Микрокредит ташкилотлари томонидан Ўзбекистон Республикаси Марказий банкига молиявий ҳисоботларни ва электрон маълумотларни тақдим этиш тартиби тўғрисидаги Низом (АВ томонидан 03.02.2012 й. 2322-сон билан рўйхатга олинган Марказий банк Бошқарувининг 20.12.2011 й. 38/2-сон қарори билан тасдиқланган)

Функция недоступна

Ўзбекистон Республикаси

Адлия вазирлигида

2012 йил 3 февралда 2322-сон

билан рўйхатга олинган

Ўзбекистон Республикаси

Марказий банки Бошқарувининг

2011 йил 20 декабрдаги

38/2-сон қарорига

ИЛОВА

Микрокредит ташкилотлари томонидан

Ўзбекистон Республикаси Марказий банкига

молиявий ҳисоботларни ва электрон маълумотларни

тақдим этиш тартиби тўғрисидаги

НИЗОМ

Мазкур Низом Ўзбекистон Республикасининг "Ўзбекистон Республикасининг Марказий банки тўғрисида"ги, "Микрокредит ташкилотлари тўғрисида"ги, "Бухгалтерия ҳисоби тўғрисида"ги қонунлари, Ўзбекистон Республикаси Президентининг 2010 йил 26 ноябрдаги ПҚ-1438-сон "2011-2015 йилларда республика молия-банк тизимини янада ислоҳ қилиш ва барқарорлигини ошириш ҳамда юқори халқаро рейтинг кўрсаткичларига эришишнинг устувор йўналишлари тўғрисида"ги қарорига мувофиқ микрокредит ташкилотлари томонидан Ўзбекистон Республикаси Марказий банкига (кейинги ўринларда Марказий банк деб юритилади) молиявий ҳисоботларни ҳамда уларнинг электрон маълумотларини тақдим этиш тартибини белгилайди.

I. УМУМИЙ ҚОИДАЛАР

1. Микрокредит ташкилотлари бухгалтерия ҳисобини Ўзбекистон Республикасининг "Бухгалтерия ҳисоби тўғрисида"ги Қонуни, Молиявий ҳисоботларнинг халқаро стандартлари ва бошқа норматив-ҳуқуқий ҳужжатларга мувофиқ юритади.

2. Микрокредит ташкилотлари Марказий банкка қуйидаги молиявий ҳисоботларни ва уларнинг электрон маълумотларини тақдим этади:

баланс ҳисоботи (мазкур Низомга 1-илова);

молиявий натижалар тўғрисидаги ҳисобот (мазкур Низомга 2-илова);

капиталдаги ўзгаришлар (мазкур Низомга 3-илова).

II. МИКРОКРЕДИТ ТАШКИЛОТЛАРИ ТОМОНИДАН

МАРКАЗИЙ БАНККА МОЛИЯВИЙ ҲИСОБОТЛАРНИ

ТАҚДИМ ЭТИШ

3. Тақдим этилган молиявий ҳисоботлардаги маълумотлар ҳисобот ойининг охирги кунида амалга оширилган амалиётларни ҳисобга олган ҳолда мазкур ҳисобот ойининг охирги санасига кўрсатилиши керак.

4. Молиявий ҳисоботлар микрокредит ташкилотлари томонидан ҳисобот ойидан кейинги ойнинг 5-санасигача микрокредит ташкилоти жойлашган ҳудуддаги Марказий банкнинг ҳудудий Бош бошқармасига тақдим этилади. Агар ойнинг 5-санаси дам олиш ёки байрам кунига тўғри келса, бунда ҳисоботлар дам олиш ёки байрам кунидан аввалги иш кунида тақдим этилиши лозим.

5. Молиявий ҳисоботлар уч нусхада тайёрланади. Бунда ҳисоботларнинг икки нусхаси микрокредит ташкилоти жойлашган ҳудуддаги Марказий банкнинг ҳудудий Бош бошқармасига тақдим этилади, учинчи нусхаси эса микрокредит ташкилотининг ўзида сақланади.

6. Молиявий ҳисоботлар микрокредит ташкилотининг раҳбари ҳамда бухгалтерия ҳисоби ва молиявий бошқариш вазифаларини амалга оширувчи шахс томонидан имзоланади, микрокредит ташкилотининг муҳри билан тасдиқланади.

7. Марказий банкнинг ҳудудий Бош бошқармаси тақдим этилган молиявий ҳисоботларнинг тўғри расмийлаштирилганлигини ва тўлиқлилигини текширади. Тақдим этилган молиявий ҳисоботларда хато ва камчиликлар аниқланганда, уларни тузатиб қайта тақдим этиш шарти билан микрокредит ташкилотига қайтаради.

8. Марказий банкнинг ҳудудий Бош бошқармаси микрокредит ташкилоти томонидан тақдим этилган молиявий ҳисоботларнинг бир нусхасини ҳар ойнинг 7-санасидан кечиктирмай Марказий банкка тақдим этиб боради.

III. МИКРОКРЕДИТ ТАШКИЛОТЛАРИ ТОМОНИДАН

МОЛИЯВИЙ ҲИСОБОТЛАРНИНГ ЭЛЕКТРОН

МАЪЛУМОТЛАРИНИ ТАҚДИМ ЭТИШ

9. Микрокредит ташкилотлари автоматлаштирилган тизим орқали молиявий ҳисоботларнинг электрон маълумотларини шакллантириб, Банк тизими маълумотлар омборига (кейинги ўринларда БТМО деб юритилади) ҳисобот ойидан кейинги ойнинг 5-санасигача алоқа каналлари орқали юбориши шарт.

10. Қуйидаги ҳолларда микрокредит ташкилотлари БТМО га молиявий ҳисоботларнинг электрон маълумотларини юбормаслиги мумкин:

микрокредит ташкилотининг БТМО билан коммуникация алоқаси узилганда;

микрокредит ташкилотининг техник воситаси ва дастурий таъминоти носоз ҳолатда бўлганда;

форс-мажор ҳолатларида.

11. Микрокредит ташкилоти мазкур Низомнинг 10-бандида кўрсатилган ҳолатлар ҳақида Марказий банкни дарҳол хабардор этиши ҳамда иккинчи ва учинчи хатбошиларда назарда тутилган ҳолатларни улар юзага келган кундан бошлаб 5 кунлик муддат ичида бартараф этиши керак.

IV. ЯКУНИЙ ҚОИДАЛАР

12. Молиявий ҳисоботлар ва уларнинг электрон маълумотлари микрокредит ташкилотининг бутун фаолияти давомида юборилиб турилади.

13. Тақдим этиладиган молиявий ҳисоботлар ва уларнинг БТМО га юбориладиган электрон маълумотлари ўзаро мос келиши керак.

14. Микрокредит ташкилотларининг айрим молиявий операцияларни ўтказиши маълум муддатга тўхтатилганидан қатъи назар, улар томонидан молиявий ҳисоботлар ва улар бўйича электрон маълумотлар белгиланган муддатларда тақдим этилиши лозим.

15. Мазкур Низомнинг бузилишида айбдор бўлган шахслар қонун ҳужжатларида белгиланган тартибда жавобгарликка тортилади.

Низомга

1-ИЛОВА

"_____________" микрокредит ташкилотининг

БАЛАНС ҲИСОБОТИ

20__ йил "___" ______________ ҳолатига

Изоҳ:  *) микрокредит ва микроқарз бўйича;

          **) микролизинг бўйича.

                                         муҳр

      

Низомга

2-ИЛОВА

"_______________________" микрокредит ташкилотининг

МОЛИЯВИЙ НАТИЖАЛАР ТЎҒРИСИДАГИ ҲИСОБОТИ

20__ йил "___" ______________ ҳолатига

Изоҳ: *) ягона солиқ тўловини тўлайдиган микрокредит ташкилотлари бўйича бу сатрда ягона солиқ тўлови суммаси кўрсатилади;

          **) жорий йил соф фойдасидан эълон қилинган дивидендлар;

        ***) ҳисобот йили давомида.

                                         муҳр

             

Низомга

3-ИЛОВА

"__________________" микрокредит ташкилотининг

КАПИТАЛДАГИ ЎЗГАРИШЛАРИ

20__ йил "___" ______________ ҳолатига

Изоҳ: *) бошланғич қийматга нисбатан баҳолаш қийматининг ошган суммасини тақсимланмаган фойдага ўтказилиши ва бошқалар.

                                         муҳр

"Ўзбекистон Республикаси қонун ҳужжатлари тўплами", 2012 йил, 5-сон, 56-модда