Чет эл фуқаролари ҳамда фуқаролиги бўлмаган шахсларни Тошкент шаҳри ва Тошкент вилоятида доимий ва вақтинча прописка қилиш тартиби тўғрисидаги Йўриқнома (АВ томонидан 14.05.2012 й. 2363-сон билан рўйхатга олинган ички ишлар вазирининг 01.05.2012 й. 72-сон буйруғи билан тасдиқланган)

Функция недоступна

Ўзбекистон Республикаси

Адлия вазирлигида

2012 йил 14 майда 2363-сон

билан рўйхатга олинган

Ўзбекистон Республикаси

ички ишлар вазирининг

2012 йил 1 майдаги

72-сон буйруғига

ИЛОВА

Чет эл фуқаролари ҳамда фуқаролиги

бўлмаган шахсларни Тошкент шаҳри ва Тошкент

вилоятида доимий ва вақтинча прописка

қилиш тартиби тўғрисидаги

ЙЎРИҚНОМА

I БОБ. УМУМИЙ ҚОИДАЛАР

1. Мазкур Йўриқнома "Тошкент шаҳри ва Тошкент вилоятида доимий прописка қилиниши лозим бўлган шахслар - Ўзбекистон Республикаси фуқаролари тоифаларининг рўйхати тўғрисида"ги Ўзбекистон Республикаси Қонунига ва Ўзбекистон Республикаси Вазирлар Маҳкамасининг 2012 йил 16 февралдаги 41-сон "Тошкент шаҳри ва Тошкент вилоятида доимий прописка қилиниши лозим бўлган шахслар - Ўзбекистон Республикаси фуқаролари тоифаларининг рўйхати тўғрисида"ги Ўзбекистон Республикаси Қонунини амалга ошириш чора-тадбирлари ҳақида"ги қарорига мувофиқ Ўзбекистон Республикасида яшаш гувоҳномасига (кейинги ўринларда яшаш гувоҳномаси деб юритилади) эга бўлган чет эл фуқаролари ва фуқаролиги бўлмаган шахсларни Тошкент шаҳри ва Тошкент вилоятида доимий ва вақтинча прописка қилиш, шунингдек чет эл фуқаролари ва фуқаролиги бўлмаган шахсларга доимий яшаш учун рухсат бериш тартибини белгилаб беради.

Мазкур Йўриқноманинг қоидалари қонун ҳужжатларига мувофиқ вақтинча прописка қилинишдан озод этилган шахсларга, шунингдек чет эл фуқароларига - хорижий давлатларнинг дипломатик ваколатхоналари, консуллик муассасалари, халқаро ташкилотларнинг ваколатхоналари ходимларига ва уларнинг оила аъзоларига татбиқ этилмайди.

2. Яшаш гувоҳномасига эга бўлган чет эл фуқароларини ва фуқаролиги бўлмаган шахсларни, шунингдек хорижий давлатлардан келаётган чет эл фуқаролари ва фуқаролиги бўлмаган шахсларни доимий ва вақтинча прописка қилиш ички ишлар органлари (кейинги ўринларда ИИО деб юритилади) томонидан амалга оширилади ҳамда жамоат хавфсизлигини таъминлаш, ҳуқуқбузарликнинг олдини олиш, шунингдек аҳоли миграциясини ҳисобга олиш мақсадида Тошкент шаҳри ва Тошкент вилоятида шахснинг доимий яшаши ёки муайян жойда вақтинча бўлиши фактини аниқлашни назарда тутади.

Тошкент шаҳри ва Тошкент вилоятида доимий ёки вақтинча прописка қилинган чет эл фуқаролари ва фуқаролиги бўлмаган шахслар прописка қилинган жойда яшашлари лозим.

2-1. Ўзбекистон Республикаси Вазирлар Маҳкамасининг 2012 йил 16 февралдаги 41-сон қарори билан тасдиқланган Чет эл фуқаролари ҳамда фуқаролиги бўлмаган шахсларни Тошкент шаҳри ва Тошкент вилоятида доимий ва вақтинча прописка қилиш тартиби тўғрисидаги низомнинг 1-иловасида назарда тутилган Тошкент шаҳрида ва Тошкент вилоятида доимий прописка қилиниш ҳуқуқига эга бўлган шахслар - чет эл фуқаролари ва фуқаролиги бўлмаган шахслар рўйхатида (кейинги ўринларда Рўйхат деб юритилади) кўрсатилган шахслар Тошкент шаҳри ва Тошкент вилоятида доимий прописка қилиш тўғрисида илтимос қилиш ҳуқуқига эга.

II БОБ. ХОРИЖИЙ ДАВЛАТЛАРДАН ТОШКЕНТ ШАҲРИ

ВА ТОШКЕНТ ВИЛОЯТИГА КЕЛГАН ЧЕТ ЭЛ ФУҚАРОЛАРИ

ВА ФУҚАРОЛИГИ БЎЛМАГАН ШАХСЛАР ТОМОНИДАН

ЎЗБЕКИСТОН РЕСПУБЛИКАСИДА ДОИМИЙ

ЯШАШ УЧУН РУХСАТ ОЛИШ

3. Хорижий давлатлардан келган, Тошкент шаҳри ва Тошкент вилоятида камида бир йил яшаган чет эл фуқаролари ва фуқаролиги бўлмаган шахслар Тошкент шаҳри ва Тошкент вилоятида доимий яшашга рухсат олиш учун туман (шаҳар) ички ишлар бошқармаси (бўлими)нинг (кейинги ўринларда ТШИИБ деб юритилади) миграция ва фуқароликни расмийлаштириш бўлимига (кейинги ўринларда МваФРБ деб юритилади) мурожаат этиши мумкин. Бунинг учун улар ТШИИБ МваФРБга қуйидаги ҳужжатларни тақдим этади:

мазкур Йўриқноманинг 1-иловасига мувофиқ шаклда икки нусхада ариза-анкета;

чет эл фуқаросининг паспорти ёки фуқаролиги бўлмаган шахснинг ҳаракатланиш ҳужжати;

уй-жой мулкдори (мулкдорлари)нинг турар жой майдони бериш тўғрисидаги аризаси (розилиги) ёхуд нотариал тасдиқланган аризаси (розилиги), агар шахсан ўзи бериш имкони мавжуд бўлмаса;

уй-жой ҳужжатларининг асл нусхаси (нусхалари олиниб, асли қайтариб берилади);

никоҳ тузилганлиги, бола туғилганлиги, ота-онанинг вафот этганлиги тўғрисидаги ҳужжатлар, шунингдек, васийлик ёки ҳомийликни тасдиқловчи ҳужжатлар (нусхалари олиниб, асли қайтариб берилади);

тегишли давлат ҳокимияти органи, давлат ёки хўжалик бошқаруви органи, республика аҳамиятига молик бошқа давлат ташкилоти раҳбарининг илтимосномаси (Рўйхатнинг 6-банди бўйича доимий прописка қилиш чоғида);

хорижий давлатлар ҳуқуқни муҳофаза қилиш органлари томонидан ёки хорижий давлатнинг Ўзбекистон Республикасидаги элчихонаси, консуллик муассасаси томонидан берилган, аввалги яшаш жойи бўйича судланмаганлиги тўғрисида маълумотнома (Мустақил Давлатлар Ҳамдўстлигига аъзо давлатлардан келган хорижий фуқаролар ва фуқаролиги бўлмаган шахслар учун);

35 х 45 мм ўлчамли иккита фотосурат;

ҳужжатларнинг кўриб чиқилганлиги ва расмийлаштирилганлиги учун йиғим тўланганлиги тўғрисидаги квитанция.

4. ТШИИБ МваФРБ ходими барча ҳужжатларни олгач, ариза берувчидан доимий пропискага рад жавоби берилса, республикада бўлиш учун бошқа асослар бўлмаган тақдирда, вақтинча прописка муддати тугаши билан республика ҳудудидан чиқиб кетиши тўғрисида мазкур Йўриқноманинг 2-иловасига мувофиқ тилхат олади.

5. ТШИИБ МваФРБ ҳужжатлар қабул қилингандан сўнг икки ҳафта муддатда уларни расмийлаштиради ҳамда ариза берувчининг вақтинча яшаш жойи бўйича у ҳақиқатда ушбу манзилда яшаётганлигини аниқлаш бўйича ўрганиш ўтказади. Шунингдек, Ўзбекистон Республикаси Ички ишлар вазирлиги (кейинги ўринларда ИИВ деб юритилади) Тезкор маълумотлар бошқармасидан ва тегишлилиги бўйича Тошкент шаҳар Ички ишлар бош бошқармасининг (кейинги ўринларда Тошкент шаҳар ИИББ деб юритилади) ва Тошкент вилояти Ички ишлар бошқармасининг (кейинги ўринларда ИИБ деб юритилади) Манзил маълумотнома бюросидан (кейинги ўринларда ММБ деб юритилади) ариза берувчи ва турар жой эгасига доир тегишли маълумотлар сўраб олинади.

ТШИИБ МваФРБ томонидан барча ҳужжатлар олингач, чет эл фуқароси ёки фуқаролиги бўлмаган шахсга нисбатан шахсий йиғма иш жилди очилади ҳамда тўпланган ҳужжатлар бўйича маълумотнома тайёрланиб шахсий йиғма иш жилди билан бирга Тошкент шаҳар ИИББнинг Миграция ва фуқароликни расмийлаштириш бошқармасига (кейинги ўринларда ИИББ МваФРБ деб юритилади) ёки Тошкент вилояти Ички ишлар бошқармасининг Миграция ва фуқароликни расмийлаштириш бошқармасига (кейинги ўринларда ИИБ МваФРБ деб юритилади) юборилади.

ИИББ МваФРБ ёки ИИБ МваФРБ томонидан уч иш куни мобайнида тақдим этилган ҳужжатлар текширилади ва материаллар тегишли ваколатли органга юборилади.

6. Тегишли ваколатли органнинг ижобий жавоби олинган тақдирда ИИББ МваФРБ ва ИИБ МваФРБ томонидан ўн кунлик муддатда ИИББ ёки ИИБ бошлиғи ўринбосари томонидан тасдиқланадиган хулоса тайёрланади ва материаллар ИИВ Миграция ва фуқароликни расмийлаштириш бош бошқармасига (кейинги ўринларда ИИВ МваФРББ деб юритилади) якуний қарор чиқариш учун юборилади.

ИИВ МваФРББ ушбу масалани ҳал этишда тегишли ваколатли органнинг фикр-мулоҳазасини, зарурият бўлганда эса - Ўзбекистон Республикаси Ташқи ишлар вазирлигининг хулосасини сўраб олади ва бир ой муддат мобайнида ИИВ ўринбосари томонидан тасдиқланадиган қарор чиқаради. Қарор чет эл фуқароси ёки фуқаролиги бўлмаган шахснинг шахсий йиғма иш жилдига бириктирилган ҳолда тегишлилиги бўйича ИИББ МваФРБ ёки ИИБ МваФРБга ижро учун юборилади.

7. ИИВнинг ижобий қарори бошқа давлатлардан Тошкент шаҳри ва Тошкент вилоятига келган чет эл фуқаролари ҳамда фуқаролиги бўлмаган шахсларга чет эл фуқароси ёки фуқаролиги бўлмаган шахс учун яшаш гувоҳномасини белгиланган тартибда расмийлаштириб бериш учун асос ҳисобланади.

8. ИИВдан ижобий жавоб олингач, ИИББ МваФРБ ёки ИИБ МваФРБ икки иш кунида материалларни тегишли ТШИИБ МваФРБга чет эл фуқаролари ва фуқаролиги бўлмаган шахсларга яшаш гувоҳномасини ҳамда доимий пропискани расмийлаштириб бериш учун юборади.

9. ТШИИБ МваФРБ материалларни олгач, уч иш кунида ариза берувчига ёки турар жой эгасига ёзма равишда хабар бериб, уларнинг мурожаати асосида яшаш гувоҳномасини расмийлаштириб беради ва унинг тегишли бетига доимий прописка штампини қўяди. Бир вақтнинг ўзида ТШИИБ МваФРБ томонидан чет эл фуқароси ва фуқаролиги бўлмаган шахсга Ўзбекистон Республикасида бўлиш қоидалари тушунтирилади ҳамда бу ҳақда ундан мазкур Йўриқноманинг 3-иловасига мувофиқ тилхат олинади.

ИИВ томонидан ижобий қарор қабул қилинган ва айни пайтда турар жой эгаси томонидан ёзма рад жавоби берилган тақдирда, шунингдек ариза берувчи ёки уй-жой эгаси хабардор қилинган кундан бошлаб олти ой муддат ичида ариза берувчи яшаш гувоҳномасини расмийлаштириш ва доимий прописка қилиш учун мурожаат қилмаса, ТШИИБ МваФРБ қарорни ижро қилиш имконияти йўқлигини ёзма равишда маълум қилган ҳолда уч кунда шахсий йиғма иш жилдини ИИББ МваФРБ ёки ИИБ МваФРБ орқали ИИВ МваФРББга юборади.

ИИВ МваФРБ олинган ҳужжатларни ўрганиб чиқиб, ИИВ ўринбосари томонидан тасдиқланадиган қарор билан аввалги ижобий қарорни бекор қилади. Қарор шахсий йиғма иш жилдига бириктирилган ҳолда ижро учун тегишлилиги бўйича ИИББ МваФРБ ёки ИИБ МваФРБ орқали ТШИИБ МваФРББга қайтариб юборилади.

10. "Ўзбекистон Республикасининг фуқаролиги тўғрисида"ги Ўзбекистон Республикаси Қонуни (1992 йил 28 июль) кучга киргандан кейин Ўзбекистон Республикасига келган ва собиқ СССР намунасидаги паспортларга эга бўлган ёки уларни йўқотган, шунингдек ҳужжатларга эга бўлмаган (туғилганлик тўғрисидаги гувоҳнома бундан мустасно) ва Рўйхатга кирувчи узоқ вақт Тошкент шаҳрида ёки Тошкент вилоятида яшаётган шахслар шахсини тасдиқловчи ҳужжат олиш масаласи бўйича тегишли ТШИИБ МваФРБга мурожаат қилиб, қуйидаги ҳужжатларни тақдим этади:

собиқ СССР иттифоқи паспорти ёки туғилганлик тўғрисида гувоҳнома, ушбу ҳужжатлар бўлмаганда ҳарбий гувоҳнома ёки шахсни тасдиқловчи бошқа ҳужжат;

Ўзбекистон Республикасида таълим олганлиги ёки меҳнат қилганлигини тасдиқловчи тегишли ҳужжатлар ва маълумотномалар (агар мавжуд бўлса).

11. Мазкур Йўриқноманинг 10-бандида кўрсатилган ҳужжатлар асосида ТШИИБ МваФРБ томонидан уч кунда шахсга мазкур Йўриқноманинг 4-иловасига мувофиқ шаклда маълумотнома берилади. Ушбу маълумотнома асосида шахс ўзи туғилган ёки муқаддам истиқомат қилган хорижий давлатнинг Ўзбекистон Республикасидаги дипломатик элчихонаси ёки консуллик муассасасига мурожаат қилади ва унинг ушбу хорижий давлат фуқаролигига мансуб эмаслиги, олдинги яшаш жойи бўйича прописка қилинмаганлиги тўғрисида маълумотномани олади. Шундан сўнг, шахс ушбу маълумотномани ва мазкур Йўриқноманинг 3-бандида кўрсатиб ўтилган ҳужжатларни доимий яшашга рухсат олиш ва доимий прописка қилиш учун ТШИИБ МваФРББга тақдим этади.

Барча ҳужжатлар тақдим этилгач, ТШИИБ МваФРБ ходими уч кунда шахснинг олдинги яшаш жойи бўйича тегишли давлатнинг ҳуқуқни муҳофаза қилиш органларига унинг хорижий давлат фуқаролигига мансуб эмаслиги ва пропискаси йўқлиги тўғрисида сўровнома юборади. Бунда, сўровнома фақат прописка институти мавжуд Мустақил Давлатлар Ҳамдўстлигига аъзо давлатларга юборилади.

Сўровномага жавоб келгунга қадар мазкур тоифа шахсларнинг доимий яшашга рухсат олиш учун берган аризалари мазкур Йўриқноманинг 5 - 9-бандларига асосан кўриб чиқилади.

Сўровнома юборилгандан кейин уч ой ичида жавоб келиб тушмаса, ТШИИБ МваФРБ ходими мазкур Йўриқноманинг 10-бандида ва мазкур бандда кўрсатилган мавжуд ҳужжатлар билан чекланади.

Рўйхатга кирмайдиган, Йўриқноманинг 10-бандида кўрсатиб ўтилган шахслар, тегишли ҳужжатлар (фуқаролиги йўқ шахс учун яшаш гувоҳномаси ёки фуқаролиги йўқ шахс учун ҳаракатланиш ҳужжати) билан ҳужжатлаштирилиб, пойтахт минтақаси ёки республика ҳудудидан ташқарига чиқариб юборилади ҳамда бу ҳақида улардан мазкур Йўриқноманинг 5-1-иловасига мувофиқ мажбуриятнома олинади.

12. Хорижий давлатлардан Тошкент шаҳри ва Тошкент вилоятига келган чет эл фуқаролари ва фуқаролиги бўлмаган шахсларга Ўзбекистон Республикасида доимий яшаш учун рухсат беришни рад этиш тўғрисидаги қарор ИИББ, ИИБ ёки ИИВ томонидан қабул қилиниши мумкин.

Доимий яшаш учун рухсат бериш қуйидаги ҳолларда рад этилади:

миллий хавфсизлик ёки жамоат тартибини муҳофаза қилишни таъминлаш манфаатлари йўлида;

шахснинг белгиланган тартибда судланганлиги тугалланмаган ёки олиб ташланмаган бўлса;

шахс террористик, экстремистик, жиноий ва бошқа тақиқланган ташкилотларга дахлдор бўлса;

шахс ўзи ва яқин қариндошлари ҳақида била туриб ёлғон маълумотлар берса ёки қалбаки ҳужжатларни тақдим этса;

ҳужжатларни кўриб чиқиш босқичида доимий прописка қилишга турар жой эгаси томонидан рад жавоби берилса.

13. Хорижий давлатлардан Тошкент шаҳри ва Тошкент вилоятига келган чет эл фуқаролари ва фуқаролиги бўлмаган шахсларга Ўзбекистон Республикасида доимий яшаш учун рухсат бериш рад этилган тақдирда, ҳужжатлар уч иш куни ичида ТШИИБ МваФРБга қайтарилади, ТШИИБ МваФРБ бир сутка мобайнида ушбу қарорни ариза берувчига етказади. Агарда чет эл фуқаролари ҳамда фуқаролиги бўлмаган шахсларда республика ҳудудида вақтинча яшаш учун асослар бўлмаса, улар Ўзбекистон Республикаси ҳудудини унга белгиланган муддатда тарк этиши лозим.

Вақтинча яшаш учун қуйидагилар асос бўлади (бундан мазкур Йўриқноманинг 12-банди учинчи, тўртинчи ва бешинчи хатбошиларида назарда тутилган ҳоллар мустасно):

ариза берувчининг ота-онаси, эри (хотини), фарзандлари, туғишган ака (ука), опа (сингил)лари Тошкент шаҳри ёки Тошкент вилоятида доимий прописка қилинган бўлса;

ариза берувчи Тошкент шаҳри ёки Тошкент вилоятида ўз турар жойига эга бўлса;

ариза берувчи Тошкент шаҳри ёки Тошкент вилоятида жойлашган ташкилотларда меҳнат шартномаси асосида ишлаётган бўлса;

ариза берувчи Тошкент шаҳри ёки Тошкент вилоятида жойлашган таълим муассасаларида ўқиётган бўлса.

14. Рад жавоби берилган тақдирда, чет эл фуқароси ёки фуқаролиги бўлмаган шахс уч ой ўтгандан кейин доимий яшаш учун рухсат олишга такроран мурожаат қилиш ҳуқуқига эга. Бунинг учун мазкур Йўриқноманинг 3-бандида назарда тутилган ҳужжатлар топширилади.

15. Прописка қилиш ва пропискадан чиқариш тартиби мавжуд бўлган хорижий давлатлардан Тошкент шаҳри ва Тошкент вилоятига келган чет эл фуқаролари ва фуқаролиги бўлмаган шахслар Ўзбекистон Республикасида доимий яшаш учун рухсат олганларидан кейин муқаддам пропискада турган жойидан пропискадан чиққанлик (жўнаб кетиш варақаси) фактини тасдиқловчи тегишли ҳужжатларни ёки бундай тартиб йўқлиги тўғрисидаги ҳужжатларни тақдим этади.

III БОБ. РЕСПУБЛИКАНИНГ БОШҚА МИНТАҚАЛАРИДАН

ТОШКЕНТ ШАҲРИ ВА ТОШКЕНТ ВИЛОЯТИГА КЕЛГАН

ҲАМДА ЯШАШ ГУВОҲНОМАСИГА ЭГА БЎЛГАН ЧЕТ

ЭЛ ФУҚАРОЛАРИ ВА ФУҚАРОЛИГИ БЎЛМАГАН

ШАХСЛАРНИ ДОИМИЙ ПРОПИСКА ҚИЛИШ

16. Республиканинг бошқа минтақаларидан Тошкент шаҳри ва Тошкент вилоятига келган ҳамда яшаш гувоҳномасига эга бўлган чет эл фуқаролари ва фуқаролиги бўлмаган шахслар доимий пропискани расмийлаштириш учун ТШИИБ МваФРБга қуйидаги ҳужжатларни тақдим этади:

мазкур Йўриқноманинг 5-иловасига мувофиқ шаклда икки нусхада ариза-анкета;

яшаш гувоҳномаси;

уй-жой ҳужжатларининг асл нусхаси (нусхалари олиниб, асли қайтариб берилади);

уй-жой мулкдори (мулкдорлари)нинг турар жой майдони бериш тўғрисидаги аризаси (розилиги) ёхуд нотариал тасдиқланган аризаси (розилиги), агар шахсан ўзи бериш имкони мавжуд бўлмаса;

никоҳ тузилганлиги, бола туғилганлиги, ота-онанинг вафот этганлиги тўғрисидаги ҳужжатлар, шунингдек, васийлик ёки ҳомийликни тасдиқловчи ҳужжатлар (нусхалари олиниб, асли қайтариб берилади);

тегишли давлат ҳокимияти органи, давлат ёки хўжалик бошқаруви органи, республика аҳамиятига молик бошқа давлат ташкилоти раҳбарининг илтимосномаси. (Рўйхатнинг 6-банди бўйича доимий прописка қилиш чоғида);

прописка қилинганлик учун давлат божи тўланганлиги тўғрисидаги квитанция.

17. ТШИИБ МваФРБ томонидан ҳужжатлар қабул қилиб олинганидан сўнг бир сутка мобайнида ариза берувчининг шахси мавжуд маълумотлар тўпламидан текширилади (текширув давомида ариза берувчининг шахсий маълумотлари аниқланмаса, унинг олдинги яшаш манзили бўйича сўровнома юборилиб, жавоби олинади) ва ҳужжатлар ИИББ МваФРБ ёки ИИБ МваФРБга юборилади ва улар томонидан уч иш куни мобайнида тақдим этилган ҳужжатлар ўрганиб чиқилиб тегишли ваколатли органга юборилади.

Бир вақтнинг ўзида ИИББ МваФРБ ёки ИИБ МваФРБ томонидан ўн кун муддат ичида ИИВ Тезкор маълумотлар бошқармасидан ва ҳудудий ММБдан ариза берувчи ва турар жой эгасига доир маълумотлар сўраб олинади.

Тегишли ваколатли органнинг ижобий жавоби олинган тақдирда ИИББ МваФРБ ёки ИИБ МваФРБ томонидан ўн кун муддатда ИИББ ёки ИИБ бошлиғи ўринбосари томонидан тасдиқланадиган қарорни чиқаради.

17-1. ИИББ МваФРБ ёки ИИБ МваФРБ доимий прописка масаласи бўйича ижобий қарорга доир материалларни бир сутка ичида доимий пропискани расмийлаштириш учун тегишли ТШИИБ МваФРБга юборади.

17-2. ИИББ ёки ИИБнинг ижобий қарори Тошкент шаҳри ва Тошкент вилоятига республиканинг бошқа минтақаларидан келган, яшаш гувоҳномасига эга бўлган чет эл фуқароларига ва фуқаролиги бўлмаган шахсларни Тошкент шаҳри ва Тошкент вилоятида доимий пропискани расмийлаштириш учун асос ҳисобланади.

Яшаш гувоҳномасига эга бўлган ҳамда республиканинг бошқа минтақаларидан Тошкент шаҳри ва Тошкент вилоятига келган, чет эл фуқароларини ва фуқаролиги бўлмаган шахсларни Тошкент шаҳри ва Тошкент вилоятига доимий прописка қилишни рад этиш тўғрисидаги қарор ТШИИБ МваФРБ ёки ИИББ МваФРБ, ИИБ МваФРБ томонидан қабул қилиниши мумкин.

18. Яшаш гувоҳномасига эга бўлган ҳамда республиканинг бошқа минтақаларидан Тошкент шаҳри ва Тошкент вилоятига келган чет эл фуқароларига ва фуқаролиги бўлмаган шахсларга Тошкент шаҳри ва Тошкент вилоятида доимий прописка қилиш рад этилган тақдирда ҳужжатлар уч иш куни мобайнида ТШИИБ МваФРБга қайтарилади, у бир сутка мобайнида ушбу қарорни аризачига етказади. Аризачи рад жавоби берилганлиги ҳақидаги хабарни олгандан сўнг қолиш учун асослар мавжуд бўлмаган тақдирда уч сутка мобайнида Тошкент шаҳри ёки Тошкент вилояти ҳудудини тарк этиши шарт.

Қуйидагилар юқорида кўрсатилган тоифадаги шахслар Тошкент шаҳри ёки Тошкент вилоятида кейинчалик вақтинча бўлишлари учун асос ҳисобланади:

қонун ҳужжатларига мувофиқ сотиб олинган турар жой мавжуд бўлганда;

яқин қариндошлар (эр, (хотин), ота-она, фарзандлар) мавжуд бўлганда;

васийлар (ҳомийлар) мавжуд бўлганда;

меҳнат фаолияти билан шуғулланганда, таълим муассасаларида ўқиганда;

даволаш муассасаларида даволанаётганда.

19. Тошкент шаҳрида уй-жойнинг олди-сотди битимларини, алмашиш, рента, умрбод таъминлаш шарти билан ўзгага бериш ва ҳадя қилишни нотариал тасдиқлаш ва давлат рўйхатидан ўтказиш, шунингдек Тошкент шаҳридаги турар жой ёхуд турар жой бўлмаган бино шаклидаги кўчмас мулкни (кўчмас мулкнинг бир қисмини) гаровга (ипотекага) қўйиш, воз кечиш ва ўзгага беришнинг бошқа усуллари қуйидаги ҳолларда амалга оширилади, агар сотиб олувчи томон чет эл фуқароси ва фуқаролиги бўлмаган шахс:

Тошкент шаҳрида доимий пропискага эга бўлса;

Тошкент шаҳри ҳудудида камида уч йил доимий яшаб турган (лавозимда бўлган) ва Рўйхатнинг 2, 3 ва 6-бандларига мувофиқ Тошкент шаҳрида доимий прописка қилинган чет эл фуқароси ёки фуқаролиги бўлмаган шахс ҳисобланса ва доимий пропискаси борлиги тўғрисида ички ишлар органининг маълумотномасини тақдим этса.

20. Тошкент вилоятида уй-жойнинг олди-сотди битимларини, алмашиш, рента, умрбод таъминлаш шарти билан ўзгага бериш ва ҳадя қилишни нотариал тасдиқлаш ва давлат рўйхатидан ўтказиш, шунингдек Тошкент шаҳридаги турар жой ёхуд турар жой бўлмаган бино шаклидаги кўчмас мулкни (кўчмас мулкнинг бир қисмини) гаровга (ипотекага) қўйиш, воз кечиш ва ўзгага беришнинг бошқа усуллари қуйидаги ҳолларда амалга оширилади, агар сотиб олувчи томон чет эл фуқароси ва фуқаролиги бўлмаган шахс:

Тошкент шаҳри ёки Тошкент вилоятида доимий пропискага эга бўлса;

Тошкент шаҳри ёки Тошкент вилояти ҳудудида камида уч йил доимий яшаб турган (лавозимда бўлган) ва Рўйхатнинг 2, 3 ва 6-бандларига мувофиқ Тошкент шаҳрида доимий прописка қилинган чет эл фуқароси ёки фуқаролиги бўлмаган шахс ва ички ишлар органининг доимий пропискаси борлиги тўғрисидаги маълумотномасини тақдим этса.

21. Тошкент шаҳрида доимий прописка қилинган ва яшаш гувоҳномасига эга бўлган чет эл фуқаролари ва фуқаролиги бўлмаган шахслар Тошкент шаҳри ва Тошкент вилоятида бошқа манзилга доимий пропискага ўтиш масаласида мурожаат қилган тақдирда, ҳужжатлар ТШИИБ МваФРБда ваколатли органлар билан келишилмасдан кўриб чиқилади.

22. Тошкент шаҳри ва Тошкент вилоятига республиканинг бошқа минтақаларидан келган ҳамда бу минтақаларда доимий пропискадан ўтган, шунингдек, бошқа давлатлардан келган ва яшаш гувоҳномасини олган чет эл фуқаролари ва фуқаролиги бўлмаган шахслар Тошкент шаҳри ва Тошкент вилоятидаги янги қурилган нархи энг кам ойлик иш ҳақининг 3300 бараваридан кам бўлмаган кўчмас мулкни банк ҳисобварақлари орқали ҳисоб-китобларни амалга оширган ҳолда сотиб олишлари мумкин.

Ушбу Низомнинг мақсадларига кўра янги қурилган кўчмас мулк тоифасига туман (шаҳар) ҳокимининг қурилиши тугалланган бинони, иншоотни, уй-жойни фойдаланишга қабул қилиб олиш тўғрисидаги комиссия далолатномасини тасдиқлаш ҳақидаги қарори асосида мулк ҳуқуқи вужудга келган ҳамда қабул қилиб олинганига уч йилдан кўп бўлмаган мол-мулк киради.

24. Доимий прописка масаласи бўйича ижобий қарорга доир материаллар олингач, ТШИИБ МваФРБ томонидан бир кунда ариза берувчининг олдинги яшаш жойи бўйича ТШИИБ МваФРББга унинг шахсий йиғма иш жилдини ва ҳисоб карточкасини жўнатиш тўғрисида сўровнома юборилади.

Бир вақтнинг ўзида ариза берувчига прописка масаласи ижобий ҳал бўлганлиги ёзма равишда етказилади.

25. Ариза берувчи аввал доимий прописка қилинган тегишли ТШИИБ МваФРБ сўровномани олгач, бир кунда ариза берувчининг шахсий йиғма иш жилдини ва ҳисоб карточкасини сўровномани юборган ТШИИБ МваФРББга жўнатади ҳамда бир вақтнинг ўзида бу ҳақда тегишли Қорақалпоғистон Республикаси ИИВ ва вилоятлар ИИБ МваФРБларни хабардор қилади.

Ариза берувчи аввал доимий прописка қилинган ТШИИБ МваФРБ, Тошкент шаҳри ёки Тошкент вилоятида доимий прописка учун рухсат олган чет эл фуқароси ва фуқаролиги бўлмаган шахснинг мурожаати асосида уни бир кунда белгиланган тартибда пропискадан чиқаради.

26. Республиканинг бошқа минтақасидан пропискадан чиқарилгандан кейин чет эл фуқароси ёки фуқаролиги бўлмаган шахсга Тошкент шаҳри ёки Тошкент вилоятида танлаган яшаш жойи бўйича тегишли ТШИИБ МваФРБда белгиланган тартибда доимий прописка расмийлаштириб берилади.

ИИББ ёки ИИБ томонидан ижобий қарор қабул қилинган ва айни пайтда турар жой эгаси томонидан ёзма рад жавоби берилган тақдирда, шунингдек ариза берувчи ёки уй-жой эгаси хабардор қилингандан бошлаб уч ой муддат ичида ариза берувчи доимий пропискани расмийлаштириш бўйича мурожаат қилмаса, ТШИИБ МваФРБ сабабини кўрсатиб, қарорни ижро қилиш имконияти йўқлигини маълум қилган ҳолда уч иш куни ичида шахсий йиғма иш жилдини ИИББ МваФРБ ёки ИИБ МваФРБга юборади.

ИИББ МваФРБ ёки ИИБ МваФРБ томонидан мавжуд ҳужжатлар ўрганиб чиқилгач, ИИББ ёки ИИБ ўринбосари томонидан тасдиқланадиган қарор билан аввалги ижобий қарор бекор қилинади. Қарор шахсий йиғма иш жилдига бириктирилган ҳолда ижро учун тегишлилиги бўйича ТШИИБ МваФРБга қайтариб юборилади.

27. Республиканинг бошқа минтақаларидан Тошкент шаҳри ва Тошкент вилоятига келган, яшаш гувоҳномасига эга бўлган чет эл фуқароларини ва фуқаролиги бўлмаган шахсларни Тошкент шаҳри ва Тошкент вилоятига доимий прописка қилишни рад этиш тўғрисидаги қарор ИИББ, ИИБ ёки ИИВ томонидан қабул қилиниши мумкин.

28. Республиканинг бошқа минтақаларидан Тошкент шаҳри ва Тошкент вилоятига келган, яшаш гувоҳномасига эга бўлган чет эл фуқароларини ва фуқаролиги бўлмаган шахсларни Тошкент шаҳри ва Тошкент вилоятига доимий прописка қилиш қуйидаги ҳолларда рад этилади:

миллий хавфсизлик ёки жамоат тартибини муҳофаза қилишни таъминлаш манфаатлари йўлида;

шахснинг белгиланган тартибда судланганлиги тугалланмаган ёки олиб ташланмаган бўлса;

шахс террористик, экстремистик, жиноий ва бошқа тақиқланган ташкилотларга дахлдор бўлса;

шахс ўзи ва яқин қариндошлари ҳақида била туриб ёлғон маълумотлар берса ёки қалбаки ҳужжатларни тақдим этса;

ҳужжатларни кўриб чиқиш босқичида доимий пропискага турар жой эгаси томонидан рад жавоби берилса;

ҳужжатларни кўриб чиқиш босқичида шахс аввал прописка қилинган тегишли ТШИИБ МваФРБ томонидан унинг яшаш гувоҳномаси ноқонуний олинганлиги аниқланса.

29. Республиканинг бошқа минтақалардан Тошкент шаҳри ва Тошкент вилоятига келган, яшаш гувоҳномасига эга бўлган чет эл фуқароларига ва фуқаролиги бўлмаган шахсларга доимий прописка қилиш рад этилган тақдирда, ички ишлар вазири ўринбосари, ИИББ ёки ИИБ бошлиғи ўринбосари томонидан тасдиқланадиган қарор чиқарилади. Қарор чет эл фуқароси ёки фуқаролиги бўлмаган шахснинг шахсий йиғма иш жилдига бириктирилган ҳолда уч иш куни мобайнида ТШИИБ МваФРБга қайтарилади, у бир сутка мобайнида ушбу қарорни ёзма равишда ариза берувчига етказади.

30. Тошкент шаҳри ва Тошкент вилоятида доимий прописка қилинган чет эл фуқаролари ва фуқаролиги бўлмаган шахсларнинг республиканинг бошқа минтақаларига доимий прописка қилиниши ва пропискадан чиқарилиши, шунингдек уларнинг хорижий давлатга доимий яшашга кетаётганлиги сабабли пропискадан чиқарилиши қонун ҳужжатларига мувофиқ амалга оширилади.

Тошкент шаҳри ва Тошкент вилоятида доимий прописка қилинган чет эл фуқаролари ва фуқаролиги бўлмаган шахслар хорижий давлатга доимий яшашга кетаётганлиги сабабли пропискадан чиқарилганда, уларнинг мурожаати бўйича тегишли ТШИИБ МваФРБ томонидан белгиланган тартибда улар республика ташқарисига чиқиб кетгунга қадар вақтинча прописка қилиниши мумкин.

31. Тошкент шаҳри ва Тошкент вилоятида доимий прописка қилинган чет эл фуқаролари ва фуқаролиги бўлмаган шахслар хорижий давлатга доимий яшашга кетаётганлиги сабабли пропискадан чиқарилган тақдирда, бироқ бир йил ичида республикадан чиқиб кетмаганда, яъни Ўзбекистон Республикаси Давлат чегарасини кесиб ўтмаганда, улар олдинги яшаш жойи бўйича ёки республиканинг бошқа минтақасига тегишли ТШИИБ МваФРБ томонидан доимий прописка қилинади.

Бунда, Тошкент шаҳри ва Тошкент вилоятида доимий прописка қилиш учун чет эл фуқароси ёки фуқаролиги бўлмаган шахс ТШИИБ МваФРБга республикадан чиқиб кетмаганлиги сабабини тўлиқ кўрсатган ҳолда ариза билан мурожаат қилади.

Аризага қуйидаги ҳужжатлар илова қилинади:

чет эл фуқаросининг паспорти ёки фуқаролиги бўлмаган шахснинг ҳаракатланиш ҳужжати;

туғилганлик тўғрисидаги гувоҳнома - 16 ёшга тўлмаган шахслар учун;

уй-жой ҳужжатларининг асл нусхаси (нусхалари олиниб, асли қайтариб берилади);

уй-жой мулкдори (мулкдорлари)нинг турар жой майдони бериш тўғрисидаги аризаси (розилиги) ёхуд нотариал тасдиқланган аризаси (розилиги), агар шахсан ўзи бериш имкони мавжуд бўлмаса;

жўнаб кетиш варақаси;

прописка қилинганлик учун давлат божи тўланганлиги тўғрисидаги квитанция.

32. Мазкур Йўриқноманинг 31-бандида кўрсатилган ҳужжатлар асосида ТШИИБ МваФРБ ариза берган чет эл фуқароси ёки фуқаролиги бўлмаган шахс тўғрисидаги маълумотларни олиш учун бир кунда ИИВ Тезкор маълумотлар бошқармаси ва ИИББ ёки ИИБнинг ММБга сўровнома юборади. Жавоб олингандан сўнг уч иш кунида ТШИИБ бошлиғи томонидан тасдиқланадиган хулоса асосида белгиланган тартибда чет эл фуқароси ёки фуқаролиги бўлмаган шахсга яшаш гувоҳномаси расмийлаштириб берилади ва доимий прописка қилинади. Бунда, фуқаролиги бўлмаган шахснинг ҳаракатланиш ҳужжатидаги чет элга бориш учун рухсат бериш ёзувининг стикери бекор қилинади ва бу ҳақда уч иш куни ичида ваколатли органга ҳамда тегишлилиги бўйича ИИББ МваФРБга ёки ИИБ МваФРБга маълумотнома юборилади.

IV БОБ. РЕСПУБЛИКАНИНГ БОШҚА МИНТАҚАЛАРИДАН

ТОШКЕНТ ШАҲРИ ВА ТОШКЕНТ ВИЛОЯТИГА КЕЛГАН

ҲАМДА ЯШАШ ГУВОҲНОМАСИГА ЭГА БЎЛГАН ЧЕТ

ЭЛ ФУҚАРОЛАРИ ВА ФУҚАРОЛИГИ БЎЛМАГАН

ШАХСЛАРНИ ВАҚТИНЧА ПРОПИСКА ҚИЛИШ

33. Республиканинг бошқа минтақаларидан Тошкент шаҳри ва Тошкент вилоятига келган ҳамда яшаш гувоҳномасига эга бўлган чет эл фуқароларини ва фуқаролиги бўлмаган шахсларни вақтинча прописка қилиш, доимий яшаш жойидан пропискадан чиқармасдан, келган жойи бўйича уч кундан олти ойгача бўлган муддатга амалга оширилади ҳамда Тошкент шаҳрида ва Тошкент вилоятида уй-жой сотиб олиш, шунингдек доимий иш ва ижтимоий кафолатлар олиш учун асос ҳисобланмайди.

34. Чет эл фуқаролари ва фуқаролиги бўлмаган шахслар вақтинча прописка олиш учун Тошкент шаҳри ва Тошкент вилоятига келган кунидан бошлаб уч кун муддатда тегишли ТШИИБ МваФРБга қуйидаги ҳужжатларни тақдим этади:

мазкур Йўриқноманинг 7-иловасига мувофиқ шаклда ариза;

яшаш гувоҳномаси ёки фуқаролиги бўлмаган шахснинг ҳаракатланиш ҳужжати;

туғилганлик тўғрисидаги гувоҳнома - 16 ёшга тўлмаган шахслар учун;

уй-жой ҳужжатларининг асл нусхаси (нусхалари олиниб, асли қайтариб берилади);

уй-жой мулкдори (мулкдорлари)нинг турар жой майдони бериш тўғрисидаги аризаси (розилиги) ёхуд нотариал тасдиқланган аризаси (розилиги), агар шахсан ўзи бериш имкони мавжуд бўлмаса;

прописка қилинганлик учун давлат божи тўланганлиги тўғрисидаги квитанция.

35. ТШИИБ МваФРБ барча ҳужжатларни олгач, бир кунда аризани белгиланган тартибда расмийлаштириб, мазкур Йўриқноманинг 8-иловасига мувофиқ шаклдаги китобга қайд этади ҳамда аризада кўрсатилган, лекин олти ойдан кўп бўлмаган муддатга вақтинча пропискани расмийлаштиради. Бунда, яшаш гувоҳномаси ёки ҳаракатланиш ҳужжатига вақтинча прописка штампи қўйилади.

Чет эл фуқароси ёки фуқаролиги бўлмаган шахс муайян сабабларга кўра вақтинча пропискадан ўтган манзилини Тошкент шаҳри ёки Тошкент вилоятидаги бошқа манзилга ўзгартириш истагини билдирса, у ҳолда янги манзил бўйича тегишли ТШИИБ МваФРБга мурожаат қилиб, мазкур Йўриқноманинг 34-бандида кўрсатиб ўтилган ҳужжатларни тақдим этади, бундан мазкур Йўриқноманинг 34-банди еттинчи хатбошисидаги кўрсатилган ҳужжат мустасно.

ТШИИБ МваФРБ барча ҳужжатларни олгач, бир кунда аризани белгиланган тартибда расмийлаштириб, мазкур Йўриқноманинг 8-иловасига мувофиқ шаклдаги китобга қайд этгач, яшаш гувоҳномаси ёки ҳаракатланиш ҳужжатига қўйилган аввалги вақтинча пропискани бекор қилади ва аввалги вақтинча пропискада кўрсатилган муддатга вақтинча пропискани расмийлаштиради.

36. Республиканинг бошқа минтақаларидан Тошкент шаҳри ёки Тошкент вилоятидаги меҳмонхоналар, даволаш муассасалари, санаторийлар, дам олиш уйларига ва шунга ўхшаш бошқа муассасаларга келган, яшаш гувоҳномасига эга бўлган чет эл фуқароларини ва фуқаролиги бўлмаган шахсларни ҳисобга олиш улар келгач, ушбу муассасалар маъмурияти томонидан, яшаш гувоҳномаси ёки ҳаракатланиш ҳужжати асосида амалга оширилади.

37. Таълим муассасаларига ўқиш учун республиканинг бошқа минтақаларидан Тошкент шаҳри ва Тошкент вилоятига келган, яшаш гувоҳномасига эга бўлган чет эл фуқароларини ва фуқаролиги бўлмаган шахсларни вақтинча прописка қилиш ўқиш даврига олдинги яшаш жойидан пропискадан чиқарган ҳолда амалга оширилади.

Бунинг учун чет эл фуқароси ёки фуқаролиги бўлмаган шахс ўқийдиган таълим муассасаси раҳбарияти унинг таълим муассасасига қабул қилинганлиги тўғрисида буйруқни илова қилган ҳолда талабалар турар жойи жойлашган жойдаги ТШИИБ МваФРБга ўқув йили бошланишидан олдин илтимоснома юборади.

38. ТШИИБ МваФРБ томонидан уч кунда тегишлилиги бўйича Қорақалпоғистон Республикаси ИИВ ва вилоятлар ИИБ МваФРБга чет эл фуқароси ёки фуқаролиги бўлмаган шахснинг шахсий йиғма иш жилди, ҳисоб карточкаси ва яшаш гувоҳномаси қонуний олинганлиги тўғрисида хулоса бериш ва ариза берувчини белгиланган тартибда пропискадан чиқариш учун сўровнома юборилади.

Бир вақтнинг ўзида ўн кун муддат ичида ИИВ Тезкор маълумотлар бошқармаси ва ИИББ ёки ИИБнинг ММБ орқали ариза берувчига доир маълумотлар мавжудлиги текширилади.

39. Қорақалпоғистон Республикаси ИИВ ва вилоятлар ИИБ МваФРБ сўровномани олгач, уч кунда яшаш гувоҳномасининг қонуний олинганлиги тўғрисида хулоса тайёрлайди. Хулоса, шахсий йиғма иш жилди ва ҳисоб карточкаси сўровномани юборган ТШИИБ МваФРБга жўнатилади. Чет эл фуқароси ёки фуқаролиги бўлмаган шахснинг мурожаати асосида у белгиланган тартибда пропискадан чиқарилади.

40. Чет эл фуқароси ёки фуқаролиги бўлмаган шахснинг яшаш гувоҳномасини ноқонуний олганлиги аниқланган тақдирда, тегишли Қорақалпоғистон Республикаси ИИВ ва вилоятлар ИИБ МваФРБ бир кунда бу ҳақда сўровномани юборган ТШИИБ МваФРБга маълум қилади ҳамда яшаш гувоҳномасини қайтариб олиш ва бекор қилиш чораларини кўради.

41. ТШИИБ МваФРБ чет эл фуқароси ёки фуқаролиги бўлмаган шахснинг яшаш гувоҳномаси қонуний олинганлиги тўғрисида хулосани, шахсий йиғма иш жилдини ва ҳисоб карточкасини олгач, уларни уч иш куни ичида ўрганиб чиқади ва вақтинча прописка қилиш тўғрисида қарор қабул қилади. Бу ҳақда ариза берувчи хабардор қилинади ҳамда ариза берувчининг мурожаати асосида вақтинча прописка белгиланган тартибда расмийлаштириб берилади.

42. Талабалар турар жойида яшаш ўрни бўлмаганда, таъмирланаётганда ёки шу каби бошқа ҳолатларда таълим муассасаси раҳбарияти томонидан хусусий турар жой жойлашган жойдаги ТШИИБ МваФРБга юбориладиган илтимоснома асосида яшаш гувоҳномасига эга бўлган чет эл фуқаролари ва фуқаролиги бўлмаган шахслар юқорида кўрсатилган сабаблар бартараф этилгунга қадар, илтимосномада кўрсатилган муддатга хусусий турар жойга вақтинча прописка қилинади.

43. Чет эл фуқароси ёки фуқаролиги бўлмаган шахс Тошкент шаҳри ва Тошкент вилоятида жойлашган бошқа таълим муассасасига ўқишга ўтганда, мазкур муассасалар раҳбарияти бу ҳақда чет эл фуқароси ёки фуқаролиги бўлмаган шахс вақтинча келган жой бўйича ТШИИБ МваФРБга ёзма равишда маълум қилади. ТШИИБ МваФРБ бир кунда чет эл фуқароси ёки фуқаролиги бўлмаган шахс аввал яшаган жойдаги ТШИИБ МваФРБга унинг шахсий йиғма иш жилди ва ҳисоб карточкасини жўнатиш ҳамда ариза берувчини белгиланган тартибда пропискадан чиқариш тўғрисида сўровнома юборади. Сўровномани олгач, ТШИИБ МваФРБ бир кунда чет эл фуқароси ёки фуқаролиги бўлмаган шахсни белгиланган тартибда пропискадан чиқаради ва унга тегишли шахсий йиғма иш жилди ва ҳисоб карточкасини сўровномани юборган ТШИИБ МваФРБга жўнатади.

44. Чет эл фуқароси ёки фуқаролиги бўлмаган шахс Тошкент шаҳри ва Тошкент вилоятидан ташқарида жойлашган бошқа таълим муассасасига ўқишга ўтганда, Тошкент шаҳри ва Тошкент вилоятидаги тегишли ТШИИБ МваФРБ кўрсатиб ўтилган шахс ўқишга келган жойдаги ТШИИБ МваФРБнинг сўровномасига асосан уни бир кунда белгиланган тартибда пропискадан чиқаради ҳамда шахсий йиғма иш жилдини ва ҳисоб карточкасини сўровномани юборган ТШИИБ МваФРБга жўнатади.

45. Тошкент шаҳри ёки Тошкент вилоятида жойлашган таълим муассасасида ўқийдиган чет эл фуқароси ёки фуқаролиги бўлмаган шахс ўқишдан четлаштирилганда, академик таътил олганда, озодликдан маҳрум қилинганда ёки вафот этганда, таълим муассасасининг хабарномаси асосида кўрсатиб ўтилган шахс вақтинча прописка қилинган жойдаги ТШИИБ МваФРБ уч кунда вақтинча пропискани бекор қилади, бу ҳақда мазкур Йўриқноманинг 9-иловасига мувофиқ шаклда ТШИИБ бошлиғи томонидан тасдиқланадиган хулоса тайёрлайди ва аввалги яшаш жойи бўйича ТШИИБ МваФРБга шахсий йиғма иш жилдини ва ҳисоб карточкасини белгиланган тартибда сақлаш учун юборади.

46. Тошкент шаҳри ва Тошкент вилоятида жойлашган таълим муассасасида ўқиётган чет эл фуқаролари ёки фуқаролиги бўлмаган шахслар хорижий давлатлардаги таълим муассасасига ўтганда, улар ўқиган таълим муассасаси раҳбарияти бу ҳақда вақтинча пропискани расмийлаштирган ТШИИБ МваФРБни хабардор қилади.

Таълим муассасаси раҳбариятининг хабарномаси асосида ТШИИБ МваФРБ уч кунда вақтинча пропискани белгиланган тартибда бекор қилади ҳамда чет эл фуқароси ёки фуқаролиги бўлмаган шахсга тегишли бўлган шахсий йиғма иш жилдини ва ҳисоб карточкасини у аввалги яшаган манзил бўйича тегишли ТШИИБ МваФРБга белгиланган тартибда сақлаш учун юборади.

47. Тошкент шаҳри ва Тошкент вилоятида жойлашган таълим муассасасида ўқийдиган чет эл фуқароси ёки фуқаролиги бўлмаган шахснинг яшаш гувоҳномасининг муддати тугаганда, йўқолганда ёки яроқсиз ҳолга келганда, шунингдек унинг фамилияси, исми, отасининг исми, туғилган санаси, миллати, фуқаролиги ўзгарганда, ушбу шахс вақтинча яшаш жойи бўйича ТШИИБ МваФРБга яшаш гувоҳномасини алмаштириш сабабларини кўрсатган ҳолда ариза билан мурожаат қилади.

48. Тошкент шаҳри ва Тошкент вилоятида жойлашган таълим муассасасида ўқийдиган чет эл фуқароси ёки фуқаролиги бўлмаган шахснинг яшаш гувоҳномаси муддатини узайтириш, йўқотилганлиги, яроқсиз ҳолга келганлиги ёки бошқа сабабларга кўра алмаштириш қонун ҳужжатларига мувофиқ амалга оширилади.

49. Тошкент шаҳри ва Тошкент вилоятида жойлашган таълим муассасасида ўқийдиган чет эл фуқароси ёки фуқаролиги бўлмаган шахс хорижга чиқаётган ҳолларда тегишли ҳужжатларни расмийлаштириш таълим муассасаси илтимосномаси асосида вақтинча яшаш жойи бўйича ТШИИБ МваФРБ томонидан қонун ҳужжатларига мувофиқ амалга оширилади.

50. Вақтинча пропискани такрорий расмийлаштириш масаласини кўриб чиқиш ТШИИБ МваФРБ томонидан амалга оширилади. Бунинг учун чет эл фуқаролари ва фуқаролиги бўлмаган шахслар вақтинча прописка муддати тамом бўлишидан ўн беш кун олдин ТШИИБ МваФРБга қуйидаги ҳужжатларни тақдим этади:

мазкур Йўриқноманинг 7-иловасига мувофиқ шаклда ариза;

яшаш гувоҳномаси ёки фуқаролиги бўлмаган шахснинг ҳаракатланиш ҳужжати;

туғилганлик тўғрисидаги гувоҳнома - 16 ёшга тўлмаган шахслар учун;

уй-жой ҳужжатларининг асл нусхаси (нусхалари олиниб, асли қайтариб берилади);

уй-жой мулкдори (мулкдорлари)нинг турар жой майдони бериш тўғрисидаги аризаси (розилиги) ёхуд нотариал тасдиқланган аризаси (розилиги), агар шахсан ўзи бериш имкони мавжуд бўлмаса;

вақтинча пропискани такроран расмийлаштириш зарурлигини тасдиқловчи ҳужжат;

прописка қилинганлик учун давлат божи тўланганлиги тўғрисидаги квитанция.

Ариза рўйхатдан ўтказилгандан, шунингдек ҳужжатлар белгиланган тартибда ўрганиб чиқилгандан ва расмийлаштирилгандан кейин ТШИИБ МваФРБ бир сутка мобайнида чет эл фуқаросига ва фуқаролиги бўлмаган шахсга вақтинчалик пропискани расмийлаштиради.

52. Қуйидаги ҳолатлар тасдиқланганда ТШИИБ МваФРБ томонидан вақтинча пропискани такрорий расмийлаштиришга рухсат берилади:

ариза берувчи Тошкент шаҳри ёки Тошкент вилоятида жойлашган даволаш-профилактика муассасаларида даволанаётган бўлса;

ариза берувчининг ота-онаси, эри (хотини), фарзандлари, туғишган ака (ука), опа(сингил)лари Тошкент шаҳри ёки Тошкент вилоятида жойлашган даволаш-профилактика муассасаларида даволанаётган бўлса;

Тошкент шаҳри ёки Тошкент вилоятида жойлашган ташкилотларнинг илтимосномасига кўра ариза берувчи меҳнат фаолиятини давом эттирса;

ариза берувчи Тошкент шаҳри ёки Тошкент вилоятида доимий прописка учун ҳужжатлар топширган бўлса.

54. ТШИИБ МваФРБ ариза берувчини вақтинча прописка қилгандан кейин шу куннинг ўзида ИИББ ва ИИБнинг ММБга Тошкент шаҳри ва Тошкент вилоятида вақтинча прописка қилинган чет эл фуқаролари ёки фуқаролиги бўлмаган шахсларнинг келиш варақаларини юборади, шунингдек уларнинг рўйхатларини (электрон тарзда) тегишли ТШИИБнинг ҳуқуқбузарликнинг олдини олиш бўлимига беради. Бир вақтнинг ўзида мазкур Йўриқноманинг 11-иловасига мувофиқ шаклда чет эл фуқароси ёки фуқаролиги бўлмаган шахснинг доимий яшаш жойи бўйича ТШИИБ МваФРБга унинг Тошкент шаҳри ва Тошкент вилоятида вақтинча прописка қилинганлиги тўғрисида хабарнома юборади.

Тошкент шаҳри ва Тошкент вилоятидаги меҳмонхоналар, даволаш муассасалари, санаторийлар, дам олиш уйлари ва шунга ўхшаш бошқа муассасаларнинг масъул шахслари бир сутка мобайнида ИИББ ва ИИБнинг ММБга ушбу муассасаларга келган чет эл фуқаролари ва фуқаролиги бўлмаган шахсларнинг келиш варақаларини юборади.

55. ТШИИБ ҳуқуқбузарликнинг олдини олиш бўлими олинган рўйхатларни милиция таянч пунктининг маълумотлар компьютер базасига тегишли ахборотни киритиш ва ўзи хизмат кўрсатадиган ҳудудда паспорт режимига риоя этилишини назорат қилиш учун ИИОнинг тегишли профилактика инспекторларига беради.

56. ТШИИБ МваФРБ чет эл фуқаролари ва фуқаролиги бўлмаган шахслар тўғрисидаги маълумотларни компьютер базасига киритишни амалга оширади, маълумотлар аниқ вақт режимида маълумотларни узатиш идоравий тармоғи орқали ИИВ МваФРББнинг маълумотлар марказий базасига берилади.

58. ТШИИБ МваФРБ, ИИББ МваФРБ ва ИИБ МваФРБлар томонидан мазкур Йўриқноманинг 12, 14 ва 18-иловаларига мувофиқ шакллар бўйича Тошкент шаҳрида ёки Тошкент вилоятида прописка қилинган чет эл фуқаролари ва фуқаролиги бўлмаган шахсларнинг ҳисоби юритилади.

Бунда, мазкур Йўриқноманинг 18-иловасига мувофиқ шакллар бўйича ҳар ойда, 12 ва 14-иловаларига мувофиқ шакллар бўйича ҳар чоракда ИИВ МваФРБга умумлаштирилган ҳисобот тақдим этилади.

59. ИИО профилактика инспекторлари ҳар ойда бир маротаба ўзлари хизмат кўрсатадиган ҳудудда чет эл фуқаролари ва фуқаролиги бўлмаган шахслар ва қабул қилувчилар томонидан паспорт-виза режими қоидаларига риоя этилишини назорат қилади.

V БОБ. ЯКУНИЙ ҚОИДАЛАР

60. Хорижий давлатлардан Тошкент шаҳри ва Тошкент вилоятига келган чет эл фуқароси ёки фуқаролиги бўлмаган шахсларни вақтинча прописка қилиш қонун ҳужжатларига мувофиқ амалга оширилади.

61. Тошкент шаҳри ва Тошкент вилоятида доимий ёки вақтинча пропискага, шунингдек яшаш гувоҳномасига эга бўлмаган чет эл фуқаролари ёки фуқаролиги бўлмаган шахсларга уч кундан кўп бўлган муддатга яшаш учун турар жой майдони берган уй-жой мулкдори (мулкдорлари) турар жой майдони берилган кундан бошлаб уч кун ичида ушбу шахслар тўғрисида ИИОни хабардор қилиши шарт.

62. Мазкур Йўриқнома талабларига риоя этилишини назорат қилиш ИИО ва маҳаллий давлат ҳокимияти органлари томонидан амалга оширилади.

63. Мазкур Йўриқноманинг бузилишида айбдор бўлган шахслар қонун ҳужжатларига мувофиқ жавоб беради.

64. Мазкур Йўриқнома Ўзбекистон Республикаси Миллий хавфсизлик хизмати, Бош прокуратураси ва Ташқи ишлар вазирлиги билан келишилган.

Йўриқномага

1-ИЛОВА

         

А Р И З А - А Н К Е Т А

Менга Ўзбекистон Республикасида доимий яшашга рухсат беришингизни сўрайман

        

Ўзим ҳақида қуйидагиларни маълум қиламан:

4. Сиз муқаддам бошқа давлат фуқароси бўлганмисиз? Сиз қаерда, қачон, қайси давлат фуқароси бўлгансиз, агар йўқотган бўлсангиз нима сабабли, батафсил кўрсатинг.

5. Қачон, қандай сабабга кўра муқаддам Тошкент шаҳри ёки Тошкент вилоятида бўлгансиз?

7. Ўзингиз билан доимий яшашга илтимоснома бераётган фарзандларингизни (16 ёшгача) фамилияси, туғилган йили, фуқаролиги:

8. Меҳнат фаолияти, шу жумладан таълим ва ҳарбий хизмат.

Изоҳ: Меҳнат шартномаси асосида ишлаётган ёки ўқиётган шахслар учун маълумотлар иш ёки ўқиш жойи бўйича ваколатли мансабдор шахс томонидан имзоланади ва муҳр билан тасдиқланади. Иш жойи бўлмаганда, ариза-анкета яшаш жойи бўйича фуқароларнинг ўзини ўзи бошқариш органи томонидан тасдиқланади.

9. Хорижда истиқомат қиладиган қариндошларим:

       

10. Ўзбекистон Республикасида истиқомат қиладиган қариндошларим (шу жумладан, Ўзбекистон Республикасида истиқомат қиладиган турмуш ўртоғимнинг қариндошлари):

11. Қўшимча равишда қуйидагиларни маълум қиламан:

         

__________________________, муддати 20___ йил "___" _____________гача;

          

б) виза ___________ рақами __________ 20___ йил "___" ___________да

        

             

муддати 20___ йил "___" __________________гача.

Ариза-анкетада кўрсатилган маълумотлар тўғри. Ўзим, оила аъзоларим ва қариндошларим тўғрисида нотўғри маълумотлар берган тақдиримда, яшаш учун рухсатнома олишга рад жавоби берилиши ҳақида огоҳлантирилдим.

    

      

12. Ариза-анкетани қабул қилди ва маълумотларни текширди:

            

Йўриқномага

2-ИЛОВА

Т И Л Х А Т

             

чет эл фуқаролари ва фуқаролиги бўлмаган шахсларнинг Ўзбекистон Республикасида бўлиш, ҳаракатланиш қоидалари, уларни бузганлик учун жавобгарлик, Ўзбекистон Республикасида доимий яшаш учун рухсатнома олиш тартиби тушунтирилди. Доимий яшаш учун рухсатнома беришга рад жавоби берилган тақдирда, ички ишлар органлари томонидан берилган вақтинча прописка муддати тугаши билан, қолишимга бошқа асослар бўлмаса, Ўзбекистон Республикаси ҳудудидан чиқиб кетиш мажбуриятини оламан.

      

Йўриқномага

3-ИЛОВА

Т И Л Х А Т

            

Ўзбекистон Республикасида чет эл фуқаролари ва фуқаролиги бўлмаган шахсларнинг бўлиши, яшаши ва ҳаракатланиш қоидалари, уларни бузганлик учун жавобгарлик, чет элга вақтинча ва доимий чиқиш тартиблари тушунтирилди.

Мен, чет элга вақтинча чиқиб, уч йил давомида доимий яшаш манзилимга қайтиб келмасам, менга берилган яшаш гувоҳномаси ва доимий прописка бекор қилиниши тўғрисида огоҳлантирилдим.

Шунингдек, менга, ________________ серияли, ___ рақамли, 20__ йил "___" ___________ да _____________ томонидан берилган яшаш гувоҳномаси 20__ йил "___" ___________ га қадар ҳақиқийлиги эълон қилинди.

        

Йўриқномага

4-ИЛОВА

____________-сон

20__ йил "___" ________

М А Ъ Л У М О Т Н О М А

_______________, шу ҳақдаги, у ҳақиқатан ҳам қуйидаги манзилда яшайди:

(Ўзбекистон Республикасига келган санаси)

Маълумотнома 20__ йил "___" ____________гача ҳақиқий.

М.Ў.

ўлчами: 150 х 210 мм

Изоҳ: Маълумотнома виза муҳри билан тасдиқланиб, орқа томонига вақтинча прописка штампи қўйилади.

Йўриқномага

5-ИЛОВА

А Р И З А - А Н К Е Т А

доимий прописка қилишга рухсат беришни сўрайман.

Ўзим ҳақимда қуйидагиларни маълум қиламан:

         

5. Ўзим билан бирга доимий пропискадан ўтаётган фарзандларимнинг (16 ёшгача) фамилияси, исми, туғилган йили:

6. Меҳнат фаолияти, шу жумладан, таълим ва ҳарбий хизмат.

Изоҳ: Меҳнат шартномаси асосида ишлаётган ёки ўқиётган шахслар учун маълумотлар иш ёки ўқиш жойи бўйича ваколатли мансабдор шахс томонидан имзоланади ва муҳр билан тасдиқланади. Иш жойи бўлмаганда, ариза-анкета яшаш жойи бўйича фуқароларнинг ўзини ўзи бошқариш органи томонидан тасдиқланади.

7. Ўзбекистон Республикасида истиқомат қиладиган қариндошлар (шу жумладан, Ўзбекистон Республикасида истиқомат қиладиган турмуш ўртоғининг қариндошлари):

8. Қўшимча равишда қуйидагиларни маълум қиламан:

яшаш гувоҳномаси _________, серияси ____, рақами ______________,

                                              (фуқаролиги)

муддати 20___ йил "___" ___________________га қадар.

Ариза-анкетада кўрсатилган маълумотлар тўғри. Мен, ўзим, оила аъзоларим ва қариндошларим тўғрисида нотўғри маълумотлар берган тақдиримда, доимий прописка қилишга рад жавоби берилиши ҳақида огоҳлантирилдим.

9. Ариза-анкетани қабул қилди ва маълумотларни текширди:

          

Йўриқномага

5-1-ИЛОВА

МАЖБУРИЯТНОМА

      

      

   

Ўзбекистон Республикаси Вазирлар Маҳкамасининг 2012 йил 16 февралдаги 41-сон қарори билан тасдиқланган Чет эл фуқаролари ҳамда фуқаролиги бўлмаган шахсларни Тошкент шаҳри ва Тошкент вилоятида доимий ва вақтинча прописка қилиш тартиби тўғрисидаги низомнинг 1-иловасида назарда тутилган Тошкент шаҳрида ва Тошкент вилоятида доимий прописка қилиниш ҳуқуқига эга бўлган шахслар - чет эл фуқаролари ва фуқаролиги бўлмаган шахслар рўйхатига кирмаслигим маълум қилинди, шунингдек яшаш гувоҳномаси ва доимий прописка расмийлаштиргандан сўнг пойтахт минтақаси ёки республика ҳудудидан чиқиб кетишим тўғрисида огоҳлантирилдим.

Яшаш гувоҳномаси ва доимий прописка расмийлаштирилгандан кейин бир ой муддат ичида пойтахт минтақаси ёки республика ҳудудидан чиқиб кетиш мажбуриятини оламан. Агар ушбу муддат ичида пойтахт минтақаси ёки республика ҳудудидан чиқиб кетмасам менга нисбатан қонун ҳужжатларида белгиланган чоралар кўрилиши тушунтирилди.

     

Йўриқномага

6-ИЛОВА

Республиканинг бошқа минтақаларидан Тошкент

шаҳри ва Тошкент вилоятига доимий пропискадан

ўтиш учун келган хорижий фуқаролар ва фуқаролиги

бўлмаган шахсларни рўйхатга олиш

КИТОБИ

   

         

Йўриқномага

7-ИЛОВА

Республиканинг бошқа минтақасидан келган

Ўзбекистон Республикасида доимий яшовчи чет эл

фуқароси ёки фуқаролиги бўлмаган шахсни вақтинча

прописка қилиш ёки муддатини узайтириш тўғрисида

А Р И З А

Яшаш гувоҳномаси рақами, берилган вақти, берилган жойи, амал қилиш муддати

Қуйидаги манзилга вақтинча прописка қилишни ёки вақтинча прописка муддатини узайтиришни сўрайман: ____________________туман, _____________________________ кўча, _____________________________ (квартал)______уй_______ корпус __________ хонадон.

Бир вақтнинг ўзида мен билан қуйидаги оила аъзоларимни вақтинча прописка қилишни сўрайман:

Ариза берувчининг имзоси______________________          20___йил "____"___________

*) Эслатма: Ўзбекистон Республикаси фуқароси бўлган оила аъзоси аризага киритилмайди.

Йўриқномага

8-ИЛОВА

Республиканинг бошқа минтақаларидан

Тошкент шаҳри ва Тошкент вилоятига вақтинча

прописка қилиш учун келган хорижий фуқаролар

ва фуқаролиги бўлмаган шахсларни рўйхатга олиш

КИТОБИ

    

       

Йўриқномага

9-ИЛОВА

       

Х У Л О С А

манзили бўйича вақтинча прописка қилинган, муқаддам _________________

Лозим топдим:

    

вақтинча пропискасини бекор қилишни;

ТШИИБ МваФРБга белгиланган тартибда сақлаш учун юборишни;

жўнаб кетиш варақасининг бир нусхасини Тошкент шаҳар ИИББ ёки Тошкент ИИБ ММБга юборишни.