Внимание!

Документ утратил силу.
Смотрите подробности в начале документа.


ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Давлат ҳуқуқий тизими асослари / Ўз кучини йўқотган ҳужжатлар / Вазирликлар, давлат қўмиталари, идоралар /

Ўзбекистон Республикаси Президенти ҳузуридаги Вазирлар Маҳкамасининг 09.03.1992 й. 110-сон "Ўзбекистон Республикаси Гидрометеорология хизмати тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ПРЕЗИДЕНТИ ҲУЗУРИДАГИ

ВАЗИРЛАР МАҲКАМАСИНИНГ

ҚАРОРИ

09.03.1992 й.

N 110




ЎЗБЕКИСТОН РЕСПУБЛИКАСИ

ГИДРОМЕТЕОРОЛОГИЯ ХИЗМАТИ

ТЎҒРИСИДА


Ўзбекистон Республикаси Олий Кенгашининг “Ўзбекистон Республикаси ҳудудида жойлашган иттифоқ бўйсунишидаги корхоналар, муассасалар ва ташкилотларнинг Ўзбекистон Республикаси юрисдикциясига ўтиши тўғрисида” 1991 йил 22 июлдаги қарорига мувофиқ ҳамда республика халқ хўжалигининг гидрометеорология таъминотини яхшилаш мақсадида Вазирлар Маҳкамаси ҚАРОР ҚИЛАДИ:


1. СССР Гидрометеорология давлат қўмитасининг Ўзбекистон республика гидрометеорология бошқармаси Ўзбекистон Республикаси Вазирлар Маҳкамаси ҳузуридаги гидрометеорология Бош бошқармаси (“Бошгидромет”)га айлантирилсин.

“Бошгидромет” марказий аппарати ходимларининг сони 24 нафардан иборат этиб белгилансин (хизмат кўрсатувчи ходимлар сони ҳисобга олинмаган ҳолда).

“Бошгидромет” бошлиғига марказий аппаратнинг тузилиши ва штат жадвалини ходимларнинг белгиланган сони ва меҳнат ҳақи фонди доирасида тасдиқлаш ҳуқуқи берилсин.

“Бошгидромет”га уч нафар бошлиқ ўринбосарига, шу жумладан, бир нафар биринчи ўринбосарга ҳамда 7 кишидан иборат ҳайъатга эга бўлишга рухсат этилсин.


2. СССР Гидрометеорология давлат қўмитасининг В. А. Бугаев номидаги Ўрта Осиё минтақавий илмий-тадқикот гидрометеорология институти ва Ўзбекистон Республикаси Олий ва ўрта махсус таълим вазирлигининг Экспериментал аэрокосмик асбобсозлик махсус конструкторлик бюроси “Бошгидромет” ихтиёрига берилсин.


3. Белгилаб қўйилсинки, “Бошгидромет” қуйидагиларни амалга оширади:

гидрометеорология соҳасида тармоқлараро бошқарув ва республиканинг бутун ҳудудида табиий муҳитнинг ифлосланиши даражасини кузатиш;

халқ хўжалиги давлат бошқарув органларининг, мудофаа ва хавфсизликнинг, шунингдек, аҳолининг гидрометеорология таъминоти;

вазирликлар, идоралар, корхоналар ва ташкилотлар томонидан гидрометеорологик ва бошқа геофизик жараёнларга фаол таъсир кўрсатиш бўйича олиб бориладиган ишларни назорат қилиш.


4. Белгилаб қўйилсинки, “Бошгидромет” республика маблағлари ҳисобидан амалга ошириладиган асосий ишлар билан бирга хўжалик шартномалари асосида ихтисослаштирилган гидрометеорология хизмати кўрсатиш ишларини бажариши мумкин.


5. Гидрометеорология хизмати тизимида амал қилувчи қуйидаги имтиёзлар “Бошгидромет” ходимлари учун сақлаб қолинсин:

бориш қийин бўлган станциялар ходимларини бепул овқат билан таъминлаш;

бепул махсус кийим билан таъминлаш;

вафот этган ёки меҳнат қобилиятини йўқотган ҳолларда муассаса ҳисобидан суғурта қилиш;

авиаметеорология бўлинмалари ходимларининг имтиёзли йўл ҳақи.


6. “Бошгидромет” Ўзбекистон Республикаси Вазирлар Маҳкамаси ҳузуридаги гидрометеорология Бош бошқармаси тўғрисидаги Низом лойиҳасини ва ушбу қарорнинг 5-бандида кўрсатилган имтиёзлар бўйича Вазирлар Маҳкамаси қарорининг Ўзбекистон Республикаси Меҳнат вазирлиги, Соғликни сақлаш вазирлиги ва Молия вазирлиги билан келишилган лойиҳасини бир ой муддат ичида Вазирлар Маҳкамасига тақдим этсин.


7. Ўзбекистон Республикасининг тараққиёт истиқболини белгилаш қўмитаси, Ўзбекистон шартнома ва савдо бўйича давлат-акционерлик уюшмаси квоталарни тақсимлашда моддий-техника ресурслари ажратишни, Ўзбекистон Республикаси Молия вазирлиги эса “Бошгидромет”нинг фаолият кўрсатиши ва моддий-техника балансини ривожлантириш учун зарур бюджет маблағлари ажратишни назарда тутсинлар.


8. Ўзбекистон Республикаси Молия вазирлиги “Бошгидромет”-га 2 та хизмат автомобилини, шу жумладан, биттасини Ўзбекистон Республикаси Автомобиль транспорти вазирлигининг умумий фойдаланиладиган тизимидан, сақлашга лимит ажратсин.

Ўзбекистон Республикаси Автомобиль транспорти вазирлиги ажратилган лимитга мувофиқ “Бошгидромет”га хизмат транспортининг хизмат кўрсатишини таъминласин.



Ўзбекистон Республикасининг Бош вазири                                А. Муталов























Время: 0.0056
по регистрации МЮ строгое соответствие
  • Все
  • действующие
  • утратившие силу
  • Русский
  • Ўзбекча
  • Оба языка
  • любая дата
  • точная дата
  • период
  • -

Свернуть поиск