Сувдан махсус фойдаланиш ёки сувни махсус истеъмол қилиш учун рухсатнома бериш тартиби тўғрисида Низом (ЎзР ВМ 14.06.2013 й. 171-сон қарорига илова)

Функция недоступна

Вазирлар Маҳкамасининг

2013 йил 14 июндаги

171-сон қарорига

ИЛОВА

Сувдан махсус фойдаланиш ёки сувни

махсус истеъмол қилиш учун рухсатнома

бериш тартиби тўғрисида

НИЗОМ

I. УМУМИЙ ҚОИДАЛАР

1. Ушбу Низом "Сув ва сувдан фойдаланиш тўғрисида"ги Ўзбекистон Республикаси Қонунига, шунингдек Вазирлар Маҳкамасининг "Ўзбекистон Республикасида сувдан фойдаланиш ва сув истеъмоли тартиби тўғрисидаги низомни тасдиқлаш ҳақида" 2013 йил 19 мартдаги 82-сон қарорига мувофиқ Ўзбекистон Республикаси ҳудудида ер усти ва ер ости сувларидан фойдаланишда сувдан махсус фойдаланиш ёки сувни махсус истеъмол қилиш учун рухсатнома бериш тартибини белгилайди.

2. Сувдан махсус фойдаланиш ёки сувни махсус истеъмол қилиш ушбу Низомнинг 4 ва 5-бандларида кўрсатилган тегишли ваколатли органлар (кейинги ўринларда рухсат берувчи органлар деб аталади) томонидан берилган рухсатнома асосида амалга оширилади.

3. Юридик ва жисмоний шахслар томонидан сувнинг ҳолатига ва сув объектларига таъсир кўрсатувчи махсус иншоотлар ва қурилмалар қўлланилган ҳолда амалга ошириладиган сувдан фойдаланиш ёки сув истеъмоли сувдан махсус фойдаланиш ёки сувни махсус истеъмол қилиш ҳисобланади. Махсус иншоотлар ва қурилмалар қўлланилмасдан, бироқ сув ва сув объектларининг ҳолатига таъсир кўрсатувчи сувдан фойдаланиш ёки сув истеъмоли ҳам айрим ҳолларда сувдан махсус фойдаланиш ёки сувни махсус истеъмол қилишга киритилиши мумкин.

3-1. Қуйидагилардан:

белгиланган тартибда ҳисобга олинмаган сувдаги қудуқлардан;

гуруҳли сув олиш учун (икки ва ундан ортиқ қудуқлардан) белгиланган тартибда тасдиқланмаган ер ости сувлари эксплуатация захираларидан сувдан махсус фойдаланишга ёки сувни махсус истеъмол қилишга йўл қўйилмайди).

II. СУВДАН МАХСУС ФОЙДАЛАНИШ ЁКИ СУВНИ

МАХСУС ИСТЕЪМОЛ ҚИЛИШ УЧУН РУХСАТНОМА

БЕРИШГА ВАКОЛАТЛИ ОРГАНЛАР

4. Сувдан махсус фойдаланиш ёки сувни махсус истеъмол қилиш учун рухсатнома:

вилоятлараро ва трансчегаравий аҳамиятга молик табиий сув объектлари сувидан фойдаланувчиларга ва сув истеъмолчиларига, катта ва алоҳида муҳим сув, энергетика ва коммунал-маиший объектлардан фойдаланувчи айрим ташкилотларга - Ўзбекистон Республикаси Ўзбекистон Республикаси Экология ва атроф муҳитни муҳофаза қилиш давлат қўмитаси томонидан;

вилоят, туманлараро ва туман аҳамиятига молик табиий сув объектларидан сув олинганда - экология ва атроф муҳитни муҳофаза қилиш органлари томонидан берилади.

5. Сунъий сув объектларининг сувидан махсус фойдаланиш ёки сувни махсус истеъмол қилиш учун рухсатнома:

вилоятлараро ва трансчегаравий аҳамиятга молик сув объектларидан сув олинганда - ирригация тизимлари ҳавза бошқармаларига, магистрал каналлар (тизимлар) бошқармаларига, сув омборларидан фойдаланиш бошқармаларига, трансчегаравий сув объектларидан, вилоятлараро аҳамиятга молик сув объектларидан, катта ва алоҳида муҳим сув хўжалиги объектларидан фойдаланувчи ташкилотларга, насос станциялари, энергетика ва алоқа бошқармаларига, мелиорация экспедицияларига, шунингдек бошқа сувдан фойдаланувчиларга ва сув истеъмолчиларига, шунингдек катта ва алоҳида муҳим сув, энергетика ва коммунал-маиший объектлардан фойдаланувчи алоҳида ташкилотларга - Ўзбекистон Республикаси Қишлоқ ва сув хўжалиги вазирлиги томонидан;

вилоят ёки туманлараро аҳамиятга молик сув объектларидан сув олинганда - ирригация тизимлари бошқармаларига, шунингдек бошқа сувдан фойдаланувчилар ва сув истеъмолчиларига - ирригация тизимларининг ҳавза бошқармалари томонидан;

туман аҳамиятга молик сув объектларидан сув олинганда - сувдан фойдаланувчилар уюшмаларига, шунингдек бошқа сувдан фойдаланувчилар ва сув истеъмолчиларига - ирригация тизимлари бошқармалари томонидан;

қишлоқ хўжалиги эҳтиёжлари учун сув объектларидан сув олинганда - ўзлари хизмат кўрсатадиган зонада жойлашган фермер ва деҳқон хўжаликларига, фуқароларнинг ўзини ўзи бошқариш органларига ҳамда бошқа сув истеъмолчиларига туман қишлоқ ва сув хўжалиги бўлими билан келишилган ҳолда - сув истеъмолчилари уюшмалари томонидан берилади.

6. Табиий сув объектларининг сувидан махсус фойдаланиш ёки сувни махсус истеъмол қилиш учун рухсатнома экология ва атроф муҳитни муҳофаза қилиш органлари томонидан:

ер усти сувларидан фойдаланилганда - қишлоқ ва сув хўжалиги органлари;

ер ости сувларидан (шу жумладан, булоқ сувларидан) фойдаланилганда - геология ва минерал ресурслар органлари;

минерал ва термал сувлардан фойдаланилганда - ер қаърини геологик ўрганиш, саноатда, кончиликда ва коммунал-маиший секторда ишларнинг бехатар олиб борилишини назорат қилиш органлари билан келишилган ҳолда берилади.

7. Ичиш, коммунал-маиший, даволаш, курорт, рекреацион, балиқчилик хўжалиги ва ишлаб чиқариш эҳтиёжлари учун, сув таъминоти манбаларидан қатъи назар, сув олинганда, шунингдек оқова сувлар сув объектларига ва жой рельефига оқизиб юборилганда сувдан махсус фойдаланиш ёки сувни махсус истеъмол қилиш учун рухсатнома давлат санитария назорати органлари билан келишилиши керак.

8. Қишлоқ ва сув хўжалиги органлари, шунингдек экология ва атроф муҳитни муҳофаза қилиш органлари даволаш тоифасига киритилган сув объектларидан, истисно ҳолларда, бошқа мақсадларда фойдаланишга ер қаърини геологик ўрганиш, саноатда, кончиликда ва коммунал-маиший секторда ишларнинг бехатар олиб борилишини назорат қилиш, соғлиқни сақлаш, курортлар бошқармасининг тегишли органлари билан келишган ҳолда рухсат беришлари мумкин.

III. СУВДАН МАХСУС ФОЙДАЛАНИШ ЁКИ СУВНИ

МАХСУС ИСТЕЪМОЛ ҚИЛИШ УЧУН МАТЕРИАЛЛАРНИ

ТАЙЁРЛАШ, РУХСАТНОМА ЛОЙИҲАСИНИ КЕЛИШИШ

ВА РУХСАТНОМАЛАРНИ БЕРИШ

9. Сувдан махсус фойдаланиш ёки сувни махсус истеъмол қилиш учун материалларни тайёрлаш, рухсатнома лойиҳасини келишиш ва рухсатномаларни бериш ушбу Низомга 1-иловадаги схема бўйича амалга оширилади.

10. Сувдан махсус фойдаланиш ёки сув истеъмоли учун рухсатнома сувдан фойдаланиш ёки сув истеъмоли турига кўра қуйидагича расмийлаштирилади ва берилади:

ушбу Низомга 2-иловадаги шакл бўйича - саноат, коммунал, транспорт ва бошқа ноқишлоқ хўжалиги мақсадлари учун сув объектларидан фойдаланадиган жисмоний ва юридик шахслар учун;

ушбу Низомга 3-иловадаги шакл бўйича - ирригация тизимлари ҳавза бошқармалари учун;

ушбу Низомга 4-иловадаги шакл бўйича - сув омборларидан (гидроузеллардан) фойдаланиш бошқармалари учун;

ушбу Низомга 5-иловадаги шакл бўйича - ирригация тизимлари бошқармалари учун;

ушбу Низомга 6-иловадаги шакл бўйича - насос станциялари, энергетика ва алоқа бошқармалари, шунингдек насос станцияларининг бошқа бошқармалари учун;

ушбу Низомга 7-иловадаги шакл бўйича - мелиорация экспедициялари учун;

ушбу Низомга 8-иловадаги шакл бўйича - сув истеъмолчилари уюшмалари учун;

ушбу Низомга 9-иловадаги шакл бўйича - фермер ва деҳқон хўжаликлари, фуқароларнинг ўзини ўзи бошқариш органлари ва сув истеъмолчилари уюшмалари томонидан хизмат кўрсатиладиган бошқа сув истеъмолчилари учун.

Истисно ҳолларда, айрим сувдан фойдаланувчилар ёки сув истеъмолчилари учун, уларнинг сувдан фойдаланиши ёки сув истеъмолининг ўзига хосликлари ҳисобга олинган ҳолда, рухсатномалар шакли ушбу Низомнинг 6, 7 ва 8-бандларига мувофиқ, манфаатдор вазирликлар ва идоралар билан келишган ҳолда Ўзбекистон Республикаси Экология ва атроф муҳитни муҳофаза қилиш давлат қўмитаси (табиий сув объектлари бўйича) ҳамда Қишлоқ ва сув хўжалиги вазирлиги (сунъий сув объектлари бўйича), шунингдек Ўзбекистон Республикаси Вазирлар Маҳкамасининг Қишлоқ ва сув хўжалиги, қишлоқ хўжалиги ва озиқ-овқат маҳсулотларини қайта ишлаш масалалари ахборот-таҳлил департаменти томонидан ишлаб чиқилади ва тасдиқланади.

11. Ишлаётган, лойиҳалаштирилаётган ёки реконструкция қилинаётган объектларда амалга ошириш мўлжалланаётган сувдан махсус фойдаланиш ёки махсус сув истеъмолининг барча турларига битта рухсатнома расмийлаштирилади.

Сувдан фойдаланувчилар ёки сув истеъмолчилари ягона сув олиш манбаи, сув таъминоти ва сув чиқариб ташлаш тизими билан боғлиқ бўлмаган, бир-биридан узоқдаги бир неча майдонларда жойлашган тақдирда, сувдан фойдаланувчига ёки сув истеъмолчисига бир нечта рухсатнома берилиши мумкин.

Бунда бир ёки бир нечта рухсатнома бериш тўғрисидаги қарор сувдан фойдаланиш, сув истеъмоли ва сув чиқариб ташлаш хусусияти ва шароитлари, шунингдек сув объекти ва оқова сувларни қабул қилувчининг турини ҳисобга олган ҳолда рухсатномалар бериш бўйича ваколатли органлар томонидан қабул қилинади.

12. Сувдан махсус фойдаланиш ёки сувни истеъмол қилиш янги объектларини қуришда, шунингдек ишлаётганларини реконструкция қилишда рухсатнома объектларни қуриш учун ер майдони танлаш бўйича ишлар таркибида буюртмачи томонидан, белгиланган тартибда расмийлаштирилади.

13. Сувдан махсус фойдаланиш ёки сувни махсус истеъмол қилишга рухсатнома олиш учун сувдан фойдаланувчи ёки сув истеъмолчиси:

ушбу Низомга 10 - 18-иловаларга мувофиқ рўйхатга биноан материалларни тайёрлайди;

ушбу Низомга 2 - 9-иловаларга мувофиқ шакл бўйича (истисно ҳолларда алоҳида шакл бўйича) сувдан махсус фойдаланиш ёки сувни махсус истеъмол қилиш учун рухсатнома лойиҳасини мустақил равишда ёхуд шартнома асосида жалб этилган ташкилотлар билан биргаликда ишлаб чиқади. Сувдан махсус фойдаланиш ёки сувни махсус истеъмол қилиш учун рухсатнома лойиҳаси уч нусхада тайёрланади, ер ости манбаларидан сув олишда эса - тўрт нусхада тайёрланади;

сувдан махсус фойдаланиш ёки сувни махсус истеъмол қилиш учун рухсатнома лойиҳасини (тадбиркорлик субъектлари, шунингдек сув истеъмолчилари уюшмалари томонидан хизмат кўрсатиладиган сув истеъмолчилари бундан мустасно) ушбу Низомнинг 6, 7 ва 8-бандларида кўрсатилган тегишли органлар билан келишади.

14. Тадбиркорлик субъектларининг, шунингдек сув истеъмолчилари уюшмалари томонидан хизмат кўрсатиладиган сув истеъмолчиларининг сувдан махсус фойдаланиши ёки сувни махсус истеъмол қилиши учун рухсатнома лойиҳасини келишиш сувдан махсус фойдаланиш ва сув истеъмолига рухсатнома олиш учун ариза берилгандан кейин рухсатнома берувчи тегишли органлар томонидан мустақил амалга оширилади.

15. Сувдан махсус фойдаланиш ёки сувни махсус истеъмол қилиш учун рухсатнома лойиҳасини ушбу Низомнинг 5-банди бешинчи хатбошисида ва 6, 7 ва 8-бандларида кўрсатилган органлар (кейинги ўринларда келишиш органлари деб аталади) томонидан келишиш ушбу Низомга 10 - 18-иловаларга мувофиқ рўйхатга биноан тайёрланган материаллар тақдим этилган ҳолда сувдан фойдаланувчи ёки сув истеъмолчисининг, шунингдек рухсат берувчи органлар (тадбиркорлик субъектлари, шунингдек сув истеъмолчилари уюшмалари томонидан хизмат кўрсатиладиган сув истеъмолчилари учун) ёзма мурожаат қилган кундан бошлаб бир ҳафта муддатда амалга оширилади.

16. Сувдан махсус фойдаланиш ёки сувни махсус истеъмол қилиш учун рухсатномани келишиш рад этилган ёки унинг лойиҳасини пухта ишлаш зарур бўлган тақдирда, рухсатномани келишиш органлари асосли хатни расмийлаштиришлари ва ёзма мурожаат қилинган кундан бошлаб беш кун муддатда, белгиланган тартибда ариза берувчига юборишлари керак.

Ҳужжатларни такроран кўриб чиқиш ёзма мурожаат қилинган кундан бошлаб уч иш куни мобайнида амалга оширилади.

17. Сувдан махсус фойдаланувчи ёки сув истеъмолчиси (тадбиркорлик субъектлари, шунингдек сув истеъмолчилари уюшмалари томонидан хизмат кўрсатиладиган сув истеъмолчилари бундан мустасно) рухсатнома лойиҳаси келишилгандан кейин сувдан махсус фойдаланиш ёки сув истеъмоли учун рухсатномалар бериш тўғрисида тегишли рухсатнома бериш органларига ариза беради.

18. Ариза сувдан махсус фойдаланувчи ёки сув истеъмолчисининг имзоси (мансабдор шахснинг) ва муҳри билан тасдиқланади.

Сувдан махсус фойдаланиш ёки сувни махсус истеъмол қилиш учун рухсатнома бериш тўғрисидаги аризага:

сувдан махсус фойдаланиш ёки сувни махсус истеъмол қилиш учун рухсат берувчи органлар билан келишилган (тадбиркорлик субъектлари, шунингдек сув истеъмолчилари уюшмалари томонидан хизмат кўрсатиладиган сув истеъмолчилари бундан мустасно) рухсатнома лойиҳаси (уч нусхада, ер ости манбаларидан сув олинган тақдирда - тўрт нусхада);

ушбу Низомга 10 - 18-иловаларга мувофиқ рўйхатлар бўйича тегишли материаллар илова қилинади.

19. Тадбиркорлик субъектлари, шунингдек сув истеъмолчилари уюшмалари томонидан хизмат кўрсатиладиган сув истеъмолчилари сувдан махсус фойдаланиш ва сув истеъмоли учун рухсатнома олиш учун аризани сувдан махсус фойдаланиш ёки сувни махсус истеъмол қилишга рухсатнома лойиҳасини рухсатнома бериш органига келишувсиз тақдим этадилар.

20. Сувдан махсус фойдаланиш ёки сувни махсус истеъмол қилиш учун рухсатнома рухсатнома бериш органлари томонидан сувдан фойдаланувчилар ёки сув истеъмолчиларининг ёзма аризаси олинган кундан бошлаб йигирма иш куни мобайнида расмийлаштирилади.

Ер ости сувларидан фойдаланиш бўйича сувдан махсус фойдаланиш ва сувни махсус истеъмол қилиш учун рухсатномага сувдан фойдаланувчи ва сув истеъмолчисининг сув ресурсларидан оқилона фойдаланиш, сув ҳажмининг зарур тарздаги ҳисоби юритилиши, сув булғаниши ва камайиб кетишининг олдини олиш, шунингдек ваколатли давлат органларига белгиланган тартибда мунтазам равишда ҳисобот тақдим этиш бўйича мажбуриятлари илова қилинади.

21. Сувдан махсус фойдаланиш ёки сувни махсус истеъмол қилиш учун рухсатномани бериш рад этилган ёки рухсатнома лойиҳасини пухта ишлаш зарур бўлган тақдирда, рухсатнома бериш органлари ушбу Низомнинг 20-бандида кўрсатилган муддат мобайнида асосли хат расмийлаштириши ва уни белгиланган тартибда ариза берувчига юбориши керак.

Ҳужжатларни такроран кўриб чиқиш рухсатнома бериш органи томонидан ариза олинган вақтдан бошлаб ўн иш куни мобайнида амалга оширилади.

22. Сувдан махсус фойдаланиш ёки сувни махсус истеъмол қилиш учун расмийлаштирилган рухсатноманинг бир нусхаси сувдан фойдаланувчига ёки сув истеъмолчисига, иккинчи нусхаси - сувдан фойдаланиш ёки сув истеъмоли учун рухсатнома шартларига риоя этишни назорат қилиш учун тегишли рухсатнома бериш ҳудудий органига берилади, учинчи нусхаси рухсатнома бериш органида қолади.

Ер ости сувларидан сув олинганда расмийлаштирилган рухсатноманинг бир нусхаси тегишли геология ва минерал ресурслар органига берилади.

IV. СУВДАН МАХСУС ФОЙДАЛАНИШ ЁКИ

СУВНИ МАХСУС ИСТЕЪМОЛ ҚИЛИШ УЧУН

РУХСАТНОМАЛАРНИНГ АМАЛ ҚИЛИШ

МУДДАТЛАРИ

23. Ер усти сувларидан ва ер ости сувларининг тасдиқланган эксплуатация захираларидан фойдаланилганда сувдан махсус фойдаланиш ёки сувни махсус истеъмол қилиш учун рухсатнома беш йил муддатга берилади.

23-1. Ер ости сувларидан фойдаланиш бўйича сувдан махсус фойдаланиш ва сувни махсус истеъмол қилишга рухсатноманинг амал қилиш муддати мобайнида рухсатнома олган юридик ва жисмоний шахслар томонидан:

ҳар куни махсус журналда олинадиган ер ости сувлари ҳажмининг ҳисоби юритилади;

ҳар йили 10 январдан кечикмай Давлат геология қўмитасининг ҳудудий гидрогеология станцияларига Давлат геология қўмитаси томонидан тасдиқланадиган шакл бўйича ер ости сувларидан фойдаланиш тўғрисидаги ҳисобот тақдим этилади.

23-2. Ер ости сувларидан фойдаланиш бўйича сувдан махсус фойдаланиш ва сувни махсус истеъмол қилишга рухсатнома олган юридик ва жисмоний шахслар унинг амал қилиши муддати даврида Давлат экология қўмитасининг ҳудудий бошқармалари, Давлат геология қўмитасининг ҳудудий гидрогеология станциялари ва "Саноатгеоконтехназорат" давлат инспекциясининг инспекциялари вакиллари иштирокида тегишли далолатномалар билан расмийлаштириладиган эксплуатация қудуқларини консервация қилиш ва консервация қилишдан чиқариш ҳуқуқига эгадирлар.

24. Ер ости сувларининг тасдиқланмаган эксплуатация захираларидан фойдаланилганда сувдан махсус фойдаланиш ёки сувни махсус истеъмол қилиш учун рухсатнома бир йилдан ортиқ бўлмаган муддатга берилади.

25. Рухсатноманинг амал қилиш муддати тамом бўлишидан бир ойдан кечикмай сувдан фойдаланувчи ёки сув истеъмолчиси илгари берилган рухсатноманинг амал қилиш муддатини узайтириш тўғрисидаги сўров билан рухсатнома бериш органига мурожаат қилишга ҳақлидир.

Рухсатноманинг амал қилиш муддатини узайтириш ушбу рухсатномани берган орган томонидан:

рухсатномани берган орган масъул шахсининг;

тегишли келишиш органларининг сувдан фойдаланувчи ёки сув истеъмолчисининг буюртмасида кўрсатилган сув манбаи ва унинг мақсадида, шунингдек сувдан фойдаланиш ёки сув истеъмолининг бошқа шартларида бирон-бир ўзгариш бўлмаганлиги тўғрисидаги маълумотни тасдиқловчи хулосаси мавжуд бўлганда узайтирилади ва ер ости сувларидан оқилона фойдаланиш бўйича сувдан фойдаланиш ва сувни истеъмол қилиш мажбуриятларини зарур тарзда бажариш.

Сув олиш манбаи ва мақсадлари, шунингдек сувдан фойдаланиш ёки сув истеъмолининг бошқа шартлари ўзгармаганда рухсатноманинг амал қилиш муддати янги муддатга (кўпи билан уч йилга) узайтирилиши мумкин.

Сувдан махсус фойдаланиш ёки сувни махсус истеъмол қилиш учун рухсатноманинг амал қилиш муддати тамом бўлганда, шу билан бирга, сув олиш манбаи, мақсадлари, шунингдек сувдан фойдаланиш ёки сув истеъмолининг бошқа шартлари ўзгарганда, сувдан фойдаланувчи ёки сув истеъмолчиси сувдан махсус фойдаланиш ёки сувни махсус истеъмол қилиш учун янги рухсатнома бериш тўғрисидаги сўров билан рухсат бериш органига белгиланган тартибда мурожаат қилади.

26. Объектларни қуриш ёки реконструкция қилиш даврида сувдан махсус фойдаланиш ёки сувни махсус истеъмол қилишда рухсатнома уларни амалга ошириш даври учун белгиланган тартибда расмийлаштирилади.

Объект фойдаланишга топширилгач, ушбу Низомда назарда тутилган тартибда сувдан махсус фойдаланиш ёки сувни махсус истеъмол қилиш учун рухсатнома расмийлаштирилади.

V. СУВДАН МАХСУС ФОЙДАЛАНИШ ЁКИ

СУВНИ МАХСУС ИСТЕЪМОЛ ҚИЛИШ УЧУН

РУХСАТНОМАНИ ҚАЙТА РАСМИЙЛАШТИРИШ

27. Сувдан фойдаланувчи ёки сув истеъмолчиси - юридик шахс қайта ташкил этилганда, унинг номи ёки жойлашган жойи (почта манзили) ўзгарганда, сув олиш манбаи ва мақсадлари, шунингдек сувдан фойдаланиш ёки сув истеъмолининг бошқа шартлари ўзгармаган тақдирда, сувдан фойдаланувчи ёки сув истеъмолчиси қайта рўйхатдан ўтгандан кейин етти иш куни мобайнида рухсатнома бериш органига, кўрсатиб ўтилган маълумотларни тасдиқлайдиган ҳужжатларни илова қилган ҳолда, сувдан махсус фойдаланиш ёки сувни махсус истеъмол қилиш учун рухсатномани қайта расмийлаштириш тўғрисида ариза бериши шарт.

28. Сувдан фойдаланувчи ёки сув истеъмолчисига берилган давлат рўйхатидан ўтказилгани тўғрисидаги гувоҳномада кўрсатилган сувдан фойдаланувчи ёки сув истеъмолчиси - жисмоний шахснинг фамилияси, исми, отасининг исми ёки фаолият кўрсатиш жойи ўзгарган тақдирда, сув манбаи ва мақсади, шунингдек сувдан фойдаланиш ёки сув истеъмолининг бошқа шартлари ўзгармаганда, сувдан фойдаланувчи ёки сув истеъмолчиси қайта рўйхатдан ўтгандан кейин етти иш куни мобайнида рухсатнома бериш органига, кўрсатиб ўтилган маълумотларни тасдиқлайдиган ҳужжатларни илова қилган ҳолда, сувдан махсус фойдаланиш ёки сувни махсус истеъмол қилиш учун рухсатномани қайта расмийлаштириш тўғрисида ариза бериши шарт.

29. Сувдан фойдаланувчилар ёки сув истеъмолчилари учун рухсатнома қайта расмийлаштирилгунга қадар рухсатномани қайта расмийлаштириш тўғрисида ариза берган сувдан фойдаланувчи ёки сув истеъмолчиси ёхуд унинг ҳуқуқий вориси (меросхўри), ариза қабул қилинган сана тўғрисида рухсатнома бериш органининг белгиси қўйилган ҳолда, рухсатномани қайта расмийлаштириш тўғрисида берилган ариза асосида унда кўрсатилган хатти-ҳаракатлар ва/ёки фаолиятни содир этади ёки амалга оширади.

30. Сувдан махсус фойдаланиш ёки сувни махсус истеъмол қилиш учун рухсатномани қайта расмийлаштириш тегишли ҳужжатлар илова қилинган ҳолда, рухсатнома бериш органи томонидан қайта расмийлаштириш тўғрисида ариза олинган кундан бошлаб беш иш кунидан ортиқ бўлмаган муддатда амалга оширилади.

VI. СУВДАН МАХСУС ФОЙДАЛАНИШ ЁКИ

СУВНИ МАХСУС ИСТЕЪМОЛ ҚИЛИШ УЧУН

РУХСАТНОМАНИ РЎЙХАТДАН ЎТКАЗИШ

31. Сувдан махсус фойдаланиш ёки сувни махсус истеъмол қилиш учун рухсатнома расмийлаштирилгандан кейин сувдан фойдаланиш ёки сув истеъмол қилиш учун берилган рухсатномалар реестрига (кейинги ўринларда реестр деб аталади) киритилади, унда қуйидагилар кўрсатилади:

юридик шахс - сувдан фойдаланувчи ёки сув истеъмолчисининг номи, жойлашган жойи (почта манзили) ва идоравий мансублиги, жисмоний шахс - сувдан фойдаланувчи ёки сув истеъмолчисининг фамилияси, исми, отасининг исми ва фаолият кўрсатиш жойи;

сувдан махсус фойдаланиш ёки сувни махсус истеъмол қилишнинг мақсади;

сувдан махсус фойдаланиш ёки сувни махсус истеъмол қилиш амалга ошириладиган сув олиш манбаларининг ва оқова сувларни қабул қилувчиларнинг номи;

сув олишнинг, айланма ва такроран фойдаланиладиган сувларнинг, оқова сувларни оқизиб юборишнинг чекланган ҳисобий ҳажми;

тозалаш иншоотларининг тури ва иш унуми;

рухсатноманинг тартиб рақами, муддати ва берилган санаси.

32. Рухсатноманинг амал қилиш муддати узайтирилган, қайта расмийлаштирилган тақдирда, реестрда махсус ёзув қайд этилади.

33. Реестр ҳисобга олувчи иш ҳужжати ҳисобланади ва унга тартиб рақами қўйилган, у ип ўтказиб тикилган ва рухсатнома бериш органининг муҳри билан тасдиқланган бўлиши керак.

VII. ЯКУНЛОВЧИ ҚОИДАЛАР

34. Сувдан махсус фойдаланиш ёки сувни махсус истеъмол қилишни тўхтатиш қонун ҳужжатларида белгиланган тартибда амалга оширилади.

35. Сувдан махсус фойдаланиш ёки сувни махсус истеъмол қилиш учун рухсатномаларни бериш жараёнида пайдо бўладиган низолар ва келишмовчиликлар қонун ҳужжатларида белгиланган тартибда ҳал этилади.

36. Ушбу Низом талабларининг бузилишида айбдор бўлганлар қонун ҳужжатларида белгиланган тартибда жавобгар бўладилар.

Низомга

1-ИЛОВА

Сувдан махсус фойдаланиш ёки сувни махсус

истеъмол қилиш учун рухсатномалар беришга

доир материалларни тайёрлаш ва рухсатнома

лойиҳасини келишиш

СХЕМАСИ

  

        

Низомга

2-ИЛОВА

СУВДАН МАХСУС ФОЙДАЛАНИШ ЁКИ СУВНИ

МАХСУС ИСТЕЪМОЛ ҚИЛИШ УЧУН РУХСАТНОМА

(саноат, коммунал, транспорт ва бошқа ноқишлоқ

хўжалиги мақсадлари учун сув объектларидан

фойдаланувчи жисмоний ҳамда юридик

шахслар учун)

        

      

1. Сувдан махсус фойдаланиш ёки сувни махсус истеъмол қилиш учун берилган ушбу рухсатнома (кейинги ўринларда рухсатнома деб аталади) белгиланган тартибда тегишли сув хўжалиги ташкилотининг сув олиш лимитини белгилаш ва унинг билан сувдан фойдаланиш ёки сув истеъмоли, шунингдек оқова сувларни оқизиб юбориш тўғрисида шартнома тузиш учун асос ҳисобланади.

2. Рухсатнома Сувдан махсус фойдаланиш ёки сувни махсус истеъмол қилиш учун рухсатнома бериш тартиби тўғрисидаги низомга 10 (юридик шахслар учун) ва 11 (жисмоний шахслар учун) - иловага мувофиқ тақдим этилган материаллар асосида берилган.

3. Сувдан фойдаланувчи ёки сув истеъмолчиси томонидан сув олиш манбаларининг номи ва усуллари:

         

       

4. Сувдан фойдаланувчининг ёки сув истеъмолчисининг тавсифи:

а) сувдан фойдаланиш ёки сув истеъмолининг мақсади (сув таъминоти ва унинг тури, оқова сувларни оқизиб юбориш, энергетика ва бошқалар)

б) сувдан фойдаланувчи ёки сув истеъмолчиси фаолиятининг ёхуд лойиҳаланаётган объектнинг асосий кўрсаткичлари (ишлаб чиқариш қуввати, суғориш майдони, аҳоли сони ва бошқалар)

в) оқова сувларни тозалаш усули, тозалаш иншоотларининг таркиби ва иш қуввати

5. Сувдан фойдаланувчи ёки сув истеъмолчиси томонидан олинадиган сувнинг манбалар бўйича ҳисобланган чекланган ҳажми:

      

         

6. Бошқа корхоналар ва ташкилотларга бериладиган, суғориладиган далага, фильтрация ва буғланишга, қазилган чуқурларга чиқариб юбориладиган сувнинг ҳажми ва тоифалари (бир йилда)/минг куб м, суткада/куб м)

          

7. Сувни қабул қилувчи объектнинг номи, тоифаси ва оқова сувнинг ҳисобланган чекланган ҳажми:

         

       

8. Оқова сувни оқизиб юборишнинг йўл қўйиладиган чекланган нормативларига мувофиқ (экологик экспертиза хулосасининг №___, санаси), сув объектига ёки жойнинг рельефига (рельефнинг пастлиги, жарлар, қумликлар, қуруқ сой ўзанлари, турли сув тўплагичлар ва шу кабиларга) ҳар қайси сув оқизиш бўйича оқизиб юбориладиган оқова сувлар миқдори, кўпи билан (йилига/минг куб м, суткада/куб м, соатда/куб м)

Чиқариладиган оқова сувлар тоифасининг № _____________________

Чиқариладиган оқова сувлар тоифасининг № _____________________

9. Оқова сувларнинг тасдиқланган, йўл қўйиладиган чекланган миқдори ва таркиби (қуйида кўрсатилмаган моддаларни оқизиш миқдори йўл қўйиладиган концентрациядан кам ёки унга тенг бўлиши керак)*:

         

        

*) Изоҳ: юқорида кўрсатилган ингредиентлар таркиби оқова сувларнинг ифлосланганлик хусусиятига кўра ўзгартирилиши ёки тўлдирилиши мумкин.

10. Назорат сув ўлчаш жойларидаги ҳамда ичимлик, хўжалик-маиший ва рекреацион сувдан фойдаланиш жойларидаги сув объектлари сувининг таркиби ва хоссаларига қўйиладиган талаблар:

11. Оқова сувлар сув объектларига оқизилганда:

оқова сув юзасида нефть маҳсулотлари, мойлар, ёғлар ва бошқа аралашмалар плёнкалари бўлмаслиги керак;

сувда ўзга ҳидлар ва ранглар бўлмаслиги керак;

сувнинг ҳарорати сув ҳавзасидаги табиий ҳароратга нисбатан 50 С дан ошмаслиги зарур;

(рН) реакцияси - 6,5 - 8,5 доирасида бўлиши керак;

коли индекс - 1000 куб дм. бўлиши зарур;

эриган кислород - кундузги соат 12 да олинган намунада 2 мг/куб. дм. дан паст бўлмаслиги зарур;

сув сарфлаш-ўлчаш аппаратларига қўйиладиган талаблар ______________;

сув ресурсларидан фойдаланганлик учун тўлов нормативи - _____________;

ифлослантирувчи моддалар оқизилганлиги учун тўлов нормативи - ______;

сувдан фойдаланиш ёки сув истеъмолининг бошқа шартлари - ___________.

             

Низомга

3-ИЛОВА

             

СУВДАН МАХСУС ФОЙДАЛАНИШ УЧУН

РУХСАТНОМА

(ирригация тизимлари ҳавза бошқармалари учун)

     

      

1. Сувдан махсус фойдаланиш учун берилган ушбу рухсатнома сув олиш лимитини белгилаш, белгиланган тартибда ҳавза бўйича сув ресурсларини бошқаришни, улардан мақсадли ва оқилона фойдаланишни, шунингдек уларни ҳисобга олишни ва улар бўйича ҳисоботларни ташкил этиш учун асос ҳисобланади.

2. Сувдан махсус фойдаланиш учун рухсатнома Сувдан махсус фойдаланиш ёки сувни махсус истеъмол қилиш учун рухсатнома бериш тартиби тўғрисидаги низомга 12-иловага мувофиқ тақдим этилган материаллар асосида берилган.

3. "_____________" ирригация тизимлари ҳавза бошқармаси (кейинги ўринларда ҳавза бошқармаси деб аталади) ушбу рухсатномага иловага мувофиқ ҳавзанинг сувдан фойдаланувчилари ва сув истеъмолчилари томонидан сув ресурсларини бошқаришни, улардан мақсадли ва оқилона фойдаланишни, шунингдек уларни ҳисобга олишни ва улар бўйича ҳисоботларни ташкил этади.

4. Ҳавза бошқармаси хизмат кўрсатадиган зонадаги суғориладиган майдонлар тузилмаси:

         

         

5. Ҳавза бошқармасининг сув олиш манбалари номи ва усуллари:

         

        

6. Балиқларни муҳофаза қилиш иншоотларининг мавжудлиги (балиқчилик хўжалиги сув ҳавзалари сувидан фойдаланилган тақдирда):

         

7. Сув олишнинг ва оқова сувларни оқизиб юборишнинг мақсади ва ҳисобланган ҳажми:

        

       

8. Манбалар бўйича ҳавза бошқармаси оладиган сувнинг чекланган ҳисобланган ҳажми:

      

          

9. Ҳавза бошқармасига сувдан фойдаланишга:

"Сув ва сувдан фойдаланиш тўғрисида"ги Ўзбекистон Республикаси Қонунига ва бошқа қонун ҳужжатларига мувофиқ сув олиш ва сув истеъмоли тартиби талаблари таъминланганда;

"Табиатни муҳофаза қилиш тўғрисида"ги Ўзбекистон Республикаси Қонунига ва бошқа қонун ҳужжатларига мувофиқ сув ва сув объектларини муҳофаза қилиш талаблари таъминланганда;

сув олиш тармоқлари сувни тартибга солиш ва ҳисобга олиш воситалари билан жиҳозланганда;

суғориш сувини сув лимитига мувофиқ етказиб бериш, ирригация тизимлари ён нишабликлари ва ўзанининг кўчишига ва ювилиб кетишига олиб келадиган сув объектларига ирригация тизимларидан сув ташламаларига йўл қўймаслик ва бошқалар орқали сув ресурсларини оқилона бошқариш ва улардан фойдаланиш таъминланганда рухсат этилади.

Магистрал каналлар (тизимлар)дан ҳамда ирригация тизимларидан оқова сувларни оқова сувлар ва коллектор-дренаж тармоғига ҳамда бошқа сув объектларига оқизиб юборишга иқтисодиёт тармоқларига жиддий иқтисодий ва ижтимоий зарар етказиши мумкин бўлган сел ва тошқин ҳодисалари ҳамда аварияларнинг салбий оқибатларини бартараф этиш ва камайтириш билан боғлиқ истисно ҳолатларда йўл қўйилади.

10. Сувдан фойдаланишнинг бошқа шартлари:

            

Рухсатномага

ИЛОВА

Сув ресурсларини бошқариш, улардан

мақсадли ва оқилона фойдаланиш, шунингдек

уларни ҳисобга олиш ва ҳисоботи ирригация тизимлари

ҳавза бошқармаси томонидан ташкил этиладиган

сувдан фойдаланувчилар ва сув истеъмолчилари

РЎЙХАТИ

          

Низомга

4-ИЛОВА

СУВДАН МАХСУС ФОЙДАЛАНИШ УЧУН

РУХСАТНОМА

(сув омборлари (гидроузеллар)дан фойдаланиш

бошқармалари учун)

    

      

1. Сувдан махсус фойдаланиш учун берилган ушбу рухсатнома белгиланган тартибда сув омбори (гидроузел) сув ресурсларини бошқаришни, улардан мақсадли ва оқилона фойдаланишни, шунингдек уларни ҳисобга олишни ва улар бўйича ҳисоботларни ташкил этиш учун асос ҳисобланади.

2. Сувдан махсус фойдаланиш учун рухсатнома Сувдан махсус фойдаланиш ёки сувни махсус истеъмол қилиш учун рухсатнома бериш тартиби тўғрисидаги низомга 13-иловага мувофиқ тақдим этилган материаллар асосида берилган.

3. "_________" сув омбори (гидроузели)дан фойдаланиш бошқармаси ушбу рухсатномага иловага мувофиқ ҳавзанинг сувдан фойдаланувчилар ва сув истеъмолчилари томонидан сув ресурсларини бошқаришни, улардан мақсадли ва оқилона фойдаланишни, шунингдек уларни ҳисобга олишни ва улар бўйича ҳисоботларни ташкил этади.

4. "_________" сув омбори (гидроузели)дан фойдаланиш бошқармаси хизмат кўрсатадиган зонадаги суғориладиган майдонлар тузилмаси:

            

    

    

6. "___________" сув омбори (гидроузели)дан фойдаланиш бошқармасининг сув олиш манбалари номи ва усуллари:

       

    

7. Балиқларни муҳофаза қилиш иншоотларининг мавжудлиги:

       

8. Сув олишнинг мақсади ва ҳисобланган ҳажми:

          

            

9. Манбалар бўйича "____________" сув омбори (гидроузели)дан фойдаланиш бошқармаси оладиган сувнинг чекланган ҳисобланган ҳажми:

          

         

10. "___________" сув омбори (гидроузел)дан фойдаланиш бошқармасига сувдан фойдаланишга:

"Сув ва сувдан фойдаланиш тўғрисида"ги Ўзбекистон Республикаси Қонунига ва бошқа қонун ҳужжатларига мувофиқ сув олиш ва сув истеъмоли тартиби талаблари таъминланганда;

"Табиатни муҳофаза қилиш тўғрисида"ги Ўзбекистон Республикаси Қонунига ва бошқа қонун ҳужжатларига мувофиқ сув ва сув объектларини муҳофаза қилиш талаблари таъминланганда;

сув олиш тармоқлари сувни тартибга солиш ва ҳисобга олиш воситалари билан жиҳозланганда;

суғориш сувини сувдан фойдаланиш режасига мувофиқ етказиб бериш, оқова сувларни ирригация тизимларидан сув объектларига оқизишнинг тошқинларга ҳамда нишабликлар ва ўзанларнинг ювилиб кетишига ва шу кабиларга сабаб бўлишига йўл қўймаслик йўли билан сув ресурсларини оқилона бошқариш ва улардан фойдаланиш таъминланганда рухсат этилади.

11. Сувдан фойдаланишнинг бошқа шартлари:

      

Рухсатномага

ИЛОВА

Сув ресурсларини бошқариш, улардан

мақсадли ва оқилона фойдаланиш, шунингдек

уларни ҳисобга олиш ва ҳисоботи "____________"

сув омбори (гидроузели)дан фойдаланиш бошқармаси

томонидан ташкил этиладиган сувдан фойдаланувчилар

ва сув истеъмолчилари

РЎЙХАТИ

        

Низомга

5-ИЛОВА

СУВДАН МАХСУС ФОЙДАЛАНИШ УЧУН

РУХСАТНОМА

(ирригация тизими бошқармалари учун)

      

1. Сувдан махсус фойдаланиш учун ушбу рухсатнома сув олиш лимитини белгилаш, сувдан фойдаланиш тўғрисида шартнома тузиш, сувдан фойдаланишни таъминлаш, белгиланган тартибда сувдан фойдаланувчилар ва сув истеъмолчилари билан шартнома асосида сув ресурсларидан фойдаланишнинг ҳисобини ҳамда ҳисоботини юритиш учун асос ҳисобланади.

2. Сувдан махсус фойдаланиш учун рухсатнома Сувдан махсус фойдаланиш ёки сувни махсус истеъмол қилиш учун рухсатнома бериш тартиби тўғрисидаги низомга 14-иловага мувофиқ тақдим этилган материаллар асосида берилган.

3. "______________" ирригация тизими бошқармаси (кейинги ўринларда бошқарма деб аталади) сув истеъмолчилари уюшмасига ҳамда иловага мувофиқ сувдан фойдаланувчилар ва сув истеъмолчиларига хизмат кўрсатади.

4. Бошқарма хизмат кўрсатадиган зонадаги суғориладиган майдонлар тузилмаси:

       

     

5. Бошқарманинг сув олиш манбалари номи ва усуллари:

      

           

6. Балиқчилик хўжаликлари сув ҳавзалари сувидан фойдаланилган тақдирда, балиқларни муҳофаза қилиш иншоотларининг мавжудлиги:

           

7. Бошқарма томонидан сув олиш ва оқова сувларни оқизиб юборишнинг мақсади ва ҳисобланган ҳажми:

          

      

8. Манбалар бўйича бошқарма оладиган сувнинг чекланган ҳисобланган ҳажми:

      

            

9. Бошқармага сувдан фойдаланишга:

"Сув ва сувдан фойдаланиш тўғрисида"ги Ўзбекистон Республикаси Қонунига ва бошқа қонун ҳужжатларига мувофиқ сув олиш ва сув истеъмоли тартиби талаблари таъминланганда;

"Табиатни муҳофаза қилиш тўғрисида"ги Ўзбекистон Республикаси Қонунига ва бошқа қонун ҳужжатларига мувофиқ сув ва сув объектларини муҳофаза қилиш талаблари таъминланганда;

сув олиш тармоқлари сувни тартибга солиш ва ҳисобга олиш воситалари билан жиҳозланганда;

суғориш сувини сувдан фойдаланиш режасига мувофиқ етказиб бериш, оқова сувларни ирригация тизимларидан сув объектларига оқизишнинг кўчкиларга ҳамда нишабликлар ҳамда ўзанларнинг ювилиб кетишига ва шу кабиларга сабаб бўлишига йўл қўймаган ҳолда сув ресурсларини оқилона бошқариш ва улардан фойдаланиш таъминланганда рухсат этилади.

Ирригация тизимидан оқова сувларни оқова ва коллектор-дренаж тармоғига ва бошқа сув объектларига оқизиб юборишга иқтисодиёт тармоқларига жиддий иқтисодий ва ижтимоий зарар етказиши мумкин бўлган сел ва тошқин ҳодисалари ҳамда аварияларнинг салбий оқибатларини бартараф этиш ва камайтириш билан боғлиқ истисно ҳолатларда йўл қўйилади.

10. Сувдан фойдаланишнинг бошқа шартлари:

        

Рухсатномага

ИЛОВА

"____________________" ирригация тизими

бошқармаси хизмат кўрсатадиган сув истеъмолчилари

уюшмалари ҳамда бошқа сувдан фойдаланувчилар

ва сув истеъмолчилари

РЎЙХАТИ

   

            

Низомга

6-ИЛОВА

СУВДАН МАХСУС ФОЙДАЛАНИШ УЧУН

РУХСАТНОМА

(насос станциялари, энергетика ва алоқа

бошқармалари, шунингдек насос станцияларининг

бошқа бошқармалари учун)

  

     

1. Сувдан махсус фойдаланиш учун ушбу рухсатнома сув олиш лимитини белгилаш, сувдан фойдаланиш тўғрисида шартнома тузиш, сувдан фойдаланишни таъминлаш, белгиланган тартибда сувдан фойдаланувчилар билан шартнома асосида сув ресурсларидан фойдаланишнинг ҳисобини ҳамда ҳисоботини юритиш учун асос ҳисобланади.

2. Сувдан махсус фойдаланиш учун рухсатнома Сувдан махсус фойдаланиш ёки сувни махсус истеъмол қилиш учун рухсатнома бериш тартиби тўғрисидаги низомга 15-иловага мувофиқ тақдим этилган материаллар асосида берилган.

3. "_________" ирригация тизимлари ҳавза бошқармаси ҳузуридаги насос станциялари, энергетика ва алоқа бошқармаси ёки "___________" насос станцияси бошқармаси (кейинги ўринларда бошқарма деб аталади) магистрал каналлар, ирригация тизимлари бошқармаларига, мелиоратив экспедицияга, сув истеъмолчилари уюшмасига ҳамда ушбу рухсатноманинг иловасига мувофиқ бошқа сув истеъмолчиларига хизмат кўрсатади.

4. Бошқарма сув оладиган манбаларнинг номи ва усуллари:

       

          

5. Балиқчилик хўжаликлари сув ҳавзалари сувидан фойдаланилган тақдирда балиқларни муҳофаза қилиш иншоотларининг мавжудлиги:

         

6. Бошқарма томонидан сув олиш ва оқова сувларни оқизиб юборишнинг мақсади ва ҳисобланган ҳажми:

         

             

7. Манбалар бўйича бошқарма оладиган сувнинг чекланган ҳисобланган ҳажми:

           

         

8. Бошқармага сувдан фойдаланишга:

"Сув ва сувдан фойдаланиш тўғрисида"ги Ўзбекистон Республикаси Қонунига ва бошқа қонун ҳужжатларига мувофиқ сув олиш ва сувдан фойдаланиш тартиби талаблари таъминланганда;

"Табиатни муҳофаза қилиш тўғрисида"ги Ўзбекистон Республикаси Қонунига ва бошқа қонун ҳужжатларига мувофиқ сув ва сув объектларини муҳофаза қилиш талаблари таъминланганда;

сув олиш тармоқлари сувни ҳисобга олиш воситалари билан жиҳозланганда;

сув ресурслари сувдан фойдаланиш режасига мувофиқ оқилона бошқарилганда, оқова сувларни сув объектларига оқизишда кўчкиларга ҳамда нишабликлар ва ўзанларнинг ювилиб кетишига ва шу кабиларга йўл қўйилмаганда.

Оқова сувларни оқова сувлар ва коллектор-дренаж тармоғига ва бошқа сув объектларига оқизиб юборишга иқтисодиёт тармоқларига жиддий иқтисодий ва ижтимоий зарар етказиши мумкин бўлган сел ва тошқин ҳодисалари ҳамда аварияларнинг салбий оқибатларини бартараф этиш ва камайтириш билан боғлиқ истисно ҳолатларда йўл қўйилади.

9. Сувдан фойдаланишнинг бошқа шартлари:

     

            

Рухсатномага

ИЛОВА

Насос станцияси, энергетика ва алоқа

бошқармаси томонидан хизмат кўрсатиладиган

сувдан фойдаланувчилар

РЎЙХАТИ

  

           

Низомга

7-ИЛОВА

   

    

СУВДАН МАХСУС ФОЙДАЛАНИШ УЧУН

РУХСАТНОМА

(мелиоратив экспедициялар учун)

      

             

      

1. Сувдан махсус фойдаланиш учун берилган ушбу рухсатнома суғориладиган ҳудудлардан коллектор-дренаж сувларини оқизиш, сувдан фойдаланиш ва сув истеъмолини режалаштириш, шунингдек уларни белгиланган тартибда ҳисобга олиш ва уларнинг ҳисоботини юритиш учун асос ҳисобланади.

2. Сувдан махсус фойдаланиш учун рухсатнома Сувдан махсус фойдаланиш ёки сувни махсус истеъмол қилиш учун рухсатнома бериш тартиби тўғрисидаги низомга 16-иловага мувофиқ тақдим этилган материаллар асосида берилган.

3. Мелиоратив экспедиция магистрал каналлар (тизимлар) бошқармаларига, ирригация тизимлари бошқармаларига, насос станциялари, энергетика ва алоқа бошқармаларига, сув истеъмолчилари уюшмаларига, иловага мувофиқ бошқа сувдан фойдаланувчилар ва сув истеъмолчиларига хизмат кўрсатади.

4. Мелиоратив экспедиция хизмат кўрсатадиган зонадаги суғориладиган майдонлар тузилмаси:

         

        

5. Мелиоратив тизимларнинг номи ва коллектор-дренаж сувларини олиш усуллари:

         

        

6. Коллектор-дренаж сувларини оқизиб юбориш ва сувини олишнинг мақсади ва ҳисобланган ҳажми:

       

          

7. Коллектор-дренаж сувларини оқизиб юборишнинг чекланган ҳисобланган ҳажми:

       

              

8. Мелиоратив экспедицияга сувдан фойдаланишга:

"Сув ва сувдан фойдаланиш тўғрисида"ги Ўзбекистон Республикаси Қонунига ва бошқа қонун ҳужжатларига мувофиқ сув олиш ва сув истеъмоли тартиби талаблари таъминланганда;

"Табиатни муҳофаза қилиш тўғрисида"ги Ўзбекистон Республикаси Қонунига ва бошқа қонун ҳужжатларига мувофиқ сув ва сув объектларини муҳофаза қилиш талаблари таъминланганда;

мелиоратив тизимларда коллектор-дренаж сувларини ҳисобга олиш ташкил этилганда;

сувдан фойдаланиш режасига мувофиқ коллектор-дренаж сувларини оқилона бошқариш ва улардан фойдаланишни назорат қилиш, коллектор-дренаж тизимларининг ён нишабликлари ва ўзанларининг кўчиши ҳамда ювилиб кетишига олиб келадиган суғориш далаларидан ва суғориш тармоғидан коллектор-дренаж тармоғига сув ташлаб юборишни камайтириш ва йўл қўймаслик чора-тадбирларини кўриш таъминланганда рухсат этилади.

9. Сувдан фойдаланишнинг бошқа шартлари:

        

Рухсатномага

ИЛОВА

Мелиоратив экспедиция томонидан хизмат

кўрсатиладиган магистрал каналлар (тизимлар),

ирригация тизимлари бошқармалари, насос станциялари,

энергетика ва алоқа бошқармалари, сув истеъмолчилари

уюшмалари, бошқа сувдан фойдаланувчилар

ва сув истеъмолчиларининг

РЎЙХАТИ

  

          

Низомга

8-ИЛОВА

    

    

СУВДАН МАХСУС ФОЙДАЛАНИШ УЧУН

РУХСАТНОМА

(сув истеъмолчилари уюшмалари учун)

       

        

1. Сувдан махсус фойдаланиш учун берилган ушбу рухсатнома сув олиш лимитини белгилаш, сувдан фойдаланиш тўғрисида шартнома тузиш, сувдан фойдаланишни таъминлаш, белгиланган тартибда сувдан фойдаланувчилар ва сув истеъмолчилари билан шартнома асосида сув ресурсларидан фойдаланишни ҳисобга олиш ва ҳисоботини юритиш учун асос ҳисобланади.

2. Сувдан махсус фойдаланиш учун рухсатнома Сувдан махсус фойдаланиш ёки сувни махсус истеъмол қилиш учун рухсатнома бериш тартиби тўғрисидаги низомга 17-иловага мувофиқ тақдим этилган материаллар асосида берилган.

3. Сув истеъмолчилари уюшмаси (кейинги ўринларда уюшма деб аталади) иловага мувофиқ фермер ва деҳқон хўжаликларига, фуқароларнинг ўзини ўзи бошқариш органларига, бошқа сув истеъмолчилари ва сувдан фойдаланувчиларга хизмат кўрсатади.

4. Уюшма хизмат кўрсатадиган зонадаги суғориладиган майдонлар тузилмаси:

       

        

5. Сув олишнинг асосий манбалари номи ва усуллари:

        

       

6. Балиқчилик хўжаликлари сув ҳавзалари сувидан фойдаланилган тақдирда, балиқларни муҳофаза қилиш иншоотларининг мавжудлиги:

           

7. Уюшма томонидан сув олишнинг ва оқова сувларни оқизиб юборишнинг мақсади ва ҳисобланган ҳажми:

           

            

8. Уюшма оладиган сувнинг чекланган ҳисобланган ҳажми:

           

           

9. Уюшмага сувдан фойдаланишга:

"Сув ва сувдан фойдаланиш тўғрисида"ги Ўзбекистон Республикаси Қонунига ва бошқа қонун ҳужжатларига мувофиқ сувдан фойдаланиш тартиби талаблари таъминланганда;

"Табиатни муҳофаза қилиш тўғрисида"ги Ўзбекистон Республикаси Қонунига ва бошқа қонун ҳужжатларига мувофиқ сув ва сув объектларини муҳофаза қилиш талаблари таъминланганда;

ички сув олиш тармоқлари сувни тартибга солиш ва ҳисобга олиш воситалари билан жиҳозланганда;

суғориш сувини сув лимитига мувофиқ етказиб бериш, суғориш тармоғининг ён нишабликлари ва ўзани ва бошқаларнинг кўчишига ва ювилиб кетишига олиб келадиган сув тармоғидан сув объектларига сув ташламаларига йўл қўймаслик орқали сув ресурсларини оқилона бошқариш ва улардан фойдаланиш таъминланганда рухсат этилади.

Суғориш тармоғидан оқова сувларни оқова сувлар ва коллектор-дренаж тармоғига, шунингдек бошқа сув объектларига оқизиб юборишга иқтисодиёт тармоқларига жиддий иқтисодий ва ижтимоий зарар етказиши мумкин бўлган сел ва тошқин ҳодисалари ҳамда аварияларнинг салбий оқибатларини бартараф этиш ва камайтириш билан боғлиқ истисно ҳолатларда йўл қўйилади.

      

10. Сувдан фойдаланишнинг бошқа шартлари:

  

     

Рухсатномага

ИЛОВА

Сув истеъмолчилари уюшмалари томонидан

хизмат кўрсатиладиган фермер хўжаликлари,

фуқароларнинг ўзини ўзи бошқариш органлари

ҳамда бошқа сув истеъмолчилари

РЎЙХАТИ

       

      

Низомга

9-ИЛОВА

    

   

СУВНИ МАХСУС ИСТЕЪМОЛ ҚИЛИШ УЧУН

РУХСАТНОМА

(сув истеъмолчилари уюшмалари томонидан хизмат

кўрсатиладиган фермер ва деҳқон хўжаликлари,

фуқароларнинг ўзини ўзи бошқариш органлари

ҳамда бошқа сув истеъмолчилари учун)

    

       

    

1. Сувни махсус истеъмол қилиш учун берилган ушбу рухсатнома тегишли сув истеъмолчилари уюшмалари билан сув объектларидан сув олишга ва сув истеъмолига белгиланган тартибда шартнома тузиш учун асос ҳисобланади.

2. Сувни махсус истеъмол қилиш учун рухсатнома Сувдан махсус фойдаланиш ёки сувни махсус истеъмол қилиш учун рухсатнома бериш тартиби тўғрисидаги низомга 18-иловага мувофиқ тақдим этилган материаллар асосида берилган.

3. Сув истеъмолчилари уюшмалари томонидан хизмат кўрсатиладиган фермер ёки деҳқон хўжалиги, фуқароларнинг ўзини ўзи бошқариш органи ҳамда бошқа сув истеъмолчиси суғориладиган майдонларининг тузилмаси:

       

4. Суғоришнинг асосий манбалари номи ва сув олиш усуллари:

       

          

5. Балиқчилик хўжалиги сув ҳавзалари сувидан фойдаланилган тақдирда, балиқларни муҳофаза қилиш иншоотларининг мавжудлиги:

        

6. Суғориш режими бўйича сув истеъмолининг мақсади ва ҳисобланган ҳажми:

         

          

7. Манбалар бўйича фермер ёки деҳқон хўжалиги, фуқароларнинг ўзини ўзи бошқариш органи ҳамда сув истеъмолчилари уюшмаси хизмат кўрсатадиган бошқа сув истеъмолчиси томонидан сув олишнинг норматив-ҳисобланган чекланган ҳажми:

           

           

8. Фермер ёки деҳқон хўжалигига, фуқароларнинг ўзини ўзи бошқариш органига ҳамда сув истеъмолчилари уюшмалари хизмат кўрсатадиган бошқа сув истеъмолчисига сув истеъмолига:

"Сув ва сувдан фойдаланиш тўғрисида"ги Ўзбекистон Республикаси Қонунига ҳамда бошқа қонун ҳужжатларига мувофиқ сув истеъмоли тартиби талаблари таъминланганда;

"Табиатни муҳофаза қилиш тўғрисида"ги Ўзбекистон Республикаси Қонунига ва бошқа қонун ҳужжатларига мувофиқ сув ва сув объектларини муҳофаза қилиш талаблари таъминланганда;

сув олиш тармоқлари сувни тартибга солиш ва ҳисобга олиш воситалари билан жиҳозланганда;

ортиқча сув сарфлаб суғоришларга ҳамда оқова сувларни суғориладиган далалардан ва суғориш тармоғидан сув объектларига оқизишнинг кўчкиларга ҳамда нишабликлар ва ўзанларнинг ювилиб кетишига ва шу кабиларга сабаб бўлишига йўл қўймаган ҳолда сув ресурсларидан мақсадли ва оқилона фойдаланиш таъминланганда рухсат этилади.

9. Сув истеъмолининг бошқа шартлари:

       

         

          

Рухсатномага

ИЛОВА

Сув омборларидан сув айириш ва коллектор-дренаж

сувларини оқизиб юбориш тармоқларининг рўйхати,

шунингдек уларнинг сувни бошқариш ва ҳисобга

олиш воситалари билан жиҳозланганлик ҳолати

         

         

Низомга

10-ИЛОВА

Саноат, коммунал, транспорт ва бошқа ноқишлоқ

хўжалиги мақсадларида сув объектларидан фойдаланувчи

юридик шахслар томонидан Сувдан махсус фойдаланиш

ёки сувни махсус истеъмол қилишга рухсатнома олиш

учун тақдим этиладиган материаллар

РЎЙХАТИ

1. Сувдан махсус фойдаланиш ёки сувни махсус истеъмол қилиш учун рухсатнома бериш тўғрисида фирма бланкидаги, корхонанинг барча реквизитлари кўрсатилган ариза.

3. Хўжалик фаолияти (ишлаб чиқаришнинг мақсади, қуввати, технологик цикл ва бошқалар), сувни муҳофаза қилишнинг ҳолати, сувни чиқариб ташлаш, тозалаш иншоотларининг таркиби ва иши, оқова сувларни қабул қилувчининг тавсифи, ишлайдиганлар ва бир йилдаги иш кунларининг сони, ободонлаштириш даражаси, аҳоли пунктидаги аҳоли сони (аҳоли пунктини сув билан таъминлашда), суғориладиган ерлар майдонлари, қишлоқ хўжалиги экинлари турлари ва бошқалар тўғрисидаги маълумотлар.

4. Сувдан махсус фойдаланишга ёки сув истеъмолига тааллуқли лойиҳа-смета ҳужжатларининг асосий қоидаларидан кўчирма.

5. Сувдан фойдаланиш ёки сув истеъмолининг мақсади тўғрисида батафсил ахборот.

6. Сувдан фойдаланувчи ёки сув истеъмолчиси, сув объектлари фаолият кўрсатиш, шу жумладан, сувдан фойдаланиш ёки сув истеъмоли манбалари (сув олиш ва оқова сувларни ташлаш нуқталари) ҳудудлари жойлашган жойи кўрсатилган картографик материаллар.

7. Фойдаланиладиган сув объектларининг, сув олиш иншоотларининг қуввати ва техника билан жиҳозланганлиги (насос агрегатлари ва ёрдамчи иншоотлар, суғориш қудуқлари ва вертикал дренаж қудуқлари, ичимлик ва техник мақсадларга мўлжалланган қудуқлар ва улардаги иншоотлар) ва сувни тозалаш ва тайёрлаш станциялари (ичимлик, техник, канализацияга оид), рўйхатга олинган сув айирмалари нуқталари кўрсатилган ҳолдаги рўйхати.

8. Сув айириш тармоқлари рўйхати ҳамда сувни бошқариш ва ҳисобга олиш воситалари билан жиҳозланганлиги ҳолати тўғрисидаги ахборот.

9. Манбалар (ер усти, ер ости, шаҳар сув қувурлари, шаҳар канализацияси, жойнинг рельефи ва бошқалар) бўйича сувдан фойдаланиш ёки сув истеъмол, оқова сувларни оқизиб юборишнинг лойиҳадаги ёки норматив-ҳисобланган режаси.

10. Сув объектлари ёки жой рельефига оқова сувлар ташланадиган манба ва ташлама сув ресурсларининг миқдори ва сифати тўғрисидаги маълумотлар.

11. Тозалаш иншоотлари иши устидан лаборатория назоратини ҳамда оқова сувлар билан бирга оқизиб ташланадиган ифлослантирувчи моддаларни ҳисобга олишнинг ташкил этилганлиги тўғрисидаги маълумот.

12. Ерлар кадастри тўғрисидаги маълумотлар.

13. Сувни муҳофаза қилиш зоналари ва қирғоқлар ёнидаги полосалар, шунингдек санитария муҳофазаси зоналари тўғрисидаги маълумотлар, уларни ташкил этиш ва улардан фойдаланиш шартлари бўйича аниқ тадбирлар.

14. Балиқларни муҳофаза қилиш иншоотларининг мавжудлиги ва уларнинг конструкциялари тўғрисидаги маълумотлар (балиқчилик хўжалиги сув ҳавзаларида).

15. Сувларни муҳофаза қилиш ва улардан оқилона фойдаланиш бўйича мўлжалланган тадбирлар тўғрисидаги маълумот.

16. Сув таъминоти ҳамда оқова ва жала сувларини канализациялаш схемаси.

17. Давлат экологик экспертизаси органларининг экологик оқибатлар тўғрисидаги аризага (ЭОА) хулосаси, оқова сувлар сув объектлари ёки жой рельефига чиқариб ташланадиган бўлса, ифлослантирувчи моддаларнинг йўл қўйилиши мумкин бўлган чегаравий ташламалар (ЙҚЧТ)нинг экологик меъёрлари лойиҳаси.

Изоҳ: ваколатли органлар сувдан махсус фойдаланиш ёки сувни махсус истеъмол қилишга рухсатнома бериш учун бошқа ваколатли органларда мавжуд бўлган зарур ҳужжатлар ва ахборотларни белгиланган тартибда ўзаро ахборот ҳамкорлиги йўли билан, шу жумладан электрон тарзда мустақил равишда олади, ушбу иловада назарда тутилган ҳужжатлар ва ахборотлар бундан мустасно.

Низомга

11-ИЛОВА

Саноат, коммунал, транспорт ва бошқа ноқишлоқ

хўжалиги мақсадларида сув объектларидан фойдаланувчи

жисмоний шахслар томонидан Сувдан махсус фойдаланиш

ёки сувни махсус истеъмол қилишга рухсатнома олиш

учун тақдим этиладиган материаллар

РЎЙХАТИ

1. Сувдан махсус фойдаланиш ёки сувни махсус истеъмол қилиш учун рухсатнома бериш тўғрисида ариза.

3. Хўжалик фаолияти (ишлаб чиқаришнинг мақсади, қуввати, технологик цикл ва бошқалар), сувни муҳофаза қилишнинг ҳолати, сувни чиқариб ташлаш, тозалаш иншоотларининг таркиби ва иши, оқова сувларни қабул қилувчининг тавсифи, ишлайдиганлар ва бир йилдаги иш кунларининг сони, ободонлаштириш даражаси, аҳоли пунктидаги аҳоли сони (аҳоли пунктини сув билан таъминлашда), суғориладиган ерлар майдонлари, қишлоқ хўжалиги экинлари турлари ва бошқалар тўғрисидаги маълумотлар.

4. Сувдан махсус фойдаланишга ёки сув истеъмолига тааллуқли лойиҳа-смета ҳужжатларининг асосий қоидаларидан кўчирма.

5. Сувдан фойдаланиш ёки сув истеъмолининг мақсади тўғрисида батафсил ахборот.

6. Сувдан фойдаланувчи ёки сув истеъмолчиси фаолият кўрсатадиган участкасининг жойлашган жойи, сув объектлари, шу жумладан, сувдан фойдаланиш ёки сув истеъмоли учун фойдаланиладиган манбалар (сув олиш ва оқова сувларни ташлаш тармоқлари) кўрсатилган схема.

7. Фойдаланиладиган сув объектларининг, сув олиш иншоотларининг қуввати ва техника билан жиҳозланганлиги (насос агрегатлари ва ёрдамчи иншоотлар, суғориш қудуқлари ва вертикал дренаж қудуқлари, ичимлик ва техник мақсадларга мўлжалланган қудуқлар ва улардаги иншоотлар) ва сувни тозалаш ва тайёрлаш станциялари (ичимлик, техник, канализацияга оид), рўйхатга олинган сув айирмалари нуқталари кўрсатилган ҳолдаги рўйхати.

8. Сув айириш тармоқлари рўйхати ҳамда сувни бошқариш ва ҳисобга олиш воситалари билан жиҳозланганлиги ҳолати тўғрисидаги ахборот.

9. Манбалар (ер усти, ер ости, шаҳар сув қувурлари, шаҳар канализацияси, жойнинг рельефи ва бошқалар) бўйича сувдан фойдаланиш ёки сув истеъмоли, оқова сувларни оқизиб юборишнинг лойиҳадаги ёки норматив-ҳисобланган режаси.

10. Сув объектлари ёки жой рельефига оқова сувлар ташланадиган манба ва ташлама сув ресурсларининг миқдори ва сифати тўғрисидаги маълумотлар.

11. Тозалаш иншоотлари иши устидан лаборатория назоратини ҳамда оқова сувлар билан бирга оқизиб юбориладиган ифлослантирувчи моддаларни ҳисобга олишни ташкил этиш тўғрисидаги ахборот.

12. Ерлар кадастри тўғрисидаги маълумотлар.

13. Сувни муҳофаза қилиш зоналари ва қирғоқлар ёнидаги полосалар, шунингдек санитария муҳофазаси зоналари тўғрисидаги маълумотлар, уларни ташкил этиш ва улардан фойдаланиш шартлари бўйича аниқ тадбирлар.

14. Балиқларни муҳофаза қилиш иншоотларининг мавжудлиги ва уларнинг тузилиши тўғрисидаги маълумотлар (балиқчилик хўжалиги сув ҳавзаларида).

15. Сувларни муҳофаза қилиш ва улардан оқилона фойдаланиш бўйича мўлжалланган тадбирлар.

16. Оқова ва жала сувлари билан таъминлаш ва улар учун канализация қуриш схемаси.

17. Давлат экологик экспертизаси органларининг экологик оқибатлар тўғрисидаги аризага (ЭОА) хулосаси, оқова сувлар сув объектлари ёки жой рельефига чиқариб ташланадиган бўлса, ифлослантирувчи моддаларнинг йўл қўйилиши мумкин бўлган чегаравий ташламалар (ЙҚЧТ)нинг экологик меъёрлари лойиҳаси.

Низомга

12-ИЛОВА

Сувдан махсус фойдаланишга рухсатнома олиш

учун ирригация тизимлари ҳавза бошқармалари

томонидан тақдим этиладиган материаллар

РЎЙХАТИ

1. Ҳавза бошқармасининг сувдан махсус фойдаланиш учун рухсатнома бериш тўғрисида фирма бланкидаги, корхонанинг барча реквизитлари кўрсатилган аризаси.

2. Магистрал каналлар (тизимлар) бошқармалари, ирригация тизимлари бошқармалари рўйхати. Сув хўжалиги объектларининг асосий тавсифлари (узунлиги, энг кўп сув сарфи, сув тақсимлаш иншоотларининг сони ва номи, фильтрланишга қарши тадбирлар, фойдали иш коэффициенти). Гидротехника иншоотларининг техник жиҳозланганлиги ва лойиҳадаги қуввати.

3. Ҳавза бошқармаси ва ирригация тизимлари бошқармалари томонидан хизмат кўрсатиладиган суғориладиган ерларнинг масштабли (1:50000) харитаси, унда сув объектлари (дарёлар, сойлар, ирригация ва коллектор-дренаж тизимлари, насос станциялари, суғориш қудуқлари ва вертикал дренаж қудуқлари, улардаги асосий иншоотлар), рўйхатдан ўтказилган сув тақсимлаш тармоқлари ва бошқалар кўрсатилади.

4. Ҳавза бошқармаси ва ирригация тизимлари бошқармалари томонидан хизмат кўрсатиладиган суғориладиган ерларнинг мелиоратив харитаси ҳамда мелиоратив ҳолати тўғрисидаги маълумотлар.

5. Ҳавза бошқармаси хизмат кўрсатадиган суғориладиган майдонда жойлаштириладиган қишлоқ хўжалиги экинларининг асосий турлари.

6. Ҳавза бошқармаси хизмат кўрсатадиган зоналарининг гидромодул райони ва қишлоқ хўжалиги экинларини суғориш режими тўғрисидаги ахборот.

7. Ирригация тизимлари ва суғориш тармоғининг фойдали иш коэффициентини ҳисобга олган ҳолда манбалар бўйича сувдан фойдаланишнинг ҳисобланган режаси ва сув олишнинг чекланган ҳажми.

8. Ҳавза бошқармаси фойдаланадиган коллектор-дренаж тармоғи сувларининг сарфи ва сифати тўғрисидаги маълумотлар.

9. Ирригация тизимлари ва суғориш тармоғининг фойдали иш коэффициентини ошириш, сув ресурсларидан оқилона фойдаланиш ва уларни ҳисобга олиш, шунингдек уларнинг сифатини яхшилаш тадбирлари режаси.

Низомга

13-ИЛОВА

Сувдан махсус фойдаланишга рухсатнома олиш

учун сув омборлари (гидроузеллар)дан фойдаланиш

бошқармалари томонидан тақдим этиладиган материаллар

РЎЙХАТИ

1. "________________" сув омбори (гидроузели)дан фойдаланиш бошқармасининг сувдан махсус фойдаланиш учун рухсатнома бериш тўғрисида фирма бланкидаги, корхонанинг барча реквизитлари кўрсатилган аризаси.

2. Магистрал каналлар (тизимлар) бошқармалари, ирригация тизимлари бошқармаларининг рўйхати. Сув хўжалиги объектларининг асосий тавсифлари (узунлиги, сув сарфлашнинг энг кўп миқдори, сув айиргичларнинг сони ва номи, фильтрланишга қарши тадбирлар, фойдали иш коэффициенти). Гидротехника иншоотларининг техника билан жиҳозланганлиги ва лойиҳадаги қуввати.

3. "____________" сув омбори (гидроузели)дан фойдаланиш бошқармаси томонидан хизмат кўрсатиладиган суғориладиган ерларнинг масштабли (1:50000) харитаси, унда сув объектлари (дарёлар, сойлар, ирригация ва коллектор-дренаж тизимлари, насос станциялари, улардаги асосий иншоотлар), сув олишларнинг рўйхатдан ўтказилган тармоқлари ва бошқалар кўрсатилади.

4. "____________" сув омбори (гидроузели)дан фойдаланиш бошқармаси хизмат кўрсатадиган суғориладиган майдонда жойлаштириладиган қишлоқ хўжалиги экинларининг турлари тўғрисидаги ахборот.

5. "____________" сув омбори (гидроузели)дан фойдаланиш бошқармаси хизмат кўрсатадиган қишлоқ хўжалиги экинлари зоналарининг гидромодул райони ва суғориш режимлари тўғрисидаги ахборот.

6. Ирригация тизимлари ва суғориш тармоғининг фойдали иш коэффициентини ҳисобга олган ҳолда, манбалар бўйича сувдан фойдаланишнинг ҳисобланган режаси ва сув олишнинг чекланган ҳажми.

7. Сув ресурсларидан оқилона фойдаланиш ва уларни ҳисобга олиш, шунингдек уларнинг сифатини яхшилаш тадбирлари режаси.

Низомга

14-ИЛОВА

Сувдан махсус фойдаланишга рухсатнома олиш

учун ирригация тизими бошқармалари томонидан

тақдим этиладиган материаллар

РЎЙХАТИ

1. Ирригация тизими бошқармасининг сувдан махсус фойдаланиш учун рухсатнома бериш тўғрисида фирма бланкидаги, корхонанинг барча реквизитлари кўрсатилган аризаси.

2. Корхона балансида бўлган сув хўжалиги объектларининг рўйхати, уларнинг техник тавсифлари (узунлиги, сув ўтказиш қуввати, гидротехника иншоотларининг, шу жумладан, сув айиргичларнинг сони ва номи, фильтрланишга қарши тадбирлар, каналлар ва ирригация тизимининг фойдали иш коэффициенти ва бошқалар).

3. Хизмат кўрсатиладиган сув истеъмолчилари уюшмаларининг, иловага мувофиқ бошқа сувдан фойдаланувчилар ва сув истеъмолчиларининг рўйхати.

4. Бошқарма томонидан хизмат кўрсатиладиган суғориладиган ерларнинг масштабли (1:25000 ёки 1:50000) харитаси, унда хизмат кўрсатиладиган сув истеъмолчилари уюшмаларининг, бошқа сувдан фойдаланувчилар ва сув истеъмолчиларининг сув объектларининг (ирригация ва коллектор-дренаж тизимлари, насос агрегатлари, суғориш қудуқлари ҳамда вертикал дренаж қудуқлари ва улардаги асосий иншоотларнинг), сув айиргичларнинг рўйхатдан ўтказилган тармоқларининг чегаралари ва бошқалар кўрсатилади.

5. Бошқарма томонидан хизмат кўрсатиладиган суғориладиган ерларнинг мелиоратив харитаси ҳамда мелиоратив ҳолати тўғрисидаги маълумотлар.

6. Бошқарма хизмат кўрсатадиган суғориладиган майдонда жойлаштириладиган қишлоқ хўжалиги экинларининг асосий турлари тўғрисидаги ахборот.

7. Бошқарма хизмат кўрсатадиган қишлоқ хўжалиги экинлари зоналарининг гидромодул районлари ва суғориш режимлари тўғрисидаги ахборот.

8. Сув объектининг фойдали иш коэффициентини ҳисобга олган ҳолда манбалар бўйича сувдан фойдаланишнинг ҳисобланган режаси ва сув олишнинг чекланган ҳажми.

9. Бошқарма фойдаланадиган коллектор-дренаж тармоғи сувларининг сарфланиши ва сифати тўғрисидаги маълумотлар.

10. Ирригация тизими ва хўжалик суғориш тармоғининг фойдали иш коэффициентини ошириш, дренаж сувларини оқизиб юборишни камайтириш ва уларнинг сифатини яхшилаш тадбирлари режаси.

Низомга

15-ИЛОВА

Сувдан махсус фойдаланишга рухсатнома

олиш учун насос станциялари бошқармалари

томонидан тақдим этиладиган материаллар

РЎЙХАТИ

1. "_________________" насос станциялари бошқармасининг сувдан махсус фойдаланиш учун рухсатнома бериш тўғрисида фирма бланкидаги, корхонанинг барча реквизитлари кўрсатилган аризаси.

2. "__________________" насос станциялари бошқармаси балансидаги насос станциялари ва суғориш қудуқлари рўйхати, сув олиш манбалари ва жойи, асосий параметрлари, сувни ҳисобга олиш воситалари билан жиҳозланганлик, хизмат кўрсатиладиган суғориладиган майдон, шунингдек хизмат кўрсатиладиган зонадаги сувдан фойдаланувчилар ва сув истеъмолчилари рўйхати.

3. "_______________" насос станциялари бошқармаси балансидаги мелиоратив насос станциялари ва вертикал дренаж қудуқлари рўйхати, сув олиш манбаи ва сув қабул қилувчининг номи, сув олиш жойлари, асосий параметрлари, сувни ҳисобга олиш воситалари билан жиҳозланганлик, хизмат кўрсатиладиган суғориладиган (мелиорацияланадиган) майдон, шунингдек хизмат кўрсатиладиган зонадаги сувдан фойдаланувчилар ва сув истеъмолчилари рўйхати.

4. Ушбу рухсатноманинг иловасига мувофиқ хизмат кўрсатиладиган магистрал каналлар (тизимлар) бошқармалари, ирригация тизимлари бошқармалари, сув омборлари бошқармалари, мелиоратив экспедиция, унинг мелиоратив тизимлари, районлари, сув истеъмолчилари уюшмалари, бошқа сувдан фойдаланувчилар ва сув истеъмолчилари рўйхати.

5. "__________________" насос станциялари бошқармаси томонидан хизмат кўрсатиладиган вилоят суғориладиган ерларининг масштабли (1:25000 ёки 1:50000) харитаси, унда ирригация тизими бошқармалари, сув истеъмолчилари уюшмалари, бошқа сувдан фойдаланувчилар ва сув истеъмолчилари чегаралари, сув объектлари (ирригация ва коллектор-дренаж тизимлари, насос станциялари, суғориш қудуқлари ҳамда вертикал дренаж қудуқлари ва улардаги асосий иншоотлар), сув айиргичларнинг рўйхатдан ўтказилган тармоқлари ва бошқалар кўрсатилади.

6. Манбалар бўйича сувдан фойдаланувчиларнинг ҳисоб-китоб режаси ва сув олишнинг чекланган ҳажми.

7. Бошқарма фойдаланадиган коллектор-дренаж тармоғи сувларининг сарфланиши ва сифати тўғрисидаги маълумотлар.

8. Сув ресурсларини ҳисобга олишни ташкил этиш тадбирлари режаси.

Низомга

16-ИЛОВА

Сувдан махсус фойдаланишга рухсатнома олиш

учун мелиоратив экспедициялар томонидан

тақдим этиладиган материаллар

РЎЙХАТИ

1. Мелиоратив экспедициянинг сувдан махсус фойдаланишга рухсатнома бериш тўғрисида фирма бланкидаги, корхонанинг барча реквизитлари кўрсатилган аризаси.

2. Мелиоратив экспедиция балансидаги мелиоратив тизимларнинг ва асосий коллекторларнинг, гидротехника иншоотларининг, шу жумладан, гидропостлар, мелиоратив тармоқ, сув қабул қилувчиларнинг рўйхати, уларнинг техник тавсифлари (номи, узунлиги, сув ўтказиш қуввати, ўртача кўп йиллик коллектор-дренаж оқимлари, коллектор-дренаж сувларининг сифати ва бошқалар).

3. Иловага мувофиқ мелиоратив экспедиция томонидан хизмат кўрсатиладиган магистрал каналлар (тизимлар) бошқармалари, ирригация тизимлари, насос станциялари, энергетика ва алоқа бошқармалари, сув истеъмолчилари уюшмалари, бошқа сувдан фойдаланувчилар ва сув истеъмолчиларининг рўйхати.

4. Мелиоратив экспедиция томонидан хизмат кўрсатиладиган суғориладиган ерларнинг масштабли (1:25000 ёки 1:50000) харитаси, унда мелиоратив тизимлар ва районлар, бошқа сувдан фойдаланувчилар ва сув истеъмолчилари чегаралари, сув объектлари (ирригация ва мелиоратив тизим, коллектор-дренаж сувларини қабул қилувчилар, мелиоратив тизимларда ўрнатилган насос станциялари, вертикал дренаж қудуқлари, улардаги асосий иншоотлар), сув айиргичларнинг рўйхатдан ўтказилган сув оқизиш тармоқлари ва бошқалар кўрсатилади.

5. Мелиоратив экспедиция томонидан хизмат кўрсатиладиган суғориладиган ерларнинг мелиоратив харитаси, мелиоратив ҳолати тўғрисидаги маълумотлар.

6. Мелиоратив экспедиция томонидан хизмат кўрсатиладиган суғориладиган майдонда жойлаштириладиган қишлоқ хўжалиги экинларининг асосий турлари тўғрисидаги ахборот.

7. Сувдан фойдаланишнинг ҳисоб-китоб режаси ва сув олишнинг ҳамда мелиоратив тизимлардан коллектор-дренаж сувларини оқизиб юборишнинг чекланган ҳажми.

8. Коллектор-дренаж тармоғи сувининг сарфланиши ва сифати тўғрисидаги маълумотлар.

9. Мелиоратив тизимнинг ишончлилигини ошириш тадбирлари, ерларнинг мелиоратив ҳолати мониторинги, коллектор-дренаж сувларини оқизиб юбориш ҳисобини юритиш, унинг сифатини яхшилаш ва миқдорини камайтириш режаси.

Низомга

17-ИЛОВА

Сувдан махсус фойдаланишга рухсатнома

олиш учун сув истеъмолчилари уюшмалари

томонидан тақдим этиладиган материаллар

РЎЙХАТИ

1. Сув истеъмолчилари уюшмасининг (кейинги ўринларда уюшма деб аталади) сувдан махсус фойдаланиш учун рухсатнома бериш тўғрисида фирма бланкидаги, унинг барча реквизитлари кўрсатилган аризаси.

2. Уюшманинг вилоят адлия бошқармасида рўйхатдан ўтказилган устави нусхаси.

Уюшма балансидаги объектларнинг рўйхати, номи ва тавсифлари (узунлиги, сув сарфлашнинг энг кўп миқдори, сув айиргичларнинг сони ва номи, қопламаларнинг мавжудлиги, фойдали иш коэффициенти). Гидротехника иншоотларининг техника билан жиҳозланганлиги ва лойиҳадаги қуввати.

3. Хизмат кўрсатиладиган сув истеъмолчилари ва сувдан фойдаланувчиларнинг рўйхати, унда уларнинг ер майдонлари ва суғориладиган ерларининг мелиоратив ҳолати тавсифи, шунингдек бошқа маълумотлар кўрсатилади.

4. Уюшма томонидан хизмат кўрсатиладиган суғориладиган ерларнинг масштабли (1:10000) харитаси, унда фермер хўжаликлари ва бошқа сув истеъмолчилари суғориладиган ерларининг чегаралари, уларнинг суғориладиган участкалари контурлари, фойдаланиладиган сув объектлари (суғориш ва коллектор-дренаж тармоқлари, насос агрегатлари, суғориш қудуқлари ва вертикал дренаж қудуқлари ва улардаги асосий иншоотлар), рўйхатдан ўтказилган сув тақсимлаш тармоқлари ва бошқалар кўрсатилади.

5. Уюшма томонидан хизмат кўрсатиладиган суғориладиган ерларнинг мелиоратив харитаси ҳамда уларнинг мелиоратив ҳолати тўғрисидаги маълумотлар.

6. Уюшма хизмат кўрсатадиган суғориладиган майдонда жойлаштириладиган қишлоқ хўжалиги экинларининг асосий турлари тўғрисидаги ахборот.

7. Уюшма хизмат кўрсатадиган зоналарининг гидромодул райони ва қишлоқ хўжалиги экинлари суғориш режимлари тўғрисидаги ахборот.

8. Суғориш тармоғининг фойдали иш коэффициентини ҳисобга олган ҳолда манбалар бўйича уюшма томонидан сувдан фойдаланишнинг ҳисобланган режаси ва сув олишнинг чекланган ҳажми.

9. Уюшма фойдаланадиган коллектор-дренаж тармоғи сувларининг сарфи ва сифати тўғрисидаги маълумотлар.

10. Суғориш тармоғи фойдали иш коэффициентини ошириш, уларнинг техник ҳолатини, сув ресурсларини ҳисобга олишни яхшилаш ва улардан оқилона фойдаланиш, дренаж сувларини оқизиб юборишни қисқартириш ва уларнинг сифатини яхшилаш тадбирлари режаси.

Низомга

18-ИЛОВА

Сувни махсус истеъмол қилишга рухсатнома

олиш учун сув истеъмолчилари уюшмалари хизмат

кўрсатадиган фермер ёки деҳқон хўжаликлари,

фуқароларнинг ўзини ўзи бошқариш органлари

ва бошқа сув истеъмолчилари томонидан

тақдим этиладиган материаллар

РЎЙХАТИ

1. Сув истеъмолчилари уюшмаси томонидан хизмат кўрсатиладиган фермер ёки деҳқон хўжалиги, фуқароларнинг ўзини ўзи бошқариш органи ҳамда бошқа сув истеъмолчисининг махсус сув истеъмолига рухсатнома бериш тўғрисидаги аризаси фирма бланкида, уларнинг барча реквизитлари кўрсатилган ҳолда расмийлаштирилади.

3. Сув истеъмолчилари уюшмаси томонидан хизмат кўрсатиладиган фермер ёки деҳқон хўжалиги, фуқароларнинг ўзини ўзи бошқариш органи ҳамда бошқа сув истеъмолчиси ер участкасининг туман ер ресурслари бўлими томонидан ишлаб чиқилган масштабли (1:10000) харитаси, унда қуйидагилар кўрсатилади:

унинг суғориладиган участкалари контурлари, уларнинг майдонлари ва балл бонитети;

фойдаланиладиган сув объектлари (суғориш ва коллектор-дренаж тармоқлари, насос агрегатлари, суғориш қудуқлари, вертикал дренаж қудуқлари ва улардаги иншоотлар), рухсат этилган сув тақсимлаш тармоқлари ва бошқалар кўрсатилади.

4. Сув олиш иншоотларининг ва коллектор-дренаж сувларини оқизиб юбориш иншоотларининг рўйхати, шунингдек уларнинг сувни бошқариш ва ҳисобга олиш воситалари билан жиҳозланганлик ҳолати.

5. Сув истеъмолчилари уюшмаси томонидан хизмат кўрсатиладиган фермер ёки деҳқон хўжалиги, фуқароларнинг ўзини ўзи бошқариш органи ҳамда бошқа сув истеъмолчисининг суғориладиган ер участкасида жойлаштириладиган қишлоқ хўжалиги экинларининг турлари тўғрисидаги ахборот. Охирги уч йилда қишлоқ хўжалиги экинларининг амалда жойлаштирилиши тўғрисидаги маълумотлар (статистика органлари маълумотлари бўйича).

6. Мелиоратив картограмма ва мелиоратив экспедиция маълумотлари бўйича фермер ёки деҳқон хўжалиги суғориладиган майдонининг мелиоратив ҳолати тўғрисидаги маълумотлар.

7. Сув истеъмолчилари уюшмаси томонидан хизмат кўрсатиладиган фермер ёки деҳқон хўжалиги, фуқароларнинг ўзини ўзи бошқариш органи ҳамда бошқа сув истеъмолчиси суғориладиган участкасининг гидромодул райони ва қишлоқ хўжалиги экинларини суғориш режими тўғрисидаги ахборот.

8. Сув истеъмолининг ҳисобланган режаси ва суғориш тармоғининг фойдали иш коэффициентини ҳисобга олган ҳолда манбалар бўйича сув олишнинг чекланган ҳажми (ҳажм-нетто, ҳажм-брутто).

Мелиоратив экспедиция маълумотлари бўйича коллектор-дренаж сувларининг норматив-ҳисобланган ҳажми.

9. Мелиоратив экспедиция маълумотлари бўйича фермер хўжалиги томонидан фойдаланиладиган коллектор-дренаж сувининг сифати ва ифлосланганлиги тўғрисидаги маълумотлар.

10. Суғориш тармоғининг фойдали иш коэффициентини ошириш, унинг техник ҳолатини яхшилаш, сув ресурсларини ҳисобга олиш ва улардан оқилона фойдаланиш, дренаж сувларини қисқартириш ва уларнинг сифатини яхшилаш ва бошқалар бўйича мўлжалланган тадбирлар тўғрисидаги ахборот.

Изоҳ: ваколатли органлар сувдан махсус фойдаланиш ёки сувни махсус истеъмол қилишга рухсатнома бериш учун бошқа ваколатли органларда мавжуд бўлган зарур ҳужжатлар ва ахборотларни белгиланган тартибда ўзаро ахборот ҳамкорлиги йўли билан, шу жумладан электрон тарзда мустақил равишда олади, ушбу иловада назарда тутилган ҳужжатлар ва ахборотлар бундан мустасно.

"Ўзбекистон Республикаси қонун ҳужжатлари тўплами",

2013 йил 24 июнь, 25-сон, 325-модда

"Ўзбекистон Республикаси Ҳукуматининг қарорлари тўплами",

2013 йил, 6-сон, 40-модда