Ер ресурслари, геодезия, картография ва давлат кадастри давлат қўмитасининг 10-сон, Қишлоқ ва сув хўжалиги вазирлигининг 6/1-сон, Давлат архитектура ва қурилиш қўмитасининг 2-сон "Қишлоқ жойларда намунавий лойиҳалар бўйича якка тартибдаги уй-жойлар қуриш учун ташқи муҳандислик коммуникацияларига уланиш имконияти бўлган суғорилмайдиган ҳамда унумдорлиги паст қишлоқ хўжалиги ер участкаларини аниқлаш қоидаларини тасдиқлаш тўғрисида"ги 20.05.2013 й. Қарори (АВ томонидан 03.06.2013 й. 2464-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

03.06.2013 й.

N 2464

ҚАРОРИ

Қишлоқ жойларда намунавий лойиҳалар

бўйича якка тартибдаги уй-жойлар қуриш учун

ташқи муҳандислик коммуникацияларига уланиш

имконияти бўлган суғорилмайдиган ҳамда унумдорлиги

паст қишлоқ хўжалиги ер участкаларини аниқлаш

қоидаларини тасдиқлаш тўғрисида

Ўзбекистон Республикаси Президентининг 2013 йил 4 январдаги ПҚ-1902-сон "Қишлоқ жойларда намунавий лойиҳалар бўйича якка тартибдаги уй-жойлар қурилишининг 2013 йил Дастури тўғрисида"ги қарори (Ўзбекистон Республикаси қонун ҳужжатлари тўплами, 2013 й., 2-сон, 17-модда) ижросини таъминлаш мақсадида Ўзбекистон Республикаси Ер ресурслари, геодезия, картография ва давлат кадастри давлат қўмитаси, Қишлоқ ва сув хўжалиги вазирлиги ҳамда Давлат архитектура ва қурилиш қўмитаси ҚАРОР ҚИЛАДИЛАР:

1. Қишлоқ жойларда намунавий лойиҳалар бўйича якка тартибдаги уй-жойлар қуриш учун ташқи муҳандислик коммуникацияларига уланиш имконияти бўлган суғорилмайдиган ҳамда унумдорлиги паст қишлоқ хўжалиги ер участкаларини аниқлаш қоидалари иловага мувофиқ тасдиқлансин.

2. Мазкур қарор расмий эълон қилинган кундан эътиборан кучга киради.

"Ўзбекистон Республикаси қонун ҳужжатлари тўплами",

2013 йил 10 июнь, 23-сон, 308-модда