Давлат божхона қўмитасининг 24.08.2012 й. 01-02/12-25-сон "Бож олинмайдиган савдо дўкони" божхона режими тўғрисидаги низомга ўзгартиришлар ва қўшимча киритиш ҳақида"ги Қарори (АВ томонидан 27.09.2012 й. 1317-3-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

27.09.2012 й.

N 1317-3

ЎЗБЕКИСТОН РЕСПУБЛИКАСИ

ДАВЛАТ БОЖХОНА ҚЎМИТАСИНИНГ

24.08.2012 й.

N 01-02/12-25

ҚАРОРИ

"Бож олинмайдиган савдо дўкони" божхона

режими тўғрисидаги низомга ўзгартиришлар

ва қўшимча киритиш ҳақида

(2012 йил 7 октябрдан кучга киради)

Ўзбекистон Республикаси "Давлат божхона хизмати тўғрисида"ги Қонунининг (Ўзбекистон Республикаси Олий Мажлисининг Ахборотномаси, 1997 йил, 9-сон, 230-модда) 6-моддаси ва Ўзбекистон Республикаси Президентининг 2012 йил 16 июлдаги ПФ-4453-сон "Статистик, солиқ, молиявий ҳисоботларни, лицензияланадиган фаолият турларини ва рухсат бериш тартиб-таомилларини тубдан қисқартириш чора-тадбирлари тўғрисида"ги Фармонига (Ўзбекистон Республикаси қонун ҳужжатлари тўплами, 2012 йил, 29-сон, 327-модда) асосан Ўзбекистон Республикаси Давлат божхона қўмитаси ҚАРОР ҚИЛАДИ:

1. Ўзбекистон Республикаси Давлат божхона қўмитасининг 2004 йил 20 январдаги 01-02/12-4-сон қарори (рўйхат рақами 1317, 2004 йил 27 февраль) (Ўзбекистон Республикаси қонун ҳужжатлари тўплами, 2004 йил, 8-сон, 102-модда) билан тасдиқланган "Бож олинмайдиган савдо дўкони" божхона режими тўғрисидаги низомга иловага мувофиқ ўзгартиришлар ва қўшимча киритилсин.

2. Ушбу қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.

Раис                                                                                                    З. Дусанов

Қарорга

ИЛОВА

"Бож олинмайдиган савдо дўкони" божхона

режими тўғрисидаги низомга киритилаётган

ўзгартиришлар ва қўшимча

1. 27-бандда:

биринчи хатбоши қуйидаги таҳрирда баён қилинсин:

"27. Бож олинмайдиган савдо дўконининг эгаси бож олинмайдиган савдо дўконига жойлаштириладиган товарлар ҳисобини ҳисобга олиш дафтарини юритиш орқали (шу жумладан, автоматлаштирилган тарзда) олиб боради ва божхона органига ушбу товарлар ҳаракати тўғрисида ҳар чоракда мазкур Низомнинг 5-иловасига мувофиқ шаклда бож олинмайдиган савдо дўконидаги товарлар ҳаракати бўйича ҳисобот тақдим этади.";

учинчи хатбошининг биринчи жумласи қуйидаги таҳрирда баён қилинсин:

"Охирги ёзув киритилганидан кейин ҳисобга олиш дафтари тақдим қилинган ҳисоботлар билан солиштириш учун божхона органига берилади.";

тўртинчи хатбоши қуйидаги таҳрирда баён қилинсин:

"Ҳисобга олиш дафтарининг шакли бож олинмайдиган савдо дўкони фаолиятини амалга ошириш учун зарур бўладиган маълумотлар асосида бож олинмайдиган савдо дўкони эгаси томонидан белгиланади. Бунда ҳисобга олиш дафтарининг шаклида мазкур Низомнинг 5-иловасида келтирилган Бож олинмайдиган савдо дўконидаги товарлар ҳаракати бўйича ҳисобот шаклида мавжуд барча маълумотлар бўлиши керак.".

2. 30-банд қуйидаги таҳрирда баён қилинсин:

"30. Бож олинмайдиган савдо дўкони эгаси божхона органи билан келишган ҳолда бож олинмайдиган савдо дўконини ишлатиш қоидаларини тасдиқлайди.".

3. 31-бандда:

биринчи хатбошидаги "тадбирларда" деган сўз "қоидаларда" деган сўз билан алмаштирилсин;

бешинчи хатбошидаги "ҳисобга олиш" деган сўзлардан кейин "дафтарининг" деган сўз билан тўлдирилсин;

олтинчи хатбоши чиқариб ташлансин.

4. 32-банддаги "мазкур тадбирлар" деган сўзлар "мазкур Низомнинг 31-бандида кўрсатилган қоидалар" деган сўзлар билан алмаштирилсин.

5. 5-илова мазкур ўзгартиришлар ва қўшимчанинг иловасига мувофиқ таҳрирда баён қилинсин.

Ўзгартиришлар ва қўшимчага

ИЛОВА

"Бож олинмайдиган савдо дўкони"

божхона режими тўғрисидаги низомга

5-ИЛОВА

Бож олинмайдиган савдо дўконидаги

товарлар ҳаракати бўйича

ҲИСОБОТ

"Ўзбекистон Республикаси қонун ҳужжатлари тўплами", 2012 йил, 39-сон, 458-модда