Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Иқтисодиётнинг айрим соҳалари / Ўз кучини йўқотган ҳужжатлар / Қишлоқ ва сув хўжалиги / Харид қилишдаги ҳисоб-китоблар /

Ўзбекистон Республикаси Вазирлар Маҳкамасининг 07.11.2002 й. 383-сон "Давлат эҳтиёжлари учун харид қилинадиган қишлоқ хўжалиги маҳсулотлари етиштиришни маблағ билан таъминлаш механизмини такомиллаштириш чора-тадбирлари тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

07.11.2002 й.

N 383



ДАВЛАТ ЭҲТИЁЖЛАРИ УЧУН

ХАРИД ҚИЛИНАДИГАН ҚИШЛОҚ ХЎЖАЛИГИ

МАҲСУЛОТЛАРИ ЕТИШТИРИШНИ МАБЛАҒ

БИЛАН ТАЪМИНЛАШ МЕХАНИЗМИНИ

ТАКОМИЛЛАШТИРИШ ЧОРА-ТАДБИРЛАРИ

ТЎҒРИСИДА


Давлат эҳтиёжлари учун харид қилинадиган қишлоқ хўжалиги махсулотлари етиштиришни маблағ билан таъминлаш механизмини янада такомиллаштириш, фермер хўжаликлари ролини ошириш, фермерларда мулкдорлик, жалб этиладиган маблағлардан самарали фойдаланиш учун иқтисодий жавобгарлик ҳиссини шакллантириш ва ривожлантириш мақсадида Вазирлар Махкамаси ҚАРОР ҚИЛАДИ:


1. Ўзбекистон Республикаси Молия вазирлиги, Қишлоқ ва сув хўжалиги вазирлиги, Деҳқон ва фермер хўжаликлари уюшмасининг Бухоро, Фарғона, Наманган ва Хоразм вилоятларида амалдаги тайёрлов корхоналари орқали аванс бериш механизми ўрнига фермер хўжаликларининг давлат эҳтиёжлари учун сотиладиган пахта хом ашёси ва ғалла етиштириш бўйича ҳаражатларини уларга хизмат кўрсатувчи тижорат банклари орқали тўғридан-тўғри имтиёзли кредитлаш механизмини 2003 йил ҳосилидан бошлаб синаб кўриш тўғрисидаги таклифига розилик берилсин.


2. Юқорида кўрсатилган минтақаларда фермер хўжаликларини экиш материали билан "Ўздонмахсулот" давлат-акциядорлик корпорацияси ва "Ўзпахтасаноат" уюшмаси тайёрлов корхоналари томонидан ғалла ва пахта хом ашёси бўлғуси хосили учун аванс бериш ҳисобига таъминлашнинг;

фермер хўжаликларига пахта хом ашёси теримчилари билан ҳисоб-китоб қилиш учун ҳақиқий тайёрланган пахта хом ашёси ҳажмидан келиб чиққан ҳолда "Пахтасаноат" худудий бирлашмалари орқали маблағлар ажратишнинг амаддаги тартиби сақлаб қолинсин.


3. Белгилаб қўйилсинки:

фермер хўжаликларига кредитлар улар томонидан давлат эхтиёжлари учун сотиладиган ғалла ва пахта хом ашёси қийматининг 50 фоизигача миқдорда, аванс ҳисобига етказиб бериладиган экиш материали қийматини ҳисобга олган ҳолда, йилига кўпи билан 5 фоизли ставка билан ҳамда хосил йиғиштириб олингунгача ва улар бўйича ҳисоб-китоб қилингунгача муддатга берилади;

кредитлар қишлоқ хўжалиги махсулотларини тайёрлов ташкилотларига сотишдан фермер хўжаликларига тушадиган маблағлар ҳисобига биринчи навбатда қопланади.


4. Ўзбекистон Республикаси Молия вазирлиги тижорат банкларининг фермер хўжаликларига имтиёзли фоиз ставкалари бўйича кредитлар бериш билан боғлиқ харажатларини қоплаш механизмини бир ой муддатда ишлаб чиқсин.


5. Ўзбекистон Республикаси Молия вазирлиги ва Марказий банки "Ўзагросуғурта" давлат-акциядорлик суғурта компанияси, Қишлоқ ва сув хўжалиги вазирлиги, Деҳқон ва фермер хўжаликлари уюшмаси хамда тижорат банклари билан биргаликда бир ой муддатда:

кредитлар қайтарилишини таъминлашни - "Ўзагросуғурта" давлат-акциядорлик суғурта компаниясининг суғурта полисларини ва ҳар бир фермер хўжалигининг имкониятларидан келиб чиқиб таъминлашнинг бошқа шаклларини назарда тутган ҳолда давлат эхтиёжлари учун харид қилинадиган пахта хом ашёси ва ғалла етиштириш бўйича фермер хўжаликларининг харажатларини кредитлашнинг;

тижорат банклари томонидан фермер хўжаликларига давлат эҳтиёжлари учун харид қилинадиган пахта хом ашёси ва ғалла етиштиришни маблағ билан таъминлаш учун бериладиган имтиёзли кредитлар қайтарилишини суғурталашнинг вақтинчалик тартибини ишлаб чиқсинлар ҳамда тасдиқлаш учун Ҳисоб-китоблар механизмини такомиллаштириш ва бюджетга тўловлар интизомини мустаҳкамлаш бўйича Ҳукумат комиссиясига киритсинлар.


6. "Ўзагросуғурта" давлат-акциядорлик суғурта компанияси ҳар бир фермер хўжалига бўйича ғўза ва ғалла экинларининг аҳволини, уларни етиштириш бўйича харажатларни кредитлашни давом эттиришнинг мақсадга мувофиқлигини аниқлаш учун мунтазам мониторинг ўрнатсин ҳамда экинларнинг аҳволи қониқарсиз экашшги аниқланган ҳолларда тегишли тижорат банкларини ўз вақтида хабардор қилсин.


7. Тижорат банклари раҳбарларига:

фермер хўжаликларининг давлат эҳтиёжлари учун харид қилинадиган ғалла ва пахта хом ашёсини етиштириш бўйича харажатларини кредитлашнинг тайёрлов корхоналари билан тузилган контрактация шартномалари ва "Ўзагросуғурта" давлат-акциядорлик суғурта компаниясининг экинларнинг аҳволи ва кутилаётган ҳосилдорлик тўғрисидаги хулосаларига қатьий риоя қилган ҳолда ташкил этилиши;

кредит ресурсларининг қишлоқ хўжалиги экинлари ўстиришнинг технология карталарига мувофиқ харажатлар нормаларига биноан ажратилиши ва мақсадли фойдаланилиши юзасидан шахсий масъулият юклансин.


8. Махфий.


9. Мазкур қарорнинг бажарилишини назорат қилиш Бош вазир ўринбосари Р.С. Азимов зиммасига юклансин.



Вазирлар Маҳкамасининг Раиси                                   И. Каримов



"Ўзбекистон Республикаси қонун ҳужжатлари тўплами" 2002 й. 21-сон

































Время: 0.1338
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск