ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Хўжалик ва тадбиркорлик фаолиятининг умумий масалалари / Давлат эҳтиёжлари учун харид. Давлат захираси. Моддий-техник таъминот /

Биринчи гуруҳга ўсимлик ёғини етказиб бериш, қабул қилиш, сақлаш ва бериб юбориш тартиби тўғрисидаги Йўриқнома (АВ томонидан 03.10.2013 й. 2512-сон билан рўйхатга олинган Вазирлар Маҳкамаси ҳузуридаги Давлат захираларини бошқариш қўмитасининг 26.08.2013 й. 17-сонли қарори билан тасдиқланган)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

Ўзбекистон Республикаси

Адлия вазирлигида

2013 йил 3 октябрда 2512-сон

билан рўйхатга олинган

Ўзбекистон Республикаси

Вазирлар Маҳкамаси ҳузуридаги

Давлат захираларини

бошқариш қўмитасининг

2013 йил 26 августдаги

17-сонли қарорига

ИЛОВА



Биринчи гуруҳга ўсимлик ёғини етказиб

бериш, қабул қилиш, сақлаш ва бериб

юбориш тартиби тўғрисидаги

ЙЎРИҚНОМА


I БОБ. УМУМИЙ ҚОИДАЛАР


1. Мазкур Йўриқнома биринчи гуруҳга ўсимлик ёғини (бундан буён матнда ёғ деб юритилади) етказиб бериш, қабул қилиш, сақлаш ва бериб юбориш тартибини белгилайди.


2. Мазкур Йўриқнома талаблари Ўзбекистон Республикаси Вазирлар Маҳкамаси ҳузуридаги Давлат захираларини бошқариш қўмитаси (бундан буён матнда Қўмита деб юритилади) тизимидаги ташкилотлар ҳамда биринчи гуруҳ моддий бойликларини узоқ муддат масъул сақлашга қабул қиладиган бошқа ташкилотлар учун мажбурийдир.



II БОБ. ЁҒНИ ЕТКАЗИБ БЕРИШ


3. Ёғни етказиб бериш Қўмита, етказиб берувчи ташкилотлар ва масъул сақлашни амалга оширувчи ташкилотлар ўртасида тузиладиган шартномалар асосида амалга оширилади.


4. Етказиб бериладиган ҳар бир ёғ партиясига мувофиқлик сертификати, санитария-эпидемиологик хулоса ёки уларнинг белгиланган тартибда тасдиқланган нусхалари илова қилиниши лозим.

5. Узоқ муддат сақлаш учун кунгабоқар, пахта, соя, зиғир, кунжут, кокос, зайтун, хантал, кашнич, тунг, ерёнғоқ ёғлари етказиб берилади. Мазкур ёғлар норматив ҳужжат талабларига тўлиқ жавоб бериши лозим.



III БОБ. ЁҒНИ САҚЛАШ УЧАСТКАЛАРИГА

ҚЎЙИЛАДИГАН ТАЛАБЛАР


6. Ёғ махсус жиҳозланган ёғ сақлаш участкаларида сақланиши лозим. Ёғ сақлаш участкаларида резервуар парки, маҳсулот-насос бўлинмаси, тўкиш-қуйиш эстакадаси, ГЦС-100 мқ горизонтал цилиндрик сиғими (бундан буён матнда тозалаш идиши деб юритилади), технологик маҳсулот қувурлари ва тарозихона бўлиши лозим.


7. Ёғ сақланадиган жойларнинг технологик ва санитария жиҳозлари ёғни қабул қилиш ва бериб юбориш бўйича барча жараёнлар белгиланган муддатда бажарилишини, қабул қилиш, сақлаш ва бир жойдан бошқа жойга олиб қуйишда ёғнинг сифати ва миқдори тўлиқ сақланишини таъминлаши лозим.

Ёғни қабул қилиш, сақлаш ва бериб юбориш вақтида ёғ йўқотилишининг олдини олиш учун мазкур Йўриқноманинг 1-иловасида келтирилган чоралар кўрилиши лозим.


8. Ёғ оғирлигини аниқлайдиган ўлчаш воситалари "Ўзстандарт" агентлиги томонидан тасдиқланган номенклатурага мувофиқ белгиланган муддатда метрология текширувидан ўтказилиши, қиёсланиши лозим.


9. Ёғ сақлаш участкалари учун резервуарлар парки коммуникацияси, маҳсулот-насос бўлинмаси, резервуарларга берилган рақамларни кўрсатган ҳолда эстакадалар, насослар, тозалаш идиши, тўкиш-қуйиш тиргаклари, пастки тўкиш қурилмаси, маҳсулот қувурлари ва задвижкаларнинг технологик харитаси ишлаб чиқилади.


10. Асбоб-ускунанинг ҳар бир элементига мой бўёқ билан технологик харитадаги унинг мос тартиб рақами ёзиб қўйилиши керак. Технологик харитада ёғ ҳаракати бўйлаб бажариладиган ҳар бир жараён учун очилиши керак бўлган барча задвижкаларнинг рақамлари кўрсатилади. Қабул қилишда ёғни цистернада, бериб юборишда резервуарда иситиш чизмасида ёғни иситиш бўйича барча жараёнлар тартиби ва кетма-кетлиги батафсил баён қилинади.

Коммуникацияларнинг технологик чизмаси, технологик харита ва ёғни иситиш чизмаси ташкилот раҳбари томонидан тасдиқланиши ва сақлаш участкасининг тегишли йиғмажилдида сақланиши лозим. Коммуникацияларнинг технологик чизмаси насос бўлинмаси ва сақлаш участкасида осиб қўйилиши лозим.


11. Қуйилиш чегарасига қараб маҳсулот ҳажмини аниқлаш имкони бўлиши учун ҳар бир резервуар, тозалаш идишларига белгиланган тартибда калибрлаш жадвали тузилиши лозим. Уторли бурчаги даражасида ўлчаш ишлари олиб борилаётганда резервуардаги маҳсулот ҳажмини аниқ билиш учун резервуар остида ўлчаш люки қаршисида 500 х 500 мм ўлчамда горизонтал майдонча ўрнатилиши лозим. Калибрлаш жадвали тузилаётганда резервуар остидаги конус ҳажми инобатга олиниши ва ёғ ҳажмидан резервуар ичидаги ёғни иситиш ускунаси ҳажми чиқариб ташланиши лозим.


12. Резервуарлар калибрланаётганда, баландлик трафарети, яъни, вертикал бўйича резервуар остидаги майдончадан ўлчаш люкининг тепа четигача бўлган масофа аниқланади.

Ҳар ой резервуар бўшаганда ва резервуардаги маҳсулот миқдори аниқланаётганда баландлик трафарети кўрсаткичи текширилади.

Баландлик трафарети кўрсаткичлари ва ёғ қуйилгандаги тепа чегара бўёқ билан гидравлик клапан корпуси ёки ёруғлик люки қопқоғига ёзиб қўйилиши лозим.


13. Калибрлаш жадвали асосида ёз мавсумида ёғ ҳажми кенгайишини инобатга олган ҳолда ёғнинг қанча миқдорда қуйилиши ҳисоблаб чиқарилади ва ёғни резервуарга қуйиш тепа чегараси аниқланади.

Калибрлаш жадвали бўйича резервуарга ёғни қуйиш меъёри бўйича резервуар максимал ҳажмининг ҳар 1 куб метрга 0,9 тонна ёғ қуйилади.

Масалан, калибрлаш жадвали бўйича резервуар ҳажми конус ҳажми билан бирга 1066 куб метрни ташкил этади, демак, резервуарга: 1066 куб метр х 0,9 т/куб метр = 959,4 тонна ёғ қуйиш мумкин. Бунда, резервуарнинг цилиндрик қисмига ёғнинг ҳарорат таъсирида кенгайишини ва резервуар нотекис чўкиши мумкинлигини ҳисобга олиб охиригача қуйилмаган ёғ ҳажми 15 - 20 см.ни ташкил этади.


14. Имкон бўлса, ёғ қуйиш жойининг атрофи тиканакли симли девор билан ўралади ва қўриқлаш сигнализацияси ўрнатилади. Маҳсулот-насос бўлинмасининг эшикларига замонавий автоматик қўриқлаш сигнализацияси датчиклари ўрнатилиши, датчиклар ташкилотнинг диспетчерлик пульти ва электромагнит ҳисоблагичга уланиши лозим.


15. Авария бўлиши мумкинлигини инобатга олиб, ёғ сақлаш жойида максимал ҳажмли битта захира резервуар қолдирилади. Ёғ захира резервуарга қуйилишидан олдин туйнук люк очилади ҳамда резервуарнинг техник ва санитар ҳолати текширилади. Ёғ захира резервуарга қуйилгандан кейин бу тўғрисида далолатнома тузилади. Фойдаланиш жараёнида захира резервуарлар вақти-вақти билан алмаштириб турилади.


16. Ёнғин юзага келган тақдирда унинг оқибатларини бартараф этиш учун зарур асбоб-ускуналар, материаллар, эҳтиёт қисмлар, кўчма насослар, труба, бочка ва бошқа идишлар тайёр туриши лозим. Захира асбоб-ускуналар резервуар паркида, насос бўлинмаси ва эстакада ёнида сақланиши лозим. Ҳар ой захира асбоб-ускуналарнинг бутунлиги текширилади, бу тўғрисида мазкур Йўриқноманинг 2-иловасига мувофиқ Резервуарлар ва маҳсулот қувурларининг техник ҳолатини ҳисобга олиш журналига (Z-30-сонли шакл) тегишли ёзувлар киритилади. Турли авария ҳолатларига тайёр туриш ва тезкор чоралар кўриш учун ташкилотларда ҳар ой техника хавфсизлиги бўйича ўқув машқлари ўтказилиб турилади.


17. Резервуар парки, насос бўлинмаси ва эстакададаги барча задвижкалар, тозалаш идиши, жўмраклар, кранлар пломбаланган бўлиши ва ёпиқ ҳолда туриши лозим. Резервуар паркида қувурларнинг фланецли бириккан жойлари, задвижкалар, туйнук ва ёруғлик люкларининг болт билан бириккан жойларига, компенсаторларга тунукадан ёки брезент матодан ғилоф кийдириш ёки пломбалаш зарур.


18. Резервуар ёғ қуйишга тайёрланаётганда албатта унинг техник ва санитар ҳолати текширилиши лозим.

Резервуарнинг узоқ муддат сақлаш учун маҳсулот қуйишга тайёрлиги мазкур Йўриқноманинг 3-иловасига мувофиқ Резервуарнинг ёғни қабул қилишга тайёрлигини белгиловчи далолатнома (Z-31-сонли шакл) билан расмийлаштирилади.

Ёғни қуйишдан икки кун олдин туйнук люк очилиши ва иккинчи бор резервуарнинг техник ва санитар ҳолати текширилиши, бу ҳақда олдин тузилган далолатномага тегишли ёзув киритилиши лозим.


19. Ёғни қабул қилиш ёки бериб юборишдан олдин ёғ сақлаш жойидаги барча иншоотлар, маҳсулот-насос бўлинмаси, эстакада, тозалаш идиши, қувурлар, вагон тарозилари, ёғни иситиш ускуналарининг техник ва санитар ҳолати ташкилот раҳбарияти томонидан ташкил этилган комиссия томонидан текширилиши лозим. Текширув натижалари далолатнома билан расмийлаштирилади.


20. Ёғни сақлаш омборхоналарида қабул қилиш ва бериб юборишда ёғ оғирлигини аниқлаш учун вагон ва автомобиль тарозилари ўрнатилиши лозим.

Ёғ қуйилган цистерналарни тортишдан олдин вагон тарозиларининг техник ҳолати текширилиши керак. Тарози платформасига цистерналарни келтириш, уларни мустаҳкамлаш ва тортиш қоидаларига риоя қилиш лозим.

Ёғни носоз тарозиларда, шунингдек текшириш ва пломбалаш муддати ўтган тарозиларда тортиш ман этилади.


21. Ёғни қабул қилиш ва бериб юборишга масъул ходимлар ёғ сақлаш жойидаги объектлар қандай жойлашганини, қувурлар чизмасини, задвижкалар қаерда жойлашганини ва нима учун хизмат қилишини яхши билишлари лозим.


22. Камида бир ойда бир марта резервуар парки марзаларининг ёмғир қувуридаги қулфлаш мосламалари (ўзи ёпиладиган қопқоқлар, задвижкалар) ҳолати текширилиши лозим. Бунда марзалардаги сув қулфлаш мосламаси орқали фақат ходимлар назорати остида оқизилади.



IV БОБ. ЁҒНИ ТРАНСПОРТДА ТАШИШ


23. Ёғ темир йўл ва автомобиль транспортида юкларни ташиш қоидалари талабларига мувофиқ ташилади.


24. Ёғ "Ўсимлик ёғи" деган ёзувли махсус янги темир йўл цистерналарида, шунингдек олдин фойдаланилган, ювилган ва яхшилаб буғланган, ёғ қуйиш учун тоза ҳолда берилган, ёт ҳидлар бўлмаган цистерналарда ташилади.


25. Ёғ қуйиш учун ажратилган темир йўл цистерналари ва автоцистерналар синчиклаб кўздан кечирилади. Цистерналарни кўздан кечираётганда цистернанинг қозони ва қопқоғининг ҳолати ва тозалигига, пастки тўкиш мосламаси, люк ишга яроқлилигига, люкни ёпиш ва пломбалаш мосламалари борлигига ва ишга яроқлилигига, цистерна қозони сатҳидаги белги ва ёзувлар ҳолатига алоҳида эътибор берилади.

Ёғни қуйиш учун қуйиш мосламаси, ички нарвони, қалпоқлари ва гайкалари ишга яроқсиз, қозони тешик, пломба уриш учун қопқоғида тешиклари бўлмаган, шунингдек резина қистирмаларсиз цистерналардан фойдаланиш ман этилади.


26. Яроқсиз цистернага қуйиш оқибатида ёғнинг айниши ёки сифати бузилиши учун жавобгарлик ёғни етказиб берувчи ташкилот зиммасига юклатилади.


27. Юк кўтариш қуввати 60 тонна ва ундан кўп бўлган цистерналарга ёғ устки сегмент чизиғигача қуйилади, юк кўтариш қуввати 60 тоннадан кам бўлган цистерналарга қопқоқ баландлигининг ярмигача, лекин цистернанинг юк кўтариш қувватидан оширмасдан қуйилади.



V БОБ. ЁҒНИ ҚАБУЛ ҚИЛИШ


28. Ёғни етказиб бериш ва қабул қилиш шартнома асосида қонун ҳужжатлари ва мазкур Йўриқномага мувофиқ амалга оширилади.


29. Ёғ етказиб берилганда уни тўкишдан олдин цистернанинг ҳолати техник кўрикдан ўтказилиши, бурагич ва пломбалар борлиги, уларнинг ҳолати текширилиши, цистерналарнинг рақами юк хатларида кўрсатилган рақамларга мослиги текширилиши лозим. Цистерналарнинг техник ҳолати, пломбаларнинг борлиги ва яроқлилиги моддий жавобгар шахслар томонидан етказиб берувчи ташкилот вакиллари иштирокида текширилади.


30. Темир йўл цистерналарида келтирилган ёғ етказиб берувчи ташкилот вакили иштирокида вагон тарозисида тортилиши лозим.

Нетто оғирлик брутто оғирликдан идиш оғирлигини айириш орқали аниқланади. Идиш оғирлиги ёғ тўкиб олиниб, тўлиқ тозалангандан кейин бўш цистернани вагон тарозисида тортиш орқали аниқланади.

Цистерналарни вагон тарозида тортиш натижалари мазкур Йўриқноманинг 4-иловасига мувофиқ Ёғни тортиш қайдномасига (Z-32-сонли шакл) қайд қилинади, ушбу қайднома мазкур Йўриқноманинг 5-иловасига мувофиқ Ёғни қабул қилиш далолатномасини (Z-33-сонли шакл) тузиш учун асос бўлади.


31. Жўнатилган станцияда аниқланган ёғ массаси билан йўлда аниқланган ёки келиб тушган станцияда аниқланган масса ўртасидаги тафовут:

масса камомади - мазкур юк оғирлиги табиий йўқотиш нормасидан ва нетто массани аниқлаш натижаларидаги чегаравий тафовутдан ошмаса;

масса ортиқчалиги - масса неттони аниқлаш натижаларидаги чегаравий тафовутдан ошмаса, ёғ массаси тўғри деб топилади.

Юк оғирлигининг табиий йўқотиш нормаларини юкнинг нетто оғирлигидан келиб чиқиб ҳисоблаш ҳамда энг кўп учрайдиган ҳолатлар учун нетто оғирликни аниқлаш натижаларидаги чегаравий тафовут кўрсаткичлари мазкур Йўриқноманинг 6-иловасида келтирилган.


32. Ёғ камомади меъёрдан ошиб кетган тақдирда, қабул қилувчи ташкилот бу ҳақда далолатнома тузиши ва шу далолатнома асосида темир йўл транспорти ташкилоти ва етказиб берувчи ташкилотга талабнома билдириши лозим.


33. Ёғнинг брутто оғирлиги аниқлангандан сўнг цистерна эстакадага ўтказилади, шу ерда комиссия етказиб берувчи ташкилотнинг вакили иштирокида люкни очади ва норматив ҳужжат талабларига мувофиқ мутаносибликни инобатга олган ҳолда цистернадаги ёғнинг устки, ўрта ва пастки қатламидан 1:3:1 нисбатда нуқтали намуна олади.

Нуқтали намуналар тоза идишга (сирланган) қуйилади, қўшиб юборилган намуналар яхшилаб аралаштирилади ва беш дона тоза, қуруқ шиша идишга қуйилади, шулардан тўрттаси низоли ҳолат учун намуна ҳисобланади, биттаси эса - сифатини аниқлаш учун ташкилот лабораториясига ёки бошқа мустақил лабораторияга юборилади.


34. Ташкилот лабораторияси мудири норматив ҳужжатларга мувофиқ ёғнинг сифатини органолептик (мазаси, ҳиди, ранги) текширувдан ўтказади ва лаборатория таҳлилларини амалга оширади ҳамда олинган маълумотларни етказиб берувчи ташкилотнинг маҳсулот сифати тўғрисидаги ҳужжатларида кўрсатилган кўрсаткичлар ва норматив ҳужжатлардаги меъёрлар билан таққослайди. Шундан сўнг, лаборатория мудири ёғни цистернадан тўкиб олишга рухсат беради. Сақлаш участкасида юритиладиган ишчи журналига ёғни тўкиб олишга рухсат берилган сана, цистерна ва юк хати рақами, маҳсулот номи, унинг нави, цистернадаги ёғ тўкиб олиниши керак бўлган резервуар рақами киритилади ва лаборатория мудири ҳамда сақлаш участкаси бошлиғи томонидан имзоланади.


35. Ёғни тўкиб олишдан олдин цистерна иккала томондан тормоз бошмоғи билан маҳкамланиши лозим.

Ёғ цистернадан пастки тўкиш мосламалари ёрдамида тўкиб олинади. Бунда пастки тўкиш мосламаларининг цистернага ишончли ва герметик тарзда уланганига алоҳида эътибор бериш керак. Пастки тўкиш мосламаси носоз бўлса ёки ёғ пастки тўкиш мосламаси бўлмаган цистернада келтирилса, устки тўкиш мосламасидан фойдаланилади.


36. Тўкиш-қуйиш жараёнларини олиб боришда ёғнинг ҳаво ёғинлари билан ифлосланишига йўл қўймаслик мақсадида цистерна оғзини брезент ғилоф билан ёпиш лозим. Тўкиш-қуйиш жараёни вақтида тўкиш-қуйиш гофро-шлангининг оғзига ғилоф кийдириб қўйиш лозим.


37. Ёғни цистернадан муайян резервуарга қуйиш учун ҳар бир қувур тури учун алоҳида тасдиқланган технологик харитага қатъий риоя қилиш лозим.

Маҳсулот-насос бўлинмасида юритиладиган ишчи журналга қуйидаги маълумотлар киритилиши лозим: ёғ келиб тушган сана, жараён номи, цистерналари, резервуарлар, қувурлар, очилиши керак бўлган қулфлар рақамлари, ёғ цистернадан резервуаргача етиб келгунча жойлашган қулфларни очган ва ёпган сақлаш участкаси бошлиқлари ёки уларнинг ўринбосарлари ва ижрочиларнинг имзолари.


38. Насосни ишга туширишдан олдин моддий жавобгар шахслар ёғ цистернадан резервуарга етиб келгунча жойлашган қулфларнинг ҳолатини текширишлари, резервуардаги ўлчаш люкини очишлари лозим.

Йилнинг совуқ фаслида келган цистерналардаги қотиб қолган ёғни тўкиб олиш учун уни тасдиқланган иситиш чизмаси бўйича суюқ ҳолга келгунча иситиш зарур.

Тўкиб олишни тезлатиш учун цистернадаги ёғни худди шу турдаги 60° С гача иситилган маҳсулот билан ювиб тушириш тавсия этилади.


39. Ёғ цистернадан тўкиб олиниб, насос тўхтатилгандан сўнг пастки тўкиш мосламаси фақат цистерна тозаланиб, ёғ қувурга оқиб кетгандан сўнг ажратиб олинади, ёғ қолдиқлари қўл билан сидириб олинади.


40. Резервуарлар норматив-техник ҳужжатларга мувофиқ чегаравий-максимал даражагача тўлдирилади. Олдин битта резервуарни тўлдириш, ундан кейингина иккинчисига ўтиш лозим.


41. Ёғ қуйилаётганда резервуар тошиб кетмаслиги учун резервуарни тўлдириш учун маҳсулот белгиланган чизиққача қуйилишини диққат билан кузатиб туриш лозим.


42. Моддий жавобгар шахслар томонидан мазкур Йўриқноманинг 7-иловасига мувофиқ Маҳсулотлар мавжудлиги, ҳаракати ва ўлчовлари китоби (Z-25-сонли шакл) юритилади. Унда ҳар бир резервуар ва тозалаш идишига алоҳида шахсий варақ очилади.


43. Иш куни бошланганда ёғни цистернадан резервуарга тўкиб олишдан олдин ёғ қуйиш баландлиги даражаси, яъни, резервуар тубидаги майдончадан ёғ сатҳигача бўлган масофа миллиметрда аниқланади. Маҳсулот цистернадан тўкиб олинганидан сўнг иш кунининг охирида резервуарга ёғ қандай баландликкача қуйилгани яна бир бор аниқланади ва бу маълумотлар китобда қайд этилиши лозим.


44. Ҳар бир цистернадан қабул қилиб олинган ёғ миқдори қабул қилиш далолатномаси асосида Маҳсулотлар мавжудлиги, ҳаракати ва ўлчовлари китоби (Z-25-сонли шакл)даги резервуарнинг шахсий варағида қайд қилинади.


45. Резервуардаги ёғнинг миқдори қабул қилиш вақтида резервуар бутунлай тўлганидан кейин, шунингдек сақлаш жараёнида бир ойда бир марта калибрлаш жадвали бўйича аниқланади.


46. Ўлчаш натижаларига кўра мавжуд ёғ миқдори мазкур Йўриқноманинг 8-иловасига мувофиқ Резервуарни ўлчаш натижалари тўғрисида далолатнома (Z-34-сонли шакл) билан расмийлаштирилади.


47. Маҳсулотлар мавжудлиги, ҳаракати ва ўлчовлари китобидаги резервуарнинг шахсий варағига ёғнинг ўлчаш пайтидаги ҳарорати, 20° С даги зичлиги, резервуарни тўлдириш меъёри (тоннада), резервуар тубининг нотекислиги, корпуси оғиши, энг юқори тўлдириш чизиғи, ёғнинг тури ва нави ёзилади.

Ҳар тўлдиришдан кейин резервуар туби нотекислигини ва корпуси оғишини инобатга олган ҳолда таъмирланиши зарур, олинган маълумотлар Маҳсулотлар мавжудлиги, ҳаракати ва ўлчовлари китобига киритилади.


48. Ёғни қабул қилиш тугагандан сўнг насос билан резервуар орасидаги қувур ичидаги ёғни навига қараб тозалаш идишига тўкиш зарур. Тўлиб боргани сари тозалаш идишидаги ёғ сақлаш учун резурвуарга тортиб олинади, ёғнинг миқдори Маҳсулотлар мавжудлиги, ҳаракати ва ўлчовлари китобидаги шахсий вараққа ёзиб қўйилади.


49. Турли ёғларнинг аралашиб кетишига йўл қўймаслик мақсадида ҳар бир резервуар паркида қўшимча ёғ тозалаш идиши бўлиши лозим. Бу сиғимга маҳсулот-насос бўлинмаси билан резевуарлар орасидаги қувурлар ичида қолган ёғлар солинади. Тўлиб борган сари тозалаш идишидаги тозаланган ёғлар резервуарга тортиб олинади. Ўлчаш натижаларида тозалаш идиши тубида аниқланган қайтмас чўкма ҳам ҳисобга киритилиши лозим.

Резервуарларнинг санитар ҳолатини комиссия назоратидан ўтказиш пайтида қўшимча ёғ тозалаш идишининг санитария ҳолати ҳам текширилади. Тозалаш идиши ҳар 2 йилда тозалаб турилиши шарт.


50. Ташкилотга сифат кўрсаткичларига номувофиқ бўлган ёғ келтирилган тақдирда, у қабул қилинмайди ва етказиб берувчи ташкилотнинг вакили иштирокида икки нусхада яроқсизга чиқариш далолатномаси тузилади. Далолатноманинг бир нусхаси етказиб берувчи ташкилотнинг вакилига топширилади.


51. Яроқсиз деб топилган ёғ етказиб берувчи ташкилотга қайтарилиши керак. Яроқсиз ёғни қайтариш бўйича қилинган барча харажатлар шартномага мувофиқ етказиб берувчи ташкилот зиммасига тушади.


52. Ташиш ва тортиб олиш вақтидаги ёғнинг табиий йўқотишлари ҳисобдан чиқарилади.


53. Қабул қилиш ёки бериб юбориш вақтида цистернадан намуналар олишда мазкур Йўриқноманинг 9-иловасига мувофиқ Цистерналардан намуна олиш далолатномаси (Z-35-сонли шакл) расмийлаштирилади.


54. Низоли ҳолат учун намуна солинган шиша идишлар оғзи тиқин билан беркитилиши, тиқин усти пергамент ёки қалин мато билан ёки полиэтилен билан қопланиши ҳамда пишиқ ип билан боғланиб, елимланиши лозим.

Намуналарга қуйидаги маълумотлар киритилган этикеткалар ёпиштирилади:

ишлаб чиқарган ташкилот номи;

қабул қилувчи ташкилотнинг номи;

маҳсулот номи, тури ва нави;

партия рақами ва оғирлиги;

ишлаб чиқарилган сана;

намуна олган шахсларнинг фамилияси, исми ва отасининг исми;

норматив ҳужжат номи.


55. Низоли ҳолат учун намуналарни сақлаш жойидан олиш ва уларни резервуарга қуйишда мазкур Йўриқноманинг 10-иловасига мувофиқ Низоли ҳолат учун намуналарни сақлашни бекор қилиш ҳақида далолатнома (Z-36-сонли шакл) тузилади. Барча низоли ҳолат учун намуналар мазкур Йўриқноманинг 11-иловасига мувофиқ Низоли ҳолат учун намуналарни рўйхатга олиш китобига (Z-37-сонли шакл) қайд қилинади.


56. Низоли ҳолат учун намуналарни лабораторияга топшириш ва ёғ сақлаш жойига қайтариш юкхат асосида амалга оширилади.


57. Низоли ҳолат учун намуналар лабораториядаги махсус жавонларда лаборатория пломбаси билан сақланади.

Намуналар қуруқ, салқин ва қоронғи жойда 30 кун давомида ёки маҳсулот сифатини баҳолашда низолар юзага келган бўлса, якуний қарор қабул қилингунга қадар сақланади.



VI БОБ. ЁҒНИ САҚЛАШ, СИФАТИНИ НАЗОРАТ

ҚИЛИШ ВА САҚЛАШ МУДДАТЛАРИ


58. Ёғнинг гидролитик парчаланиши ва ҳаводаги кислороддан оксидланиши оқибатида сифати пасайишининг олдини олиш учун ёғни қабул қилишдан олдин резервуар эски ёғ қолдиқларидан, айниқса оксидланиш маҳсулидан, чўкиндилардан бутунлай тозаланиши, резервуар буткул герметик ҳолга келтирилиши (ҳаво алмашинишини камайтириш учун), резервуар ҳаво олиш клапанлари билан таъминланиши, резервуарни максимал даражада тўлдириш, сақлаш жараёнида ёғнинг сифат кўрсаткичларининг ўзгариш суръати диққат билан назорат қилиниши лозим.


59. Ёғни сақлаш жараёнида унинг сифатини доимий равишда текшириб туриш, сақлаш шартлари ва муддатларига риоя қилиш лозим.


60. Ҳар чоракда ҳар бир резервуардаги ёғнинг органолептик кўрсаткичларини (таъми, ҳиди, ранги, тиниқлиги) текшириш ва лаборатория таҳлилини ўтказиш орқали ёғнинг физикавий-кимёвий кўрсаткичлари - кислота сони, таркибидаги намлик ва учувчан моддаларини кузатиб бориш лозим. Ҳарорат минусга тушиб, ёғ қотиб қолганда унинг сифати текширилмайди. Резервуардан намуна олиш мазкур Йўриқноманинг 33-бандига мувофиқ амалга оширилади.


61. Навбатдаги сифат текшируви ёғнинг сифати норматив ҳужжат талабларига жавоб беришини кўрсатса ва шу билан бирга кислота сони ошгани (норматив ҳужжатлардаги меъёрлар доирасида бўлса-да) ва бошқа кўрсаткичлар ўзгаргани аниқланса, мазкур резервуардаги ёғ алоҳида назорат остига олинади ва тегишли қарор қабул қилингандан сўнг биринчи навбатда бериб юборилади.


62. Сақлаш даврида сиғимларнинг техник ҳолатини диққат билан назорат қилиш, резервуарлар туби ва корпусидаги ингичка жойларни, задвижка ва қувурлардаги фланецли уланиш жойларини, ёғнинг бир резервуардан иккинчисига зич ёпилмаган задвижкалар орқали оқиб ўтишини диққат билан назорат қилиш, эҳтимолдаги авария оқибатларини бартараф этиш ва ёғни йиғиб олишга тайёрлаш лозим.


63. Сақлаш жараёнида ёғ миқдори сақланишини назорат қилиш қуйидаги ҳолларда амалга оширилади:

сақлаш участкаси бошлиғи (унинг ўринбосари) томонидан - икки марта смена боши ва охирида;

муҳандис-механик томонидан - камида бир ойда икки марта;

раҳбар (раҳбар ўринбосари) ёки бош муҳандис томонидан - камида бир ойда икки марта.


64. Бир кунда бир марта ўлчаш люкининг тепа четидан ёғ сатҳигача 1 мм аниқликда маҳсулотни қуйиш баландлиги, резервуар тубидаги назорат трубкаси орқали ёғ оқаётганини аниқлаш натижалари, топилган камчиликларни бартараф этиш бўйича таклифлар сақлаш участкасида юритиладиган Резервуарлар ва маҳсулот қувурларининг техник ҳолатини ҳисобга олиш журналида (Z-30-сонли шакл) қайд этилиши лозим.


65. Қишда ҳарорат кескин ўзгариб турадиган пайтда, шунингдек баҳорда қор эрийдиган пайтда резервуар, қувур, задвижка, насосларнинг техник ҳолати суткада мунтазам назорат қилиб борилади.


66. Ёғ сақлаш жойини айланиб чиқиш тартиби ташкилот раҳбарияти томонидан белгиланади. Ёғ сақлаш жойида айланиб чиқишни қайд қилиш журнали юритилади, унга қуйидаги маълумотлар киритилади: айланиб чиқиш куни, бошланган ва тугаган вақт, ташқаридаги ҳаво ҳарорати, айланиб чиқишда иштирок этган шахснинг имзоси.


67. Моддий жавобгар шахслар томонидан лаборатория ва бухгалтерия ходимлари иштирокида ойига бир марта ойнинг биринчи куни ҳолатига резервуарлар ва бошқа идишларда ёғ борлиги устидан назорат амалга оширилади. Резервуарлар ва тозалаш идишларидаги ёғни ўлчаш натижалари Маҳсулотлар мавжудлиги, ҳаракати ва ўлчовлари китобининг (Z-25-сон шакл) тегишли графаларида акс эттирилади. Ёғ қотиб турган пайтда ўлчаш ишлари ўтказилмайди.


68. Ёғнинг ҳисоб-китоби мазкур Йўриқноманинг 8-иловасига мувофиқ Резервуарни ўлчаш натижалари тўғрисидаги далолатнома (Z-34-сонли шакл) билан расмийлаштирилади ва ташкилот раҳбари томонидан тасдиқланади.


69. Резервуарга қуйиш вақтида аниқланган ёғ миқдори ва назорат текшируви натижасида олинган маълумотлар қиёсланганда ўлчаш вақтида йўл қўйилиши мумкин бўлган хатоликдан (резервуардаги ёғнинг ± 0,2% миқдорида) ошадиган тафовут аниқланса, барча резервуар ва тозалаш идишларидаги ёғ миқдори такроран ўлчаб чиқилиши ва тафовут сабаби аниқланиши лозим.


70. Ўлчаш пайтида йўл қўйилиши мумкин бўлган хатолик (± 0,2%) чегарасида аниқланган, шунингдек бу хатоликдан ошадиган ортиқчалик ва камомадлар Маҳсулотлар мавжудлиги, ҳаракати ва ўлчовлари китобининг (Z-25-сонли шакл) 10 ва 11-графаларида қайд қилинади, бухгалтерия ва омборхона ҳисобида бу маълумотлар акс эттирилмайди.


71. Сақлаш жараёнида ёғни насос билан тортиб олиш ман этилади. Айрим ҳолларда (авария ва ёнғин) ташкилот раҳбарига (унинг ўринбосарига) наряд асосида ёғни захирадаги резервуарга насос билан тортиб олиш ҳуқуқи берилади. Ушбу жараёнлар Маҳсулотлар мавжудлиги, ҳаракати ва ўлчовлари китобида (Z-25-сонли шакл) рўйхатга олиниб, Резервуарлар ва маҳсулот қувурларининг техник ҳолатини ҳисобга олиш журналига (Z-30-сонли шакл) қайд қилинади.


72. Ишлаб чиқариш зарурати юзага келган тақдирда фақат Қўмитанинг рухсати билангина ёғни бир резервуардан иккинчисига кўчириш мумкин, бунинг учун жараёнлар белгиланган тартибда расмийлаштирилади. Ёғни бошқа резервуарга кўчириш сабаби бир сутка муддат ичида Қўмитага маълум қилинади.


73. Ёғни сақлаш бўйича қуйидаги муддатлар белгиланган:

барча турдаги тозаланган ёғлар учун - 1 йил;

олий ва биринчи нав тозаланмаган ва гидратланган кунгабоқар ёғи учун - 2 йил.

Ёғ иссиқликдан ҳимояланган ва чуқурда жойлашган резервуарларда сақланадиган бўлса, сақлаш муддатлари ёғнинг тури ва навига қараб бир йилга ошади.

Ёғни сақлаш муддати ёғ ишлаб чиқарилган чоракдан бошлаб ҳисобланади.


74. Узоқ муддат сақлаш учун топширилган ёғ сақлаш муддати тугашига 2 ой қолганда янгисига алмаштирилади.

Лаборатория таҳлили натижалари ёғнинг сифат кўрсаткичлари ёмонлашгани ва мазкур маҳсулот учун норматив ҳужжатларда кўрсатилган меъёрнинг чегаравий қийматига етганини кўрсатса, ёғ белгиланган сақлаш муддатидан олдин янгисига алмаштирилади.



VII БОБ. ЁҒНИ БЕРИБ ЮБОРИШ


75. Ёғни бериб юбориш Қўмита томонидан бериладиган нарядлар асосида биринчи навбатда сифат ҳолатини ва ишлаб чиқариш муддатини инобатга олган ҳолда амалга оширилади.


76. Лаборатория мудири ёғларни резервуарлардан чиқариб олишдан 10 кун аввал намуна олиш мосламаси ёрдамида резервуардан 5 та намуна олади, шу жумладан: пастки, ўрта ва тепа қатламдан 1:3:1 нисбатда. Бунда ёғнинг ҳарорати 0,5° С гача бўлган аниқлик билан намуна олиш мосламасида аниқланади, сўнг барча намуналар битта идишга қуйилади, аралаштирилгандан кейин лаборатория синовларини ўтказиш учун олдиндан ювилган битта шиша идишга 500 куб см. ёғ қуйилади.

Лабораторияда ёғнинг органолептик кўрсаткичлари ва таҳлил ўтказиш йўли билан унинг физикавий-кимёвий кўрсаткичлари: кислота сони, намлиги ва учувчан моддалар, ёғга алоқаси бўлмаган аралашмалар, таркибида фосфор бўлган моддалар ва ёғ зичлиги аниқланади.


77. Ёғни қуйиш учун ажратилган темир йўл цистерналари ва автоцистерналар лаборатория ва сақлаш участкаси ходимлари томонидан синчиклаб кўздан кечирилади. Бунда цистернадаги пастки тўкиш мосламасининг техник ҳолатини диққат билан текшириш лозим.


78. Ёғ цистернага қуйилаётганда сақлаш участкаси ходимларидан бири цистерна тўлишини кузатиб туради, бошқаси насосни ўчириш мосламаси ёнида туради. Бунда цистернани белгиланган баландликкача тўлдириш якуний босқичга етганда ёғнинг меъёрдан ортиқ қуйиб юборилишига йўл қўймасликка алоҳида эътибор бериш лозим. Резервуардан ёғ тўкиб олинаётганда ўлчаш люки очиқ туради.


79. Лаборатория томонидан ҳар бир цистернадаги ёғ учун мувофиқлик сертификати ва санитария-эпидемиологик хулосасининг тасдиқланган нусхалари берилади.

80. Ёғ цистернага қуйилиб, мазкур Йўриқноманинг 33-бандига мувофиқ намуналар олингандан сўнг, қопқоқ люкига резина қистирма қўйиш, люк қопқоғини зич ёпиш ва симли бурагични ўраб қўйиш ҳамда цистернани пломбалаш лозим.


81. Ёғ битта резервуардан қуйиб жўнатилади. Битта резервуардаги ёғ тўлиқ бериб юборилмасдан иккинчи резервуардаги ёғни қуйиб жўнатиш ман этилади.


82. Резервуар бўшагандан сўнг хавфсизлик техникаси, ёнғин хавфсизлиги ва санитария талабларига риоя этган ҳолда уни ёғ қолдиқларидан яхшилаб тозалаш лозим. 5 - 10 кун ўтгандан кейин ёғ қолдиқларини тозалаш қайтарилади. Тозаланган резервуардаги барча люк ва задвижкалар ёпилиши ва пломбаланиши лозим.


83. Ёғ резервуардан тўкиб олингандан сўнг, насос ёрдамида ёғни бошқа идишга қуйишдаги табиий йўқотиш ҳисоблаб чиқилиши лозим. Ушбу ҳисоб-китоб асосида ҳар бир резервуар бўйича мазкур Йўриқноманинг 12-иловасига мувофиқ Резервуарни тозалашдаги инвентаризация натижалари тўғрисида далолатнома (Z-38-сонли шакл) икки нусхада расмийлаштирилади ва уч кун ичида Қўмитага унинг бир нусхаси юборилади. Ёғни бошқа сиғимга қуйишдаги табиий йўқотишни ҳисобдан чиқаришга ҳар бир резервуар бўшатилгандан сўнг тозалаш далолатномаси тузиш орқали йўл қўйилади. Тозалаш далолатномаси тасдиқлангандан кейин табиий йўқотиш нормалари ва қуйиш жараёнидаги амалдаги табиий йўқотишга асосланиб ёғ камомади ҳисобдан чиқарилади.


84. Резервуарни тозалашдаги инвентаризация натижалари тўғрисида далолатнома тузилишидан олдин резервуар қайта тўлдириладиган бўлса, ёғ камомади мазкур резервуарнинг Маҳсулотлар мавжудлиги, ҳаракати ва ўлчовлари китобининг (Z-25-сонли шакл) шахсий варағида ҳисобда туришда давом этади.


85. Агар ёғ бериб юборилаётганда айрим резервуарларда ортиқча ёғ миқдори аниқланса, тозалаш далолатномаси бўйича улар кирим қилиниши, наряд бўйича бериб юборилиши, Маҳсулотлар мавжудлиги, ҳаракати ва ўлчовлари китоби (Z-25-сонли шакл) бўйича чиқим қилиниши лозим.

Жамлама далолатнома тузилаётганда айрим резервуарларда аниқланган камомад бошқа резервуарларда топилиб, кирим қилинган ортиқча ёғ ва қуйиш жараёнидаги табиий йўқотиш нормалари билан ёпилади.



VIII БОБ. ЯКУНИЙ ҚОИДА


86. Мазкур Йўриқнома Ўзбекистон Республикаси Соғлиқни сақлаш вазирлиги, Ўзбекистон стандартлаштириш, метрология ва сертификатлаштириш агентлиги, Озиқ-овқат саноати корхоналари уюшмаси, "Ўзбекистон темир йўллари" Давлат акциядорлик компанияси ҳамда Ўзбекистон автомобиль ва дарё транспорти агентлиги билан келишилган.






Йўриқномага

1-ИЛОВА



Қабул қилиш, сақлаш ва бериб юбориш

вақтида ёғ йўқотилишининг олдини олиш

ЧОРАЛАРИ

Ёғ йўқотилишига олиб

келувчи ҳолатлар


Олдини олиш усуллари


Қабул қилиш ва бериб юбориш пайтида

Резервуарни тўлдириб юбориш.


Ҳар бир резервуар тури учун тўлдириш жадвали тузилади. Ёғни цистернадан тортиб олишдан олдин резервуарга ёғ қай даражагача қуйилиши калибрлаш жадвали бўйича ўлчанади, мазкур резервуарга қанча миқдорда ёғ қуйиш мумкинлиги аниқланади. Резервуар тўлгунча қўшимча ёғ қуйилаётганда резервуар тўлиши диққат билан кузатиб турилади.


Цистернадан ёғни бутунлай тўкиб олмаслик.

Пастки тўкиш асбоблари цистернага уланган жойдан ёғ оқиши.


Ёғ тўкиб олингандан сўнг цистерна бутунлай тозаланади.

Қуйишдан олдин пастки тўкиш мосламаларининг ҳамда цистерна қисқа трубасининг техник ҳолати текширилади. Пастки тўкиш мосламаларини цистернага улаш қоидаларига қатъий риоя қилиниши таъминланади. Тўкиш мосламалари тагига албатта челак қўйилади.


Юк оғирлигини нотўғри аниқлаш.


Тортишдан олдин вагон ва автомобиль тарозиси текширилади. Тарозида тортиш қоидаларига қатъий риоя этилади.


Цистернадан тўкиб олинаётганда ёғнинг зич ёпилмаган задвижка орқали қувур бўйлаб оқиб кетиши.


Фойдаланиш жараёнида ёғ сақлаш жойидаги барча задвижкалар ёпиқ ҳолатда ушланади.

Ёғни қуйишдан олдин сақлаш участкаси бошлиғи ёғнинг эстакададан то резервуаргача бўлган йўлида учраган барча задвижкаларни шахсан текширади.


Цистерналар тўлдирилаётганда ёғни сачратиб юбориш.


Ёғ қуйишда шланг албатта цистерна тубига тушириб қўйилади.


Цистернанинг пастки тўкиш қопқоғи орқали ёғ оқиб туриши.


Цистернага ёғ қуйишдан олдин цистернанинг пастки тўкиш мосламаларининг техник ҳолати диққат билан текширилади.


Цистерна юриб кетаётганда тепадаги люк орқали ёғ оқиб чиқиши.


Цистерна оғзининг ички қисмидаги белгидан ошириб ёғ қуйишга йўл қўйилмайди. Цистерна люки зич ёпилади.


Цистерна тўлгандан кейин шланглар бўйлаб ёғ оқиб тушиши.


Цистерна тўлгандан сўнг ёғ қолдиқларини йиғиб олиш учун шланг остига челак осиб қўйилади.


Сақлаш пайтида


Ёғни бир резервуардан бошқа резервуарга ёки тозалаш идишларига қуйишда задвижкалардан ёғ оқиши.


Ҳар куни задвижкалар ҳолати, резервуардаги ёғ сатҳи текширилади.


Резервуардаги дарз кетган жойлар, тешиклар, сальникли қаттиқликлар орқали ёғ оқиб кетиши.


Аниқланган ёғ оқиши ҳоллари бартараф этилади.


Ҳаво ҳарорати кескин ўзгариши натижасида резервуарлар, қувурлар, задвижкалар зарар кўриши.


Ҳаво ҳарорати кескин ўзгарган вақтда ёғни сақлаш жойларининг техник ҳолати устидан назорат кучайтирилади. Ташкилотда юз бериши мумкин бўлган авариялар оқибатларини бартараф этиш учун ташкилотда захира резервуари, асбоб-ускуна ва инструментлар захираси яратилади, шунингдек ходимлар хатти-ҳаракати жадвали тузилади.


     





Йўриқномага

2-ИЛОВА



(Z-30-сонли шакл)


Резервуарлар ва маҳсулот қувурларининг

техник ҳолатини ҳисобга олиш

ЖУРНАЛИ

Т/р

Текшириш

санаси


Резервуар

ва маҳсулот

қувурлари

рақами


Текшириш

натижалари ва

уларни бартараф

этиш бўйича

таклифлар


Текшириш ўтказган

шахснинг Ф.И.О.,

лавозими, имзоси


Носозликни бартараф

этиш учун кўрилган

чоралар ва бартараф

этилган сана. Масъул

шахс имзоси







      





Йўриқномага

3-ИЛОВА



(Z-31-сонли шакл)


Резервуарнинг ёғни қабул қилишга

тайёрлигини белгиловчи

ДАЛОЛАТНОМА


20__ й. "___" ______________


Ташкилот "________________"


Комиссия қуйидаги таркибда: бош муҳандис ________________________ (раис), сақлаш участкаси бошлиғи ________________, лаборатория мудири ___________________ "____"-сонли резервуар ва унга уланган қувурларнинг ёғни қабул қилишга тайёрлигини текширди ва қуйидагиларни аниқлади:

1. Резервуар деворлари ва туби тозаланган, санитар ҳолати


      

       

2. Резервуарлар ва маҳсулот қувурининг техник ҳолати


       

       

        

(резервуар, конструктив узеллари: бостирма, резервуар туби, пойи,

       

резервуарнинг пастки асбоблари пайвандланган жойлар,

         

корпуснинг резервуар тубига тегиб турадиган жойлар герметиклиги)

Комиссия хулосаси: _____-сонли резервуар ва унга уланган қувур

       

        

       

       

          

КОМИССИЯ:



(имзоси, Ф.И.О.)

      

        


(имзоси, Ф.И.О.)

      

        


(имзоси, Ф.И.О.)





Йўриқномага

4-ИЛОВА



(Z-32-сонли шакл)


Ёғни тортиш қайдномаси

Сана: 20___й. "___" ___________

Бригада таркиби: _______________

Иш тури: қабул қилиш

Лаборатория мудири ____________


Тўкувчи-қуювчи ________________


Машинист _____________________

        


Иш бошланиши ___________________

Иш тугаши _____________________

Маҳсулот номи ____________________

Нави __________________________

Етказиб берувчи ташкилот ___________________________________________

Юклаб юборилган станция ___________________________________________

Цистерна рақами _________________

юкхат рақами _________________

Пломбалардаги назорат белгилари ____________________________________

       

       

Резервуар рақами ______


Етказиб берувчи ташкилот ҳужжатлари бўйича:

Тортиш бўйича:

Брутто оғирлик ________________ кг

_______________ кг

идиш ________________________ кг

_______________ кг

нетто ________________________ кг

_______________ кг

Ортиқча _____________________ кг


Камомад ____________________ кг


шундан: йўлда табиий йўқотиш нормаларига чиқарилади ____________ кг

тарози хатосига __________________________________________________ кг

омбор ҳисобига кирим қилинган ___________________________________ кг

Камомад тижорат далолатномаси билан расмийлаштирилади ________ кг

Тижорат далолатномаси рақами: __________


сана: 20___ й "___" __________________


Имзолар:


1. Сақлаш участкаси

бошлиғи (ўринбосари)



(имзо, Ф.И.О.)

2. Етказиб берувчи

ташкилот вакили



(имзо, Ф.И.О.)

3. Қўриқлаш бўлими вакили



(имзо, Ф.И.О.)

4. Ортиш-тушириш

ишлари устаси



(имзо, Ф.И.О.)

         





Йўриқномага

5-ИЛОВА



(Z-33-сонли шакл)


"ТАСДИҚЛАЙМАН"

Ташкилот раҳбари

____________________________

20__ й. "___" ____________



ЁҒНИ ҚАБУЛ ҚИЛИШ

ДАЛОЛАТНОМАСИ _____________


Маҳсулот номи ______________ 20__ й. "___" ____________ қабул қилиш вақти _________________ дан __________________ гача

Маҳсулотни қабул қилиш резервуари рақами ___________________. Юклаб юбориш станцияси ________________________________________

Етказиб берувчи ташкилот ___________________ Етказиб берувчи ташкилот банк ҳисобварағи _________________ дан 20__ й. "___" ____________

Шартнома рақами ______________________ 20__ й. "___" ____________ дан

Тр


Юкхат

рақами


Цис-

терна

рақами


Цис-

терна

тури


Етказиб

берувчи

ташкилот

маълумоти


Қабул қилишда

аниқланган

кўрсаткичлар


Қабул қилиш

натижалари


Қўшим-

чалар


зичлиги

20 С


маҳсулот

оғирлиги

кг да


қуйиш

см да


ҳажми

л да


ҳаро-

рат

С да


амал-

даги

зич-

лик


маҳ-

сулот

оғир-

лиги

кг да


ортиқ-

часи

кг дан


камо-

мад

кг да


йўлда

юзага

келган

табиий

йўқотиш

кг


юзага

келган

камомад
















         

ЖАМИ




Тонна нархи, сўм




Сумма, сўм




Маҳсулотнинг назорат текширувлар бўйича қабул қилиш, сифат

кўрсаткичлари O`z DSt ва ГОСТ талабларига мос


Қўшимча маълумотлар


Сақлаш участкаси бошлиғи (ўринбосари)




Қабул қилишда иштирок этганлар:




Лаборатория мудири




Вакил




Далолатномани бош ҳисобчи текширди




        





Йўриқномага

6-ИЛОВА



Ёғнинг табиий йўқотиш нормалари


Темир йўл цистернаси орқали ташилганда ўсимлик ёғининг табиий йўқотиш нормаси: юк оғирлигига нисбатан - 0,02 фоиз.


Қуйилганда ёғнинг табиий йўқотиш нормалари:

цистернадан резервуарга юк оғирлигига нисбатан - 0,0095 фоиз.

резервуардан цистернага юк оғирлигига нисбатан - 0,0095 фоиз.


Энг кўп учрайдиган ҳолатлар учун нетто оғирликни аниқлаш

натижаларидаги чегаравий тафовут кўрсаткичлари

(ўлчаш усуллари ва воситалари бир хил бўлганда)

Т/р

Нетто оғирликни ўлчаш

усуллари ва воситалари


Чегаравий тафовут

нетто оғирликка

нисбатан фоизда


1.

Юк ортилган вагонни тўхтатиб, составдан узиб олиб, бўлинмаси 50 кг га тенг вагон тарозисида тортиш, нетто оғирлик:



20 тоннадан (ортиқ) 40 тоннагача

± 0,4


40 тоннадан ортиқ бўлганда


± 0,3


2.


Юк ортилган вагонни тўхтатиб, составдан узиб олиб, бўлинмаси 50 кг га тенг вагон тарозисида тортиш (вагон идишлари трафарети бўйича), нетто оғирлик:



16 тоннагача

± 0,7


16 тоннадан (ортиқ) 28 тоннагача (қўшиб)

± 0,5


28 тоннадан (ортиқ) 42 тоннагача (қўшиб)

± 0,3


42 тоннадан ортиқ бўлганда


± 0,2


3.

Юк ортилган вагонни тўхтатиб, составдан узмасдан вагон тарозисида тортиш (составдаги вагонларнинг ўртача сони 35 та деб ҳисобланади, вагон идишлари трафарет бўйича)

± 0,9


Юк ортилган вагонни тортиш (вагон идишлари трафарети бўйича)

± 1,4


Юкни маҳсулот тарозисида тортиш

± 0,1

6-илованинг давоми


Кўп учрайдиган ҳолатлар учун нетто оғирликни

аниқлаш натижасида чегаравий тафовут кўрсаткичлари

(ўлчаш усуллари ва воситалари ҳар хил бўлганда)

Т/р

Нетто оғирликни ўлчаш усуллари ва воситалари


Чегаравий тафовут

нетто оғирликка

нисбатан фоизда


Бериб юбориш ва қабул қилишда


1.

Элеватор (бункер) тарозисида тортиш ёки ± 0,1 фоиз хато билан дозалаш


Юк ортилган ва бўш вагонни тўхтатиб, составдан узиб олиб, бўлинмаси 50 кг га тенг вагон тарозисида тортиш (нетто оғирлик 40 тоннадан ортиқ)


± 0,025

2.

Элеватор (бункер) тарозисида тортиш ёки ± 0,1 фоиз хато билан дозалаш

Юк ортилган вагонни тўхтатиб, составдан узмасдан вагон тарозисида тортиш (вагон идишлари трафарет бўйича), нетто оғирлик:


50 тоннадан (ортиқ) 61 тоннагача (қўшиб)

± 2,4

61 тоннадан 70 тоннагача (қўшиб)

± 2,2

71 тоннадан ортиқ бўлганда

± 2,0


3.

Юк оғирлигини ўлчов, ҳисоб-китоб йўли ёки шартли равишда аниқлаш

Юк ортилган вагонни тўхтатиб, составдан узиб олиб ёки тўхтатиб, составдан узмасдан туриб вагон тарозисида тортиш (вагон идишлари трафарет бўйича), нетто оғирлик:


20 тоннадан (ортиқ) 36 тоннагача (қўшиб)

± 7,0

36 тоннадан (ортиқ) 45 тоннагача (қўшиб)

± 5,0

45 тоннадан (ортиқ) 60 тоннагача (қўшиб)

± 4,0

60 тоннадан (ортиқ) 70 тоннагача (қўшиб)

± 3,0

70 тоннадан ортиқ бўлганда


± 2,5


      





Йўриқномага

7-ИЛОВА

(Z-25-сонли шакл)


Маҳсулотлар мавжудлиги, ҳаракати ва ўлчовлари

КИТОБИ

(ўсимлик ёғи)

"_________________________" ташкилоти

Резервуар рақами _______, юкланиш меъёри __________________ тн

Рухсат этилган қуйилиш баландлиги _____________ мм, тубнинг нотекислиги ва қиялигига тузатиш ________________ (кг)

Сана

Ҳужжат

рақами


Кимдан қабул қилинди

ёки кимга бериб

юборилди


Ҳужжатлар

бўйича


Ўлчаш бўйича

Жараённи

амалга оширган

участка бошлиғи

ёки унинг

ўринбосарлари

имзоси


кирим


чиқим


қолдиқ


қуйилиш

баланд-

лиги,

мм


ўлчаш

пайти-

даги

ҳарорат

С


вертикал

резервуарда

маҳсулот

миқдори,

тузатиш-

ларни

ҳисобга

олган

ҳолда


ортиқ-

чалик


камо-

мад


1

2


3

4

5

6

7

8

9

10

11

12



      











      










     










      










      










     










      








Моддий жавобгар шахслар



(имзо, Ф.И.О.)

      





Йўриқномага

8-ИЛОВА



(Z-34-сонли шакл)


Резервуарни ўлчаш натижалари тўғрисида

ДАЛОЛАТНОМА

"ТАСДИҚЛАЙМАН"


"_____________"

____________ ташкилоти раҳбари


20___ й. "____" _______________


МАҲФИЙ

(тўлдирилганда)

Комиссия қуйидаги таркибда

        

      

           

Сақлаш участкаси бошлиғи иштирокида



__________________

(маҳсулот номи)

          

Резервуарида ўлчаш ўтказди ва аниқлади: __________________________


        

       

       

Т/р

Кўрсаткичлар номи


Ўлчаш

бирлиги


Резервуарлар рақамлари


    

    

    

    

    

    

    

    

1.

Баландлик трафарети


мм





2.

Энг юқори қуйиш чизиғи


мм

3.

Қуйилган маҳсулотнинг нетто оғирлиги


мм

4.

Калибрлаш жадвали бўйича маҳсулот ҳажми


л

5.

20° С да маҳсулот зичлиги


г/кв.см.

6.

Ўлчаш пайтида маҳсулот ҳарорати


°С

7.

Ўлчаш пайтидаги ҳароратда маҳсулот зичлиги


г/кв.см.

8.

Туб нотекислигига тузатиш


кг

9.

Ўлчаш натижаси бўйича маҳсулот миқдори


кг

10.

Ҳисобда туради


кг

11.

Ортиқча


кг

12.

Камомад


кг

13.

Ўлчашда йўл қўйилиши мумкин бўлган хато (± 0,2 фоиз)


кг

14.

Нормадан ортиқ хато


кг

Комиссия хулосалари ва таклифлари


      

       

Комиссия:

1.




(имзо, Ф.И.О.)


2.




(имзо, Ф.И.О.)


3.




(имзо, Ф.И.О.)

Сақлаш участкаси бошлиғининг тушунтириши


      

       

        





Йўриқномага

9-ИЛОВА



(Z-35-сонли шакл)


Цистерналардан намуна олиш

ДАЛОЛАТНОМАСИ


20___ й. "____" ______________


___________________ ташкилоти


Биз, қуйида имзо қўювчилар, ___________________________ ташкилотига _____________________________________ ташкилоти томонидан станциядан (станциягача) ___________________________________________

         

(бериб юбориш ёки қабул қилиб олиш станцияси номи, етказиб берувчи ёки қабул қилувчи ташкилот номи)

20___ йил "____" ___________ да ____-сонли юкхат билан келтирилган, нетто оғирлиги ___________ тонна бўлган, ________-сонли цистернадан

       

(маҳсулот номи)

____________ O`z DSt, ГОСТ га мувофиқ _____-сонли цистернадан ____ кг.

миқдорда ўртача намуна олинди,


тоза ва


(шиша идишлар сони ва ҳажми)


қуруқ шиша идишларига қуйилди, ташкилот лабораториясининг Низоли ҳолат учун намуналарни рўйхатга олиш китобига _____________ рақами остида қайд этилди.

Намуна солинган шиша идишлар


тиқин билан зич ёпилди,


(қандай тиқин)


шиша идишларга этикетка ёпиштирилган, тиқинлар



(нима билан ўралгани кўрсатилсин)

билан ўралган ва ____________ ташкилоти муҳри билан муҳрланган, низоли ҳолат учун таҳлил ўтказиш эҳтимолини кўзлаб, ____________ташкилоти лабораториясига сақлаш учун топширилган.


Намунани олдилар ва муҳрладилар:

          

(Ф.И.О., лавозими, имзоси)

       

     

      

      

       

Имзо: _______________





Йўриқномага

10-ИЛОВА



(Z-36-сонли шакл)


ТАСДИҚЛАЙМАН

Ташкилот раҳбари "__________"

20___ й. "____" ______________



Низоли ҳолат учун намуналарни

сақлашни бекор қилиш ҳақида

ДАЛОЛАТНОМА


20___ й. "____" ______________


Биз, қуйида имзо қўювчилар:

бош муҳандис _______________________, лаборатория мудири ______________________ ва сақлаш участкаси бошлиғи ________________ 20___ й. "____" ___________да қуйидаги низоли ҳолат учун намуналарни

      

(маҳсулот тури)

        

      

         

сақлаш бекор қилингани ҳақида ушбу далолатномани туздик.


рақамли сақлаш бекор

қилинган намуналар



(қандай сабабга кўра)

Жами резервуарга қуйилган ________ кг.

Бош муҳандис



(Ф.И.О., имзо)

Лаборатория мудири



(Ф.И.О., имзо)

Сақлаш участкаси бошлиғи



(Ф.И.О., имзо)

      





Йўриқномага

11-ИЛОВА



(Z-37-сонли шакл)


Низоли ҳолат учун намуналарни рўйхатга олиш

КИТОБИ

Намуна

рақами


Намуна

олинган

кун


Намуна олиш

далолатнома-

си рақами


Маҳсулот

номи ва нави


Намуналар

сони


Намуна

учун

олинган

маҳсулот

миқдори


Цистерна

рақами


Таҳлил ўтказиш

учун мустақил

лабораторияга

топширилган


Намунани

цистернадан

олиш тўғрисидаги

далолатнома

тузилган сана

ва рақами


Резервуарга

қайтарилган

ёғ миқдори


1

2


3

4

5

6

7

8

9

10










        





Йўриқномага

12-ИЛОВА



(Z-38-сонли шакл)


Резервуарни тозалашдаги инвентаризация

натижалари тўғрисида

ДАЛОЛАТНОМА


Инвентаризация комиссияси таркиби: бош муҳандис ________________, лаборатория мудири ________________, бош ҳисобчи ____________________ ва _______________ сақлаш участкаси бошлиғи иштирокида _____________

_______________ текшириш ишлари ўтказилганда қуйидагилар аниқланди:

(маҳсулот номи)


Миқдори


ўрин сони


нетто

оғирлиги (кг)


1. 20__ й. "___" _________ қайта ўлчашда аниқланган қолдиқ



       



2. 20___ й. ___________ дан 20___ й. ___________ гача келиб тушди




3. Жами (1+2)




4. 20___ й. "___" _________ дан 20___ й. "___" _________гача бериб юборилди (юкланди)




5. 20___ й. "___" _________ қайта ўлчашда аниқланган қолдиқ




6. Жами (4 + 5)




7. Камомад (3 - 6)




8. Ортиқчалик (6 - 3)




9. Ўртача сақлаш давомийлиги ________ ой




10. Маҳсулотни сақлаш, қуйиш ва чиқаришда белгиланган табиий йўқотиш нормаси ҳисоби:

а) резервуарга қуйишда 0,0095 фоиз

б) резервуардан қуйишда 0,0095 фоиз

в) жами (а + б)




11. Сақлаш резервуарига қуйиш ва резервуардан қуйиб олишдаги табиий йўқотиш ҳисобига, ҳисобдан чиқарилиши лозим бўлган йўқотиш




12. Нормадан ортиқ (асоссиз) камомад қолмоқда (7 - 11)




Ташкилот раҳбари:



(Ф.И.О., имзо)

Бош муҳандис:



(Ф.И.О., имзо)

Бош ҳисобчи:



(Ф.И.О., имзо)

Лаборатория мудири



(Ф.И.О., имзо)

Сақлаш участкаси бошлиғи



(Ф.И.О., имзо)

    

    

Z-38-сонли шаклнинг орқа томони

1. Моддий жавобгар шахснинг тушунтириши:


       

      

       

      

       

         

           

2. Ташкилот комиссияси хулосалари


    

     

      

       

      

       

        

3. Ташкилот раҳбари хулосаси


       

      

      

       

       

       

          

4. Далолатноманинг "Ўздавзахира" қўмитасининг 1-бошқармаси бошлиғи ва бош ҳисобчиси томонидан текширилиши

      

      

       

       

      

      

        

1-бошқарма бошлиғи



(Ф.И.О., имзо)

1-бошқарма бош

мутахассиси (технолог)



(Ф.И.О., имзо)

1-бошқарма бош мутахассиси



(Ф.И.О., имзо)

Бош ҳисобчи



(Ф.И.О., имзо)

"Ўзбекистон Республикаси қонун ҳужжатлари тўплами",

2013 йил 7 октябрь, 40-сон, 535-модда































Время: 0.1628
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск