Ўзбекистон Республикаси Вазирлар Маҳкамасининг 17.02.1993 й. 90-сон "Йўл ҳаракати хавфсизлигини таъминлаш бўйича қўшимча чора-тадбирлар тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

17.02.1993 й.

N 90

ЙЎЛ ҲАРАКАТИ ХАВФСИЗЛИГИНИ

ТАЪМИНЛАШ БЎЙИЧА ҚЎШИМЧА

ЧОРА-ТАДБИРЛАР ТЎFРИСИДА

Йўл ҳаракати хавфсизлигини кучайтириш, фуқаролар, хаёти ва соғлиғини сақлаш борасида қўшимча чоралар кўриш мақсадида Вазирлар Маҳкамаси ҚАРОР ҚИЛАДИ:

1. Ўзбекистон Республикаси Ички ишлар вазирлиги автотранспорт воситалари кимга тегишли бўлишидан ва мулкчилик шаклидан қатъи назар, руль бошқаруви ўнг томонда жойлашган бўлса, 1993 йилнинг 1 мартидан рўйхатга олинишига, 1993 йилнинг 1 июлидан эса улардан фойдаланилишига йўл қўймасин.

2. Ўзбекистон автомобиль транспорти давлат-акционерлик корпорацияси руль бошқаруви ўнг томонда жойлашган автотранспорт воситаларини республиканинг автомобиль таъмирлаш корхоналарида кейинчалик қайта жихозлаш учун 2 ой муддат ичида техникавий топширикни ишлаб чиқсин хамда Ўзбекистон Республикаси Ички ишлар вазирлиги билан келишиб олсин.

3. Белгилаб қўйилсинки, импорт автомашиналар ҳисобдан чиқарилганлиги тўғрисидаги тегишли хужжатлари мавжуд бўлган тақдирдагина уларни олиб келиш ва рўйхатдан ўтказишга йўл қўйилади.

4. Ўзбекистон Республикаси худудидаги ажнабий фукароларнинг руль бошкаруви ўнг томонда жойлашган автотранспорт воситаларининг транзит ўтишига, шунингдек, улардан 1 ой муддатгача фойдаланилишига рухсат берилсин.

5. Ўзбекистон Республикаси Вазирлар Маҳкамаси хузуридаги Ўзбекистон давлат стандартлаш, метрология ва сертификация маркази Ўзбекистон Республикасида ўнг томондан ҳаракат қилиш қабул этилганига асосланиб, 1993 йилнинг 1 июлигача автотранспорт воситаларининг руль бошқаруви жойлашишини тартибга солувчи стандартни ишлаб чиқсин.

6. Ўзбекистон Республикаси Вазирлар Маҳкамасининг 1992 йил 21 октябрдаги 485-сон қарорида (2-илова) кўзда тутилган транспорт воситаларини импорт қилишга вақтинчалик божларнинг ставкаларига иловага мувофиқ ўзгариш ва қўшимча киритилсин.

Ўзбекистон Республикаси Давлат божхона қўмитаси Молия вазирлиги билан биргаликда жисмоний шахслар томонидан Ўзбекистон Республикасига олиб келинаётган хорижий маркадаги транспорт воситаларига вақтинчалик божларнинг ставкаларини мувофиқ равишда купайтиришни қайта кўриб чиқсин.

Ўзбекистон Республикаси Бош вазири                                       А. Муталов