Ўзбекистон Республикаси Вазирлар Маҳкамасининг 26.08.2010 й. 187-сон "Ўзбекистон Республикаси Вазирлар Маҳкамасининг "Ўзбекинвест Интернешнл", "Chartis Uzbekistan" суғурта компанияларини ва "АИГ-Ўзбекинвест" агентлигини ташкил этиш тўғрисида" 1994 йил 23 ноябрдаги 565-сон қарорига ўзгартиришлар киритиш ҳақида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

26.08.2010 й.

N 187

ЎЗБЕКИСТОН РЕСПУБЛИКАСИ ВАЗИРЛАР

МАҲКАМАСИНИНГ “ЎЗБЕКИНВЕСТ ИНТЕРНЕШНЛ”,

“CHARTIS UZBEKISTAN” СУҒУРТА КОМПАНИЯЛАРИНИ

ВА “АИГ-ЎЗБЕКИНВЕСТ” АГЕНТЛИГИНИ ТАШКИЛ

ЭТИШ ТЎҒРИСИДА” 1994 ЙИЛ 23 НОЯБРДАГИ

565-СОН ҚАРОРИГА ЎЗГАРТИРИШЛАР

КИРИТИШ ҲАҚИДА

“АИГ-Ўзбекинвест” обунавий агентлиги халқаро бозорда суғурта фаолиятини амалга оширишни давом эттиришини таъминлаш мақсадида Вазирлар Маҳкамаси ҚАРОР ҚИЛАДИ:

1. “АИГ-Ўзбекинвест” обунавий агентлиги муассислари йиғилиши томонидан унинг номини “Chartis Uzbekinvest” деб ўзгартириш ва устав сармоясини 500 минг АҚШ долларидан 200 минг АҚШ долларигача камайтириш тўғрисида қарор қабул қилинганлиги маълумот учун қабул қилинсин.

2. Ўзбекистон Республикаси Вазирлар Маҳкамасининг “Ўзбекинвест Интернешнл”, “Chartis Uzbekistan” суғурта компанияларини ва “АИГ-Ўзбекинвест” агентлигини ташкил этиш тўғрисида” 1994 йил 23 ноябрдаги 565-сон қарорига иловага мувофиқ ўзгартиришлар киритилсин.

3. “Ўзбекинвест” миллий экспорт-импорт суғурта компанияси:

“АИГ-Ўзбекинвест” обунавий агентлиги уставига рўйхатдан ўтиш мамлакати (Буюк Британия) қонун ҳужжатлари талабларига мувофиқ зарур ўзгартиришлар киритилишини таъминласин;

“Ўзбекинвест” миллий экспорт-импорт суғурта компанияси улушига тўғри келадиган 147 минг АҚШ доллари миқдоридаги бўшаб қоладиган маблағларни Ўзбекистон Республикаси Молия вазирлигининг валюта ҳисоб рақамига ўтказсин.

4. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклансин.

Ўзбекистон Республикасининг Бош вазири                          Ш. Мирзиёев

Вазирлар Маҳкамасининг

2010 йил 26 августдаги

187-сон қарорига

ИЛОВА

Ўзбекистон Республикаси Вазирлар Маҳкамасининг

“Ўзбекинвест Интернешнл”, “Chartis Uzbekistan” суғурта

компанияларини ва “АИГ-Ўзбекинвест” агентлигини

ташкил этиш тўғрисида” 1994 йил 23 ноябрдаги

565-сон қарорига киритилаётган ўзгартиришлар

1. Агентлик номидаги “АИГ-Ўзбекинвест” сўзи “Chartis Uzbekinvest” сўзлари билан алмаштирилсин.

2. 1-банднинг “б” кичик банди қуйидаги таҳрирда баён қилинсин:

“б) устав сармояси 200 минг АҚШ долларини, шу жумладан:

“Ўзбекинвест” улуши - 98 минг АҚШ долларини;

АИГ улуши - 102 минг АҚШ долларини ташкил этган “Chartis Uzbekinvest” обунавий агентлиги”.

3. 2-банднинг учинчи хатбошисидаги “АИГ-Ўзбекинвест” сўзи “Chartis Uzbekinvest” сўзлари билан алмаштирилсин.