ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Солиқлар. Мажбурий тўловлар / Солиқ турлари / Акциз солиғи /

Ишлаб чиқариладиган табиий газга акциз солиғини тўлаш тартиби тўғрисидаги Низом (АВ томонидан 09.01.2012 й. 2310-сон билан рўйхатга олинган 12.12.2011 й. Молия вазирлигининг 79-сон, Давлат солиқ қўмитасининг 2011-37-сон қарори билан тасдиқланган)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

Ўзбекистон Республикаси

Адлия вазирлигида

2012 йил 9 январда 2310-сон

билан рўйхатга олинган

Ўзбекистон Республикаси

Молия вазирлиги ва

Давлат солиқ қўмитасининг

2011 йил 12 декабрдаги

79, 2011-37-сон қарорига

ИЛОВА



Ишлаб чиқариладиган табиий газга акциз

солиғини тўлаш тартиби тўғрисидаги

НИЗОМ


Мазкур Низом Ўзбекистон Республикаси Солиқ кодекси ва Ўзбекистон Республикаси Президентининг 2015 йил 22 декабрдаги ПҚ-2455-сон "Ўзбекистон Республикасининг 2016 йилги асосий макроиқтисодий кўрсаткичлари прогнози ва Давлат бюджети параметрлари тўғрисида"ги қарорига мувофиқ Ўзбекистон Республикасида ишлаб чиқариладиган табиий газга акциз солиғини ҳисоблаб чиқариш ва тўлаш тартибини белгилайди.


I. УМУМИЙ ҚОИДАЛАР


1. Ушбу Низомда қуйидаги асосий тушунчалар қўлланилади:


табиий газ - конлардан қазиб олинадиган, газ ва нефть қазиб олувчи, газни қайта ишловчи ва утилизация қилувчи ташкилотлар томонидан қайта ишланадиган ва утилизация қилинадиган табиий газ;


пировард истеъмолчилар - табиий газдан ишлаб чиқариш ва/ёки маиший мақсадларда фойдаланадиган ташкилотлар, автомобилларни газ билан тўлдириш компрессор станциялари;


газ билан таъминловчи ташкилот - газнинг пировард истеъмолчиларга етказиб берилиши, узатилиши ва тақсимланишини таъминловчи "Ўзтрансгаз" акциядорлик компанияси.


2. Ўзбекистон Республикаси Солиқ кодексининг 283 ва 289-3-моддаларига мувофиқ республикада ишлаб чиқариладиган табиий газ реализациясига акциз солиғи солинади.

Бунда, аҳолига реализация қилинадиган, табиий газнинг нархида назарда тутилган табиий газга ҳисобланган акциз солиғи суммаси, инвестиция лойиҳаларини молиялаштиришга мақсадли равишда йўналтириш учун "Ўзтрансгаз" АЖ тасарруфида қолдирилади.

"Ўзтрансгаз" АЖ тасарруфида қолдириладиган, аҳолига реализация қилинадиган табиий газ бўйича акциз солиғи суммасини аниқлаш билан боғлиқ операцияларни бухгалтерия ҳисобида акс эттириш тартиби Юридик шахсларга солиқлар, божхона ва мажбурий тўловларни бюджетга тўлаш бўйича берилган имтиёзларни расмийлаштириш ва бухгалтерлик ҳисобида акс эттириш тартиби тўғрисидаги низом (рўйхат рақами 1463, 2005 йил 2 апрель) билан тартибга солинади.

3. Тузилган Маҳсулот тақсимотига оид битимда акциз солиғи тўланиши бўйича ушбу Низомда назарда тутилган тартибдан бошқача тартиб белгиланган бўлса, унда Маҳсулот тақсимотига оид битимда назарда тутилган тартиб қўлланилади.



II. АКЦИЗ СОЛИҒИ ТЎЛОВЧИЛАРИ

ВА СОЛИҚ СОЛИШ ОБЪЕКТИ


4. Қуйидаги табиий газга акциз солиғи солинади:

ички бозорда пировард истеъмолчига реализация қилинадиган;

газ ва нефть қазиб олувчи, газни қайта ишловчи ва утилизация қилувчи ташкилотлар, шунингдек газ билан таъминловчи ташкилот томонидан ўз эҳтиёжи учун фойдаланиладиган;

газ билан таъминловчи ташкилотга газ ва нефть қазиб олувчи, газни қайта ишловчи ва утилизация қилувчи ташкилотлар учун Ўзбекистон Республикаси Иқтисодиёт ва молия вазирлиги томонидан тасдиқланадиган энг юқори декларация қилинадиган нархдан ошадиган нарх бўйича реализация қилинадиган.

5. Табиий газга акциз солиғи тўловчилар қуйидагилардир:

а) газ билан таъминловчи ташкилот - ўзи сотиб олган ва ички бозорда пировард истеъмолчиларга, автомобилларни газ билан тўлдириш компрессор станцияларига реализация қиладиган ҳажмлар бўйича, шунингдек ўз эҳтиёжлари учун фойдаланадиган ҳажмлари бўйича;

б) табиий газни қазиб олишни, қайта ишлашни ва утилизация қилишни амалга оширувчи ташкилотлар томонидан қуйидаги ҳажмлар бўйича:

газ билан таъминловчи ташкилотга газ ва нефть қазиб олувчи, газни қайта ишловчи ва утилизация қилувчи ташкилотлар учун Ўзбекистон Республикаси Иқтисодиёт ва молия вазирлиги томонидан тасдиқланадиган энг юқори декларация қилинадиган нархдан ошадиган нарх бўйича реализация қилинадиган ҳажмлар бўйича;

табиий газ ҳажмини газ билан таъминловчи ташкилотга реализация қилмаган ҳолда ички бозорда пировард истеъмолчиларга реализация қилиш ҳажмлари бўйича;

ўз эҳтиёжлари учун фойдаланадиган ҳажмлари бўйича.



III. СОЛИҚ СОЛИНАДИГАН БАЗА


6. Реализация қилинадиган табиий газга акциз солиғини ҳисоблаб чиқариш учун солиқ солинадиган база бўлиб реализация қилинган табиий газнинг акциз солиғи ва қўшилган қиймат солиғини ўз ичига олмаган ҳолдаги қиймати ҳисобланади.


7. Ўз эҳтиёжлари учун фойдаланиладиган табиий газ бўйича солиқ солинадиган база унинг таннархидан келиб чиқиб аниқланади.



IV. СОЛИҚДАН ЧЕГИРМА


8. Газ билан таъминловчи ташкилот реализация қилинадиган табиий газга акциз солиғини ҳисоблаб чиқаришда газ ва нефть қазиб олувчи, газни қайта ишловчи ва утилизация қилувчи ташкилотлар учун Ўзбекистон Республикаси Иқтисодиёт ва молия вазирлиги томонидан тасдиқланадиган энг юқори декларация қилинадиган нархдан ошадиган нарх бўйича табиий газни қазиб чиқаришни, қайта ишлашни ва утилизация қилишни амалга оширувчи ташкилотлардан сотиб олинган табиий газга тўланган акциз солиғи суммасини чегириш ҳуқуқига эга.

9. Чегирма газ ва нефть қазиб олувчи, газни қайта ишловчи ва утилизация қилувчи ташкилотлар томонидан солиқ даврида реализация қилинган табиий газ ҳажмига тўғри келувчи сотиб олинган табиий газ ҳажмидан келиб чиқиб аниқланадиган ҳисобварақ-фактураларда ажратиб кўрсатилган акциз солиғи суммасига амалга оширилади.



V. ҲИСОБ-КИТОБНИ ТАҚДИМ ЭТИШ

ВА АКЦИЗ СОЛИҒИНИ ТЎЛАШ


10. Акциз солиғининг ҳисоб-китоби солиқ бўйича ҳисобга олиш жойидаги давлат солиқ хизмати органларига ҳар ойда, солиқ давридан кейинги ойнинг 10-кунидан кечиктирмай тақдим этилади.

11. Акциз солиғини тўлаш ҳисоб-китобларни топшириш муддатларидан кечиктирмай амалга оширилади.


VI. ЯКУНИЙ ҚОИДАЛАР


12. Табиий газ учун акциз солиғининг тўғри ҳисоблаб чиқарилиши ва тўланиши устидан назорат давлат солиқ хизмати органлари томонидан қонунчилик ҳужжатларига мувофиқ амалга оширилади.


13. Ушбу Низом "Ўзбекнефтегаз" МХК билан келишилган.



"Ўзбекистон Республикаси қонун ҳужжатлари тўплами", 2012 йил, 2-сон, 20-модда


















































Время: 0.2191
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск