Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Таълим. Фан. Маданият / Ўз кучини йўқотган ҳужжатлар / Маданият /

Хорижий кинокомпаниялар томонидан Ўзбекистон Республикаси ҳудудида фильмларни кино ва видео тасвирга олиш тартиби тўғрисида Низом (ЎзР ВМ 12.06.2012 й. 169-сон қарорига илова)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

Вазирлар Маҳкамасининг

2012 йил 12 июндаги

169-сон қарорига

ИЛОВА



Хорижий кинокомпаниялар томонидан Ўзбекистон

Республикаси ҳудудида фильмларни кино- ва

видеотасвирга олиш тартиби тўғрисида

НИЗОМ


I. УМУМИЙ ҚОИДАЛАР


1. Ушбу Низом хорижий кинокомпаниялар томонидан Ўзбекистон Республикаси ҳудудида фильмларни кино- ва видеотасвирга олиш тартибини белгилайди.

2. Хорижий кинокомпаниялар томонидан Ўзбекистон Республикаси ҳудудида фильмларни кино- ва видеотасвирга олиш фақат хорижий кинокомпаниялар томонидан Ўзбекистон Республикаси ҳудудида фильмларни кино- ва видеотасвирга олишга берилган рухсатномалар (кейинги ўринларда рухсатнома деб аталади) асосида амалга оширилади.

Фильмни ишлаб чиқариш Ўзбекистон Республикаси Давлат бюджети ва "Ўзбеккино" Миллий агентлиги ҳузуридаги Миллий кинематографияни ривожлантириш жамғармаси маблағлари ҳисобига Ўзбекистон кинемотографистлари жалб этилган ҳолда амалга оширилган тақдирда, рухсатнома олиш талаб этилмайди.

3. "Ўзбеккино" миллий агентлиги (кейинги ўринларда Агентлик деб аталади) рухсатнома бериш бўйича ваколатли орган ҳисобланади.


4. Ушбу Низомда қуйидаги асосий тушунчалардан фойдаланилади:


фильм - оригинал сценарий ёки адабий асарни экранлаштириш асосида тасвирга олинадиган аудиовизуал асар (бадиий тўлиқ метражли, бадиий қисқа метражли, ҳужжатли-хроникал, илмий-оммабоп фильмлар ва ижтимоий видеороликлар);

кино- ва видеотасвирга олиш - ўзаро боғлиқ тасвирларни кинотасма (целлулоид асосида) ёки рақамли воситаларга овоз ёки овозсиз қайд этиш йўли билан кинематографик тасвирларни яратиш жараёни;


фильм сценарийси - фильм эпизодларидаги кўриш ва овозли тасвирлар матнда ифода этиладиган, фильм ишлаб чиқариш талабларига мувофиқ бўлган фильмни тасвирга олишнинг ижодий ва ишлаб чиқариш-техник лойиҳаси;

ариза берувчи - Ўзбекистон Республикаси ҳудудида фильмни кино- ва видеотасвирга олиш ниятидаги хорижий кинокомпания ёхуд бошқа ташкилот;


рухсатнома - Ўзбекистон Республикаси ҳудудида кино- ва видеотасвирга олиш учун ариза берувчининг ҳуқуқини тасдиқлайдиган ҳужжат;


эксперт кенгаши - ариза берувчига рухсатнома бериш масалалари бўйича хулоса чиқариш ваколатига эга бўлган "Ўзбеккино" Миллий агентлигининг хорижий кинокомпаниялар мурожаатларини кўриб чиқувчи ишчи комиссияси.


II. РУХСАТНОМА БЕРИШ ТАРТИБИ


5. Ариза берувчи рухсатнома олиш учун Агентликка қуйидаги ҳужжатларни тақдим этади:

ушбу Низомга 1-иловага мувофиқ шакл бўйича рухсатнома бериш учун ариза;

Ўзбекистон Республикаси ҳудудида тасвирга олиш режалаштирилаётган фильм сценарийсининг давлат тилидаги ёки рус тилидаги босма (ёки электрон) варианти;

Ариза берувчидан ушбу Низомда назарда тутилмаган ҳужжатларни тақдим этишни талаб қилишга йўл қўйилмайди.

Ҳужжатлар ариза берувчи томонидан Агентликка бевосита, почта хизмати воситасида ёхуд Интернет жаҳон ахборот тармоғи орқали электрон шаклда етказиб берилади.

6. Эксперт кенгаши ариза берувчи томонидан тақдим этилган ҳужжатларни кўриб чиқиш ва рухсатнома бериш масалалари бўйича эксперт хулосасини тайёрлаш ҳамда хорижий кинокомпанияларга ишлаб чиқариш, техник ва технологик хизматлар кўрсатувчи юридик ва жисмоний шахсларни жалб қилишга кўмаклашувчи доимий ишчи комиссия ҳисобланади.

Эксперт кенгаши таркиби киношунослар, малакали кинорежиссёрлар, кино санъати соҳасида фаолият кўрсатувчи давлат ва нодавлат нотижорат ташкилотлари вакилларидан шакллантирилади.

Эксперт кенгаши Агентликка тақдим этилган ҳужжатларни ариза қабул қилинган кундан бошлаб беш иш кунидан ортиқ бўлмаган муддатда кўриб чиқади. Ҳужжатларни кўриб чиқиш натижаси бўйича ижобий хулосага келган тақдирда, рухсатнома бериш тўғрисида Агентлик раҳбарига билдиришнома киритади ва бу ҳақда ариза берувчини икки кундан кечиктирмасдан хабардор қилади.

7. Эксперт кенгашининг ижобий хулосаси асосида Агентлик раҳбари томонидан рухсатнома бериш тўғрисида қарор қабул қилинади.

9. Қуйидаги ҳолларда:

а) агар фильм сценарийсида:

миллий, ирқий, этник ёки диний душманликни тарғиб этувчи;

фуқароларнинг миллий мансублиги, диний эътиқодлари муносабати билан уларнинг қадр-қимматини камситувчи, ҳақорат қилувчи ёки ахлоқ нормаларига ва миллий менталитетга зид бўлган;

Ўзбекистон Республикаси халқларининг тарихи, маданияти, анъаналари ва урф-одатларини ноҳаққоний ёки бузиб акс эттирувчи;

экстремизм ва терроризм ғояларини, зўравонлик ва шафқатсизликни тарғиб қилувчи;

Ўзбекистон Республикаси қонун ҳужжатларига мувофиқ жиноий ёки бошқа жавобгарликка олиб келувчи порнографик ва бошқа хусусиятга эга бўлган саҳналар мавжуд бўлса;

б) ариза берувчи томонидан тақдим этилган ҳужжатларда ишончсиз ёки бузилган маълумотлар мавжуд бўлса;

в) рухсатнома берилганлиги учун йиғим тўлаш шартларига риоя этилмаса рухсатнома бериш рад этилиши мумкин.

10. Агентлик раҳбарининг рухсатнома бериш тўғрисидаги қарори асосида ариза берувчига ушбу Низомга 2-иловага мувофиқ шакл бўйича рухсатнома берилади.

Рухсатнома ариза берувчи томонидан рухсатнома берилганлиги учун белгиланган тўлов тўланганлигини тасдиқловчи ҳужжат тақдим этилгандан кейин бир иш куни муддатда берилади.

11. Эксперт кенгаши рухсатнома беришни рад этиш тўғрисида хулосага келган тақдирда, Агентлик рад этишнинг аниқ сабаблари ва рухсатнома талабгори кўрсатиб ўтилган сабабларни бартараф этиб такроран кўриб чиқиш учун ҳужжатларни тақдим этишга етарли бўлган муддат кўрсатилган ёзма билдиришномани ариза берувчига юборади (топширади).

12. Ариза берувчи томонидан рухсатнома бериш рад этилиши учун асос бўлиб хизмат қилган сабаблар бартараф этилган тақдирда, ҳужжатларни такроран кўриб чиқиш барча зарур ҳужжатлар билан биргаликда ариза олинган кундан бошлаб беш кундан ортиқ бўлмаган муддатда амалга оширилади.

Бунда Эксперт кенгаши ҳужжатлар такроран кўриб чиқилгандан кейин икки кун мобайнида улар бўйича эксперт хулосасини тайёрлайди.

Агентлик Эксперт кенгашининг хулосаси олингандан кейин бир кундан ортиқ бўлмаган муддатда рухсатнома бериш ёки рухсатнома беришни рад этиш тўғрисида қарор қабул қилади.

Рухсатнома бериш рад этилганлиги тўғрисидаги билдиришномада кўрсатилган муддат тамом бўлганидан кейин берилган ариза янгидан берилган ариза деб ҳисобланади.


13. Рухсатнома ариза берувчининг аризасида кўрсатилган муддатга берилади.

14. Агар тасвирга олиш жараёни давомида ариза берувчида фильмни тасвирга олиш кунларига ўзгартиришлар киритиш зарурати юзага келса (кўриб чиқилган фильм сценарийси мазмунига ўзгартириш киритмасдан), у ҳолда хорижий кинокомпаниянинг аризаси бўйича Эксперт кенгаши уч кундан ортиқ бўлмаган муддатда мўлжалланаётган ўзгартиришлар тўғрисида Агентлик раҳбарига илтимоснома киритади. Агентлик раҳбари илтимосномани олганидан кейин бир иш кунидан ортиқ бўлмаган муддатда рухсатнома муддатини узайтиради.


III. РУХСАТНОМАНИНГ АМАЛ ҚИЛИШИНИ

ТЎХТАТИБ ТУРИШ, ТЎХТАТИШ ВА УНИ

БЕКОР ҚИЛИШ


15. Рухсатноманинг амал қилиши, агар:

кино ва видеотасвирга олиш жараёнида тасвирга олинаётган материалнинг ҳақиқий мазмуни билан Эксперт кенгаши томонидан кўриб чиқилган фильм сценарийси ўртасида тафовутлар аниқланган;

фильмни тасвирга олиш ишлари рухсатномада белгиланган кунлардан ортиқ амалга оширилган;

Агентликнинг ариза берувчига аниқланган бузилишларни бартараф этиш тўғрисидаги билдиришномаси хорижий кинокомпания томонидан бажарилмаган ҳолларда Агентлик раҳбари томонидан тўхтатиб турилади.

Хорижий кинокомпания томонидан рухсатноманинг амал қилишини тўхтатиб туришга олиб келган ҳолатлар бартараф этилган тақдирда, Эксперт кенгаши кўрсатиб ўтилган ҳолатлар бартараф этилганлиги тўғрисида тасдиқномани олган куннинг ўзида Агентлик раҳбарига илтимоснома киритади. Агентлик раҳбари Эксперт кенгашининг илтимосномаси асосида рухсатноманинг амал қилишини тиклаш тўғрисида қарор қабул қилади.

16. Рухсатноманинг амал қилиши:

хорижий кинокомпания рухсатноманинг амал қилишини тўхтатиш тўғрисидаги ариза билан мурожаат қилган;

хорижий кинокомпания тугатилган;

рухсатноманинг амал қилишини тўхтатиб туришга олиб келган ҳолатлар Агентлик томонидан белгиланган муддатда хорижий кинокомпания томонидан бартараф этилмаган;

Эксперт кенгашнинг хулосаси ҳамда Агентликнинг рухсатнома бериш тўғрисидаги қарори ноқонунийлиги аниқланган;

рухсатноманинг амал қилиш муддати тугаган ҳолларда Агентлик томонидан тўхтатилади.

Агентликнинг рухсатноманинг амал қилишини тўхтатиш тўғрисидаги қарори хорижий кинокомпанияга қарор қабул қилинган кундан бошлаб бир сутка мобайнида юборилади.

17. Рухсатномани бекор қилиш, агар:

қалбаки ҳужжатлардан фойдаланган ҳолда рухсатнома олиш ҳолати аниқланган;

ариза берувчи рухсатнома бериш учун қарор қабул қилиш тўғрисидаги билдиришномани қабул қилиб олган пайтдан бошлаб бир ой мобайнида Агентликка рухсатнома берилганлиги учун белгиланган тўлов тўланганлигини тасдиқловчи ҳужжат тақдим этмаган;

ариза берувчи рухсатномани бекор қилиш тўғрисидаги ариза билан мурожаат қилган ҳолларда Агентлик томонидан бекор қилинади.

18. Агентликнинг рухсатнома амал қилишини тўхтатиб туриш, тўхтатиш ёки уни бекор қилиш тўғрисидаги қарори устидан Ўзбекистон Республикаси судларига шикоят қилиш мумкин. Рухсатноманинг амал қилишини тўхтатиб туриш, тўхтатиш ёки уни бекор қилиш суд томонидан асоссиз деб эътироф этилган тақдирда Агентлик хорижий кинокомпания олдида етказилган зарар миқдорида жавоб беради.



IV. АРИЗА КЎРИБ ЧИҚИЛГАНЛИГИ УЧУН

ТЎЛОВ ВА РУХСАТНОМА БЕРИШ

20. Рухсатнома берилганлиги учун ариза берувчидан Агентлик ҳисоб рақамига фильмни тасвирга олиш кунлари сонидан келиб чиқиб ҳар бир тасвирга олиш куни учун қонун ҳужжатларида тўлов кунида белгиланган базавий ҳисоблаш миқдорининг беш баравари миқдорига тенг суммада миллий валютада тўлов ундирилади.

Бунда ариза берувчи Ўзбекистон брендини илгари суриш шарти билан, шу жумладан кириш (сарлавҳа) ва (ёки) якуний титрда тасвирга олиш мамлакати ҳамда жойини (объекти) алоҳида кадрлар билан кўрсатиш орқали моддий-маданий мерос объектларида тасвирга олиш учун ушбу йиғин ва ижара тўловларини тўлашдан озод этилади.

21. Фильмни тасвирга олиш кунларига ўзгартиришлар киритилиши муносабати билан Агентлик томонидан рухсатноманинг муддати узайтирилган тақдирда, киритилган ўзгартиришлар ҳисобга олинган ҳолда қўшилган тасвирга олиш кунларидан келиб чиқиб қўшимча тўлов ундирилади.

Бунда, фильмни тасвирга олиш кунларига давлат ҳокимияти ва бошқаруви органлари ҳамда ариза берувчига тасвирга олиш учун шароит яратиб берувчи бошқа маҳаллий ташкилотлар томонидан ҳаракат ёки ҳаракатсизлик натижасида киритилган ўзгартиришлар ҳисобга олинган ҳолда қўшилган тасвир кунлари бундан мустасно.

Агентлик томонидан рухсатноманинг амал қилишини тўхтатиш ёки уни бекор қилиш тўғрисида қарор қабул қилинган тақдирда тўланган тўлов суммаси қайтарилмайди.


V. РУХСАТНОМАЛАР БЛАНКЛАРИНИ РЎЙХАТДАН

ЎТКАЗИШ ВА ҲИСОБГА ОЛИШ


22. Агентлик томонидан ариза берувчиларга бериладиган рухсатномалар бланклари қатъий ҳисобот бериладиган бланклар ҳисобланади.


23. Рухсатномаларнинг бериладиган бланкларини рўйхатдан ўтказиш ва ҳисобга олиш Агентлик томонидан махсус журналда юритилади. Журналга тартиб рақами қўйилган ва у ип ўтказиб тикилган бўлиши керак. Журналнинг охирги саҳифасида варақларнинг ип ўтказиб тикилган жойига Агентлик муҳрининг изи акс эттирилади ва Агентлик раҳбарининг тасдиқловчи имзоси қўйилади.

Фильм сценарийсининг Эксперт кенгаш томонидан кўриб чиқилган узил-кесил варианти нусхаси Агентликда сақланиши керак.


VI. УШБУ НИЗОМ ТАЛАБЛАРИ ВА ШАРТЛАРИГА

РИОЯ ЭТИЛИШИ УЧУН ЖАВОБГАРЛИК

ВА НАЗОРАТ ҚИЛИШ


24. Хорижий компания Ўзбекистон Республикаси қонун ҳужжатларига мувофиқ ушбу Низом талабларига риоя этилиши учун жавоб беради.

25. Ушбу Низом талабларига риоя этиш устидан назорат қилиш Агентлик томонидан белгиланган тартибда амалга оширилади.


26. Ушбу Низом талаблари бузилишида айбдор бўлган шахслар Ўзбекистон Республикаси қонун ҳужжатларига мувофиқ жавоб берадилар.






Низомга

1-ИЛОВА


Хорижий компания томонидан

Ўзбекистон Республикаси ҳудудида фильмларни

кино ва видео тасвирга олишга рухсатнома олиш учун

АРИЗА


"Ўзбеккино" Миллий

агентлигига

мамлакатининг

компанияси

(юридик шахснинг тўлиқ номи)


компания реквизитлари


(почта манзили, телефон, факс, электрон почта, банк реквизитлари)

фильми учун (номи)

(асл нусха тилида ва рус ёки ўзбек тилига таржима қилинган ҳолда)

Ўзбекистон Республикаси ҳудудида хорижий кинокомпания томонидан фильмларни кино ва видеотасвирга олиш учун рухсатнома беришни илтимос қилади.

фильм тури


(кўп серияли, бир серияли, қисқа метражли)

Саҳналаштирувчи режиссёр

Продюсер

Фильмни тасвирга олишни ташкил этиш бўйича ишларнинг бошланиши

20___й. "___" ________________

Фильмни тасвирга олишни ташкил этиш бўйича ишларнинг тамом бўлиши

20___й. "___" ________________

Тасвирга олиш кунлари сони

(ёзув билан)

Аризага илова: Фильм сценарийси.

Ўзбекистон Республикаси ҳудудида хорижий кинокомпания томонидан фильмларни кино ва видеотасвирга олишга рухсатнома олиш шартлари билан танишдик.

Компания раҳбари


(Ф.И.О.)

      

           


(имзо)

20___ й. "____" _________________






Низомга

2-ИЛОВА


"ЎЗБЕККИНО" МИЛЛИЙ АГЕНТЛИГИ


Хорижий кинокомпания томонидан Ўзбекистон Республикаси

ҳудудида фильмни кино ва видео тасвирга олишга

РУХСАТНОМА

N 00000

20___ йил "____" __________

Тошкент шаҳри

1. Кинокомпания номи

2. Мамлакат

3. Фильмнинг номи

4. Кинокомпания реквизитлари

5. Ўзбекистонда ишларни бажариш муддатлари:

20__йил " ___" __________дан 20__ йил " ___" __________гача

6. Тасвирга олиш кунлари сони

7. Рухсатноманинг муддати узайтирилган:

20__ йил " ___" __________гача

"Ўзбеккино" Миллий агентлиги

Бош директори

Ф.И.О. (имзо)

Муҳр ўрни


"Ўзбекистон Республикаси қонун ҳужжатлари тўплами", 2012 йил, 23-24-сон, 263-модда




















































Время: 0.2081
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск