашга вакил қилинсин.


4. Қуйидагилар:

Хитойнинг "Машимпекс" давлат корпорацияси кўрсатиб ўтилган кредит доирасида газни ҳисобга олиш приборларини етказиб берувчи ҳисобланиши;

"Сувжиҳозгаз" қўшма корхонаси етказиб бериладиган газни ҳисобга олиш приборларига кафолатли ва сервис хизмати кўрсатиши;

ХХР Ҳукуматининг имтиёзли кредити доирасида етказиб берилаётган газни ҳисобга олиш приборлари Вазирлар Маҳкамасининг 2002 йил 28 мартдаги 99-сон қарори билан тасдиқланган Газлаштирилган уй-жой фондини (квартиралар ва якка тартибдаги уйларни) республика минтақалари бўйича 2002-2004 йилларда газни ҳисобга олиш приборлари билан жиҳозлаш жадвалини бажаришга йўналтирилиши;

Вазирлар Маҳкамасининг 2002 йил 28 мартдаги 99-сон қарорига мувофиқ мазкур кредит доирасида Ўзбекистон Республикасига келтирилаётган газни ҳисобга олиш приборлари божхона тўловлари тўлашдан (божхона расмийлаштируви йиғимлари бундан мустасно) озод қилинганлиги маълумот учун қабул қилинсин.


5. Ўзбекистон Республикаси Ташқи иқтисодий фаолият миллий банки банки ХХР Экспорт-импорт банки билан белгиланган тартибда Қарз битими тузсин ҳамда қарз маблағларини "Бошкоммунгаз" корхонасига қайта молиялаштирсин.


6. Ўзбекистон Республикаси Адлия вазирлиги Ўзбекистон Республикаси Ҳукуматининг ХХР Экспорт-импорт банкига кафолати юзасидан хорижий кредитор учун мақбул шаклда белгиланган тартибда юридик хулоса берсин.


7. "Ўзкоммунхизмат" агентлигининг "Бошкоммунгаз" корхонаси "ХХР Ҳукуматининг имтиёзли кредити линияси бўйича "Ўзкоммунхизмат" агентлигининг "Бошкоммунгаз" корхонаси томонидан газни ҳисобга олиш приборларининг харид қилиниши" лойиҳасининг бир ой муддатда ваколатли экспертиза органлари билан келишилишини ҳамда белгиланган тартибда техник-иқтисодий асосланиши тасдиқланишини таъминласин.


8. Ўзбекистон Республикаси Макроиқтисодиёт ва статистика вазирлиги ХХР Ҳукуматининг имтиёзли кредити доирасида газни ҳисобга олиш приборлари етказиб бериш лойиҳасини белгиланган тартибда Ўзбекистон Республикасининг 2002 йилги Инвестиция дастурининг аниқ рўйхатига, Ҳукумат кафолати остида чет эл инвестициялари ва кредитларини жалб қилган ҳолда амалга ошириладиган лойиҳалар бўлимига киритсин.


9. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари К.Н. Тўлаганов зиммасига юклансин.



Вазирлар Маҳкамасининг Раиси                                           И. Каримов



*) Илова рус тилидаги матнда берилган.



































Время: 0.1903
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск