ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Соғлиқни сақлаш. Жисмоний тарбия ва спорт. Туризм / Жисмоний тарбия ва спорт / Умумий қоидалар /

Ўзбекистон Республикаси Президентининг 03.07.2013 й. ПҚ-1994-сон "Ўзбекистон Республикаси Миллий олимпия қўмитаси ҳузурида Республика спорт тиббиёти илмий-амалий марказини ташкил этиш тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

03.07.2013 й.

N ПҚ-1994



ЎЗБЕКИСТОН РЕСПУБЛИКАСИ

МИЛЛИЙ ОЛИМПИЯ ҚЎМИТАСИ

ҲУЗУРИДА РЕСПУБЛИКА СПОРТ

ТИББИЁТИ ИЛМИЙ-АМАЛИЙ

МАРКАЗИНИ ТАШКИЛ

ЭТИШ ТЎҒРИСИДА


[Кўчирма]


Ўзбекистон Республикаси Президентининг 2013 йил 25 февралдаги "Ўзбекистон спортчиларининг 2016 йилда Рио-де-Жанейро шаҳрида (Бразилия) бўлиб ўтадиган ХХХI ёзги Олимпиада ва XV Паралимпиада ўйинларида иштирок этишга тайёргарлиги тўғрисида"ги ПҚ-1923-сон қарорига мувофиқ ва республикада спорт тиббиётини янада ривожлантириш учун зарур шарт-шароит яратиш ҳамда унинг илғор ютуқларини мамлакат терма жамоалари спортчи-аъзоларининг Олимпия, Осиё ўйинларига, жаҳон ва Осиё чемпионатларига, бошқа халқаро мусобақаларга комплекс жисмоний ва психологик тайёргарлик кўриш жараёнига кенг жорий этиш мақсадида:


1. Ўзбекистон Миллий олимпия қўмитасининг, Ўзбекистон Республикаси Соғлиқни сақлаш вазирлиги ҳамда Маданият ва спорт ишлари вазирлигининг Ўзбекистон Миллий олимпия қўмитаси ҳузурида Республика спорт тиббиёти илмий-амалий марказини (кейинги ўринларда Спорт тиббиёти маркази деб юритилади) ташкил этиш тўғрисидаги таклифи қабул қилинсин.

Белгилансинки, Спорт тиббиёти маркази спортчиларнинг - мамлакат терма жамоалари аъзоларини мусобақаларга тиббий-биологик ва тиббий-психологик тайёргарлигини таъминловчи бош тиббиёт муассасаси ҳисобланади.

2. Қуйидагилар Спорт тиббиёти марказининг асосий вазифалари ва фаолияти йўналишлари этиб белгилансин:

спорт тиббиёти соҳасида илмий тадқиқотлар олиб бориш, спорт турининг хусусиятини, йўл қўйиладиган жисмоний юкламани, спорт патологиясини даволаш ва олдини олишнинг илғор услубларини, мусобақаларга тайёргарлик кўришда спортчиларнинг тиббий назоратини ҳисобга олган ҳолда спортчиларнинг функционал аҳволини диагностика ва коррекция қилиш стандартларини ишлаб чиқиш ва жорий этиш;

иқтидорли ёш ва истиқболли спортчиларни, уларнинг индивидуал генетик ва фенотипик имкониятларини ҳисобга олган ҳолда танлашнинг замонавий тиббий-биологик услубларини ишлаб чиқиш ва жорий этиш;

спортчиларни спорт турлари бўйича тайёрлашнинг якка тартибдаги дастурларини ишлаб чиққан ҳолда мусобақаларга тайёрлашнинг турли даврларида дори воситаларининг, овқатланиш тартиби ва рационининг спортчиларнинг физиологик ҳолатига таъсирини тадқиқ қилиш;

мусобақа ва машғулотларни режалаштиришни ҳисобга олган ҳолда спортчининг индивидуал спорт жисмоний юкламасини текшириш ва мақбуллаштириш;

спортчи организмининг жисмоний тайёргарлиги ўсишига ва масъулиятли халқаро мусобақаларга энг юқори функционал тайёргарлигини таъминлашга қаратилган улар саломатлиги даражасининг муттасил ўсишини назорат ва коррекция қилиш;

спортчиларнинг халқаро мусобақаларда қатнашишга психологик тайёргарлигини, шунингдек зарур психологик коррекцияни ўтказишни таъминлаш;

спортчиларда спорт жароҳатлари, патологиялари ва синдромларини, шу жумладан, республиканинг бошқа ихтисослаштирилган тиббиёт муассасалари даволаш-диагностика базаларидан фойдаланган ҳолда, олдини олиш, диагностика қилиш ва даволаш;

мамлакатда спорт тиббиёти ва антидопинг назорат соҳасидаги илғор методика ва технологияларни алмашиш ва жорий қилиш учун бу соҳадаги етакчи хорижий муассасалар билан халқаро ҳамкорликни мустаҳкамлаш ва кенгайтириш;

спорт федерациялари, клублари ва жамоалари тиббий ходимларининг малакасини оширишга кўмаклашиш, уларга илмий-ташкилий, маслаҳат-диагностика, даволаш-профилактика ва реабилитация ишлари масаласида услубий ёрдам кўрсатиш.


3. Қуйидагилар:

Ўзбекистон Миллий олимпия қўмитаси ҳузурида Республика спорт тиббиёти илмий-амалий марказининг бошқарув ходимлари чекланган сони 19 нафар бўлган тузилмаси 1-иловага мувофиқ;

Ўзбекистон Миллий олимпия қўмитаси ҳузурида Республика спорт тиббиёти илмий-амалий марказининг фаолиятини ташкил этиш Комиссияси таркиби 2-иловага мувофиқ тасдиқлансин.


4. Республика спорт тиббиёти илмий-амалий марказининг фаолиятини ташкил этиш Комиссияси (А.И. Икрамов) бир ойлик муддатда:

Ўзбекистон Миллий олимпия қўмитаси ҳузуридаги Республика спорт тиббиёти илмий-амалий маркази тўғрисидаги низомни;

Спорт тиббиёти маркази фаолиятини ташкил этиш бўйича, шу жумладан, юқори малакали мутахассислар билан таъминлаш ва энг замонавий тиббий ва лаборатория ускуналари билан жиҳозлаш, спортчиларнинг улар томонидан хизмат кўрсатиладиган контингентини аниқлаш бўйича чора-тадбирлар комплексини ишлаб чиқсин ва Ўзбекистон Республикаси Вазирлар Маҳкамаси тасдиғига киритсин.

5. Ўзбекистон Миллий олимпия қўмитаси, Ўзбекистон Республикаси Соғлиқни сақлаш вазирлиги, Маданият ва спорт ишлари вазирлигининг Ўзбекистон Миллий олимпия қўмитаси ижро этувчи аппарати ва Спорт тиббиёти марказини жойлаштириш учун янги бино қурилиши тўғрисидаги таклифи қабул қилинсин.


6. Ўзбекистон Республикаси Давлат архитектура ва қурилиш қўмитаси:

Ўзбекистон Миллий олимпия қўмитаси билан биргаликда тўрт ойлик муддатда бино қурилиши учун лойиҳа-смета ҳужжатларининг ишлаб чиқилишини таъминласин;

бино қурилиши учун лойиҳа-смета ҳужжатларининг экспертизадан ўтказилишини таъминласин ва қурилиш-монтаж ишлари сифатига риоя қилиниши устидан давлат архитектура-қурилиш назоратини ўрнатсин.


7. Ўзбекистон Миллий олимпия қўмитаси, Маданият ва спорт ишлари вазирлиги Ўзбекистон Республикаси Молия вазирлиги, Соғлиқни сақлаш вазирлиги билан биргаликда икки ҳафталик муддатда янги бино қурилишини молиялаштириш ва Спорт тиббиёти марказини сақлаш манбалари юзасидан таклифларни Вазирлар Маҳкамасига киритсин.


8. Тошкент шаҳар ҳокимияти икки ойлик муддатда бино қурилиши учун зарур бўлган ер майдонини белгиланган тартибда ажратсин.


9. Янги бино қурилиши учун республикага олиб келинадиган, республикада ишлаб чиқарилмайдиган қурилиш материаллари ва конструкциялари, шунингдек Спорт тиббиёти марказининг моддий-техник базасини шакллантириш ва мустаҳкамлаш учун тиббиёт анжомлари ва жиҳозлари, эҳтиёт қисмлар ва унинг учун сарфланадиган материаллар, Вазирлар Маҳкамаси томонидан тасдиқланадиган рўйхатлар бўйича 2016 йил 1 январгача бўлган муддатда божхона тўловларидан (божхона расмийлаштируви йиғимларидан ташқари) озод қилинсин.


10. Мазкур қарорнинг ижросини назорат қилиш Ўзбекистон Республикасининг Бош вазири Ш.М. Мирзиёев зиммасига юклансин.



Ўзбекистон Республикаси Президенти                                         И. Каримов






Ўзбекистон Республикаси

Президентининг

2013 йил 3 июлдаги

ПҚ-1994-сонли қарорига

1-ИЛОВА



Ўзбекистон Миллий олимпия қўмитаси

ҳузуридаги Республика спорт тиббиёти

илмий-амалий марказининг

ТУЗИЛМАСИ









Директор













































































Директорнинг илмий ишлар бўйича ўринбосари



Директорнинг даволаш ишлари бўйича ўринбосари


Спорт психологияси бўлими

3


































Спорт фармацияси

2


Спорт тиббиёти бўлими



Регистратура































Молия-бухгалтерия хизмати

2


Фармакология ва диетология бўлими



Мутахассислар хоналари (спорт тиббиёти ва ЛФК шифокори, травматолог, невропатолог, отоларинголог, гинеколог, уролог, кардиолог, эндокринолог, офтальмолог, стоматолог)
















Кадрлар бўйича мутахассис

1












Янги технологияларни ишлаб чиқиш ва жорий этиш бўлими














Юрисконсульт

1

































Тиббий, психолог-педагогик коррекция бўлими


























































Функционал диагностика бўлими (ЭКГ, ВКГ, СГ, ХМ)










































































Нур диагностикаси бўлими (УЗД, МРТ)


























































Лаборатория диагностикаси бўлими (клиник-биохимик, иммунофермент, спорт генетикаси, спорт физиологияси)

























































          

Маъмурий-бошқарув ходимларининг чекланган сони - 19 нафар.

Тиббиёт ва хизмат кўрсатувчи ходимлар сони хизмат кўрсатиладиган кишилар сони ва ўрнатилган нормативларга мувофиқ белгиланади.






Ўзбекистон Республикаси

Президентининг

2013 йил 3 июлдаги

ПҚ-1994-сонли қарорига

2-ИЛОВА



Ўзбекистон Миллий олимпия қўмитаси

ҳузурида Республика спорт тиббиёти илмий-амалий

марказининг фаолиятини ташкил этиш Комиссияси

ТАРКИБИ


А.И. Икрамов

-

Ўзбекистон Республикаси Бош вазири ўринбосари, комиссия раиси


Б.И. Закиров

-

Ўзбекистон Республикаси Бош вазирининг ўринбосари, Давлат архитектура ва қурилиш қўмитаси раиси, комиссия раисининг ўринбосари


С.А. Арабов

-

Ер ресурслари, геодезия, картография ва давлат кадастри давлат қўмитаси раиси


М.З. Усманов

-

Ўзбекистон Миллий олимпия қўмитаси президенти


А.А. Худаяров

-

соғлиқни сақлаш вазирининг биринчи ўринбосари


Ж.А. Акрамов

-

маданият ва спорт ишлари вазирининг биринчи ўринбосари


С.Х. Гафаров

-

Ўзбекистон Республикасининг хусусийлаштириш, монополиядан чиқариш ва рақобатни ривожлантириш давлат қўмитаси раисининг биринчи ўринбосари


Д. Р. Турдиев

-

иқтисодиёт вазири ўринбосари


Д.А. Қўчқоров

-

молия вазири ўринбосари


К. Тоғаев

-

адлия вазири ўринбосари


Б.С. Раҳмонов

-

Тошкент шаҳар хокимининг биринчи ўринбосари


Д.Б. Шагазатов

-

Вазирлар Маҳкамасининг Таълим, соғлиқни сақлаш ва ижтимоий муҳофаза масалалари АТД бош мутахассиси, комиссия котиби


"Ўзбекистон Республикаси қонун ҳужжатлари тўплами",

2013 йил 29 июль, 30-сон, 383-модда
































Время: 0.1526
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск