ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Соғлиқни сақлаш. Жисмоний тарбия ва спорт. Туризм / Жисмоний тарбия ва спорт / Спортнинг алоҳида турлари /

Ўзбекистон Республикаси Вазирлар Маҳкамасининг 15.05.2013 й. 132-сон "Спортнинг эшкак эшиш турлари бўйича Республика ихтисослаштирилган болалар-ўсмирлар олимпия захиралари спорт мактабини ташкил этиш тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

15.05.2013 й.

N 132



СПОРТНИНГ ЭШКАК ЭШИШ ТУРЛАРИ

БЎЙИЧА РЕСПУБЛИКА ИХТИСОСЛАШТИРИЛГАН

БОЛАЛАР-ЎСМИРЛАР    ОЛИМПИЯ    ЗАХИРАЛАРИ

СПОРТ МАКТАБИНИ ТАШКИЛ ЭТИШ ТЎҒРИСИДА


Олимпия захираларининг спорт салоҳиятини янада ривожлантириш, спортнинг эшкак эшиш турлари бўйича Ўзбекистон Республикаси спорт терма жамоаларини тайёрлашни босқичма-босқич зарур даражада ташкил этиш, иқтидорли болаларни спорт билан мунтазам шуғулланишга фаол жалб қилиш, улардан Ўзбекистон Республикаси спорт терма жамоаларининг ишончли захирасини шакллантириш мақсадида Вазирлар Маҳкамаси ҚАРОР ҚИЛАДИ:

1. Самарқанд вилояти ҳокимлиги, Ўзбекистон Республикаси Маданият ва спорт ишлари вазирлигининг Самарқанд вилояти, Самарқанд тумани, "Қўштамғали" қишлоқ фуқаролар йиғини, Конигил қишлоғида жойлашган Самарқанд вилояти Маданият ва спорт ишлари бошқармаси ҳузуридаги спортнинг эшкак эшиш турлари бўйича болалар-ўсмирлар спорт мактаби негизида Ўзбекистон Республикаси Жисмоний тарбия ва спорт вазирлиги ҳузуридаги Спортнинг эшкак эшиш турлари бўйича Республика ихтисослаштирилган болалар-ўсмирлар олимпия захиралари мактабини ташкил этиш тўғрисидаги таклифига розилик берилсин.

2. Белгилаб қўйилсинки:

Спортнинг эшкак эшиш турлари бўйича Республика ихтисослаштирилган болалар-ўсмирлар олимпия захиралари спорт мактаби ўз фаолиятини Вазирлар Маҳкамасининг "Спорт мактаблари фаолиятини ҳамда спорт мактаблари тренерлари ва мутахассислари меҳнатини моддий рағбатлантириш тизимини янада такомиллаштириш тўғрисида" 2010 йил 23 сентябрдаги 211-сон қарори билан тасдиқланган Ўзбекистон Республикасидаги Давлат бюджетидан молиялаштириладиган спорт мактаблари тўғрисидаги низомга мувофиқ амалга оширувчи мактабдан ташқари спорт-таълим муассасаси ҳисобланади;

республика ва минтақалар стажёрлар ва асосий терма жамоалар таркибларини тўлдиришга қодир бўлган юқори малакали спортчиларни тайёрлаш, спортнинг эшкак эшиш турларини - академик эшкак эшиш ва байдарка ва каноэда эшкак эшиш турларини ривожлантириш Спортнинг эшкак эшиш турлари бўйича Республика ихтисослаштирилган болалар-ўсмирлар олимпия захиралари мактаби фаолиятининг асосий йўналишлари ҳисобланади;

Спортнинг эшкак эшиш турлари бўйича Республика ихтисослаштирилган болалар-ўсмирлар олимпия захиралари спорт мактабига ўқувчи-спортчиларни қабул қилиш спорт мактаблари ва клубларида дастлабки тайёргарликдан ўтган, спортнинг эшкак эшиш турлари билан шуғулланиш учун спорт кўрсаткичларига ва юқори классли спортчининг тегишли салоҳиятига эга бўлган иқтидорли болалар орасидан амалга оширилади;

спорт мактабида ўқув йили 2 сентябрда бошланади. Ўқув йилининг давомийлиги спорт турининг хусусиятига, спорт ҳамда оммавий жисмоний тарбия тадбирларининг календарь режасига, спорт тайёргарлигини даврийлаштиришга боғлиқ бўлади ҳамда спорт мактабининг раҳбарияти томонидан спортнинг ҳар бир тури учун якка тартибда белгиланиши мумкин;

Спортнинг эшкак эшиш турлари бўйича Республика ихтисослаштирилган болалар-ўсмирлар олимпия захиралари спорт мактабининг ўқувчи-спортчилари умумтаълим дастурлари бўйича яқин жойлашган умумтаълим мактабларида ўқитилади.


3. Қуйидагилар Спортнинг эшкак эшиш турлари бўйича Республика ихтисослаштирилган болалар-ўсмирлар олимпия захиралари спорт мактабининг асосий вазифалари этиб белгилансин:

республиканинг барча минтақаларидан спортнинг эшкак эшиш турлари билан шуғулланиш учун зарур спорт кўрсаткичларига, спорт салоҳиятига, спортнинг танланган тури бўйича профессионал кўникмаларга ва маҳоратга эга бўлган иқтидорли ва истиқболли болаларни пухта танлаб олиш;

спортнинг эшкак эшиш турлари бўйича энг янги илмий-методик тавсиялар ва ютуқлар асосида спорт захираларини ва Ўзбекистон Республикаси спорт терма жамоалари учун юқори классли спортчиларни тайёрлаш учун ўқув-машқ жараёнини ташкил этиш;

юқори классли спортчиларни тайёрлаш бўйича ўқув-машқ жараёнини ташкил этиш учун зарур бўлган замонавий моддий-техника базасини ва малакали тренерлар таркибини яратиш;

назарий тайёргарликни ва техник-тактик кўникмаларни такомиллаштириш, эшкакчиларнинг профессионал сифатларини ривожлантириш, шунингдек спортнинг эшкак эшиш турларини ривожлантиришнинг халқаро талабларига мувофиқ Ўзбекистон Республикаси спорт терма жамоаларини тайёрлаш даражасини ошириш;

спортчилар ва тренерлар таркибининг касб маҳоратини ошириш юзасидан тажриба алмашиш соҳасида спортнинг эшкак эшиш турлари бўйича хорижий мактаблар, академиялар ва клублар билан ҳамкорликни ривожлантириш.


4. Спортнинг эшкак эшиш турлари бўйича Республика ихтисослаштирилган болалар-ўсмирлар олимпия захиралари спорт мактабининг тузилмаси иловага мувофиқ тасдиқлансин.


5. Ўзбекистон Республикаси Жисмоний тарбия ва спорт вазирлиги:

бир ой муддатда Спортнинг эшкак эшиш турлари бўйича Республика ихтисослаштирилган болалар-ўсмирлар олимпия захиралари спорт мактабининг белгиланган тартибда давлат рўйхатидан ўтказилишини таъминласин.

Ўзбекистон "Rowing & Сanoe" федерацияси билан биргаликда Спортнинг эшкак эшиш турлари бўйича Республика ихтисослаштирилган болалар-ўсмирлар олимпия захиралари спорт мактабини малакали мутахассислар билан таъминлаш, ўқув-машқ жараёнини зарур даражада ташкил этиш учун зарур бўлган ўқув-методик адабиётларни танлаб олган ҳолда ўқув биноларини жиҳозлаш чора-тадбирларини таъминласин, шунингдек хорижий спортчилар ўқув-машқ йиғинларини, республика ва халқаро мусобақаларни, регаталар ҳамда турнирларни тайёрлаш ва ўтказиш учун Спортнинг эшкак эшиш турлари бўйича Республика ихтисослаштирилган болалар-ўсмирлар олимпия захиралари спорт мактабининг моддий-техника базасидан фойдаланиш тартибини ишлаб чиқсин ва тасдиқласин;

Спортнинг эшкак эшиш турлари бўйича Республика ихтисослаштирилган болалар-ўсмирлар олимпия захиралари спорт мактаби ўқувчи-спортчиларини тайёрлаш сифати устидан тизимли мониторингни ҳамда, зарурият бўлганда, ўқув-машқ жараёнини такомиллаштириш юзасидан тегишли таклифлар киритилишини таъминласин.


6. Қуйидагилар:

Ўзбекистон "Rowing & Canoe" Федерацияси томонидан "Ўзбекэнерго" давлат-акциядорлик компанияси маблағлари ҳисобига Спортнинг эшкак эшиш турлари бўйича Республика ихтисослаштирилган болалар-ўсмирлар олимпия захиралари спорт мактабида олимпия спорт мусобақаларини ўтказиш талабларига мувофиқ йирик халқаро мусобақалар, регаталар, турнирлар ўтказиш учун 1 020 000 (бир миллион йигирма минг) евро қийматидаги "Старт-Финиш" электрон ахборот тизими сотиб олинганлиги ва ўрнатилганлиги;

ўрнатилган "Старт-Финиш" электрон ахборот тизими Ўзбекистон "Rowing & Canoe" Федерацияси балансидан Спортнинг эшкак эшиш турлари бўйича Республика ихтисослаштирилган болалар-ўсмирлар олимпия захиралари спорт мактаби балансига бепул ўтказилиши маълумот учун қабул қилинсин.


7. Самарқанд вилояти ҳокимлиги, Ўзбекистон "Rowing & Canoe" Федерацияси хайрия эҳсонлари маблағларини жалб этган ҳолда:

Жаҳон каноэ федерацияси стандартларига мувофиқ Спортнинг эшкак эшиш турлари бўйича Республика ихтисослаштирилган болалар-ўсмирлар олимпия захиралари спорт мактаби объектларининг қурилиш-монтаж ва ободонлаштириш ишларининг 2013 йил III чорагигача тугалланишини;

Спортнинг эшкак эшиш турлари бўйича Республика ихтисослаштирилган болалар-ўсмирлар олимпия захиралари спорт мактабини 4 та автотранспорт воситаси, шу жумладан, 1 та хизмат ва 3 та махсус автотранспорт билан таъминласинлар.


8. Ўзбекистон Республикаси Давлат архитектура ва қурилиш қўмитаси Спортнинг эшкак эшиш турлари бўйича Республика ихтисослаштирилган болалар-ўсмирлар олимпия захиралари спорт мактаби объектлари бўйича лойиҳа-смета ҳужжатларининг белгиланган тартибда экспертизадан ўтказилишини таъминласин ҳамда қурилиш-монтаж ишларини бажариш сифати юзасидан назорат ўрнатсин.


9. Белгилаб қўйилсинки, Спортнинг эшкак эшиш турлари бўйича Республика ихтисослаштирилган болалар-ўсмирлар олимпия захиралари спорт мактаби фаолиятини молиялаштириш:

Ўзбекистон Республикаси республика бюджети маблағлари;

мактаб фаолияти соҳаси бўйича пулли хизматларни амалга оширишдан тушадиган маблағлар;

жисмоний ва юридик шахслар, шу жумладан, нодавлат нотижорат ташкилотларнинг хайрия эҳсонлари;

қонунчиликда тақиқланмаган бошқа манбалар ҳисобига амалга оширилади.


10. Ўзбекистон Республикаси Молия вазирлиги:

2013 йил учун Самарқанд вилояти бюджети ва Ўзбекистон Республикаси республика бюджети харажатлар параметрларига тегишли ўзгартиришлар киритсин, шунингдек 2014 йилдан бошлаб Ўзбекистон Республикаси Давлат бюджети лойиҳасини тузишда Спортнинг эшкак эшиш турлари бўйича Республика ихтисослаштирилган болалар-ўсмирлар олимпия захиралари спорт мактаби таъминоти учун "Таълим" соҳасига ажратиладиган маблағлар доирасида зарур бюджет маблағларини назарда тутсин;

4 та автотранспорт воситасини, шу жумладан, 1 та хизмат ва 3 та махсус автостранспортни сақлаш учун лимит ажратсин.

12. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.И. Икрамов зиммасига юклансин.



Ўзбекистон Республикасининг Бош вазири                              Ш. Мирзиёев






Вазирлар Маҳкамасининг

2013 йил 15 майдаги

132-сон қарорига

ИЛОВА



Спортнинг эшкак эшиш турлари бўйича

Республика ихтисослаштирилган болалар-ўсмирлар

олимпия захиралари спорт мактабининг

ТУЗИЛМАСИ










Директор

- 1 (1)




















































































Директорнинг ўқув ишлари бўйича ўринбосари

- 1 (1)


Директорнинг хўжалик ишлари бўйича ўринбосари

- 1 (1)



Бухгалтерия

- 3 (2)


































Кадрлар бўйича инспектор

- 1 (1)

Ўқув-методик бўлим

- 3


Фойдаланиш-хўжалик

хизмати**

(2)

























Юрисконсульт

- 1 (1)

Тиббиёт қисми

- 3


























































Тренер-ўқитувчилар таркиби*







































       

*) Тренер-ўқитувчилар таркиби сони Спортнинг эшкак эшиш турлари бўйича Республика ихтисослаштирилган болалар-ўсмирлар олимпия захиралари спорт мактабига ўқувчилар танлаб олингандан кейин аниқланади.

**) Фойдаланиш-хўжалик хизмати ходимлари сони қонун ҳужжатларида белгиланган нормаларга мувофиқ белгиланади.

Спортнинг эшкак эшиш турлари бўйича Республика ихтисослаштирилган болалар-ўсмирлар олимпия захиралари спорт мактаби ходимларининг чекланган сони (тренер-ўқитувчилар таркиби ва Фойдаланиш-хўжалик хизмати ходимларидан ташқари) 16 нафар, шу жумладан, бошқарув ходимлари - 9 нафар.



"Ўзбекистон Республикаси қонун ҳужжатлари тўплами", 2013 йил 20 май, 20-сон, 258-модда












































Время: 0.2063
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск