Жазони ижро этиш муассасаларидан бўшатилган шахслар устидан ички ишлар идораларида маъмурий назорат ўрнатиш ва уни амалга ошириш тартиби тўғрисида Йўриқнома (АВ томонидан 07.05.2002 й. 1135-сон билан рўйхатга олинган Ички ишлар вазирлигининг 26.02.2002 й. 51-сон буйруғи билан тасдиқланган)

Функция недоступна

Ўзбекистон Республикаси

Адлия вазирлигида

2002 йил 7 майда 1135-сон

билан рўйхатга олинган

Ички ишлар вазирининг

2002 йил 26 февралдаги

51-сон буйруғи билан

ТАСДИҚЛАНГАН

Жазони ижро этиш муассасаларидан бўшатилган

шахслар устидан ички ишлар идораларида

маъмурий назорат ўрнатиш ва уни амалга

ошириш тартиби тўғрисида

ЙЎРИҚНОМА

Ушбу Йўриқнома Ўзбекистон Республикасининг "Жазони ижро этиш муассасаларидан бўшатилган шахслар устидан ички ишлар идораларининг маъмурий назорати тўғрисида"ги Қонуни ва унга киритилган кейинги ўзгартиришлар асосида ишлаб чиқилган бўлиб, жазони ижро этиш муассасаларидан бўшатилган шахслар устидан ички ишлар идораларида маъмурий назорат ўрнатиш ва уни амалга ошириш тартибларини белгилаб беради.

I. УМУМИЙ ҚОИДАЛАР

1. Маъмурий назорат жазони ижро этиш жойларидан бўшатилган шахсларнинг турмуш тарзи ҳамда ҳулқ-атворини кузатиш, улар томонидан жиноят содир этилишининг олдини олиш ва уларда ижобий-ижтимоий дунёқарашни шакллантириш мақсадида суд томонидан 6 ойдан 1 йилгача бўлган муддатга ўрнатилади.

2. Маъмурий назоратни амалга оширишда ички ишлар идоралари Ўзбекистон Республикасининг "Жазони ижро этиш муассасаларидан бўшатилган шахслар устидан ички ишлар идораларининг маъмурий назорати тўғрисида"ги Қонуни ва маъмурий назорат ўрнатиш ҳақидаги суд қарорида кўзда тутилган назорат қоидалари ҳамда белгиланган чекланишларни қўллаш билан бирга назорат остидагиларга нисбатан зарур профилактик ва тезкор тадбирларини олиб борадилар.

3. Маъмурий назоратни амалга оширишда ички ишлар идоралари ходимларининг ҳуқуқ ва мажбуриятлари Ўзбекистон Республикасининг амалдаги Қонунлари ва ушбу Йўриқнома билан белгиланади.

4. Маъмурий назорат ўрнатиш ва амалга оширишда ички ишлар идораларининг тегишли хизматчилари қуйидаги асосий вазифаларни бажарадилар:

жазони ижро этиш муассасаси маъмурияти жазони ўташ даврида маъмурий назорат остига олиниши белгиланган шахсларни жазони ижро этиш муассасасидан бўшатишдан 1 ой олдин уларнинг танлаган турар жойларидаги ички ишлар идораларига бўшатилаётган шахсларнинг етиб бориш вақтини хабар қилган ҳолда, судьянинг маъмурий назорат ўрнатиш тўғрисидаги қарорини юборади;

озодликка чиқарилаётган шахснинг баъзи бир сабабларга кўра аниқ борадиган жойи бўлмаса, ҳокимиятлар қошидаги "махсус комиссия"лар ёрдамида уй-жой билан таъминлашга (агар шахс ҳукм қилинмасдан олдин шу туманда яшаганлиги тўғрисида асосли ва далилий ҳужжатлар бўлса), доимий ёки вақтинчалик рўйхатга қўйишга ҳамда ишга жойлаштиришга ёрдам беришни сўраб, шунингдек, ногирон ёки оғир касалликларга (сил, саратон) чалинганларини даволаш масалаларини олдиндан ҳал қилиш тўғрисида ҳокимликларга, ички ишлар ва соғлиқни сақлаш идораларига хат юборади.

5. Паспорт хизмати ходимлари жазони ижро этиш муассасаларидан бўшатилган маъмурий назорат ўрнатилган шахсларни яшаш жойларига етиб келган кундан бошлаб 3 кун ичида рўйхатдан ўтказиб, паспортларининг ўз вақтида берилишини таъминлайдилар. 13-шаклдаги варақалар бўйича бу шахсларни ҳисобга олиб, билдирги билан шаҳар, туман ички ишлар бўлими бошлиғи ёки унинг ўринбосарини хабардор қиладилар ва тегишли кўрсатма олгандан сўнг билдиргининг биринчи нусхасини мазкур шахс қайд қилинган ҳудуднинг профилактика инспекторига, иккинчисини эса шаҳар, туман ИИБ навбатчилик қисмлари назоратига берадилар.

6. Туман (шаҳар) ИИБдаги навбатчи ходимлар навбатчилик қисмидаги профилактик рўйхатда бўлган муқаддам судланган шахсларга тўлдирилган 13-шаклдаги варақалар тўғрисидаги маълумотларни аниқ билишлари шарт.

7. Профилактика инспекторлари маъмурий назорат ўрнатилган шахслар томонидан назорат қоидаларига ҳамда белгиланган чекланишларга риоя этилишини назорат қиладилар, уларнинг иш ва турар жойларида маъмурий назоратни амалга ошириш ишларига фуқароларнинг ўзини ўзи бошқариш органлари вакиллари ва маҳалла посбонларини жалб қиладилар. Профилактика инспекторлари тезкор ходимлар ва патруль-пост хизмати ходимлари билан назорат остидагилар томонидан содир этиладиган жиноятларнинг олдини олиш бўйича ҳамкорлик қиладилар, уларга назорат остидаги шахсларнинг яшаш, ўқиш ва ишлаш жойлари тўғрисидаги аниқ маълумотларни бериб, шу асосда вазифалар юклайдилар.

8. Маъмурий назорат остидаги шахс доимий яшаш жойини ички ишлар идораларини хабардор қилмасдан, бошқа жойга сабабсиз кетиб қолса, профилактика инспектори туман ИИБ ЖҚ ва УЖҚКБ ходими билан биргаликда холислар иштирокида ушбу ҳақда далолатнома тузадилар ва суднинг қарорига биноан белгиланган тартибда қидирувни амалга ошириш чораларини кўрадилар.

9. Ички ишлар идораларининг патруль-пост хизмати ходимлари жамоат тартибини сақлаш бўйича хизмат маршрутларида ўз бурчларини бажариш билан бирга, профилактика инспекторининг маълумотларига кўра маъмурий назорат остида турган шахслар кузатувини амалга оширадилар ҳамда улар томонидан назорат қоидалари ва чекланишлар бузилганлиги ёки ҳуқуқбузарликлар содир этилганлиги аниқланса, бу тўғрида туман (шаҳар) ички ишлар бўлими бошлиғига билдирги билан хабар берадилар.

10. Профилактика катта инспектори ва профилактика инспекторлари милиция таянч пунктига хизматга келган патруль-пост хизмати ходимлари ва бошқа хизмат ходимларига мазкур ҳудудда яшайдиган маъмурий назоратда турган шахслар тўғрисидаги маълумотларни (фамилияси, исми, шарифи, суд томонидан белгиланган чекланишлар, фотосурати ва яшайдиган манзили)ни уларнинг хизмат варақаларига ёздириб қўядилар.

11. "Иш ва яшаш жойи ноаниқ шахсларни реабилитация қилиш" марказлари ходимлари, туман (шаҳар) ички ишлар идоралари навбатчилари, турли қонунбузарликлар учун ушланганлар орасидан назоратда турувчи шахсларни аниқлайдилар, бир кеча-кундуз ичида бу шахслар томонидан йўл қўйилган қонунбузарликлар ва назорат қоидаларининг бузилганлиги, шу жумладан, маъмурий назоратдан бўйин товлаган назоратда турувчиларнинг ушлангани ҳақида уларнинг турар жойларидаги туман (шаҳар) ички ишлар идораларига хабар қиладилар.

II. ЖАЗОНИ ИЖРО ЭТИШ МУАССАСАЛАРИДАН ОЗОД

ҚИЛИНАЁТГАН ШАХСЛАР УСТИДАН МАЪМУРИЙ

НАЗОРАТ ЎРНАТИШ АСОСЛАРИ ВА ТАРТИБИ

12. Ўта оғир жиноятлар содир этганлиги учун судланиб, озодликдан маҳрум қилинганларга нисбатан маъмурий назорат ЖИЭМлар маъмурияти тақдимномасига асосан ўрнатилади.

13. Оғир жиноятлар содир этганлиги учун судланиб, озодликдан маҳрум қилинган ёки икки ва ундан ортиқ ҳар қандай қасддан жиноятлар содир этган, жазони ўташ даврида жазони ижро этиш муассасаларида ўрнатилган қонуний тартиб-қоидаларни мунтазам бузиб, тузалиш йўлига ўтмаган шахслар устидан жазони ижро этиш муассасаси маъмурияти (бундан кейинги матнларда ЖИЭМ) судга маъмурий назорат ўрнатиш тўғрисида тақдимнома киритади.

14. ЖИЭМ ходимлари озод қилинаётган шахс устидан маъмурий назорат ўрнатиш учун қуйидаги вазифаларни амалга оширади:

ЖИЭМ махсус бўлими жазо муддати тугашидан уч ой аввал маъмурий назорат тўғрисидаги қонун таъсирига тушадиган маҳкумларнинг рўйхатларини тузиб, туркум бошлиқларига, тезкор ва тартибот бўлимларига, иш билан таъминлаш нозирига топширади;

маҳкум Жазони ижро этиш муассасасидан бўшайдиган кун унга бериладиган озод этилганлиги тўғрисидаги маълумотномага "Маъмурий назорат ўрнатилган" деган муҳр босилади;

туркум бошлиғи рўйхатни олган кунидан бошлаб 5 кун ичида маҳкумга жазони ўташ давридаги хулқ-атвори тўғрисида 3 нусхада тўлиқ тавсифнома ёзиб, муассаса бошлиғининг тезкор-тартибот ва тарбиявий ишлар бўйича ўринбосарлари билан келишиб, муассаса бошлиғига тасдиқлатиб, тартибот бўлимига топширади;

тартибот бўлими ходими тавсифномани олгандан кейин 1 ой ичида уни маҳкумнинг бошқа ҳужжатлари билан муассаса маъмурияти комиссиясига тақдим этади. Комиссия жазодан озод қилинаётган маҳкумга нисбатан тақдим этилган ҳужжатларни кўриб чиқиб назорат ўрнатиш ёки ўрнатмаслик ҳақида қарор қабул қилади;

маҳкум озод қилинишидан 1 ой олдин тартибот бўлими ходими назорат ўрнатиш ҳақидаги комиссия қароридан кўчирма, тавсифнома, тўпланган бошқа ҳужжатларни илова қилган ҳолда ҳудудий туман (шаҳар) судига муассаса бошлиғининг имзоси билан 3 нусхада тақдимнома тайёрлайди ва жўнатади (1-илова);

судьянинг маъмурий назорат ўрнатиш тўғрисидаги қарори назорат остига олинган шахсга жазони ижро этиш муассасаси бошлиғи томонидан тилхат орқали таништирилади;

маъмурий назорат ўрнатиш тўғрисидаги суднинг қарори маҳкум ЖИЭМдан озод этилишидан 10 кун олдин етиб бориш вақтини аниқ кўрсатган ҳолда тартибот бўлими томонидан маҳкум танлаган турар жойидаги ички ишлар идорасига юборилади;

иш ва яшаш жойи билан таъминлаш масалалари бўйича катта нозир махсус бўлимдан маъмурий назорат ўрнатилган шахслар рўйхатини олган кундан бошлаб, рўйхатда кўрсатилган маҳкумлар билан суҳбат ўтказиб, жазодан озод қилингандан кейин қаерда яшаши бўйича суҳбат ўтказади, маҳкумнинг шахсий йиғма жилдида кўрсатилган яшаш жойи билан солиштиради, агарда бошқа манзил кўрсатилган бўлса бунинг сабабини аниқлайди, йиғма жилддан батафсил маълумот тузиб, маҳкум яшаш учун танлаган туман (шаҳар) ИИБга хабарнома юборади;

хабарномада ЖИЭМдан озод этилаётган шахснинг фамилияси, исми, шарифи, туғилган йили, манзилгоҳи ва унга нисбатан маъмурий назорат ўрнатилганлиги ҳақидаги маълумотлар кўрсатилади.

III. ЖАЗОНИ ИЖРО ЭТИШ МУАССАСАЛАРИДАН

БЎШАТИЛИБ, МАЪМУРИЙ НАЗОРАТ ЎРНАТИЛГАН

ШАХСЛАРНИ ТУМАН (ШАҲАР) ИИБДА ҲИСОБГА ҚЎЙИШ

15. Туман (шаҳар) ички ишлар бўлими бошлиғи ёки унинг ўринбосари жазони ижро этиш жойларидан жазо муддатини ўтаган шахсга нисбатан маъмурий назорат ўрнатилганлиги тўғрисидаги суд қарорини олгач, уни маъмурий назоратни амалга оширишга масъул бўлган ҳуқуқбузарликларнинг олдини олиш хизмати ходимига ўтказади ва унга мазкур қарор ижросини, назоратга олинган шахснинг танлаган турар жойга кўрсатилган муддатда етиб келишини назорат қилиш, шунингдек ушбу шахсга паспорт рўйхати қайдномаларини расмийлаштиришга ва ишга жойлашишга ёрдам кўрсатиши тўғрисида топшириқ беради.

16. Маъмурий назорат ўрнатиш тўғрисидаги суд қарорини олган ходим жазони ижро этиш муассасасидан келган маъмурий назорат ўрнатилган шахс билан суҳбатлашади, унинг ўз вақтида паспорт қайдномасидан ўтишини назоратга олади, уй-жой билан таъминланиши, ишга жойлашиши учун белгиланган тартибда ҳокимликлар ҳузуридаги Ижтимоий кўникма марказларига юборади. Судья томонидан чекланишларни қисқартириш ёки тўлдириш тўғрисида қарор чиқарилгандан кейин туман (шаҳар) ички ишлар бўлими бошлиғи назоратда турувчига тилхат (2-илова) орқали маълум қилади.

17. Профилактика инспектори маъмурий назорат йиғма жилди (3-илова)га ҳужжатларни тўплайди ва маъмурий назоратда турувчилар ҳамда вақтинча келиб назоратда турганлар учун белгиланган китобга қайд этиб, рўйхатдан ўтказади (4-илова). Рўйхатдан ўтказгач, у ахборот варақасини тўлдиради (5-илова) ва вилоят, туман (шаҳар) манзилгоҳлар идорасига юборади, милиция таянч пунктлари паспортига назоратда турувчига оид маълумотларни ёзиб қўяди.

18. Маъмурий назорат ўрнатиш тўғрисидаги қарор нусхасини ЖҚ ва ТҚКБ оператив вакили маъмурий назорат жилдининг махсус қисмини тайёрлаб юритиш учун олади.

19. Жазони ижро этиш муассасаларидан маъмурий назорат ўрнатилганлик тўғрисидаги қарор ёки жазони ижро этиш жойидан бўшаган шахс озод этилганлиги ҳақидаги маълумотномада кўрсатилган жойга ўз вақтида етиб келмаса, назоратни амалга оширувчи ходим бу ҳақда жазони ижро этиш муассасасига ёки шаҳар, туман ички ишлар бўлимига сўров қоғози юборади. Сўров қоғозида маъмурий назорат ўрнатилганлик тўғрисидаги қарорни юбориш ёки назоратда турувчи ва мазкур қарорнинг қаерга юборилганлиги ҳақидаги маълумотлар талаб этилади.

20. Маъмурий назорат назоратда турувчи шахснинг паспорти қайдномадан ўтказилган жойда амалга оширилади. Агар назоратда турувчида баъзи узрли сабабларга кўра мазкур манзилгоҳдаги турар жойда яшаш имконияти бўлмаса унинг ёзма аризасига биноан туман (шаҳар) ички ишлар бўлими бошлиғи назоратда турувчига вақтинча хизмат ҳудудидаги бошқа жойда яшаб туришига рухсат бериши мумкин. Мазкур туман ҳудудидан ташқарида яшаши зарур бўлган тақдирда эса унга ўша жойдаги ички ишлар идорасининг бошлиғи паспорт қайдномасига рухсат беради.

IV. ТУМАН (ШАҲАР) ИЧКИ ИШЛАР БЎЛИМЛАРИ

ТАШАББУСИ БИЛАН МАЪМУРИЙ НАЗОРАТ ЎРНАТИШ

АСОСЛАРИ ВА ТАРТИБИ

21. Ўта оғир жиноятлар содир этганлиги учун озодликдан маҳрум этилиб, жазо муддатини ўтаб озодликка чиққанларга нисбатан маъмурий назорат ички ишлар идораларининг ташаббуси билан ҳам ўрнатилиши мумкин.

22. Оғир жиноятлар содир этганлиги учун судланиб, озодликдан маҳрум қилишга ҳукм этилган ёки ҳар қандай қасддан қилинган жиноятлар учун икки ёки ундан ортиқ марта ҳукм этилган шахсларга нисбатан, агар улар жазо муддатини ўтаб бўлганларидан сўнг ички ишлар идораларининг жамиятга зид турмуш тарзи юритишни тўхтатиш тўғрисидаги огоҳлантириши (6-илова)га қарамай, жамоат тартибини мунтазам бузаётган ва фуқароларнинг қонуний манфаатларига зарар етказаётган бўлсалар, бундай шахслар устидан маъмурий назорат ички ишлар бўлими бошлиғининг тақдимномасига асосан суднинг қарори билан ўрнатилади.

23. Жазони ижро этиш муассасаларидан бўшатилган шахслар устидан маъмурий назорат ўрнатиш учун асос унинг жамияга зид турмуш тарзи юритаётганлиги, ҳуқуқбузарликлар содир этаётганлигидан далолат берувчи ҳужжатлар хисобланади.

24. Профилактика инспектори назорат ўрнатилган шахсларнинг ҳуқуқбузарлик содир этиши тўғрисида ўз вақтида тегишли маълумот ва ҳужжатларга эга бўлиш мақсадида уларнинг ҳулқ-атворини яшаш ва иш жойларида мунтазам назорат қилиб боради. Бундай тоифадаги шахсларни тартиббузарлар варақалари сақланадиган жойларда камида ойда бир марта текширилади, шунингдек текширишда "Иш ва яшаш жойи ноаниқ шахсларни реабилитация қилиш марказлари", тиббий муассасалар, туман (шаҳар) ички ишлар бўлимлари ва бошқа шу каби жойлардан келган маълумотлардан фойдаланади.

25. Профилактика инспектори туман (шаҳар) ИИБ бошлиғига билдирги ёзиб, маъмурий назорат ўрнатиш мақсадга мувофиқ эканлигини баён қилади. Билдиргига ҳуқуқбузарлик содир этганлиги ва тегишли ҳужжатлар (ҳуқуқбузарликни ва ҳуқуқбузар ҳулқ-атворини таърифловчи бошқа фуқароларнинг тушунтириш хатлари, жавобгарликка тортилгани ҳақидаги баённоманинг нусхаси) илова қилинади.

26. Туман (шаҳар) ички ишлар бўлимининг бошлиғи билдирги ҳамда унга илова қилинган ҳужжатларни кўриб чиқиб, уларни ушбу шахс устидан маъмурий назорат ўрнатиш зарурлиги тўғрисидаги тақдимнома билан бирга судга юборади (1-илова). Тақдимноманинг нусхаси кейинчалик назорат йиғма жилдига қўшиб қўйиш учун ички ишлар бўлимида қолади.

27. Суднинг маъмурий назорат ўрнатиш тўғрисидаги қарори туман (шаҳар) ички ишлар бўлими бошлиғи томонидан назорат остига олинган шахсга тилхат орқали эълон қилинади. Шу билан бирга унга назорат қоидалари, мажбурияти ва чекланишларнинг бузилишидаги, шунингдек, маъмурий назоратдан бўйин товлаб яшаш жойини ўзича ташлаб кетгандаги жавобгарликлари тушунтирилади.

V. ИЧКИ ИШЛАР БЎЛИМЛАРИДА МАЪМУРИЙ

НАЗОРАТНИ АМАЛГА ОШИРИШ ТАРТИБИ

28. Профилактика инспектори маъмурий назоратни амалга оширишда:

назорат остида турувчи шахс ишлайдиган ва ўқийдиган муассаса ва жамоат ташкилотлари маъмуриятидан, турар жойидаги фуқаролар ўзини ўзи бошқариш идораларидан бу шахснинг ҳулқ-атвори тўғрисида маълумотлар талаб қилади;

белгиланган давлат, жамоат ва хўжалик ташкилотларига назоратда турувчини иш ва турар жой билан таъминлаш тўғрисида тавсиялар киритади;

назоратда турувчини милиция бўлимига суҳбатга чақиради. Имкони борича бундай суҳбатларни корхона, муассаса, жамоат ташкилотлари маъмурияти, фуқароларнинг ўзини ўзи бошқариш органи вакиллари, маҳалла оқсоқоли, маҳалла посбони, назоратда турувчининг қариндошлари, шунингдек суҳбат мавзусига тегишли бўлган шахслар иштирокида ўтказиш зарур;

назоратда турувчидан маъмурий назорат қоидаларини бажариш билан боғлиқ масалалар бўйича оғзаки ва ёзма тушунтиришлар талаб қилади;

назоратда турувчининг турар жойини соат 6.00 дан 22.00 гача бориб кўриш мумкин.

29. Профилактика инспектори назоратда турувчи шахс яшайдиган жойга маҳалла посбони, фуқароларнинг ўзини ўзи бошқариш органлари фаоллари ёки бошқа жамоатчилик вакиллари билан кирмоғи лозим.

30. Профилактика инспектори маъмурий назорат остида турувчи шахсга самарали профилактик таъсир ўтказишни таъминлаши учун ички ишлар бўлимларининг бошқа хизмат ходимлари ва жамоатчилик вакиллари билан узвий ҳамкорлик қилмоғи лозим.

31. Профилактика инспектори назоратда турувчи шахс билан маъмурий назоратдан бўйин товламаслиги ва белгиланган чекланишларнинг бузилишига йўл қўймаслиги тўғрисида огоҳлантириш ишлари олиб бориши шарт. Бундай шахсларнинг маъмурий назоратдан бўйин товлаши тўғрисида маълумот олган пайтда назоратнинг самарадорлигини ошириш мақсадида белгиланган чекланишларнинг тўлдирилишини сўраб ИИБ бошлиғига билдирги билан мурожаат этиб, судга ички ишлар бўлими бошлиғи номидан асосли тақдимнома юборилишини ташкиллаштиради (7-илова).

32. Назоратда турувчининг маъмурий назорат қоидаларига ва белгиланган чекланишларга риоя қилаётганини текшириб бориш у яшаб турган жойдаги профилактика инспектори ва криминал ва уюшган жиноятчиликка қарши кураш ходими томонидан амалга оширилади. Текшириш вақти, оралиғи ва усуллари жазони ижро этиш жойларидан олинган маълумотлар, назоратда турувчининг шахси, унинг хулқ-атвори, турмуш тарзи, жиноий алоқалари ва қайтадан жиноят содир қилиши мумкин ёки йўқлигидан келиб чиққан ҳолда белгиланади. Аммо текширишлар оралиғи 1 ойда 2 мартадан кам бўлмаслиги лозим.

Назоратда турувчининг яшаш жойида ўтказиладиган текширув унинг ва оила аъзоларининг обрўсига, инсоний иззат-нафсига тегмаган ҳолда хушмуомалалик ва одоб билан амалга оширилиши керак. Текшириш натижалари бўйича назорат варақаси тўлдирилади (8-илова).

33. Назоратда турувчига нисбатан милицияга келиб қайд эттириб кетиш тўғрисида чекланиш белгиланган бўлса, бундай қайдномани Милиция таянч пунктида профилактика инспектори амалга оширади (9-илова). Назоратда турувчининг қайддан ўтиш учун келиши унинг танлаган жойида яшаётганлигини текшириш, шунингдек, профилактик суҳбатлар ўтказиб туришда зарур бўлиб, фақат унинг келиш вақти, иши ва ўқишига салбий таъсир кўрсатмаслигини ҳисобга олган ҳолда белгиланмоғи лозим.

34. Маъмурий назорат ва белгиланган чекланиш қоидаларининг ҳар бир бузилиши ҳолати бўйича профилактика инспектори холислар иштирокида баённома тузади ва ички ишлар бўлими бошлиғи томонидан белгиланган тартибда тегишли чора кўриш учун судга жўнатади (10-илова).

35. Агар маъмурий назорат ва чекланиш қоидаларининг бузилиши назоратда турувчи яшамайдиган туман (шаҳар) ички ишлар бўлими ходимлари томонидан аниқланса, маъмурий ҳуқуқбузарлик тўғрисидаги баённома мазкур шахс устидан маъмурий назорат олиб бораётган туман (шаҳар) ИИБга чора кўриш учун юборилади.

36. Назоратда турувчига назорат ва чекланишлар қоидаларини бузганлиги учун шу қоидаларни бузган кундан бошлаб икки ой муддат ичида маъмурий чоралар кўриш мумкин.

37. Назоратда турувчилар суд қарорида белгиланган чекланиш талабларини бузганликлари учун маъмурий ёки жиноий жавобгарликка тортилишлари мумкин.

38. Назоратда турувчи назорат ва чекланишлар қоидаларини бузганлиги учун 1 марта маъмурий жавобгарликка тортилган бўлиб яна шундай қоидабузарлик содир этса, профилактика инспектори туман (шаҳар) ички ишлар бўлими бошлиғига ушбу ҳужжатларни маълум қилиб назоратда турувчини маъмурий назорат ўрнатиш тўғрисидаги қарорда белгиланган чекланишларни атайлаб, қасддан бузаётганлиги учун жиноий жавобгарликка тортиш масаласини ҳал этиш лозимлигини билдиради.

39. Назоратда турувчининг маъмурий назорат қоидаларини бузганлиги учун маъмурий ёки жиноий жавобгарликка тортиш масаласи ҳал этилаётганда Қонуннинг 5 ва 19-моддаларида кўзда тутилмаган ҳаракатлар, шунингдек, қонунда кўрсатилган бўлсада, бироқ маъмурий назорат ўрнатиш тўғрисидаги қарорда санаб ўтилмаган чекланиш қоидалари бузилганлиги ҳисобга олинмайди.

40. Назоратда турувчи бошқа туман ички ишлар бўлими ҳудудига етиб келгач ҳуқуқбузарликларнинг олдини олиш хизмати ходими ёки туман (шаҳар) ички ишлар бўлими навбатчиси уни вақтинчалик яшаш учун келган назоратда турувчилар китобига (4-илова) қайд этади, бир кеча-кундуз ичида унинг келганлиги тўғрисида вақтинча яшаб турадиган ҳудуддаги профилактика инспекторига маълум қилади, назоратда турувчининг келганлиги ва кетганлиги тўғрисида маълум қилади.

41. Профилактика инспектори вақтинчалик яшаш муддати давомида назоратда турувчининг ҳулқ-атвори ва турмуш тарзини текшириб туради, назоратда турувчининг бу ерда бўлиши муддати тугагач, унинг чиқиб кетишини таъминлайди.

42. Маъмурий назорат остида турувчи шахс доимий яшаш жойини ўзгартирганда профилактика инспектори бу ҳақда дарҳол унинг янги турар жойидаги ички ишлар бўлимини (11-илова) ва манзилгоҳлар идорасини (12-илова) хабардор қилади. Маъмурий назорат остида турувчи шахс ҳам турар жойи ўзгарганда тааллуқли ички ишлар идораларини зудлик билан хабардор қилиши шарт.

Назоратда турувчининг янги турар жойидаги ички ишлар бўлими 3 кун муддат ичида аввалги яшаш жойидаги ички ишлар бўлимидан унинг маъмурий назорат йиғма жилдини талаб қилиб олади.

43. Маъмурий назорат ўрнатилган шахс танлаган яшаш жойига келмаса профилактика инспектори унинг йўқлигини аниқлаган вақтидан бошлаб 3 кун ичида қидириб топиш чораларини кўради ва маъмурий назорат қоидаларининг бузилганлиги тўғрисида холислар иштирокида назоратда турувчига нисбатан баённома тузади ҳамда ички ишлар бўлими бошлиғи ёки ўринбосарига маълум қилади. Назоратда турувчининг назоратдан бўйин товлаб яшаш жойига келмаётганлиги тўғрисида етарли асослар бўлган тақдирда туман (шаҳар) ички ишлар идоралари томонидан назорат ўрнатилган шахс чекланишларни бузганлиги, маъмурий назоратдан бўйин товлагани учун унга нисбатан йиғилган ҳужжатлар судга юборилади ва суд қарорига асосан назорат ўрнатилган шахсга нисбатан қидирув эълон қилинади.

VI. НАЗОРАТДА ТУРУВЧИГА НИСБАТАН ЧЕКЛАНИШЛАРНИ

ҚИСҚАРТИРИШ ЁКИ ТЎЛДИРИШ ВА МАЪМУРИЙ

НАЗОРАТ МУДДАТИНИ УЗАЙТИРИШ ЁКИ ТЎХТАТИШ

АСОСЛАРИ ВА ТАРТИБИ

44. Назоратда турувчининг турмуш тарзи, ҳулқ-атворидан келиб чиққан ҳолда, унга нисбатан маъмурий назорат ўрнатилган пайтда белгиланган чекланишлар қонунда белгиланган тартибда қисқартирилиши ёки тўлдирилиши мумкин.

Чекланишларни тўлдиришда назоратда турувчининг маъмурий назорат қоидаларига ва чекланиш талабларига риоя қилмаётгани, ҳуқуқбузарликлар содир этаётгани, ижтимоий фойдали меҳнатдан бўйин товлаётгани тўғрисидаги ҳужжатлар асос бўлиб хизмат қилади.

Чекланишларни қисқартиришда назоратда турувчининг маъмурий назорат қоидалари ва белгиланган чекланиш талабларига риоя қилаётгани, ҳуқуқбузарликлар содир этмаётгани, ҳалол меҳнат қилаётгани, унинг тўғри йўлга тушиб олганлигини кўрсатувчи ҳужжатлар асосий мезон бўлиб хизмат қилади.

45. Профилактика инспектори чекланишларни қисқартириш ёки тўлдириш хақида туман (шаҳар) ички ишлар бўлими бошлиғига билдирги билан мурожаат қилади. ИИБ бошлиғи билдиргини кўриб чиқиб судга асосли тақдимнома (7-илова) киритади. Судья томонидан чекланишларни қисқартириш ёки тўлдириш тўғрисида қарор чиқарилгандан кейин туман (шаҳар) ички ишлар бўлими бошлиғи назоратда турувчига тилхат орқали маълум қилади.

46. Маъмурий назорат остида турган шахс белгиланган вақт ичида тузалиш йўлига ўтмаган, жамоат тартибини бузаётган, фуқароларнинг қонуний манфаатларига путур етказаётган ёки ўзига нисбатан қўлланилаётган чекланишларга риоя этмаётган тақдирда унга нисбатан назорат муддатини ҳар гал 6 ойга узайтириш мумкин, бу ҳолда муддат Ўзбекистон Республикаси Жиноят кодексининг 78-моддасида кўрсатилганидек мазкур жиноят учун судланганлик муддати тугаши ёки олиб ташланиши муддатидан ортиқ бўлмаслиги керак.

47. Маъмурий назорат муддатини узайтиришда фақат белгиланган қоидалар ва чекланишдаги талабларни бузганлиги учун эмас, балки назоратда турувчининг жамоат тартиби қоидаларини бузганлиги сабабли маъмурий ва жамоатчилик таъсири ўтказиш чоралари кўрилганлиги, Ўзбекистон Республикаси ЖКнинг 226-моддасига асосан жарима тариқасидаги жазога тортилиши ҳам ҳисобга олинади. Бундай пайтларда туман (шаҳар) ички ишлар бўлими бошлиғи назорат муддати тугамасдан 15 кун олдин назоратда турувчига нисбатан асосланган тақдимнома (13-илова)ни тегишли ҳужжатлар билан қўшиб, судга жўнатади.

VII. МАЪМУРИЙ НАЗОРАТНИ ТЎХТАТИШ

48. Маъмурий назорат қуйидаги ҳолатларда тўхтатилади:

ўрнатилган назорат муддати тугаганда, агар узайтириш учун сабаб ва асослар йўқ бўлса;

маъмурий назорат суд томонидан ИИБнинг асослантирилган тақдимномасига асосан муддатидан илгари, агар назоратда турувчи ҳақиқатан ҳам қатъий, тўғри йўлни танлаб, ҳалол меҳнат қилишга киришган бўлса ҳамда иш ва турар жойидан яхши тавсифланса (бу ҳолатда маҳалла қўмиталари ва иш жойларидан олинган ижобий тавсифномалар, қўшниларининг тушунтириш хатлари ҳамда профилактика инспекторининг батафсил маълумотномаси асос бўлади);

назоратда турувчининг судланганлик муддати тугаса ёки судланганлиги олиб ташланса;

назоратда турувчи жиноий жавобгарликка тортилганда ёки мажбурий даволанишга юборилганда.

49. Назоратда турувчининг турмуш тарзи ва ҳулқ-атвори оператив ҳисобот маълумотларига қараганда унинг тузалиш йўлига кирганлиги, бир йил давомли кузатувга муҳтож эмаслигини кўрсатса назоратни амалга оширувчи ходим маъмурий назорат муддати тугашидан уч кун аввал туман (шаҳар) ички ишлар бўлими бошлиғига назоратни тўхтатиш тўғрисида маълум қилади. Туман (шахар) ички ишлар бўлими бошлиғи ҳужжатлар билан танишиб, асосланган қарор чиқаради (14-илова) ва унинг бир нусхаси жиноят қидирув тезкор вакилига берилади.

50. Туман (шаҳар) ички ишлар бўлими бошлиғи назоратда турувчига маъмурий назоратнинг тўхтатилгани ҳақидаги қарорни маълум қилади, у билан кейинги ҳулқ-атвори, ҳуқуқбузарликлар содир этмаслиги, акс ҳолда яна қайтадан назоратга олиниши тўғрисида суҳбатлашиб, уни огоҳлантиради.

51. Маъмурий назорат тўғрисидаги қонуннинг 8-моддаси "б" банди бўйича тўхтатиладиган бўлса, назоратни амалга оширувчи ходим назоратда турувчининг тўғри йўлга тушганлиги ва ҳалол меҳнат қилаётгани тўғрисида етарли ҳужжатларни тўплайди ҳамда туман (шаҳар) ички ишлар бўлими бошлиғига маълум қилади. Туман (шаҳар) ички ишлар бўлими бошлиғи маъмурий назоратни муддатидан илгари тўхтатиш тўғрисидаги (15-илова) ҳужжатларни ва асосланган тақдимномани судга ҳал этиш учун жўнатади ва у ўн кун муддат ичида кўриб чиқилади.

VIII. МАЪМУРИЙ НАЗОРАТНИ ЎРНАТИШ ВА АМАЛГА

ОШИРИШ БЎЙИЧА ИШ НАТИЖАЛАРИГА БАҲО БЕРИШ

52. Жазони ижро этиш муассасаларида:

маъмурий назоратга олиш мумкин бўлган, шунингдек, тузалиш йўлига кирмаган ва ҳалол меҳнат қилишни хоҳламайдиган маҳкумларнинг аниқ ҳисобини билиш;

маъмурий назорат ўрнатиш учун асос бўладиган ҳужжатларнинг тўлалиги ва асосланганлиги, маъмурий назорат ўрнатиш тўғрисидаги қарорнинг ўз вақтида чиқарилиб, маҳкумнинг танлаган яшаш жойидаги туман (шаҳар) ички ишлар бўлимига юборилиши;

маъмурий назоратга олинган шахснинг ҳулқ-атвори жиноятчилик алоқалари ва ўйлаган мақсадлари тўғрисидаги маълумотларнинг сифати ва уларнинг яшаш учун танлаган жойдаги туман (шаҳар) ички ишлар бўлимларига ва Ички ишлар вазирлиги, Ички ишлар Бош бошқармаси, ички ишлар бошқармаси ахборот марказларига ўз вақтида етказиб берилиши;

судланиш аломатларига кўра Қонуннинг 4-моддаси "а", "в" бандлари таъсирига тушувчи озодликдан маҳрум этиш жойларидан бўшайдиган ва маъмурий назорат ўрнатилган шахсларни олдиндан иш ва турар жой билан таъминлаш чоралари кўрилганлиги.

53. Туман (шаҳар) ички ишлар бўлимларида:

судланиш аломатларига кўра қонун таъсирига тушувчи, мунтазам ҳуқуқбузарликлар содир этувчи шахслар устидан ўз вақтида маъмурий назорат ўрнатилиши, шунингдек, маъмурий назорат остида турувчи шахсларга нисбатан чекланишларни ўзгартириш тўғрисида тақдимнома тайёрлаш;

назоратда турувчилар томонидан жиноятлар ва ҳуқуқбузарликлар содир этишга йўл қўймаслик бўйича профилактик таъсир ўтказиш самарадорлиги, ишга жойлашиш ва меҳнат жамоаларига бириктириб қўйишда уларга ёрдам бериш;

назоратда турувчиларнинг ҳулқ-атвори ва турмуш тарзини кузатиб бориш аҳволи, улар томонидан маъмурий назорат ва чекланишлар қоидаларига риоя қилиниши, турар жой ва иш билан таъминланишига ёрдам бериш;

туман (шаҳар) ички ишлар бўлимида маъмурий назорат ўрнатиш ва уни амалга оширувчи ходимнинг яшаш жойи ўзгариши ёки қисқа муддатга бошқа минтақаларга бориб ишлашга тўғри келиб қолишини ҳисобга олган ҳолда, унинг касб маҳоратини бошқа ходимларга ҳам ўргатиш ва ўринбосарлар тайёрлаш;

жазони ижро этиш муассасаларидан бўшатилаётган пайтда танлаган яшаш жойларига келмаган назоратда турувчи, шунингдек, маъмурий назоратдан бўйин товлаш мақсадида яшаш жойларидан кетиб қолган шахсларни қидирув ишларини амалга ошириш;

жазони ижро этиш жойларидан бўшатилган шахслар устидан маъмурий назорат ўрнатиш ва амалга оширишда қонунчиликка қатъий риоя қилиш бўйича иш натижаларига баҳо берилади.

Йўриқномага

1-ИЛОВА

____________________________________________________

                                     (туман (шаҳар) суди)

суд раисига маъмурий назорат ўрнатиш тўғрисида

ТАҚДИМНОМА

200__ йил "___" ____________

Мен ________________бошлиғи _____________________

          (туман (шаҳар) ИИБ, ЖИЭМ)            (унвони, Ф.И.Ш.)

___________________________________ да яшовчи фуқаро

туғилган йили, судланганлик тўғрисида маълумот, турар

жойи_______________________га нисбатан ҳужжатларни

                                  (Ф.И.Ш.)

кўриб чиқиб________________________________________

___________________________________________________

___________________________________________________

АНИҚЛАДИМ:

___________________________________________________

маъмурий назорат ўрнатиш ва чекланишлар белгилаш учун керакли маълумотлар

___________________________________________________

(содир этилган ҳуқуқбузарликлар сони ва вақти, кўрилган чоралар, иш ва турар

___________________________________________________

                                     жойида таърифланиши)

________________________________________________

_______________________га нисбатан "___"__________

Фуқаро____________________________________ой муддатда

қуйидаги чекланишларни қўллаган ҳолда маъмурий назорат

ўрнатиш мақсадга мувофиқ деб ҳисоблайман:

1. ______________________________________________

2. ______________________________________________

3. ______________________________________________

4. ______________________________________________

__________________________ бошлиғи

   (туман (шаҳар) ИИБ, ЖИЭМ)

________________________________ ______________

       (унвони, фамилияси, исми, шарифи)                (имзо)

Йўриқномага

2-ИЛОВА

Маъмурий назорат қоидаларига

риоя қилиш зарурлиги тўғрисида

ОГОҲЛАНТИРИШ

Мен,__________________________________________

              (маъмурий назорат ўрнатилган шахснинг Ф.И.Ш.)

________________ суднинг 200__ й. "___" ________ даги менга нисбатан ўрнатилган маъмурий назорат тўғрисидаги қарори билан танишдим. (Узайтириш. Ўзгартириш  кераклигини тагига чизилсин).

Бундан ташқари менга маъмурий назорат қоидалари тушунтирилди:

а) ички ишлар бўлимига чақирилганда кўрсатилган вақтда етиб келиб маъмурий назорат талабларини бажариш билан боғлиқ бўлган саволларга оғзаки ва ёзма жавоб бериш;

б) маъмурий назоратни амалга оширувчи милиция ходимига иш ва яшаш жойининг ўзгаргани, шунингдек, хизмат юзасидан туман (шаҳар) ҳудудидан чиқиш тўғрисида маълум қилиш;

в) шахсий ишлар бўйича ички ишлар идоралари рухсати билан бошқа аҳоли марказларига бориб у ерда бир кеча-кундуздан кўп вақт бўлган пайтда ўша жойдаги ички ишлар идораларида рўйхатдан ўтиш;

г) ушбу қарорда менга нисбатан белгиланган чекланишларга риоя қилиш.

Мен назорат ва чекланишлар қоидаларини бузадиган бўлсам маъмурий ёки жиноий жавобгарликка тортилишим тўғрисида огоҳлантирилдим, агар маъмурий назоратдан бўйин товлаш мақсадида турар жойимдан кетиб қолсам Ўзбекистон Республикаси қонунчилигида белгиланганидек жиноий жавобгарликка тортиламан.

_________________________________ОГОҲЛАНТИРДИ.

         (назоратда турувчининг имзоси)

200_ й. "___" ___________ _________________бошлиғи

                                    (туман (шаҳар) ИИБ)

____________________________

(унвони, фамилияси, исми, шарифи)

Йўриқномага

3-ИЛОВА

Маъмурий назорат

ЙИFМА ЖИЛДИ N___

_____________________________________________________

               (назоратда турувчининг фамилияси, исми, шарифи)

Маъмурий назоратни амалга оширувчи _________________

_____________________________________________________

          (ички ишлар бўлими номи, унвони, Ф.И.Ш., лавозими)

Маъмурий назорат ўрнатилди:

Маъмурий назорат тўхтатилди:

200__ й. "___" __________

Йиғма жилд архивда

200__ й. "___"__________ гача сақлансин.

Маъмурий назорат йиғма жилдига тўпланадиган ҳужжатлар

РЎЙХАТИ

1. Маъмурий назорат ўрнатиш тўғрисидаги қарор.

2. Милиция ташаббуси бўйича маъмурий назорат ўрнатишда асос бўлиб хизмат қиладиган ҳужжатлар.

3. Назоратда турувчининг паспорт қайдномаси тўғрисида 13-шаклдаги билдирги.

4. Маъмурий назорат қоидалари ва белгиланган чекланишлар талабларининг бузилганлиги тўғрисида баённомалар.

5. Маъмурий назорат муддатини узайтириш тўғрисидаги (чекланишларни ўзгартириш) қарор.

6. Назоратда турувчининг ишга жойлашганлиги тўғрисида маълумот.

7. Назоратда турувчининг маъмурий назорат ва белгиланган чекланиш қоидаларига риоя қилишини текшириб бориш варақаси.

8. ИИВ, ИИББ, ИИБ Ахборот марказлари, манзилгоҳ идораларига юборилган маълумот ёзишмалари нусхалари (аниқлаш, тузатиш варақалари).

9. Маъмурий назорат ўрнатиш ва амалга оширишда аҳамиятга эга бўлган бошқа ҳужжатлар.

10. Маъмурий назоратни тўхтатиш тўғрисида қарор.

Йўриқномага

4-ИЛОВА

Маъмурий назорат йиғма жилди ва туман

(шаҳар) ИИБ ҳудудига келиб, вақтинча яшайдиган

назоратда турувчиларни қайд этиш

КИТОБИ

Биринчи қисм

Иккинчи қисм

Йўриқномага

5-ИЛОВА

АХБОРОТ ВАРАҚАСИ

Фамилияси___________________________________________

Туғилган йили ва жойи ________________________________

Яшаш манзилгоҳи ____________________________________

Паспорт серияси _____ N_____________________________

                                                          (ИИБ номи)

Томонидан берилган__________________________________

Судланиш аломатларига кўра ички ишлар идораларининг жазони ижро этиш муассасаларидан бўшатилган шахслар устидан маъмурий назорат ўрнатиш тўғрисидаги қонуни таъсирига тушади, маъмурий назорат остида туради ( кераклигининг тагига чизилсин).

Мазкур шахс хулқ-атворини текшириб турувчи________

__________________________________________бошлиғи

                    (лавозими, Ф.И.Ш., унвони)

__________________

имзо

200__ й. "___" ___________

Эслатма: мазкур шахснинг туман (шаҳар) ҳудудидан ташқарига, янги турар жойга кўчиб кетаётганлиги тўғрисида маълумот келган пайт ахборот варақаси олиб қўйилади.

Йўриқномага

6-ИЛОВА

Маъмурий назорат ўрнатилиши мумкин

бўлган шахсга нисбатан жамиятга зид турмуш

тарзи юритишни тўхтатиш ҳақидаги

ОГОҲЛАНТИРИШ

Мен,_______________________________________________

                             ички ишлар бўлими, лавозими, унвони

200_ йил ___ ___________да, муқаддам_________________

судланганлик моддалари

билан судланган, 200_ йил ___ __________да жазони ижро

этиш жойидан бўшатилган фуқаро ____________________

______________ни ___________________________________

ҳуқуқбузарликни содир этган вақти, ҳолати,

_______________содир этганлиги учун __________________

кўрилган чора

агар у жамиятга зид турмуш тарзи юритишни тўхтатмаса

унга нисбатан чекланишлар қўлланилган ҳолда маъмурий

назорат ўрнатилиши ҳақида расмий равишда огоҳлантирдим.

Шу билан бирга фуқаро_______________________ га жазони

ижро этиш муассасаларидан бўшатилган шахслар устидан

ички ишлар идораларининг маъмурий назорати тўғрисидаги

қонуннинг мазмуни тушунтирилди.

Огоҳлантиришни маълум қилган ходим _________________

                                                                                              имзо

______________________________________________________

                                                    Ф.И.Ш.

Мазкур огоҳлантириш менга маълум қилинди ва жазони ижро

этиш муассасаларидан бўшатилган шахслар устидан ички

ишлар идораларининг маъмурий назорати тўғрисидаги

қонуннинг мазмуни тушунтирилди.

200__ _____ ______________ ____________________

                                                                               имзо

Йўриқномага

7-ИЛОВА

___________________________________

туман (шаҳар) номи

суди раиси ______________________га

Ички ишлар идораларида маъмурий назорат

остида турувчи шахсга нисбатан белгиланган

чекланишларни ўзгартириш тўғрисида

ТАҚДИМНОМА

200_ йил ___ _________________

Мен, ____________________________________ ИИБ бошлиғи,

                                    туман (шаҳар) номи

муқаддам _____________________ модда(лар) билан судланган,

                                   судланганлиги

____________________________________________________

туғилган йили, маъмурий назорат ўрнатилган сана, турар жойи, Ф.И.Ш.

____________________________________________________

____________________________________ га нисбатан маъмурий

назоратни амалга ошириш тўғрисидаги ҳужжатлар билан

танишиб чиқиб,

АНИҚЛАДИМ:

_____________________________________________________

маъмурий назорат остида турувчи шахсга нисбатан

чекланишларни ўзгартириш учун зарур бўлган маълумотлар

_____________________________________________________

_____________________________________________________

_____________________________________________________

_____________________________________________________

_____________________________________________________

Юқорида қайд этилиб ўтилганларга асосланиб ва жазони ижро

этиш муассасаларидан бўшаган шахслар устидан ички ишлар

идораларининг маъмурий назорати тўғрисидаги қонунга

биноан _______________________________________________ га

                                                          Ф.И.Ш.

нисбатан қуйидаги чекланишларни ўзгартиришни

           МАҚСАДГА МУВОФИҚ ДЕБ ҲИСОБЛАЙМАН:

1.___________________________________________________

_____________________________________________________

2.____________________________________________________

_____________________________________________________

3.____________________________________________________

_____________________________________________________

4.____________________________________________________

_____________________________________________________

5.____________________________________________________

_____________________________________________________

6.____________________________________________________

______________________________________________________

_____________________ ИИБ бошлиғи

           туман (шаҳар)

МИЛИЦИЯ ______________________ _____________

                                            унвони                                  имзо

___________________________________________

Фамилияси, исми, шарифи

200_ йил "__" ______________

Йўриқномага

8-ИЛОВА

Назоратда турувчига нисбатан белгиланган

чекланишларга риоя қилишни текшириб бориш

ВАРАҚАСИ

______________ ________________ _________________

      Фамилияси                   исми                              шарифи

______________ __________________________________

   туғилган йили                                     ва жойи

Доимий яшаш жойи _______________________________

Назорат муддати _____________ дан ______________ гача

Белгиланган чекланишлар:

1.__________________________________________________

2.__________________________________________________

3.__________________________________________________

4.__________________________________________________

5.__________________________________________________

6.__________________________________________________

Йўриқномага

9-ИЛОВА

ҚАЙД ЭТИШ ВАРАҚАСИ

Фуқаро __________________________________________

                           (назорат остида турувчи шахснинг Ф.И.Ш.)

ички ишлар бўлими (милиция бўлинмаси) _____________

ИИВ, ИИББ, ИИБ _________________________________

                                                                 Вилоят, шаҳар

Назорат муддати ___________ дан _______________гача

Қайд этиш учун белгиланган вақт ва сана _______________

Йўриқномага

10-ИЛОВА

"ТАСДИҚЛАЙМАН"

_________________________________

туман (шаҳар) ички ишлар

_________________________________

бўлимининг бошлиғи, унвони

Назоратда турувчи томонидан

чекланишларнинг бузилганлиги ҳақида

БАЁННОМА

200__ й. "____" _________________

Мен,_____________ туман (шаҳар) ИИБ милиция ________

_____________________________________________________

             (унвони, профилактика инспекторининг Ф.И.Ш.)

ушбу баённомани шу ҳақда туздимки, яъни ________________

                                                                                                       сана

куни________соат_____дақиқа__________текширилган пайтда уйда йўқ эканлиги маълум бўлди (белгиланган бошқа чекланишларни кўрсатиш ҳам мумкин).

Юқорида қайд этилганларни қуйидаги холислар тасдиқлайди:

1. __________________________________________________

                            Ф.И.Ш. холиснинг турар жойи

________________________

имзо

2. __________________________________________________

_____________ __________________________________

имзо             профилактика инспекторининг фамилияси

Йўриқномага

11-ИЛОВА

____________________ ИИБ бошлиғи

туман (шаҳар)

милиция _________________________

______________________________ га

Ф.И.Ш.

ХАБАРНОМА

___________________ ички ишлар бўлимида маъмурий назоратда

турувчи фуқаро_____________________________________________

___________________________________________________________

200_ йил __ _____________ да____________________га

                                                                 жўнаб кетган манзил

доимий яшаш учун кўчиб кетди.

Унга 200_ йил ___ ___________ да ______________________

                                                                                      туман (шаҳар)

суди томонидан ______ ойга маъмурий назорат ўрнатилган

ва қуйидаги чекланишлар белгиланган:

1.___________________________________________________

2.___________________________________________________

3.___________________________________________________

4.___________________________________________________

Назоратда турувчи белгиланган жойга 200_ йил ___ _______

гача етиб келиши шарт.

Ушбу хабарномани олгандан сўнг уч кун муддат ичида

маъмурий назорат остидаги _______________нинг кўрсатилган

манзилга етиб борганлиги тўғрисида хабар беришингизни

ва унга нисбатан юритилган маъмурий назорат йиғма жилдини

сўраб олиш масаласини ҳал этишингизни сўрайман.

___________________________ ИИБ бошлиғи

милиция ________________________________

______________ _________________________

имзо                                                       Ф.И.Ш.

Йўриқномага

12-ИЛОВА

_______________________

манзилгоҳлар идораси номи

_______________________

ички ишлар идораси белгиси

Шуни маълум қиламанки, яъни фуқаро ______________ судланиш аломатларига кўра маъмурий назорат тўғрисидаги қонун таъсирига тушади, маъмурий назорат остида туради (кераклисининг остига чизилади).

Унга нисбатан 200_ йил ___ _____________ да ахборот варақачаси қўйилди.

Фуқаро ____________________________ янги турар жойга кўчиб кетди, озодликдан маҳрум этилди, маъмурий назорат муддати тугади, судланганлик муддати тугади ёки олиб ташланди (кераклисининг тагига чизилади).

_______________________________ ИИБ бошлиғи

милиция ___________ ________________________

Ф.И.Ш.

______________ 200__ йил ___________________

имзо

Йўриқномага

13-ИЛОВА

_____________________

туман (шаҳар) суди номи

Суд раисига

Маъмурий назорат муддатини узайтириш тўғрисида

ТАҚДИМНОМА

Мен,_________________ИИБ бошлиғи__________________

              (туман (шаҳар))                                                    (унвони)

_____________________________________________________

                                             Ф.И.Ш.

Маъмурий назоратда турувчи фуқаро __________________

_____________________________________________________

      (туғилган йили, судланганлик тўғрисида маълумот, маъмурий

_________________________________________________га

               назорат ўрнатилган сана ва муддат, Ф.И.Ш.)

нисбатан ҳужжатларни кўриб чиқиб

АНИҚЛАДИМ:

________________________________________________

________________________________________________

________________________________________________

Юқорида баён этилганларга ва жазони ижро этиш

муассасаларидан бўшатилган шахслар устидан ички

ишлар идораларининг маъмурий назорати тўғрисидаги

ЎзРнинг 1992 йил 9 декабрдаги Қонунига асосланиб

фуқаро _________________ га нисбатан назорат

муддатини узайтириш мақсадга мувофиқ деб

ҲИСОБЛАЙМАН:

Маъмурий назорат муддатини ____________________

Узайтириб, қуйидаги чекланишлар белгилансин:

________________________________________________

________________________________________________

________________________________________________

________________________________________________

________________________________________________

________________________________________________

________________________________________________

________________________________________________

________________________________________________

________________________________________________

________________________________________________

___________________________________ИИБ бошлиғи

               (туман (шаҳар) ИИБ)

_________________________________ ________________

                       (унвони, Ф.И.Ш.)                                    (имзо)

Йўриқномага

14-ИЛОВА

Маъмурий назоратни тўхтатиш тўғрисида

ҚАРОР

200__ й. "___" ___________

Мен,________________ ИИБ бошлиғи ________________

               (туман (шаҳар))                                                (унвони)

________________________________________________

                                               (Ф.И.Ш.)

________________________________ назоратда турувчи

фуқаро_________________________________________га

                            (туғилган йили, яшаш жойи, Ф.И.Ш.)

нисбатан ҳужжатларни кўриб чиқиб

АНИҚЛАДИМ:

_________________________________________________

          (назорат амалга оширилган вақт, иш ва турар жойидан

________________________________________________

    таърифнома, йўриқноманинг 3, 4-бандида баён этилганлардан

________________________________________________

            ташқари маъмурий назоратни тўхтатиш асослари

Юқорида баён этилганларга ва жазони ижро этиш

муассасаларидан бўшатилган шахслар устидан ички

ишлар идораларининг маъмурий назорати тўғрисидаги

ЎзРнинг 1992 йил 9 декабрдаги Қонунига асосланиб

ҚАРОР ҚИЛДИМ:

Фуқаро____________________________га нисбатан

                                      Ф.И.Ш.

ўрнатилган маъмурий назорат тўхтатилсин.

________________________ИИБ бошлиғи.

          (туман (шаҳар) ИИБ)

_________________________________ ________________

                  (унвони, Ф.И.Ш.)                                        (имзо)

Қарор билан таништирилди: _________________________

                                                             (таништирилган шахснинг имзоси)

200__ й. "___" ________________

Йўриқномага

15-ИЛОВА

Маъмурий назорат муддатини аввал тўхтатиш тўғрисида

ТАҚДИМНОМА

Мен,_________________ИИБ бошлиғи_________________

                туман (шаҳар)

____________________________________________________

                        унвони, фамилияси, исми, шарифи

____________________________________________________

                               туғилган йили, турар жойи

маъмурий назоратда турувчи фуқаро _________________га

                                                                                           Ф.И.Ш.

нисбатан материалларни кўриб чиқиб

АНИҚЛАДИМ:

__________________________________________________

(маъмурий назорат ўрнатилган давр кўрсатилади, иш, ўқиш, яшаш жойидан

__________________________________________________

       таърифнома, маъмурий назоратни тўхтатиш асослари)

Юқорида баён этилганларга ва жазони ижро этиш

муассасаларидан бўшатилган шахслар устидан ички

ишлар идораларининг маъмурий назорати тўғрисидаги

ЎзРнинг 1992 йил 9 декабрдаги Қонунига асосланиб

фуқаро __________________ га

                                Ф.И.Ш.

нисбатан ўрнатилган маъмурий назоратни тўхтатиш

мақсадга мувофиқ деб ҳисоблайман.

__________________ИИБ бошлиғи

       (туман (шаҳар))

_________________________________ ________________

                  (унвони, Ф.И.Ш.)                                         (имзо)

200__ й. "___" ________________