ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Давлат ҳуқуқий тизими асослари / Сайлов тизими. Сайловлар. Референдум / Сайловлар /

Ўзбекистон Республикасининг 09.04.2012 й. ЎРҚ-320-сон Давлат ҳокимияти вакиллик органларига ва Ўзбекистон Республикаси Президентининг навбатдаги сайлови тўғрисида"ги Конституциявий Қонуни (Қонунчилик палатаси томонидан 06.03.2012 й. қабул қилинган, Сенат томонидан 23.03.2012 й. маъқулланган)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИНИНГ

КОНСТИТУЦИЯВИЙ

ҚОНУНИ

09.04.2012 й.

N ЎРҚ-320



ДАВЛАТ ҲОКИМИЯТИ ВАКИЛЛИК

ОРГАНЛАРИГА    ВА    ЎЗБЕКИСТОН

РЕСПУБЛИКАСИ ПРЕЗИДЕНТИНИНГ

НАВБАТДАГИ САЙЛОВИ ТЎҒРИСИДА


Қонунчилик палатаси томонидан 2012 йил 6 мартда қабул қилинган

Сенат томонидан 2012 йил 23 мартда маъқулланган



Ушбу Қонун Олий Мажлис, Ўзбекистон Республикаси Президенти, маҳаллий давлат ҳокимияти вакиллик органларига навбатдаги сайловга тайёргарлик кўриш ва уни сайлов қонунчилигига, сайловчиларнинг хоҳиш-иродасига тўлиқ мувофиқ тарзда ўтказишда Ўзбекистон Республикаси Конституциясининг принциплари ва талабларига сўзсиз риоя этилишини таъминлаш мақсадида ҳамда халқаро ҳуқуқнинг умумэътироф этилган принциплари ва нормаларини ҳисобга олган ҳолда қабул қилинмоқда.

Бунда сайлов жараёнини амалга ошириш ҳамда ҳокимиятнинг вакиллик ва ижро этувчи тармоқларини шакллантиришда сиёсий партияларнинг фаол иштирок этиши учун ташкилий ва ҳуқуқий жиҳатдан мақбул шарт-шароитлар яратиш муҳим аҳамият касб этади.


1-модда. Ўзбекистон Республикаси Олий Мажлисининг Қонунчилик палатасига ҳамда Қорақалпоғистон Республикаси Жўқорғи Кенгесига, вилоятлар, туманлар, шаҳарлар давлат ҳокимияти вакиллик органларига навбатдаги сайлов Ўзбекистон Республикаси Конституциясининг 117-моддасида белгиланган муддатда - 2014 йил декабрь ойи учинчи ўн кунлигининг биринчи якшанбасида ўтказилсин.


2-модда. Ўзбекистон Республикаси Президентининг навбатдаги сайлови 2015 йилнинг биринчи ярмида - Ўзбекистон Республикаси Марказий сайлов комиссияси Ўзбекистон Республикаси Олий Мажлисининг Қонунчилик палатасига сайлов якунлари бўйича қарор чиқарган кундан эътиборан 90 кун ўтгандан кейинги биринчи якшанбада, "Ўзбекистон Республикаси Президенти сайлови тўғрисида"ги Қонунга тўлиқ мувофиқ ҳолда ўтказилсин.


3-модда. Ўзбекистон Республикасининг 2002 йил 4 апрелда қабул қилинган "Референдум якунлари ҳамда давлат ҳокимияти ташкил этилишининг асосий принциплари тўғрисида"ги 350-II-сонли Конституциявий Қонуни (Ўзбекистон Республикаси Олий Мажлисининг Ахборотномаси, 2002 йил, N 4-5, 60-модда; Ўзбекистон Республикаси Олий Мажлиси палаталарининг Ахборотномаси, 2008 йил, N 12, 637-модда; 2011 йил, N 12/1, 344-модда) 3-моддасининг иккинчи қисми чиқариб ташлансин.


4-модда. Ушбу Қонун расмий эълон қилинган кундан эътиборан кучга киради.



Ўзбекистон Республикасининг Президенти                      И. Каримов



Ўзбекистон Республикаси Олий Мажлиси палаталарининг Ахборотномаси, 2012 йил, 4-сон, 104-модда






































Время: 0.1586
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск