Ўзбекистон Республикаси Президентининг 15.12.1991 й. ПФ-300-сон "Қорақалпоғистон Республикаси ва Хоразм вилоятининг 1991 йилда табиий офатлардан зарар кўрган пахтакор хўжаликларининг иқтисодиётини мустаҳкамлашга доир қўшимча тадбирлар тўғрисида"ги Фармони

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ФАРМОНИ

15.12.1991 й.

N ПФ-300

ҚОРАҚАЛПОҒИСТОН РЕСПУБЛИКАСИ ВА

ХОРАЗМ ВИЛОЯТИНИНГ 1991 ЙИЛДА ТАБИИЙ

ОФАТЛАРДАН ЗАРАР КЎРГАН ПАХТАКОР

ХЎЖАЛИКЛАРИНИНГ ИҚТИСОДИЁТИНИ

МУСТАҲКАМЛАШГА ДОИР ҚЎШИМЧА

ТАДБИРЛАР ТЎҒРИСИДА

Қорақалпоғистон Республикаси ва Хоразм вилоятининг табиий офатлар сабабли бу йилги пахта тайёрлаш топшириқларини бажармаган пахтакор колхозлари, совхозлари ва бошқа қишлоқ хўжалик корхоналари иқтисодиётини мустаҳкамлаш учун қўшимча шарт-шароитларни яратиш мақсадида:

1. Қорақалпоғистон Республикаси Вазирлар Кенгаши, Хоразм вилояти ижроия комитети Ўзбекистон Республикаси Қишлоқ хўжалиги вазирлиги билан биргаликда ўн кун муддат ичида 1991 йилнинг апрель-май ойларида табиий офатлардан зарар кўрган пахтакор хўжаликлари аниқлансин ва уларнинг рўйхати Ўзбекистон Республикаси Президенти ҳузуридаги Вазирлар Маҳкамаси билан келишилган ҳолда тасдиқлансин.

2. Ана шу хўжаликларга Ўзбекистон Республикаси Президентининг 1991 йил 30 сентябрдаги Фармони асосида тасдиқланган тартибга мувофиқ 1991 йилги пахта ҳосилидан ишлаб чиқилган пахта толаси амалдаги ҳажмининг 5 фоизигача ўз хоҳишига кўра тасарруф этиш ҳуқуқи берилсин.

Ўзбекистон Республикасининг Президенти                                И. Каримов

"Ўзбекистон Республикаси Олий Кенгашининг Ахборотномаси", 1992 й., 1-сон, 14-модда