ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Транспорт / Йўловчиларга хизмат кўрсатиш. Автовокзаллар. Автомобиллар тўхташ жойлари. Аэровокзаллар. Темирйўл станциялари /

Автомототранспорт воситаларини доимий ва вақтинча сақлаш жойларини ташкил этиш ва улардан фойдаланиш тартиби тўғрисида Низом (ЎзР ВМ 31.07.2013 й. 213-сон қарорига илова)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

Вазирлар Маҳкамасининг

2013 йил 31 июлдаги

213-сон қарорига

ИЛОВА



Автомототранспорт воситаларини доимий

ва вақтинча сақлаш жойларини ташкил этиш

ва улардан фойдаланиш тартиби тўғрисида

НИЗОМ


I. УМУМИЙ ҚОИДАЛАР


1. Ушбу Низом юридик шахслар томонидан автомототранспорт воситаларини сақлаш хизматлари кўрсатиш соҳасидаги фаолиятни амалга ошириш тартибини белгилайди.


2. Автомототранспорт воситаларини сақлаш хизматлари деганда, ушбу Низомда автомототранспорт воситаларини сақлаш жойларини автомототранспорт воситаларининг аниқ эгаларига (уларнинг вакилларига) бириктирган ёки бириктирмаган ҳолда автомототранспорт воситаларини доимий ва вақтинча сақлаш бўйича пуллик асосда кўрсатиладиган хизматлар тушунилади.


3. Ушбу Низом:

фуқароларнинг автомототранспорт воситаларини сақлаш учун автомототранспорт воситалари эгалари томонидан Ўзбекистон Республикасининг Ер кодексида белгиланган тартибда олинган улар яшайдиган жойлар яқинидаги ер участкаларида уларнинг маблағлари ҳисобига қурилган якка тартибдаги гаражларга - иншоотларга;

ташкилотларга берилган, автомототранспорт воситалари сақланганлиги учун тўлов ундирилмайдиган ер участкаларида жойлашган автомототранспорт воситаларини сақлаш жойларига;

қонун ҳужжатлари бузилганлиги учун ушланган автомототранспорт воситаларининг тўхташ жойларига татбиқ этилмайди.


4. Ушбу Низомда қуйидаги асосий тушунчалардан фойдаланилади:


автомобиллар тўхташ жойи - автомототранспорт воситаларини доимий ва вақтинча сақлаш учун мўлжалланган бино, иншоот (бино, иншоотнинг бир қисми) ёки махсус очиқ майдон;


ёпиқ турдаги автомобиллар тўхташ жойи - ташқи девор билан тўсилган ер устидаги автомобиллар тўхташ жойи, шунингдек ер остидаги ҳамда атрофи ўралган - ярми ер остида, ярми ер устида жойлашган автомобиллар тўхташ жойи;


очиқ турдаги автомобиллар тўхташ жойи - ташқи девор билан тўсилмаган ер устидаги автомобиллар тўхташ жойи, шунингдек очиқ иншоот, ҳеч бўлмаганда, икки қарама-қарши томоннинг анча жойи очиқ бўлган иншоот.



II. АВТОМОТОТРАНСПОРТ ВОСИТАЛАРИНИ САҚЛАШ

ХИЗМАТЛАРИ КЎРСАТИШ БЎЙИЧА ФАОЛИЯТНИ

ТАШКИЛ ЭТИШ ВА АМАЛГА ОШИРИШ


5. Автомототранспорт воситаларини сақлаш хизматлари автомобиллар тўхташ жойларида фақат юридик шахслар томонидан кўрсатилади.


6. Автомототранспорт воситаларини доимий ва вақтинча сақлаш жойларини ташкил этиш учун ер участкалари Ўзбекистон Республикасининг Ер кодексида белгиланган тартибда ажратилади.

9. Автомототранспорт воситаларини доимий ёки вақтинча сақлаш хизматлари кўрсатиш учун ер участкаларини ижарага (субижарага) беришга йўл қўйилмайди.


10. Автомототранспорт воситаларини доимий ва вақтинча сақлаш жойлари қуйидаги талабларга жавоб бериши керак:

қаттиқ қоплама, ёритиш, ахлатни тўплаш учун контейнерлар, ёнғинга қарши воситалар, қаттиқ шатаклар ва шатакка олувчи тросслар мавжудлиги;

йўл ҳаракати хавфсизлиги талабларини таъминлайдиган ҳудудга кириш ва ундан чиқиш учун махсус ажратилган жойларнинг мавжудлиги;

ҳудуд тўсилган бўлиши ёхуд кириш (чиқиш) учун махсус ажратилган жойни айланиб ўтиб ҳудудга эркин кириш (ундан чиқиш) имконини бермайдиган бошқа тўсиқларга эга бўлиши;

автомототранспорт воситаларининг эркин кириши (чиқиши)ни истисно этувчи шлагбаум (ёки бошқа қурилма) мавжудлиги;

агар бир неча қаторларда автомототранспорт воситаларини доимий ва вақтинча сақлаш имконияти мавжуд бўлса, ҳудуд ичида автомототранспорт воситаларининг ҳаракатланиши учун ажратилган полосалар мавжудлиги;

кириш (чиқиш) учун ажратилган жойда назоратчи-кассирнинг хонаси (будкаси) бўлиши керак, унинг ташқи томонига кўринарли жойда автомототранспорт воситаларини сақлаш хизматлари кўрсатиш тарифлари ва шартлари йирик ҳарфларда ёзилган (ҳарфларнинг йириклиги камида 3 см бўлган) ёзув жойлаштирилади;

автомототранспорт воситаларини жойлаштириш тегишли схемасининг мавжудлиги;

автомототранспорт воситаларини сақлаш хизматлари кўрсатувчи юридик шахс, иш режими, телефон рақами кўрсатилган "Пулли автомобиллар тўхташ жойи" лавҳаси мавжудлиги;

ногиронлиги бўлган шахсларнинг автомототранспорт воситалари учун махсус жиҳозланган камида иккита жой мавжудлиги.

11. Автомобиль тўхташ жойлари ҳудудларида қуйидагилар тақиқланади:

автомобиль тўхташ жойларини қуриш бўйича лойиҳада назарда тутилмаган вақтинчалик ва капитал иншоотларни барпо этиш ва ўрнатиш;

автомототранспорт воситасини таъмирлаш, ювиш, унга ёнилғи-мойлаш материаллари қуйиш, бунинг учун махсус ажратилган жойдан ташқари;

двигатель ва агрегатлар учун очиқ ҳолдаги оловдан фойдаланиш;

автомототранспорт воситасини соатига 5 км дан ортиқ тезликда бошқариш;

тамаки чекиш, спиртли ичимликлар ичиш;

ёнилғи-мойлаш материалларини сақлаш учун жойлар барпо этиш;

автомототранспорт воситаларини чорпояларга, тагликларга ва шу кабиларга қўйиш.


12. Мижоз учун қулай бўлган кириб келиш жойида қуйидагилар осиб қўйилиши керак:

автомототранспорт воситаларини сақлаш қоидалари;

ёнғин хавфсизлиги талаблари;

автомототранспорт воситаларини қабул қилиб олиш ва сақлаш учун масъул шахсларнинг вазифалари;

кўрсатиладиган хизматлар учун амалдаги тарифлар;

юридик шахснинг давлат рўйхатидан ўтказилгани тўғрисидаги гувоҳноманинг нусхаси.


13. Автомототранспорт воситасини доимий сақлаш учун расмийлаштириш ёзма шартнома тузиш йўли билан амалга оширилади, унда бириктирилган жой кўрсатилади.


14. Автомототранспорт воситасини автомобиль тўхташ жойига қабул қилиб олиш ва уни автомобиль тўхташ жойидан чиқариб кетиш фақат навбатчи ходим иштирокида амалга оширилади.


15. Автомототранспорт воситаларини сақлаш хизматлари кўрсатувчи юридик шахслар фискал хотирага эга бўлган назорат-касса машинасига, қонун ҳужжатларида назарда тутилган ҳолларда эса онлайн назорат-касса машиналари ёки виртуал кассага ва пластик карточкалардан тўловларни қабул қилиш бўйича ҳисоб-китоб терминалига эга бўлишлари керак.

16. Автомототранспорт воситаларини сақлаш бўйича кўрсатилган хизматлар учун тўлов автомототранспорт воситаларини сақлаш бўйича хизматлар кўрсатувчи юридик шахслар томонидан белгиланадиган тарифлар, лекин халқ депутатлари тегишли туман (шаҳар) Кенгаши томонидан хизматларнинг ушбу тури учун белгиланган тўловнинг чекланган миқдоридан юқори бўлмаган тарифлар бўйича амалга оширилади.


17. Автомототранспорт воситаларини вақтинча сақлаш бўйича кўрсатилган хизматлар учун ҳисоб-китоб автомототранспорт воситасининг автомобиль тўхташ жойи ҳудудига кириб келган вақти кўрсатилган талон асосида, фискал хотирали назорат-касса машинаси ёки пластик карточкалардан тўловларни қабул қилиш бўйича ҳисоб-китоб терминали чекини берган ҳолда ҳудуддан чиқиб кетишда амалга оширилади.

Автомототранспорт воситаларини доимий сақлаш учун тўлов ушбу Низомнинг 13-банди талабларига риоя этган ҳолда тузилган ёзма шартномалар асосида амалга оширилади.


18. Автомототранспорт воситаларини сақлаш бўйича кўрсатилган хизматлар учун тўлов нақд ҳисоб-китоб қилиш йўли билан ҳам, пластик карточкалардан фойдаланган ҳолда ҳам амалга оширилади. Автомототранспорт воситаларини сақлаш бўйича нақд ҳисоб-китоб қилиш йўли билан хизматлар кўрсатишдан тушум қонунчиликда белгиланган тартибда инкассация қилинади (банкларга топширилади).

19. Ёқилғи ёки мой, суюқ ва суюлтирилган газ сизиб турган, шунингдек салони ёки багажнигида тез ёнувчи, портлаш хавфи бўлган, радиоактив ёки заҳарли моддалар бўлган, йўл-транспорт ҳодисаси натижасида техник жиҳатдан шикастланган автомототранспорт воситалари доимий ва вақтинча сақлашга Ўзбекистон Республикаси Ички ишлар вазирлигининг Давлат йўл ҳаракати хавфсизлиги хизмати органларининг тегишли маълумотномасисиз қабул қилинмайди.

Энг юқори вазни 3,5 тоннадан ортиқни ташкил қиладиган ва ҳайдовчининг ўриндиғидан ташқари, ўтириш жойлари сони саккизтадан ортиқ бўлган автомототранспорт воситалари ҳам доимий ва вақтинча сақлаш учун автомобиль тўхташ жойларида сақлашга қабул қилинмайди, ушбу автомототранспорт воситалари учун назарда тутилган махсус автомобиль тўхташ жойлари бундан мустасно.



III. АВТОМОТОТРАНСПОРТ ВОСИТАЛАРИНИ УЙ-ЖОЙ

МАВЗЕЛАРИДА ДОИМИЙ САҚЛАШ БЎЙИЧА ХИЗМАТЛАР

КЎРСАТИШНИ ТАШКИЛ ЭТИШ ХУСУСИЯТЛАРИ


20. Уйлар ёнидаги ҳудудда, ушбу ҳудудларнинг ободонлаштириш элементлари билан таъминланганлик норматив талабларига риоя этилганда, шунингдек уй-жойларнинг деразаларидан норматив бўйича узоқликка қатъий риоя қилинганда автомототранспорт воситаларини доимий сақлаш учун ёпиқ турдаги ва очиқ турдаги автомобиль тўхташ жойларини жойлаштиришга рухсат этилади.


21. Автомототранспорт воситалари эгаларининг якка тартибдаги гаражлари бузиб ташланган тақдирда, уларга автомобиль воситаларини доимий сақлаш бўйича уй-жой мавзеларидаги бузиб ташланган якка тартибдаги гаражлар ўрнида ташкил этиладиган автомобиль тўхташ жойида доимий равишда бепул биркитилган жой берилади.

Автомототранспорт воситаларининг эгаларига доимий биркитилган вақтинча сақлаш жойларида автомототранспорт воситаси эгасининг уй манзили ва автомототранспорт воситасининг давлат тартиб рақами ёзилган табличка ўрнатилган бўлиши керак.


22. Турар жой мавзеларидаги автомототранспорт воситаларини доимий сақлаш жойларидаги бўш ётган ёхуд вақтинчалик фойдаланилмаётган (банд бўлмаган) жойларда, ушбу жойлар биркитилган автомототранспорт воситалари эгалари билан келишган ҳолда, фискал хотирали назорат-касса машинасидан ва пластик карточкалардан тўловларни қабул қилиш бўйича ҳисоб-китоб терминалидан мажбурий равишда фойдаланилган тақдирда, автомототранспорт воситаларини вақтинча сақлаш бўйича хизматлар кўрсатишга йўл қўйилади.



IV. АВТОМОТОТРАНСПОРТ ВОСИТАЛАРИНИ

САҚЛАШ ХИЗМАТЛАРИ КЎРСАТУВЧИ ЮРИДИК

ШАХСЛАРГА СОЛИҚ СОЛИШ ХУСУСИЯТЛАРИ


23. Автомототранспорт воситаларини сақлаш бўйича хизматлар кўрсатувчи юридик шахслар автомототранспорт воситаларини вақтинча сақлаш (автотранспорт воситаларининг деҳқон (озиқ-овқат) бозорларининг автомобиллар тўхташ жойида вақтинча тўхтаб туриши бундан мустасно) бўйича пулли хизматлар кўрсатиш ҳуқуқи учун Ўзбекистон Республикаси Солиқ кодексида белгиланган тартибда аниқ белгилаб қўйилган солиқ ва йиғим тўлайдилар.

24. Ушбу Низом 23-бандининг амал қилиши Ўзбекистон Республикаси Солиқ кодексида белгиланган тартибда ягона солиқ тўлови ёхуд умумий белгиланган солиқлар тўлайдиган автомототранспорт воситаларини доимий сақлаш бўйича хизматлар кўрсатувчи юридик шахсларга татбиқ этилмайди.


25. Автомототранспорт воситаларини вақтинча сақлаш бўйича хизматлар кўрсатиш ҳуқуқи учун йиғим миқдори халқ депутатлари тегишли туман (шаҳар) Кенгаши томонидан белгиланади ва у чекланган ставкалардан ортиқ бўлиши ва қонун ҳужжатларида белгиланган миқдорлардан паст бўлиши мумкин эмас.


26. Автомототранспорт воситаларини вақтинча сақлаш бўйича фаолият билан бирга фаолиятнинг бошқа турларини амалга оширувчи юридик шахслар фаолиятнинг ушбу турлари бўйича алоҳида ҳисоб юритишлари ҳамда тегишли солиқлар тўлаши ва Ўзбекистон Республикаси Солиқ кодексида белгиланган тартибда бошқа мажбурий тўловларни тўлаши шарт.



V. АВТОМОБИЛЬ ТЎХТАШ ЖОЙЛАРИДАГИ

ХАВФСИЗЛИК ТАЛАБЛАРИ


27. Навбатчи ходим ишга қабул қилинаётганда автомототранспорт воситаларини сақлаш бўйича хизматлар кўрсатадиган юридик шахс раҳбари томонидан ёнғин хавфсизлиги талаблари бўйича йўриқнома билан таништирилиши керак. Навбатчи ходим ёнғинни ўчиришнинг бирламчи воситаларини билиши ва уларга эга бўлиши керак.


28. Автомототранспорт воситаларини сақлашга топшираётган автомототранспорт воситалари эгалари ёнғин хавфсизлигига риоя этишлари керак.


29. Автомототранспорт воситаларини сақлаш бўйича хизматлар кўрсатувчи юридик шахслар санитария нормалари ва ёнғин хавфсизлиги талабларига риоя этилиши, автомототранспорт воситаларининг сақланиши, шу жумладан, уларни доимий ва вақтинча сақлаш вақтида, яъни улар эгаларига (ёки уларнинг вакилларига) қайтарилгунгача ёхуд улар мажбурий равишда махсус автомобиль тўхташ жойига эвакуация қилингунгача рўй берган автомобиль воситаларининг олиб қочиб кетилиши, ўғирланиши, қисмларга ажратилиши ва шикастланиши учун жавоб берадилар.


30. Автомототранспорт воситаларини сақлаш бўйича хизматлар кўрсатувчи юридик шахсга зарар етказилган тақдирда, автомототранспорт воситасининг эгаси (ёхуд унинг вакили) етказилган зарар учун жавоб беради.



VI. ЯКУНЛОВЧИ ҚОИДАЛАР


31. Автомототранспорт воситаларини сақлаш бўйича хизматлар кўрсатувчи юридик шахслар:

автомототранспорт воситаларининг табиий офатлар (зилзила, довуллар, сув тошқини ва бошқалар) вақтида шикастланганлиги учун;

автомототранспорт воситалари уларни сақлаш бўйича хизматлар кўрсатиладиган ҳудуддан чиқиб кетгандан кейин автомототранспорт воситаларининг сақланишига тааллуқли билдирилган эътирозлар учун жавоб бермайдилар.


32. Ер участкасига бўлган ҳуқуқларни тасдиқловчи ҳужжатларсиз юридик шахслар томонидан автомототранспорт воситаларини сақлаш бўйича хизматлар кўрсатиш соҳасида фаолиятни амалга ошириш рухсат берувчи ҳужжатларсиз фаолият турларини амалга оширишга тенглаштирилади ва қонун ҳужжатларида белгиланган жавобгарлик чораларини қўллашга сабаб бўлади.

33. Ушбу Низом талабларининг бузилишида айбдор бўлган шахслар қонун ҳужжатларига мувофиқ жавоб берадилар.



"Ўзбекистон Республикаси қонун ҳужжатлари тўплами",

2013 йил 5 август, 31-сон, 409-модда


"Ўзбекистон Республикаси Ҳукуматининг қарорлари тўплами",

2013 йил, 7-сон, 48-модда













































Время: 0.2071
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск