Ўзбекистон Республикаси Вазирлар Маҳкамасининг 16.06.1997 й. 298-сон "ЎзДЭУуавто" АЖ маҳсулотларининг нархларини келишиб олиш комиссиясини ташкил этиш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

16.06.1997 й.

N 298

"ЎЗДЭУАВТО" АЖ МАҲСУЛОТЛАРИНИНГ

НАРХЛАРИНИ КЕЛИШИБ ОЛИШ

КОМИССИЯСИНИ ТАШКИЛ

ЭТИШ ТЎҒРИСИДА

"ЎзДЭУавто" АЖ ишлаб чиқараётган маҳсулотлар учун ички ва ташқи бозорлардаги нархларни тартибга солиш ва уларни асосли равишда белгилаш мақсадида Вазирлар Маҳкамаси ҚАРОР ҚИЛАДИ:

2. Комиссияга ички ва ташқи бозорларда сотиладиган "ЎзДЭУавто" АЖ маҳсулотларининг нархларини келишиб олиш масъулияти юклансин.

Ўзбекистон Республикаси Молия вазирлиги бир ҳафта муддатда "Ўзавтосаноат" уюшмаси ва бошқа манфаатдор идоралар билан биргаликда "ЎзДЭУавто" АЖ маҳсулотларининг нархларини келишиб олиш тартибини ишлаб чиқсин ва тасдиқласин.

3. Комиссия:

мунтазам равишда истеъмол бозори (республика ҳудудида ва унинг ташқарисида)нинг конъюнктурасини ҳамда "ЎзДЭУавто" АЖ маҳсулотларини ишлаб чиқариш харажатларининг ошишига (камайишига) таъсир қилувчи омилларни, шу жумладан "ДЭУ" автомобиллари деталлари ва бутловчиларини ишлаб чиқарувчи қўшма корхоналар ташкил этишнинг таъсирини ўрганиб борсин;

Корея Республикасига бориб, корпорация томонидан ишлаб чиқарилаётган автомобиллар бозоридаги нархларни шакллантириш ва тартибга солиш соҳасидаги ДЭУ корпорацияси тажрибасини ўргансин;

автомобиллар ишлаб чиқаришда қўлланиладиган бутловчи буюмлар ва материаллар учун жаҳон нархлари суръатларини ва уларнинг ўзгариш тамойилларини таҳлил қилсин.

4. Мазкур қарорнинг бажарилишини назорат қилиш Ўзбекистон Республикасининг Бош вазири Ў. Султонов зиммасига юклансин.

Вазирлар Маҳкамасининг Раиси                                            И. Каримов