ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Ёқилғи-энергетика комплекси / Нефть ва газ соҳасида бошқарув /

Ўзбекистон Республикаси Президентининг 11.12.1998 й. ПФ-2154-сон "Ўзбекнефтгаз нефть ва газ саноати миллий корпорациясини "Ўзбекнефтгаз" миллий холдинг компаниясига айлантириш тўғрисида"ги Фармони

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ФАРМОНИ

11.12.1998 й.

N ПФ-2154



ЎЗБЕКНЕФТГАЗ НЕФТЬ ВА ГАЗ

САНОАТИ МИЛЛИЙ КОРПОРАЦИЯСИНИ

"ЎЗБЕКНЕФТГАЗ" МИЛЛИЙ ХОЛДИНГ

КОМПАНИЯСИГА АЙЛАНТИРИШ

ТЎҒРИСИДА


Нефть ва газ қазиб чиқариш ҳажмларини кўпайтириш, янги нефть ва газ конлари ўзлаштирилишини жадаллаштириш, нефть ва газни қайта ишлаш ҳамда ташиш самарадорлигини ошириш, хорижий сармояларни жалб этиш борасидаги ишларни фаоллаштириш, республиканинг нефть ва газ саноатида бозор муносабатларини янада ривожлантириш ҳамда нефть-газ тармоғини бошқариш тузилмасини такомиллаштириш мақсадида:


1. Ўзбекистон Республикаси Давлат мулки қўмитасининг, "Ўзбекнефтгаз" нефть ва газ саноати Миллий корпорацияси корхоналари ва ташкилотларининг:


а) "Ўзбекнефтгаз" Миллий корпорациясини "Ўзбекнефтгаз" миллий холдинг компаниясига айлантириш;

"Ўзнефтгазқурилиш" ва "Ўздавнефтмаҳсулот" давлат акциядорлик бирлашмаларини тегишли равишда "Ўзнефтгазқурилиш" ва "Ўзнефтмаҳсулот" акциядорлик, компанияларига айлантириш;

"Ўзтрансгаз" ва "Ўзнефтниқайтаишлаш" ишлаб чиқариш бирлашмаларини "Ўзтрансгаз" ва "Ўзнефтниқайтаишлаш" акциядорлик компанияларига айлантириш;

"Ўзнефтгазтаъминот" савдо ишлаб чиқариш акциядорлик бирлашмасини "Ўзнефтгазишчитаъминот" акциядорлик компаниясига айлантириш тўғрисидаги;

б) "Ўзнефтгазқазибчиқариш" давлат акциядорлик бирлашмаси ҳамда "Ўзбекгеофизика" давлат геология корхонаси негизида "Ўзгеонефтгазқазибчиқариш" акциядорлик компаниясини ташкил қилиш;

"Ўзнефтқазибчиқариш" давлат акциядорлик бирлашмаси хамда "Ўзнефтгазгеология" давлат геология корхонасининг пудрат бурғулаш ташкилотлари негизида "Ўзбурғунефтгаз" акциядорлик компаниясини ташкил этиш;

тармоқнинг ҳамда "Ўзмашсаноат" уюшмасига қарашли "Ўзбеккимёмаш" очиқ турдаги акциядорлик жамиятининг машинасозлик корхоналари негизида "Ўзнефтгазмаш" акциядорлик компаниясинп ташкил қилиш тўғрисидаги таклифи қабул қилинсин.

3. Қуйидагилар "Ўзбекнефтгаз" холдинг компаниясининг устав жамғармасига ўтказилсин:

ушбу Фармонга мувофиқ ўзгартирилган ёки ташкил қилинган акциядорлик компаниялари акциялари пакетининг 51 фоизи;

бевосита холдинг компаниясига ҳисоб берадиган давлат корхоналарининг мулки;

холдинг компаниясига уюшган қатнашчилар - акциядорлик жамиятларида давлатга тегишли бўлган акцияларнинг пакетлари.

Холдинг компанияси ҳамда унинг акциядорлик компанияларининг устав жамғармаларига ўтказилган акцияларнинг пакетларини ва давлатга тегишли мулкни самарали бошқариш учун жавобгарлик "Ўзбекнефтгаз" холдинг компанияси зиммасига юклансин.

Белгилаб қўйилсинки, "Ўзбекнефтгаз" холдинг компаниясида ва холдинг акциядорлик компанияларида давлатга тегишли акцияларни, шунингдек тармоқнинг давлат корхоналаридаги мулкини фонд бозорларида сотиш Ўзбекистон Республикаси Вазирлар Маҳкамасининг қарорига биноан амалга оширилади.


4. "Ўзбекнефтгаз" Миллий холдинг компанияси юридик шахс бўлиб, очиқ турдаги акциядорлик жамияти шаклида таъсис этилиши;

"Ўзбекнефтгаз" холдинг компанияси "Ўзбекнефтгаз" корпорацияси томонидан тузилган шартномалар ва мажбуриятлар бўйича ҳуқуқий ворис эканлиги белгилаб қўйилсин.


5. "Ўзбекистон нефть ва газ саноати давлат концернини "Ўзбекнефтгаз" нефть ва газ саноати Миллий корпорациясига айлантириш тўғрисида" 1992 йил 23 декабрдаги ПФ-518-сон Фармон ўз кучини йўқотган деб ҳисоблансин.


6. Вазирлар Маҳкамаси ўн кун муддатда мазкур Фармонни ижро этиш юзасидан қарор қабул қилсин.


Ўзбекистон Республикасининг Президенти                                 И. Каримов












































Время: 0.1472
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск