ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Қишлоқ ва сув хўжалиги / Қишлоқ хўжалиги техникаси. Машина ва трактор парклари /

Ўзбекистон Республикаси Вазирлар Маҳкамасининг 14.07.2012 й. 217-сон "Қишлоқ хўжалиги техникасини харид қилиш учун ҳар йиллик шартнома кампаниясини ўтказиш тартиби тўғрисидаги низомни тасдиқлаш ҳақида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

14.07.2012 й.

N 217



ҚИШЛОҚ ХЎЖАЛИГИ ТЕХНИКАСИНИ ХАРИД ҚИЛИШ

УЧУН ҲАР ЙИЛЛИК ШАРТНОМА КАМПАНИЯСИНИ

ЎТКАЗИШ ТАРТИБИ ТЎҒРИСИДАГИ НИЗОМНИ

ТАСДИҚЛАШ ҲАҚИДА


Ўзбекистон Республикаси Президентининг "2012-2016 йиллар учун қишлоқ хўжалиги ишлаб чиқаришини янада замонавийлаштириш, техник ва технологик жиҳатдан қайта жиҳозлаш дастури тўғрисида" 2012 йил 21 майдаги ПҚ-1758-сон қарорини бажариш юзасидан Вазирлар Маҳкамаси ҚАРОР ҚИЛАДИ:


1. Қишлоқ хўжалиги техникасини харид қилиш учун ҳар йиллик шартнома кампаниясини ўтказиш тартиби тўғрисидаги низом иловага* мувофиқ тасдиқлансин.


2. Қорақалпоғистон Республикаси Вазирлар Кенгаши, вилоятлар ва туманлар ҳокимликлари 2018 йилдан бошлаб:

маҳаллий ва жаҳондаги етакчи ишлаб чиқарувчилар иштирокида бир йилда икки маротаба ўтказиладиган ҳудудий ярмаркалар доирасида қишлоқ хўжалиги техникасини харид қилиш учун мувофиқлаштирилган шартнома кампанияси ўтказилишини, бунда февраль-март ойларида жорий йил учун қўшимча шартномалар тузилишини, сентябрь-октябрь ойларида келгуси йил учун шартномалар тузилишини таъминласинлар;

қишлоқ хўжалиги техникасини харид қилиш учун ўтказилган шартнома кампанияси якунлари тўғрисидаги ахборотни жорий йилнинг 1 апрели ва 1 ноябридан кечиктирилмасдан Ўзбекистон Республикаси Қишлоқ хўжалиги вазирлигига тақдим этсинлар.

3. Ўзбекистон Республикаси Иқтисодиёт ва саноат вазирлиги:

қишлоқ хўжалиги машинасозлиги корхоналарида ишлаб чиқарилган қишлоқ хўжалиги техникасининг асосий турлари бўйича саноат ишлаб чиқаришининг ўсиши прогноз кўрсаткичларини, шунингдек, республикани ижтимоий-иқтисодий ривожлантиришнинг бошқа муҳим прогноз кўрсаткичларини шакллантиришда ўтказилган шартнома кампанияси якунлари бўйича келгуси календарь йил учун қишлоқ хўжалиги техникасини ишлаб чиқариш ва уларни етказиб бериш прогнозини эътиборга олсин;

Ўзбекистон Республикаси Қишлоқ хўжалиги вазирлиги, Молия вазирлиги, бошқа вазирликлар, идоралар ҳамда қишлоқ хўжалиги машинасозлиги корхоналари билан ҳар йили жорий йил учун - 1 апрелдан кечикмасдан, келгуси календарь йил учун 1 декабрдан кечикмасдан шартнома кампанияси маълумотлари асосида қишлоқ хўжалиги техникаларини ишлаб чиқариш ва уларни сотиш ҳажми бўйича Ўзбекистон Республикаси Вазирлар Маҳкамасига таклифлар киритсин.

4. Ўзбекистон Республикаси Адлия вазирлиги 2012 йил 1 августгача бўлган муддатда Қишлоқ ва сув хўжалиги вазирлиги, қишлоқ хўжалиги машинасозлиги корхоналари, уларнинг расмий дистрибьюторлари ва дилерлик ташкилотлари, бошқа жалб қилинган хўжалик юритувчи субъектлар билан биргаликда қишлоқ хўжалиги техникасини харид қилиш учун намунавий шартномалар шаклларини ишлаб чиқсин ва келишсин.


5. Вазирлар Маҳкамасининг "2010 йил учун қишлоқ хўжалиги техникаларини ишлаб чиқариш ва сотишнинг асосий параметрлари тўғрисида" 2010 йил 7 июлдаги 138-сон қарорининг 4-банди ва қарорга 4-илова ўз кучини йўқотган деб ҳисоблансин.


6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари У.У. Розуқулов зиммасига юклансин.



Ўзбекистон Республикасининг Бош вазири                               Ш. Мирзиёев



*) Илова рус тилидаги матнда берилган.



"Ўзбекистон Республикаси қонун ҳужжатлари тўплами", 2012 йил, 29-сон, 335-модда


"Ўзбекистон Республикаси Ҳукуматининг қарорлари тўплами", 2012 йил, 7-сон, 55-модда



















































Время: 0.1372
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск