Марказий банк Бошқарувининг 222-В-сон, Молия вазирлигининг 89-сон, Давлат солиқ қўмитасининг 2002-62-сон "Ўзбекистон Республикаси ҳудудида нақд хорижий валютани қабул қилиш тартиби тўғрисидаги Низом"ни (Янги таҳрирда) тасдиқлаш тўғрисида"ги 27.07.2002 й. Қарори (АВ томонидан 12.08.2002 й. 1165-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

12.08.2002 й.

N 1165

ҚАРОРИ

Ўзбекистон Республикаси ҳудудида нақд

хорижий валютани қабул қилиш тартиби

тўғрисидаги низомни (янги таҳрирда)

тасдиқлаш тўғрисида

Ўзбекистон Республикасининг "Ўзбекистон Республикаси Марказий банки тўғрисида"ги Қонуннинг 40-моддасига ва "Валютани тартибга солиш тўғрисида"ги Қонуннинг 7 ва 21-моддаларига мувофиқ ва Ўзбекистон Республикаси Президентининг 2002 йил 27 июндаги ПФ-3099-сонли "Ўзбекистон Республикасида нақд хорижий валютанинг муомаласини тартибга солиш бўйича қўшимча чоралар тўғрисида"ги Фармони, Ўзбекистон Республикаси Вазирлар Маҳкамасининг 2001 йил 22 июндаги 263-сонли "Валюта бозорини янада эркинлаштириш чора-тадбирлари тўғрисида"ги ҳамда 2002 йил 28 июндаги 235-сонли "Ўзбекистон Республикаси Ҳукуматининг айрим қарорларига ўзгартиришлар киритиш тўғрисида"ги қарорларининг ижросини таъминлаш мақсадида, Ўзбекистон Республикаси Марказий банки Бошқаруви, Ўзбекистон Республикаси Молия вазирлиги ва Ўзбекистон Республикаси Давлат солиқ қўмитаси ҚАРОР ҚИЛАДИ:

1. "Ўзбекистон Республикаси ҳудудида нақд хорижий валютани қабул қилиш тартиби тўғрисидаги Низом" (янги таҳрирда) Иловага мувофиқ тасдиқлансин.

2. Ушбу Қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб, 10 кундан сўнг кучга киритилсин.

3. Мазкур Қарор кучга киритилгандан сўнг "Ўзбекистон Республикаси ҳудудида товарлар ва хизматлар тўлови учун нақд хорижий валютани қабул қилиш тартиби тўғрисидаги Низом" (Ўзбекистон Республикаси Адлия вазирлигида 2001 йил 3 июлда 1046-сон билан рўйхатга олинган) ва "Ўзбекистон Республикаси ҳудудида товарлар ва хизматлар тўлови учун нақд хорижий валютани қабул қилиш тартиби тўғрисидаги Низомга 1-сон ўзгартириш" (Ўзбекистон Республикаси Адлия вазирлигида 2001 йил 31 августда 1046-1-сон билан рўйхатга олинган) ўз кучини йўқотган деб ҳисоблансин.