Молия вазирининг 13.12.2012 й. 89-сон "Суғурталовчиларнинг молиявий ҳисобот шакллари ва уларни тўлдириш бўйича қоидаларни тасдиқлаш тўғрисида"ги буйруққа ўзгартириш ва қўшимчалар киритиш ҳақида"ги Буйруғи (АВ томонидан 18.01.2013 й. 1945-1-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

18.01.2013 й.

N 1945-1

ЎЗБЕКИСТОН РЕСПУБЛИКАСИ

МОЛИЯ ВАЗИРИНИНГ

13.12.2012 й.

N 89

БУЙРУҒИ

"Суғурталовчиларнинг молиявий ҳисобот шакллари

ва уларни тўлдириш бўйича қоидаларни тасдиқлаш

тўғрисида"ги буйруққа ўзгартириш ва қўшимчалар

киритиш ҳақида

(2013 йил 28 январдан кучга киради)

Ўзбекистон Республикаси Президентининг 2012 йил 16 июлдаги ПФ-4453-сонли "Статистик, солиқ, молиявий ҳисоботларни, лицензияланадиган фаолият турларини ва рухсат бериш тартиб-таомилларини тубдан қисқартириш чора-тадбирлари тўғрисида"ги Фармонига (Ўзбекистон Республикаси қонун ҳужжатлари тўплами, 2012 йил, 29-сон, 327-модда) асосан, БУЮРАМАН:

1. Ўзбекистон Республикаси молия вазирининг 2009 йил 19 мартдаги 37-сонли "Суғурталовчиларнинг молиявий ҳисобот шакллари ва уларни тўлдириш бўйича қоидаларни тасдиқлаш тўғрисида"ги буйруғига (рўйхат рақами 1945, 2009 йил 20 апрель) (Ўзбекистон Республикаси қонун ҳужжатлари тўплами, 2009 йил, 17-сон, 217-модда) иловага мувофиқ ўзгартириш ва қўшимчалар киритилсин.

2. Мазкур буйруқ Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.

Вазир                                                                                               Р. Азимов

Буйруққа

ИЛОВА

"Суғурталовчиларнинг молиявий ҳисобот шакллари

ва уларни тўлдириш бўйича қоидаларни тасдиқлаш

тўғрисида"ги буйруққа киритилаётган

ўзгартириш ва қўшимчалар

1. 1-бандда:

тўртинчи ва еттинчи хатбошилар чиқариб ташлансин;

бешинчи, олтинчи ва саккизинчи хатбошилар тегишли равишда тўртинчи, бешинчи ва олтинчи хатбошилар деб ҳисоблансин.

2. 1-иловада:

а) 191-сатр матни қуйидаги таҳрирда баён этилсин:

"шундан: муддати ўтган*

из нее: просроченная*";

б) 932-сатр матни қуйидаги таҳрирда баён этилсин:

"шундан: муддати ўтган жорий кредиторлик қарзлари*

из нее: просроченная текущая кредиторская задолженность*";

в) қуйидаги мазмундаги ҳавола билан тўлдирилсин:

"* Муддати ўтган дебиторлик ва кредиторлик қарзлари мавжуд бўлган ҳолларда уларнинг расшифровкаси Бухгалтерия баланси - 1-сонли шакл - суғуртанинг иловасига мувофиқ келтирилади.

* При наличии просроченной дебиторской и кредиторской задолженности их расшифровка приводится согласно приложению к Бухгалтерскому балансу - форма N 1 - страхование.";

г) мазкур ўзгартириш ва қўшимчаларга иловага мувофиқ таҳрирдаги илова билан тўлдирилсин.

3. 3 ва 6-иловалар ўз кучини йўқотган деб ҳисоблансин.

4. 7-иловада:

а) 2-банднинг "в" ва "е" кичик бандлари, 3-банднинг "в" кичик банди ўз кучини йўқотган деб ҳисоблансин;

б) 4-банди қуйидаги таҳрирда баён этилсин:

"4. Кичик корхона ёки микрофирма мақомига эга суғурталовчилар фақатгина бухгалтерия баланси - 1-сонли шакл - суғурта ва молиявий натижалар тўғрисидаги ҳисобот - 2-сонли шакл - суғурталардан иборат йиллик молиявий ҳисобот тақдим этадилар.";

в) қуйидаги мазмундаги 2-1-параграф билан тўлдирилсин:

"2-1-§. Муддати ўтган дебиторлик ва кредиторлик қарзлари

расшифровкаси (Бухгалтерия баланси - 1-сонли

шакл - суғуртага илова)

140-1. Муддати ўтган дебиторлик ва кредиторлик қарзлари расшифровкасида суғурталовчининг ҳисобот даврининг охирги санасига мавжуд бўлган муддати ўтган дебиторлик ва кредиторлик қарзлари акс эттирилади. Мазкур расшифровка суғурталовчида бухгалтерия баланси тузилаётган санада муддати ўтган дебиторлик ва кредиторлик қарзлари мавжуд бўлган ҳолдагина тўлдирилади.

140-2. 2-устунда - "Муддати ўтган қарздорликка эга бўлган дебитор ва кредиторлар рўйхати" - дебиторнинг (кредиторнинг) юқори турувчи вазирликлари (идоралари) бўйича дебитор ва кредиторлар рўйхати кўрсатилади. Агар дебиторнинг (кредиторнинг) юқори турувчи вазирликлари (идоралари) бўлмаса, дебитор (кредитор) - юридик ташкилотнинг тўлиқ номи кўрсатилиши лозим.

Ўзбекистон Республикасидан ташқаридаги муддати ўтган қарзлар бўйича дебитор (кредитор) номи (тўлиқ ёки умумқабул қилинган қисқартиришлар билан) кўрсатилади, шунингдек қавсларда мамлакатнинг номи кўрсатилади.

2-устуннинг 2.1, 2.2.1, 3.1, 5.1, 5.2.1, 6.1-қаторларида мажбурий тартибда муддати ўтган қарздорликка эга бўлган дебиторнинг (кредиторнинг) номини кўрсатиш лозим.

140-3. 3-устунда қонун ҳужжатларида белгиланган муддатда сўндирилмаган муддати ўтган қарзларнинг умумий суммаси кўрсатилади, хусусан:

а) 1-сатр бўйича муддати ўтган дебиторлик қарзининг умумий суммаси кўрсатилади, у 3-устуннинг 2 ва 3-сатрлари суммасига тенг бўлиши керак;

б) 4-сатр бўйича муддати ўтган кредиторлик қарзининг умумий суммаси кўрсатилади, у 3-устуннинг 5 ва 6-сатрлари суммасига тенг бўлиши керак.

Муддати ўтган дебиторлик қарзининг умумий суммаси бухгалтерия баланси - 1-сонли шакл - суғуртанинг 191-сатри суммасига мос келиши керак.

Муддати ўтган кредиторлик қарзининг умумий суммаси бухгалтерия баланси - 1-сонли шакл - суғуртанинг 932-сатри суммасига мос келиши керак.

140-4. 3-устуннинг 2, 2.1, 2.2, 2.2.1, 3, 3.1-сатрлари бўйича 1-сатр бўйича акс эттирилган муддати ўтган дебиторлик қарзининг умумий суммасининг қуйидаги тартибда расшифровкаси кўрсатилади:

а) 2-сатрда республика ичидаги муддати ўтган дебиторлик қарзининг умумий суммаси кўрсатилади;

б) 2.1-сатрда республика ичидаги дебиторларнинг номлари бўйича муддати ўтган қарз кўрсатилади;

в) 2.2-сатрда ички идоравий муддати ўтган дебиторлик қарзининг умумий суммаси келтирилади;

г) 2.2.1-сатр бўйича 2-сатрдан ажратилган, дебиторлар номлари бўйича ички идоравий муддати ўтган қарз суммаси кўрсатилади;

д) 3-сатр бўйича республикадан ташқаридаги муддати ўтган дебиторлик қарзининг умумий суммаси кўрсатилади;

е) 3.1-сатр бўйича республикадан ташқаридаги дебиторлар номлари бўйича муддати ўтган қарз кўрсатилади.

140-5. 4, 5, 5.1, 5.2, 5.2.1, 6, 6.1-сатрлар мазкур Қоидаларнинг 140-3 ва 140-4-бандларига кўра муддати ўтган дебиторлик қарзига ўхшаш тарзда тўлдирилади.

140-6. Суғурталовчига боғлиқ бўлмаган сабаблар бўйича вужудга келган муддати ўтган қарзлар бўйича:

а) 4-устунда суғурталовчига боғлиқ бўлмаган сабаблар бўйича вужудга келган муддати ўтган қарзларнинг умумий суммаси кўрсатилади, хусусан:

1-сатр бўйича - муддати ўтган дебиторлик қарзининг умумий суммаси, у 5, 6, 7, 8-устунларда кўрсатилган суммага тенг бўлиши керак;

4-сатр бўйича - муддати ўтган кредиторлик қарзининг умумий суммаси 5, 7, 8-устунларда кўрсатилган суммага тенг бўлиши керак;

б) 5-устунда суғурталовчининг Ўзбекистон Республикаси Ҳукумати қарорларига асосан олдиндан ҳақ тўламай жўнатилган (олинган) маҳсулотлар (ишлар, хизматлар) бўйича умумий муддати ўтган дебиторлик (кредиторлик) қарзи кўрсатилади;

в) 6-устунда давлат ресурслари ва жамғармаларидан жўнатиш кўзда тутилган хом ашё ва материаллар бўйича ўтказилган бўнак тўловлари суммаси кўрсатилади. 6-устунда акс эттирилаётган маълумот фақатгина муддати ўтган дебиторлик қарзи қисмида тўлдирилади;

г) 7-устунда Ўзбекистон Республикаси Ҳукумати қарорлари бўйича қарзни сўндириш муддати ўрнатилган тартибда кечиктирилган суғурталовчининг муддати ўтган қарзи акс эттирилади;

д) 8-устунда қонун ҳужжатларига мувофиқ билдирилган даъволар бўйича суд жараёнида кўриб чиқилаётган муддати ўтган қарзлар суммаси кўрсатилади. Бу ерда унинг бўйича хўжалик судининг кредитордан ундириш тўғрисидаги қарорлари чиқарилган муддати ўтган қарзлар ҳам акс эттирилади.

140-7. Зарурат туғилган тақдирда суғурталовчига "Суғурталовчига боғлиқ бўлмаган сабаблар бўйича вужудга келган муддати ўтган қарзлар" бўлимида қўшимча устунлар очишга рухсат берилади.

140-8. Муддати ўтган дебиторлик ва кредиторлик қарзлари расшифровкаси сатрларининг миқдори тегишлича 2.1, 2.2.1, 3.1, 5.1, 5.2.1, 6.1-сатрлар бўйича кўрсатилаётган дебитор ва кредиторлар миқдорига боғлиқдир.

140-9. Муддати ўтган дебиторлик ва кредиторлик қарзлари расшифровкаси раҳбар ва бош бухгалтер томонидан имзоланади ва ҳар бир бетида муҳр билан тасдиқланади.";

г) 4 ва 7-параграфлар ўз кучини йўқотган деб ҳисоблансин.

Ўзгартириш ва қўшимчаларга

ИЛОВА

"Бухгалтерия баланси -

1-сонли шакл - суғуртага

ИЛОВА

ПРИЛОЖЕНИЕ

к Бухгалтерскому балансу -

форма N 1 - страхование

МУДДАТИ ЎТГАН ДЕБИТОРЛИК ВА КРЕДИТОРЛИК

ҚАРЗЛАРИ РАСШИФРОВКАСИ

20___ йил __________ ҳолатига

РАСШИФРОВКА ПРОСРОЧЕННОЙ ДЕБИТОРСКОЙ

И КРЕДИТОРСКОЙ ЗАДОЛЖЕННОСТИ

по состоянию _____________ 20___ г.

                 М.Ў. / М.П.

"Ўзбекистон Республикаси қонун ҳужжатлари тўплами",

2013 йил 21 январь, 3-сон, 41-модда