Ўзбекистон Республикаси Президентининг 29.12.2009 й. ПҚ-1250-сон "Ўзбекистон Республикаси Президентининг айрим қарорларига ўзгартишлар киритиш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

29.12.2009 й.

N ПҚ-1250

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ АЙРИМ ҚАРОРЛАРИГА

ЎЗГАРТИШЛАР КИРИТИШ ТЎҒРИСИДА

Ўзбекистон Республикаси Президентининг "Саноат кооперацияси асосида тайёр маҳсулотлар, бутловчи буюмлар ва материаллар ишлаб чиқаришни маҳаллийлаштиришни чуқурлаштиришга доир қўшимча чора-тадбирлар тўғрисида" 2009 йил 1 декабрдаги ПҚ-1236-сон қарорига мувофиқ:

1. Ўзбекистон Республикаси Президентининг айрим қарорларига иловага мувофиқ ўзгартишлар киритилсин.

2. Мазкур қарорнинг ижросини назорат қилиш Ўзбекистон Республикасининг Бош вазири Ш.М. Мирзиёев зиммасига юклансин.

Ўзбекистон Республикаси Президенти                                 И. Каримов

Ўзбекистон Республикаси

Президентининг

2009 йил 29 декабрдаги

ПҚ-1250-сон қарорига

ИЛОВА

Ўзбекистон Республикаси Президентининг айрим

қарорларига киритиладиган ўзгартишлар

1. Ўзбекистон Республикаси Президентининг "Ўзметкомбинат" АИБ ишлаб чиқаришини 2007 - 2011 йиллар даврида модернизациялаш, техникавий ва технологик қайта жиҳозлаш дастури тўғрисида" 2007 йил 10 июлдаги ПҚ-669-сон қарорининг 5-бандида "Маҳаллий хом ашё негизида тайёр маҳсулот, бутловчи буюмлар ва материаллар ишлаб чиқаришни маҳаллийлаштириш Дастури амалга оширилишини таъминлаш бўйича махсус комиссия" сўзлари "Саноат кооперацияси асосида тайёр маҳсулот, бутловчи буюмлар ва материаллар ишлаб чиқаришни маҳаллийлаштириш Дастури амалга оширилишини таъминлаш бўйича махсус идоралараро комиссия" сўзлари билан алмаштирилсин.

2. Ўзбекистон Республикаси Президентининг "2009 йилда саноат кооперацияси асосида тайёр маҳсулотлар, бутловчи буюмлар ва материаллар ишлаб чиқаришни маҳаллийлаштириш Дастури тўғрисида" 2009 йил 27 январдаги ПҚ-1048-сон қарори:

3-бандининг бешинчи хатбошидаги "Саноат кооперацияси асосида тайёр маҳсулотлар, бутловчи буюмлар ва материаллар ишлаб чиқаришни маҳаллийлаштириш дастурининг амалга оширилишини таъминлаш бўйича Махсус комиссия" сўзлари "Саноат кооперацияси асосида тайёр маҳсулот, бутловчи буюмлар ва материаллар ишлаб чиқаришни маҳаллийлаштириш дастурининг амалга оширилишини таъминлаш бўйича Махсус идоралараро комиссия (кейинги ўринларда - Махсус комиссия)" сўзлари билан алмаштирилсин;

7-бандининг тўртинчи хатбошидаги "Республика саноат ярмаркаси ва Кооперация биржасининг Ижро этувчи органи" сўзлари "Халқаро саноат ярмаркаси ва Кооперация биржасининг Дирекцияси" сўзлари билан алмаштирилсин.

"Ўзбекистон Республикаси қонун ҳужжатлари тўплами", 2009 йил, 52-сон, 561-модда.