Ўзбекистон Республикаси Давлат бошқаруви академияси магистратурасига қабул қилишда тест синовларини ташкил этиш ва ўтказиш тартиби тўғрисидаги Низом (АВ томонидан 01.08.2012 й. 2384-сон билан рўйхатга олинган Вазирлар Маҳкамаси ҳузуридаги Давлат тест маркази директорининг 30.07.2012 й. 01-172-сон буйруғи билан тасдиқланган)

Функция недоступна

Ўзбекистон Республикаси

Адлия вазирлигида

2012 йил 1 августда 2384-сон

билан рўйхатга олинган

Ўзбекистон Республикаси

Вазирлар Маҳкамаси ҳузуридаги

Давлат тест маркази директорининг

2012 йил 30 июлдаги

01-172-сон буйруғига

ИЛОВА

Ўзбекистон Республикаси

Давлат бошқаруви академияси магистратурасига

қабул қилишда тест синовларини ташкил этиш

ва ўтказиш тартиби тўғрисидаги

НИЗОМ

Ўзбекистон Республикасининг "Таълим тўғрисида"ги (Ўзбекистон Республикаси Олий Мажлисининг Ахборотномаси, 1997 й., 9-сон, 225-модда) ва "Кадрлар тайёрлаш миллий дастури тўғрисида"ги (Ўзбекистон Республикаси Олий Мажлисининг Ахборотномаси, 1997 й., 11-12-сон, 295-модда) қонунларига асосан Ўзбекистон Республикаси Президенти ҳузуридаги Давлат бошқаруви академиясининг (бундан буён матнда Давлат бошқаруви академияси деб юритилади) магистратурасига қабул қилишда тест синовларини ташкил этиш ва ўтказиш тартибини белгилайди.

I БОБ. УМУМИЙ ҚОИДАЛАР

1. Тест синовлари Ўзбекистон Республикаси Вазирлар Маҳкамаси ҳузуридаги Давлат тест маркази (бундан буён матнда Давлат тест маркази деб юритилади) томонидан ўтказилади.

2. Тест синовларини ташкил этиш ва уларни жойларда адолатли ўтказиш масъулияти, мазкур Низом талабларига қатъий риоя этган ҳолда Давлат тест маркази вакиллари, Давлат бошқаруви академияси қабул комиссияси (бундан буён матнда қабул комиссияси деб юритилади) раиси, маҳаллий давлат ҳокимияти органлари ва улар томонидан тайинланадиган аудиториялар раҳбарлари зиммасига юкланади.

3. Тест синовлари ўтказиладиган куни Давлат тест марказининг тегишли рухсатномасига эга бўлмаган шахсларнинг тест синовлари ўтказиладиган биноларга кириши тақиқланади.

4. Тест синовлари августнинг биринчи 10 кунлигида ўтказилади. Тест синовлари ўтказиладиган кунни Давлат бошқаруви академияси Давлат тест маркази билан келишган ҳолда белгилайди.

II БОБ. ТЕСТ СИНОВЛАРИНИ ЎТКАЗИШГА

ТАЙЁРГАРЛИК КЎРИШ ВА ЎТКАЗИШ

1-§. Қабул комиссиясини ташкил этиш ва унинг вазифалари

5. Давлат бошқаруви академиясига ўқишга қабулни сифатли ташкил этиш мақсадида белгиланган тартибда қабул комиссияси ташкил этилади.

6. Қабул комиссияси раиси томонидан тест синовларини ўтказиш билан боғлиқ ишларни амалга ошириш тўғрисида қабул комиссиясининг иш режаси тасдиқланади.

7. Қабул жараёнини юқори даражада уюшқоқлик билан, тартибли равишда ташкил этиш, тест жараёнининг холисона ва адолатли ўтишини таъминлаш, тест топширувчиларга (бундан буён матнда абитуриент деб юритилади) уларнинг тест синовлари жараёнидаги вазифалари, ҳуқуқ ва мажбуриятларини тушунтириш, тест синовларини ўтказиш билан боғлиқ барча зарур шароитларни яратиш ҳамда тест синовлари натижалари бўйича абитуриентларга тўлиқ маълумотлар бериш қабул комиссиясининг асосий вазифалари ҳисобланади.

8. Қабул комиссияси 15 майдан 15 июнгача (шу куни ҳам) ўқишга қабул қилиш ҳақидаги аризаларни қабул қилади ва ҳужжатлар қабул қилинганлиги тўғрисида абитуриентларга белгиланган шаклда тилхат беради.

9. Қабул комиссияси қабул жараёни бошланган кунга қадар мазкур Низом, мутахассисликлар, таълим тили бўйича қабул квоталари ва тест ўтказиладиган фанлар рўйхатини қабул комиссиясининг эълонлар тахтасига жойлаштириши лозим.

10. Қабул комиссиялари тест синовлари ўтказиладиган бино ва аудиторияларни мазкур бобнинг 2-параграфида белгиланган тартиб бўйича тест синовларини ўтказиш учун тайёрлайди.

11. Тест синови жараёни видеотасвирга туширилади. Тест синови тугагандан кейин 1 соат давомида видеотасвирлар бош штабда Давлат тест марказининг Давлат бошқаруви академияси бўйича вакилига (бундан буён матнда Давлат бошқаруви академияси бўйича вакили деб юритилади) топширилади. Видеотасвирдан нусха кўчириш ман этилади.

12. Қабул комиссияси ҳужжат топширган абитуриентлар ҳақидаги маълумотларни ҳужжат топширилган куннинг ўзида қайд дафтарларига ва Давлат тест маркази томонидан тақдим этилган "АБТ-Абитур" дастури орқали базага хатосиз киритади ва уларни электрон суратлари билан бирга Давлат тест марказига тақдим этиб боради.

"АБТ-Абитур" дастури орқали базага махсус код, қайд рақами, таълим тури, фуқаролиги, фамилияси, исми, отасининг исми, миллати, жинси, паспорт серияси ва рақами, яшаш жойи, туғилган йили ва жойи, ижтимоий келиб чиқиши, таълим олган таълим муассасаси тури, рақами ва номи, манзили ҳамда уни тугатган йили, диплом рақами, дипломдаги умумий рейтинг бали, таълим тили, мутахассислиги киритилади.

13. Мутахассислик, ўқитиш тили бўйича Давлат бошқаруви академиясига топширилган ҳужжатлар сони ҳақидаги маълумотлар абитуриентлар эътибори учун қабул комиссияси томонидан ҳар куни эълон қилиб борилади.

14. Қабул комиссияси тест синовларининг самарали тарзда ўтишини таъминлаш мақсадида Давлат тест маркази вакиллари ҳамда маҳаллий давлат ҳокимияти органлари билан ҳамкорликда аудитория раҳбарлари ва кузатувчилари учун тест синовларини ўтказиш тартиби тўғрисида амалий семинар машғулотларини ўтказади.

15. Қабул комиссияси тест синови белгиланган кундан камида 10 кун олдин абитуриентлардан тушган аризалар ҳақидаги маълумотларни мазкур Низомнинг 1-иловаси бўйича қабул комиссиясининг раиси ва масъул котиби томонидан тасдиқланган ҳолда Давлат тест марказига тақдим этади ва ушбу ҳужжатларга қўшимчалар ва ўзгартиришлар киритиши қатъиян ман этилади.

16. Қабул комиссияси тест синови белгиланган кундан камида 4 кун олдин мазкур Низомнинг 2-иловасида келтирилган шаклдаги абитуриент рухсатномаларини Давлат тест марказидан қабул қилиб олади.

17. Қабул комиссияси тест синови белгиланган кундан камида 8 кун олдин мазкур Низомнинг 3-иловаси 1-шаклига мувофиқ ихтисослик бўйича гуруҳланган абитуриентлар сонининг бинолар ва гуруҳлар бўйича тақсимотини, мазкур Низомнинг 1-иловаси бўйича тайёрланган абитуриентлардан келиб тушган аризалар ҳақидаги маълумотлар ва мазкур Низомнинг 3-иловаси 2-шаклидаги абитуриентларнинг аудиториялардаги ўтириш ўринлари сони ҳақидаги маълумот билан таққослаб, Давлат тест марказига тақдим этади ва тест синови белгиланган кундан камида 6 кун олдин абитуриентларнинг бинолар ва гуруҳлар бўйича умумий рўйхатини мазкур Низомнинг 3-иловаси 3-шакли бўйича Давлат тест марказидан қабул қилиб олади.

18. Қабул комиссияси тест синови белгиланган кундан камида 4 кун олдин мазкур Низомнинг 3-иловаси 4-шаклига мувофиқ абитуриентларнинг умумий рўйхатини, шунингдек мазкур Низомнинг 4-иловаси 1 - 5-шаклларига мувофиқ тест ўтказиладиган биноларнинг режа-чизмаси, Давлат бошқаруви академияси бўйича биноларнинг жойлашиш схемаси, ҳар бир бино учун асосий жойлашиш схемаси ва тест синовлари учун мўлжалланган қават бўйича аудиторияларнинг жойлашиш схемаси ҳамда тест синовлари ўтказиладиган бинолар тўғрисидаги умумий маълумотни эълон қилади ва ушбу маълумотларни Давлат тест маркази вакилларига етказади.

19. Қабул комиссияси тест синови белгиланган кундан камида 3 кун олдин тест синовлари ўтказиладиган биноларда абитуриент рухсатномасини мазкур Низомнинг 5-иловаси 1-шакли бўйича абитуриентларга рухсатномаларни тарқатиш қайдномаси асосида тарқатади.

20. Қабул комиссияси тест синови белгиланган куни Давлат бошқаруви академияси бўйича вакилидан мазкур Низомнинг 5-иловаси 2-шакли бўйича бир нусхада бино бўйича абитуриентларнинг умумий рўйхатини қабул қилиб, эълонлар тахтасига илиб қўяди.

21. Қабул комиссияси тест синовлари ўтказиладиган куни соат 6.00 гача назорат хизмати постларига бино ҳудудига киришга рухсат берилган Давлат тест маркази вакиллари, аудитория раҳбарлари ва кузатувчиларининг рўйхатини топширади.

22. Қабул комиссияси тест синовлари тугагандан кейин тест материалларининг белгиланган тартибда Давлат тест маркази ходимига топширилишини таъминлаши шарт.

23. Қабул комиссияси Давлат тест марказидан тест синови натижалари билан бирга барча титул варақаларини текшириб қабул қилиб олади ва олинган куни тест натижаларини Давлат бошқаруви академиясида эълон қилади ҳамда абитуриентларга тест натижалари бўйича тўлиқ маълумотлар беради.

24. Қабул комиссиясига юклатилган барча вазифаларнинг бажарилишини таъминлаш учун жавобгарлик қабул комиссиясининг раиси ва масъул котиби зиммасига юклатилади.

2-§. Тест синовлари ўтказиладиган бино ва аудиторияларни

тест синовларига тайёрлаш

25. Тест синовлари ўтказиладиган бино ва аудиторияларни тест синовларига тайёрлаш бўйича жавобгарлик қабул комиссияси зиммасига юклатилади.

26. Қабул комиссияси жорий йилда тест синовларига қатнашадиган абитуриентлар сонини ўтган йилга нисбатан 20 фоиз қўшган ҳолда режалаштиради. Тест синовлари ўтказиш талабларига жавоб берадиган бино ва аудиторияларнинг ҳудудлар бўйича маълумотлар базасидан тест жараёнида фойдаланиш учун танлайди.

27. Тест синовлари ўтказиладиган бинолари режа-чизмаси Давлат тест маркази томонидан тасдиқлангандан кейин ҳақиқий ҳисобланади.

28. Тест синовлари ўтказиладиган бинолар ҳудудий жойлашуви бўйича тест материалларини ўз вақтида ва хавфсизлиги таъминланган ҳолда етказиш ҳамда Давлат бошқаруви академияси бўйича вакилининг тест синовлари жараёнида назорат қила олиши учун бир-бирига яқин бўлиши керак.

29. Тест синовларини тартибли ўтказиш учун бино жойлашган ҳудуд ўралган бўлиши керак.

30. Тест ўтказиладиган бино сиғими камида 360 нафар абитуриентга мўлжалланган бўлиши лозим.

31. Ҳар бир бинода абитуриентларни тартибли ва ўз вақтида киритиш учун кириш эшигида назорат хизмати постлари ташкил этилган бўлиши шарт.

32. Ҳар бир бинода тест материалларини тарқатиш ва йиғиб олиш учун мўлжалланган махсус катта хона (штаб) тайёрланади ва Давлат тест марказининг вакиллари учун етарли миқдорда стол-стуллар, стационар телефон алоқаси ва ҳужжатларни тест жараёнида сақлаш учун сейф билан таъминланган бўлиши керак.

33. Тест ўтказиладиган бино ва аудиторияларнинг ҳолати санитария ва ёнғин хавфсизлиги қоидаларига тўлиқ жавоб бериши шарт.

34. Ҳар бир қаватда камида 180 нафар абитуриентлар учун мўлжалланган 12 тагача аудиториялар ташкил этилиши ҳамда ушбу аудиториялар Давлат тест марказининг қават бўйича вакили (бундан буён матнда қават бўйича вакил деб юритилади) назорат қила оладиган масофада жойлашган бўлиши лозим.

35. Давлат бошқаруви академияси бўйича тест синовлари ўтказиладиган аудиториялар рақами бино рақамининг ўсиши тартибида, бино бўйича юқори қаватдан пастки қаватга камайиши тартибида, аудиторияларнинг тартиб рақами кетма-кетлиги гуруҳлар тартиб рақамининг кетма-кетлиги билан бир хил бўлиши ҳамда тест синовлари қайси бинода ўтказилишидан қатъи назар, такрорланмаслиги керак.

36. Ҳар бир аудиториядаги ўтириш ўринлари бир-биридан камида 80 см масофада бўлиб, абитуриентга мўлжалланган бўлиши керак ҳамда аудиториялар етарли миқдорда стол-стуллар ва тест материалларини тарқатиш ва қабул қилиш учун алоҳида стол билан таъминланган бўлиши лозим.

37. Тест ўтказиладиган ҳар бир аудиторияни тайёрлашда ёруғлик тушиш, шамоллатиш, абитуриентни тикка тушувчи қуёш нуридан ҳимоялаш имкониятлари ҳисобга олиниши лозим.

38. Аудиториялар хонадан-хонага ўтиладиган бўлмаслиги ва улар бир нечта шартли аудиторияларга бўлинмаслиги лозим.

39. Барча аудиториялардаги абитуриентларнинг ўтириш ўринлари рақамланган бўлиши лозим. Бунда тоқ қаторлар чапдан ўнга, жуфт қаторлар ўнгдан чапга қараб рақамланади.

40. Аудиторияларнинг эшикларига гуруҳ мутахассисликлари шифри ва номи ёзилган кўрсаткичлар илиб қўйилган бўлиши лозим.

41. Тест синовлари ўтказиладиган ҳар бир бинода тест жараёни учун зарур бўлган ахборот, техник, тиббий ва маиший шароитлар яратилган бўлиши шарт.

42. Ҳар бир аудитория соат, бўр, ёзув тахтаси (доска), елим, ичимлик суви ҳамда абитуриентлар, аудитория раҳбари ва кузатувчилари сонига тенг миқдорда ҳаворанг пастали шарикли ручкалар билан таъминланган бўлиши шарт.

43. Аудиторияларда тест синовлари топшириладиган фанларга тааллуқли бўлган кўргазмали воситалар бўлмаслиги лозим.

44. Тест синови белгиланган кундан камида 1 кун олдин тест синовлари ўтказиладиган барча биноларда нусха кўчириш воситалари сақланадиган ва тест синовлари ўтказилмайдиган аудиториялар ҳамда қаватларнинг кириш-чиқиш эшиклари бино бўйича вакил иштирокида ёпиб муҳрланиши лозим.

45. Тест ўтказиладиган аудиториялар сифатида ошхона, йўлак (коридор) ва шунга ўхшаган хоналардан фойдаланиш тақиқланади.

46. Аудиторияга 1 нафар аудитория раҳбари ва 15 нафар абитуриент учун 1 нафар ҳисобидан кузатувчилар бириктирилади.

47. Давлат бошқаруви академияси бўйича тест синовлари ўтказиладиган бинолар ҳақидаги дастлабки маълумотлар ушбу параграфда кўрсатиб ўтилган талаблар асосида шакллантирилиб, биноларнинг тест синовлари ўтказиш учун яроқлилиги бўйича тегишли идоралардан рухсат олинганидан кейин тест синови белгиланган кундан камида 20 кун олдин мазкур Низомнинг 3-иловаси 2-шакли ва 4-иловаси 1 - 5-шакллари бўйича Давлат тест марказига тақдим этилиши лозим.

3-§. Тест синовларини ташкил этиш ва ўтказишда

Давлат тест марказининг асосий вазифалари

48. Давлат тест маркази тест синовларини ташкил этиш ва ўтказиш билан боғлиқ қуйидаги вазифаларни бажаради:

Давлат бошқаруви академияси бўйича вакилини тайинлайди;

Демократик давлат ва фуқаролик жамияти қуриш назарияси ва амалиёт фани асослари, Давлат ва ҳуқуқ асослари, иқтисодиёт ва менежмент асослари, Ўзбекистон тарихи фанларидан тест саволларни тузади ва экспертиза қилади;

тест материалларининг сифатли ва нуқсонсиз тайёрланишини таъминлайди;

мазкур Низомнинг 5-иловаси 3-шакли бўйича абитуриентларнинг аудиториялар бўйича рўйхатини шакллантиради;

мазкур Низомнинг 6-иловасида келтирилган титул варақалари ва мазкур Низомнинг 2-иловасида келтирилган абитуриент рухсатномаси бланкларини компьютер дастури ёрдамида тўлдиради;

тест материалларини тест синовлари ўтказиладиган куни соат 6.00 дан кечикмасдан, етарли даражада Давлат бошқаруви академиясига етказилишини таъминлайди;

Давлат тест маркази вакилларининг ўз хизмат вазифаларини ваколати доирасида аниқ билиши ва ўз вақтида тест синовлари ўтказиладиган бинога етиб келишини таъминлайди;

Давлат тест маркази вакилларини аудитория раҳбарлари ва кузатувчиларини ўқитиш учун махсус йўриқнома билан таъминлайди;

бажарилган тест топшириқларини текширади ва натижасини чиқаради;

мазкур Низом ва қонун ҳужжатларида белгиланган бошқа вазифаларни ҳам амалга оширади.

4-§. Тест синовларини ташкил этиш ва ўтказишда маҳаллий

давлат ҳокимияти органларининг асосий вазифалари

49. Тест синовларини жойларда тўғри ва адолатли ўтказиш мақсадида тегишли туман (шаҳар) ҳокимликлари Давлат тест маркази томонидан мазкур Низомнинг 7-иловаси 1-шаклига мувофиқ тақдим этилган маълумотлар асосида мазкур Низомнинг 7-иловаси 2-шаклига мувофиқ Давлат тест маркази вакиллари, аудитория раҳбарлари ва кузатувчилари сифатида жалб этиладиган ходимлар ҳақидаги маълумотни тасдиқлайди.

50. Маҳаллий давлат ҳокимияти органлари Давлат бошқаруви академияси мурожаатига асосан тест синовларини ўтказиш учун белгиланган талабларга жавоб берадиган бинолар ва транспорт воситалари билан таъминлашга амалий ёрдам беради, шунингдек тест синовлари ўтказиладиган ҳар бир бинода хавфсизликни таъминлаш мақсадида назорат хизмати постларини ташкил этади ҳамда ваколати доирасида тест синовларининг тартибли ўтиши учун тегишли органларга кўрсатма беради.

5-§. Тест синовларини ташкил этиш ва ўтказишда

Давлат тест маркази вакилларининг вазифалари

51. Тест синовларини ўтказиш учун Давлат тест марказининг вакиллари шартнома асосида жалб этилади.

Давлат тест маркази вакиллари манфаатдор вазирликлар ва идоралар, шунингдек маҳаллий давлат ҳокимияти органларининг тавсияси асосида олий ва ўрта махсус, касб-ҳунар таълими муассасалари, илмий муассасалар, давлат ва жамоат ташкилотлари ходимларидан танлаб олинади.

Давлат тест маркази вакилларини тақсимлаш Давлат тест маркази томонидан амалга оширилади.

52. Давлат тест маркази вакиллари тест жараёнида аудитория раҳбарига амалий ёрдам кўрсатади.

Давлат тест маркази вакиллари ўзига бириктирилган бино, қават ва аудиторияларда тест ўтказиш тартибларига қатъий риоя қилинишига жавобгар шахс ҳисобланади.

Давлат тест маркази вакили тест синовлари учун ажратилган вақт давомида тест синовларининг бошланиши ва тугашини қатъий назорат қилади, тест синовларининг адолатли, холисона ва мазкур Низомда белгиланган талаблар асосида ўтишини таъминлайди.

53. Давлат бошқаруви академияси бўйича вакили Давлат бошқаруви академияси бўйича бино вакилининг ва қават вакилларининг фаолиятига умумий раҳбарлик қилади.

Ҳар 12 та аудиторияга камида битта қават вакили бириктирилади.

54. Давлат тест маркази вакили ўзига юклатилган вазифаларни суиистеъмол қилса, шу жумладан, бинога бегона шахсларнинг киришига йўл қўйса, абитуриентга тақиқланган воситалардан фойдаланиш учун шароит яратиб берса ва шу каби бошқа ҳолатларни содир этса, Давлат бошқаруви академияси бўйича вакили томонидан далолатнома тузиш орқали вазифасидан четлаштирилади ҳамда унинг ўрнига захирадан бошқа шахс тайинланади ва бу ҳақда номзодни тавсия этган ташкилотга маълум қилинади.

55. Давлат тест маркази вакиллари тест синови белгиланган кундан камида 3 кун олдин қабул комиссияси масъул котиби билан биргаликда ўзига тегишли бино, қават ва аудиторияларнинг тест синовларига тайёрлигини текширади, аниқланган камчиликларни бартараф этади ҳамда бинонинг тест синовларига тайёрлиги тўғрисида баённома тузади ва уни қабул комиссияси орқали Давлат тест марказига етказади.

56. Давлат тест маркази вакиллари тест синови белгиланган кундан камида 2 кун олдин соат 8.00 дан бошлаб маҳаллий давлат ҳокимияти органлари, қабул комиссияси, аудитория раҳбарлари ва кузатувчилари иштирокида тест синовларига тайёргарлик кўриш учун репетиция ўтказади ҳамда мазкур Низомнинг 8-иловасида келтирилган шакл бўйича бинода репетиция ўтказиш баённомасини расмийлаштиради.

57. Давлат тест маркази вакиллари тест синови ўтказиладиган куни соат 6.00 дан кечикмасдан ўзига тегишли бинога етиб келади ва бино ҳудудига назорат хизмати постлари орқали рўйхат асосида паспорти билан киради.

58. Бино бўйича вакил тест синовлари ўтказиладиган куни қуйидаги вазифаларни бажаради:

қават вакиллари билан биргаликда соат 6.00 дан 6.30 гача штабда Давлат тест маркази ходимидан Давлат тест маркази вакиллари, аудитория раҳбари ва кузатувчилари рўйхатларини, уларнинг рухсатномаларини ҳамда мазкур Низомнинг 9-иловасига мувофиқ тест материаллари қутисини қабул қилиб олади;

тест материаллари солинган захира қутиларни сейфга жойлаштиради ва муҳрлайди;

соат 7.00 дан 7.30 гача қават вакилларига, аудитория раҳбарлари ва кузатувчиларига уларнинг рухсатномаларини тарқатади, келмаган қават вакиллари, аудитория раҳбарлари ва кузатувчилари ўрнига захирадаги шахсларни тайинлайди ва мазкур Низомнинг 10-иловасига асосан қават вакиллари, аудитория раҳбарлари ва кузатувчиларининг тақсимотини расмийлаштиради;

мазкур Низомнинг 11-иловасига мувофиқ тест синовларига келмаган қават вакиллари, аудитория раҳбарлари ва кузатувчилари тўғрисида далолатнома расмийлаштиради;

соат 7.45 дан 8.15 гача қават вакиллари билан биргаликда абитуриентларнинг аудиториялар бўйича рўйхати, абитуриентларнинг гуруҳлар бўйича титул варақалари солинган пакетни ва тест материаллари қутисини аудитория раҳбарларига топширади ва бу ҳақда мазкур Низомнинг 12-иловаси 1-шаклига мувофиқ баённома расмийлаштиради;

абитуриентнинг тест материалида типографик нуқсон борлиги ҳақидаги мурожаати юзасидан, зудлик билан тест материаллари захира қутиларидан мутахассислик ва тилига мос тест материалларини қават вакилига беради ва бу ҳақда мазкур Низомнинг 12-иловаси 2-шаклига мувофиқ баённома расмийлаштиради;

абитуриентларнинг тест топширишини назорат қилиб боради ва тест жараёнида муаммо пайдо бўлганда, зудлик билан Давлат бошқаруви академияси бўйича вакили билан боғланади, муаммони ҳал қилиш чораларини кўради;

аудиторияларда тест синовларини ўтказиш тартибини бузган абитуриентларнинг тестдан четлаштирилишини ва бу ҳақда далолатномалар тузилишини назорат қилади;

тест синовининг тугаш жараёнини назорат қилади;

абитуриентларнинг аудиториядан паспорти ва рухсатнома билан чиқишини, рухсатномада жавоблар варақаси рақами ёзилиб, унинг аудитория раҳбари ва кузатувчиси томонидан тасдиқланганлигини назорат қилади;

бино бўйича тўлдирилган барча шакллар, расмийлаштирилган далолатномалар ҳамда тестга келмаган Давлат тест маркази вакиллари, аудитория раҳбарлари ва кузатувчилари рухсатномаларини махсус пакетга солиб муҳрлайди;

соат 11.50 дан 12.10 гача жавоблар варақаси пакети, саволлар китоби қутиси, титул варақалари пакети аудиторияларда елимланиб, мазкур Низомнинг 13-иловаси 1, 2 ва 3-шаклларида келтирилган пакетларнинг Давлат тест маркази эмблемалари билан муҳрланишини назорат қилади;

соат 12.10 дан 12.30 гача мазкур Низомнинг 12-иловаси 1-шакли бўйича аудитория раҳбарларидан тест материаллари қутиларини муҳрланган ҳолда қабул қилиб олади ва ўз вақтида топширган аудитория раҳбарлари рухсатномасининг тегишли жойларини тўлдириб, имзо қўяди;

қават вакиллари иштирокида тест материаллари қутиларини мазкур Низомнинг 9-иловасига мувофиқ тест материаллари қутиси реестри асосида Давлат тест маркази ходимига топширади;

мазкур Низомнинг 14-иловасига мувофиқ тест жараёнини ўтказиш бўйича ҳисоботини ёзиб, қават вакиллари ҳисоботлари билан бирга шу куннинг ўзида Давлат бошқаруви академияси бўйича вакилига топширади;

четлаштирилган аудитория раҳбари ва кузатувчилар ўрнига захирадан тайинлайди.

59. Қават вакиллари тест синовлари ўтказиладиган куни қуйидаги вазифаларни бажаради:

соат 7.30 гача аудитория раҳбарлари ва кузатувчиларини штабга бошлаб келади ва бино раҳбари томонидан уларга рухсатномалар тарқатилишида иштирок этади ҳамда уларни белгиланган аудиторияларга олиб боради;

тест ўтказилаётган аудиторияда абитуриент томонидан тест ўтказиш тартибининг бузилишини аниқлаганда, аудитория раҳбаридан ушбу ҳолат бўйича тест синовларидан четлаштириш тўғрисида далолатнома расмийлаштирилишини талаб қилади;

тест синовлари қоидаларини бузган абитуриентлар бўйича ўзига тегишли аудиториялар раҳбарлари томонидан тузилган далолатномаларни тасдиқлаб, имзо қўяди;

ўзига тегишли қаватда аудитория раҳбарлари ва кузатувчиларининг фаолиятини назорат қилади. Ўзига юклатилган вазифаларни суиистеъмол қилган, шу жумладан, бинога бегона шахсларнинг киришига йўл қўйган, абитуриентга тақиқланган воситалардан фойдаланиш учун шароит яратиб берган ва шу каби бошқа ҳолатларни содир этган аудитория раҳбарлари ва кузатувчиларини вазифасидан четлаштиради ва бу ҳақда бино бўйича вакилга маълум қилади ҳамда ушбу ҳолатларни ҳисоботида кўрсатади;

аудитория раҳбари абитуриентнинг тест материалида типографик нуқсон борлиги ҳақида мурожаат қилганда, мурожаатнинг асосли эканлигини текшириб кўриб зудлик билан бино бўйича вакилга мурожаат қилади ҳамда тест материаллари захирасидан мутахассислик ва тилига мос тест материалларини келтириб беради;

тест синовлари тугагач, ўзига тегишли гуруҳларнинг аудитория раҳбарларини аудиторияда муҳрланган тест материаллари қутилари билан бирга штабга бошлаб боради ва топшириш жараёнини назорат қилади;

мазкур Низомнинг 15-иловасига мувофиқ тест синовини ўтказиш бўйича ҳисобот ёзади ва Давлат тест марказининг бино бўйича вакилига топширади.

6-§. Тест синовлари ўтказишда аудитория раҳбари

ва кузатувчиларининг вазифалари

60. Тест синови ўтказиладиган аудиторияда тест синовининг мазкур Низом талабларига қатъий риоя этилган тарзда тўғри ва адолатли ўтказилишини таъминлаш бўйича шахсий жавобгарлик аудитория раҳбари ва кузатувчиси зиммасига юкланади.

Аудитория раҳбари аудитория кузатувчисининг фаолиятини назорат қилади.

61. Тест синовлари ўтказиладиган куни аудитория раҳбари ва кузатувчиси ўзига бириктирилган Давлат бошқаруви академияси биносига соат 6.30 дан кечикмасдан паспорти билан етиб келишлари шарт.

Аудитория раҳбари ва кузатувчиси томонидан бинога ортиқча буюмларнинг олиб кирилиши тақиқланади.

62. Аудитория раҳбари ва кузатувчиси тест синовлари ўтказиладиган куни соат 7.00 дан 7.30 гача бино штабида ўзларига тегишли рухсатномаларни олади ва ўзларига бириктирилган аудиторияга боради ва ўзларининг исм ва фамилияларини ёзув тахтаси (доска)га ёзиб қўяди.

Аудитория кузатувчиси соат 7.30 дан 7.45 гача аудиториянинг тест синовларига тайёрлигини текширади, тест жараёнига салбий таъсир этувчи омиллар аниқланганда, уларни бартараф этиш чораларини кўради. Агар аудиторияда абитуриентлар бўлса, уларни ташқарига чиқаради. Аудиториядаги ўтириш ўринларининг ўрнатилган тартиб асосида рақамланганлигини текширади.

63. Аудитория раҳбари соат 7.45 дан 8.15 гача бино штабида бино бўйича вакилдан абитуриентларнинг гуруҳлар бўйича рўйхатини, муҳрланган пакетда гуруҳ абитуриентлари титул варақаларини ва тест материаллари қутисини муҳри бузилмаганлигини текшириб қабул қилади, қават вакили бошчилигида аудиторияга олиб келади ва соат 8.30 да аудитория кузатувчилари ва икки нафар абитуриентлар гувоҳлигида тест материалларини муҳрланганлигига ишонч ҳосил қилиб очади. Тест материаллари қутисида абитуриентлар сонига мос саволлар китоби, жавоблар варақаси, ишлатилмаган саволлар китоблари, жавоблар варақаси ва титул варақалари учун бўш пакетлар, далолатнома шакллари ҳамда муҳр ва Давлат тест маркази эмблемалари мавжудлигини текшириб, мазкур Низомнинг 16-иловасига мувофиқ тест материаллари қутисининг очилганлиги ҳақида далолатнома тузади.

64. Аудитория кузатувчиси соат 8.30 гача аудитория раҳбаридан абитуриентларнинг гуруҳ бўйича рўйхатини олади, абитуриентларни титул варақаси, абитуриент рухсатномаси, паспорти ҳамда абитуриентларнинг гуруҳлар бўйича рўйхати асосида текширади (расмлар шу абитуриентга тегишлилигига ишонч ҳосил қилиб), абитуриентга тегишли титул варақасини топширади ва аудиторияга киритади. Абитуриент абитуриентларнинг гуруҳлар бўйича рўйхати ва титул варақасида кўрсатилган жойга бориб ўтиради. Белгиланган жойдан бошқа жойда ўтирган абитуриент тест синови ўтказиш тартибини бузган ҳисобланиб, унга нисбатан далолатнома тузилади ва тест синовидан четлаштирилади. Тест синовига келмаган абитуриентларнинг ўрни тест синови жараёнида бўш қолади.

65. Аудитория кузатувчиси жавоблар варақалари ва жавоблар варақаси рақамига мос рақамли саволлар китобларини абитуриентларга тарқатиб чиқади. Шундан сўнг, аудитория раҳбари абитуриентларга саволлар китоби рақами билан жавоблар варақаси рақами мослигини ҳамда тест материаллари нуқсонсизлигини текшириб чиқишлари, жавоблар варақаси ва саволлар китоби муқовасида кўрсатилган тегишли жойга фамилияси, исми, отасининг исмини ёзиб, имзо қўйишлари ҳақида кўрсатма беради ҳамда белгиланган тартибда тўлдирилмаган титул варақаси, саволлар китоби ва жавоблар варақаси бўйича чиқарилган натижа ихтиёрий босқичда далолатнома асосида бекор қилиниши, жавоблар варақасини букмаслик, унинг маркер чизиғига ёзмаслик, жавоблар варақаси рақами остида жойлашган доирачаларни бўямаслик кераклигини тушунтиради.

Жавоблар варақаси намунаси мазкур Низомнинг 17-иловасида, саволлар китобининг муқоваси мазкур Низомнинг 18-иловасида келтирилган.

Аудитория кузатувчиси тест синовига келмаган абитуриентларнинг жавоблар варақалари ва саволлар китобларини санаб, аудитория раҳбарига топширади, шунингдек аудитория раҳбарининг кўрсатмаси асосида абитуриентлар томонидан тўлдирилган титул варақаларини йиғиб олади ва санаб, аудитория раҳбарига топширади.

66. Агар абитуриент саволлар китоби нуқсонли эканлиги ҳақида мурожаат қилса, аудитория раҳбари қуйидаги ишларни тезкорлик билан соат 9.00 гача қават вакилидан захирадаги шу ихтисослик ва тилга мос бўлган саволлар китоби ва жавоблар варақасини келтириб беришни сўрайди.

67. Аудитория раҳбари нуқсонли тест материалига "Нуқсонли" деган ёзув киритиб, унинг алмаштирилган вақтини кўрсатади ҳамда абитуриентнинг фамилияси, исми, отасининг исмини ёзиб, имзо қўяди ва ушбу ҳолат ҳақида далолатнома тузиб, нуқсонли тест материалига елимлайди ҳамда жавоблар варақаси пакетига солиб қўяди.

68. Соат 8.30 дан 9.00 гача аудитория раҳбари ва кузатувчиси:

ёзув тахтаси (доска)га илиб қўйилган плакатдан фойдаланиб, жавоблар варақасини тўлдириш қоидаларини тушунтиради;

мазкур Низомнинг 19-иловасида келтирилган аудитория раҳбарининг абитуриентларга эслатмасини ўқиб беради;

абитуриентларга жавоблар варақаси рақамини титул варақаси ва абитуриент рухсатномасининг тегишли жойига тўғри кўчириб ёзишлари бўйича кўрсатма беради;

жавоблар варақаси рақамининг титул варақасига кўчириб ёзганлигини тасдиқлаш мақсадида титул варақасининг махсус жойига имзо қўяди.

69. Аудитория кузатувчиси соат 9.00 гача абитуриентларга жавоблар варақаси рақамини абитуриентларнинг аудиториялар бўйича рўйхатига ёздиради ва тест материалларини олганлигини тасдиқлаш мақсадида имзо қўйдиради.

70. Тест синовига келмаган абитуриентларнинг саволлар китоби аудитория раҳбари томонидан ишлатилмаган саволлар китоби пакетига солиниб, муҳрланади ва абитуриентларнинг аудиториялар бўйича рўйхатига тест синовига келмаган абитуриент ҳақида "қатнашмади" деган ёзув киритилади.

71. Аудитория раҳбари тест синови учун ажратилган вақт тугаганлигини эълон қилади ва абитуриентлардан ўринларидан туришларини талаб қилади ҳамда аудитория кузатувчисига абитуриентлардан тест материалларини йиғиб олиш бўйича кўрсатма беради. Тест материаллари йиғиб олинганидан сўнг аудитория раҳбари саволлар китоби ва жавоблар варақасига шикаст етмаганлигини текшириб, абитуриент рухсатномасининг тегишли жойини тўлдириб, имзо қўяди ҳамда абитуриентларга тест материаллари топширилганлигини тасдиқлаш мақсадида мазкур Низомнинг 5-иловаси 3-шаклида келтирилган рўйхатга имзо қўйдириб, уларни абитуриент рухсатномаси ва паспорти билан аудиториядан чиқариб юборади.

72. Аудиториядаги барча жавоблар варақаларининг жавоблар варақалари пакетига солиниши учун аудитория раҳбари ва кузатувчиси шахсан жавобгар ҳисобланади.

Жавоблар варақаси пакетига қуйидагилар солинади:

тестда қатнашган абитуриентларнинг жавоблар варақалари;

ишлатилмаган жавоблар варақалари;

тест синовидан четлаштирилганлиги ҳақидаги далолатнома елимланган жавоблар варақаси ва титул варақаси;

тест материалларини ўз вақтида топширмаганларни четлаштириш ҳақидаги далолатнома елимланган титул варақалари;

далолатнома елимланган ҳолдаги нуқсонли саволлар китоби;

тест синовига келмаган абитуриентларга тегишли титул варақалари.

73. Аудитория раҳбари титул варақалари пакетига тест синовида қатнашган абитуриентларнинг титул варақалари ва абитуриентларнинг аудитория бўйича рўйхатини солиб, аудитория кузатувчилари ва абитуриентлар гувоҳлигида муҳрлайди ҳамда пакет устидаги маълумотларни тўлиқ расмийлаштиради.

74. Аудитория раҳбари ишлатилган саволлар китобларини, ишлатилмаган саволлар китоби пакетини, жавоблар варақаси пакетини ҳамда титул варақалари пакетини тест материаллари қутисига солади, аудитория кузатувчилари ва абитуриентлар гувоҳлигида мазкур Низомнинг 20-иловаси бўйича тест материаллари қутисини ёпиш ҳақида далолатномани расмийлаштиради ва муҳрлайди.

75. Аудитория раҳбари соат 12.10 дан кечикмай муҳрланган тест материаллари қутисини бино бўйича вакилга топширади ҳамда ушбу материалларни ўз вақтида топширганлигини тасдиқлатиб, рухсатномасининг тегишли жойига имзо қўйдиради.

7-§. Тест синовларини ўтказиш ва натижаларни аниқлаш

76. Абитуриентлар тест синовлари ўтказиладиган бинога паспорти ва абитуриент рухсатномаси билан видеокузатув орқали тартибли равишда киритилади.

77. Абитуриентлар тўртта фан мажмуалари бўйича тест синовини топширади.

Тест синови "Давлат ва ҳуқуқ асослари", "Демократик давлат ва фуқаролик жамияти қуриш назарияси ва амалиёт фани асослари", "Иқтисодиёт ва менежмент асослари" ва "Ўзбекистон тарихи" фанлари бўйича ўтказилади.

78. Тест синови эрталаб соат 8.30 да бошланади.

Абитуриентлар тест синовлари ўтказиладиган куни бино ҳудудига соат 8.00 гача, аудиторияга соат 8.30 гача фақат абитуриент рухсатномаси ва паспорти билан киритилади. Тест синовлари бошланган (соат 8.30)дан кейин абитуриент аудиторияга киритилмайди.

Соат 8.30 дан 9.00 гача абитуриентлар жавоблар варақасини тўғри тўлдириш тартиби билан танишади, саволлар китоби, жавоблар варақаси ва титул варақасининг тегишли жойига ўзлари тўғрисида маълумотлар ёзади. Бу вақт тест ўтказиш учун ажратилган вақт меъёрига кирмайди.

Белгиланган вақтда тест синовларига келмаган абитуриентлар учун қўшимча тест синовлари ўтказилмайди.

79. Тест бошлангандан кейин ҳеч ким аудиторияга киритилмайди ва тест топшириқлари бўйича абитуриентлар билан савол-жавоб қилинмайди.

80. Абитуриент соат 9.00 гача жавоблар варақаси рақами билан саволлар китоби рақамининг бир-бирига мослигини ва саволлар китобида фанлар бўйича тест саволларида типографик хато ёки бошқа нуқсонлар йўқлигини текширади. Агар тест саволларида нуқсон бўлса, дарҳол бу ҳақда аудитория раҳбарига хабар беради.

81. Абитуриент жавоблар варақаси берилгандан кейин абитуриент рухсатномаси ва титул варақасининг тегишли жойларига жавоблар варақаси рақамини кўчириб ёзади. Шундан сўнг, титул варақасида кўрсатилган Давлат бошқаруви академияси коди, махсус код ва танлов кодини жавоблар варақасига кўчириб ёзади ва тегишли доирачаларни бўяйди.

82. Абитуриент томонидан титул варақасидан жавоблар варақасига кўчирилган таълим махсус коди ҳамда танлов коди абитуриентнинг таълим тили ва мутахассислигини белгиловчи ягона маълумот бўлганлиги сабабли, тўлдирилмаган жавоблар варақаси бўйича чиқарилган натижа далолатнома асосида ихтиёрий босқичда бекор қилинади, эътирозлар қабул қилинмайди.

Абитуриент жавоблар варақасининг 1-блокига ва саволлар китоби муқовасининг белгиланган жойига фамилияси, исми, отасининг исмини ёзиб, имзо қўяди. Агар абитуриент томонидан ушбу маълумотлар киритилмаган бўлса, ихтиёрий босқичда далолатнома тузилади ва чиқарилган натижа бекор қилинишига асос бўлади.

83. Саволлар китобида жами 100 та тест саволни, ҳар бир фан 25 та топшириқни ўз ичига олади.

Абитуриентга тест топшириқларини бажариш учун қуйидаги вақт меъёри белгиланади:

100 та саволга - 2 соат 30 дақиқа.

Ҳар бир саволга 4 тадан ("А", "В", "С", "D") жавоблар варианти берилган бўлиб, абитуриент улардан фақат биттасини саволлар китобчасида белгилаши (саволлар китобида белгиланган жавобларни ўзгартириш мумкин), кейинчалик жавоблар варақасининг мос фан блокидаги доирачани белгиланган тартибда бўяши керак (жавоблар варақасида белгиланган жавобларни ўзгартириш мумкин эмас).

Ҳар бир тест саволига фақат битта жавоб белгиланиши шарт. Агар жавоблар варақасидаги "Белгилаш учун намуна" қоидасига риоя этилмаса, жумладан битта саволга жавоблар варақасида тегишли доирача бўялмаса ёки икки ва ундан ортиқ доирача бўялса ёхуд тўлиқ бўялмаса ушбу жавобга балл берилмайди.

Тўлдирилган жавоблар варақаси абитуриентнинг билим даражасини белгиловчи асосий ҳужжат ҳисобланади.

84. Жавоблар варақаси абитуриент томонидан ҳаворанг пастали шарикли ручка билан тўлдирилади.

Жавоблар варақаси тўғри тўлдирилиши учун абитуриент шахсан жавобгардир. Жавоблар варақасидаги тегишли доирачаларни нотўғри белгилаган абитуриентларнинг эътирози апелляция жараёнида кўриб чиқилмайди.

Жавоблар варақасини тўлдиришга тест синови учун белгиланган вақт меъёрига қўшимча 20 дақиқа ажратилади.

85. Абитуриент томонидан уяли телефонлар ва бошқа алоқа воситаларини олиб кириш ва фойдаланиш қатъий ман этилади.

Тест синовлари ўтказиладиган бинога киришда абитуриент микрокалькулятор, луғат, жадвал, китоб, уяли телефон, компьютер, телекоммуникация воситалари ва шпаргалкалар олиб киришга ҳаракат қилса ёки олиб кирган бўлса, тест жараёни давомида тест материалларини бошқа абитуриентга узатса, абитуриентларга ёрдам берса, саволлар китоби варағини йиртса, тест материалларини топширмаса, абитуриент тест синовларини ўтказиш тартибини бузган ҳисобланади ва далолатнома тузилиб, у тест синовидан четлаштирилади ва бу ҳақда мазкур Низомнинг 21-иловасига мувофиқ далолатнома расмийлаштирилади.

86. Тест синовларини топшириш вақтида абитуриентнинг аудиториядан чиқиши тақиқланади, аудиториядан чиққан абитуриентлар қайтадан тест синовларига қўйилмайди, соғлиғининг ёмонлашиши ва бошқа шу каби ҳолатларда тест материалларисиз қават бўйича вакил кузатуви остида аудиториядан чиқиш ҳоллари бундан мустасно.

87. Аудитория раҳбари томонидан тестни бажариш учун ажратилган вақт тугагани ва саволлар китобидан жавоблар варақасининг мос равишда фан блокларидаги доирачаларга бўяш учун қўшимча берилган 20 дақиқалик вақт бошланганлиги эълон қилинганда абитуриент саволлар китоби билан ишлашни тўхтатиб, саволлар китобидан жавоблар варақасининг мос равишда фан блокларидаги доирачаларни бўяшни бошлаши, қўшимча ажратилган вақт тугагани эълон қилинганда жавоблар варақаси билан ишлашни тўхтатиши шарт.

Тест синовлари ўтказиладиган куни абитуриентнинг тест саволлари ёки тест синовларини ўтказиш жараёни юзасидан эътирозлари мавжуд бўлганда, тест материалларини топширганидан сўнг, қабул комиссияси орқали Давлат тест марказига мазкур Низомнинг 22-иловасига мувофиқ ариза билан мурожаат қилиши мумкин.

88. Тест синовларини белгиланган муддатдан олдин тугатган абитуриентлар ёки тест синовлари учун ажратилган вақт тугагач абитуриентлар мазкур Низомнинг 71-бандида назарда тутилган тартибда тест материалларини топширадилар.

89. Ҳар бир тўғри топилган жавоб учун 1 балл берилади.

"Жамият бошқаруви" мутахассислиги бўйича икки ёки бир нечта жавоблар варақаси бўйича рейтинг бали тенг бўлган ҳолда, "Давлат ва ҳуқуқ асослари" фанидан кўп тўғри жавоб белгиланган жавоблар варақаси юқори рейтинг ўрнига эга бўлади. Бунда ҳам икки ёки бир нечта жавоблар варақаси бўйича рейтинг ўрни аниқланмаса, "Иқтисодиёт ва менежмент асослари" фанидан кўп тўғри жавоб белгиланган жавоблар варақаси юқори рейтинг ўрнига эга бўлади. Бунда ҳам икки ёки бир нечта жавоблар варақаси бўйича рейтинг ўрни аниқланмаса, "Демократик давлат ва фуқаролик жамияти қуриш назарияси ва амалиёт фани асослари" фанидан кўп тўғри жавоб белгиланган жавоблар варақаси юқори рейтинг ўрнига эга бўлади. Бунда ҳам икки ёки бир нечта жавоблар варақаси бўйича рейтинг ўрни аниқланмаса, "Ўзбекистон тарихи" фанидан кўп тўғри жавоб белгиланган жавоблар варақаси юқори рейтинг ўрнига эга бўлади.

"Давлат бошқаруви" мутахассислиги бўйича икки ёки бир нечта жавоблар варақаси бўйича рейтинг бали тенг бўлган ҳолда, "Иқтисодиёт ва менежмент асослари" фанидан кўп тўғри жавоб белгиланган жавоблар варақаси юқори рейтинг ўрнига эга бўлади. Бунда ҳам икки ёки бир нечта жавоблар варақаси бўйича рейтинг ўрни аниқланмаса, "Давлат ва ҳуқуқ асослари" фанидан кўп тўғри жавоб белгиланган жавоблар варақаси юқори рейтинг ўрнига эга бўлади. Бунда ҳам икки ёки бир нечта жавоблар варақаси бўйича рейтинг ўрни аниқланмаса, "Демократик давлат ва фуқаролик жамияти қуриш назарияси ва амалиёт фани асослари" фанидан кўп тўғри жавоб белгиланган жавоблар варақаси юқори рейтинг ўрнига эга бўлади. Бунда ҳам икки ёки бир нечта жавоблар варақаси бўйича рейтинг ўрни аниқланмаса, "Ўзбекистон тарихи" фанидан кўп тўғри жавоб белгиланган жавоблар варақаси юқори рейтинг ўрнига эга бўлади.

III БОБ. ТЕСТ СИНОВЛАРИ НАТИЖАСИ БЎЙИЧА

БЕРИЛГАН АПЕЛЛЯЦИЯЛАРНИ КЎРИБ ЧИҚИШ

90. Тест синовлари натижасидан норози бўлган абитуриент тест синовлари натижаси эълон қилинган кундан бошлаб 3 кун давомида Давлат бошқаруви академиясида ташкил этиладиган апелляция комиссиясига мазкур Низомнинг 23-иловасига мувофиқ ёзма тартибда апелляция шикояти бериш ҳуқуқига эга. Апелляция шикоятига абитуриент рухсатномасининг нусхаси илова қилинади. Апелляция қабул қилинганлиги тўғрисида абитуриентга мазкур Низомнинг 23-иловасига мувофиқ хабарнома берилади.

Абитуриент томонидан жавоблар варақаси, саволлар китоби, абитуриент рухсатномаси ёки титул варақаси ушбу Низомда белгиланган тартибда тўлдирилмаган бўлса, абитуриентнинг апелляция шикояти кўриб чиқилмайди.

91. Апелляция комиссияси таркибига Давлат бошқаруви академиясининг масъул ходимлари ва фанлар бўйича экспертлар киритилади.

Комиссиянинг таркиби Давлат бошқаруви академияси ректори томонидан тасдиқланади.

Апелляция комиссияси апелляцияни кўриб чиқиш жараёнида қабул комиссияси аъзоларини, Давлат тест маркази вакилларини ҳамда аудитория раҳбари ва кузатувчиларини уларга тегишли масалалар бўйича жалб қилишга ҳақли.

92. Давлат бошқаруви академияси апелляция шикояти тушган куни Давлат тест марказидан апелляция шикояти ёзган абитуриентнинг тест материалларини (тест синовида тушган саволлар китоби, жавоблар варақасининг нусхаси ва тест синовида йўл қўйган нотўғри жавоблари рўйхати) олади.

93. Апелляция берган шахс апелляция комиссиясига ўзининг паспорти ва абитуриент рухсатномаси билан хабарномада белгиланган кунда келиши шарт.

94. Апелляцияни кўриб чиқиш жараёнида апелляция берувчига унинг жавоблар варақаси нусхаси ва тест синовида йўл қўйган нотўғри жавоблари рўйхати билан биргаликда тестда тушган саволлар китоби берилади.

Мурожаат этувчи ўзининг таҳлилини ёзма равишда ёзиб, унга берилган тест материаллари билан бирга комиссияга топширади.

95. Апелляция комиссияси 3 кун ичида абитуриент эътирозини кўриб чиқади ва натижаси бўйича қарор қабул қилади.

96. Апелляция комиссиясининг қарори бўйича маълумот Давлат тест марказига ҳамда апелляция шикояти муаллифига тақдим этилади.

97. Апелляцияда кўрсатилган важлар ўз тасдиғини топмаган бўлса, апелляция комиссияси тест синовлари натижаларини ўзгаришсиз қолдириш ва апелляцияни қаноатлантиришни рад этиш тўғрисида қарор қабул қилиши мумкин.

98. Апелляция комиссиясининг апелляцияни кўриб чиқиш натижалари бўйича қабул қилган хулосаси юзасидан қонун ҳужжатларида белгиланган тартибда судга шикоят қилиниши мумкин.

IV. ЯКУНИЙ ҚОИДА

99. Мазкур Низом Ўзбекистон Республикаси Олий ва ўрта махсус таълим вазирлиги, Халқ таълими вазирлиги, Соғлиқни сақлаш вазирлиги ҳамда Ўзбекистон Республикаси Президенти ҳузуридаги Давлат бошқаруви академияси билан келишилди.

Низомга

1-ИЛОВА

Абитуриентлардан тушган аризалар ҳақида

МАЪЛУМОТ

                              М.Ў.

Низомга

2-ИЛОВА

Абитуриент рухсатномаси

(олд томони)

Абитуриент рухсатномаси

(орқа томони)

Низомга

3-ИЛОВА

1-шакл

"ТАСДИҚЛАЙМАН"

Давлат бошқаруви академияси ректори

"___" _________ 20__ й.

Ихтисослик бўйича гуруҳланган абитуриентлар

сонининг бинолар ва гуруҳлар бўйича

ТАҚСИМОТИ

2-шакл

Абитуриентларнинг аудиториялардаги

ўтириш ўринлари сони ҳақидаги

МАЪЛУМОТ

3-шакл

"ТАСДИҚЛАЙМАН"

Ўзбекистон Республикаси

Вазирлар Маҳкамаси ҳузуридаги

Давлат тест маркази директори

"___" _________ 20__ й.

Абитуриентларнинг бино

ва гуруҳлар бўйича умумий

РЎЙХАТИ

Давлат бошқаруви академияси

4-шакл

"ТАСДИҚЛАЙМАН"

Ўзбекистон Республикаси

Вазирлар Маҳкамаси ҳузуридаги

Давлат тест маркази директори

"___" _________ 20__ й.

Абитуриентларнинг умумий

РЎЙХАТИ

Давлат бошқаруви академияси

           

Низомга

4-ИЛОВА

1-шакл

ТЕСТ ЎТКАЗИЛАДИГАН БИНО, ҚАВАТ

ВА АУДИТОРИЯЛАРНИНГ РЕЖА-ЧИЗМАСИ

Бинолар сони: ______________ Жами қаватлар сони: __________ Жами аудиториялар сони: ______________________

30 ўринли аудиториялар сони: _________ 60 ўринли аудиториялар сони: ________ Жами ўринлар сони: ___________

2-шакл (намуна)

3-шакл (намуна)

4-шакл (намуна)

1-биноси 2-қаватида аудиторияларнинг жойлашиш

СХЕМАСИ

         

             

Шартли қаватлар сони - 2 та

Жами аудиториялар сони - 15 та

Ўринлар сони - 510 та

5-шакл

Тест синовлари ўтказиладиган бинолар тўғрисида

УМУМИЙ МАЪЛУМОТ

      

Низомга

5-ИЛОВА

1-шакл

Абитуриентларга рухсатномаларни тарқатиш

ҚАЙДНОМАСИ

2-шакл

"ТАСДИҚЛАЙМАН"

Ўзбекистон Республикаси

Вазирлар Маҳкамаси ҳузуридаги

Давлат тест маркази директори

"___" _________ 20__ й.

Бино бўйича абитуриентларнинг умумий

РЎЙХАТИ

       

    

    

3-шакл

"ТАСДИҚЛАЙМАН"

Ўзбекистон Республикаси

Вазирлар Маҳкамаси ҳузуридаги

Давлат тест маркази директори

"___" _________ 20__ й.

Абитуриентларнинг аудиториялар бўйича

РЎЙХАТИ

Давлат бошқаруви академияси

       

     

Низомга

6-ИЛОВА

Титул варақаси

(олд томони)

Титул варақаси

(орқа томони)

          

Низомга

7-ИЛОВА

1-шакл

Тест синовларига жалб этиладиган аудитория

раҳбарлари ва кузатувчилари сони ҳақида

МАЪЛУМОТ

(ташкилотлар кесимида)

2-шакл

"ТАСДИҚЛАЙМАН"

________________ туман (шаҳар ҳокими)

"___" _________ 20__ й.

Аудитория раҳбарлари ва кузатувчилари

сифатида жалб қилинган ходимлар ҳақида

МАЪЛУМОТ

(давоми)

Низомга

8-ИЛОВА

___-БИНОСИДА РЕПЕТИЦИЯ ЎТКАЗИШ БАЁННОМАСИ

(Шаклдан нусха кўчириш ман этилади!)

1. Репетицияда иштирок этганлар ҳақида маълумотлар:

2. Асосий қисм:

3. Бинонинг тест синовларига тайёрлиги ҳақида маълумотлар:

4. Қават вакиллари, аудитория раҳбари, кузатувчиларидан олинган маълумотларга кўра:

5. Тушунтириш ишлари ва якуний хулосалар:

6. Репетицияда қатнашмаган ДТМ вакиллари, аудитория раҳбари ва кузатувчилари рўйхати:

7. Таклиф ва мулоҳазалар:

        

Низомга

9-ИЛОВА

Тест материаллари қутиси

РЕЕСТРИ

     

Эслатма: тест материаллари қутисида шикастланишлар ва шу каби ҳолатлар содир бўлганда, бу ҳақда тегишли шахс томонидан мос катакларда қайд этилади, акс ҳолда "+" белгиси қўйилади.

Низомга

10-ИЛОВА

"ТАСДИҚЛАЙМАН"

Ўзбекистон Республикаси

Вазирлар Маҳкамаси ҳузуридаги

Давлат тест маркази директори

"___" _________ 20__ й.

Қават вакиллари, аудитория раҳбарлари

ва кузатувчиларининг

ТАҚСИМОТИ

          

Низомга

11-ИЛОВА

Тест синовларига келмаган қават вакиллари, аудитория

раҳбарлари ва кузатувчилари тўғрисида

ДАЛОЛАТНОМА

Биз, қуйида имзо чекувчилар қуйидаги қават вакиллари, аудитория раҳбарлари ва кузатувчиларини тест синовларига келмаганликларини тасдиқлаймиз:

Изоҳ: ушбу далолатнома шакллар қутисига солинган ҳолда Давлат тест марказига юборилади. Далолатноманинг тўлдирилмаганлиги ёки Давлат тест марказига етиб келмаганлиги учун Давлат тест марказининг бино бўйича вакили шахсан жавобгар ҳисобланади.

Низомга

12-ИЛОВА

1-шакл

Бино бўйича тест материалларини

тарқатиш ва қабул қилиш

БАЁННОМАСИ

2-шакл

Захира тест материалларини тарқатиш

БАЁННОМАСИ

        

Низомга

13-ИЛОВА

1-шакл

2-шакл

3-шакл

     

Низомга

14-ИЛОВА

БИНО ВАКИЛИНИНГ ТЕСТ ЖАРАЁНИНИ

ЎТКАЗИШ БЎЙИЧА ҲИСОБОТИ

(Шаклдан нусха кўчириш ман этилади!)

      

  

  

2.1. Бино бўйича шакллар қутиси.

2.2. 9-илова асосида тест материаллари қутиси.

11. Бино бўйича шакллар қутисига қуйидагилар солинди:

11.10. Мазкур ҳисобот.

12.1. Тест материаллари қутилари 9-илова асосида.

12.2. Тест материаллари солинган захира қутилар.

12.3. Бино бўйича шакллар қутиси (муҳрланган ҳолда).

Изоҳ: шаклда келтирилмаган ҳолатлар шаклнинг орқа томонида тўлиқ ёритилади. Ушбу шакл шакллар қутисига солинган ҳолда Давлат тест марказига юборилади. Шаклнинг хато тўлдирилганлиги, тўлдирилмаганлиги ёки Давлат тест марказига етиб келмаганлиги учун Давлат тест марказининг бино бўйича вакили шахсан жавобгар ҳисобланади.

Низомга

15-ИЛОВА

ҚАВАТ ВАКИЛИНИНГ ТЕСТ СИНОВИНИ

ЎТКАЗИШ БЎЙИЧА ҲИСОБОТИ

(Шаклдан нусха кўчириш ман этилади!)

Изоҳ: шаклда келтирилмаган ҳолатлар шаклнинг орқа томонида тўлиқ ёритилади. Ушбу шакл бино вакилига топширилади. Бино вакили томонидан шакллар қутисига солинган ҳолда Давлат тест марказига юборилади. Шаклнинг хато тўлдирилганлиги, тўлдирилмаганлиги ёки Давлат тест марказига етиб келмаганлиги учун Давлат тест марказининг қават бўйича вакили шахсан жавобгар ҳисобланади.

Низомга

16-ИЛОВА

Тест материаллари қутисини очиш ҳақида

ДАЛОЛАТНОМА

Биз, қуйида имзо чекувчилар, аудиторияда тест материаллари қутиси очилганлигини ва тест материаллари қуйидаги кетма-кетликда тарқатилганлигини тасдиқлаймиз:

1. Тест материаллари қутиси соат ___:___ да очилди.

                   

___ та саволлар китоби санаб олинди;

___ та жавоблар варақалари пакети олинди;

___ та титул варақалари учун бўш пакет олинди;

___ та ишлатилмаган саволлар китоби учун бўш пакет олинди;

___ та Давлат тест марказининг қайтиш муҳри олинди.

2. Жавоблар варақалари пакети соат __:__ да очилди.

___ та жавоблар варақаси санаб олинди;

___ та Давлат тест марказининг қайтиш муҳри олинди;

___ та жавоблар варақаси абитуриентларга тарқатилди.

3. Соат __:__ да абитуриентлардан тўлдирилган ___ та титул варақаси ва ___ та абитуриент рухсатномаси йиғиб олинди.

4. Соат __:__ да ___ та саволлар китоби абитуриентларга тарқатилди.

5. Соат __:__ да тест синовларига келмаган абитуриентларнинг саволлар китоблари "Ишлатилмаган саволлар китоби пакети"га солиниб, Давлат тест марказининг қайтиш муҳри билан муҳрланди.

Тест материаллари қутисини очиш жараёнида

вужудга келган камчиликлар қайд этилади:

  

Изоҳ: ушбу далолатнома шакли аудиторияга тест материаллари қутисида боради. Тўлдирилган далолатнома тест материаллари қутисига солинади ва Давлат тест марказига юборилади. Далолатноманинг тўлдирилмаганлиги ёки Давлат тест марказига етиб келмаганлиги учун аудитория раҳбари шахсан жавобгар ҳисобланади.

Низомга

17-ИЛОВА

ЖАВОБЛАР ВАРАҚАСИ

(олд томони)

      

ЖАВОБЛАР ВАРАҚАСИ

(орқа томони)

             

Низомга

18-ИЛОВА

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИ ҲУЗУРИДАГИ

ДАВЛАТ ТЕСТ МАРКАЗИ

ДАВЛАТ БОШҚАРУВИ АКАДЕМИЯСИ

МАГИСТРАТУРАСИГА КИРУВЧИЛАР УЧУН

САВОЛЛАР КИТОБИ

АБИТУРИЕНТ ДИҚҚАТИГА!

Тест топшириқларини ечишдан аввал саволлар китобини варақлаб, унда ҳар бир фан бўйича 25 та савол мавжудлигини текширинг. Агар саволлар сони камлиги аниқланса ёки саволлар китоби рақами билан жавоблар варақаси рақами бир хил бўлмаса, дарҳол аудитория раҳбарига маълум қилинг.

Саволлар китобида абитуриентнинг фамилияси, исми, отасининг исми ва имзоси хато тўлдирилган ёки тўлдирилмаган ҳолларда эътироз кўриб чиқилмайди.

Китоб типи: 2

ФАНЛАР:

Блок 1: Давлат ва ҳуқуқ асослари

Блок 2: Иқтисодиёт ва менежмент асослари

Блок 3: Демократик давлат ва фуқаролик жамияти қуриш назарияси ва амалиёт фани асослари

Блок 4: Ўзбекистон тарихи

Саволлар китоби рақами: 1000001

Тошкент -

Низомга

19-ИЛОВА

Аудитория раҳбарининг абитуриентларга

ЭСЛАТМАСИ

Ҳурматли абитуриентлар! Мана бугун Давлат бошқаруви академиясида тест синови жараёни бошланди. Сизларга тест синовини муваффақиятли топширишларингизда куч-қувват тилайман. Тест синовини топшириш жараёнида қуйидагиларга амал қилишингизни эслатиб ўтишни лозим деб биламан:

абитуриент саволлар китоби ва жавоблар варақасини олгандан сўнг, соат 9.00 гача саволлар китоби рақами билан жавоблар варақаси рақами мослигини ва ҳар бир фан бўйича 25 тадан тест саволлари ва жавоблари берилганлигини синчиклаб текшириб чиқади. Агар унда фанлар бўйича тест топшириқларида типографик хато, бошқа сабабларга кўра тўла нашр қилинмаган ўринлар, бетлар алмашиши ва шунга ўхшаш хатолар бўлса, дарҳол аудитория раҳбарига хабар бериши керак. Тест синовлари бошлангунча абитуриент нуқсонсиз тест материаллари билан таъминланади.

Абитуриент саволлар китобидан "Абитуриентлар диққатига" қисмини ўқиб чиқиши ва белгиланган қоидаларни бажариши шарт.

Абитуриент жавоблар варақаси берилгандан кейин абитуриент рухсатномаси ва титул варақасининг тегишли жойларига жавоблар варақаси рақамини кўчириб ёзиши лозим. Шундан сўнг, титул варақасида кўрсатилган давлат бошқаруви академиясининг коди, махсус код ва танлов кодини жавоблар варақасига кўчириб ёзади ва тегишли доирачаларни бўяйди.

Абитуриент томонидан титул варақасидан жавоблар варақасига кўчирилган давлат бошқаруви академияси коди, махсус код ва танлов коди абитуриентнинг таълим тили, таълим йўналишини белгиловчи ягона маълумот бўлганлиги сабабли, тўлдирилмаган жавоблар варақаси бўйича чиқарилган натижа далолатнома асосида ихтиёрий босқичда бекор қилинади ва эътирозлар қабул қилинмайди.

Абитуриент рухсатномасининг тегишли жойига ёзув тахтаси (доска)дан аудитория раҳбарининг фамилияси, исми ва отасининг исмини кўчириб ёзади.

Абитуриент жавоблар варақасининг 1-блокига ва саволлар китоби муқовасининг белгиланган жойига фамилияси, исми, отасининг исмини ёзиб, имзо қўяди. Агар абитуриент томонидан ушбу маълумотлар киритилмаган бўлса, ихтиёрий босқичда далолатнома тузилади ва чиқарилган натижа бекор қилинишига асос бўлади.

Саволлар китобида жами 100 та тест саволни, ҳар бир фан 25 та топшириқни ўз ичига олади.

Абитуриентга тест топшириқларини бажариш учун 100 та саволга - 2 соат 30 дақиқа вақт берилади. Жавобларни кўчириб бўяш учун тест синовига ажратилган вақтдан ташқари 20 дақиқа қўшиб берилади.

Ҳар бир саволга 4 тадан ("А", "В", "С", "D") жавоблар варианти берилган бўлиб, абитуриент улардан фақат биттасини саволлар китобида белгилаши (саволлар китобида белгиланган жавобларни ўзгартириш мумкин), кейинчалик жавоблар варақасининг мос фан блокидаги доирачани белгиланган тартибда бўяши керак.

Ҳар бир тест саволига фақат битта жавоб белгиланиши шарт. Агар жавоблар варақасидаги "Белгилаш учун намуна" қоидасига риоя этилмаса, жумладан битта саволга жавоблар варақасида тегишли доирача бўялмаса ёки икки ва ундан ортиқ доирача бўялса ёхуд тўлиқ бўялмаса, ушбу жавобга балл берилмайди. Жавоблар варақаси абитуриент томонидан ҳаворанг пастали шарикли ручка билан тўлдирилади.

Жавоблар варақаси тўғри тўлдирилиши учун абитуриент шахсан жавобгардир. Жавоблар варақасидаги тегишли доирачаларни нотўғри белгилаган абитуриентларнинг эътирози кўриб чиқилмайди.

Тўлдирилган жавоблар варақаси абитуриентнинг билим даражасини белгиловчи асосий ҳужжат ҳисобланади.

Абитуриент томонидан уяли телефонлар ва бошқа алоқа воситаларини олиб кириш ва фойдаланиш қатъий ман этилади. Тест синовлари ўтказиладиган бинога киришда абитуриент микрокалькулятор, луғат, жадвал, китоб, уяли телефон, компьютер, телекоммуникация воситалари ва шпаргалкалар олиб киришга ҳаракат қилса ёки олиб кирган бўлса, тест жараёни давомида тест материалларини бошқа абитуриентга узатса, абитуриентларга ёрдам берса, саволлар китоби варағини йиртса, тест материалларини топширмаса, абитуриент тест синовларини ўтказиш тартибини бузган ҳисобланади ва далолатнома тузилиб, у тест синовидан четлаштирилади.

Тест синовларини топшириш вақтида абитуриентнинг аудиториядан чиқиши тақиқланади, аудиториядан чиққан абитуриентлар қайтадан тест синовларига қўйилмайди, соғлиғининг ёмонлашиши ва бошқа шу каби ҳолатларда тест материалларисиз қават бўйича вакил кузатуви остида аудиториядан чиқиш ҳоллари бундан мустасно.

Низомга

20-ИЛОВА

Тест материаллари қутисини ёпиш ҳақида

ДАЛОЛАТНОМА

      

Биз, қуйида имзо чекувчилар, аудиторияда тест синовларининг тугаш ҳамда тест материалларини йиғиб олиш, тегишли пакетлар ва қутига жойлаштириш ва муҳрлаш жараёнлари қуйидаги кетма-кетликда бажарилганлигини тасдиқлаймиз:

I. Соат ___:___ да тест синовлари тугаганлиги эълон қилинди.

II. Абитуриентларнинг аудиториялар бўйича рўйхатидан кетма-кетлик бўйича абитуриентлардан саволлар китоблари ва жавоблар варақалари йиғиб олиниб, тест материалларини ўз вақтида ва шикаст етмаган ҳолда топширган абитуриентларнинг рухсатномасига аудитория раҳбари томонидан имзо қўйилиб, қайтариб берилди.

III. Жавоблар варақаси пакетига:

___ та жавоблар варақаси санаб солинди;

___ та тест синовида ишлатилмаган жавоблар варақаси санаб солинди;

___ та тест синовидан четлаштирилганлиги ҳақидаги далолатнома елимланган жавоблар варақаси ва титул варақаси санаб солинди;

___ та тест материалларини ўз вақтида топширмаганларни четлаштириш ҳақидаги далолатнома елимланган титул варақаси санаб солинди;

___ та нуқсонли тест материаллари далолатнома елимланган ҳолда солинди;

___ та тест синовига келмаган абитуриентларга тегишли титул варақаси солинди.

Жавоблар варақаси пакети Давлат тест марказининг қайтиш муҳри билан муҳрланди.

IV. Титул варақаси пакетига:

___ та тест материалларини топширган абитуриентларнинг титул варақаси санаб солинди;

Абитуриентларнинг аудиториялар бўйича рўйхати солинди.

Титул варақаси пакети Давлат тест марказининг қайтиш муҳри билан муҳрланди.

V. Тест материаллари қутисига:

___ та саволлар китоби санаб солинди;

муҳрланган "Ишлатилмаган саволлар китоби пакети" солинди;

муҳрланган "Жавоблар варағи пакети" солинди;

муҳрланган "Титул варағи пакети" солинди.

Тест материаллари қутиси Давлат тест марказининг қайтиш муҳри билан муҳрланди.

Тест материаллари қутисини ёпиш жараёнида вужудга келган

камчиликлар қайд этилади:

   

Изоҳ: ушбу далолатнома шакли аудиторияга тест материаллари қутисида боради. Тўлдирилган далолатнома тест материаллари қутисига солинади ва Давлат тест марказига юборилади. Далолатноманинг тўлдирилмаганлиги ёки Давлат тест марказига етиб келмаганлиги учун аудитория раҳбари шахсан жавобгар ҳисобланади.

Низомга

21-ИЛОВА

Тест материаллари қутисини ёпиш ҳақида

ДАЛОЛАТНОМА

Изоҳ: ушбу далолатнома жавоблар варақаси пакетига солинади.

Низомга

22-ИЛОВА

Тест саволлари ёки тест синовларини ўтказиш

жараёни юзасидан эътирозлар бўйича

АРИЗА

1) қуйидаги фанларга доир тест саволларига эътирозимни кўриб чиқишингизни сўрайман:

      

Изоҳ: ариза тест синови ўтказилган куни бинода шахсан абитуриент томонидан икки нусхада ёзилади ва бир нусхаси Комиссия орқали Давлат тест марказига тақдим этилади. Ариза қабул қилиб олинганлиги тўғрисида, аризанинг иккинчи нусхасига ариза қабул қилиб олувчининг фамилияси ва исми, имзоси ва ариза қабул қилиб олинган сана қўйилади.

Низомга

23-ИЛОВА

ТЕСТ НАТИЖАЛАРИ БЎЙИЧА

АПЕЛЛЯЦИЯ ШИКОЯТИ

Менинг қуйидаги эътирозларимни кўриб чиқишингизни сўрайман:

Ариза 20__ йил "___" ___________ соат ________ да кўриб чиқилади.

М.Ў.

(қирқиш чизиғи)

---------------------------------------------------------------------------------------------

______-сон ХАБАРНОМА

Аризангизни кўриб чиқиш учун 20___ йил "__" __________ соат _____да Давлат тест марказига паспорт ва рухсатномангиз билан етиб келишингиз сўралади.

"Ўзбекистон Республикаси қонун ҳужжатлари тўплами", 2012 йил, 32-сон, 378-модда