Ўзбекистон Республикаси Олий Кенгаши Раёсатининг 26.11.1992 й. 710-XII-сон "Ўзбекистон Республикаси Олий Кенгаши 1992 йил 14 январда қабул қилган "Корхоналар (ташкилотлар) фақат махсус рухсатномалар (лицензиялар) асосидагина шуғулланишга ҳақли бўлган фаолият турларининг рўйхати ҳақида"ги 516-XII-сонли қарорга қўшимчалар ва ўзгартиришлар киритиш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ОЛИЙ КЕНГАШИ РАЁСАТИНИНГ

ҚАРОРИ

26.11.1992 й.

N 710-XII

ЎЗБЕКИСТОН РЕСПУБЛИКАСИ ОЛИЙ КЕНГАШИ

1992 ЙИЛ 14 ЯНВАРДА ҚАБУЛ ҚИЛГАН "КОРХОНАЛАР

(ТАШКИЛОТЛАР) ФАҚАТ МАХСУС РУХСАТНОМАЛАР

(ЛИЦЕНЗИЯЛАР) АСОСИДАГИНА ШУҒУЛЛАНИШГА

ҲАҚЛИ БЎЛГАН ФАОЛИЯТ ТУРЛАРИНИНГ РЎЙХАТИ

ҲАҚИДА"ГИ 516-XII-СОНЛИ ҚАРОРГА ҚЎШИМЧАЛАР

ВА ЎЗГАРТИРИШЛАР КИРИТИШ ТЎҒРИСИДА

Ўзбекистон Республикаси Олий Кенгашининг Раёсати ҚАРОР ҚИЛАДИ:

1. Ўзбекистон Республикаси Олий Кенгаши қабул қилган "Корхоналар (ташкилотлар) фақат махсус рухсатномалар (лицензиялар) асосидагина шуғулланишга ҳақли бўлган фаолият турларининг рўйхати ҳақида"ги Қарорга қўшимчалар ва ўзгартиришлар киритиш тўғрисидаги Ўзбекистон Республикаси Президенти ҳузуридаги Вазирлар Маҳкамасининг таклифи қабул қилинсин.

2. Ўзбекистон Республикаси ҳудудида жойлашган корхоналар (ташкилотлар) фақат махсус рухсатномалар (лицензиялар) асосидагина шуғулланишга ҳақли бўлган фаолият турлари рўйхатида қуйидагилар назарда тутилсин:

- давлат тасарруфидан чиқарилиши ва хусусийлаштирилиши лозим бўлган мол-мулкнинг қиймати ва таркибини олдиндан нархлаш, мулкчилик шакли ўзгарганлиги муносабати билан ҳужжатларни тайёрлаш ишлари.

3. Фаолият турлари рўйхатида 2-бетдаги ўн олтинчи хатбоши қуйидаги таҳрирда баён этилсин: "Юклар ва йўловчиларни халқаро автомобиль йўлларида ташиш".

4. Ушбу Қарор Ўзбекистон Республикаси Олий Кенгашининг тасдиғига киритилсин.

Ўзбекистон Республикаси

Олий Кенгашининг Раиси                                                    Ш. Йўлдошев

"Ўзбекистон Республикаси Олий Кенгаши Ахборотномаси" 1993 й., N 2, 110-модда