Давлат статистика қўмитасининг 5-мб-сон, Давлат божхона қўмитасининг 01-02//15-26-сон, Иқтисодиёт вазирлигининг 42-сон, Ташқи иқтисодий алоқалар, инвестициялар ва савдо вазирлигининг 13-сон "Давлат ва божхона ташқи савдо статистикаси маълумотларини йиғиш ва қайта ишлаш услубияти тўғрисидаги низомга ўзгартиришлар киритиш ҳақида"ги 03.09.2013 й. Қарори (АВ томонидан 20.09.2013 й. 1717-1-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

20.09.2013 й.

N 1717-1

ҚАРОРИ

Давлат ва божхона ташқи савдо статистикаси

маълумотларини йиғиш ва қайта ишлаш услубияти

тўғрисидаги низомга ўзгартиришлар киритиш ҳақида

Ўзбекистон Республикасининг "Давлат статистикаси тўғрисида"ги (Ўзбекистон Республикаси Олий Мажлисининг Ахборотномаси, 2002 й., 12-сон, 219-модда), "Давлат божхона хизмати тўғрисида"ги (Ўзбекистон Республикаси Олий Мажлисининг Ахборотномаси, 1997 й., 9-сон, 230-модда) қонунларига, Ўзбекистон Республикаси Президентининг 2012 йил 10 сентябрдаги ПҚ-1816-сон "Ўзбекистон Республикаси ташқи иқтисодий фаолиятини тартибга солишга доир чора-тадбирларни давом эттириш тўғрисида"ги (Ўзбекистон Республикаси қонун ҳужжатлари тўплами, 2012 й., 38-сон, 434-модда) ва Ўзбекистон Республикаси Вазирлар Маҳкамасининг 1998 йил 31 мартдаги 137-сон "Ўзбекистон Республикасида ташқи савдо фаолиятини эркинлаштириш бўйича қўшимча чора-тадбирлар тўғрисида"ги қарорларига асосан Ўзбекистон Республикаси Давлат статистика қўмитаси, Давлат божхона қўмитаси, Иқтисодиёт вазирлиги ва Ташқи иқтисодий алоқалар, инвестициялар ва савдо вазирлиги ҚАРОР ҚИЛАДИ:

1. Ўзбекистон Республикаси Давлат статистика қўмитаси, Давлат божхона қўмитаси, Иқтисодиёт вазирлиги ва Ташқи иқтисодий алоқалар, инвестициялар ва савдо вазирлигининг 2007 йил 27 августдаги 11, 01-02/15-23, 31 ва ЭГ-01/10-4715-сон қарори (рўйхат рақами 1717, 2007 йил 20 сентябрь) (Ўзбекистон Республикаси қонун ҳужжатлари тўплами, 2007 й., 37-38-сон, 396-модда) билан тасдиқланган Давлат ва божхона ташқи савдо статистикаси маълумотларини йиғиш ва қайта ишлаш услубияти тўғрисидаги низомга иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

Қарорга

ИЛОВА

Давлат ва божхона ташқи савдо статистикаси

маълумотларини йиғиш ва қайта ишлаш услубияти

тўғрисидаги низомга киритилаётган ўзгартиришлар

1. Ўзбек тилидаги матннинг 1, 2, 3 ва 5-бандларидаги "маҳсулотлар" деган сўз "товарлар" деган сўз билан алмаштирилсин.

2. 4-банднинг иккинчи хатбошиси қуйидаги таҳрирда баён этилсин:

"Туризм бўйича экспорт ва импорт маълумотлари, кириш ва чиқишга оид туризм бўйича туристларнинг харажатлари кузатуви натижаларини ҳисобга олган ҳолда шакллантирилади.".

3. 5-банддаги "9" рақами "10" рақами билан алмаштирилсин.

4. Мазкур ўзгартиришлар "Ўзбектуризм" Миллий компанияси билан келишилган.

"Ўзбекистон Республикаси қонун ҳужжатлари тўплами",

2013 йил 23 сентябрь, 38-сон, 504-модда