Ўзбекистон Республикаси Олий Кенгашининг 02.07.1992 й. 624-XII-сон "Монополистик фаолиятни чеклаш тўғрисида"ги Ўзбекистон Республикаси Қонунини амалга киритиш ҳақида"ги Қарори

Функция недоступна

ЎЗБЕКИСТОН РЕСПУБЛИКАСИ

ОЛИЙ КЕНГАШИНИНГ

ҚАРОРИ

02.07.1992 й.

N 624-XII

"МОНОПОЛИСТИК ФАОЛИЯТНИ ЧЕКЛАШ

ТЎҒРИСИДА"ГИ ЎЗБЕКИСТОН РЕСПУБЛИКАСИ

ҚОНУНИНИ АМАЛГА КИРИТИШ ҲАҚИДА

Ўзбекистон Республикаси Олий Кенгаши ҚАРОР ҚИЛАДИ:

1. "Монополистик фаолиятни чеклаш тўғрисида"ги Ўзбекистон Республикаси Қонуни эълон қилинган пайтдан бошлаб амалга киритилсин.

2. Ўзбекистон Республикаси Президенти ҳузуридаги Вазирлар Маҳкамаси зиммасига икки ойлик муддат ичида:

монополияга қарши фаолиятни амалга оширишга ваколатли бўлган бошқарув идорасини тузиш;

Ўзбекистон Республикасининг қонун ҳужжатларини "Монополистик фаолиятни чеклаш тўғрисида"ги Қонунга мувофиқ ҳолга келтириш ҳақидаги таклифларни, Ўзбекистон Республикаси Олий Кенгашига тақдим этиш;

Ўзбекистон Республикаси Ҳукуматининг қарорларини "Монополистик фаолиятни чеклаш тўғрисида"ги Қонунга мувофиқ ҳолда келтириш;

Ўзбекистон Республикаси вазирликлари, давлат қўмиталари ва идораларининг ушбу Қонунга зид келадиган норматив ҳужжатлари қайта кўриб чиқилишини ва бекор қилинишини таъминлаш вазифалари топширилсин.

3. Ўзбекистон Республикаси Олий Кенгашининг Иқтисодий ислоҳот, бюджет сиёсати ва маҳаллий ўзини ўзи бошқариш қўмитаси "Монополистик фаолиятни чеклаш тўғрисида"ги Ўзбекистон Республикаси Қонунининг ижроси устидан назорат ўрнатсин.

Ўзбекистон Республикаси

Олий Кенгашининг Раиси                                                    Ш. Йўлдошев