Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Хўжалик ва тадбиркорлик фаолиятининг умумий масалалари / Ўз кучини йўқотган ҳужжатлар / Инвестициялар /

Ўзбекистон Республикаси Вазирлар Маҳкамасининг 17.10.2002 й. 359-сон "Хонжиза полиметалл конини очиш тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

17.10.2002 й.

N 359



ХОНЖИЗА ПОЛИМЕТАЛЛ КОНИНИ

ОЧИШ ТЎҒРИСИДА


Ўзбекистон Республикасида рангли металлар ишлаб чиқаришни кўпайтириш ва геология-разведка ишлари самарадорлигини тўғридан-тўғри хорижий инвестицияларни жалб этиш йўли билан ошириш мақсадида Вазирлар Маҳкамаси ҚАРОР ҚИЛАДИ:


1. "Оксус Ресорсис Корпорейшн" (Буюк Британия) компаниясига 1-иловага* мувофиқ Хонжиза полиметалл конини (Сурхондарё вилояти) очишга эксклюзив ҳуқуқлар берилсин.


2. Ўзбекистон Республикаси Давлат геология ва минерал ресурслар қўмитаси Хонжиза полиметалл конини техник-иқтисодий асослашни тайёрлаш учун "Оксус Ресорсис Корпорейшн" компанияси билан битимни имзолашга вакил қилинсин.


3. Қуйидагалар:

"Оксус Ресорсис Корпорейшн" компанияси Давлат геология қўмитаси билан биргаликда мазкур қарор қабул қилинган пайтдан бошлаб 24 ой мобайнида лойиханинг техник-иқтисодий асосланишини ишлаб чиқишни тугаллаши;

"Оксус Ресорсис Корпорейшн" компаниясига лойиҳанинг техник-иқтисодий асосланиши ишлаб чиқилиши ва экспертиза ўтказилиши даврида геология-разведка ишларини амалга ошириш учун эксклюзив ҳуқуқ берилиши;

лойиҳанинг ишлаб чиқилган техник-иқтисодий асосланиши натижалари бўйича "Оксус Ресорсис Корпорейшн" компанияси Хонжиза конини ишга туширишда ҳамкорликнинг аниқ шаклини (концессия шартномаси ёхуд маҳсулотни бўлиш тўғрисидаги битим) аниқлаш бўйича музокаралар олиб боришда, шунингдек лойиҳани амалга оширишнинг молиявий ва бошқа шартлари бўйича эксклюзив ҳуқуқларга эга бўлиши;

"Оксус Ресорсис Корпорейшн" компаниясига 1-иловада кўрсатилган худудда фойдали қазилмаларни ишлаш учун иқтисодий самарали конлар аниқланмаган тақдирда геология-разведка ишларини давом эттириш учун ер остининг янги участкаларини олишда устунлик ҳуқуқи берилиши;

"Оксус Ресорсис Корпорейшн" компанияси геологик ўрганишнинг тўлиқлиги, ер остидан оқилона фойдаланиш ва уни сақлашни таъминлаш бўйича ўз зиммасига мажбуриятлар олиши маълумот учун қабул қилинсин.


4. "Оксус Ресорсис Корпорейшн" компанияси ва унинг "Оксус Сервисес лимитед" шўъба компанияси техник-иқтисодий асослашни ишлаб чиқиш даврида геология-разведка ишларини амалга ошириш учун мўлжалланган 2-иловага мувофиқ технология ускуналари ва моддий-техника ресурсларини импорт қилишда божхона тўловларидан (божхона расмийлаштируви йиғимларидан ташқари) озод қилинсин.


5. Ўзбекистон Республикаси Ташқи ишлар вазирлиги мазкур лойихани амалга оширишда қатнашувчи хорижий мутахассисларни белгиланган тартибда кириш визалари билан таъминласин.


6. Ўзбекистон Республикаси Ички ишлар вазирлиги, "Оксус Ресорсис Корпорейшн" ва "Оксус Сервисес лимитед" компанияларининг буюртманомалари бўйича, лойихани амалга оширишда қатнашувчи хорижий мутахассисларга бир йиллик кўп марталик визалар берилиши ва уларнинг мудадти узайтирилишини, шунингдек улар вақтинча - рўйхатдан ўтказилишини ва вақтинча рўйхатдан ўтказиш муддати узайтирилишини, уларни давлат божлари тўлашдан озод эттан холда, таъминласин.


7. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари К.Н. Тўлаганов зиммасига юклансин.



Вазирлар Маҳкамасининг Раиси                                              И. Каримов



*) Иловалар рус тилидаги матнда берилган.



"Ўзбекистон Республикаси қонун ҳужжатлари тўплами" 2002 й. 20-сон












































Время: 0.1951
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск