ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Божхона қонунчилиги / Қўшимчалар ва ўзгартиришлар киритилган ҳужжатлар / Алоҳида турдаги товарлар ва транспорт воситаларини олиб чиқиш ва олиб кириш, жойини ўзгартириш /

Давлат божхона қўмитасининг 01-02/12-28-сон, Ички ишлар вазирлигининг 35-сон "Ўзбекистон Республикаси ҳудудига олиб кирилаётган транспорт воситаларини божхона расмийлаштирувидан ўтказиш ва Ўзбекистон Республикаси Ички ишлар вазирлиги ҳудудий Давлат йўл ҳаракати хавфсизлиги хизмати органларида рўйхатга олиш тартиби тўғрисидаги низомни тасдиқлаш ҳақида"ги қарорга ўзгартириш ва қўшимчалар киритиш ҳақида"ги 08.11.2013 й. Қарори (АВ томонидан 19.12.2013 й. 2156-1-сон билан рўйхатга олинган)

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

19.12.2013 й.

N 2156-1

ЎЗБЕКИСТОН РЕСПУБЛИКАСИ

ДАВЛАТ БОЖХОНА ҚЎМИТАСИНИНГ

08.11.2013 й.

N 01-02/12-28


ЎЗБЕКИСТОН РЕСПУБЛИКАСИ

ИЧКИ ИШЛАР ВАЗИРЛИГИНИНГ

08.11.2013 й.

N 35


ҚАРОРИ



"Ўзбекистон Республикаси ҳудудига олиб кирилаётган

транспорт воситаларини божхона расмийлаштирувидан

ўтказиш ва Ўзбекистон Республикаси Ички ишлар вазирлиги

ҳудудий Давлат йўл ҳаракати хавфсизлиги хизмати органларида

рўйхатга олиш тартиби тўғрисидаги низомни тасдиқлаш

ҳақида"ги қарорга ўзгартириш ва қўшимчалар

киритиш ҳақида



Ўзбекистон Республикаси "Давлат божхона хизмати тўғрисида"ги Қонунининг (Ўзбекистон Республикаси Олий Мажлисининг Ахборотномаси, 1997 й., 9-сон, 230-модда) 6-моддаси ва Ўзбекистон Республикаси Вазирлар Маҳкамасининг 2013 йил 13 апрелдаги 106-сон "Ўзбекистон Республикасида товарлар ва транспорт воситаларини вақтинчалик четдан олиб келиш (четга олиб чиқиш) шартлари тўғрисида"ги қарорига (Ўзбекистон Республикаси қонун ҳужжатлари тўплами, 2013 й., 16-сон, 217-модда) мувофиқ Ўзбекистон Республикаси Давлат божхона қўмитаси ва Ички ишлар вазирлиги ҚАРОР ҚИЛАДИЛАР:


1. Ўзбекистон Республикаси Давлат божхона қўмитаси ва Ички ишлар вазирлигининг 2010 йил 28 октябрдаги 01-02/12-8, 20-сон "Ўзбекистон Республикаси ҳудудига олиб кирилаётган транспорт воситаларини божхона расмийлаштирувидан ўтказиш ва Ўзбекистон Республикаси Ички ишлар вазирлиги ҳудудий Давлат йўл ҳаракати хавфсизлиги хизмати органларида рўйхатга олиш тартиби тўғрисидаги низомни тасдиқлаш ҳақида"ги қарорига (рўйхат рақами 2156, 2010 йил 19 ноябрь) (Ўзбекистон Республикаси қонун ҳужжатлари тўплами, 2010 й., 47-сон, 439-модда) иловага мувофиқ ўзгартириш ва қўшимчалар киритилсин.


2. Мазкур қарор расмий эълон қилинган кундан эътиборан кучга киради.

Давлат божхона қўмитаси раиси

З. Дусанов

Ички ишлар вазири

Б. Матлюбов

       





Қарорга

ИЛОВА



"Ўзбекистон Республикаси ҳудудига олиб кирилаётган

транспорт воситаларини божхона расмийлаштирувидан

ўтказиш ва Ўзбекистон Республикаси Ички ишлар вазирлиги

ҳудудий Давлат йўл ҳаракати хавфсизлиги хизмати органларида

рўйхатга олиш тартиби тўғрисидаги низомни тасдиқлаш

ҳақида"ги қарорга киритилаётган ўзгартириш

ва қўшимчалар


1. Қарорда:


а) номи қуйидаги таҳрирда баён этилсин:

"Божхона чегарасидан олиб ўтилаётган автотранспорт воситаларини божхона расмийлаштирувидан ўтказиш тартиби тўғрисидаги низомни тасдиқлаш ҳақида";


б) 1-банд қуйидаги таҳрирда баён этилсин:

"1. Божхона чегарасидан олиб ўтилаётган автотранспорт воситаларини божхона расмийлаштирувидан ўтказиш тартиби тўғрисидаги низом иловага мувофиқ тасдиқлансин.".


2. Низомда:


а) номи қуйидаги таҳрирда баён этилсин:


"Божхона чегарасидан олиб ўтилаётган автотранспорт

воситаларини божхона расмийлаштирувидан

ўтказиш тартиби тўғрисида низом";


б) муқаддима қуйидаги таҳрирда баён этилсин:

"Мазкур Низом Ўзбекистон Республикаси Божхона кодексига (Ўзбекистон Республикаси Олий Мажлисининг Ахборотномаси, 1998 й., 2-сон, 36-модда), Ўзбекистон Республикаси "Давлат божхона хизмати тўғрисида"ги Қонунининг (Ўзбекистон Республикаси Олий Мажлисининг Ахборотномаси, 1997 й., 9-сон, 230-модда) 6-моддасига, Ўзбекистон Республикаси Вазирлар Маҳкамасининг 1996 йил 21 ноябрдаги 408-сон "Хорижий фуқароларнинг ва фуқаролиги бўлмаган шахсларнинг Ўзбекистон Республикасига келишлари, кетишлари, бу ерда бўлишлари ва транзит ўтишлари тартиби тўғрисида"ги, 1997 йил 26 майдаги 256-сон "Автомототранспорт воситаларини рўйхатдан ўтказиш, қайта рўйхатдан ўтказиш ва уларнинг ҳисобини олиб бориш, миллий давлат рақами белгиларини бериш ва уларни алмаштириш ишларини тартибга солиш ҳақида"ги ва 2013 йил 13 апрелдаги 106-сон "Ўзбекистон Республикасида товарлар ва транспорт воситаларини вақтинчалик четдан олиб келиш (четга олиб чиқиш) шартлари тўғрисида"ги (Ўзбекистон Республикаси қонун ҳужжатлари тўплами, 2013 й., 16-сон, 217-модда) қарорларига мувофиқ божхона чегарасидан олиб ўтилаётган автотранспорт воситаларини божхона расмийлаштирувидан ўтказиш тартибини белгилайди.";


в) 1-банд қуйидаги таҳрирда баён этилсин:

"1. Автотранспорт воситалари божхона чегарасидан олиб ўтилаётганда Ўзбекистон Республикаси Давлат божхона қўмитасининг Қорақалпоғистон Республикаси, вилоятлар ва Тошкент шаҳри бўйича бошқармалари ва "Тошкент-АЭРО" ихтисослаштирилган божхона комплекси (кейинги ўринларда давлат божхона хизматининг ҳудудий органлари деб юритилади) божхона постларида божхона расмийлаштирувидан ўтказилади.";


г) 2-бандда:

иккинчи - еттинчи хатбошилар қуйидаги таҳрирда баён этилсин:

"автотранспорт воситалари - йўловчилар, багаж, юклар ташишга ҳамда махсус ишларни бажаришга мўлжалланган автомобиллар, шатакчи автомобиллар, тиркама ва ярим тиркамалар ҳамда мототранспорт воситалари;

товар сифатида олиб кирилаётган автотранспорт воситалари - хорижий давлатларнинг рўйхатга олиш идораларида рўйхатдан чиқарилган ёки рўйхатида бўлмаган ва Ўзбекистон Республикаси ҳудудига олиб кирилаётган автотранспорт воситалари;

хорижий автотранспорт воситалари - хорижий давлатларнинг рўйхатга олиш идораларида рўйхатда турган ва Ўзбекистон Республикаси ҳудудига:

чет эл фуқаролари ва Ўзбекистон Республикаси ҳудудида доимий яшаш жойига эга бўлмаган фуқаролиги бўлмаган шахсларнинг шахсий эҳтиёжларини қондириш;

юклар ва йўловчиларни халқаро ташиш мақсадларида вақтинча олиб кириладиган автотранспорт воситалари;

автотранспорт воситасининг эгаси - автотранспорт воситасининг мулкдори ёки қонун ҳужжатларида белгиланган асослар ва доирада автотранспорт воситасига эгалик қилувчи ёки ундан фойдаланувчи ёхуд уни тасарруф этувчи фуқаро ёки юридик шахс;";

қуйидаги мазмундаги хатбошилар билан тўлдирилсин:

товар сифатида олиб чиқилаётган автотранспорт воситалари - Ўзбекистон Республикаси Ички ишлар вазирлигининг Давлат йўл ҳаракати хавфсизлиги хизматининг (кейинги ўринларда ДЙҲХХ деб юритилади) ҳудудий органларида рўйхатдан чиқарилган ёки рўйхатида бўлмаган хорижий давлатга олиб чиқилаётган автотранспорт воситалари;

товар сифатида транзит олиб ўтилаётган автотранспорт воситалари - хорижий давлатларнинг рўйхатга олиш идораларида рўйхатдан чиқарилган ёки рўйхатида бўлмаган хорижий давлатга Ўзбекистон Республикаси ҳудуди орқали транзит олиб ўтилаётган автотранспорт воситалари;

Ўзбекистон Республикаси автотранспорт воситалари - ДЙҲХХнинг ҳудудий органларида рўйхатда турган ва хорижий давлатлар ҳудудига:

Ўзбекистон Республикаси фуқаролари ва Ўзбекистон Республикаси ҳудудида доимий яшаш жойига эга бўлган фуқаролиги бўлмаган шахсларнинг шахсий эҳтиёжларини қондириш;

юклар ва йўловчиларни халқаро ташиш мақсадларида вақтинча олиб чиқиладиган автотранспорт воситалари.";


д) қуйидаги мазмундаги 2-1-банд билан тўлдирилсин:

"2-1. Мазкур Низом талаблари қуйидагиларга татбиқ қилинмайди:

анклавларда рўйхатга олинган шахслар томонидан айнан шу ерда фойдаланиш мақсадида олиб кирилаётган/чиқилаётган автотранспорт воситаларига;

Ўзбекистон Республикаси ҳудудида жойлашган бошқа давлатларнинг объектларида фаолият кўрсатувчи шахслар бошқарувидаги автотранспорт воситаларига;

хорижий давлат ҳудудида жойлашган Ўзбекистон Республикасининг объектларида фаолият кўрсатувчи шахслар бошқарувидаги автотранспорт воситаларига;

хорижий давлатлар дипломатик ва консуллик ваколатхоналарининг ҳамда уларга тенглаштирилган ваколатхоналарнинг Ўзбекистон Республикаси ҳудудида нормал фаолият кўрсатишини таъминлаш учун мўлжалланган, шунингдек ушбу ваколатхоналарнинг дипломатик агентлари ҳамда маъмурий-техник ходимлари ҳамда Ўзбекистон Республикаси ҳудудида доимий яшаш жойига эга бўлмаган уларнинг оила аъзолари томонидан шахсий фойдаланиш учун олиб келинадиган автотранспорт воситаларига.";


е) II - V боблар қуйидаги таҳрирда баён этилсин:


"II. Божхона чегарасидан олиб ўтилаётган хорижий автотранспорт

воситасининг божхона расмийлаштируви ва назорати


3. Хорижий автотранспорт воситаси Ўзбекистон Республикасига киришида кириш божхона пости ходими томонидан мазкур Низомнинг 1-иловасида келтирилган шаклда "Автотранспорт воситасини қайтариб олиб чиқиш тўғрисида мажбуриятнома" расмийлаштирилади.

4. Хорижий автотранспорт воситасининг кириш ва чиқиш божхона постлари оралиғида тиркамаси ёки ярим тиркамаси алмаштирилмайдиган ҳолларда, унга мазкур Низомнинг 1-иловасида келтирилган шаклда "Автотранспорт воситасини қайтариб олиб чиқиш тўғрисида мажбуриятнома" расмийлаштирилади.

Тиркамаси ёки ярим тиркамаси алмаштириладиган ҳолларда хорижий автотранспорт воситасининг юк тортгичига мазкур Низомнинг 2-иловасида, тиркамасига ёки ярим тиркамасига мазкур Низомнинг 3-иловасида келтирилган шаклда "Автотранспорт воситасини қайтариб олиб чиқиш тўғрисида мажбуриятнома" расмийлаштирилади.

5. "Автотранспорт воситасини қайтариб олиб чиқиш тўғрисида мажбуриятнома" автотранспорт воситаси божхона божлари ва солиқлардан тўлиқ озод этилган муддатга расмийлаштирилади.

6. "Автотранспорт воситасини қайтариб олиб чиқиш тўғрисида мажбуриятнома"ни расмийлаштириш учун хорижий автотранспорт воситасининг эгаси (ҳайдовчиси) томонидан тақдим этилган фуқаролик паспорти, автотранспорт воситасини қайд этиш гувоҳномаси ва оғзаки маълумотлар асос бўлади.

7. "Автотранспорт воситасини қайтариб олиб чиқиш тўғрисида мажбуриятнома" "Авто" ЯААТ дастури орқали икки нусхада кириш божхона пости ходими томонидан чоп этилади.

"Автотранспорт воситасини қайтариб олиб чиқиш тўғрисида мажбуриятнома"нинг биринчи нусхаси кириш божхона пости иш юритувида қолади, иккинчи нусхаси эса хорижий автотранспорт воситасининг эгасига (ҳайдовчисига) берилади.

8. Хорижий автотранспорт воситасининг эгаси (ҳайдовчиси) "Автотранспорт воситасини қайтариб олиб чиқиш тўғрисида мажбуриятнома"да акс эттирилган маълумотларни текшириб чиқади, тўғрилигини ўз имзоси билан тасдиқлайди ва автотранспорт воситасини белгиланган муддатда Ўзбекистон Республикасидан қайтариб олиб чиқиб кетиш мажбуриятини олади.

9. Кириш божхона пости ходими ўз имзоси ва шахсий муҳрини қўйиш орқали "Автотранспорт воситасини қайтариб олиб чиқиш тўғрисида мажбуриятнома"ни расмийлаштиради.

10. Ўзбекистон Республикаси ҳудудида хорижий автотранспорт воситасидан фойдаланишда унинг эгаси (ҳайдовчиси) доимий равишда ўзи билан бирга "Автотранспорт воситасини қайтариб олиб чиқиш тўғрисида мажбуриятнома"ни олиб юриши шарт.

11. Хорижий автотранспорт воситаси Ўзбекистон Республикасидан қайтариб олиб чиқилишида унинг эгаси (ҳайдовчиси) томонидан чиқиш божхона постига "Автотранспорт воситасини қайтариб олиб чиқиш тўғрисида мажбуриятнома" тақдим этилади.

12. Чиқиш божхона пости ходими ўз имзоси ва шахсий муҳрини қўйиш орқали "Автотранспорт воситасини қайтариб олиб чиқиш тўғрисида мажбуриятнома"ни назоратдан ечади.

13. Хорижий автотранспорт воситасига мазкур Низомнинг 1-иловасида келтирилган шаклда "Автотранспорт воситасини қайтариб олиб чиқиш тўғрисида мажбуриятнома" расмийлаштирилиб, унинг тиркамаси ёки ярим тиркамаси республика ҳудудида алмаштириладиган ҳолларда "Автотранспорт воситасини қайтариб олиб чиқиш тўғрисида мажбуриятнома" ТИФ божхона постида назоратдан ечилиб, мазкур Низомнинг 2 ва 3-иловаларида келтирилган шаклда янги "Автотранспорт воситасини қайтариб олиб чиқиш тўғрисида мажбуриятнома" расмийлаштирилади.

14. Аввал расмийлаштирилган ва назоратда қолиб кетган "Автотранспорт воситасини қайтариб олиб чиқиш тўғрисида мажбуриятнома"си мавжуд бўлган автотранспорт воситасига масалага ойдинлик киритилгунга қадар янги "Автотранспорт воситасини қайтариб олиб чиқиш тўғрисида мажбуриятнома" расмийлаштирилмайди ва назоратдан ечилмайди.

15. Хорижий автотранспорт воситаси Ўзбекистон Республикаси ҳудудида бир йил мобайнида умумий ҳисобда уч ойгача божхона божлари ва солиқлардан тўлиқ озод этилган ҳолда бўлиши мумкин, халқаро юк ва йўловчи ташишда қўлланиладиган автотранспорт воситаси бундан мустасно.

Халқаро юк ва йўловчи ташишда қўлланиладиган хорижий автотранспорт воситаси Ўзбекистон Республикаси ҳудудида транспорт операцияларини амалга ошириш муддатида, лекин уч ойдан кўп бўлмаган муддатга божхона божлари ва солиқлардан тўлиқ озод қилган ҳолда бўлиши мумкин.

16. Бир йил давомида божхона божлари ва солиқлардан тўлиқ озод этилган муддат ўтгандан сўнг хорижий автотранспорт воситасининг Ўзбекистон Республикасига олиб кирилишида ушбу автотранспорт воситасига товар сифатида олиб кирилаётган деб қаралади.

17. Мазкур Низомнинг 15-бандида кўрсатилган муддатлар тугагандан сўнг, хорижий автотранспорт воситаси Ўзбекистон Республикаси ҳудудидан олиб чиқиб кетилиши ёки даврий божхона тўловлари тўланган ҳолда "вақтинча олиб кириш" режимига ёхуд бошқа божхона режимига расмийлаштирилиши лозим.

18. Мазкур Низомнинг 17-банди талаблари бажарилмаган ҳолларда хорижий автотранспорт воситасини қайтариб олиб чиқиб кетиш муддати ўтган ҳар бир кун учун двигатель ҳажмининг ҳар куб сантиметридан - 0,01 АҚШ доллари миқдорида йиғим ундирилади, халқаро юк ва йўловчи ташишда қўлланиладиган автотранспорт воситаси бундан мустасно.

19. Йиғим:

АҚШ долларида ҳисобланади;

миллий валюта - сўмда Ўзбекистон Республикаси Марказий банки томонидан уларни тўлаш кунида белгиланган курс бўйича тўланади;

божхона постида ёки давлат божхона хизматининг ҳудудий органлари томонидан ундирилади ҳамда белгиланган тартибда Ўзбекистон Республикаси Давлат бюджетига ўтказилади;

банк квитанцияси асосида кирим қилинади.

20. Хорижий автотранспорт воситасини олиб чиқиш муддатини бузганлик учун тегишли чора кўрилиб, йиғим тўлиқ ундирилгунга қадар автотранспорт воситаси давлат божхона хизматининг ҳудудий органи ёки божхона пости томонидан вақтинча ушлаб турилади. Автотранспорт воситаси вақтинча ушлаб турилган давр учун йиғим ҳисобланмайди ва ундирилмайди.

Ўзбекистон Республикасининг ваколатли органларининг қарорларига асосан автотранспорт воситаси ёки унинг эгаси (ҳайдовчиси) вақтинча ушлаб турилган давр учун ҳам йиғим ундирилмайди. Бунда божхона постига автотранспорт воситаси ёки унинг эгаси (ҳайдовчиси) ваколатли органлар томонидан ушлаб турилган муддатни тасдиқловчи тегишли давлат органи томонидан тасдиқланган ҳужжатни тақдим этиши лозим.

21. Белгиланган муддатда республика ҳудудидан қайтариб олиб чиқилмаган хорижий автотранспорт воситалари тўғрисида ҳар ой якуни бўйича кейинги ойнинг 5-санасига қадар қайтариб олиб чиқиш муддатидан 5 кундан ортиқ вақт ўтган ҳолатлар юзасидан давлат божхона хизматининг ҳудудий органлари томонидан ДЙҲХХнинг ҳудудий органларига автотранспорт воситалари ва уларни олиб кирган шахслар бўйича тегишли маълумотлар тақдим этилади.

22. Белгиланган муддатда республика ҳудудидан қайтариб олиб чиқилмаган автотранспорт воситалари тўғрисида давлат божхона хизматининг ҳудудий органлари томонидан ДЙҲХХнинг ҳудудий органларига тақдим этилган маълумотлар ҳар ой якуни бўйича янгиланиб борилади.

23. ДЙҲХХнинг ҳудудий органлари томонидан давлат божхона хизматининг ҳудудий органлари маълумотлари асосида республика ҳудудидан қайтариб олиб чиқилмаган хорижий автотранспорт воситалари аниқланган тақдирда улар бўйича қонун ҳужжатларида белгиланган чораларни кўриш учун уч иш куни мобайнида давлат божхона хизматининг ҳудудий органларини хабардор қиладилар.

24. Ўзбекистон Республикаси ҳудудида "Автотранспорт воситасини қайтариб олиб чиқиш тўғрисида мажбуриятнома" асосида ҳаракатланаётган хорижий автотранспорт воситаси Ўзбекистон Республикасининг ваколатли идоралари томонидан мусодара қилинган ҳолларда, унга расмийлаштирилган "Автотранспорт воситасини қайтариб олиб чиқиш тўғрисида мажбуриятнома" ваколатли органларнинг тегишли қарори асосида расмийлаштирган божхона пости томонидан назоратдан ечилади.

25. Ўзбекистон Республикаси ҳудудида "Автотранспорт воситасини қайтариб олиб чиқиш тўғрисида мажбуриятнома" асосида ҳаракатланаётган хорижий автотранспорт воситаси енгиб бўлмас куч ёки йўл-транспорт ҳодисаси юз бериши натижасида фойдаланишга мутлақо яроқсиз ҳолга келганда, унга расмийлаштирилган "Автотранспорт воситасини қайтариб олиб чиқиш тўғрисида мажбуриятнома" ваколатли органларнинг тегишли ҳужжатлари асосида мажбуриятнома расмийлаштирган божхона пости томонидан назоратдан ечилади.

26. Ўзбекистон Республикаси ҳудудида "Автотранспорт воситасини қайтариб олиб чиқиш тўғрисида мажбуриятнома" асосида ҳаракатланаётган хорижий автотранспорт воситаси "эркин муомалага чиқариш", "вақтинча олиб кириш" ёхуд бошқа божхона режимига расмийлаштирилганда, унга расмийлаштирилган "Автотранспорт воситасини қайтариб олиб чиқиш тўғрисида мажбуриятнома" божхона юк декларациясини (кейинги ўринларда БЮД деб юритилади) расмийлаштирган ТИФ божхона пости томонидан назоратдан ечилади.

27. Агар "Автотранспорт воситасини қайтариб олиб чиқиш тўғрисида мажбуриятнома" йўқолган ёки яроқсиз ҳолга келганда, дубликат олиш учун автотранспорт воситаси эгаси (ҳайдовчиси) автотранспорт воситаси жойлашган ҳудуддаги давлат божхона хизматининг ҳудудий органларига мазкур Низомнинг 6-бандида кўрсатилган ҳужжатлар билан мурожаат қилади.

28. Давлат божхона хизматининг ҳудудий органлари томонидан "Авто" ЯААТдан фойдаланган ҳолда олдинги "Автотранспорт воситасини қайтариб олиб чиқиш тўғрисида мажбуриятнома"га ёзилган тегишли маълумотлар ва автотранспорт воситасини қайтариб олиб чиқиш муддати текширилади. Автотранспорт воситасини қайтариб олиб чиқиш муддати ўтиб кетганлиги аниқланган тақдирда, давлат божхона хизматининг ҳудудий органининг мансабдор шахси томонидан қонун ҳужжатлари асосида тегишли чоралар кўрилади.

29. Кўриб чиқиш якуни бўйича бир иш куни мобайнида давлат божхона хизматининг ҳудудий органлари томонидан "Автотранспорт воситасини қайтариб олиб чиқиш тўғрисида мажбуриятнома" дубликати берилади. "Автотранспорт воситасини қайтариб олиб чиқиш тўғрисида мажбуриятнома"нинг юқори ўнг бурчагига "Дубликат" деб ёзилади ва давлат божхона хизматининг ҳудудий органи бошлиғи ёки унинг ўринбосари имзоси ва бошқарма муҳри билан тасдиқланади.


III. Божхона чегарасидан олиб ўтилаётган Ўзбекистон

Республикаси автотранспорт воситасининг божхона

расмийлаштируви ва назорати


30. Ўзбекистон Республикаси автотранспорт воситасини Ўзбекистон Республикаси ҳудудидан олиб чиқишда чиқиш божхона пости ходими томонидан мазкур Низомнинг 4-иловасига мувофиқ "Автотранспорт воситасини қайтариб олиб кириш тўғрисида мажбуриятнома" расмийлаштирилади.

31. "Автотранспорт воситасини қайтариб олиб кириш тўғрисида мажбуриятнома"ни расмийлаштириш учун Ўзбекистон Республикаси автотранспорт воситаси эгаси (ҳайдовчиси) томонидан тақдим этилган фуқаролик паспорти, автотранспорт воситасини қайд этиш гувоҳномаси ва оғзаки маълумотлар асос бўлади.

32. "Автотранспорт воситасини қайтариб олиб кириш тўғрисида мажбуриятнома" "Авто" ЯААТ дастури орқали икки нусхада чиқиш божхона пости ходими томонидан чоп этилади.

"Автотранспорт воситасини қайтариб олиб кириш тўғрисида мажбуриятнома"нинг биринчи нусхаси чиқиш божхона пости иш юритувида қолади, иккинчи нусхаси эса Ўзбекистон Республикаси автотранспорт воситаси эгасига (ҳайдовчисига) берилади.

33. Ўзбекистон Республикаси автотранспорт воситаси эгаси (ҳайдовчиси) "Автотранспорт воситасини қайтариб олиб кириш тўғрисида мажбуриятнома"да акс эттирилган маълумотларни текшириб чиқади, тўғрилигини ўз имзоси билан тасдиқлайди ва автотранспорт воситасини белгиланган муддатда Ўзбекистон Республикасига қайтариб олиб кириш мажбуриятини олади.

34. Чиқиш божхона пости ходими ўз имзоси ва шахсий муҳрини қўйиш орқали "Автотранспорт воситасини қайтариб олиб кириш тўғрисида мажбуриятнома"ни расмийлаштиради.

35. Ўзбекистон Республикаси автотранспорт воситаси Ўзбекистон Республикасига қайтариб олиб кирилишида унинг эгаси (ҳайдовчиси) томонидан кириш божхона постига "Автотранспорт воситасини қайтариб олиб кириш тўғрисида мажбуриятнома" тақдим этилади.

36. Кириш божхона пости ходими ўз имзоси ва шахсий муҳрини қўйиш орқали "Автотранспорт воситасини қайтариб олиб кириш тўғрисида мажбуриятнома"ни назоратдан ечади.

37. "Автотранспорт воситасини қайтариб олиб кириш тўғрисида мажбуриятнома" расмийлаштирилган Ўзбекистон Республикаси автотранспорт воситасининг юк тортгичи ва тиркама ёки ярим тиркамаси алоҳида олиб кирилган тақдирда, ушбу ҳақда расмийлаштирилган "Автотранспорт воситасини қайтариб олиб кириш тўғрисида мажбуриятнома"га кириш божхона пости томонидан тегишли белги қўйилади. Мазкур ҳолатда "Автотранспорт воситасини қайтариб олиб кириш тўғрисида мажбуриятнома" Ўзбекистон Республикаси автотранспорт воситасининг юк тортгичи ва тиркама ёки ярим тиркамаси тўлиқ олиб кирилгандан сўнг назоратдан ечилади.

38. Аввал расмийлаштирилган ва назоратда қолиб кетган "Автотранспорт воситасини қайтариб олиб кириш тўғрисида мажбуриятнома"си мавжуд бўлган автотранспорт воситасига масалага ойдинлик киритилгунга қадар янги "Автотранспорт воситасини қайтариб олиб кириш тўғрисида мажбуриятнома" расмийлаштирилмайди ва назоратдан ечилмайди.

39. Ўзбекистон Республикаси автотранспорт воситаси хорижий давлат ҳудудида бир йил мобайнида умумий ҳисобда уч ойгача божхона божлари ва солиқлардан тўлиқ озод этилган ҳолда бўлиши мумкин, халқаро юк ва йўловчи ташишда қўлланиладиган автотранспорт воситаси бундан мустасно.

Халқаро юк ва йўловчи ташишда қўлланиладиган Ўзбекистон Республикаси автотранспорт воситаси хорижий давлат ҳудудида транспорт операцияларини амалга ошириш муддатида, лекин уч ойдан кўп бўлмаган муддатга божхона божлари ва солиқлардан тўлиқ озод этилган ҳолда бўлиши мумкин.

40. Бир йил давомида божхона божлари ва солиқлардан тўлиқ озод этилган муддат ўтгандан сўнг Ўзбекистон Республикаси автотранспорт воситасининг хорижий давлат ҳудудига олиб чиқилишида ушбу автотранспорт воситасига товар сифатида олиб чиқилаётган деб қаралади.

41. Мазкур Низомнинг 39-бандида кўрсатилган муддатлар тугагандан сўнг, Ўзбекистон Республикаси автотранспорт воситаси Ўзбекистон Республикаси ҳудудига олиб кирилиши ёки "вақтинча олиб чиқиш" режимига ёхуд "экспорт" божхона режимига расмийлаштирилиши лозим.

42. Мазкур Низомнинг 41-банди талаблари бажарилмаган ҳолларда Ўзбекистон Республикаси автотранспорт воситасини қайтариб кириш муддати ўтган ҳар бир кун учун двигатель ҳажмининг ҳар куб сантиметридан - 0,01 АҚШ доллари миқдорида йиғим ундирилади, халқаро юк ва йўловчи ташишда қўлланиладиган автотранспорт воситаси бундан мустасно.

43. Йиғим:

АҚШ долларида ҳисобланади;

миллий валюта - сўмда Ўзбекистон Республикаси Марказий банки томонидан уларни тўлаш кунида белгиланган курс бўйича тўланади;

божхона постида ёки давлат божхона хизматининг ҳудудий органлари томонидан ундирилади ҳамда белгиланган тартибда Ўзбекистон Республикаси Давлат бюджетига ўтказилади;

банк квитанцияси асосида кирим қилинади.

44. Ўзбекистон Республикаси автотранспорт воситасини олиб кириш муддатини бузганлик учун тегишли чора кўрилиб, йиғим тўлиқ ундирилгунга қадар автотранспорт воситаси давлат божхона хизматининг ҳудудий органи томонидан вақтинча ушлаб турилади. Автотранспорт воситаси вақтинча ушлаб турилган давр учун йиғим ҳисобланмайди ва ундирилмайди.

Хорижий давлатнинг ваколатли органларининг қарорларига асосан автотранспорт воситаси ёки унинг эгаси (ҳайдовчиси) вақтинча ушлаб турилган давр учун ҳам йиғим ундирилмайди. Бунда божхона постига автотранспорт воситаси ёки унинг эгаси (ҳайдовчиси) ваколатли органлар томонидан ушлаб турилган муддатни тасдиқловчи тегишли давлат органи томонидан тасдиқланган ҳужжат тақдим этилиши лозим.

45. Белгиланган муддатда республика ҳудудига қайтариб олиб кирилмаган Ўзбекистон Республикаси автотранспорт воситалари тўғрисида ҳар ой якуни бўйича кейинги ойнинг 5-санасига қадар қайтариб олиб кириш муддатидан 5 кундан ортиқ вақт ўтган ҳолатлар юзасидан давлат божхона хизматининг ҳудудий органлари томонидан ДЙҲХХнинг ҳудудий органларига автотранспорт воситалари ва уларни олиб чиққан шахслар бўйича тегишли маълумотлар тақдим этилади.

46. Белгиланган муддатда республика ҳудудига қайтариб олиб кирилмаган автотранспорт воситалари тўғрисида давлат божхона хизматининг ҳудудий органлари томонидан ДЙҲХХнинг ҳудудий органларига тақдим этилган маълумотлар ҳар ой якуни бўйича янгиланиб борилади.

47. ДЙҲХХнинг ҳудудий органлари томонидан давлат божхона хизматининг ҳудудий органлари маълумотлари асосида республика ҳудудига қайтариб олиб кирилмаган Ўзбекистон Республикаси автотранспорт воситалари аниқланган тақдирда улар бўйича қонун ҳужжатларида белгиланган чораларни кўриш учун уч иши куни мобайнида давлат божхона хизматининг ҳудудий органларини хабардор қиладилар.

48. Хорижий давлат ҳудудида "Автотранспорт воситасини қайтариб олиб кириш тўғрисида мажбуриятнома" асосида ҳаракатланаётган Ўзбекистон Республикаси автотранспорт воситаси хорижий давлатнинг ваколатли идоралари томонидан мусодара қилинган ва енгиб бўлмас куч ёки йўл-транспорт ҳодисаси юз бериши натижасида фойдаланишга мутлақо яроқсиз ҳолга келган ҳолларда, унга расмийлаштирилган "Автотранспорт воситасини қайтариб олиб кириш тўғрисида мажбуриятнома" Ўзбекистон Республикасининг дипломатия ваколатхоналари ёки консуллик муассасалари томонидан белгиланган тартибда тасдиқланган хорижий давлатнинг ваколатли органларининг тегишли ҳужжатлари асосида мажбуриятнома расмийлаштирган божхона пости томонидан назоратдан ечилади.

49. Хорижий давлат ҳудудида "Автотранспорт воситасини қайтариб олиб кириш тўғрисида мажбуриятнома" асосида ҳаракатланаётган Ўзбекистон Республикаси автотранспорт воситаси "экспорт" ёки "вақтинча олиб чиқиш" божхона режимига расмийлаштирилганда, унга расмийлаштирилган "Автотранспорт воситасини қайтариб олиб чиқиш тўғрисида мажбуриятнома" БЮД расмийлаштирган ТИФ божхона пости томонидан назоратдан ечилади.


IV. Божхона чегарасидан товар сифатида

олиб ўтилаётган автотранспорт воситасининг

божхона расмийлаштируви ва назорати


50. Товар сифатида Ўзбекистон Республикасига олиб кирилаётган ва транзит олиб ўтилаётган автотранспорт воситасига "Автотранспорт воситасини қайтариб олиб чиқиш тўғрисида мажбуриятнома" расмийлаштирилмайди. Унинг ТИФ ёки чиқиш божхона постига божхона назорати остида етказиб берилишини назорат қилиш учун кириш божхона постида ЮЕБНК ёки ХЙТ китобчаси расмийлаштирилади.

51. Автотранспорт воситаси жисмоний шахслар томонидан товар сифатида олиб кирилганда уларнинг божхона расмийлаштируви автотранспорт воситаси эгасининг доимий яшаш жойида, юридик шахслар томонидан олиб кирилганда эса фаолият ҳудудида жойлашган ТИФ божхона постида амалга оширилади.

52. Товар сифатида олиб кирилган автотранспорт воситаси "эркин муомалага чиқариш" ёки "вақтинча олиб кириш" божхона режимига расмийлаштирилгандан сўнг унинг эгасига ТИФ божхона пости томонидан ушбу Низомнинг 5-иловасига мувофиқ "Автотранспорт воситасини олиб кириш гувоҳномаси" (кейинги ўринларда "гувоҳнома" деб юритилади) берилади.

ДЙҲХХнинг ҳудудий органларида рўйхатга олинмайдиган автотранспорт воситаларига гувоҳнома берилмайди.

53. Гувоҳнома қатъий ҳисобда турадиган, ҳимоя даражасига, серияга ва тартиб рақамига эга бўлган гербли (махсус) бланкларда "Давлат белгиси" давлат-ишлаб чиқариш бирлашмасида тайёрланади.

54. Автотранспорт воситасини Ўзбекистон Республикаси ҳудудига "эркин муомалага чиқариш" ёки "вақтинча олиб кириш" божхона режимларига расмийлаштирган шахслар БЮД расмийлаштирилган кундан сўнг 10 кун муддат ичида автотранспорт воситасини ДЙҲХХнинг ҳудудий органларида рўйхатдан ўтказишлари шарт.

55. Рўйхатдан ўтказишда, автотранспорт воситасининг тури, русуми, маркаси давлат божхона хизматининг ҳудудий органи томонидан берилган гувоҳномада қандай баён этилган бўлса, айнан шу ном билан қайд этилиши лозим.

56. Ўзбекистон Республикасидан товар сифатида олиб чиқилаётган автотранспорт воситасига гувоҳнома расмийлаштирилмайди ҳамда ДЙҲХХнинг ҳудудий органларида рўйхатдан чиқариш учун асос БЮД ҳисобланади.

57. Юридик ва жисмоний шахслар томонидан товар сифатида олиб кирилаётган автотранспорт воситаларини ДЙҲХХнинг ҳудудий органларида рўйхатдан ўтказиш учун асос гувоҳнома ҳисобланади.

Ваколатли идоралар томонидан мусодара қилинган автотранспорт воситаларини ДЙҲХХнинг ҳудудий органларида рўйхатдан ўтказиш учун гувоҳнома талаб этилмайди.

"Эркин муомалага чиқариш" божхона режимига расмийлаштирилган автотранспорт воситалари учун берилган гувоҳномалар 5 йил давомида, "вақтинча олиб кириш" божхона режимига расмийлаштирилган автотранспорт воситалари учун берилган гувоҳномалар эса вақтинча олиб кириш муддати тугагандан сўнг 3 йил давомида ДЙҲХХнинг ҳудудий органларида сақланади.

"Эркин муомалага чиқариш" божхона режимига расмийлаштирилган автотранспорт воситаларининг гувоҳномаларида "автотранспорт воситасини ўзга шахсга фойдаланишга, эгалик қилишга бериш ёки ўзгача равишда ўтказиш чекланади" сўзлари қайд этилган ҳолларда:

5 йил муддат доирасида автотранспорт воситасини ўзга шахсга фойдаланишга, эгалик қилишга бериш ёки ўзгача равишда ўтказиш, БЮДга тегишли ўзгартиришлар киритилгандан ва янги гувоҳнома расмийлаштириб берилгандан сўнг амалга оширилади;

5 йиллик муддат ўтгандан сўнг, БЮДга ўзгартириш киритилмасдан ва янги гувоҳнома расмийлаштирилмасдан қонун ҳужжатлари асосида автотранспорт воситасини ўзга шахсга фойдаланишга, эгалик қилишга бериш ёки ўзгача равишда ўтказиш мумкин.

58. Агар гувоҳнома йўқолган ёки яроқсиз ҳолга келганда дубликат олиш учун автотранспорт воситаси эгаси гувоҳноманинг йўқолиши ёки яроқсиз ҳолга келишининг сабабларини кўрсатган ҳолда ушбу гувоҳномани берган ТИФ божхона пости бўйсунадиган давлат божхона хизматининг ҳудудий органига ёзма ариза билан мурожаат қилади. Аризага автотранспорт воситасининг эгаси (ҳайдовчиси) шахсини тасдиқловчи ҳужжат илова қилинади.

Гувоҳнома дубликатини олиш учун юридик шахс томонидан мурожаат қилинганда, мурожаатнома ушбу юридик шахснинг муҳри билан тасдиқланади.

59. Гувоҳноманинг дубликатини бериш тўғрисидаги мурожаатнома келиб тушганда давлат божхона хизматининг ҳудудий органи бошлиғи ёки унинг ўринбосарининг топшириғига асосан йўқолган ёки яроқсиз ҳолга келган гувоҳномани расмийлаштирган ТИФ божхона пости томонидан бир иш куни мобайнида янги гувоҳнома ёзиб берилади. Берилган гувоҳноманинг юқори ўнг бурчагида "Дубликат" деб ёзилиб, йўқолган ёки яроқсиз ҳолга келган гувоҳноманинг рақами кўрсатилади ва божхона постининг мансабдор шахси имзоси ҳамда шахсий муҳри билан тасдиқланади.

Йўқолган гувоҳномалар рақамлари бўйича давлат божхона хизматининг ҳудудий органлари томонидан йўқолганлиги аниқланган кундан сўнг бир иш куни мобайнида Ўзбекистон Республикаси Давлат божхона қўмитасига маълумот юборилади. Давлат божхона хизматининг ҳудудий органларидан маълумот келиб тушгандан сўнг уч иш куни мобайнида ДЙҲХХга тегишли маълумот юборилади.

60. Давлат божхона хизматининг ҳудудий органлари ДЙҲХХнинг ҳудудий органлари билан ҳар чорак якуни бўйича эркин муомалага чиқарилган ҳамда вақтинча олиб кирилган автотранспорт воситалари бўйича маълумотларни солиштирадилар.

61. Давлат божхона хизматининг ҳудудий органи томонидан БЮД рақами, гувоҳнома рақами, автотранспорт воситаси русуми, двигатель, кузов ва шасси рақамлари, автотранспорт воситаси эгаси бўйича маълумотлар рўйхати ҳар чорак якунидан сўнг кейинги ойнинг 15-санасига қадар ДЙҲХХнинг ҳудудий органларига тақдим этилади.

62. ДЙҲХХнинг ҳудудий органлари давлат божхона хизматининг ҳудудий органларидан маълумот келиб тушгандан сўнг 15 кун муддатда рўйхатда кўрсатилган автотранспорт воситаларини ДЙҲХХнинг ҳудудий органларида рўйхатга олинганлигини текшириб чиқиб, натижаси юзасидан давлат божхона хизматининг ҳудудий органига маълумот юборади.

63. Давлат божхона хизматининг ҳудудий органи томонидан тақдим этилган маълумотда кўрсатилган автотранспорт воситаси ДЙҲХХнинг ҳудудий органларида рўйхатга олинмаганлиги аниқланган тақдирда ДЙҲХХнинг ҳудудий органлари томонидан ушбу автотранспорт воситасини қидириб топиш чоралари кўрилади.

64. Давлат божхона хизматининг ҳудудий органи томонидан тақдим этилган рўйхатда кўрсатилмаган, лекин ДЙҲХХнинг ҳудудий органларида рўйхатга олинган хориждан олиб келинган автотранспорт воситалари аниқланган тақдирда, ушбу автотранспорт воситасининг республика ҳудудига қонуний олиб кирилганлигига аниқлик киритиш мақсадида автотранспорт воситаси ва унинг эгаси ҳақида маълумотлар ДЙҲХХнинг ҳудудий органлари томонидан давлат божхона хизматининг ҳудудий органларига тақдим этилади.

65. Мазкур боб талаблари чет эл фуқаролари ва фуқаролиги бўлмаган шахслар томонидан товар сифатида олиб кирилаётган автотранспорт воситаси учун ҳам татбиқ этилади.


V. Якуний қоида


66. Мазкур Низом талабларини бузишда айбдор шахслар Ўзбекистон Республикасининг қонун ҳужжатларига мувофиқ жавобгар бўладилар.";


ж) VI - VIII боблар ўз кучини йўқотган деб ҳисоблансин;


з) 1 ва 2-иловалар ушбу ўзгартириш ва қўшимчаларнинг 1 ва 2-иловаларига мувофиқ таҳрирда баён этилсин;


и) ушбу ўзгартириш ва қўшимчаларнинг 3, 4 ва 5-иловаларига мувофиқ таҳрирдаги 3, 4 ва 5-иловалар билан тўлдирилсин.






Ўзгартириш ва қўшимчаларга

1-ИЛОВА



"Божхона чегарасидан олиб ўтилаётган

автотранспорт воситаларини божхона

расмийлаштирувидан ўтказиш

тартиби тўғрисидаги низомга

1-ИЛОВА



Автотранспорт воситасини

қайтариб олиб чиқиш тўғрисида

МАЖБУРИЯТНОМА


      

/


/


-сон


(пост коди)


(тўлдириш санаси)


(тартиб рақами)


Ўзбекистон Республикаси ҳудудида бўлишнинг бутун даври мобайнида сақланади ва чиқиш божхона постига тақдим этилади. Керакли жавоб тегишли рамкада "Х" белгиси билан қайд этилади.

1. Автотранспорт воситасининг эгаси

(ҳайдовчиси) тўғрисидаги маълумотлар:

     

Ҳаракатланиш тури:


Фамилияси: _______________________________

Кириш


Исми: ____________________________________



Отасининг исми: __________________________

Транзит


Паспорт серияси, рақами, қачон ва ким томонидан берилган: _____________

           

доимий истиқомат мамлакати, рўйхатга олинган манзили

       

       


фуқаролиги


    



      



қайси мамлакатдан келди (жўнаш мамлакати кўрсатилади)


қайси мамлакатга кетаяпти (бориш мамлакати кўрсатилади)

      

Келиш мақсади ва Ўзбекистон Республикасида бўлиш ҳудуди:


     

      

     

2. Автотранспорт воситаси тўғрисидаги маълумотлар:

      


Давлат рақами









Тиркама/ярим тиркама давлат рақами





















Русуми




ранги






Рўйхатдан ўтган давлат






















Тури: енгил


юк


автобус




Двигатель рақами



Ҳажми



















Шасси рақами









Кузов рақами
























Ишлаб чиқарилган йили







Автотранспорт воситасини қайд этиш











гувоҳномаси рақами






  

3. Автотранспорт воситалари учун эҳтиёт қисмлар, бутловчи буюмлар ва транспорт асбоб-ускуналари, кўп марталаб ишлатиладиган идишлар ва упаковкалар тўғрисидаги маълумотлар:

N

Номи


Миқдори


Қиймати


Идентификация

рақами


1.



2.



   



Автотранспорт воситасини қайта олиб чиқиб кетиш муддатларини бузиш Ўзбекистон Республикаси қонун ҳужжатларига мувофиқ жавобгарликка сабаб бўлиши тўғрисида огоҳлантирилдим. Ушбу мажбуриятномада акс эттирилган маълумотлар тўғрилигини тасдиқлайман.

   

20___ йил "___" ___________ гача Ўзбекистон Республикасидан

   

олиб чиқиб кетиш мажбуриятини оламан:

   


  




(Автотранспорт воситасининг эгаси (ҳайдовчиси) Ф.И.О.)


(имзо)


    

Кириш божхона пости: _____________


Расмийлаштириш санаси: ___________


Инспектор: _______________________


Чиқиш божхона пости: _____________


Расмийлаштириш санаси: ___________


Инспектор: ________________________


     





Ўзгартириш ва қўшимчаларга

2-ИЛОВА



Божхона чегарасидан олиб ўтилаётган

автотранспорт воситаларини божхона

расмийлаштирувидан ўтказиш

тартиби тўғрисидаги низомга

2-ИЛОВА



Автотранспорт воситасини

қайтариб олиб чиқиш тўғрисида

МАЖБУРИЯТНОМА

(Юк тортгич учун)


      

/


/


-сон


(пост коди)


(тўлдириш санаси)


(тартиб рақами)


Ўзбекистон Республикаси ҳудудида бўлишнинг бутун даври мобайнида сақланади ва чиқиш божхона постига тақдим этилади. Керакли жавоб тегишли рамкада "Х" белгиси билан қайд этилади.

1. Автотранспорт воситасининг эгаси

(ҳайдовчиси) тўғрисидаги маълумотлар:

     

Ҳаракатланиш тури:


Фамилияси: _______________________________

Кириш


Исми: ____________________________________



Отасининг исми: __________________________

Транзит


Паспорт серияси, рақами, қачон ва ким томонидан берилган: _____________

           

доимий истиқомат мамлакати, рўйхатга олинган манзили

     

        


фуқаролиги


     





қайси мамлакатдан келди (жўнаш мамлакати кўрсатилади)


қайси мамлакатга кетаяпти (бориш мамлакати кўрсатилади)

     

Келиш мақсади ва Ўзбекистон Республикасида бўлиш ҳудуди:


      

      

     

2. Автотранспорт воситаси тўғрисидаги маълумотлар:



Давлат рақами









Тиркама/ярим тиркама давлат рақами





















Русуми




ранги






Рўйхатдан ўтган давлат






















Тури: енгил


юк


автобус




Двигатель рақами



Ҳажми



















Шасси рақами









Кузов рақами
























Ишлаб чиқарилган йили







Автотранспорт воситасини қайд этиш











гувоҳномаси рақами






  

3. Автотранспорт воситалари учун эҳтиёт қисмлар, бутловчи буюмлар ва транспорт асбоб-ускуналари, кўп марталаб ишлатиладиган идишлар ва упаковкалар тўғрисидаги маълумотлар:

N

Номи


Миқдори


Қиймати


Идентификация

рақами


1.



2.



   



Автотранспорт воситасини қайта олиб чиқиб кетиш муддатларини бузиш Ўзбекистон Республикаси қонун ҳужжатларига мувофиқ жавобгарликка сабаб бўлиши тўғрисида огоҳлантирилдим. Ушбу мажбуриятномада акс эттирилган маълумотлар тўғрилигини тасдиқлайман.

   

20___ йил "___" ___________ гача Ўзбекистон Республикасидан

   

олиб чиқиб кетиш мажбуриятини оламан:

   


   




(Автотранспорт воситасининг эгаси (ҳайдовчиси) Ф.И.О.)


(имзо)


    

Кириш божхона пости: _____________


Расмийлаштириш санаси: ___________


Инспектор: _______________________


Чиқиш божхона пости: _____________


Расмийлаштириш санаси: ___________


Инспектор: ________________________


     





Ўзгартириш ва қўшимчаларга

3-ИЛОВА



Божхона чегарасидан олиб ўтилаётган

автотранспорт воситаларини божхона

расмийлаштирувидан ўтказиш

тартиби тўғрисидаги низомга

3-ИЛОВА



Автотранспорт воситасини

қайтариб олиб чиқиш тўғрисида

МАЖБУРИЯТНОМА

(Тиркама ёки ярим тиркама учун)


      

/


/


-сон


(пост коди)


(тўлдириш санаси)


(тартиб рақами)



Ўзбекистон Республикаси ҳудудида бўлишнинг бутун даври мобайнида сақланади ва чиқиш божхона постига тақдим этилади. Керакли жавоб тегишли рамкада "Х" белгиси билан қайд этилади.

1. Автотранспорт воситасининг эгаси

(ҳайдовчиси) тўғрисидаги маълумотлар:

     

Ҳаракатланиш тури:


Фамилияси: _______________________________

Кириш


Исми: ____________________________________



Отасининг исми: __________________________

Транзит


Паспорт серияси, рақами, қачон ва ким томонидан берилган: _____________

           

доимий истиқомат мамлакати, рўйхатга олинган манзили

      

       


фуқаролиги


     

     



      



қайси мамлакатдан келди (жўнаш мамлакати кўрсатилади)


қайси мамлакатга кетаяпти (бориш мамлакати кўрсатилади)

     

Келиш мақсади ва Ўзбекистон Республикасида бўлиш ҳудуди:


      

     

2. Автотранспорт воситаси тўғрисидаги маълумотлар:


Давлат рақами









Шасси рақами





















Русуми




ранги






Автотранспорт воситасини қайд этиш











гувоҳномаси рақами






Рўйхатдан ўтган давлат































Ишлаб чиқарилган йили
























  

3. Автотранспорт воситалари учун эҳтиёт қисмлар, бутловчи буюмлар ва транспорт асбоб-ускуналари, кўп марталаб ишлатиладиган идишлар ва упаковкалар тўғрисидаги маълумотлар:

    



Автотранспорт воситасини қайта олиб чиқиб кетиш муддатларини бузиш Ўзбекистон Республикаси қонун ҳужжатларига мувофиқ жавобгарликка сабаб бўлиши тўғрисида огоҳлантирилдим. Ушбу мажбуриятномада акс эттирилган маълумотлар тўғрилигини тасдиқлайман.

   

20___ йил "___" ___________ гача Ўзбекистон Республикасидан

   

олиб чиқиб кетиш мажбуриятини оламан:

   


   


(Тиркамани ёки ярим тиркамани божхона чегараси орқали олиб кирган ҳайдовчининг Ф.И.О.)


(имзо)

      




20___ йил "___" ___________ гача Ўзбекистон Республикасидан

      




олиб чиқиб кетиш мажбуриятини оламан:

   


   


(Тиркамани ёки ярим тиркамани қабул қилиб олган шахснинг Ф.И.О.)


(имзо)

       




Божхона пости __________                      Инспектор __________

     




20___ йил "___" ___________ гача Ўзбекистон Республикасидан

    



олиб чиқиб кетиш мажбуриятини оламан:

   


  


(Тиркамани ёки ярим тиркамани божхона чегараси орқали олиб чиқадиган ҳайдовчининг Ф.И.О.)


(имзо)

Божхона пости __________                      Инспектор __________


    

Кириш божхона пости: _____________


Расмийлаштириш санаси: ___________


Инспектор: _______________________


Чиқиш божхона пости: _____________


Расмийлаштириш санаси: ___________


Инспектор: ________________________


     





Ўзгартириш ва қўшимчаларга

4-ИЛОВА



Божхона чегарасидан олиб ўтилаётган

автотранспорт воситаларини божхона

расмийлаштирувидан ўтказиш

тартиби тўғрисидаги низомга

4-ИЛОВА



Автотранспорт воситасини

қайтариб олиб кириш тўғрисида

МАЖБУРИЯТНОМА


      

/


/


-сон


(пост коди)


(тўлдириш санаси)


(тартиб рақами)



Хорижий давлат ҳудудида бўлишнинг бутун даври мобайнида сақланади ва кириш божхона постига тақдим этилади. Керакли жавоб тегишли рамкада "Х" белгиси билан қайд этилади.

1. Автотранспорт воситасининг эгаси (ҳайдовчиси) тўғрисидаги маълумотлар:

Фамилияси: _______________________________

Исми: _____________________________________

Отасининг исми: ___________________________

Паспорт серияси, рақами, қачон ва ким томонидан берилган: __________

        

доимий истиқомат мамлакати, рўйхатга олинган манзили

      


фуқаролиги


     



     



қайси мамлакатга кетаяпти (бориш мамлакати кўрсатилади)



Кетиш мақсади


2. Автотранспорт воситаси тўғрисидаги маълумотлар:



Давлат рақами









Тиркама/ярим тиркама давлат рақами





















Русуми




ранги






Рўйхатдан ўтган давлат






















Тури: енгил


юк


автобус




Двигатель рақами



Ҳажми



















Шасси рақами









Кузов рақами
























Ишлаб чиқарилган йили







Автотранспорт воситасини қайд этиш











гувоҳномаси рақами






3. Автотранспорт воситалари учун эҳтиёт қисмлар, бутловчи буюмлар ва транспорт асбоб-ускуналари, кўп марталаб ишлатиладиган идишлар ва упаковкалар тўғрисидаги маълумотлар:

N

Номи


Миқдори


Қиймати


Идентификация

рақами


1.



2.



   



Автотранспорт воситасини қайта олиб кириш муддатларини бузиш Ўзбекистон Республикаси қонун ҳужжатларига мувофиқ жавобгарликка сабаб бўлиши тўғрисида огоҳлантирилдим. Ушбу мажбуриятномада акс эттирилган маълумотлар тўғрилигини тасдиқлайман.

   

20___ йил "___" ___________ гача Ўзбекистон Республикасидан

   

қайта олиб кириш мажбуриятини оламан:

    


     




(Автотранспорт воситасининг эгаси (ҳайдовчиси) Ф.И.О.)


(имзо)


    

Чиқиш божхона пости: _____________


Расмийлаштириш санаси: ___________


Инспектор: _______________________


Кириш божхона пости: _____________


Расмийлаштириш санаси: ___________


Инспектор: ________________________


     





Ўзгартириш ва қўшимчаларга

5-ИЛОВА



Божхона чегарасидан олиб ўтилаётган

автотранспорт воситаларини божхона

расмийлаштирувидан ўтказиш

тартиби тўғрисидаги низомга

5-ИЛОВА



АА 000000-сон*

АВТОТРАНСПОРТ ВОСИТАСИНИ ОЛИБ

КИРИШ ГУВОҲНОМАСИ (ИМ40/0)


АВТОТРАНСПОРТ ВОСИТАСИНИ ОЛИБ

КИРИШ ГУВОҲНОМАСИ (ИМ40/1)


АВТОТРАНСПОРТ ВОСИТАСИНИ ВАҚТИНЧА

ОЛИБ КИРИШ ГУВОҲНОМАСИ (ИМ31)

         

        


(божхона органи номи)

    

Мазкур гувоҳнома қуйидаги автотранспорт воситасини тасдиқлайди:

Тури, русуми


Ишлаб чиқарилган йили


Эксплуатация муддати ва қанча масофани босиб ўтганлиги


Двигатель ҳажми


Двигатель қуввати (киловатт ёки от кучи)


Юк кўтариш қобилияти


Ўриндиқлар сони


Идентификация рақами


Кузов рақами


Двигатель рақами


Шасси рақами


ТИФ ТН коди


Божхона юк декларациясининг




тартиб рақами


  

Божхона қиймати


Тақдим этилган ҳужжатларга кўра қиймати


Автотранспорт воситаси эгаси тўғрисидаги маълумотлар:

       

(автотранспорт воситаси эгасининг фамилияси, исми, отасининг исми)

        

(яшаш жойи ёки жойлашган ери (почта манзили))

Божхона органининг белгилари учун



(автотранспорт воситаси вақтинча олиб кирилганда

       

божхона тўловларини тўлаш бўйича имтиёзлар берилганда, автотранспорт воситасини ўзга шахсга фойдаланишга,

       

эгалик қилишга бериш ёки ўзгача равишда ўтказишга чеклов қўйилганда кўрсатилади)

20___ йил "___" ____________


М.Ў.





(божхона органи мансабдор шахсининг имзоси)

Гувоҳномани олдим



(автотранспорт воситаси эгасининг имзоси ёки унинг вакилининг фамилияси,  исми ва отасининг исми)

*) Автотранспорт воситасини (вақтинча) олиб кириш гувоҳномаси ўзбек ва рус тилларида чоп этилиши мумкин.".



"Ўзбекистон Республикаси қонун ҳужжатлари тўплами",

2013 йил 23 декабрь, 51-сон, 679-модда






































Время: 0.1689
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск