Ўзбекистон Республикаси Президентининг 01.07.2008 й. ПҚ-903-сон "Навоий кон-металлургия комбинати ва Навоий шаҳрининг 50 йиллигига тайёргарлик кўриш ҳамда уни нишонлаш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

01.07.2008 й.

N ПҚ-903

НАВОИЙ КОН-МЕТАЛЛУРГИЯ КОМБИНАТИ

ВА НАВОИЙ ШАҲРИНИНГ 50 ЙИЛЛИГИГА

ТАЙЁРГАРЛИК КЎРИШ ҲАМДА УНИ

НИШОНЛАШ ТЎҒРИСИДА

Мамлакатнинг иқтисодий ва экспорт салоҳиятини шакллантириш ҳамда ривожлантиришда Навоий кон-металлургия комбинати ва Навоий шаҳрининг катта роли ҳамда аҳамиятини ҳисобга олиб, Ўзбекистоннинг фаровонлиги ва равнақ топишида, унинг халқаро мавқеини оширишда кўпмиллатли комбинат жамоасининг юқори малакали меҳнати ҳамда салмоқли ҳиссасини муносиб равишда баҳолаган ҳолда, шунингдек комбинат ва Навоий шаҳрининг 50 йиллиги муносабати билан:

1. Навоий вилояти ва шаҳри ҳокимликлари, Навоий кон-металлургия комбинати меҳнат жамоасининг комбинат ва Навоий шаҳрининг 50 йиллигини 2008 йил ноябрда нишонлаш тўғрисидаги таклифи қабул қилинсин.

2. Навоий кон-металлургия комбинати ва Навоий шаҳрининг 50 йиллиги муносабати билан юбилей тадбирларига тайёргарлик кўриш ва уни ўтказиш бўйича Республика ташкилий қўмитасининг таркиби 1-иловага* мувофиқ тасдиқлансин.

3. Ташкилий қўмита (Ш.М. Мирзиёев) зиммасига қуйидаги асосий ишларни амалга ошириш вазифаси юклансин:

Навоий кон-металлургия комбинати ва Навоий шаҳрининг тарихи ҳамда бугунги кундаги тараққиётини Ўзбекистон ва хорижда кенг тарғиб этиш тадбирларини ташкил қилиш;

Навоий шаҳри ва Навоий кон-металлургия комбинатининг таркибий бўлинмаларида объектларни реконструкция қилиш, ободонлаштириш ва янгиларини қуриш, шунингдек ижтимоий инфратузилмани ривожлантириш тадбирларини 2 ва 3-иловаларга* мувофиқ амалга ошириш;

Навоий кон-металлургия комбинати ва Навоий шаҳрининг 50 йиллигига бағишланган байрам тантаналарига тайёргарлик кўриш ҳамда уни юқори даражада ўтказиш.

4. Комбинатнинг шахсий маблағлари, шунингдек маҳаллий бюджет ва ҳомийлар маблағлари Навоий кон-металлургия комбинати ва Навоий шаҳрининг 50 йиллигини нишонлаш билан боғлиқ тадбирларни молиялаштириш манбалари этиб белгилансин.

5. Навоий кон-металлургия комбинати Навоий вилоят ва шаҳар ҳоким ликлари билан биргаликда бир ой муддатда Навоий кон-металлургия комбинати, шунингдек Навоий шаҳрини барпо этиш ва ривожлантиришга муносиб ҳисса қўшган ходимларни давлат мукофотлари билан тақдирлаш бўйича таклифлар киритсин.

6. Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситалари Навоий кон-металлургия комбинати ва Навоий шаҳрининг 50 йиллик юбилейига тайёргарлик кўриш ва уни ўтказиш бўйича тадбирлар кенг ёритилишини таъминласин.

7. Мазкур Қарорнинг ижросини назорат қилиш Ўзбекистон Республикаси Бош вазири Ш.М. Мирзиёев зиммасига юклансин.

Ўзбекистон Республикасининг Президенти                        И. Каримов

*) Иловалар берилмайди.

“Ўзбекистон Республикаси Олий Мажлиси Палаталари Ахборотномаси”, 2008 й., 7-сон, 376-модда.