Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Солиқлар. Мажбурий тўловлар / 2008 йилдан солиқ қонунчилигига оид ўз кучини йўқотган ҳужжатлар / Бошқа мажбурий тўлов турлари /

Давлат божи ставкалари (ЎзР ВМ 03.11.1994 й. 533-сон қарори билан тасдиқланган)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

Вазирлар Маҳкамасининг

1994 йил 3 ноябрдаги

533-сон қарори билан

ТАСДИҚЛАНГАН



Давлат божи

СТАВКАЛАРИ

1. Фуқаролик ишлар бўйича судларга бериладиган:

а) мулкий тусдаги даъво аризаларидан:

- даъво баҳосининг 4 фоизи миқдорида, бироқ энг кам ойлик иш ҳақидан кам бўлмаган миқдорда;


б) давлат бошқарув органлари ва мансабдор шахсларнинг жисмоний шахсларнинг ҳақ-ҳуқуқларини камситувчи ғайриқонуний хатти-ҳаракатларидан қилинган шикоятлардан (суд қарори чиқарилаётганда айбдор томондан ундирилади)


- энг кам ойлик иш ҳақининг 1 баравари миқдорида;


Изоҳ. Кичик тадбиркорлик субъектлари амалга оширадиган тадбиркорлик фаолияти доирасида судларга мурожаат қилишда ушбу банднинг "д" ва "з" кичик бандларида кўрсатилган белгиланган ставканинг 50 фоизи миқдорида давлат божи тўлайдилар.

в) никоҳни бекор қилиш ҳақидаги даъво аризаларидан


- энг кам ойлик иш ҳақининг 2 баравари миқдорида;


такрорий никоҳни бекор қилиш ҳақидаги даъво аризаларидан

- энг кам ойлик иш ҳақининг 4 баравари миқдорида;


никоҳ бекор қилинаётганда мол-мулк бўлинган ҳолда

бож 1-банднинг "а" кичик бандига мувофиқ даъво баҳоси бўйича белгиланади;


г) бедарак йўқолган ва рухий касаллиги ёхуд ақли заифлиги оқибатида белгиланган тартибда қобилиятсиз деб топилган ёки камида уч йилга озодликдан маҳрум этилган шахслар билан никоҳни бекор қилиш ҳақидаги даъво аризаларидан


- энг кам иш ҳақининг 2 фоизи миқдорида;

д) уй-жойларни ижарага олиш шартномасини ўзгартириш ёки бекор қилиш тўғрисидаги даъво аризаларидан, ворисликни қабул қилиш муддатини узайтириш ҳақидаги, хатга олинган мулкни қайтариб бериш тўғрисидаги ва мулкка оид бўлмаган тусдаги (ёки баҳоланмайдиган) бошқа даъво аризаларидан


-энг кам ойлик иш ҳақининг 2 баравари миқдорида;

е) алоҳида кўриладиган ишлар бўйича ариза (шикоят)лардан


- энг кам ойлик иш ҳақининг 1 баравари миқдорида;

Изоҳ. Оталикни тан олиш (белгилаш), боланинг ёки бу онадан туғилганлиги, шунингдек туғилган вақти фактларини аниқлаш тўғрисидаги аризаларни кўрганлик учун давлат божи ундирилмайди.

ж) судларнинг қарорларига аппеляция, кассация ва назорат шикоятларидан


- даъво аризаси ёки бошқа аризалар, шикоятлар берилганда тўланадиган ставканинг 50 фоизи, мулкий низолар бўйича эса - ушбу банднинг "а" кичик бандига мувофиқ ҳисоблаб чиқарилган ставкалар миқдорида;


жиноий иш бўйича фуқаролик даъволаридан


- даъво баҳосининг 10 фоизи миқдорида;

з) судларнинг қарорлари, ҳукмлар, ажримлари, судларнинг бошқа қарорларининг дубликатлари ва нусхаларини, шунингдек, томонларнинг ва ишда қатнашувчи бошқа шахсларнинг илтимосига кўра, судлар томонидан ишлардан бериладиган бошқа ҳужжатларнинг нусхаларини берганлик учун


- ҳужжатнинг ҳар бир бети учун энг кам иш ҳақининг 0,5 фоизи миқдорида;

и) ҳакамлик суди қарорларини мажбурий ижро этиш учун ижро варақасини бериш тўғрисидаги аризалардан, шунингдек, ҳакамлик суди қарорларини бекор қилиш тўғрисидаги аризалардан


- энг кам ойлик иш ҳакининг 2 баравари миқдорида.

2. Иқтисодий судларга бериладиган:

а) мулкий тусдаги даъво аризаларидан

- даъво баҳосининг 2 фоизи миқдорида, лекин энг кам ойлик иш ҳақидан кам бўлмаган миқдорда;


б) мулкка оид бўлмаган тусдаги даъво аризаларидан


- энг кам ойлик иш ҳақининг 10 баравари миқдорида;


в) банкротлик тўғрисида иш қўзгатиш ҳақидаги аризалардан


- энг кам ойлик иш ҳақининг 3 баравари миқдорида;


г) хўжалик шартномаларини тузиш, ўзгартириш ёки бекор қилиш вақтида келиб чиқувчи низолар бўйича даъво аризаларидан


- энг кам ойлик иш ҳақининг 10 баравари миқдорида;


д) апелляция, кассация ва назорат шикоятларидан


- биринчи инстанцияда кўриб чиқиш учун ариза берилганда тўланадиган ставканинг 50 фоизи, мулкий тусдаги низолар бўйича эса талашилаётган суммадан келиб чиққан ҳолда ҳисобланган ставкалар;


е) суд ҳужжатларининг дубликатларини ҳамда томонлар ва ишда қатнашувчи бошка шахсларнинг илтимосларига биноан иқтисодий суд томонидан ишлардан бериладиган бошқа ҳужжатларнинг нусхаларини бериш тўғрисидаги аризалардан


- ҳужжатнинг ҳар бир бети учун энг кам иш ҳақининг 10 фоизи миқдорида;


ж) хакамлик суди қарорларини мажбурий ижро этиш учун ижро варақасини бериш тўғрисидаги аризалардан, шунингдек, хакамлик суди қарорларини бекор қилиш тўғрисидаги аризалардан


- энг кам ойлик иш ҳақининг 2 баравари.

Изоҳ. Кичик тадбиркорлик субъектлари амалга оширадиган тадбиркорлик фаолияти доирасида судларга мурожаат қилишда ушбу банднинг "а" - "г" ва "е" кичик бандларида кўрсатилган белгиланган ставканинг 50 фоизи миқдорида давлат божи тўлайдилар.


3. Маъмурий судларга бериладиган:

а) идоравий норматив-ҳуқуқий ҳужжатлар юзасидан низолашиш тўғрисидаги аризалардан:



фуқаролардан


- энг кам ойлик иш ҳақининг 5 баравари миқдорида;


юридик шахс ва якка тартибдаги тадбиркорлардан


- энг кам ойлик иш ҳақининг 20 баравари миқдорида;


б) давлат бошқаруви органларининг, маъмурий-ҳуқуқий фаолиятни амалга оширишга ваколатли бўлган бошқа органлар, фуқароларнинг ўзини ўзи бошқариш органларининг қарорлари, уларнинг мансабдор шахсларининг ҳаракатлари (ҳаракатсизлиги) юзасидан низолашиш тўғрисидаги аризалардан (шикоятлардан):



фуқаролардан


- энг кам ойлик иш ҳақининг 1 баравари миқдорида;


юридик шахс ва якка тартибдаги тадбиркорлардан


- энг кам ойлик иш ҳақининг 10 баравари миқдорида;


в) нотариал ҳаракатни амалга ошириш, фуқаролик ҳолати далолатномаларини ёзишни рўйхатга олиш рад этилганлиги ёки нотариуснинг ёхуд фуқаролик ҳолати далолатномаларини ёзиш органи мансабдор шахсининг ҳаракатлари (ҳаракатсизлиги) юзасидан низолашиш тўғрисидаги аризалардан (шикоятлардан):


- энг кам ойлик иш ҳақининг 1 баравари;

г) давлат рўйхатидан ўтказишни рад этиш ёхуд белгиланган муддатда давлат рўйхатидан ўтказишдан бўйин товлаш устидан аризалардан (шикоятлардан):



фуқаролардан


- энг кам ойлик иш ҳақининг 1 баравари;


юридик шахс ва якка тартибдаги тадбиркорлардан


- энг кам ойлик иш ҳакининг 10 баравари миқдорида;


д) апелляция, кассация ва назорат шикоятларидан


- аризалар (шикоятлар) берилганда тўланадиган ставканинг 50 фоизи;


е) суд ҳужжатларининг дубликатлари ва нусхаларини, шунингдек, томонларнинг ва ишда қатнашувчи бошқа шахсларнинг илтимосларига биноан судлар томонидан ишлардан бериладиган бошқа ҳужжатларнинг нусхаларини бериш тўғрисидаги аризалардан


- ҳужжатнинг ҳар бир бети учун энг кам ойлик иш ҳақининг 0,5 фоизи миқдори;


Изоҳ. Кичик тадбиркорлик субъектлари амалга оширадиган тадбиркорлик фаолияти доирасида судларга мурожаат қилишда ушбу банднинг "а" - "г" ва "е" кичик бандларида кўрсатилган белгиланган ставканинг 50 фоизи миқдорида давлат божи тўлайдилар

4. Нотариуслар нотариал ҳаракатларни амалга оширганликлари учун қуйидаги миқдорларда давлат божи ундиради:


а) кўчмас мол-мулкни бошқа шахсга ўтказиш билан боғлиқ шартномаларни тасдиқлаганлик учун давлат божи қуйидаги миқдорларда ундирилади, ушбу банднинг "б" ва "в" кичик бандларида назарда тутилган ҳолатлар бундан мустасно:

Кўчмас мол-мулк

жойлашган жой

Кўчмас мол-мулкнинг умумий майдонига қараб:


100 кв.м гача

бўлганда


100 кв.м дан 200 кв.м.

гача бўлганда


200 кв.м ва ундан

ортиқ бўлганда


Тошкент, Нукус шаҳарлари ва вилоят марказлари


энг кам ойлик иш ҳақининг 1 баравари миқдорида


энг кам ойлик иш ҳақининг 2 баравари миқдорида


энг кам ойлик иш ҳақининг 3 баравари миқдорида


бошқа аҳоли пунктлари


энг кам ойлик иш ҳақининг 50 фоизи миқдорида


энг кам ойлик иш ҳақининг 1 баравари миқдорида


энг кам ойлик иш ҳақининг 1,5 баравари миқдорида


Изоҳ. Мулкдорнинг хотинига (эрига), унинг ва хотинининг (эрининг) ота-оналарига, болалари ва уларнинг эр-хотинларига, набираларига, бувиларига, буваларига, ака-укалари ва опа-сингилларига кўчмас мол-мулкни ўтказиш билан боғлиқ шартномалар расмийлаштирилаётганда давлат божи белгиланган ставканинг 50 фоизи миқдорида ундирилади;


б) Тошкент шаҳри ва Тошкент вилоятида янги қурилган кўчмас мол-мулкни олди-сотди шартномаларини тасдиқлаганлик учун:

Ўзбекистон Республикасида доимий яшовчи ва республиканинг бошқа минтақаларида доимий пропискага эга бўлган жисмоний шахслар томонидан кўчмас мол-мулк сотиб олинганда - шартнома суммасининг 5 фоизи, аммо энг кам ойлик иш ҳақининг камида 10 баравари миқдорида;

Тошкент шаҳри ва Тошкент вилоятига бошқа давлатлардан келган ва Ўзбекистон Республикасида яшаш гувоҳномасига эга бўлган чет эл фуқаролари ва фуқаролиги бўлмаган шахслар томонидан 600 млн. сўмдан кам бўлмаган миқдорида янги қурилган кўчмас мол-мулк сотиб олинганда - шартнома суммасининг 10 фоизи миқдорида;


в) ушбу банднинг "б" кичик бандига мувофиқ давлат божи тўлаб сотиб олинган кўчмас мол-мулкни харид қилинган кундан бошлаб уч йил мобайнида бошқа шахсга ўтказиш билан боғлиқ шартномаларни тасдиқлаганлик учун энг кам ойлик иш ҳақининг 400 баравари миқдорида давлат божи ундирилади;


г) мол-мулкни ижарага бериш шартномасини тасдиқлаганлик ёки унга ўзгартиришлар киритганлик учун:

мулкдорнинг хотинига (эрига), унинг ва хотинининг (эрининг) ота-оналарига, болалари ва уларнинг эр-хотинларига, набираларига, бувиларига, буваларига, ака-укалари ва опа-сингилларига тасдиқлаганлик учун - энг кам ойлик иш ҳақининг 50 фоизи миқдорида;

жисмоний шахслар учун - энг кам ойлик иш ҳақининг 1 баравари миқдорида;

юридик шахслар учун ёки тарафлардан бири юридик шахс бўлганда - энг кам ойлик иш ҳақининг 2 баравари миқдорида;


Изоҳ. Мол-мулкни ижарага бериш шартномасини бекор қилганлик учун давлат божи белгиланган ставканинг 50 фоизи миқдорида ундирилади;

д) мол-мулкдан текин фойдаланиш шартномаларини тасдиқлаганлик учун, ушбу банднинг "р" кичик бандида белгиланган ҳоллар бундан мустасно, - энг кам ойлик иш ҳақининг 50 фоизи миқдорида;


е) гаров, ипотека ва лизинг шартномаларини тасдиқлаганлик ҳамда уларга ўзгартириш ва қўшимчалар киритганлик учун давлат божи қуйидаги миқдорларда ундирилади:

Битим иштирокчилари

(тарафлари)

Шартнома суммасига қараб:


Энг кам ойлик иш

ҳақининг 1000

бараваригача


Энг кам ойлик иш

ҳақининг 1000

бараваридан 5000

бараваригача


Энг кам ойлик иш

ҳақининг 5000

баравари ва ундан

ортиқ бўлганда


жисмоний шахслар учун


энг кам ойлик иш ҳақининг 1 баравари миқдорида


энг кам ойлик иш ҳақининг 1,5 баравари миқдорида


энг кам ойлик иш ҳақининг 2 баравари миқдорида


юридик шахслар учун


энг кам ойлик иш ҳақининг 2 баравари миқдорида


энг кам ойлик иш ҳақининг 3 баравари миқдорида


энг кам ойлик иш ҳақининг 4 баравари миқдорида


           

Изоҳ. Гаров, ипотека ва лизинг шартномаларига ўзгартириш ва қўшимчалар киритиш ҳақидаги битимлар расмийлаштирилаётганда, давлат божи белгиланган ставканинг 50 фоизи миқдорида ундирилади;


ж) банклар билан қарз олувчиларнинг кредит бўйича қарздорликни қарздорнинг ликвидли мол-мулки ҳисобига қайтариш тўғрисидаги ёзма битимларини (шартномаларини) тасдиқлаганлик учун - энг кам ойлик иш ҳақининг 50 фоизи миқдорида;


з) қарз шартномаларини тасдиқлаганлик учун:

Шартнома суммасига қараб:


Энг кам ойлик иш ҳақининг

100 бараваригача


Энг кам ойлик иш ҳақининг

100 бараваридан 300

бараваригача


Энг кам ойлик иш ҳақининг

300 баравари ва ундан

ортиқ бўлганда


энг кам ойлик иш ҳақининг 25 фоизи миқдорида


энг кам ойлик иш ҳақининг 50 фоизи миқдорида


энг кам ойлик иш ҳақининг 1 баравари миқдорида


Изоҳ. Қарз шартномаларига ўзгартиришлар киритганлик ёки уни бекор қилганлик учун давлат божи белгиланган ставканинг 50 фоизи миқдорида ундирилади.

и) кафиллик шартномаларини тасдиқлаганлик, унга ўзгартиришлар киритганлик ёки бекор килганлик учун:

жисмоний шахслар учун - энг кам ойлик иш ҳақининг 25 фоизи миқдорида;

юридик шахслар учун ёки тарафлардан бири юридик шахс бўлганда - энг кам ойлик иш ҳақининг 50 фоизи миқдорида;

к) корхонани бошқа шахсга ўтказиш шартномаларни тасдиқлаганлик учун - энг кам ойлик иш ҳақининг 1 баравари миқдорида;

м) васиятномаларни тасдиқлаганлик учун - энг кам ойлик иш ҳақининг 5 фоизи миқдорида;


н) меросга бўлган хуқуқ тўғрисида гувоҳнома берганлик учун:

мерос мол-мулки кўчмас мулк ёки автомототранспорт воситаси бўлганда (ҳар бири учун) - энг кам ойлик иш ҳакининг 50 фоизи миқдорида;

бошқа барча мол-мулклар учун - энг кам ойлик иш ҳақининг 30 фоизи миқдорида.

Изоҳ. Уй-жойлар (уйларнинг бир қисми), квартиралар (квартираларнинг бир қисми), шу жумладан хусусийлаштирилган квартиралар (квартираларнинг бир қисми), дала ҳовлилар, гаражлар, бошқа бинолар, иншоотлар ва иморатларга мерос ҳуқуқи ҳақида гувоҳнома беришда мерос тартибида ўтаётган мерос қилинаётган мол-мулк суммаси меросхўрлик тайинланган кунда Қорақалпоғистон Республикаси, вилоятлар ва Тошкент шаҳар ер тузиш ва кўчмас мулк кадастри давлат корхонасининг туман (шаҳар) филиаллари томонидан белгиланган баҳолаш маълумотлари ҳисобга олинган ҳолда белгиланади;


о) эр-хотиннинг умумий мол-мулкидаги улушга бўлган мулк ҳуқуқи тўғрисидаги гувоҳнома берганлик учун - энг кам ойлик иш ҳақининг 50 фоизи миқдорида;


п) автомототранспорт воситаларини бошқа шахсга ўтказиш шартномаларини тасдиқлаганлик учун давлат божи қуйидаги миқдорларда ундирилади:

Транспорт

воситасининг

двигатель қуввати

бўйича


Ишлаб чиқарилган муддатига қараб:


3 йилгача бўлганда


3 йилдан 7 йилгача

бўлганда


7 йил ва ундан ортиқ

бўлганда


60 от кучигача бўлганда


энг кам ойлик иш ҳақининг

4 баравари миқдорида


энг кам ойлик иш ҳақининг 3 баравари миқдорида


энг кам ойлик

иш ҳақининг 2 баравари миқдорида


60 от кучидан

110 от кучигача бўлганда


энг кам ойлик иш ҳақининг

6 баравари миқдорида


энг кам ойлик иш ҳақининг 4 баравари миқдорида


энг кам ойлик

иш ҳақининг 3 баравари миқдорида


110 от кучидан юқори бўлганда


энг кам ойлик иш ҳақининг

10 баравари миқдорида


энг кам ойлик иш ҳақининг 8 баравари миқдорида


энг кам ойлик

иш ҳақининг 5 баравари миқдорида


битта мототранспорт, мотоколяска, мотоқайиқ учун


энг кам ойлик иш ҳақининг 50 фоизи миқдорида


энг кам ойлик иш ҳақининг 25 фоизи миқдорида


энг кам ойлик

иш ҳақининг 10 фоизи миқдорида


Изоҳ. Айирбошлаш шартномасини расмийлаштиришда давлат божи шу божнинг кўп суммаси олинадиган фақат бир автомототранспорт воситасидан ундирилади.


Қуйидаги шартномаларни расмийлаштиришда:

мулкдорнинг хотинига (эрига), унинг ва хотинининг (эрининг) ота-оналарига, болалари ва уларнинг эр-хотинларига, набираларига, бувиларига, буваларига, ака-укалари ва опа-сингилларига автомототранспорт воситаларини ўтказиш шартномалари расмийлаштирилаётганда давлат божи белгиланган ставканинг 5 фоизи миқдорида ундирилади;

банк кредитлари ҳисобига сотиб олинадиган автомототранспорт воситаларининг олди-сотдиси учун давлат божи белгиланган ставканинг 10 фоизи миқдорида ундирилади;

йўл-транспорт ҳодисаси натижасида шикастланган автомототранспорт воситаларини бошқа шахсга ўтказиш шартномалари расмийлаштирилаётганда давлат божи миқдори шу транспорт воситалари яроқлилигининг қолдиқ фоизига қараб ўзгартирилади ҳамда унинг миқдори битим тарафларининг хоҳишига кўра ва нотариуснинг топшириғига биноан Ўзбекистон Республикаси Адлия вазирлигининг суд-экспертиза муассасалари мутахассислари, бундай муассасалар бўлмаган ҳудудларда эса - "Ўзавтотеххизмат" масъулияти чекланган жамияти ташкилотлари томонидан белгиланади;


р) автомототранспорт воситаларини бошқариш ва тасарруф қилиш ҳуқуқини берувчи ишончномаларни ва автомототранспорт воситаларидан текин фойдаланиш шартномаларини тасдиқлаганлик учун:

мулкдорнинг хотинига (эрига), унинг ва хотинининг (эрининг) ота-оналарига, болалари ва уларнинг эр-хотинларига, набираларига, бувиларига, буваларига, ака-укалари ва опа-сингилларига, жиянларига - энг кам ойлик иш ҳақининг 50 фоизи миқдорида;

бошқа шахсларга - энг кам ойлик иш ҳақининг 3 баравари миқдорида;


с) кўчмас мол-мулкни тасарруф этиш ҳуқуқини берувчи ишончномаларни тасдиқлаганлик учун:

мулкдорнинг хотинига (эрига), унинг ва хотинининг (эрининг) ота-оналарига, болалари ва уларнинг эр-хотинларига, набираларига, бувиларига, буваларига, ака-укалари ва опа-сингилларига - энг кам ойлик иш ҳақининг 25 фоизи миқдорида;

бошқа шахсларга - энг кам ойлик иш ҳақининг 50 фоизи миқдорида;


т) бошқа ишончномаларни тасдиқлаганлик учун - энг кам ойлик иш ҳақининг 10 фоизи миқдорида;


у) мерос мулкни муҳофаза қилиш чораларини кўрганлик учун - энг кам ойлик иш ҳақининг 30 фоизи миқдорида;


ф) ҳужжатнинг бир тилдан бошқа тилга қилинган таржимасининг тўғрилигини шаҳодатлаш учун - ҳар бир бет учун энг кам ойлик иш ҳақининг 1 фоизи миқдорида;


х) ижро хатлари ёзиб берганлик учун - ундириладиган сумманинг 1 фоизи миқдорида, бироқ энг кам ойлик иш ҳақининг 10 бараваридан ортиқ бўлмаган миқдорда;


Изоҳ. Лизинг объектининг лизинг берувчи талаби бўйича ижро хатлари ёзиб беришда, лизинг шартномасида белгиланган тўланмаган тўловлар суммасидан лизинг шартномаси муддати тугашигача қолган даврга лизинг берувчи даромадини чегирган ҳолда давлат божи ундирилади.


ч) ҳужжатларнинг нусхалари ва улардан кўчирмаларнинг тўғрилигини шаҳодатлаш учун:

жисмоний шахслар учун - ҳар бир бет учун энг кам ойлик иш ҳақининг 1 фоизи миқдорида;

юридик шахслар учун - ҳар бир бет учун энг кам ойлик иш ҳақининг 2 фоизи миқдорида;

шу ишларни чет мамлакатда бажарганлик учун - ҳар бир бет учун энг кам ойлик иш ҳақининг 5 фоизи миқдорида;


ш) ҳужжатлардаги имзоларнинг ҳақиқийлигини, шу жумладан таржимон имзосининг ҳақиқийлигини шаҳодатлаш учун:

жисмоний шахслар учун - энг кам ойлик иш ҳақининг 5 фоизи миқдорида;

юридик шахслар учун - энг кам ойлик иш ҳақининг 20 фоизи миқдорида;


э) нотариал идораларда мавжуд бўлган ҳужжатларнинг нусхаларини ва дубликатларини берганлик учун - энг кам ойлик иш ҳақининг 5 фоизи миқдорида;


ю) банкларда ҳисоб рақамлари очишда имзоларнинг ҳақиқийлигини шаҳодатлаш учун - энг кам ойлик иш ҳақининг 2 фоизи миқдорида;


я) юридик ва жисмоний шахсларнинг аризалари бошқа юридик ва жисмоний шахсларга берилганлиги ҳамда бошқа нотариал ҳаракатлар бажарилганлиги учун, мазкур банднинг "а" - "ю" кичик бандларида назарда тутилганлар бундан мустасно, - энг кам ойлик иш ҳақининг 10 фоизи миқдорида;


я-1) бошқа турдаги шартномаларни тасдиқлаганлик учун, мазкур банднинг "а" - "ю" кичик бандларида назарда тутилганлар бундан мустасно:

жисмоний шахслар учун - энг кам ойлик иш ҳақининг 50 фоизи миқдорида;

юридик шахслар учун ёки тарафлардан бири юридик шахс бўлганда - энг кам ойлик иш ҳақининг 1 баравари миқдорида;

Изоҳ. Давлат нотариал идораси биносидан ташқарида амалга ошириладиган нотариал ҳаракатлар учун давлат божи икки баравар миқдорда ундирилади, бундан фуқароларнинг ўзини ўзи бошқариш органлари биноларида нотариусларнинг сайёр қабуллари чоғида амалга ошириладиган нотариал ҳаракатлар, шунингдек озодликдан маҳрум қилиш жойларидаги ёки қамоқда сақланаётган шахсларнинг ишончномаларини нотариал тартибда тасдиқлаш мустасно, ушбу ҳаракатларни бажариш учун жойга бориш билан боғлиқ амалда сарфланган харажатлар тўланади.

Никоҳ шартномасини ва алимент тўлаш ҳақида келишувни нотариал тасдиқлаш, уларга ўзгартиришлар киритиш ёки бекор қилиш ҳамда мол-мулкни ўзга шахсга ўтказишни тақиқлаб қўйиш ва тақиқни бекор қилишда давлат божи ундирилмайди.

Мол-мулкни ўзга шахсга ўтказишни тақиқлаб қўйиш ва тақиқни бекор қилишда давлат божи ундирилмайди.



5. Фуқаролик ҳолати далолатномаларини рўйхатдан ўтказганлик, фуқароларга фуқаролик ҳолати далолатномалари рўйхатдан ўтказилганлиги тўғрисида такрорий гувоҳномалар берганлик, фуқаролик ҳолати далолатномаларига ўзгартиришлар, тузатишлар ва қўшимчалар киритганлик, фуқаролик ҳолати далолатномалари ёзувларини тиклаганлик, фамилия, исм ва ота исмини ўзгартирганлик учун:

а) никоҳни қайд этганлик учун


- энг кам иш ҳақининг 20 фоизи миқдорида;

б) никоҳнинг бекор қилинганлигини қайд этганлик учун:



вояга етмаган болалари бўлмаган эр-хотинларнинг ўзаро розилиги бўйича


- энг кам иш ҳақининг 150 фоизи миқдорида (эр-хотинларнинг биридан ёки иккаласидан)

агар эр-хотин биринчи никоҳда бўлса, суд қарорига асосан

- энг кам иш ҳақининг 150 дан 300 фоизигача бўлган миқдорда (эр-хотиннинг биридан ёки уларнинг иккаласидан)


эр-хотиндан бири такрорий никоҳда бўлса, суд қарорига асосан


- энг кам иш ҳақининг 300 дан 400 фоизигача бўлган миқдорда (эр-хотиннинг биридан ёки уларнинг иккаласидан);


в) 16 ёшдан 18 ёшгача бўлган фуқаролар томонидан фамилия, исм, ота исми ўзгартирилганлиги учун


- энг кам ойлик иш ҳақининг 50 фоизи миқдорида

18 ёшдан катта фуқаролар томонидан фамилия, исм, ота исми ўзгартирилганлиги учун 


- энг кам ойлик иш ҳақининг 100 фоизи миқдорида


г) туғилганлик ҳақида, никоҳни қайд этганлик, никоҳни бекор қилганлик тўғрисида, ўлганлик ҳақида ёзувларнинг ўзгартирилганлиги, уларга қушимчалар киритилганлиги, тузатилганлиги ва қайта тикланганлиги муносабати билан гувоҳномалар берганлик учун


- энг кам иш ҳақининг 10 фоизи миқдорида;

д) фуқаролик ҳолати актлари қайд этилганлик ҳақида такрорий гувоҳномалар берганлик учун


- энг кам иш ҳақининг 15 фоизи миқдорида.

6. Паспорт ёки унинг ўрнини босувчи ҳужжатни, хорижга

чиқиш ва хориждан келиш ҳуқуқини берувчи

ҳужжатларни берганлик учун:

а) Ўзбекистон Республикаси фуқароси паспортини берганлик учун


- энг кам ойлик иш ҳақининг 30 фоизи

б) Ўзбекистон Республикаси фуқаросининг биометрик паспортини берганлик учун


- энг кам ойлик иш ҳақининг 50 фоизи

б-1) Ўзбекистон Республикасининг фуқароларига чет элга чиқиш учун биометрик паспорт берганлик учун


- энг кам иш ҳақининг 120 фоизи

в) Ўзбекистон Республикасининг 16 ёшга тўлмаган фуқароларига чет элга чиқиш учун биометрик паспорт берганлик учун


- энг кам ойлик иш ҳақининг 80 фоизи

г) Ўзбекистон Республикаси ҳудудида доимий яшовчи фуқаролиги бўлмаган шахсга чет элга чиқиш учун фуқаролиги бўлмаган шахс гувоҳномасини берганлик учун


- энг кам ойлик иш ҳақининг 40 фоизи

д) Ўзбекистон Республикаси ҳудудида доимий яшовчи фуқаролиги бўлмаган шахсга, шу жумладан 16 ёшга тўлмаган шахсларга биометрик ҳаракатланиш ҳужжатини берганлик учун


- энг кам ойлик иш ҳақининг бир баравари

е) Ўзбекистон Республикаси фуқароларига чет элга чиқиш учун рухсат берувчи ёзув стикерини расмийлаштирганлик учун


- энг кам ойлик иш ҳақининг 50 фоизи

ж) Ўзбекистон Республикаси ҳудудида доимий яшовчи хорижий фуқароларга ва фуқаролиги бўлмаган шахсларга рухсат берувчи ёзув стикерини расмийлаштирганлик учун


- энг кам ойлик иш ҳақининг 80 фоизи

з) чет элга чиқиш ва кириш ҳуқуқи учун илгари берилган ҳужжатларга баъзи ўзгартиришлар киритганлик учун (амал қилиш муддатини узайтиришдан ташқари)


- энг кам ойлик иш ҳақининг 10 фоизи

и) Ўзбекистон Республикаси фуқароларига, хорижий фуқароларга ва фуқаролиги бўлмаган шахсларга Ўзбекистон Республикасига таклиф қилиш тўғрисидаги ҳужжатларни берганлик учун


- энг кам ойлик иш ҳақининг 10 фоизи

к) Ўзбекистон Республикаси ҳудудида доимий яшовчи хорижий фуқароларга ва фуқаролиги бўлмаган шахсларга яшаш учун рухсатнома берганлик ёки унинг амал қилиш муддатини узайтирганлик учун


- энг кам ойлик иш ҳақининг 20 фоизи

л) Ўзбекистон Республикаси ҳудудида доимий яшовчи хорижий фуқароларга ва фуқаролиги бўлмаган шахсларга йўқотиб қўйилган яшаш учун рухсатнома ўрнига яшаш учун рухсатнома берганлик учун


- энг кам ойлик иш ҳақининг 50 фоизи

м) йўқотиб қўйилган паспортлар, шу жумладан биометрик паспортлар ҳамда уларнинг ўрнини босувчи ҳужжатлар ёки Ўзбекистон Республикасига таклиф қилиш тўғрисидаги ҳужжатларнинг ўрнига янгиларини берганлик учун


- ушбу банднинг тегишли равишда "а", "б", "б-1", "в", "г", "д", "и" кичик бандларида кўрсатилган миқдорларда".

7. Бошқа ишларни амалга оширганлик учун:

а) Ўзбекистон Республикаси фуқаролигига қабул қилиш ёки фуқаролигидан чиқариш тўгрисидаги аризалардан


энг кам ойлик иш ҳақининг 2 баравари миқдорида;

б) Ўзбекистон Республикаси фуқароларини прописка қилганлик ва пропискадан чиқарганлик учун, шунингдек, турган жойи бўйича ҳисобга қўйиш учун


базавий ҳисоблаш миқдорининг 2 фоизи миқдорида;

в) чет эл фуқароларини ва фуқаролиги бўлмаган шасхларни доимий рўйхатдан ўтказганлик ва чиқарганлик учун

энг кам ойлик иш ҳақининг 2 фоизи миқдорида;

г) ов қилиш ҳуқуқини берувчи рухсатномалар берганлик учун


энг кам ойлик иш ҳақининг 20 фоизи миқдорида;

8. Адлия органлари томонидан давлат рўйхатидан ўтказганлик учун:

халқаро нодавлат нотижорат ташкилотларини, шунингдек халқаро ва хорижий нодавлат нотижорат ташкилотларининг ваколатхоналари ва филиаллари - энг кам ойлик иш ҳақининг 12,5 баравари;

республика, вилоятлараро нодавлат нотижорат ташкилотлари - энг кам ойлик иш ҳақининг тўрт баравари;

фаолиятини вилоят, туман, шаҳар, шаҳарча, қишлоқ ва овул ҳудудида олиб борадиган нодавлат нотижорат ташкилотлари - энг кам ойлик иш ҳақининг икки баравари.

9. Давлат хизматлари марказларида:

хорижий инвестициялар иштирокидаги корхоналарни давлат рўйхатидан ўтказганлик учун

-

ҳозир бўлиш тартибида мурожаат этилганда энг кам ойлик иш ҳақининг ўн баравари, Интернет бутунжаҳон тармоғи орқали давлат рўйхатидан ўтказилганда эса - ҳозир бўлиш тартибида мурожаат этганлик учун белгиланган ставканинг 50 фоизи миқдорида;


суғурталовчилар ва суғурта брокерлари, аудиторлик ташкилотлари, солиқ маслаҳатчилари ташкилотлари, биржалар, ломбардлар, инвестиция фондларини, "Ўзбекозиқовқатзахира" мева-сабзавот маҳсулотларини тайёрлаш ва ғамлаш корхоналари уюшмаси таркибига кирувчи корхоналарни, бозорларни, Ўзбекистон Республикаси Президенти ва Ўзбекистон Республикаси Ҳукуматининг тегишли қарорлари билан акциядорлик жамиятлари (шу жумладан холдинг) шаклида ташкил этилаётган хўжалик бошқаруви органларини рўйхатидан ўтказганлик учун


-

ҳозир бўлиш тартибида мурожаат этилганда энг кам ойлик иш ҳақининг тўрт баравари, Интернет бутунжаҳон тармоғи орқали давлат рўйхатидан ўтказилганда эса - ҳозир бўлиш тартибида мурожаат этганлик учун белгиланган ставканинг 50 фоизи миқдорида";


юридик шахсларни - тадбиркорлик субъектларини, юридик шахс бўлмаган якка тартибдаги тадбиркорларни ҳамда юридик шахс бўлмаган оилавий тадбиркорлик субъектларини рўйхатдан ўтказганлик учун


-

ҳозир бўлиш тартибида мурожаат этилганда энг кам ойлик иш ҳақининг бир баравари, Интернет бутунжаҳон тармоғи орқали давлат рўйхатидан ўтказилганда эса - ҳозир бўлиш тартибида мурожаат этганлик учун белгиланган ставканинг 50 фоизи миқдорида";


11. Кредит бюролари Ўзбекистон Республикаси Марказий банки томонидан давлат рўйхатидан ўтказилганлиги учун - энг кам ойлик иш ҳақининг бир баравари миқдорида.





























































Время: 0.1468
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск